Wednesday 10 November 2010

محصورا: نموذج للعقود التي توقعها قناة الحياة مع العاملين

انا عايزاكوا تقروا العقد ده، وقد حصلت عليه من جهة موثوق فيها، وتشوفوا الباشمهندز اللي بيشغل الناس بالسخرة كاتب ايه
طبعا ييجي واحد يقول لي: طب والناس توقع ليه؟
الناس بتوقع عشان محتاجة شغل، والناس بتوقع عشان عادة مش بتقرا قوي العقود، الشهادة لله انا واحدة من الناس عمري ما اقرا، بس نصيحة لوجه الله ماحدش يوقع على عقود تاني، اتاري بقى صحفيين الدستور ربنا نجدهم انهم ما وقعوش عقود
وانا باقول للصحفيين اللي راحوا لرضا ادوارد بعد التسوية ما يوقعوش حاجة من غير ما يجيبوا محامي شاطر وثقة يقرا العقد ويقول لهم يوقعوا ولا لا
لبعدين يمضيهم على عقد زي ده 



زي ما انتوا شايفين، الشروط الجزائية على الطرف التاني، اللي هو اللي رايح يشتغل، حقوق الملكية الفكرية، واي شغل تعمله، من حق القناة، مالكش اي حقوق غير المرتب اللي بتاخده، برجاء التمعن في العقد لحد ما افضى له وافندهولكوا بند بند
بس المهم يعني اولا ماحدش يتعاقد مع قناة الحياة، خالص يعني، دي عقودهم
رضا ادوارد ماحدش يمضي له على ورقة بفرة على حاجة، دي ناس تسرق الكحل من العين
ثالثا، الحمد لله ان الدستورجية مش ماضيين عقد وان ابراهيم ما مضاش عقد، لو كان ماضي عقد زي ده كان زمانه اتشيع
طبعا انا مش حاتكلم عن الجانب اللا اخلاقي في العقد، بمعنى اني مش حاقول البيه المعارض بيعمل عقود سخرة 
لان عيب يعني الكلام ده وماسخ، لا هو بيه ولا معارض ولو مش هو اللي يعمل عقود سخرة امال مين؟ 

20 comments:

مواطن مصري said...

انا واحد من الناس لما جيت امضي

عقد عمل مع فودا فون زمان

قرين بنود العقد

طبعا فية مواد مفهمتهاش

بس انا لاحظت أن العقد

فية نقطة و هي أن الوظيفة بتنتهي

بعد اربع شهور و بتجدد و تنتهي تاني

بعد مرور سنة

و من حق الشركة انها تمشيك في اي

وقت من نص الشهر


و تاخد المرتب من ساعت ما يجي

قرار الطرد

و غالباً مش بيجي لأن

انا يومها أكتشفت اني مشوني

من نص الشهر و كملت ل اخر الشهر

و اخدت مرتب نص شهر

دي بمناسبة عقود العمل


و حاجة كمان معظم

تقارير الحكومة عن العمالة

دي كلها كذب لأن نصها صح و النص

التاني غلط

لأن الحكومة بتوظف الناس

مثلاً في شركات الكول سينتر فودا

اتصالات موبينيل و العقد بيبقى

مكتوب فية عقد عمل مؤقت الشركات

مش بتقول للناس تيجي الحكومة

تعمل الدراسات و تعرف كام

واحد اتعين قبل كل مؤتمر حزب

او دراسة الخو بعدها ب

4 شهور تمشية من الشغل طبعا

مش بياخد المرتب كامل بتاع اخر

الشهر لأن القرار بيكون طالع من اول

الشهر و مرتب بيقف بعدها في اول

اسبوع

فالحكومة تقول انها وظفت 4 مليون


بس مش بتكمل و بتقول ان ال 4 مليون

90 في المية منهم مشيو بعد

مرور 4 شهور على توظيفهم غير

الي معاة واسطة جامدة و بيكمل

عشان كدة لازم كل واحد يقرا

عقد العمل بتاعة كويس مرتين قبل ما

يوقع

utopia said...

انتى من هنا ولا من هناك
:)
ده الطبيعى بتاع عقود القطاع الخاص كله:احتكار - -سخرة-شروط مجحفة-شرط جزائى فقط على الموظف
ويبقى كويس قوى لو خد مرتبه اللى مكتوب
كل رجال الاعمال حرامية بلا استثناء

patriotforeve said...

للأسف الشديد يا نواره مش البدوي بس اللي بيعمل كده ,البلد كلها بتشغل الناس بالسخرة

ايه شركة دلوقتي قبل ما بتمضي علي عقد العمل اللي بالنسباله عقد البدوي ده يعتبر فيه امتيازات بيمضوكي علي استقالة ومن غير تاريخ عشان متعرفيش تطالبي بحقك ويقولك والله عاجبك عاجبك اما لو مش عاجبك ففيه مليون واحد يتمنوا يشتغلوا

للأسف الشديد مفيش قانون بيمنع الأستغلال ده وحتي لو فيه فالفساد للركب وخمسين جنيه تخلص كل حاجة ومكتب العمل يسكت

اقولك ايه بس .....حسبي الله ونعم الوكيل

qrique said...

a7a!

ابراهيم عيسي=طه حسين الجديد said...

يا ساتر يا رب
التهتهه قلت جدا في برنامج العاشره مساء

Unknown said...

عادى جدا كل عقود القطاع الخاص كده

انتى اللى واضح انك دلوعة زيادة عن اللزوم

هو بالحق العقد ده بتاع زينب ولا خطيبها؟

Unknown said...

لا يا حيلة امك
العقد ده فورم مالوش دعوة بزينب ولا خطيبها عشان هم اصلا ما اشتغلوش في الحياة

وانا مش دلوعة.. اذا كنت انت عبد وواخد على الذل فده عشان دناوة طبعك

Unknown said...

اعتقد الي حيمضي على العقد دا
حيكون حط لا مؤاخذة في الامؤاخذة

مواطن مصري said...

السيد البدوي: الحزب لا يتعرض لمضايقات أمنية ونجاح القوى (المحظورة) في التواصل مع الشارع دليل
http://www.shorouknews.com/ContentData.aspx?id=332238

ههههههههههههههههه
هههههههههههههههههههههههههه
ههههههههههههههههههههه
ههههههههههههههههههههههههههههههه


اضحكي في السي البلوي

مواطن مصري said...

السيد البدوي: الحزب لا يتعرض لمضايقات أمنية ونجاح القوى (المحظورة) في التواصل مع الشارع دليل
http://www.shorouknews.com/ContentData.aspx?id=332238

ههههههههههههههههه
هههههههههههههههههههههههههه
ههههههههههههههههههههه
ههههههههههههههههههههههههههههههه


اضحكي مع السي البلوي

باحث عن حب said...

نوراه
منوره
والله مفيش امان فى الدنيا
عاوز اسألك سؤال بجد
انتى ازى بتقومى كل انواع الفساده
ده
بجد
انا تعبت
ومش عارف اعمل ايه
بجد احييك على صلابتك

Anonymous said...

يا فندم فيه شركات كتير بتخلي الموظفين يمضوا على استقالة على بياض أثناء توقيع العقد
انتي مش عايشة في الدنيا؟
دا العقد ده مايجيش حاجة في عقود الشركات التانية في جميع المجالات

abdul hamid said...

X ده باين عليه واطى

Eldebug said...

ليه ميبقاش التصويت على الانتخابات زى تنسيق الثانوى كده ؟؟ .. تصويت الكترونى على السايت من البيت ؟؟

mUsLiM said...

الحقيقة من خلال إطلاعي بحكم عملي على مجالات صياغة العقود وما يتصل بها من عقود العمل والعمال

فهذا العقد متوازن وجيد ولا بأس به فى المجمل

صحيح أنه من الممكن إضافة بعض البنود الأخرى لحفظ حقوق العامل

ولكن قانون العمل به من القواعد الآمرة التى تحفظ للعامل القدر الأكبر والأهم من حقوقه

والله المستعان

السلام عليكم

ابراهيم عيسي=طه حسين الجديد said...

عاوزين الفيديو بقي بتاع ابراهيم عيسي بتاع يوم السبت في الدراسات الاشتراكيه
متنسيش والنبي يا استاذه

مواطن مصري said...

العالم مشغول بحرب العملات و ووزير المالية في الطراوة

نوارة يا ريت لو تكتبي او تفهمينا

اكثر بموضوع حرب العملات انا بحاول

افهمة لأن الموضوع دة


خطير و الصين و اليابان بيلاعبو

امريكا و الاتحاد الاوربي

التنين الصيني قادم

الغريبة اني مشفتش

الي تصريح من وزير المالية عن موضوع

دة

بهيج الشرير said...

على فكرة ياأبلتي في ناس شافوا الحاج أبو التعالب ملك الفياجرا وقاهر الهكسوس في السعودية بلباس الإحرام، وكمان شافوا اليفط اللي الحرس بتاعه ناوي يرفعها في الطواف؛ في يافطة فيهم بتقول: إبتعد عن هذا الزول لأنه لا يرتدي شيئا تحت الإزار ويتعاطى الفياجرا في الصباح وهو خطر على المؤمنين

sal said...

كل سنة وانت بخير

إسهال عربي said...

محنا لو كنا منقرا أبل ما نمضي.مكناش ماضينا معاهدات ولا اتفاقيات.إقرأ أبل ما تمضي يا صاحبي ومتبأش...زعيم عربي