Sunday, 28 December 2008

هم مش قالوا ان حماس هي اللي مانعة عبور الفلسطينيين

التحديث الاوسخين:

السلطات المصرية منعت الطائرات الليبية من الهبوط في مطار العريش لامداد غزة بالاغاثة والقافلة الليبية ح تحاول تروح من البحر ومنعت الطائرات اللي هبطت في العريش من انها تدخل غزة او تعدي من الحدود
هنيبعل القذافي بيقول ان مصر قبل كده منعت قافلة ليبية عشان اسرائيل ما كانتش موافقة
الكلام ده صحيح؟ هنيبعل ده ...ايه ده حد يبقى اسمه هنيبعل؟... هنيبعل ده بيقول كلام صحيح؟ حد يكلمنا بقى
حد يكلمنا غير ابو الغيظ، هي حصلت هنيبعل يتف علينا كمان؟
حد يكلمنا في ام البلد دي.......... احنا بيتعمل فينا كده ليه؟ فيه حاجة؟
فيه ايه؟
هو فيه حاجة؟ هو فيه ايه؟ انا مش فاهمة حاجة
هي ليه مصر محاصرة غزة؟ وليه ابو الغيظ بيتكلم كده؟ وليه بيعمل كده؟ وليه فاضحينا كده؟ واحنا ليه مش بنتصرف احسن من كده؟ وليه ردود افعالنا بطيئة كده؟ وليه من كتر احساسنا بالذنب بدل ما نعتذر بنقل ادبنا زي الامريكان بالظبط، انتوا مش فاهمين، الامريكان عندهم فلوس، عندهم فلوووووووووووس، مضطرين يعني يوسخوا عشان يكسبوا، احنا بنوسخ محبة لوجه الله والوطن صح؟ وللا اللي بيقول كده بيكسب وللا ايه؟ انا ما بقتش فاهمة حاجة
هو فيه حاجة وللا حاجة؟ وماحدش يعمل زي ليلى صاحبتي السورية ويقول لي مصر العشة ومصر القصر
هي العشة دي لو فيها اموات كانوا قاموا



حد عنده تأكيدات للخبر الآتي: الدولة العربية اللي رفضت القمة العربية هي مصر
واحدة صاحبتي كلمتني دلوقت وقالت لي كده وقالت ان الخبر ده من الصبح، وانا قاعدة قدام التلفزيون اهو
حد يعرف الخبر ده صحيح وللا مش صحيح؟
ان شاء الله يطلع مش صحيح....صح؟
حد عنده ام كرامة في ام البلد دي؟ حد يعرف ام قيمة ام البلد اللي كانت في يوم من الايام ليها قيمة؟ حد يعرف يسكت ويبطل يقول ما قطر والسعودية والاردن والكلام المقرف ده؟ مع احترامي لكل الناس يعني
احنا بيتعمل فينا كده ليه؟
مصر هي اللي كانت رافضة القمة؟ حد يرد عليا
---


تحديث:
جالي خبر دلوقت ان فيه انباء عن اصابة جلعاد شاليط اثناء القصف الاسرائيلي
هههههههههههه
اغبيا
ملحوقة تانية:
اللي عايز يوسخ يروح يوسخ في حتة تانية انا مش ح انشر تعليقات وسخة تاني خلاص، انا لا مؤمنة بالديمقرطية
ولا مؤمنة بالحوار
ولا مؤمنة بالاختلاف
ولا مؤمنة باني افتح ودني وعينيا لماسورة مجاري لناس الله اعلم مين اللي وراهم
وعلى فكرة مؤمنة بالتخوين ونظرية المؤامرة
فيه حاجة تاني؟
ياللا من هنا ح نرش مية
اظن المدونات المفتوحة كنيف نجس معروفة كويس لكل الناس، اللي عايز يعمل زي الناس يروح عندهم ويهيص، ويستلف منهم فوطة صفرا كمان عشان يلمع ازاز العربيات في الاشارات وياخد اللي فيه النصيب وربنا يكرمه كده وينباساط
انا مش حاطة على الجنب المدونة لا ترحب بايتام الديمقراطية الامريكية؟
مش قايلة انا كده؟ وللا هي غلاسة؟
-------------
فلسطينيين متراكمين على الحدود والامن المصري منعهم واتقتل ظابط مصري وواحد فلسطيني! هو مش ابو الغيظ قال ان حماس هي اللي مانعة الفلسطينيين من عبور المعبر؟ مين اللي ادا اوامر للامن المصري انه يمنع الفلسطينيين من العبور لدرجة انه يموت مصري وفلسطيني؟ يعني وصلت ازاي لكده يعني؟ هم مش قالوا انهم فاتحين المعبر للمصابين خلاص؟ ولو حماس مانعاهم امال حاطاهم على الحدود ليه؟ وهم لو بينضربوا وبيهربوا عندنا، حتى لو مش مصابين، بنمنعهم ليه؟ وليه الموضوع يوصل لحد ما يحصل اقتتال؟ وليه فيه ناس قذرة؟ وليه فيه ناس واطية؟ وازاي لقوا لهم مخرج يستوطوا منه؟ الحقيقة الناس الحقيرة اللي بتاكل في الطبق وتتف فيه بيبهروني بوساختهم، كل ما اقول خلاص اتسددت مش ح يلاقوا حتة يستوسخوا منها، يقوموا يعملوا التقيلة على روحهم عشان يعرفوا يظروطوا نفسهم كويس
لا بجد ناس مبدعة حقيقي
حقيقي
يا رب يموتوا
يا رب يموتوا
وليه امن الجامعة رجع تاني؟ وليه النهاردة وانا خارجة لقيت ظابط بيضرب عسكري بالشلاليت والقفا والقلم؟ وليه بندفع ضرايب بعد ده كله؟ انا زعلانة على فلوسي على فكرة

36 comments:

جبهة التهييس الشعبية said...

مواطن مصري
معلش مش ح انشر تعليقات شتيمة في حماس طول فترة الحرب

عيب يعني
عيب الناس بتموت

دول لو يهود عيب علينا نشتمهم يا اخي

مهندس مصري said...

http://www.ikhwanonline.com/Article.asp?ArtID=43577&SecID=230
مظاهرات المحافظات المصرية من اجل غزة

مواطن مصري said...

طيب انا قاببلها منك يا نوارة عشان بس بحترم رائيك اوقات ابقى معاكي و اوقات لا


بس الي الان شفتي عملو حاجة غير الشتيمة . بقى دة اسمو كلام

؟


و اول ما اسرائيل هتدخل ب المدرعات اراهنك مش هيضربو نار
عليهم

رامز عباس said...

تضامنا مع الشعب الفلسطيني

بغزة

لجنة التنسيق بين القوى والأحزاب السياسية والوطنية بالمحلة الكبري
ونشطاء العمل الوطني والأجتماعي

يدعونكم للوقفة الأحتجاجية التي سوف تقام بميدان الشون في الثانية عشر ظهر الاربعاء القادم

وندعوكم كمدونين يشاركون بتغطيه ردود أفعال الشعب المصري للمشاركة تقدير لصمود الشعب الفلسطيني الذى يتعرض لحمله ابادة ويتزايد فيه اعداد المعاقين ونحن نرفض هذا العدوان

مهندس مصري said...

صدقتي يا بنتي انا عمال على الجايكو اسمع اراء عجيبة تجنن و بتدافع عن موقف مصر اللي هوه محصلش مقعد مش موقف
دا مصر منبطحة على الأرض خالص و عاملين اسود بس على الغلابة

و مقتل الضابط المصري حادث أليم و حماس قالت كده و بسبب ان الامن المصري كان بيضرب نار في الهواء علشان يرجع الفلسطينين اللي عبروا السور لغزة تاني
فما تعرفيش مين ضرب في المليان الاول و رسيت على قتيلين واحد مصري و واحد فلسطيني

بدل ما شوية يعملوا مندبة خليكوا فاكرين انه حادثة بجد في وسط قصف طيران عنيف و ضرب نار من اتجاهات كتير

و مش زي ما إسرائيل بتصطادهم ببنادق القناصة و بعدها تعتذر و ساعات كمان ما بتعتذرش

و المعبر قافلينه و مكومين الإمدادات و حالفين ميت يمين طلاق بالتلاتة ما هي داخلة غير من كرم ابو سالم اللي تحت سيطرة اسرائيل

ليه ؟ غلاسة هوا كده

و لما فتحناه ساعة و لا 2 بعد العصر و كنا بننقطهم في الإمدادات هللنا قوي و قلنا بنساعدهم و بعدها سكيناه تاني

الواحد دمه محروق قوي

جبهة التهييس الشعبية said...

طيب يا مواطن ما نبعت لهم اسلحة كده؟

ما نسكت ونحل عنهم ويصطفلوا هم واسرائيل؟
بناخد صف اسرائيل ليه؟
الناس بتدخل تشتري الحاجة بفلوسها
امال لو كانوا بياخدوا مننا معونة زي المعونة اللي بناخدها من امريكا كنا عملنا فيهم ايه؟

جبهة التهييس الشعبية said...

وانت يا مهندس لسة قاعد على الجايكو؟

ده مباءة يا ابني

مواطن مصري said...

انا مش باخد صف اسرائيل انا ضد المجازر الي بتعملها اسرائيل بس نسئل نفسنا و نواجهة عيوبنا الي ادت لهذة المشكلة

من السبب فيها اليس الانقسام الفلسطيني الفلسطيني


و لو كان الصف موحد الان ضد اسرائيل كان الوضع اختلف

ahmed said...

يا عم مواطن مصرى و النبى ركز شوية و حياة أبوك

حماس معندهاش طيران و لا دفاع جوى بالعقل كده حتواجه الطيران بإيه؟؟؟؟؟؟؟؟؟؟؟؟؟؟

أما بيحصل اجتياح برى عناصر حماس بتحارب زى الاسود و لحد ما يموتوا و لعلمك مش بيخافوا من الدبابات

أنا لا حمساوى و لا اخوانجى انا بس بفكر بعقلى و بعرف اقف فى صف مين ساعه الازمة

مواطن مصري said...

@ احمد هنشوف و الساعات بيننا

ahmed said...

يا عم مواطن مصرى

الوثاق اللى اتنشرت فى مجلة فانيتى فير و ده وثائق من المخابرات المركزية الامريكية

بتقول ان امريكا بعتت فلوس و أسلحه لفتح عن طريق معبر رفح بتاعنا ، لييه؟؟؟

عشان تضرب بيهم حماس لأن حماس مش ماشية على هوى اسرائيل
معظم قاده فتح متورطين فى تجارة مشبوهه و تجسس و بلاوى تانية زرقا

عرفت الانقسام الفلسطينى الفلسطينى جه منين؟؟

جه لأن قاده فتح دلوقتى بيقبضوا من أمريكااااااااااااااااا
و ده كلام السى أى إيه مش كلامى

fahd said...

بجد يا اخ مواطن ياريت تسكت محدش عايز يسمعك ولا طايق

كفاية يا اخي اللي احنا فيه مش نقصاك

وياريت تفهم الموضوع كله قبل ما تتكلم انا حاسس ان كل كلامك عبارة عن تصورات مسبقة في عقلك وكأنها قرأن

براحتك احتفظ بافكارك لكن بالله عليك سبنا باللي احنا فيه

مواطن مصري said...

و الله انا بقول راي و الي مش عاوز يواجهة الحقيقة و يراجع نفسة و زعلان يبقى هو الي خسران و @ احمد


اة بامراة سلاح حماس الي ضرب فتح و اعتقلهم و قتل عائلات تبع فتح و بامارة قفل المعبر امام الحجاج الفلسطينين عشان هما تبع فتح


اة بامارة كمان سلاح فتح الي ضرب على جنودنا في سيناء

مواطن مصري said...

عفوأ سلاح حماس غلطة مطبعية

دعاء said...

بجد بقى أنا خلاص طهقت ، بعض الأراء قربت تجبلي جلطة..

يا ناس ده وقته .. بجد يعني هو احنا مبنحسش معندناش أي شعور فقدنا الشعور والاحساس لدرجة دي..

انسوا اننا عرب أنسوا اننا مسلمين أنسوا أي شيء أو مباديء أو اي حاجة من دي

وفكروا بس

في المناظر ألي بتشفوها دي

أطفال ونساء وشيوخ ورجال بيبادوا

هو كمان معندناش عنين نبص بيها

بيبادوا

و مانعين عنهم الاكل والشرب والدوا والوقود

في أي عرف إنساني ده

في أي عرف حيواني حتى

ده الحيونات مبتعملش كده مع بعضها

دول لو إسرائليين مصابين كنا هنلاقي ناس يقولوا حرام برضة بشر

دول لو مش بشر

كانت مناظرهم صعبت علينا

وكل ما أروح حته في النت

الاقي ألي زعلان على مطالبة مصر بفتح المعبر

وألي عمال ينظر

وألي بيتريق على الفصيل ده ولا الجماعة دي

وألي ماسك في ريش حماس وعمال ينتفه دلوقت في الوقت ألي هما بيضربوا ويموتوا فيه، خلاص هو ده وقت الضرب في حماس

دول ناس بيموتوا

سيبوهم حتى يموتوا في هدوء بقى

أرحموا من في الارض يرحمكم من في السماء

يا ربي ده أيه ده محدش بقى عندة أي رحمة ولا قلب كده

أنا كرهت النت على الجايكو على المدونات

ربنا ياخدنا كلنا

الخوجة said...

نوارة
نوارة
نوارة






رجعت تانى لينا
نوارة
مصر اليوم فى عيد



انا حر دماغى كده
وسط الغم والنكد مش لاقى حاجه
طلعت الحجة نوارة بالدماغ العالى ده
كلام من داخلنا
مش معقول
مش معقول
فعلا كلام من داخلنا
صحيح الكتابه والصحافة موهبة

معلهش انا برة الخط
خالص


ياجماعه اعذرونى البتنجان كان تقيل على نفسى ماصدقت الاقى حاجه تخليينى اكتب على الكيبورد واطلع اللى جوايه

محدش يحوشنى
انا باقول اهه


تسلمى ويسلم فمك يابنتى

لا والنرفزة العصبيه راحت
كتابه عقل وناس عقلاء صحيح
اقول ايه لما واحدة زيك تتكلم
اشباة الرجال ينخرسوا ويروحوا يشوفوا لهم طربة يناموا فيها على الحياه


وبعدين مش انتى من شهر ولا اكتر قلتى لينا على الجايكو هو احنا كنا نعرفه منين ده

لا الاجازة فعلا غيرتك للاحسن

ياجماعه اعذرونى لتانى مرة
الردود على الجايكو هى اللى عملت كده فيه مابقتش عارف مين بيخبط فى مين بدليل انكم كلكم هنا وتركتم الجايكو لناس الله العالم بيهم

حرقوا دمنا الله يحرق دمهم وبعدين العتب عليكى

شوفوا الجنان بتاعى وصل لفين
اصلك كنتى فى اجازة واتحايلت عليكى بلاش اجازة زى ماكون حاسس باللى هيحصل
صح ولا لأ
انتى ماتعرفيش مفروض يعملوا قسم بالخارجية اسمه قسم تحليل ومتابعه اراء نوارة
ان لم يكن موجود فعلا

شايفين كلكم اثرها عليكم وعلينا وعلى مصر كلها

مين منكم من يوم نوارة ماخذت الاجازة كتب تدوينه عليها الطلى ولا واحد منكم
انا مش باقلل من قدركم

لكن هى تحلل واحنا الرجالة مخنا يشتغل
انتى محللة تستحقى على هذا جايزة التحليل المصرى للواقع الاليم

حرة المداد said...

هل نأمن مكر الله وانتقامه من تخاذلنا متذرعين بجور الحكام ؟!


واذا فماذا علينا أن نفعل لنصرتهم ؟


لقد حصرت10 وسائل لنصرتهم كلها في امكاننا باذن الله وهي ليست تفضلا منا بل النصرة فرض عين على كل مسلم
قال الحق سبحانه (وإن استنصروكم في الدين فعليكم النصر)
و قال ( والمؤمنون والمؤمنات بعضهم أولياء بعض )
، وقال نبينا صلى الله عليه وسلم ( المسلم أخو المسلم لايظلمه ، ولا يخذله ، ولايسلمه ) رواه مسلم
وقال : ( ما من امرئ مسلم يخذل امرءاً مسلماً في موضع تنتهك فيه حرمته، وينتقص فيه من عرضه؛ إلاّ خذله الله في موضع يحب فيه نصرته, وما من امرئ ينصر مسلماً في موضع ينتقص فيه من عرضه, وتنتهك فيه حرمته؛ إلاّ نصره الله في موضع يحب فيه نصرته) رواه أبو داود



الرجاء من كل قارئ نشر تلك الوسائل على المواقع والمنتديات والمدونات و في كل وسائل الاعلام
1-أدعوا العلماء والدعاة المخلصين أن يقوموا بدورهم الذي تنتظره الأمة منهم بعد خيبة أملها في حكامها...ليس بالخطب والدروس فحسب...ليس في الفضائيات فحسب بل على أرض الواقع وأناشد كل من يقرأ هذا الكلام أن يوصله لكل من يعرف من العلماء والدعاة وبخاصة داخل مصر...لا أقل من أن يخرج العلماء والدعاة إلى رفح ليخرج الناس معهم...نذهب بأنفسنا لفك الحصار عن إخواننا بدل أن ننتظر غيرنا ليقوم بهذا
والله إنه للحل الوحيد لايقاظ الأمة وارعاب إسرائيل...80 مليون مصري كيف لا يقدرون على فك حصار اخوانهم ؟!
لو لم يقدروا لكانت فضيحة وعار...لكان باطن الأرض خيرا من ظاهرها...لن أقول يذهب الجميع...من الثمانين فليخرج نصف مليون فقط...نصف مليون لن تقدر كل قوات الأمن أن تقف في وجههم لو اتحدوا...فلنذهب الى رفح ولو سيرا على الأقدام وأنا والله على استعداد أن أترك أولادي وكل شئ وأذهب الى هناك مع الذاهبين...لا أقل من نصف مليون يذهبوا لنصرة المليون ونصف مسلم محاصر...ليغسلوا عار الثمانين مليون...يعني من كل 160 واحد فقط...ألا يوجد مؤمن شجاع قوي واحد فقط بين كل 160 مصري ؟!
أرجو من كل من يقرأ وأتوسل اليه أن ينشر هذا الأمر ...لنري الله من أنفسنا خيرا.؟..لنكن صادقين مع الله ليصدقنا وعده بالنصر...الأمر ليس صعبا وليس مستحيلا لكنه يحتاج الى علماء ودعاة صادقين في وزن الامام العز بن عبد السلام أيام حروب التتار.



2-التبرع بالمال والدم واعتقد أن اتحاد الاطباء العرب ونقابات الاطباء هي المكان الأنسب لذلك.



3-تفعيل المقاطعة الاقتصادية الجديّة من جديد ونشر جداول البضائع الواجب مقاطعتها والبدائل في كل مكان.



4-الضغط على الحكومات العربية بكل وسيلة مثل التظاهرات والوقفات الاحتجاجية والمؤتمرات والاعتصامات.



5-ارسال الرسائل القصيرة(sms) الداعية لانتفاضة الشارع العربي والاسلامي للقنوات الفضائية المهتمة بالقضية مثل الأقصى والرسالة واقرأ...الخ وكذلك للمواقع الاخبارية مثل موقع الجزيرة،bbc



6-ارسال رسائل وبرقيات احتجاج للمسؤولين والهيئات الحكومية والدولية وحقوق الانسان(أنا لا أعرف كيفية الارسال لهم وأتمنى أن يدلني أحد)


7-ارسال رسائل تضامن وشد أزر واعتذار وحب لاخواننا في فلسطين وغزة عن طريق القنوات الفضائية والمواقع الالكترونية الفلسطينية والمدونات الفلسطينية وكذلك المنتديات لأنهم في أمس الحاجة لمن يذكي عزيمتهم ويرفع معنوياتهم بعد كل هذا الخذلان وهذه الخيانة من حكامنا و حكوماتنا.



8-الدعاء-الصيام-القيام والقنوت فيه من أجل أن ينصرهم الله ويعيننا على نصرتهم.


9-أهم من كل ما سبق أن نعود الى الله ونهاجر اليه من معاصينا وذنوبنا وغفلتنا ونصلح أنفسنا حتى نستحق أن يرفع عنا البلاء وبنصرناقوله تعالى : { وعد الله الذين آمنوا منكم وعملوا الصالحات ليستخلفنهم في الأرض كما استخلف الذين من قبلهم وليمكنن لهم دينهم الذي ارتضى لهم وليبدلنهم من بعد خوفهم أمنا يعبدونني لا يشركون بي شيئا ومن كفر بعد ذلك فأولئك هم الفاسقون }23النور.


10-أبناؤنا هم الأمل الحقيقي الآن وبيدنا وحدنا أن نجعل منهم جيل النصر المنشود الذي يأخذ بثأرنا ويعيد كرامتنا وعزتنا فلنتق الله في تربيتهم على كتاب الله وسنة رسوله وسيرته وقصص الصحابة والتابعين والمجاهدين الفاتحين وندرس لهم تاريخنا الزاهر حتى يحلموا ويعملوا على إعادة أمجاده...نعرفهم على الخلفاء الراشدين،العشرة المبشرين،خالد بن الوليد،ربعي بن عامر،سعد بن أبي وقاص،نور الدين زنكي،صلاح الدين الأيوبي،قطز،محمد الفاتح،عمر المختاروغيرهم من آلاف القدوات الذين يزخر بهم تاريخنا العظيم..لنغرس فيهم عشق الجهاد والاقصى والشهادة وسيثمر غراسنا باذن الله وغدا نكون معهم وهم داخلون الى بيت المقدس يختبئ منهم اليهود خلف الحجر والشجر فيهتف الحجر والشجر :يامسلم ياعبد الله هذا يهودي خلفي تعال فاقتله (وكان وعدا مفعولا)سورة الاسراء



إنهم يرونه بعيدا ونراه قريبا



المهم ألا يفتر حماسنا بعد بضعة أيام وننسى
اللهم إنك تعلم أننا نفر من المؤمنين نحمل هم هذه الأمة ونحترق ألما على حالها لكننا لا نملك الا أنفسنا وأبناءنا وأقلامنا، اللهم فامنح مدادنا القوة في الحق ،والصدق في البذل وألهمنا الاخلاص لوجهك الكريم ،والصبر حين الابتلاء واهدنا واهد بنا واجعلنا سببا لمن اهتدى، وانصرنا على عدوك وعدونا آمين
اللهم استخدمنا ولا تستبدلنا...اللهم استخدمنا ولا تستبدلنا...اللهم استخدمنا ولا تستبدلنا

سنابل قمح said...

يا ناااااااااااس ماحدش جاب سيرة مساعدات عسكرية ولا حرب ولا نيلة بنقول مساعدات انسانية
ايه رأيك يا مواطن بيقول لك مصر تمنع طائرات ليبية وقطرية تحمل مساعدات انسانية من الهبوط ف مطار العريش يعني لانرحم ولا نسيب رحمة ربنا تنزل
ندالة و وساخة دى ولا تتسمي إيه؟؟

AhMeD RaDy said...

هو فى ايه يا جدعان

دا اسمه ايه بقى

الخبر دا من قناة العربية

أعلنت حركة حماس الأحد 28-12-2008، بعد اتهامات وجهها وزير الخارجية المصري أحمد ابو الغيط بأن حماس "لا تسمح للجرحى" الفلسطينيين بعبور منفذ رفح الى مصر، أعلنت أنها ترفض فتح معبر رفح الحدودي مع مصر أمام الجرحى فقط، وأنها تطالب مصر في المقابل بفتح المعبر بلا شروط، وإعلان انتهاء الحصار على قطاع غزة الذي يتعرض لغارات إسرائيلية أوقعت حتى الآن قرابة 280 قتيلا.

وقال فوزي برهوم المتحدث باسم حماس لفرانس برس "نحن رفضنا هذا المنطق الغريب، أن يفتح معبر رفح أمام الجثث المقطعة الأوصال ويغلق على مليون ونصف مليون من الأحياء في غزة". وأكد أنه "لا بد من موقف مصري وعربي مسؤول وقرار فوري وعاجل بأن قطاع غزة انتهى حصاره وبدات مرحلة الإمداد الى غزة بكل الأنواع".

واستنكر برهوم "ان يفتح معبر رفح للحالات الحرجة جدا التى لن تصمد امتارا بعد خروجها من غزة بينما يغلق معبر رفح على مليون ونصف المليون من الأحياء على مدار عامين ماتوا موتا بطيئا دون أن تسمح القيادة المصرية بفتح المعبر لهم تحت حجج واهية وغير مبررة".

ونبى بقى .. حد يقولى هو الكلام دا معنه ايه .. عشان افهم بس

TAFATEFO said...

يا شيخ يلعن أبو حماس ميت مره علشان ترتاح .. دلوقتي إسرائيل هتدخل غزه برياً .. والحاجه الوحيده اللي ممكن تحمي الدم الفلسطيني ان حماس تفاجئنا (قول يا سيدي مفاجأه زي الزفت لو عايز) وتدمر دباباتهم وتخليهم يرجعوا يجروا أذ1يال الخيبه

يا أخي أنا نفسي أشوف دم إسرائيلي .. أي دم إسرائيلي .. أي خراب إسرائيلي .. أي حاجه قصاد حمامات الدم اللي ملهاش أي مبرر .. يا عمي حماس عملت ايه قصاد دم مئات الفلسطينيين وجرح الآلاف وتشريد وتجويع مئات الآلاف

يا أخي مات فوق الـ300 قصاد ايه دول .. يا رب قوي الحمساويه (اللي هما السبب لو عايز علشان يحموا الدم الفلسطيني اللي إسرائيل داخله تريقه)

يا رب بحق جاه النبي ارحم الغلابه والمستضعفين .. يا رب لا ليهم في دول ولا دول .. واللي هيموتوا ليهم جنتك .. لكن الأحياء يا رب يعملوا ايه؟؟ .. اللي اتصابو ولا عجزوا واللي جاعوا واللي اتشردوا يا رب ارحمهم برحمتك .. وانتقم من الصهاينه واللي بيعاونوهم واللي اتفقوا معاهم واللي حرضوهم

AhMeD RaDy said...

نوارة

انا بقى ابصملك بالعشرة فى حوار ان يا سلام يا سلام

لو مصر تخليها فى حالها .. وتنفض من الحوار كله

يعنى .. تفكها بقى من انها تتدخل اساسا
بدل ما احنا فعلا مع اسرائيل

وياريت نبقى زى بلاد الشمبرديح فى التعامل يمكن دا علىالاقل يريح ضمرنا اللى وجعنا

مواطن مصري said...

في مساعدات قطرية وصلت و انشاء الله نأمل ان تعبر و فية احتمال قوافل هتطلع

TAFATEFO said...

هو ليه إسرائيل بتموتنا بالبطئ؟؟

امتى تدخل بري بقى؟؟ تدخل بري بقى علشان يندكوا ان شاء الله .. تحسبهم جميعاً وقلوبهم شتى

يارب قوي الناس .. يا رب انتقم من كل من أراق أو تآمر على الدم الفلسطيني

نور said...

نوارة

انا اول مرة ارد عندك .. بس لازم تقبليني اخت وصديقة

ارجووكي ... ارجووووكي

بلاش تخلي العصبية تفقدك اعصابك وتخليكي تكتبي اي كلمة فيها اهانة قاسية لاي جهة مهما كانت .. بلاش اي لفظ كده ولا كده

لازم نبقى قدوة يا اخوانا

سامحيني ان اول رد عندك يبقى كده

عموما ده مش هيكون الرد الاخير لاني بحب كتاباتك جدا ومتابعاكي وهستمر ان شاء الله في حالة ان الوضع الحالي لغزة ومصر ما أصابنيش بجلطة دماغية

لقد خلقنا الله احرارا said...

انا كنت مخنوقة لما قريت التحديث الاوسخين وداخلة اعلق وانا ماسكة رقبتى من الخنقة اللى فيها بس قريت تعليق الخوجة الله يكرمه طيب كنت متوقع ايه من نجم وصافيناز مش بجامل والله ومش وقت مجاملات بس ياعم انت وهو ياللى جالكم احباط وقربتم تكفروا ببلدكم ومستقبلكم البلد دى والله زى الفل بالرغم من وجود ريسنا الملاح اللى هيعدينا (غالبا هيعدينا علشان نولع فى روحنا فى حتة بعيد) وبالرغم من وجود ابو الغيط واشباهه وتامر امين وامثاله ومصطفى الفقى اللى هيدقع كتير تمن كرسى المجلس اللى سرقه لكن فيها ناس بتحبها بجد من غير تنظير وتحليل واظن واعتقد ربنا ياخدهم كلهم وبعدين ياظلمة حتى مش قادرين تمشوا فى جنازة الميت اللى دبحتوه حتى مش قادرين تقوموا بدور الحانوتى حسبى الله ونعم الوكيل

AhMeD RaDy said...

نوارة معلش بقى

شكلى برغى كتير هنا

بس والله جدعة انك مش هتنزلى اى تعليق بيشتم فى حماس

لان حماس مش هننكر انها واحدة من الحركات اللى فيها رجالة لسه

بس بقى اللى يحرق الدم موت بقى شوي العيال بتوع العرب دول

طب ونبى ياللى فرضيين عضلاتكم اوى كدا .. ما تورنا تقدروا تعملوا ايه مع اسرائيل

وسوريا اللى طلعلها صوت علينا

ونبى ابقى يا معلمة سوريا قولى لى عملتواايه لما انضربتوا على الحدود من امريكا الا ما سمعنالكوا صوت

عايزين بقى تعملوا رجالة علينا احنا

دعاء said...

اه لو دخلوا بري يا مصطفى بتأكيد وقتها على الأرض هتحصل حقيقي إصابات، هما عارفين كده كويس علشان كده مش
راضين يقدموا على الهجوم البري

حتى بضعف حماس ده كله لو إسرائيل هجمت بريًا هيبدئوا يعدوا إصابتهم وقتلاهم

إمتى بقى

جبهة التهييس الشعبية said...

اه يا احمد
يعلوا صوتهم علينا

واي حد يعلي صوته علينا لان اي حد ما عملش اللي عملناه

مافيش عاصمة عربية
ولا حتى عمان ايام الملك حسين

اسرائيل اعلنت منها الحرب على الفلسطينيين

ما حصلتش قبل كده يا احمد

AhMeD RaDy said...

يا معلم تيفو

انا مش هشتم فى حماس

بس بجد شئ غريب ..

هو الرد هيكون امتى بقى .. نفسى اعر ف الرد هيكون امتى

؟؟؟

احتمال كدا الرد هيكون بعد ما اسرائيل تكون ابادة ابادة كاملة للفلسطينيين اللىفى غزة ..وربنا يستر بقى علينا احنا كمان

مواطن مصري said...

مش عارف لية شامم ذكريات و ريحة حرب 67
او حرب 48




و المظهرات الي كان بيحشده الاتحاد الاشتراكي زمانننن يا ة سبحان الله التاريخ بيعيد نفسة

نفس الموقف ب الظبط

مواطن مصري said...

@ احمدراضي

حماس بتاعت كلامممم هما بس فرحانين بصواريخ العيد
ياما قولنا ليهم وحدو الصفوف و اتعلمو من حزب الله على الاقل بالرغم اني اختلفت مع خطبة حسن نصر الله الان انة مقاوم اسمو مقاومة

مش بتاع كلام

و تصاريح على الهواء زي زمان

جنودنا على ابواب تل ابيب ايام النكسة

AhMeD RaDy said...

قابلوا بقى

القدس العربى ـ رفض الزعيم الليبي العقيد معمر القذافي المشاركة في القمة العربية الطارئة التي من المرجح ان تعقد في الدوحة الجمعة المقبل لبحث الاعتداءات الاسرائيلية على قطاع غزة.

وقال القذافي في كلمة بثها التلفزيون الليبي ليلة السبت "طالما لسنا قادرين على التحرير ولا صد العدوان ولا ايقاف المذابح ماذا تعملون بالاجتماع، والرد الافضل ان تسحب ما تسمى المبادرة العربية وهي مؤامرة عربية وهذة المجازر نتيجتها، وهي التي شجعت العدو على فعل ذلك".

واكد القذافي "لن احضر قمة لا نقدم فيها الا الاستنكار والاستهجان. ابدا لن اشارك في هذة الاسطوانة المشروخة ولن اكون طرفا فيها، وما دمنا غير قادرين على الدفاع عن انفسنا يجب ان يخجل من يدعو الى هذة المواقف الجبانة المنبطحة".

واضاف "يجب ان نخجل من هذة الاقتراحات، مبادرة وقمة. سواء عملوا قمة، هذا هو موقفنا اليوم. المئات تموت في غزة قربان الانتخابات الاسرائيلية او الانتخابات الامريكية. اطفالنا اليوم وغدا يذبحون قربانا على مذبحة الانتخابات الاسرائيلية".

وقال القذافي "يتحدثون عن سلام، اي سلام هذا (...) الاسرائيليون يعيشون بسلام ونحن العرب نتعرض للدمار.

لا نريد سلاما ولا مفاوضات. ريحوا العالم. لا نريد مفاوضات ولا سلاما ما دام العدو قادرا على ذبحنا.

نقدم كلمات بلا معنى. مفاوضات سلام تجارب فاشلة هذا واقعنا".

طالب ثانوى said...

اللى رفض القمة ليبيا والقذافى اتكلم فى التلفزيون وقال انها لابتودى ولابتجيب

اما مصر تحفظت على قمة بدون استعدادات

هنبيعل يعنى سعادة بعل الاسم المشتق منة اسم مدينة بعل بك اللبنانية

شوفتى كلمة حسن نصر الله

AhMeD RaDy said...

بصى يا نوارة

عندك شك ولو 1 من ديشنيون مليار %

اننا مفقوع مرارتنا ومحروق دمنا بسبب الحركة ((.....)) اللى حصلت دى

اللى كانت بطلتها الست المبجلة المحترمة الليفينة دى

بس بقى زى ما بيتقال

لو عايزين بقى نقلب الترابيزة

يبقى تتقلب على الكل

واياكيش تولع ..

بس فى سؤال بقى ونبى ونبى ونبببببببببببببببببببى

حد يرد عليا فيه

هى الجزائر والمغرب وتونس فين من الحوار دا ؟؟؟؟؟؟؟؟؟؟؟؟؟؟؟

AhMeD RaDy said...

مع غزة ....ولو باضعف الايمان

بسم الله الرحمن الرحيم

شارك

بدعاء واحد

فى

صلاة الفجر ليوم الاربعاء القادم

31-12-2008

وصيام الخميس تطوعا

1-1-2009

http://yallaqalb.blogspot.com/2008/12/blog-post_9396.html

lastcrazyboys said...

انا بطلت بذاءات من زمن ..ولكن لما توصــل لأن اللي يتكلم على لساننا ويصف حالنا هو القذافي اللي بنستنى مؤتمرات "القمامة " العربية عشان نتريق عليه يبقى مفيش حاجة تتقال غير

ايه ..سفن..ايه

وبالنسبة لشتم حماس ..انا هوافق على موقفك ..وإن كنت لا أؤيده كلية ..لأن لما الدنيا تزهزه في وشنــا وبعد ماكان الشغل الشاغل حال البلد والنضال ..بقينا لنبص على الحتة دي بتاعتي واللقمة دي من حقي ..ونسينا انه البني ادم اللي يمشي ورا بطنه يتقلب الى انسان "معفن"
ايييييييييه..ما هما لو كلفوا نفسهم وبصوا على حالنا بصة صغيرة كانوا اتعظوا
!!!!!!!!!!!!!