Friday 10 December 2010

حبيبي حبيبي حبيبي حبيبي

يا خوااااتيييي يا خووااااااتييييي يا خواتي باحبها... دي حبيبة امها
رضا ادوارد يتحدث عن التلوث البيئي..... برضه
قالك مشاكل التعليم والصحة  والبطالة والمشاكل التي تهدد امها واستقرارها دي كوووووم، ومشكلة التلوث البيئي دي كوم تاني خااااااااااااالص
وقالك عندنا حلول، وياريت تسمع الحلول، وحاقولك الحلول، بس انا عندي حلول، ومش حاخبي الحلول عنك، حاقولها لك اهو... حاقولها لكوا طبعا اذا الوقت ناسب
ههههههههههههههههههههه والله عامل زي السادات بالظبط مش ممكن ايه العسل ده؟ 
وقالك انتخابات مجلس الشعب شيء لا يسدكه عكل على رأي شويكار، ولن يتحدث عنها عشان الكلام عنها بيخدش حياءه وهو ما يحبش الالفاظ النابية 
والاخ رضا ادوارد الاشتراكي ضد رجال الاعمال قراصنة الاموال عايز المثقفين اللي زيه كده، خصوصا ان تزاوج السلطة بالمال اكبر غلط يعني، وهو بقى اللي حينصح مبارك انه يدخل التاريخ من اوسع ابوابه زي ما دخل هو التاريخ من اوسخ ابوابه 
عسسسسللللللللللللللللللللل باحبه باحبه باحبه وايه الاسلوب الطلي الرائق ده؟  الله الله الله... اسلوب عانت فظيع فعلا 
بيقولك: الغريب ان هذه المشاكل لها حلول فورية
طب وايه الغريب في كده يا حبيبي؟ هو الاساس ان المشاكل مالهاش حلول؟ وايه موضوع المرور ده؟ وتعرضت وارسو لنفس المشكلة وتم حلها بنفس الاسلوب... اللي هو ايه؟ 
مشاكل خطيرة تؤدي بالتبعية الى نتائج خطيرة ايضا 
هذا الرجل احبه
اي لاف يو... اي لاف يو .... اي لاف يوووووووووووو
باحبه يالمبي باحبه
سيادة العامل الكادح رضا ادوارد... كلمة واحدة حارد بيها على كل اللي كتبته

18 comments:

Unknown said...

مصطفى بقري

و رحمة ابويا مصطفى بقري

Unknown said...

مشكله التشرد الاطفالى مش موجوده هنا بالعكس ابسلوتلى

Ayman Elkholi said...

أنا أحب أسمعه الأغنية دي بالنيابة عن كل الشعب اللي مستني الحلول البعبرية بتاعت مامته

http://www.youtube.com/watch?v=pc0mxOXbWIU

حسن على said...

اشكر الاستاذة نوارة على اتحافنا بمقال "تابعة قفة" بجد بجد" مقال عانت فظيع محتم فى حتفة" باستعمال القاموس الخاص للسيد قفة.

Unknown said...

بس حلوة "والسلام عليكم ورحمة الله" اللى حطها في نهاية مقاله اللوزعي ده

محمد نور الدين said...

حبيبي حبيبي حبيبي

كلمة واحدة حارد بيها على كل اللي كتبته

أنت رديتي رد لم يخطر على بال ولادة بنت المستكفي
التي كانت تتغزل بحبيبها ابن زيدون
انا متوقع أن اخينا ادوراد مش حاينام الليلة

خالد المصرى said...

this is a better reply
http://www.youtube.com/results?search_query=fuck+you&aq=f

Nicholas Urfe said...

عليه قفلات جمل تجنن !

-----------------------------
اقطع دراعي المقالة دي كلها يا اما عشان اتوبيسات المدارس بتاعت معاليه ، يا اما بيتضايق الصبح وهو نازل بالعربية ،فخطرت له فكرة اامقالة - في النهاية هي مشكلة شخصية عندو ومضايقاه فقالك ما اخليها قضية بلد واهو منها تتحل مشكلتي ومنها ابقى راجل وطني ..

الراجل ده مفاجئ بجد ،،وعانت فظيع بشدة!

اسجنوو يا ريس ده بيشتمك وبيتعدى على صلاحياتك ،دي قلة ادب مانرضهاش ف حقك يا ريس ، اعتقلوو.. وبيقولك ف 3 اسابيع من غير تكاليف .. يعني يا اما بيقول انك مش بتفهم يا اما بيقول انك حرامي .. حطووو ف الاسبتاليا

Ismail Mohamed said...

العيب مش عليه .. العيب على اللي خلاه ينشر اصلا الكلام ده عنده .. هو كتب الكلام ده فين اصلا ؟!!

drkishk said...

طيب ما المعلم رضا يحل المشاكل دي بنفسه ويترشح للرئاسه وان شاء الله هيدخل التاريخ من الباب البحري زي السيد البدوي وسعد باشا وجمال والسادات وبلاش مبارك_ عشان التلوث بس_

ahmedelebyary said...

لما قريت من المقال حسيت أنه خد كتاب عربي من الكتب اللي عنده في المدراس بتاعته و كتب منها المقال ده
بس أول ما شفت الاغنية بتاعه تركان قعدت أضحك ضحك هستيري
هههههههههههه

Anonymous said...

ماتخضيهوش انتي بس وهو هيقول الحل على طول :)

محدش يخضه يا جماعه :))

تحياتي

Nicholas Urfe said...

فإذا سقطت القاهرة ،،،سقطت مصر


رضا بونابرت

واحد said...

اكتب فى ما لايقل عن عشرون سطر
عن مشكلة التلوث

Ahmed Mohamed said...

موضوع تزاوج السلطه بالملوخيه كوم
وموضوع استغلال الملوخيه
في قطع عيش الناس كوم تاني

بس ليه بادي بالراس الكبيره
دا اذا كان اول مقال
عادة رجال الاعمل فاكرين ان ليهم كلمه وان كلمتهم مسموعه
ومش بعيد رجال الرئيس يمنعو عن الرئيس رؤية مثل تلك المقالات
عشان ما يزعلش ويجيله السكر هع هع هع

وبعدين انت بتتكلم عن زعماء مصر الي حكمو مصر (وقعت نفسك يا ناظر)وهوه
سعد زغلول كان حكم مصر

المهم بقي
هل لو رضا ادوارد كان كتب الكلام ده اثناء وجود ابراهيم عيسي كان هيلاقي نفس السخريه دي
ماهو كدا كدا كان هيكونه له عمود دلوقتي او قبل كدا
دا مش بعيد يكون شاري الجريدة عشان يكتب
اوحو بقي يا جماحه
ههههههه

بهيج الشرير said...

والنبي ياأبلتي أنا عندي سؤال! هل ممكن نعمل زي الولية بتاعة السويد ونرفع قضية كده على أبو التعالب ملك الفياجرا وقاهر الهكسوس؟ علشان لما مسك الحكم قال هايمسكه مرتين بس، ومن ساعتها وهوماسكه ومش عايز يسيببه

dr.lecter said...

بكره فيه وقفه احتجاجيه ادام دار القضاء هيشارك فيها كل القوي السياسيه
انا عارف انك مقاطعاهم وانها مالهاش لازمه بس ادينا هنشوف

Unknown said...

ركيك جدا وفى منتهى الركة، فعلا شىء لا يسدكه عكل