Monday, 29 December 2008

Have the decency at least to be sorry


ولسة فيه ناس طالع لها دمل في.....عينها وحتى مش عارفين يقولوا احنا اسفين، احنا مالناش دعوة بالحكومة المصرية، احنا اي هباب على دماغنا
افتكرت فيلم امريكاني قديم لما اب دخل على بنته لقاها في وضع مخل بالاداب في بيته والبت بجحت قام الراجل قال لها
Have the decency at least to be sorry
احنا اتجننا وللا ايه؟ ماحدش طالب مننا غير الحد الادنى
ماحدش طالب من الحكومة المصرية غير انها تضحك علينا بكلمتين عشان ماء وجهنا
وماحدش طالب من الشعب المصري غير انه يقول: احنا متبرئين من تصرفات الحكومة المصرية ونعمل ايه بقى؟ بختنا كده، وشنا منكوا في التراب والله
بس
بس
انما نعمل زي رامسفيلد ونقول
people die?
طب وليه اللي بيشتمونا ما بيحرروش فلسطين؟
هو حد طلب من مصر انها تحرر فلسطين؟ بس على الاقل نعتذر ان اعلان الحرب ابتدا من عندنا، الحكومة لازم تعتذر او تبرر اي كلام من تبريراتها الهابلة اللي ما تدخلش على عيل، بس على الاقل يحسسونا انهم عاملين لنا سعر واعتبار، والشعب لازم يعمل دقة النقص اللي دايما يعملها مع الحكومة: احنا مالناش دعوة والله احنا مغلوبين على امرنا، احنا؟ ده احنا كان علينا نقطع لكوا اسرائيل حتت... بس نعمل ايه بقى العين بصيرة والايد قصيرة (قال يعني اللي مش قادر على حكومته ح يعرف يقطع اسرائيل حتت) ماشي ماشي شغال، ماحدش طالب مننا اكتر من كده
ده ناقص واحد يطلع لي ويقول لي الفلسطينيين باعوا ارضهم
عيييييييييييييييييييييييييييييييييب
عيييييييييييييييييييييييييييييييييييييييييييييييييييييييييييب
عيييييييييييييييييييييييييييييييييييييييييييييييييييييييييييييييييييييييييييييييييييييييييييييييييييب
ثم ايه الرعب اللي بعض الناس فيه ده؟
يامي يامي يامي....ليضربوا مصر...ح يدخلوا العريش...عايزين ياخدوا سينا
مين اللي ياخد سينا ومين اللي يضرب مصر؟
طب الحكومة بتقول البقين دول عشان تبرر قفل المعبر، كلمتين بتقولهم، مالكوا؟ ايه الارتعاد ده؟ فين ام الصعايدة في ام البلد دي؟
دلوقت حالا مات 3 اطفال في قصف اسرائيلي
زمان ايام التتار، كان كل ما التتار يدخلوا مدينة ويدبحوا اللي فيها المدينة اللي جنبها تخاف والناس تدخل في بيوتها بدل ما يبعتوا لهم مدد، يقوم التتار يخلصوا على المدينة بمنتهى السهولة وينتقلوا على المدينة اللي اهاليها مستخبيين في البيوت ويموتوهم بالظبط زي ما موتوا اللي قبليهم
انما مبدأ عيش ندل تموت مستور ده الحقيقة يعني عااااااااااااااااار عاااااااااااااااااااااااااااااار عااااااااااااااااااااااااااااااااااار
طب خلينا طب في مبدأ: لاقيني ولا تغديني
اضحكوا على نفسكوا وعلى الناس بكلمتين حلوين طيب
انا قايمة
انا اصلا كنت مقررة ابطل تدوين، انا ايه اللي رجعني تاني؟

34 comments:

TAFATEFO said...

يضربوا مصر ويدخلوا العريش؟؟

ايش حال مصر موافقه على تدمير غزه وتأديب حماس وقتل الشعب الفلسطيني؟؟

ايش حال إعلان الحرب طالع من قصرنا الجمهوري؟؟

ايش حال أبو الغيط كان بيلاعب ليفني رست ولا بيسندها الله أعلم قدام الكاميرات؟؟

كــــــــــــــحـــــــــــــك

TAFATEFO said...

وكمان أنا هافف علي سؤال واحد من ساعة قيام المجزره

لو فلسطين حصل فيها زلزال مدمر ولا بركان ولا إعصار ولا أي كارثه طبيعيه .. كان هيبقى ايه موقفنا من اخواننا العرب ؟؟ كنا هندخلهم أرصنا؟؟ طب كان هيبقى ايه موقفنا من ولاد عمنا اليهود؟؟

طب لو مصر حصل فيها كارثه طبيعيه من دي؟؟ وليبيا رفضت تدخلنا أرضها .. وفلسطين رفضت تدخلنا أرضها .. والسودان رفضت تدخلنا أرضها .. هنقدر نقول حاجه؟؟

لطفك بأهل غزه يا رب .. يا رب لو كانوا حماس جندك .. فنصرك الذي وعدت

مواطن مصري said...

نوارة الحرب مش كلام

ولا شعارت الحرب ليها حسابات تانية احنا مش بنفهمها و اكبر مننا و الحرب مش ساهلة
تفتكري لو احنا مثلا مثلا مثلا


مثلا كمان مرة اعلنا الحرب دة مثلا

هنكسب انتي شايفة اسرائيل بتعمل اية و معندناش اساسا قوات في سيناء يعني لو حاربنا من غير استعداد كافي

اسرائيل تدخل لغايت الماظة مستريح اوي



طيب السؤال التاني لسية السعودية و الدول الخليج موقفوش تصدير البترول ل امريكا كورقة ضغط
؟

مواطن مصري said...

http://najialali.hanaa.net/najiaqwal.html

حبة صور لناجي العلي

TAFATEFO said...

http://picasaweb.google.com/To3giboni/GAZA0812#5285032338601469986

Pink said...

السيد حسن نصر الله يدعو الشعب المصري للخروج في مظاهرات بالملايين لفتح معابر غزة.
الراجل ماعندوش فكرة عن الشعب المصري المعاصر. ماهو لو كان الشعب المصري يقدر يخرج بالملايين في الشوارع كان زمان نظام مبارك راح من زماااااااااان. عفوا حسن تصر الله ده مش شعب باكستان و لا شعب تايلاند و لا شعب اليونان

أيييييييييه...حنقول ايه بس ؟
هو ماتش الاهلي الساعة كام النهاردة ؟

cleopatraqueen said...

لو كانوا اتأسفوا على 1000واحد ماتو فى العباره ولا على قطار الصعيد ولا على العشوائياتولا على الدويقه ولعلى الغلاء .. يعتذروا لمين و ليه هو ده السِؤال 

Shams said...

نقلا عن مدونة الوعى المصرى الموقرة
...............................

يريت تحكي ياباشا عن دور حسني في المجزرة في غزة

رد المحرر:

مش شغلي ومش دوري
فيه غيري بيحكوا مش مكفيينك؟

Posted by: عزاوي | Sunday, 28 December 2008

.................................

جبهة التهييس الشعبية said...

مواطن مصري
شوف احنا بنحكي في ايه وانت بتحكي في ايه؟
يا جدع ما الراجل اهو بيقول لك لو احنا اللي حاصل فينا اللي حاصل في غزة وهم قافلين البيبان في وشنا، ليبيا وللا غزة وللا السعودية
كنا عملنا ايه؟ وكنا صيحنا وفضحناهم قد ايه؟ هو احنا فيه اعلى من صوتنا في الجيص؟

ياراجل حرام عليك
حرب ايه؟ مين اللي ح يحارب مصر؟

احنا اتفضحنا فضيحة مالهاش اول ولا اخر
والحقيقة مصر سباقة
احنا عملنا سبق بين الدول العربية الملك حسين ابن زين نفسه ما عملهوش

يا اخي ماحدش طالب مننا غير نحل عن الناس بقى
نحل عنهم بقى
حد جاب سيرة حرب؟
حتى لو كام واحد في مظاهرة قالوا نحارب ونقطع اسرائيل والكلام فض المجالس ده

ما كل العارف انها ابقاق في الهوا يعني بس على الاقل يبقى شكلنا حلو
بلاش يبقى شكلنا حلو
طب نختشي
نختشي
ده الحياء شعبة من الايمان
ايه موضوع: كلهم متآمرين على شتيمة مصر

يعني اعلق حبل في رقبتي وازعل لما حد يجرني منه؟ مين اللي متآمر على شتيمة مصر
ما نتشتم يا اخي
ما نتشتم ونستحمل يعني عاملين عملة سودا زي وشنا
ما الناس بتموت وبتستحمل اهو
مش عارفين نتشتم ونستحمل
ما بنتشتم باللي احنا عاملينه يا اخي وما تقوليش بقى الشعب والحكومة اللعبة دي بنلعبها على الناس مش ح نلعبها على بعض
ما نتنيل بقى على عينا بقى
موكوسين ومتنيلين وماحدش بيكلمنا
يموت مننا ناس كل يوم وفاتحين بقنا للدبان وعمالين نقول ياللا معلش ما الناس غلابة
متدهولين وبدل ما ناخد حقنا بنفش غلنا في بعض في الشارع وبنقول معلش ماهو من الغلب
محكومين تلاتين سنة بقانون طوارئ وساكتين وبنقول ياللا اهو احسن من غيرنا
نص الشعب في بطالة والنص التاني بيدفع ضرايب مش عارف بتروح فين وبنقول ياللا ربنا يجملها بالستر
والصبر مفتاح الفرج
وبكرة ربنا يعدلها
قاعدين على المقعدة ويوم ما ربنا نفخ في صورتنا قعدنا نناضل على الكي بورد وكمان نضخم ونفخم في نفسنا وقلنا زي بعضه احسن من مافيش
شحاتين وحكومة ومعارضة ومدونين كمان عايشين على المعونة عوالة على مخاليق ربنا وقلنا يا سيدي بلاش تعميم وبعدين يعني الناس ح تعمل ايه
كل يوم نسمع كلام زي الطين من ناس امخاهم كبانيهات وقلنا زي بعضه الحوار احسن من مافيش
عايشين في فوضى واي حد معدي يتف علينا وقلنا طب نعمل ايه
البلد بتتباع مننا حتة حتة واحنا قاعدين زي اللي غرق دراها ونقول معلش بقى لينا رب اسمه الكريم

انما نموت الناس؟

نموت الناس؟
وفاتحين بقنا لسة
ليفني جات على مرآى ومسمع مننا كلنا واحنا الدبان ملا بقنا وللا لا؟

طلعت قالت ح نبيد حماس ونمحوها واحنا قاعدين فاتحين بقنا وللا لا؟

الناس اللي راحوا قوافل لاغاثة غزة بتتطبخ لهم قضية امن قومي واحنا قاعدين نتفرج وللا لا؟
وولاد زانية يطلعوا كمان في الهيصة يقولوا رايحين لغزة ليه ما تروحوا للدويقة وهم لا راحوا غزة ولا راحوا الدويقة

كل ده وحاطين النيلة على راسنا ومتنيلين

انما الناس تموت بسببنا يا اخي؟

يا اخي ضميرك مش واجعك يا اخي؟

يا اخوانا انا مش عارفة انام

الناس دي بتموت بالضرايب اللي بادفعها

ايه الفرق بيني وبين الامريكان؟

وكمان زعلانين ان الناس بتفش غلها وبتقول اخص عليكي يا مصر؟
مؤامرة شتيمة مصر
كحك فعلا
كحك
يعني حكومتنا تتآمر على قتل الناس واحنا زعلانين اننا بنتشتم كمان

لا العفو
المفروض يشيلونا على راسهم وهم بيموتوا

حياة said...

عمرو أديب يرد على دعوة حسن نصر الله المصريين للاستشهاد : احنا عملاء ومفيش مننا فايدة ...حارب انت !!!

احلى كلام

AhMeD RaDy said...

مع غزة .. ولو باضعف الايمان

بسم الله الرحمن الرحيم

شارك

بدعاء واحد

فى

صلاة الفجر ليوم الاربعاء القادم

31-12-2008

وصيام الخميس تطوعا

1-1-2009

حرة المداد said...

يا شباب الكنانة..يا ناس ...يا مصر...يا كنانة يا الله..ماهذا الذي يجري على أرضك ؟!


المسلمون المحاصرون على مسافة خمس ساعات من القاهرة يذبحون ...يحرقون أحياء...ورجال الحكم والحكومة أخزاهما الله يكيلون للضحايا التهم جزافا وكذبا وافتراءا !!!


القوات المصرية على الحدود تمنع من يحاولون كسر المعبر من الفلسطينيين ويقتل فلسطيني ومصري .. دماء المسلمين أصبحت تراق بأيديهم لا بأيدي العدو!!
(أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون )المائدة


اخواننا يستغيثون بنا فلا يجدون بيننا مغيثا !!!


أليس في ضباط مصر على الحدود رجل رشيد ؟!


ماذا يريد النظام المصري من اغلاق المعبر ومنع النتقال والمساعدات في هذا الوقت العصيب ؟!


أن تتحول غزة الى سجن كبير يباد من فيه عن بكرة أبيهم فلا ينجو أحد ؟!


الطائرات القطرية التي تحمل امدادات طبية وغذائية منذ فجر الأمس تنتظر في مطار العريش ولا يسمح لحمولاتها بالمرور!!!


القافلات الآتية من الدول المجاورة كتركيا وقافلات الهلال الأحمر ونقابة الأطباء أيضا لا يسمح لها بالدخول ...لماذا ؟! لأن محافظ شمال سيناء الشهم الهمام يرى أن من يقفون على المعبر من الجانب الفلسطيني هم ليسوا جهة رسمية معترف بها...ماذا تريد يا محافظ شمال سيناء..سيناء التي ارتوت بدماء شهدائنا في 67 وحرب الاستنزاف و73...ماذا تريد؟


أن يكون على المعبر جهة اسرائيلية حتى تعترف بها وتسمح للامدادات بالمرور؟!


اسرائييييييييل سمحت لبعض القوافل الطبية القادمة من وزارة الصحة الفلسطينية بالمرور الى غزة


اسرائيييييل سمحت وأنت تتحجج بأن الواقفين ليسوا معترفا بهم !!!!


ماذا تريد ؟


...فليكن الواقفون كفرة أو هندوسا أو مجوسا أو حتى خرافا ...أليسوا بشرا ...أليسوا أرواحا ...والله لو كان ما في غزة خراف تقصف لخرج العالم يندد بالوحشية ضد الحيوان ؟!


حتى أنت تتمرغ في الخيانة والقذارة...يا عبد المأمور ?!


والله ان كل قطرة سالت من شهدائنا وأسرانا الذين ذبحوا على ثرى سيناء التي تقف عليها ستشهد على خيانتك يوم القيامة....


أقسم بالله ستقف بين يدي ربك..فلا تعلم كيف تتبرأ من جرمك (وبرزوا لله جميعا فقال الضعفاء للذين استكبروا إنا كنا لكم تبعا فهل أنتم مغنون عنا من عذاب الله من شيء قالوا لو هدانا الله لهديناكم سواء علينا أجزعنا أم صبرنا ما لنا من محيص)ابراهيم
(ولو ترى إذ الظالمون موقوفون عند ربهم يرجع بعضهم إلى بعض القول يقول الذين استضعفوا للذين استكبروا لولا أنتم لكنا مؤمنين* قال الذين استكبروا للذين استضعفوا أنحن صددناكم عن الهدى بعد إذ جاءكم بل كنتم مجرمين*وقال الذين استضعفوا للذين استكبروا بل مكر الليل والنهار إذ تأمروننا أن نكفر بالله ونجعل له أندادا وأسروا الندامة لما رأوا العذاب وجعلنا الأغلال في أعناق الذين كفروا هل يجزون إلا ما كانوا يعملون)سبأ
(وإذ يتحاجون في النار فيقول الضعفاء للذين استكبروا إنا كنا لكم تبعا فهل أنتم مغنون عنا نصيبا من النار *قال الذين استكبروا إنا كل فيها إن الله قد حكم بين العباد)غافر


يا مصر ي ..ياحرّ ..يا أبيّ...يا ابن الفاتحين والمجاهدين...يا أبناء أرض الرباط كما وصفها الحبيب صلوات الله وسلامه عليه..هل سترضون بهذا العار ؟!


ماذا سنقول لربنا اذا وقفنا بين يديه ؟!


كيف سنقابل النبي الذي نذوب حبا له وأيادينا ملطخة بدماء إخواننا ؟!


...سنقول انا كنا مستضعفين...فجواب الله علينا في الآيات السابقة .
هل سنسكت حتى يأتي علينا الدور قريبا في الذبح...وماذا بعد ذبح غزة الا اقتحام اسرائيل الحدود المصرية ؟!


لكن يومها لن نجد من يدافع عنا أو حتى يدعوا لنا لأننا تخاذلنا أول الأمر عن نصرة إخواننا وكما تدين تدان


وحتى لو وجدنا من يدعوا فهل سيستجيب الله وهو يرى سكوتنا المخزي اليوم ؟!
( ما من امرئ مسلم يخذل امرءاً مسلماً في موضع تنتهك فيه حرمته، وينتقص فيه من عرضه؛ إلاّ خذله الله في موضع يحب فيه نصرته, وما من امرئ ينصر مسلماً في موضع ينتقص فيه من عرضه, وتنتهك فيه حرمته؛ إلاّ نصره الله في موضع يحب فيه نصرته) رواه أبو داود
بربكم...أستحلفكم.. أروا الله من أنفسكم خيرا


(( يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انْفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ أَرَضِيتُمْ بِالْحَيَاةِ الدُّنْيَا مِنَ الْآخِرَةِ فَمَا مَتَاعُ الْحَيَاةِ الدُّنْيَا فِي الْآخِرَةِ إِلَّا قَلِيلٌ ( 38 ) إِلَّا تَنْفِرُوا يُعَذِّبْكُمْ عَذَابًا أَلِيمًا وَيَسْتَبْدِلْ قَوْمًا غَيْرَكُمْ وَلَا تَضُرُّوهُ شَيْئًا وَاللَّهُ عَلَى كُلِّ شَيْءٍ قَدِيرٌ ( 39 ) )التوبة


(يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ)


والله لا أجد لنا عذرا...


وأما أنا فأستعين بالله أن يمكنني من نصرة اخواني...ومادام قد غاب الرجال فلن أقعد...لن أقول أنا امرأة ضعيفة...ولا أن أولادي مرضى


ان لم أنصر اخواني اليوم فقد أفقد أطفالي في غارة قادمة


ان لم أنصر اخواني اليوم فسيحاسبني أطفالي على تخاذلى عندما يكبرون


أطفالى الذين سأربيهم- باذن الله - ليكونوا من جنود النصروأنا على يقين بذلك


سأنزل الى الشارع باذن الله ولن أترك جهدا لنصرة اخواني هناك الا وسأفعله ...ولو استطعت فسأذهب


بربكم يا شباب الكنانة ورجالها اذهبوا لرفح فلن تتمكن قوة من صدكم لو صدقتم الله ..وبفرض أن هناك ما منعكم فعلى الأقل قد سعيتم وسيرى الله وسيرى اخوانكم وسيرى العالم أجمع أنكم لم تسكتوا !


أتوسل لكل من قرأ كلماتي ولم يقدر على شئ الا أن يوصلها لكل انسان وكل موقع وكل مدونة وكل منتدى...بربك أوصلها فهذا أضعف الايمان.


بربكم أوصلوها للعلماء والدعاة والمفكرين فأنا لا أعرف كيف أتوصل لهم...

أوصلوها لمحمد حسان وحسين يعقوب وأبو اسحاق الحويني

أوصلوها لعمرو خالد وراغب السرجاني ومصطفى حسني ومحمود المصري


أوصلوها للشيخ صفوت حجازي وأنا موقنة أنه أول من سيستجيب


أوصلوها لفهمي هويدي وابراهيم عيسى ومحمد مهدي عاكف وعبد المنعم أبو الفتوح وعصام العريان


أوصلوها لحمدي السيد نقيب الأطباء


أوصلوها لكل من كان له قلب أو ألقى السمع وهو شهيد


ألا هل بلغت ...اللهم فاشهد

حـنــّا السكران said...

هو مين اللي بيطالب مصر انها تحارب ؟؟ أو مين متوقع انه مصر أو أي دولة عربية تانية بدون استثناء انهم رح يحاربوا؟؟ مين الغبي فينا اللي بيقول لمصر أو غيرها تحارب بالأصالة عن نفسها أو بالنيابة عن الفلسطينيين؟؟ لو بكرا الصبح اسرائيل قتلت مية عسكري مصري على الحدود ..احنا عارفين و مستعدين نحلف انه مصر مش رح تحارب .. و الكلام ينطبق على أي بلد عربي تاني كمان عشان ما تطلعولنا بنغمة هي سوريا عملت إيه أو البلد الفلاني عمل إيه .. اللي ممكن يحارب في كل مكان عربي هم مجموعات قليلة لا زال عندها كرامة و شرف و لا زالت بتعتبر نفسها من فصيلة البني ادمين ,,و هؤلاء موجودين في مصر و في كل بلد عربي ..
ـ ما حدا طالب من مصر انها تحارب .. المطلوب من النظام المصري و من الأنظمة العربية انهم يبطـّلوا يتاّمروا و يكذبوا و يخدعوا و يحاصروا و يجوعوا أهل غزة ..و يخيروهم بين الموت قتلاً أو الموت جوعا.. و يبطلوا يدعموا و يغطّوا مجازر الصهاينة في أهل غزة .. أو يفكّوا عن أهل غزة ..يحلوا عن سماهم نهائي .. يتركوهم لمصيرهم دون مؤامرات و دون دجل و عهر و مزايدات . و يطلع مسؤول مصري أو عربي و يكون عنده الشجاعة و يقول إحنا لنا عدو واحد هو أهل غزة .. و انتهى ..لأنه هي دي الحقيقة .. عشان يعرف ابن غزة مين عدوه و مين صديقه ..لأنه في منهم مش قادرين بقى يفرقوا بين كره الصهيوني لهم و وساخته معاهم و بين وساخة بعض الأنظمة العربية معاهم .
ـ و اللي بيشتموا بيشتموا ليه يا نوارة؟؟؟ عشان حدّ انتقد النظام المصري؟؟ هو اللي بينتقد النظام المصري بقى بيشتم المصريين؟؟ أما اذا كان النظام المصري بيمثلهم بكل حاجة بيعملها ..دي حاجة تانية ..ولاّ هو كره لحماس و بس ؟ حتى لو كان الخصم اسرائيل؟ حماس باقية سواء عجبتكم أو لم تعجبكم ..سواء شفتوا انها على حق أو على باطل ..لأن حماس بتمثـّل شعب ..و عدد اللي بتمثلهم حماس بيطلع أضغاف أضغاف عدد اللي بيمثلهم أي نظام عربي ..مع انه غزة مش قد حارة في القاهرة .

حرة المداد said...

يا شباب الكنانة...يا ناس ...يا مصر...يا كنانة الله..ماهذا الذي يجري على أرضك ؟!


المسلمون المحاصرون على مسافة خمس ساعات من القاهرة يذبحون ...يحرقون أحياء...ورجال الحكم والحكومة أخزاهما الله يكيلون للضحايا التهم جزافا وكذبا وافتراءا !!!


القوات المصرية على الحدود تمنع من يحاولون كسر المعبر من الفلسطينيين ويقتل فلسطيني ومصري .. دماء المسلمين أصبحت تراق بأيديهم لا بأيدي العدو!!
(أنه من قتل نفسا بغير نفس أو فساد في الأرض فكأنما قتل الناس جميعا ومن أحياها فكأنما أحيا الناس جميعا ولقد جاءتهم رسلنا بالبينات ثم إن كثيرا منهم بعد ذلك في الأرض لمسرفون )المائدة


اخواننا يستغيثون بنا فلا يجدون بيننا مغيثا !!!


أليس في ضباط مصر على الحدود رجل رشيد ؟!


ماذا يريد النظام المصري من اغلاق المعبر ومنع النتقال والمساعدات في هذا الوقت العصيب ؟!


أن تتحول غزة الى سجن كبير يباد من فيه عن بكرة أبيهم فلا ينجو أحد ؟!


الطائرات القطرية التي تحمل امدادات طبية وغذائية منذ فجر الأمس تنتظر في مطار العريش ولا يسمح لحمولاتها بالمرور!!!


القافلات الآتية من الدول المجاورة كتركيا وقافلات الهلال الأحمر ونقابة الأطباء أيضا لا يسمح لها بالدخول ...لماذا ؟! لأن محافظ شمال سيناء الشهم الهمام يرى أن من يقفون على المعبر من الجانب الفلسطيني هم ليسوا جهة رسمية معترف بها...ماذا تريد يا محافظ شمال سيناء..سيناء التي ارتوت بدماء شهدائنا في 67 وحرب الاستنزاف و73...ماذا تريد؟


أن يكون على المعبر جهة اسرائيلية حتى تعترف بها وتسمح للامدادات بالمرور؟!


اسرائييييييييل سمحت لبعض القوافل الطبية القادمة من وزارة الصحة الفلسطينية بالمرور الى غزة


اسرائيييييل سمحت وأنت تتحجج بأن الواقفين ليسوا معترفا بهم !!!!


ماذا تريد ؟


...فليكن الواقفون كفرة أو هندوسا أو مجوسا أو حتى خرافا ...أليسوا بشرا ...أليسوا أرواحا ...والله لو كان ما في غزة خراف تقصف لخرج العالم يندد بالوحشية ضد الحيوان ؟!


حتى أنت تتمرغ في الخيانة والقذارة...يا عبد المأمور ?!


والله ان كل قطرة سالت من شهدائنا وأسرانا الذين ذبحوا على ثرى سيناء التي تقف عليها ستشهد على خيانتك يوم القيامة....


أقسم بالله ستقف بين يدي ربك..فلا تعلم كيف تتبرأ من جرمك (وبرزوا لله جميعا فقال الضعفاء للذين استكبروا إنا كنا لكم تبعا فهل أنتم مغنون عنا من عذاب الله من شيء قالوا لو هدانا الله لهديناكم سواء علينا أجزعنا أم صبرنا ما لنا من محيص)ابراهيم
(ولو ترى إذ الظالمون موقوفون عند ربهم يرجع بعضهم إلى بعض القول يقول الذين استضعفوا للذين استكبروا لولا أنتم لكنا مؤمنين* قال الذين استكبروا للذين استضعفوا أنحن صددناكم عن الهدى بعد إذ جاءكم بل كنتم مجرمين*وقال الذين استضعفوا للذين استكبروا بل مكر الليل والنهار إذ تأمروننا أن نكفر بالله ونجعل له أندادا وأسروا الندامة لما رأوا العذاب وجعلنا الأغلال في أعناق الذين كفروا هل يجزون إلا ما كانوا يعملون)سبأ
(وإذ يتحاجون في النار فيقول الضعفاء للذين استكبروا إنا كنا لكم تبعا فهل أنتم مغنون عنا نصيبا من النار *قال الذين استكبروا إنا كل فيها إن الله قد حكم بين العباد)غافر


يا مصر ي ..ياحرّ ..يا أبيّ...يا ابن الفاتحين والمجاهدين...يا أبناء أرض الرباط كما وصفها الحبيب صلوات الله وسلامه عليه..هل سترضون بهذا العار ؟!


ماذا سنقول لربنا اذا وقفنا بين يديه ؟!


كيف سنقابل النبي الذي نذوب حبا له وأيادينا ملطخة بدماء إخواننا ؟!


...سنقول انا كنا مستضعفين...فجواب الله علينا في الآيات السابقة .
هل سنسكت حتى يأتي علينا الدور قريبا في الذبح...وماذا بعد ذبح غزة الا اقتحام اسرائيل الحدود المصرية ؟!


لكن يومها لن نجد من يدافع عنا أو حتى يدعوا لنا لأننا تخاذلنا أول الأمر عن نصرة إخواننا وكما تدين تدان


وحتى لو وجدنا من يدعوا فهل سيستجيب الله وهو يرى سكوتنا المخزي اليوم ؟!
( ما من امرئ مسلم يخذل امرءاً مسلماً في موضع تنتهك فيه حرمته، وينتقص فيه من عرضه؛ إلاّ خذله الله في موضع يحب فيه نصرته, وما من امرئ ينصر مسلماً في موضع ينتقص فيه من عرضه, وتنتهك فيه حرمته؛ إلاّ نصره الله في موضع يحب فيه نصرته) رواه أبو داود
بربكم...أستحلفكم.. أروا الله من أنفسكم خيرا


(( يَا أَيُّهَا الَّذِينَ آمَنُوا مَا لَكُمْ إِذَا قِيلَ لَكُمُ انْفِرُوا فِي سَبِيلِ اللَّهِ اثَّاقَلْتُمْ إِلَى الْأَرْضِ أَرَضِيتُمْ بِالْحَيَاةِ الدُّنْيَا مِنَ الْآخِرَةِ فَمَا مَتَاعُ الْحَيَاةِ الدُّنْيَا فِي الْآخِرَةِ إِلَّا قَلِيلٌ ( 38 ) إِلَّا تَنْفِرُوا يُعَذِّبْكُمْ عَذَابًا أَلِيمًا وَيَسْتَبْدِلْ قَوْمًا غَيْرَكُمْ وَلَا تَضُرُّوهُ شَيْئًا وَاللَّهُ عَلَى كُلِّ شَيْءٍ قَدِيرٌ ( 39 ) )التوبة


(يَا أَيُّهَا الَّذِينَ آمَنُوا إِنْ تَنْصُرُوا اللَّهَ يَنْصُرْكُمْ وَيُثَبِّتْ أَقْدَامَكُمْ)


والله لا أجد لنا عذرا...


وأما أنا فأستعين بالله أن يمكنني من نصرة اخواني...ومادام قد غاب الرجال فلن أقعد...لن أقول أنا امرأة ضعيفة...ولا أن أولادي مرضى


ان لم أنصر اخواني اليوم فقد أفقد أطفالي في غارة قادمة


ان لم أنصر اخواني اليوم فسيحاسبني أطفالي على تخاذلى عندما يكبرون


أطفالى الذين سأربيهم- باذن الله - ليكونوا من جنود النصروأنا على يقين بذلك


سأنزل الى الشارع باذن الله ولن أترك جهدا لنصرة اخواني هناك الا وسأفعله ...ولو استطعت فسأذهب


بربكم يا شباب الكنانة ورجالها اذهبوا لرفح فلن تتمكن قوة من صدكم لو صدقتم الله ..وبفرض أن هناك ما منعكم فعلى الأقل قد سعيتم وسيرى الله وسيرى اخوانكم وسيرى العالم أجمع أنكم لم تسكتوا !


أتوسل لكل من قرأ كلماتي ولم يقدر على شئ الا أن يوصلها لكل انسان وكل موقع وكل مدونة وكل منتدى...بربك أوصلها فهذا أضعف الايمان.
أدعوا العلماء والدعاة المخلصين أن يقوموا بدورهم الذي تنتظره الأمة منهم بعد خيبة أملها في حكامها...ليس بالخطب والدروس فحسب...ليس في الفضائيات فحسب ..ولا على سلالم النقابات بل على أرض الواقع ...في رفح ..وأناشد كل من يقرأ هذا الكلام أن يوصله لكل من يعرف من العلماء والدعاة وبخاصة داخل مصر...لا أقل من أن يخرج العلماء والدعاة إلى رفح ليخرج الناس معهم...نذهب بأنفسنا لفك الحصار عن إخواننا بدل أن ننتظر غيرنا ليقوم بهذا
والله إنه للحل الوحيد لايقاظ الأمة وارعاب إسرائيل...80 مليون مصري كيف لا يقدرون على فك حصار اخوانهم ؟!
لو لم يقدروا لكانت فضيحة وعار...لكان باطن الأرض خيرا من ظاهرها...لن أقول يذهب الجميع...من الثمانين فليخرج نصف مليون فقط...نصف مليون لن تقدر كل قوات الأمن أن تقف في وجههم لو اتحدوا...فلنذهب الى رفح ولو سيرا على الأقدام وأنا والله على استعداد أن أترك أولادي وكل شئ وأذهب الى هناك مع الذاهبين...لا أقل من نصف مليون يذهبوا لنصرة المليون ونصف مليون مسلم محاصر...ليغسلوا عار الثمانين مليون...يعني من كل 160 واحد فقط...ألا يوجد مؤمن شجاع قوي واحد فقط بين كل 160 مصري ؟!
الأمر ليس صعبا وليس مستحيلا لكنه يحتاج الى علماء ودعاة صادقين في وزن الامام العز بن عبد السلام أيام حروب التتار.


بربكم أوصلوها للعلماء والدعاة والمفكرين فأنا لا أعرف كيف أتوصل لهم...

أوصلوها لمحمد حسان وحسين يعقوب وأبو اسحاق الحويني

أوصلوها لعمرو خالد وراغب السرجاني ومصطفى حسني ومحمود المصري


أوصلوها للشيخ صفوت حجازي وأنا موقنة أنه أول من سيستجيب


أوصلوها لفهمي هويدي وابراهيم عيسى ومحمد مهدي عاكف وعبد المنعم أبو الفتوح وعصام العريان


أوصلوها لحمدي السيد نقيب الأطباء


أوصلوها لكل من كان له قلب أو ألقى السمع وهو شهيد


ألا هل بلغت ...اللهم فاشهد

TAFATEFO said...

خطاب السيد

http://video.google.com/videoplay?docid=436331234615129003&hl=en

رغم اني كت مستني يقول ان حزب الله فداء غزه وان سلاح حزب الله هو سلاح أهل غزه .. وانه هيحارب إسرائيل قبل ما تحاربه .. وانه هيقصف إسرائيلقبل ما تقصف لبنان وحتى تمتنع عن قصف غزه

بس كلمة فارس هذا الزمان الوحيد أهي

TAFATEFO said...

@ حنا السكران

وهو المصريين ميتشتموش ليه (أنا مصري) .. مش عايز أقولك احساس الدونيه (عندي مثلاً عامل ازاي) .. أنا تنبل وعارف اني تنبل .. بس عمري مكنت متوقع اني خسيس أوي كده .. الشعب المصري .. ألف ماتوا في العباره .. حد سمع حس .. آلاف بيموتوا حوادث طرق كل سنه .. حد اعترض ولا حاسب مسؤول .. البلد والناس بتتحرق .. وقفنا نهلل .. الناس اتدفنت واتردم عليها في الدويقه .. حد اعترض ولا قال بم .. كرامة الناس كل يوم بتهان من الشرطه والناس اللي بتتشل واللي بتتسجن وبتتلفقلها قضايا وغيره وغيره وغيره .. حد اعترض .. ما احنا قاعدين أهو ولا عملنا حاجه

وبعدين الحرب على أهل غزه تعلن من هنا

أيام حرب لبنان .. ما احنا كنا المحرضين برضه .. احنا والسعوديه .. وكنا متآمرين

يعني ايدينا غرقانه بدم 800 لبناني .. وايدينا غرقانه في دم اخواننا المصريين .. وايدينا غرقانه في دم احواننا الغزاويه طول فترة الحصار .. ودلوقتي غرقانه بدم الغزاويه مع القصف

قال تعالى: (إنه لا تعمى الأبصار ولكن تعمى القلوب التي في الصدور)

مواطن مصري said...

اخر الاخبار المعونات المصرية وصلت الي معبر رفح لسة شايفها على العربية و الجزيرة

TAFATEFO said...

http://picasaweb.google.com/To3giboni/GAZA0812#5285032953941236850

سعيد أفندى said...

وهو مال أهله بالشعب المصرى , هو كل واحد يتزنق يقول مصر.

اه احنا ايتام الديموقراطية الأمريكية البتنجانية

انتوا بقى أيتام مين ؟

ايتام حسن نصر الله ولا ايتام ايران

Shoukry said...

sorry a lot for the situation in Gaza but all of you have to know that the palestinians are between the anvil of Hamas and the HAMMER of Israel. Those Leaders refused a lot of approtunities in the past and will continue to refuse approtunities in the future. Levni didn't come here to take the permission to start the strike, this decision had been already taken. She came here just to inform the Egyptian Government and appear that they try to give Hamas a last chance (the chance they know that Hamas will refuse as usual). Hamas AS USUAL give them exactly what they want and didn't listen to the voice of the Eyptian government to renew the alleviation. They fired 250 -useless - rocket in the same day as if they were telling us "it is none of our business".


I am asking here what do you expect the Egyptian Government to do??. Start a war with Israel to be a patriot government?. Sun Tzu who was a military genius said that a man who knows when he can fight and when he cannot will be victorious. Plus, war is not always the best solution.

I am asking here also about Hamas, they know that Israel strike will be that brutal. I think they should be rational in there decisions. 1.5 million people are in there custody. they should care more about them. If Egypt will close the "Raffah" gate to stop smuggling. they should work on removing the reason for Egypt to do so. but they don't care about the palestinian people, they care about the power.

To prove my point, THEY KILLED PALESTINIANS TO TAKE CONTROL OF GAZA (WHOLE FAMILIES). What is the matter with you people?? Why do you forget about this?

THEY PREVENTED Hajjaj from crossing the borders to Egypt and then to saudi arabia. How about that too??. They now refuse to let the wounded people and the refugees cross the borders to Egypt. What is this? Who gave them this power?. Hamas Killed 16 Egyptian soldier and 3 officers. if Israel did I understand that they are cowards and bastards but why Hamas would do something like that.

It is OUR gate and on OUR land, they don't give us orders and they shouldn't smuggle across our country. We are not followers to Hamas and we will not be. If Hamas is serving the palestinian case as they claim - and I doubt that - then I tell them that we have to serve our national security and our benefits. This implies that we don't go for a war with Israel unless they threaten us.

They accuse us that we are not fair. Is being fair to approve - and bless - all Hamas acts? Well, I accuse Hamas too as agents to foriegners and they exist just to serve the Israelian plans.

The current situation in Gaza is a game of politics. Israel government want to save votes in the upcoming elections and Hamas want to prove to the palestinians that they are the only patriots. Well, in this game 310 people killed and around 1000 wounded and total destruction of Gaza. So, F*** Israel and F*** Hamas.

If you don't want the Egyptian government not to interfere like you said. I am telling you that we are doing this right now. Please, don't feel shame for being an Egyptian, We gave the palestinians the chance of their life and they simply refused it. 30 years ago we offered them what they asking now.

One last thing, I am sorry if I am contradicting with most of you. This is my own opinion and I am not working with the government by any means. Also, I am sorry because I don't have arabic keyboard.

DomDam said...

لازم يخترعوا مصطلح جديد يشمل مشاعر القرف و الذهول و الاحباط و موعان النفس في كلمة واحدة
مش قادر اتصور وجود كل العقليات المسطحة ال21 بوصة دي في بلدنا
و فيه شوية مقولات كده بتخلي الضغط عندي يوصل ل300
هو ليه الناس محملة حماس مسئولية انقسام الصف الفلسطيني؟؟؟
اتنين اخوات واحد فيهم اتغير حاله و بقى وسخ و حرامي و قذر، اخوه اتخانق معاه عشان جاب لبيتهم العار و الفضيحة
ليه بيلوموا الاخ الكويس و مش بيلوموا الوسخ؟؟؟
ليه بيعتبوا على اللي بينضرب بأقصى و أعنف صورة إنه مش بيدافع عن نفسه و شايفينه واطي؟؟؟؟
هو يعني لو فيه في ايده حاجة يعملها يدافع بيها عن نفسه حيسكت ليه؟؟؟؟
ليه مش فاهمين ان دي مش حرب من طرفين؟ دي إبادة من طرف واحد و الطرف التاني لا يملك الا القليل و مش عارف يستخدمه و هو الضرب نازل عليه من السما من كل مكان مش قادر ياخد نفسه و مواقعه العسكرية عمالة تنضرب
ليه مش بيشتموا في اللي سايب اخواته ينسحقوا و بيتفرج عليهم؟؟؟
ليه مش بيشتموا في اللي باع زملاؤه في الجهاد و باع شعبه و معرضهم للقتل و التنكيل عشان غزة ترجعله و يخربها و يقعد على تلها؟؟
ليه مش بيشتموا في اللي سايبين جيرانهم يبادوا و قافلين عليهم المعابر و بينقطولهم الحد الأدنى من المعونات؟ لا و كمان اتواطئوا في ضربهم؟؟؟؟
ليه بيشتموا الضحية؟؟؟ ليه و ازاي و بأي عقل أو منطق؟؟؟
طب ساعدوهم، مدولهم ايديكوا لو تقدروا بأي حاجة، مدوا ايديكم اضربوا حكامكم الخونة بالجزم و اخلصوا منهم، انما لا، انتوا شاطرين بس تمدوا ايديكم على الكيبورد تشتموا في حماس المفشوخة و طالع ميتينها انها مش بتقاوم بما فيه الكفاية، أو في الجامع تمدوا ايديكم بالدعاء و القنوت ان ربنا ينصر إخواننا المفشوخين و تعيطوا شوية و بعدين كل واحد يروح ينام في بيته هانئاً مطمئناً
اقولكم حاجة؟؟؟
اخرسوا احسن
وفروا تعليقاتكم الغبية و وفروا دعائكم اللي مالوش لزمة، لان الدعاء لوحده مش كفاية، انت لو دعيت ربنا الف سنة انه يغنيك و انت مش بتشتغل، حتتغني؟؟؟؟ و الله ابداً
انما اشتغل و ادعي
عايز تنصر إخوانك، حاول تعمل اي حاجة، اي حاجة، و ابقى ادعيلهم بالليل
مش عارف تعمل اي حاجة خالص؟؟؟؟ يبقى اتلهي و اخرس و ماتشتمش في اللي قضوا عمرهم كله بيجاهدوا بنفوسهم و أموالهم و أهلهم عشان الحق
اتلهوا و اخرسوا الله ياخدكوا

fleur de Rif said...

مافهمت شي من كلامك بس اكيد عندك حق

وما تزعليش كلنا عارفين ان الحكومة المصرية حقيرة والشعب المصري غير

والحال من بعضه عندنا وعندكم واحد

dr.lecter said...

اهو ده اللي انا كنت خايف منه

ابتدت حاله ال puplic panic

اسرائيل ماتقدرش تدخل مصر لاسباب عديده منها علاقتها الكويسه بمصر والوثيقه والدبلوماسيه والاقتصاديه


اما بقي موقف الشعب ومقف الحكومه

عارفيين الزيت والمياه؟

اهو احنا كده بقي زيهم بالظبط




استفدنا ايه بقي من الهلليله دي كلها

بقينا نصين

نص عمال يشتم في البلد وفي المصريين

والنص التاني بيعيط بس لزوم التضامن مع غزه انشالله حتي بالكوفيه الفلسطينيه


والنبي بلاش شعارات وجعجعه بق وخلاص

اللي عنده حاجه فليقل خيرا او ليصمت

3asheg.nawara said...

إوعى حد يجول تاني أنا مكسوف إني مصري بلاش خيابة بجى. متزغروش مصر عشان شوية .... مصر كبيرة جوي يا نوارة هما عاوزين يطفشونا و اللي باجي يكسرو نفسه و ييأسوه. فبلاش عشان خاطر مصر إوعم تدوهم الفرصة دية.
جومي يا شيخة شوفي حاجة تساعدي بيها اخواتك و بلاش حطة الإيد على الخد بزمتك لو في حد عزيز عليكي عيان - بعيد الشر - مش حتجلبي الدنيا لجل ما تلاجيله علاج.

Pink said...

مجرد سؤال:
هي اتفاقية كامب دافيد تعطي اسرائيل الحق في قصف الحدود بالطائرات ؟ و لا ده يعتبر خرقا للاتفاقية ؟

http://www.liveleak.com/view?i=873_1230570002

AhMeD RaDy said...

اشتركوا معانا يارجالة .. وقولوا يارب

مع غزة .... ولو باضعف الايمان


http://yallaqalb.blogspot.com/2008/12/blog-post_9396.html

مهندس مصري said...

غزة هاشم : بين مزايدات الممانعين وخيانة المعتدلين
http://ahmedzaidan.maktoobblog.com/
أحمد موفق زيدان

لسنا بحاجة إلى التأكيد والتدليل على خيانة بعض الأنظمة المعتدلة العربية التي آثرت التغطية على الجريمة والمحرقة الصهيونية، لسنا بحاجة إلى البرهنة على ذلك في ظل لهاث هذه الأنظمة وراء الأميركيين والصهاينة، لسنا بحاجة إلى الانتظار والتريث من هذه الأنظمة المتعفنة التي كانت على الدوام في صف أعداء المقاومة والمجاهدين ...

نحن بحاجة الآن إلى موقف من يسمى بمعسكر الممانعين والمقاومين وجبهة الصمود والتصدي ونحو ذلك من الأوصاف والألقاب التي يهيلها هذه المعسكر على نفسه وكأنه هو الذي يمنح الصكوك والأوصاف والألقاب، إذن من يُطلق على نفسه صفة ما عليه أن يتحمل مدلولاتها، وعليه أن يعمل بمقتضاها وإلا فإنه دعي كاذب، لا نريد أقوالا ولا نريد تصريحات، إننا نريد أفعالا ترقى إلى مستوى الحدث وخطورة الأوضاع التي تمر بها الأمة ...

تابعت تصريحات رموز ما يسمى بمعسكر الممانعة والمقاومة فلم أجد سوى التصريحات والكلام الفارغ، فالمظاهرات والنيل من النظام المصري الذي لا يدافع عنه أحد ومن الصعب أن يدافع عن نفسه ، تابعت تصريحات زعيم حزب الله الذي أغرق في حديث طائفي دون أن يُلزم نفسه بأي تعهد سوى مطالبته المصريين بالتحرك والإسلاميين بالانتفاض وغير ذلك من المطالب، دون أن يطالب نفسه بشيء، ونفس الأمر حصل مع النظام السوري الذي استكثر بالسماح لأربعين مهاجرا فلسطينيا بالدخول إلى سوريا، في حين انتفضت دول مثل تشيلي وغيرها إلى استقبال هؤلاء اللاجئين بينما صف الممانعة والمقاومة لم تقبل هؤلاء ، وهم الذين يتباكون على معبر رفح، وإن كان ذلك لا يبرر ما يقوم به النظام المصري، ولكن الحال العربي من بعضه، ولا أحد يستطيع أن يزاود على أحد ...

علينا ألا يُضحك علينا من قبل المزايدين والممانعين، علينا أن نفهم أن المزايدين وغيرهم شركاء في تدمير غزة والسعي إلى القضاء على حماس بنفس الدرجة التي يمارسها معسكر المعتدلين، فمن يدعم لفظيا حماس والمقاومة عليه أن يمارسها على الأرض ولا يظل هذه المعسكر وفيا لتاريخه في التخلي عن المقاومة والمقاومين والممانعين

Che said...

بعيد عن اى حسابات و ده مش معناه انى واخد صف الحكومه لان المساله بالمنطق لان محدش شاف ربنا انما الناس عرفوه بالعقل.. الناس اللى بتقول اننا لازم نحارب احنا بالفعل حاربنا و خدنا اللى اتاخد مننا ( بغض النظر عن الطريقه اللى خدنا بيها الحق ده و سواء كانت حرب التحرير ولا التحريك ) بس انا عارف ان اللى ارضه و عرضه و شرفه واجعه أوى هو اللى يدفع التمن ده بالدم مش يستنى الناس تيجى تحارب بداله .. و بعدين اللى عايز يعمل راجل يعمل راجل لوحده مش يحدف حجر ولا يضرب صاروخ و بعدين يروح يستخبى وسط الناس و يرجع يقول " انهم يقتلون العزل " و ده برضه مع الاخد فى الاعتبار ان اسرائيل كده كده هتضرب المدنين .. و تقرا ان الدوحه و صنعاء و المنامه عايزين يعملو اجتماع قمه عشان يشوفو هيردو ازاى على العدوان .. الدوحه بتاعت قناه الجزيره و صنعاء اللى رئيسها قال " يجب ان نحلق لانفسنا قبل ما يحلقلنا الامريكان و المنامه اللى يادوبك قد العمرانيه عندنا بيتكلمو عن الحرب .. و انا باختلف مع " have the decency at least to be sorry " لان فى الاخر الكلام مابيفرقش فى حاجه انما الفعل هو اللى بيفرق .. انا متاكد ان كل دى مزايدات علينا ولا يعنى فلسطين مافيهاش رجاله خلاص و مستنين رجاله من عندنا عشان يحاربو بدالهم
اخر حاجه انه عيب اننا نقول ان الفلسطينين باعو ارضهم عايز اقول انه ده صح بس ماينفعش التعميم و برضه ماينفعش الانكار .. و الناس اللى بتقول لك الله يا غزة احب اقولهم " ان الله لا يغير ما بقوم حتى يغيروا ما بانفسهم "

مواطن مصري said...

شوفي بقى

المذيع الي استضاف ليفني بدل ما يهاجمها زي منتظر كدة قعد يلف و يدور و يهاجم مصر


و طلعنا برائة


http://www.aljazeera.net/NR/exeres/5EED2AB9-FF94-4C13-9ADE-F1AAD1DFFB56.htm



فية ناس مصلحتها المزايدة و تقليب العرب علينا بدل ما يقومو هما على اسرائيل

مواطن مصري said...

و المذيع الي قعد يسئلها عن مصر بكذ طريقة لية مهجمهاش ولا شتمها على الهواء و قالها انتي مندكيش دم يا بنت الكلب يا مجرمة


ولا الي ميقدرش يتتشطر على الحمار يتشطر على

جبهة التهييس الشعبية said...

مصطفى

وحزب الله يحارب نيابة عن غزة ليه يا مصطفى؟

عشان يتقال عليه مغامر

اذا كان فيه ناس في اكبر دولة عربية بتقول واحنا مالنا نتضامن مع غزة ليه ما احنا عندنا الدويقة

يعني فيه ناس بتبخل بالتضامن
والمظاهرات النهاردة كانت اساسا مظاهرات الاخوان واللي مش اخوان قلة قليلة

بس بجد توقعك ده غاظني يا مصطفى
هو حزب الله حكومة وللا جيش عشان يتخذ قرار حرب ونيابة عن الفلسطينيين كمان؟

اذا كان اتفرضت عليه الحرب في 2006 وبدل ما يسكتوا قالوا عليه مغامرات غير محسوبة
وطلع لهم اللي يقول لو حزب الله اتهزم تبقى كارثة لو انتصر تبقى كارثة اكبر
ولبناني زيه زيهم
لا ماهو ما شاء الله الناس اللي زي الجذام دول موجودين في كل بلد عربي بالصلاة ع النبي يعني

قوم عايزهم يحاربوا نيابة عن غزة من غير سبب؟

TAFATEFO said...

ويغيظك ليه؟؟ أنا معنديش أمل في حد غيره .. عندك انتي أمل في حد تاني؟؟

ما هو أنا متوقعش مثلاً وأبقى مغفل لو أملت ان مصر ولا السعوديه (اللي عندهم ترسانة تكلفتها تريلينات الدولارات معرفش أصلاً بيعملوا بيها ايه) أكبر دولتين عربيتين عبريتين معنديش أمل فيهم .. وباقي الدول العربيه العبريه برضه معنديش أمل فيها

يبقى الأمل اللي يفضل عندي في حسن نصر الله .. لو تعرفي حد تاني آمل فيه قوليلي عليه أكرمك الباري

أنا مش بقول انه المفروض يحارب .. أنا بقول كان نفسي يقول .. بصرف النظر عن واقعية الأمنية .. الأماني مش مشروطه بالواقعيه .. وممكن تسميها أحلام

عادي

هو احنا فاضلنا حد نبصله غيره؟؟ مظنش

انا اللى بالامر المحال اغتوى said...

فى جريده الجمهوريه النهارده كاتب محمد على ابراهيم وهو رئيس التحرير تقريبا انه حسن نصر الله عميل وكلام عجيب كده
ده اللينك
http://www.algomhuria.net.eg/algomhuria/today/fpage/detail01.asp
المهم انه لو حتى عميل
وراجل مش كويس
كفايه انه بيقول للاعور انت اعور فعينه
لكن الاعور بتاعنا اقصد حسنى بيه كل شويه طالع بحجه عشان ميفتحش المعابر
انا ليا اصحاب من فلسطين ومن غزه بالتحديد
بيقولو انه الوضع اسوا من اللى بنشوفه كمان
جرحى وشهداء فكل مكان
والمعلم بتاعنا اقصد الريس بيقول غياب السلطه والرقابه الاوروبيه
سلطه مين ورقابه ايه
ده لو عنده نخوه او نقطة دم واحده بتجرى فعروقه كان يفتح المعبر ويبقى اقل واجب كمان
لكن هقول ايه
احنا هنتحاسب على السكوت ده اكتر من اليهود نفسهم
حسبى الله ونعم الوكيل
انا كلى خجل من موقف حكومتنا
اقل واجب يتقال فحقها
انها حكومه واطيه وجبانه

Blank-Socrate said...

انت منحازة لكلام حسن نصرالله
ليه هو مبدئش حرب من حدوده مع اسرائيل ردا على حرب غزة
انا لا اتفق معك اطلاقا
لان موقفك بعيد عن الموضوعيه حماسى فقط
بتتكلمى عن القوميه العربيه و الاجتماع الخليجى فشل فى الاجماع على اى شىء