Tuesday 2 December 2008

انا برضه مش فاهمة شافيز بيتشتم ليه؟

هو احنا بغبغانات؟ طب امريكا بتشتمه وبتشهر بيه عشان ملودها وممشيها تكلم نفسها وحارق قلبها على شوية البترول اللي عنده، احنا بقى بنشتمه ليه مش عارفة؟ ايه بقى؟ ايه انتهاكات حقوق الانسان وبيقمع المعارضين
ما يقمعهم وللا يغورهم في داهية كل معارضينه من رجال الاعمال، اه انا بقى ديكتاتورية، انا لو وقع في ايدي رجل اعمال ح احشر في مناخيره قرن فلفل واتني قشرة برتقانة في عينه
الامام علي كان بيقول: طالبان لا يشبعان، طالب علم وطالب مال
والرأسمالي ده همه في الدنيا انه يلم فلوس ويحط ايده على اكبر قدر من الثروة، ولو قلت له تحب تحتكر ثروة العالم كلها في ايدك يقول لك يا ريت، طب بالذمة ده بني ادم؟
ثم ان معارضينه اللي عملوا عليه اعتصام في الشارع وكانوا عايزينه يمشي امريكا بنفسها فضحتهم فضيحة المطاهر يوم طلوعه ع المعاش وقالت ايوة انا اللي مسلطاهم فيه حاجة انتوا دلوقت؟ يعني خيانة عظمى
وبعدين يعني هي امريكا اللي بتحترم حقوق الانسان؟ بلااااااااااش، هو صدام لما كان حبيبهم كان بيحترم حقوق الانسان؟ هو نظام الحكم السعودي بيحترم حقوق الانسان؟ هو بس شافيز اللي تف عليه الكلب عشان حارم امريكا من بترول بلده اصلا؟ يعني يا تديني اللي في جيبك وكمان اغرقك بالديون يا ترضى اني اسلط عليك خونة يعملوا عليك انقلاب يا تبقى ابن كلب واشتمك في كل حتة والعالم مليان بغبغانات يرددوا ورايا زي صدى الصوت
وهي دي بقى حقوق الانسان وان كان عاجبك في نهارك اللي مش فايت ده

20 comments:

حـنــّا السكران said...

سيبك من كل هالكلام يا نوارة

انت فاكرة لما حصل انقلاب على شافيز ؟ فاكرة من اللي رجّعه القصر؟ ملايين من الشعب الفنزويلي اقتحمت البلد كلها و حملوا شافيز و رجعوه القصر .. اللي يوصل لعند كعب شافيز يبقى يتكلم عليه .. و معظم خصومه لصوص من الطبقة اللي كل واحد فيهم بيملك قد نص الشعب ..و كلهم كلاب عند امريكا .
ـ يعني نحنا اللي بننشتم بسبب ؟ المريض اللي دخل عندي و شتمني ..شتم ليه ؟ عشان قتلت أبوه؟انا لا قطعت البترول عن امريكا .. و لا قطعت برزق حد و لا خطفت ابن حد ..و لا شتمت حد ..

مواطن مصري said...

شايفز اخر الرجال المحترمين

مواطن مصري said...

على الاقل الحج شايفز سحب السفير الاسرائيلي و طرد السفير بتاع اسرائيل ووقف العلاقات

ahmed said...

للاسف هو احنا كده طالعين مع الطالعين ونازلين مع النازلين وربنا يصلح الحال

عبد الزهراء المصري (علي الحسيني) said...

بسم الله الرحمن الرحيم

اللهم صلي على محمد وآل محمد وعجل فرجهم وألعن عدوهم


والله يانوارة مش بس دي التهمة الوحيدة للمناضل شافيز بل هناك تهمة أخرى وهي أنه صديق لإيران وقال من كام يوم على أحمدي نجاد أنه الرئيس الأخ أو الصديق لا أتذكر بالضبط ....
وده كفاية أنك تبقى من المغضوب عليهم من الإلهة المعبودة من حكامنا وأذنابهم وهي أمريكا والكيان الصهيوني .

***************

الأخ المدون الكريم حنا السكران .... ألف مليون تحية لك ولقلمك ورأيك الراقي ... وماعاش اللي يشتمك وإن شاء الله الايام تكشف هؤلاء الاشخاص على الملأ وتظهر حقيقتهم وأنتظر فيهم يوماً قريباً إن شاء الله ... الله يوفقك إن شاء الله وكل المدونين أنصار قضية نصرة المستضعفين

***********************

عبد الزهراء المصري
علي الحسيني

حروف said...

حلو الموضوع جدا بس لاني جالي اكتئاب بطلت اقري جرايد احكيلي موضوع باختصار عشانابئا معاكي علي الخط كنت بعدي عليكي دايما من غير معلق بس المرة دية قلت مبدهاش لازم اعلق وكل سنة وانت طيبة

tarek momen said...

ماشي .. انا مع رايك
بس معترض انك توافقي علي انه يقمع معارضيه
ده اذا كان فعلا بيقمعهم

فاروق عادل said...

اية دة ان شاء الله نوارة تسيب الجايكو علشان مجرد شخص حقير زبالة مش دى نوارة اللى انا بتعلم منها بقالى تلت اشهر ان المقتنع بفكرة لازم يدافع عنها مهما اتشتم او اتجرح فية بجد اية دة لو خرجتى من كل مكان فيه حد بيضايقك هتخرجى من كل حاجة

عين فى الجنة said...

الرأسمالى ممكن يكون شحات بس مؤمن بأن الرأسمالية هى الحل
والجشع اللى همه يلم فلوس الدنيا كلها ممكن يكون شيوعى او بنيوى او وجودى او اخوانجى او بيلم سبارس
بيل جيتس رأسمالى ونمرة واحد فى اللسته بس خير وجميل
اما عن عمنا شافيز فإذا كانوا بيسبوا الرسول عليه الصلاة والسلام فمعلش يعنى خلى شافيز يستحمل
(ملحوظة على جنب انا قعدت ادور على حد من ايتام الديموقراطية الامريكية فى صورة جوجل اللى فى البوست اللى قبل ده مالقتش منهم حد ، يمكن كانوا فى
freedom house?)

رامز عباس said...

الحرية للمعتقلين
يدعوكم شباب المدونيين المصريين
لحضور مؤتمر" الحرية للمعتقلين" الذى يقام الخميس القادم الموافق
4/12/2008 الساعة 6 مساءاً
للمطالبه بأطلاق سراح كل من
محمد عادل ومحمد خيرى وعبد العزيز مجاهد و مسعد أبو فجر و حسام الوكيل
المعتقلين بالسجون المصرية
يتحدث بالمؤتمر
الاستاذ احمد سيف الإسلام المحامى الحقوقى عن مركز هشام مبارك وجمال عيد محامى عن الشبكة العربية لمعلومات حقوق الإنسان والدكتورة كريمة الحفناوى عن حركة كفاية يعقب حديثهم فيلم تسجيلى عن المعتقلين وبشأن إختطاف المدون محمد عادل صاحب مدونة ميت ويتحدث بعدها والدة المدون محمد خيرى المعتقل مؤخرا على خلفية الذهاب إلى غزة للتضامن مع إخوانة الفلسطينين
وعن المدونين المدون محمود صابر صاحب مدونة حرنكش والمدون عبد المنعم محمود صاحب مدونة انا إخوان وعقب المؤتمر ستقام واقفة إحتجاجية للمعتقلين
حضورك يدعم المطالبه بأطلاق سراحهم نرجو المشاركة


______________
نوارة

عاوز افهم سؤال بس هو البيان اللي بطلب بمساندة المدونين للمعاقين فيه عندى تقيل علشان كدة انتي مردتيش عليا فيه

ولا انتي زعلانه مني وفعلا مش مصالحني ياريت تردي وتنوري المدونه وتتضامني او تنزلي بوست عندك عاوز العالم يعرف ان كل معاق فقد حاسه بس مفقدش كرامته احنا مش عاوزين احسان
احنا كمعاقين عاوزين احترام المجتمع

مواطن مصري said...

@محمد عادل ومحمد خيرى وعبد العزيز مجاهد و مسعد أبو فجر و حسام الوكيل


و هو يعني عبد الكريم عامر مش معتقل راي

اية التناقض الي فية الاخوان
يطالبو بحرية
محمد عادل ولا يطالبو بحرية عبد الكريم عامر

كلاكيت تانى وتانى said...

سورى يانورا انا هعلق على التلات بوستات مرة واحدة لأنى للأسف مش بلحق اقرأ يوميا
بالنسبة لموضوع الشتيمة على البوجات
للأسف انا انسحبت من فترة طويلة من تجمعات تدوينية بسبب امثال هذة المهاترات اللى تأخر مش تقدم الغرض الوحيد للتدوين واللى صغلر العقول والنفوس مش قادرين يفهموة هوة نفس الغرض اللى اتعمل برامج قوية مثل الفيس بوك بسببة مش الانتشار ولا الشهرة ولا التدخل فى شئون الاخرين بهذة الصورة السافرة لا بل بسبب الاستخدام التكنولوجى الراقى للأنترنت كوسيلة للتواصل الفعال والثقافة والتحاور بشكل هادف وعرض وجهات النظر بصورة محترمة وتبادلية يعنى انا محاولش احجر على فكرك ولا اتهمك ولا حتى من حقى اعلق على اختياراتك الشخصية
وزى اى شئ فى حياتنا عرضة للتلوث فالتدوين ايضا اصبح ملوثا بمجموعة من التافهين والأقلية المنحرفة التى تستخدم اساليب لايقرها الدين ولا الشرع ولا الطبيعة البشرية لأنهم زى ماقلتى خنازير سيئين الرائحة والمحتوى
وياعزيزتى افضل وسيلة للتعامل مع اصحاب السلوك السئ دة هوة الاهمال التام لأنهم ليسوا على مستوى الحديث او التحاور ففقد الادمية شئ لا يمكن علاجة
وهولاء فقدوا ادميتهم كمان للأسف الانسان اللى يتدخل فى شئون الاخرين ويسبة وينشأ محاكم التفتيش وينصب نفسة عليها هو فى الأصل تافة وفارغ ولا يستطيع المناقشة او احترام ذاتة فمابالك باحترام الاخرين
احمد الفيشاوى
تصدقى ان كلمة بحبك ياباباى اللى قالتها لينا دى وجعتنى جدا واعتقد ان احمد لو عندة مشاعر راقية الكلمة دى هتفضل توجعة العمر كلة
وفعلا يانوارة مهما فعل الاب لايصح ابدا نفسيا تشويهة وربما هذة التجربة القاسية على الجميع ستكون دافع لكل الاطراف للاهتمام بالقمر الصغير دة شبية ابنتى فى الاسم
واسجل احترامى لهند من اول يوم اعلنت فية بصوت عالى بأحقيتها فى نسب ابنتها لوالدها
تحمل المسئولية وعدم الخوف والاعتراف بالخظأ ومحاولة تصحيحة هى علامات للنضوج العقلانى
تحية لهند
شافييييز
هذا الرجل اسطورة بصدق مهما فعل الامريكيين ولا غيرهم فهو قد حفر سمة داخل قلوب وعقول الشعب الفنزويلى وهو شعب مثقف وراقى جدا على فكرة
واللذين ينقشون اسمائهم فى قلوب شعوبهم لا سلطان لأحد عليهم ياعزيزتى
فالكلاب تعوى والقافلة تسير
الشعوب لاتنسى يانوارة لا تنسى
وعبد الناصر خير دليل
تحياتى وتقديرى

Unknown said...

Kelakit
ana ba7ebek
7abet bas a2ol lek 3sahn el rasool aal enna lazem ne3abbar 3an el ma7abba
:))

كلاكيت تانى وتانى said...

رامز عباس
عزيزى
انا هرد عليك واسفة يانوارة بس انا هستخدم مدونتك للرد على رامز
ودة طبعا ردى انا الشخصى ولا يعبر الا عنى فقط
المعاقين ياعزيزى لديهم كل الحقوق فى مصر والعالم أجمع وأعتقد انك عارفنى كويس وعارف ان صلتى بعالم المعاقين وطيدة بسبب طبيعة عملى فى مصر والخارج
مفيش اى اضطهاد للمعاقين ولا حتى نقص فى الخدمات الخاصة بهم بدءأ من التعيينات الحكومية اللى بتشرع نسبة 15%داخل المئسسات الحكومية لذوى الاعاقات مرورا بكل المراكز المجانية فى مصر والعالم العربى مرورا ب الخدمات فى مدارس المعاقين والتسهيلات فى الحصول على السيارات والشقق والمعاش ........الخ
عزيزى
المشكلة عندنا فى مصر مش فى حقوق المعاق ابدا لأن دى حقوق كفلها القانون وفئة المعاقين زيها بالضبط زى فئة الديانة المسيحية ليها كل الحقوق والواجبات ومفيش فيها كلام
المشكلة فكيفية او ميكانزم تقديم الخدمة يعنى احنا معندناش مشكلة فالقوانين ولا فى تنفيذها اطلاقا بس عندنا مشكلة فى نوعية الخدمات من حيث جودتها او مستواها او ملائمتها للمعاقين
بس دى كل القصة ودة اللى لازم تستخدم تفكيرك وقدراتك فى التعبير عنة وتغييرة
مدارس المعاقين لديها امكانيات مهولة بس مفيش متخصصين مؤهلين للتعامل معها
التعامل روتينى ويخلو من روح العصر
الدول العربية سبقتنا كتير فى نوعية الخدمة واحنا سبقناها فى سن القوانين والتشريعات
البرامج والامكانيات يا رامز موجودة وبقوة بس احنا بنتعامل بصورة روتينية بتقتل كل الجهود والافكار
واعتقد انك لازم تفكر فكيفية تقديم وتحسين الخدمات المقدمة مش فى سن القوانين او عمل عريضة بحقوق المعاق
وعلى اية حال المشكلة ياعزيزى مش فمجال المعاقين بس لالالا
دة وجة الحياة الان فى مصر
حكومة الكترونية بلاكمبيوترت ولا داتا الكترونية
تدوين بلا محتوى وفهم لمعنى التدوين
انسان بلا اخلاقيات
حكومة بلا معنى للحكم
رئساء بلا مواصفات زعامة
اسس بلا محتوى
وأعتقد أن نوارة مش قادرة تفهم اية الغرض لأنة بتفكيرها عملية وتحتاج لشئ ملموس وحقوق المعاق موجودة وتطبيقها يحتاج لثورة مش مجرد مخطوطات
تحياتى وشكرى

مواطن مصري said...

عاكف: الإخوان يوافقون على ترشيح جمال مبارك للرئاسة.. ونشترط أن يغادر والده السلطة أولاً


http://www.almasry-alyoum.com/article2.aspx?ArticleID=188727#


نوارة شوفي الاخوانجين

اكيد في صفقة سرية بين الاخوان و الحكومة
عشان يورثو الحكم لجمال مبارك

lastcrazyboys said...

بصــي المهم في الراجل ..إنــه يكون "راجــل للنهاية ..وميقولش "أي
*********************
دي فكرتي الخاصة اللي طبعا لاتتوافق مع المبادئ السياسية ..الأساسية ..والطريقة اللي بيمشوا بيها ..بمعني إنــه معندهمش مانع يتنازلوا عن بعض مما حباهم الله به من الرجولة -واللي بيعيبوا بيها عندنا على الصعايدة - ويقولوا عليهم قفل ..في مقابل الحصول على فتات المطامع السياسية ..يا ريت حاجة تستاهل
أهو عبدالناصر كان راجل ..بعترض على حاجات كتير عملها ..زي ما بنتقد تصرفات كتير لأبويا وعمي..لكن لما بتيجي سيرتهم..الواحــد كــده يرفع رأسه ويقول ..رجــالة
انا انتقدت شافيز في حاجات كتير بصراحة ..وكمان نصر الله ..بس مقدرش اقول غير .."رجــالة"وبالفم المليان وممكن اقول مع صدام ذات نفسه ..اهم حاجة زي ما قال محمد أبوسويلم -وبنتريق عليها دلوقتي- :
عشان كنا رجالة ..ووقفنا وقفة رجالة

تصدقي ..دلوقتي مبقاش يهمني ايه الايدلوجية اللي انت بتنادي بيها..المهم تفضل راجل للنهاية
وبعدين الناس دي لما الشعب يكون هو اللي طالع سلسفين اهله ..يبقى فله ..شمعة منورة ..بس المهم يحابي القلة المستفيدة ..يمكن اللي مزعل الناس دلوقتي انه الراجل ده قال للناس
واحــد و واحــد مش تلاتــة

عمرو عزت said...

أنت طبعا اعترفت في تدوينة سابقة إنك "شعبوية".
والتدوينة دي من الأدبيات الشعبية للشعبوية.

جبهتان لا أكثر: طب أمريكا تشتمه إحنا نشتمه ليه؟
(مع شافيز أو مع أمريكا؟ زي شافيز أو زي الملك عبد الله؟ ده سؤال المصير الإجباري؟ ما فيش اختيارات تانية؟)

التعميم المخل: كل معارضينه رجال أعمال
(كلهم كلهم؟ ما سمعتيش عن يسار معارض في فنزويلا بيطالب بالمزيد من السياسات الاشتراكية الاقتصادية لكن مع حريات سياسية وديمقراطية؟)

التطرف المضاد: أيوه أنا بقى ، ديكتاتورية، يقمعهم ولا يغوروا في داهية
(طيب زعلانة من مبارك ليه؟)
اختزال معاداة النظام (السياسي أو الاقتصادي) في عداوات شخصية : لو وقع في إيدي رجل أعمال
( عمرك ما شفتي رجل أعمال فعلا ؟
وهي المشكلة في رجال الأعمال بأشخصاهم ولا في النظام الاجتماعي اللي بيسبب التفاوت الكبير واختلال الموازين، السبب مش إن رجال الأعمال دول جشعين، لأن الإنسان طماع ونفسه أمارة بالسوء فيما أعلم، ومن يلبس عباءة الملك يتكلم بلسانه على رأي سعد الله ونوس)

رامز عباس said...

السلام عليكم


لمواطن مصري


انا نقلت الدعوة بتاع المؤتمر زى مجتلي من ضياء الصاوى من حزب العمل الاسلامي وانا مش من الاخوان وفعلا كريم عامر مدون كبير جدا بس فيه موازنات في مصر

رامز عباس said...

بعد أذن أستاذة نوارة نجم




هرد علي أ//نرمين

لانه فيه مغلطات اولا القانون انا كاتبه عندى وفتشت عليه يمكن انتي متعرفيش بنوده ولا بينص علي ايه ويمكن مقرتيش انا قاصد ايه


الخدمات اللي انتي بتتكلمي عنها هي دفتر مطبوع يخلوا الاصم يروح يشحتلهم بيه

وكمان البانجو والحشيش

وانا عارف مدرسه بتعمل شغل زباله وفيها متخصصين بيستغلوا المعاقين

تبقي المشكله بضمير الشعب التعبان ده


مفيش موضوع المعاش وانا متتضرر اهه


انتي بتتكلمي برايك الشخصي بس من ملعب الحكومه انا بتكلم من ملعب الضحايا

والف شكرا

وافكرك انك كنت وعدتي تسمعي الموضوع من شهور بس اعتذرتي

صوت الحق said...

شافيز معارضيه هم سكان العاصمة كراكاس من الاغنياء أما سكان القري كلهم مع تشافيز