اتقبض على ناس في مظاهرة
اظن التظاهرة التدوينية مش شغب ولا حاجة
رجاء من كل المدونين وضع هذه الأغنية في مدونتهم:
يا قبضتي دقي على الجدار
لحد ليلنا ما يتولد له نهار
يا قبضتي دقي على الحجر
لحد ما تصحي جميع البشر
مش فاهم اللي حاصل
لكن بقلبي واصل
واللي مش فاهمه عقلي
بتشرحه السلاسل
يا قلوب بتنزف دم في العتمة
يا قلوب بتنزف دم وتغني
سجنوكي والكلمة
غصبن عنها وعني
طلعت من القضبان وم الاسوار
الاكواد بتاعة الاغنية اهه
رجاء تبقى شعار المدونين في الوقت اللي بيتعرض فيه كل صاحب رأي - على اختلاف انتماءاتهم - للظلم
الاكواد بتاعتها في الموقع ده
كنت اخدتها من غزالي
تصحيح اللنك
http://www.mp3asset.com/swf/mp3/minime.swf?myid=1575758&f=3
تحديث
13 comments:
والله انا نزلت للمظاهره في الميدان و انتظرت على قهوة وادي النيل الساعه جت 5 لاقيت واحد معرفش رتبته( لابس ملكي) جه اخدني من مكاني و اتنين مخبرين بيشلوني و بترمي فمكوباص ازرق في ايه في ايه استلموني اسئله اسمك , ذقنك طويله ليه , لنت من بتوع كفايه بقي طب هنشوف , مترد وحيات اممك ....
و بعدها بسعتين من الاسئله و الاهانه سابوني على شرط انني اتجه للمواصلات و على بيتنا بدور على اعضاء كفايه مفيش حد الميدان فيه عساكر بس كانوا فين كفايه بقي قلولنا ميدان التحرير عشان يروحوا عند زقاق حزب التجمع و ننضرب و ننهان احنا في الميدان ؟
يعني الناس ما نابهمش من تحت راس المظاهرة غير الزحمة ووقف الحال؟
هههههههههه
معلش
ايه رأيك في موضوع المظاهرة التدوينية؟
فكره كويسه
بس عايز ال html كود بتاع الاغنيه
عشان تكون فمدونتي اصلها جامده
عليك وعلى
غزالي
هو اللي بيفهم في الحاجات دي
انا تكنوفوبيك
اعمل
view source
ح تلاقيها تحت فوقيها كلمة محبوسين بلا حدود
انا شافة ان دة احسن نوع من انواع المظاهرات لان لو حد وقف فى مظاهرة ممكن ميسلمش من بلاوى كتير ربنا يستر على الناس
تخيلى لو كل منفتح مدونه نلاقيها شغاله؟ فكرة جامده يا زعيمة الجبهه :)
نوارة ياريت تبعتلى الكود الصحيح على الاميل دا
tamer20011@hotmail.com
لان السورس كود المرتبط بالينك الفى تدونتك غير نشط
تسلمى نوارة على ارسالك للكود
وكود انا وضعتة فى تكست تقدر تنزلة من على الينك دا
افتح التكست وعمل كوبى للكود الموجود
وعملة بست فى المكان العايزة يظهر عندك فى البلوج
http://www.linux-fr34k.com/Soka/Blogger/Cod.rtf
لأ واحدة واحدة علي عشان أنا معاقة تكنولوجيا
طيب اللبنك ده أحطه فين عشان يشتغل أول لما حد يدخل ع البلوج؟
أنا بأستعمل وورد برس
نصيحة يا أهل الخبرة
emo
التظاهرة اللي في الشارع مهمة
وهي حق مدني من حقوق المواطنين مدام بيعبروا عن رأيهم بشكل سلمي
لكن أنا فكرت ففكرة التظاهرة التدوينية كحل مكمل وليس بديلا عن التظاهرة اللي في الشارع
believer
زعيمة؟ انت ح تلبسني تهمة؟
حنتكلم
اشكرك جدا على اللنك اللي انت عملته
نورا يونس
ما لقتيش غيري اللي تسأليه؟
ده انا باتكعبل ع الكي بورد
بصي انت تفتحي اللنك
وتاخدي كوبي من الاكواد
وتبعتي للشرقاوي تقولي له البتاع ده اعمل فيه ايه
عشان هو اللي ورد برس
انا مش فاهمة حاجة اساسا في البلوج سبوت عشان افتي لك في الورد برس كمان
ههههههههههه
Post a Comment