يا صلاة النبي
أخيرا المعارضة المصرية توحدت على حاجة
وحاجة مهمة فعلا
حزب العمل - الاخوان - الاشتراكيون الثوريون - كفاية
كلهم عاملين بيان ضد التعديلات الدستورية
للي ما يعرفش
التعديلات الدستورية الجديد بتنص على استبدال قانون الطوارئ بقانون مكافحة الارهاب
ده بقى ح يخليهم مش يفتشوك
يفلوك لا مؤاخذة
ولو ظبطوا قملة ح يحللوها
ومش بعيد تطلع القملة تبع القاعدة
وتتشنير يا قمر عشان بتؤي إرهابيين في راسك
في اي لحظة يدخلوا بيتك ويفتشوه
حاجة ايه فل الفل
يعني كنت لسة باقول خايفة يجي يوم ونتحسر على قانون الطوارئ
وقعوا عشان اليوم ده ما يجيش
32 comments:
Only 23 signed the petition... Maybe people are afraid to leave the IDs??
نوارة انا هاوقع
بس يارب مش بعد ما الناس كلها تقول لا يطلع نتيجة الاستفتاء 99.9% بالموافقة زى كل انتخاباتنا
يالا احنانعمل اللى علينا علشان يوم القيامة اما ربنا يحاسبنا ويسالنا احنا سكتنا عن الظلم ليه هنقول احنا رفضناه بس الدستور اتعدل غصب عن الشعب
هنستناكى النهاردة
نوارة
انا مش مختلف معاكى فى كلامك لااا انا موافق على كلامك واكتر كمان
بس التوقعات على السيت دا غير مجزية ولا هتقدم ولا هتاخر شىء انا مش بقول كدا يا جماعة علشان احبطكم يعنى . بس دى حقيقة ولزم نفكر بشكل واقعى .
العايز يا جماعة يشارك بشكل ايجابى ينزل فى التصويت على التعديلات ويقول لااا ويمكن الشىء دا اليحتسب ودا الشىء الممكن تتسئل عليه يوم القيامة كما اوضح زميل مصر هى امى
لكن موقع غير موثق من اى جهة رسمية مباشرة ملهوش اى سلطة فى التاثير على اداء الرفض للتعديل او الموفقة عليه يبقا كدا بتوقعة على خيال
انونيمس
بقوا خمسة وتلاتين
انا متضايقة قوي
من ساعة ما حطيت الموضوع دخلي حوالي تلتمية ما وقعش منهم غير حاجة وعشرين
الناس خايفة من ايه؟
لو اللي وقعوا ح يبقوا عشرة الاف مثلا الحكومة مش ح تقدر تعمل حاجة لعشرة الاف
لكن لما يبقوا مية وللا متين ممكن لو عايزة تئذيهم ح تئذيهم
احنا حنبطل امتى نبص تحت رجلينا؟
مصر هي امي
ح احاول اجي بس مش متاكده اني ح اقدر ورايا حاجات كتير
حنتكلم
لا يا عمي انت كده بتحبطنا
عشان انت عارف ان الاستفتاءات بتتزور
دي وثيقة في ايدنا عشان نثبت اننا مش موافقين على التعديلات دي
ودي لها مصداقية اكتر من الاستفتاء لان انت عارف الاستفتاءات زي ما مصر هي امي بيقول
99,99 %
لا لازم نوقع عشان يبقى دليل على رفضنا لو الحكومة لعبت في الاستفتاء
وطبعا ح ننزل ونصوت ضد الاستفتاء
والله يا نوارة ما اقصد احباط وانتى عرفة ان كلنا بنسعى لهدف واحد وبنولول على الكى بورد علشان ايه .
لما يكون ملحوظ فى الاستفتاء والتصويت ان عدد القالو لااا ملحوظ ورغم كدا يكون فى تزوير اكيد الدنيا مش هتقعد المرة دى , لان ممكن اكتر من جهة موثقة فعلاً ومن القضاء هيرفعه دعوة بمراجعة اوراق التصويت مرة تانية .
وبعدين كدا اوكى لو فى دعم من خلال السيت ونفس الدعم دا هيتواجد فى تصويت الفعلى يبقا كدا موضعك هادف
بس يا نوارة حضرتك ذكرتى المعارضة المصرية وجزب العمل والاخوان والاشتراكيون الثوريون وكفاية , وعدد الفوتنج فى السيت 37 بس .
والله كمان مرة مش بحبط بس بتكلم فى شىء ميعديش كدا والسلام
وانا اسف يا نوارة
ياااااااااه همه لسه في القصه دي :) انا امتحنت و خلصت و نمت و صحيت و اتخرجت و اتعينت و اشتغلت و قبضت و قربوا يصرفولي المعاش و همه لسه بيغيروا الدستور ؟؟ هيه الكفوله كبيره عليه ولا ايه ههههه
خمسة و أربعين واحد بس
يا مسهل يا رب
تحياتي لكي و لكل فتاه و امراه في يوم المرأه العالمي مع تمنياتي بتحسن أحوال المرأه في جميع الاقطار العربيه
أنا قلت أهني رغم اني عارف الظروف عامه اللي احنلا فيها مش مساعده علي حاجه
بخصوص التعديل الدستوري تفتكري اللي حيصوت بالرفض حيعرفوه بال
ID?
تحياتي لكي
ma ana 2olt abl keda ya bent 3amy enohom haye3melo edara le 7'atf el mawatenen we ma7adesh sada2ny
أنا شايف إن كل حاجه بتتعمل، مصدر قوه مش مصدر ضعف، حتى لو ملهاش تأثير دلوقتى، أكيد مع الوقت و تراكمها حتأثر أكتر
معلش يا نواره .. المره دى مضطر أكون كئيب قوى .. معارضة أيه يا ماما اللى اتوحدت ؟ و هى من أمتى الحدايه بتحدف كتاكيت ..؟ يا أختى العزيزه المعارضه لما تحزق على الآخر و تجيب تراب من ... مناخيرها .. فى الآخر هم ربع المجلس الموقر بس .. يعنى تعديلات الدستور هاتتعمل هاتتعمل .. الناس مش خايفه .. الناس يائسه .. معلش بقى دى الفكيره الجديده اللى يبلغونا بيها أن لسه فيه معارضه و ان قال يعنى رأى الأغلبيه هو اللى بيعدل الدستور .. لا مؤاخذه فى كلمه قبيحه قوى على لسانى بس مراعاة لأن حضرتك هانم موقره مش قادر أقولها .. بس المثل بيقول اسمها أيه أن تابت .. مش عارف تعمل أيه
المعارضه ( بالضاد أو الصاد ) من الأول ديكور .. و الصفقات معموله و متستفه من زماااان قوى .. و اللى فكر يخرج عن الأتفاق الأساسى صادروا أمواله و رفدوا العيال بتوعه من الجامعه
سلامات يا معارضه .. و النبى ماتتفائليش قوى كده
باقولك أيه .. ؟ أنتى مش كنتى كئيبه و كويسه ؟.؟؟ خليكى زى مانتى .. نامى ياماما .. ناااامى .. ناااامى
123 Signatures Total
طيب السلام عليكم ورحمة الله وبركاته...
لية الياس المنيل دة؟؟
طيب ما نقول للناس يعترضو ازاى افضل...
مفيش شئ اسمة ياس ومفيش حاجة اسمها مستحيل غير فى عقول الاغبياء بس...
يا جدعان مرة واحدة بس قولو ممكن مرة..
واحدة بصو للنور مرة واحدة وبس
يا عم أيه اليأس ده؟ هو ده اللى هما (هما دول ناس اكتير على فكرة) عايزينه، عايزين ناس يأسه و معندهاش أمل، يا إبنى طول ما إنت عايش يبقى فيه أمل
هى فين امل بدور عليها مش عارف راحت فين اليشوفها يقولى
نوارة
203
واحد وقعوا لغاية دلوقتى
المفروض انى استنى بتوع امن الدولة ولا المباحث بأه
طبعا اول ما يتقبض عليا هقول عليكى على طول
شوفى بأه اما مصر يتقبض عليها الناس التانية هتعمل ايه
مظاهرة بميدان التحرير الخميس 15 مارس للتعبير عن رفض التعديلات الدستورية
http://kefaya7aram.blogspot.com/2007/03/15.html
ههههههه.بقى كل همنا قانون الطوارئ...يالا يامسهل اول الغيث قطرة عقبال ما يتجمعوا في المعتقلات
ياسيدتى الفاضلة
ارسلت اسألك لماذا اسميتى مدونتم بهذا الاسم؛ليشارك فى تحقيقى الصحفى
انتظر ردك على ميلى فى اقرب فرصة
oheb_hegabee@hotmail.com
نواره مش هاقول غير كلمه واحده انسى و خد البنسا والى عاوز يقول على متسائم يقولو الى عاوز يقول خانوع يقول بس معلش يعنى ياما اتهرينا توقيع على عرائض و مقالات وتعريصات ولا حصل حاجه يعنى معلش الضرب فى الميت حرام ومن الغباء ان الناس تتعلق باشياء واهيه ولا هتعمل حاجه هو بس يعنى الغرض منها اننا نقول ان احنا موجودين و هنقول لا بس لو دققنا النظر هنلاقى اننا مش موجودين بردوا لان ده اخرنا نتكلم نرغى نجعجع نمضى على تهجيصات على النت اما ساعه الجد و ساعه المظاهرات و ساعه المواجهه كله يفر من المعركه ده اذا اصلا نزل لارض المعركه ده احنا بنتريق على الى بيعملوا مظاهرات وبنقول عليهم مجانين تقوليلى نمضى على شىء مش موجود اصلا زيرو واحد زيرو يعنى حتى التوقيع ده مش واقعى و لا حقيقى ده صفر واحد صفر بلغه المصفوفه او الحاسب الالى بقولك ايه خشى نامى احسنلك خلاص احنا وصلنا لمرحله اننا لازم ننزل الشارع و نقوم بثوره او باحتججاج مادى وملموس اقل من كده يبقى يبقى اسمه تعريص و كدب على نفسنا سلام.يحيى
الأخ يحيى .. صح .. و عفارم .. و البدايه أعتقدها من أضراب قضاه ..وراه محامين .. يليه مهندسين و صحفيين .. و طبيعى هايلحقهم كلهم عمال .. ولو العصيان المدنى استمر فقط 48 ساعه .. أأكدلك هشاشة الفساد .. و أقسم يأغلظ الأيمان أن النظام اللى معذبنا بكل أشكال الجبروت ماهايستحمل يومين عصيان مدنى .. من غير عنف و لا تخريب .. مجرد عصيان مدنى من الفئات الأساسيه للمصريين .. و اتفرج على الحركه .. الله ينور عليك .. مش تقولى عرايض و مظاهرات خنافس
اصحى يا نواره و شوفى العصيان المدنى يتعمل ازاى .. و ساعتها أيدى على كتفك و أبقى فى منتهى التفاؤل
مش هقول غير جمله واحده الثوره البرتقاليه والى ما يشترى يتفرج .يحيى
قانون الطواريء بيدي صلاحيه بالحاجات دي واكتر
http://www.a-hetlar.com/index.php?name=pages&pageid=2
اقري القانون كويس
أحمد هتلر
www.a-hetlar.com
معلومه صغيره للسيد الفارس الاخير هو اصلا ما فيش حاجه هتقوم لا عصيان و لاطاعه لان الشعب فى الطراوه يعنى احسنلك تروح حفله شاكيرا ماهى اصلها جايه تهز فى مصر ماجايب السيد نجيب ساويرس ومعلومه انا بحب شاكيرا و مش بضحك بس معلش اخت شاكيرا الوقت غير مناسب للمجىء لمصر بس عموما ماهو برده الشعب عاوز كده يعنى تلاقيه عمال يشتم فى امها وام الى جابوا شاكيرا و اول ما تهز المصلحه تلاقيه كله تنح و برق و قعد يتفرج ولذلك نستنتج ان ده شعب منافق ولن يقوم له قومه اخرى لفتره من الزمن وياريت كل عنترى او اى حد من بتوع مصر لسه بخير و دول قله قليله مغرضه يحلوا من على امنا شويه.يحيى
عفوا أستاذ يحيى ... أسمحلى أختلف معاك فى النقطه الخاصه بطبيعة شعب مصر .. و استشهد بحركات العمال الأخيره .. ببساطه لا حزب ولا حركه ولا بتنجان .. الناس من مجتمع صناعى واعى .. عرفوا مصالحهم و اعترضوا بسلام لحد ما حققوا مصالحهم .. عفوا .. الشعب مش خايب .. الشعب مغيب .. المسؤليه الأولى على القيادات أو ما أفضل تسميتها بالقوادات اللى غيبت الناس
عشان كده رأيى أن القضاه بيمثلوا فى ضمير الشعب القياده الموثوق فيها ألى حد كبير .. و لو جتلهم الشجاعه للعصيان المدنى هايتبعهم كتير جدا .. المصريين مازال جواهم طاقه للحركه و الحياه .. فقط بانتظار قياده موثوق فيها
و للأسف كل أحزاب و حركات المعارضه ( بالصاد أو الضاد ) مشكوك فى أساسها و أغراضها و خلينى مؤدب و كفايه كده
همم ممكن بس انا مش حاسس بكده يمكن انا نظرتى ضيقه الى حدا ما مش عارف عموما ممكن القيادات هى الى مزيفه بس انا قلت الى حاسس بيه.يحيى
وكمان انا حاسس انه فى ازدواجيه عند الناس و دى مسببه مشاكل كتيره للمجتمع وهى موجوده عند كل انسان حتى انا شىء محير بس عموما كويس ان حضرتك اعجبت باحد افكارى لان معظم الى فى سن حضرتك بيبصولنا على اساس اننا شباب تافه ومن اولهم والدى يعنى شكرا مره اخرى و هبقى ازورك فى مدونتك.يحيى
العزيز يحيى
أنا اتعلمت منك .. أياك يا أخى تتخيل أن رأيك ممكن يكون أقل فائده من رأى من هو أكبر منك سنا .. و بالعكس .. جيلكم فعلا يفرح .. و انا عن نفسى متفائل بيه .. هاتغيروا كتير .. يمكن التجربه و العمر بيفرق شويه فى مسألة الرؤيه الواقعيه و المثابره .. لكن رأيك و رأى جيلك فعلا أهم بكتير من آراء العواجيز اللى لأمثالى .. و أكرر أنا اتعلمت منك
ألا بالحق .. هى فن الأستاذه صاحبة المدونه ؟ هى ماصدقت قلتلها نامى راحت نايمه ولا أيه ؟
لازم نوقع يا نوارة لازم
ويجب ان نجعلها حمله كبيرة كمان
اتمنى من الجميع التوقيع و النشاط و نشر الدعوة للتوقيع و اظهار عدم الموافقة من شريحة كبيرة ايضا
اخى والزميل العزيز lastknight
مازلنا نحن الشعب الشاكي الباكي الضعيف الجاهل المستعطف الاناني الجبان الانفعالي المظلوم المهزوم
ثم اننا لا قيمة لنا في العالم الحالي ولا يوجد مايسمي بأن نبني انفسنا بانفسنا
الكفاح الذاتي من أجل التنمية والحرية هو سراب
طالما ان الدكان المباركى يبيع التنمية والحرية بالقطارة
فين نوارة من يوم الجمعة ؟؟؟!!!
Post a Comment