Sunday 12 December 2010

كايدة العزال انا من يومي ايوة اه.. ابراهيم عيسى على الجزيرة :P

ان شاء الله حيبدأ يقدم برنامج صالون ابراهيم عيسى على قناة الجزيرة مباشر... والبقية تأتي بإذن الله
خلي رضا ادوارد بقى يكتب جوابات للرئيس ان التلوث البيئي براحته 
وحصوة في عين اللي ما يصلي ع النبي واللي يطق يموت، انا توقعت حاجات كتير الا الغيرة والنفسنة، واكتر حاجة مفرحاني في موضوع برنامج الجزيرة ده ان فيه زملاء حيناموا ما يقوموش من الغل

14 comments:

حسن على said...

خبر حلو جدا, مبروك لابراهيم عيسى وللجزيرة ولنا-محبية- مبروك للجميع

عُقاب said...

خليهم ينقهروا

مش عارف ليه متوحد في متابعة البلوج بتاعتك و قاعد الف على اي ربع فيديو ليكي

يمكن عشان بكره الحلوين الموضوعيين الامامير الدوبلوماسيين اللي مبيقولوش كلام عيب

قال ايه حيادييييييييين
اعلاميييييين


رخوييييين ممسوخين مموهين

ملعون الرخويين عديمي اللون الممسوخين دول

اوعي تبطلي تحيز

اوعي تبطلي شتيمة

بس خلي بالك من الصحة

عشان مفيش كلب يستاهل نعيا عشانه في البلد دي

Nicholas Urfe said...

تحيا قطر,,, هذا البلد العجيب الذي يسحب البساط من تحت اقدام الغول المصري العجوز .. كل الاحترام اذن

(اللهم اخرب بيت اللي جابونا ورا !)

:)

وألف مبروك للمثقف المصري الاصيل ابراهيم عيسى ،،،

Nicholas Urfe said...

اهم حاجة ان امي الست الكبيرة ، فرحانة لابراهيم عيسى و لما قلت لها الخبر وفقعته دعوة زي الفل دلوقتي
:)

إنسان || Human said...

هههههههههه
اللهم صلي وسلم على سيدنا محمد
بس ياترى هايكون البرنامج منين 0من مصر ولا من قطر
حتى لا يتعرض لمضايقات

خالد المصرى said...

ربنا يبشرك بالجنة يا نوارة
بس ربنا يبعد عنه ولاد الحرام
و ميكونش المشاوير اللى الريس متقال عمال يعملها لحد قطر متجيش على دماغ المعارضة و تحيد الجزيرة عن الموضوع
احنا شفنا التغطية الوسخة للجزيرة فى الإنتخابات لمجرد ان البقرة الضاحكة هزت ديلها لقطر

ابراهيم عيسي=طه حسين الجديد said...

الحمد لله
اخيرا
يارب جرنال
يارب جرنال
يارب جورنااال

ولاء نابلسي said...

سيكون إبراهيم عيسى على الجزيرة وسيغرق من أخرجه من السفينة

dr.lecter said...

بيقولك حسني مبارك حط ايده علي قلبه وقال قلبي قلبي قلبي

احمد سعيد said...

بالراحه يانوراة على ابن الحاج ادوارد
برضه الراجل معذور
كتر بلبعه الالترادول عامل شغل عالى معاه

فيه حد يهادى حبايبه الترادول ياعااالم !!

محمد نور الدين said...

ست الكل ألف تحية
الآن تشير الساعة في الجزائر السادسة صباحا وأول ماأدخل عندك قبل التوجه للعمل تقابلينا ب:

حصوة في عين اللي ما يصلي ع النبي واللي يطق يموت
كايدةالعزال
ايه التعابير البلدي يا نوارة عاصبح .علما أنني أفرق بين بنت البلد و التعبير البدي

الله يسامحك يا ست الكل
لك أجمل وأصدق التحيات

Bassem Zakaria El-Samragy said...

ده هيبقى في السنة الجديدة؟

Ahmed Mohamed said...

هوه ليه الصحفي بيتصور من قفاه او وهوه بيتكلم عشان الصوره تتحط علي العمود بتاعه
مره نجلاء قالت انا زعلانه من الي اخد الصوره بتاعتها وهي مش واخده بالها
هههههههه
احنا هنصيع
يعني انتو بتقولو للمصور خليني بتكلم وخد الصوره ولا هوه الي بيعمل كدا من نفسه
حتي نواره نفس الكلام
ومحمد علي خير بيقول للمصور استني لما
اكشر وخد الصوره
وخالد كساب وايمن نور المتأملون في الارض
انا بضرب امثاله ومش بتريق الكلام عن الصحفيين زي ايه برو
:
:
:
انك كصحفي تبقي مجبور يعيني انك تقول علي صحفي مش بتحبه _زميل_والجريده تقول علي الجريده الاخري _الزميله_في حين انكم في كثيرا من الاحوال منفسنين من بعض ومش بتحبو بعض

المهم عودا حميدا يا ابراهيم ادينا هنسمع بدل ما كنا بنقراء
ولا جديد تحت الشمس

Abu Marwa said...

وبعدين بقى احنا مش كنا بنشتم اللي بتكلموا ويذيعوا من بره مصر أو لتليفزيونات غير مصرية (مش قصدي الحكومية بالطبع) ايه الحكاية هو أي حد يدينا الميكروفون وخلاص - طلب ليه مارجعش لساويرس .. ايه الموضوع يانوارة - ياريت بس ماتجيش سيرة ايران في الصالونات اللي هاتتفتح وادينا شفنا أولها مع السيد البرادعي .. اللي مش عايز يترشح للرئاسة وسايب الشعب يختاره!!