Friday 5 November 2010

احنا حنفضل ساكتين بقى على البلطجة الانتنرنتية دي؟

ايه بقى؟ يعني هم حيهزمونا بالبلطجة بتاعتهم دي؟ انا سألت جيمي وقال لي الهجوم على السيرفر ده شغل على تقيل قوي خارج عن سيطرتنا احنا
بس فيه ستميت وسيلة نفضحهم بيها
اولا جيمي اقترح انهم يقدموا بلاغ بس هم شايفين انهم حيشتكوا الداخلية للداخلية؟ 
طيب، احنا ما ينفعش نبلغ
ما ينفعش حد يعمل تريسينج للجهة اللي بتعمل كده ويعرفها لنا ونهيك عليهم بدل ما يهيكوا علينا؟
انا طبعا باهلوس انا مافهمش في الشغل الفني، لكن دي مجرد اسئلة، لو حد لقى ان السؤال خزغبلي مايهزأنيش، مجرد سؤال يا كابتن
طيب مافيش حاجة نعملها؟ اصل مش معقول يعني، اكيد فيه حاجة تتعمل
لو سمحتوا اللي عنده اقتراحات سيبهالي هنا في التعليقات، اي اقتراح ما يستهيفش اقتراحه، سواء اقتراح له علاقة بالدعم الفني، او انشالله يبقى هاكر ويقول لنا نعمل معاهم ايه، او حتى وقفة احتجاجية لقراء الدستور، او سندوشتات حلاوة بالقشطة
اكيد فيه حاجة تتعمل يعني، مش ممكن يعني جهاز دولة بحالة ماسك موقع وعمال يعمله بسيسة واحنا بنتفرج
للدرجة دي الموقع ده خطير؟ يعني الموقع ده دونا عن الفيس بوك والتويتر والمدونات والجايكو وكل الحاجات دي ده بالذات اللي خطير لدرجة انهم يصرفوا الفلوس دي كلها عشان يمنعوا الناس تقراه؟
طب وهم حيشنقونا ونسكت لهم يا ريا؟
نعمل اي حاجة.. اللي عنده اقتراح يتفضل

25 comments:

The Infernal said...

أنا مليش في الحاجات دي بس ممكن لو شلتو الصور مؤقتا الحمل على السيرفر يخف

ولاء نابلسي said...

أرى أن تنشؤوا أكثر من مدوّنة متشابهة وتكتبوا المقالات عليها وتنشروها, أعتقد أنّه من الصعب أن يقرصنوا أكثر من مدوّنة. الأمر سيكون صعباً عليكم ولكن أعتقد أنّه أحد الحلول المطروحة حيث يمكن للقارئ قراءة المقالات, فالمهم هو كلمات المقال لا أين يمكن أن يُقرأ, وببعض الجهد يمكن الترويج للمدوّنات وأن يصل إليها الناس

ولاء نابلسي said...

تنشئوا

Unknown said...

علشان تعرفوا قد إيه إبراهيم عيسى والكتيبة اللى معاه مؤثرين، وكلماتهم أقوى من طلقات الرصاص. ربنا ينصركم

مواطن مصري said...

طيب الهاكرز دة قرصن على حقوق

الملكية للصحفين الي كتبو المقالات

جبهة ابراهيم عيسي

لية الصحفين و النقابة متعرفش

قضية بأن السيد البدوي

و ادوارد تعدو على حقوق ملكية غيرهم

و أظن ادوارد مش هيقدر يقول ساعتها

بان المقالات الي نشرت على الموقع

الجديد بتاعتة و بكدة تبقى قضية

حقوق ملكية الفكرية و سرقة مجهود

الغير

انا شايف انكم كصحفين و كتبتو مقالات

جديدة على الموقع الجديد ترفعو قضية

على رضا ادوارد بأنة سرق حقوق

الملكية الفكرية و طالبو

أنكم تستردو الموقع و المقالات

بتاعتكم دة الحل الوحيد و دي

تعتبر ضد حقوق الملكية الفكرية

مواطن مصري said...

بتكلم جد يا نوارة و انتي و الصحفين

اطلبو من النقابة ترجع الموقع و

مقالاتكم بصفة حقوق الملكية و طالبو

بتعويض من رضا

الوصيف خالد said...

نوارة كنت عايز أقترح اقتراح لو تكرمتي

أنا ليا واحد صديقي مبرمج محترف ومتقن لآليات الاختراق وآليات صدها. هو من سوريا وهو المشرف على منتدى بيتبنى حرية الرأي ولإن فيه شيعة كتير وملحدين ويساريين زي حالاتي وما إلى ذلك بيتعرض لهجمات يومية وهو قادر على صد كل الهجمات من أكتر من أربع سنين

هو ميوله ليبرالية ومعادية لليسار لكنه مناهض لكبت حرية التعبير بكل أشكالها

لو انتي شايفة ده مناسب قوليلي أرجوكي وأنا أتكلم معاه وأشوف إيه الخدمات التقنية اللي ممكن يقدمها


تحياتي لنوارة أجدع ناس بنت أجدع ومناصرة صحفيي الدستور أجدع ناس

yasso said...

اي دوماين ينفع يا ستي,يعني aldostor ,dostor-masr , eldostor اي حاجه بس الموقع يستمر

كمان لو ممكن يعني ومافيهاش رزاله ممكن كتاب الدستور يتنشرلهم من موقعنا هذا ( البلوج بتاعك )
و استمري انتي في الكتابه على كل حال
مش هايبقى موت وخراب دماغ

Unknown said...

نوارة خلي القائمين علي موقع الدستور يتلصلوا بمختص
الموقع حيشغل حلاوة
هجمات حجب الخدمة مقرفة ومرهقة
خليهم يروحوا لمتخصص لان العملية مش سهلة
يقدر يهاجم الي هو عايزة في اي وقت
ببساطة طلما نوي علي حجب الخدمة
يبقي لازم جهاز هاردوير وسيستم ادمن متمرس يعرف يسيطر علي الوضع
ويخلي الموقع يشتغل بدون ما يضر البشر

Anonymous said...

SA
i dont know who is hosting you web site, but if it is Egyptian you should transfer to an international and strong web hosting services, like fat cow or equal
fatcow.com

alwad

Anonymous said...

you should use powerfull web hosting and to outside egypt so they can trach thr hackers
like
fatcow.com

alwad

Mohamed omar Zaian said...

ana 3andi ektera7 3ashan moshkelet el DDOS attack ele 3ala al server

soreal said...

غيرو الهوستينج سرفيس للموقع.. و ياريت تكون الإضافه في بلد أجنبي من اللي عندهم قوانين حمايه أنتيرنيتيه

حمايه الموقع لازم تكون مسوءوليه المضيف (شده علي علي ألياء) مش صاحب الموقع...
إ لا بالطبع أذا كان هو مدير سيرفيروه...
وقتها يبقي مسئوليته يحدث الاوبرييتينج سيستم و يركب برامج لحمايه اللي تناسبه...


أنا ممكن أساعد... بس مانيش محترفه...

Mohamed Hassanien said...

تحياتي اخت نوارة. الامر يعتمد علي نوع الاختراق. و اعتقد تبعا لما فهمت بانهم يضغطون علي موقعكم بدخول وهمي. من الافضل في هذه الحال ان يتم اضافة تاكيد يدوي بصورة رقميه.وهو يستخدم في كل المواقع المحمية. هذاسيوقف هذا الاسلوب تماما. فعلي القارئ عند دخوله ان يؤكد بانه انسان بان يدخل ارقام او حروف الصورة. ايجاد برنامج لكسره سيعوقهم كثيرا جدا. كما انصح بتامين مشرف الموقع لكيفيه دخوله جيدا. اغلاق هذا الباب كهاكر سيرهقهم جدا. تحياتي.

Mohamed Hassanien said...

تحياتي اخت نوارة. الامر يعتمد علي نوع الاختراق. و اعتقد تبعا لما فهمت بانهم يضغطون علي موقعكم بدخول وهمي. من الافضل في هذه الحال ان يتم اضافة تاكيد يدوي بصورة رقميه.وهو يستخدم في كل المواقع المحمية. هذاسيوقف هذا الاسلوب تماما. فعلي القارئ عند دخوله ان يؤكد بانه انسان بان يدخل ارقام او حروف الصورة. ايجاد برنامج لكسره سيعوقهم كثيرا جدا. كما انصح بتامين مشرف الموقع لكيفيه دخوله جيدا. اغلاق هذا الباب كهاكر سيرهقهم جدا. تحياتي.

يمكن بحر said...

إزاي ممكن نتواصل ، أعتقد إن ممكن يكون عندي حل إن شاء الله
أنا بعت لك رسالة على الفيس بوك يا ريت تقريها

Unknown said...

السلام عليكم ورحمة الله وبركاته
للأسف الشركة المستضيفة هي اللى ممكن تعرف الجهة المُهاجمة ولو إن ده مش بالضرورة يحصل.
على أية حال شركة الهوست لما بتتعرض لهجومات زي دي بيكون لصالح السيرفر على المدى الطويل لأنها بتحط حمايات إضافية على السيرفر وبتحرص أكتر من الجهة اللى حصل منها الهجوم.
إلا أن الهاركر ممكن يعمل الهجوم من أي مكان في العالم وهو في مكانه لكن المُحصلة إن مع الوقت المُحترفين القائمين على حماية السيرفر هياخدوا احتياطاتهم وده هيحصن سيرفرهم مع الوقت.

كنت بعت لإخوانا في الدستور قبل ما تحصل المواضيع دي وقلتلهم إني متوقع حرب عنيفة من النوع ده لكن للأسف هما مش في إيدهم حاجة.

كمان استغربت امبارح لما لقيت إنهم غيروا اسم الموقع...الهجوم مش بيكون على اسم الموقع ولا على سيرفر اسم الموقع لأنهم ميقدروش على المسألة دي.
الهجوم بيكون على محتوى الموقع من بيانات وخلافه .. وحل المشكلة دي سهل .. إن يتم استخدام أكتر من سيرفر كلها تكون بتشاور على اسم الدستور .. ولما واحد منهم يقع لأي سبب سواء هاكينج أو خلافه يتم اللجوء للسيرفر أو السيرفرز البديلة فوراً وبكدا ممكن ميحصلش توقف أبداً أو في أسوأ الأحوال بضع دقائق.
هو ده الحل الأسرع والأفضل لأنه الهاكرز بالتأكيد لن يهاجموا 3 أو 4 سيرفرات في نفس الوقت.

Mohamed Hassanien said...

كما احب ان اضيف يا نوراة بان الشركة التي تحوي السيرفر و التي اميل لان تكون اسبانيا يمكن ان تقدم هذه الخدمه جاهزة. والاتصال بهم لمعرفة خدماتهم الامنية الاضافية خطوة جيدة. فالسيرفر علي ملعبهم تماما. و علي اسوا الفروض، من السهل دائما ان يقيم الانسان موقعا بجهاز ثابت وخط دي اس ال منزليا. ولاستخدام نفس اسم الموقع من الممكن استخدام ما يُسمي dynamic DNS
الحلول كثيرة جدا. لست املك فكرة عن وجود شخص تقني لديكم فاذا ما كان ابلغيه فضلا كلامي

ميلودى سبورت said...

http://dostor.org/

الموقغ شغال من روسيا يارجاله انا دخلت عليه وشغال

Unknown said...

برينت بيدجز للهاكرز و تجريسة بقى
اللى يعرف يجيب اى حاجة عنهم يباصى و احنا نجرس اللى جابوا اهله

اى معلومة عنه ان شالله مقاس ال...شراب بتاعه

Unknown said...

الحل الوحيد - كده م الآخر - ومن غير أى فذلكة عبيطة وملهاش أى لازمة - هو أن تتم إعادة إنشاء الموقع بالكامل على خادم (سيـرفر) خارج مصر - وليكن فى أمريكا مع اشتراط تولى الخادم مسألة حل مشكلات القرصنة على موقعكم ضمن التكاليف التى سوف يتم دفعها عند الاشتراك - وهذا يتكلف طبعاً بعض المال الإضافى على تكلفة الاشتراك الأساسية وطبعاً الاشتراك السنوى سوف يكون أرخص من الاشتراك الشهرى أة نصف السنوى - والمفضل أن يكون هذا الـ سيـرفر (الخادم) الجديد من النوع الحديث المعروف باسم (سيـرفر شبكات السحاب = كلاود نت ووركنج) إللى ملهوش أى مكان محدد بالضبط (أى أنه يعمل بطريق لا مركزية فى التشغيل على كل الشبكات التى هو جزء منا فى العالم كله) وبالتالى سوف يستحيل تماماً على السادة المخبرين تماماً تعقبه أو تجميد نشاطه أو حجبه عن الظهور - اللهم إلا إذا تدخل الملك حسين أوباما شخصياً ضدكم - يعنى ! - وخللى بالك المدونة بتاعتك يا ست الكل بيدخل عليها بعض السادة حبايبنا جداً من المـُخبرين الأفاضل لوضع تعليقات شديدة الأخوية والتعاطف معكم - أنا مش بهزر - راجعى المسارات بتاعة زوار مدونتك وسوف تعرفين ماذا أريد أن أقول - ويعض السادة المخبيـرن الأفاضل وبعض السيدات المخبرات الفضليات إياهم من بلاد عربية - ونازلين محبة فيكى لغاية ما تزهقى م الحب إللى عمال على بطال ده من عينة الله ينصركم وخلافه - والباقى سعادتك فاهماه بالتلميح ولا حاجة بك إلى التصريح - وطظ فى كافة المخبرين والمخبرات - واتفوووه عليهم حميعهم - وجميعهن

ahmed said...

واضح ان الهجوم من نوع ال
Ddos
فلود بيحصل على السيرفر يوقعه
جزء من الحل بيكون بتركيب فايروول داخلي
زي CSF
وفي برامج السيستم ادمن بيركبها بتفلتر النوع ده من الهجوم وتقلل اضراره بس لو فلود محترم مفيش سوفتوير يوقفه
والحل الوحيد يتركب فايروول هاردوير بس بيكون مكلف

انا شايف انكم على سيرفر خاص
ففي حل من اتنين
تأجرو سيستم ادمن محترم من بره يرقد للهاكرز في السيرفر ويتعامل مع النوع ده من الهجوم

تأجرو سيرفر فل مانجد من شركه كبيره زي ليكويد ويب مثلا

Unknown said...

First of all, I'd like to say that I don't really know much about virtual servers or cloud hosting so you should still explore these options.

What I'm guessing is that you're being DDoSed; that is essentially like creating millions of fake users trying to simultaneously access the website at once which puts a huge load on the servers so they lock up or crash,but what puts you in a great position is the fact that your website doesn't aim to provide a service in itself, instead you only want to spread the content. So my advice would be to establish a few trusted, easily accessible outlets to post new articles and stuff and make use of websites such as blogger, facebook, twitter, scribd, etc.. because their servers are their responsibility and they have enough experience and resources to fight off attacks like this and the attackers can't DDoS all these targets at once so you'd definitely be able to spread whatever you want to spread.

In a few days (or weeks, I wouldn't bet on their IQ) they'd realize that this is pointless and would eventually stop at which point you would be able to upload all your previous articles to the website and get it up and running in no time.


P.S
don't use your primary blogger and facebook accounts because I these sites may suspend your account if they suspect malicious activity (flooded servers would make a pretty good reason for suspicion) instead create a few accounts (maybe an account per each writer or group of writers) and announce them here.


P.P.S
If it's not a DDoS attack but normal hacking (exploits, etc...) I'd suggest upgrading your sys. admin. to someone who actually knows what he's doing.

Computer Programmer said...

الحل هو تركيب فايرول سيسكو هاردوير +
تركيب فايرول csf داخلى
وبكده هيمنع الفلود واى شخص هيحاول يعمل فلود على السيرفر هياخد بلوك

Computer Programmer said...

الحل هو تركيب فايرول سيسكو هاردوير
+ تركيب فايرول سوفت وير داخلى

كده مافيش اى انسان هيقدر يعمل عليكم فلود ابدا ابدا ابدا ابدا
على فكره الفلود مش بيكلف الساعه بالف جنيه ولا حاجه
احنا ممكن نوقع سيرفراتهم بردوا ونخرب بيتهم
اسهل ما يمكن الفلود
بس لو اتركب فايرول سيسكو كله هيبقى تمام

سلالالالالالالالالالالالالام يا مس نواره النصر