تحديث: العرب اتفقوا على قمة عربية طارئة .... يوم الجمعة الجاية!!!! شوف الطوارئ يا جدع، شوف النجدة التي اشتهر بها العرب، شوف السرعة في الاغاثة
آه لسة محرجة ومكسوفة وانا بانزل البانرات دي
آه لسة محرجة ومكسوفة وانا بانزل البانرات دي
ومحرجة ومكسوفة وانا بابلغكوا ان بعض نواب مجلس الشعب دعوا لوقفة احتجاجية بكرة الساعة اتناشر قدام مجلس الشعب وقال ايه ح تمشي من مجلس الشعب لقصر عابدين وانا وانتوا عارفين انها ح تخلص على سلم النقابةعلى اي حال اهو برضه نعمل اي منظر، يمكن، جايز
ومحرجة ومكسوفة وانا باطالب بحكومتي انها تبقى على الحياد
ايوة يا حكومتي يا مصرية
يا حكومة جمهورية مصر العربية
انا مش طالبة منكوا غير الوقوف على الحياد في الصراع العربي الاسرائيلي
اتعاملوا مع قضية فلسطين زي ما زيمبابوي بتتعامل معاها
مالناش دعوة
بس
هو ده المطلب، مش اكتر من كده، لكن ما تتدخلوش لصالح اسرائيل ارجوكوا، انا مش عارفة اعمل ايه؟ ولا اقول ايه؟ مش لدرجة التضامن مع اسرائيل ضد حماس
مش ح يعملوا لنا حاجة هم دول...يعني مش عايزين مننا حاجة
بس نحل عنهم
45 comments:
آسف لحذف الردود .. في جديد في الأفق
يااااااااااارب خير
حسبنا الله و نعم الوكيل
شوفي المدونة دي بسرعة
تغطية من مدون غزاوي
http://newspalestina.blogspot.com/
عـــــاجـــل >>>
وتسمتر الخيانة المصرية الرسمية والتظليل الاعلامي المصري>>>
بمعلومات خاصة لـ نيوز فلسطين
الامن المصري العميل يحاصر مستشفى العريش العام ويحاصر مئات المتضامنين مع الجرحى وتعتقل 12 مواطن بعد ان تبرعوا بدمائهم ف مستشفى العريش...
ولم يصل اى جريح للعلم:الهلال الاحمر جاهز بشبابه ولافتاته الاعلاميه من قبل المجزرة بساعه صدقا لم تدخل اى قوافل طبيه الى غزة ولم يدخل مصاب واحد ارض مصر حتى الان
http://www.almokhtsar.com/news.php?action=showgroup&id=17&issus=
عاجل: غــــزة تحتـرق ولا من مجـيــب
السبت الدامي: أكثر من 205 شهداء و750 جريحاً في سلسلة مجازر صهيونية ضد غزة
لأول مرة: سقوط صاروخي "غراد" فلسطينيين في أسدود التي تضم ثاني أكبر ميناء
قائد شرطة غزة وقائد جهاز الأمن والحماية ومحافظ الوسطى بين الشهداء
مصادر طبية:حصيلة المجزرة الصهيونية على غزة 195 شهديا واكثر من 300 جريح
إسرائيل تقصف معبر رفح بـ3 صواريخ بعد إعلان مصر فتحه
صور مجزرة غزة
القادة العرب يكتفون بـ"اتصالات تليفونية" لبحث مجزرة غزة
مقتل صهيوني وجرح 4 آخرين في قصف للمقاومة بالصواريخ على بلدة يديعوت في النقب
مصر تدفع بعشرات سيارات الإسعاف إلى معبر رفح وتجهز مستشفياتها
شهود: الغارات الإسرائيلية تؤدي إلى تدمير معظم مقرات الأمن في قطاع غزة
مصادر حماس: نحو 155 شهيدا ومائتي جريح في الغارات الإسرائيلية على غزة
متحدث باسم حماس في غزة: قائد الشرطة الفلسطينية في قطاع غزة اللواء توفيق جبر من ضمن الشهداء الذين سقطوا جراء الغارات الإسرائيلية على غزة
أكثر من 120 شهيداً و200 جريح في هجوم جوي صهيوني واسع النطاق في وقت الذروة على المقار الأمنية في قطاع غزة
استشهاد مدير عام شرطة غزة العقيد توفيق جبر
محافظ سيناء: مصر تفتح معبر رفح لاستقبال الجرحى الفلسطينيين جراء الغارات الإسرائيلية
انا اول ماشفت البتاعة دى جنب البتاع دا وهى بتدلدل تصريحها
قلت وراء كل تصريح مصيبة
والحمدلله مش مصيبة وبس
دى فضيحة كمان
اللهم ان كنت مصرية فهذا قدرى
وان كنت تحت حكم هؤلاء الملاحيس
فهذه مصيبتى
وان كنت ممن اجبرهم الزمن لسماع اهانات وشتائم تقذف على بلدها
فالله الامر من قبل ومن بعد
فتح وحماس طالعين يقولوا هنتوحد يا رب يا رب بجد
عاوزين حوار بس بدون شروط يا رب استرها معاهم يا رب يتحدوا يا رب
خلينا و را الكداب لحد باب الدار
موضوع التصويت:
هل ترى أن القصف الإسرائيلي لغزة جاء تحت غطاء عربي؟
الخيارات النسبة عدد الأصوات
نعم
91.9%
14905
لا
8.1%
1316
إجمالي المصوتين 16221
نتيجة التصويت لا تعبر عن رأي الجزيرة وإنما تعبر عن رأي الأعضاء المشاركين فيه.
لااااااااااااااااااااا انا هادية ومؤؤؤؤؤؤؤؤؤؤؤؤؤؤؤؤؤدبببببببببببة ومش هقول اى لفظ مش كويس ---يوم الجمعة ؟ يوم الجمعة ؟ يوم الجمعة ؟ يعنى بالصلاة على النبى كده خلصى انت يا اسرائيل براحتك بس اوعى الحكاية تطول معاكى زى لبنان علشان ماتكسفيناش واحنا ان كان علينا يوم الجمعة بعد الصلاة نصلى صلاة الغائب على غزة ------------فى ايه هما البعدا ماعندهمش ريحة الدم يوم الجمعة؟ انا اتهبلت خلاص طيب يا جامعة والله ماكنا مستنيين منك حاجة ولا حاطينك فى دماغنا من اصله وقلنا لا يكلف الله نفسا الا وسعها وانتى ياحبيبتى ما يجوزش عليكى الا الرحمة لكن تعملى فينا كده --يوم الجمعة ؟ الله يرحمك يانزار ياقبانى كان لازم تفول وتقول متى يعلنون وفاة العرب اهم ريحتهم فاحت اهم -----ياعالم ياهوه اكرام الميت دفنه ------ياعمرو موسى انا كنت لسه بحبك وبضحك على نفسى واقول وهوذنبه ايه لكن خلاص نصيحة لوجه الله الحق نفسك واستقيل يا كل حكام العرب يا ايتام الامريكان والصهاينة اتقوا الله الذى اليه ترجعون
هو معبر رفح اتفتح دلوقت ؟
صح ولا ايه ؟
يا نوارة بصي عندي بسرعة
و انت كمان يا صباغ
دى بانرات جديده
http://img224.imageshack.us/img224/1687/03ng5.jpg
http://img224.imageshack.us/img224/1833/04rw2.jpg
انا اسف يا عبدالناصــر
آســف لساعات الجدال الطويلة اللي قضيتها مع ابويا عشان أصريت انه كان حارمهم اللقمة ..وازاي يحبوه
آســف عشان استغليت أقرب فرصــة أنزل فيها الصـــورة الوحيــدة اللي كانت متعلقة في بيتنا
آســـف عشان مكنتش عــارف إنهيجي اليــوم والناس تشتم مصــر واحنا نأمن وراهم
آســف لأني بدعي حفظ قصايد كتير والمفروض كنت ابقى صامم وفاهم إننا محتاجين واحــد
زي ما
فاجومي من جنسنا
مالوش مره سابت
فلاح قليل الحيا
اذا الكلاب عابت
ولا يطاطيش للعدا
مهما السهام صابت
عمل حاجات معجزه
وحاجات كثير خابت
وعاش ومات وسطنا
على طبعنا ثابت
وان كان جرح قلبنا
كل الجراح طابت
ولا يطولوه العدا مهمها الامور جابت
وكأقل تعبير سأضع صورتك وسط أبناءك وجنودك عندما كانوا ذخــرا لأمة على جهازي
عارفة انا من كم يوم كنت بقلب في مواقع..ومن موقع لموقع لحد ما وصلت للموقع الرسمي للملك سعود بن عبدالعزيز
ولقيت فيه وثيقة نادرة لبرقية بعتها الملك لعبدالناصر هسيبك انتي تحكمي وتشوفي الناس كانت بتبص لما ازاي ساعتها
http://www.kingsaud.net.whsites.net/ara/tarekh_almlk_sawd/tarekh_almlk_sawd/eestrahah_almharb/brqeah_llres_mn_sawd
مش عارف ليه المرة اللي فاتت اللينك مظهرش كامل
بس على الاقل لو برضه المرة دي عمل كده تتبع المسار التالي داخل الموقع
وهتلاقي نص البرقية كاملا
الرئيسية / تاريخ الملك سعود / تاريخ الملك سعود / إستراحة المحارب / برقية للرئيس من سعود
http://www.kingsaud.net.whsites.net/ara/tarekh_almlk_sawd/tarekh_almlk_sawd/eestrahah_almharb/brqeah_llres_mn_sawd
مين بقى الدولة العربية اللي رافضة حضور القمة العربية؟
أنا مش عارفة أقول ايه
بجد حاجة تكسف وتزعل وتحبط وتخنق
احرجت جدا لما شوفت لافته ماسكنها متظاهرين فالاردن ومكتوب عليها " مصر يا ام الدنيا اليست غزة من الدنيا"
بس بعد شوية قولت الناس بتاعة الاردن مستغربين ليه من الموقف المصري.مع ان متوقع ان مصر تبقي متواطئة.
نظام ابن كلب بيفشخ الناس فكل حته.نظام كل يوم والتاني يقع قتيل علي ايد خنازير العادلي والنظام ساكت.نظام فشخ المحلة. لما فكرت تقول لا
اذا كان الشعب المصري هان علي النظام يبقي الفلسطنيين مش هيهونو عليه.منتظرين ايه من نظام فاشخ شعبة منتظرين انه يدافع عن الشعب الفلسطيني.
.الشعوب هي الي ضايعة فالوسط الشعب ضايع وسط النظام المعرص.
والفلسطنيين بيدفعو دمهم كل يوم بسبب الفتحاوية او الحمساوية .
قمة عربية طارئة
أتأجلت
معبر رفح على حسب مدونة لسة عايش بهدلة وحسبي الله ونعم الوكيل
ربنا ولا تؤاخذنا بما فعل السفهاء منا
دلوقتي العرب كلهم استرجلوا وبيشتموا في مصر ..وخالطين بين حكومة مصر وشعبها مش عارفين الفارق الرهيب بين مصر الحكومة والشعب ..لكن الغوغائية في التعبير عن الغضب مشهودة في تاريخنا
النقطة الثانية هي الادعاء ان مبارك وحكومته مالهاش دخل في اللي بيحصل في غزة مستندين لشواهد تاريخية بأن كل زيارة لاي مسئول اسرائيلي لمصر يتبعها كوارث على اخواننا في فلسطين ..لو كان الادعاء ده صحيح فده يبين اد ايه حكومتنا متخلفة سياسيا ويبين اد ايه اننا ماشيين بنظام متخلف ومهترئ في تحليل الاحداث والتاريخ وماعندناش مؤسسات سياسية محترمة تحلل وتقيم الاحداث زي اليهود.. مش قادر اوصف اللي حصل ده غير انه غباء سياسي وسذاجة متكررة الحدوث ( هذا ان صح ادعاء بأن مبارك لا يد له فيما حدث ) ...والمفروض اننا لو كنا في دولة محترمة كانت تمت اقالة وزير الخارجية ورئيس الجمهورية لغباءهم وتخلفهم وعتههم ..لانهم شوية معوقين ..والادهى والامر ان ابو الغيط طالع بكل بجاحة وصفاقة يقولك احنا حذرنا ولا تلومن الا نفسك ..صحيح اللي اختشوا ماتوا لكن في بلدنا اللي اتبجحوا بقوا وزراء ورؤساء
النقطة الثالثة هي ما صرح به الدكتور عبد الله الاشعل على قناة المنار من فضيحة الاهمال والتراخي تجاه الامن القومي المصري من قبل مسئولين النظام الفاسد .. فالمعابر قافلينها وراضخين لمطالب امريكا واسرائيل ..وحتة مرة وسخة جت حطت صباعها في عين التخين وهددت من ارض مصرية بابادة فلسطينية
النقطة الرابعة ..وهي اني واثق ان مبارك ورا الموضوع ده .. وده الشيء اللي محسسني بالعار ..بني ادم ما اتخلقش زيه في التاريخ والله ..يبيع اي شيء مقابل انه يفضل في السلطة ..باع شعبه وباع اخوانه ومستمر في البيع ..لكن هنقول ايه بس حتى الدعاء مكسوف والله ادعي ..هقول لربنا ايه بس
نقطة اخيرة ياريت ياريت ياريت العرب ما يحملوش الشعب المصري فوق طاقته ولا يتهموه بشيء هو مالهوش يد فيه ..انا واحد من الناس لو أنا وزير خارجية مصر وسمعت ليفني بتقول هنبيد حماس كنت طردتها من ارض مصر وسحبت سفيرنا من هناك وطردتلهم سفيرهم ..وهما مش هيقدروا يردوا علينا لان ليهم مصالح كتير في حكومة مصر لكنها هتكون قرصة ودن وترهيب ليهم انهم مايعملوش اللي عملوه ..لكن نقول ايه بس عندنا وزير خارجية ميفرقش عن القلل في شيء ووراه رئيس جمهورية مامرش على مصر من اول سيدنا ادم لحد السادات شخص زيه
وكمان حاجة تشل الواحد وتموته بحسرته انه في حالة سعار وهوس موجودة في حكومات الثلاثي المرح ( مصر - الاردن - السعودية ) خوفا من الحكم الاسلامي .. يا اخي انا مش فاهم ايه ده ..بيتم محاربة قطاع غزة خوفاً من وجود سلطة اسلامية جنبينا ؟!..خلاص نجيبلهم رقاصات يحكموا غزة
هو مش شعب فلسطين اللي اختار حماس ..يا اخي انشالله يختاروا ابليس اهم اختاروه ..رؤساء الثلاثي المرح خايفين من الحكومة الدينية لدولة من غير دولة ومش خايفين من الحكم الديني اليهودي المتعصب القائم على حدودهم !!..حاجة تفقع المرارة والله بيفكروني بالجماعة شيوخ السعودية لما طلعوا قالولك جواز الاستعانة بالكافر في محاربة المسلم ايام حرب 90 ..ولما حصلت حرب حزب الله قالولك لا يجوز مساندة الشيعة لانهم ضالين
يا اخي ملعون ابو ده تفكير على ابو ده ادمغة وسخة بتحكمنا .. بنحارب بعض عشان مصلحة الكلاب ..وكل واحد فيهم بيجري يلحس رجلين امريكا ويذل شعبه ويخون امته اكتر واكتر
خايفين من حماس ومش خايفين من اسرائيل ..خايفين من ناس كل اسلحتهم بمب وصواريخ افراح ومش خايفين من ناس غدارين وولاد كلب معاهم نووي واحدث اسلحة ..ياحسرة قلبي على تفكير زعماء الثلاثي المرح اللي المفروض يكونوا قادة العالم الاسلامي ..اسفخص عاللي حطهم على دماغتنا وولاهم امرنا
طب هنعمل ايه
ماهو لازم نعمل حاجة
مش هنفضل كده
هههههههههههههه
القمة العربية العاجلة بتاعة يوم الجمعة الجاية
اتأجلت؟
؟؟؟؟؟؟؟؟؟؟
لا بصوا
معلش
معلش
اللي يشتم مصر يشتمها بصراحة تستاهل
وانا استاهل
ولو ماشية في الشارع وفلسطيني حدفني بالجزمة مش ح ارد عليه
وماحدش يقول لي الشعب والحكومة
هي دي مش كامب ديفيد
دي مذبحة، والمذبحة شغالة واحنا اللي هو الشعب كالعادة ساكتين ولما الشعب غير الحكومة امال الشعب سايب الحكومة على راسه كل ده لما فضحونا وجرسونا ليه؟
وبعدين المدبوح حقه يقول آه
واللي في الاردن دول فلسطينيين اهاليهم هناك
ما تحطوا نفسكوا مكانهم
الله
يا سبحان الله
ده دكتور مصري واحد اتجلد في السعودية
شتمتوا السعودية والسعوديين واللي بدع السعودية وكنتوا عايزين تطردوا السفير السعودي
قوم لما اسرائيل تعلن الحرب من القصر الرئاسي المصري والناس تقول يا مصريين يا ولاد الكلب انتوا مش خايفين من ربنا
نقوم نزعل
اما بجاحة والله، يعني نموت الناس ونزعل عشان بيقولوا اه؟
السلام عليكم
ليس بالبكاء ولا الكلام
نصرة غزة فرض عين على كل مسلم حرّ
سيسأل الله يوم القيامة كل فرد منا عما قدم لنصرتهم
المهم أن نسعى لنصرة اخواننا بكل وسيلة ممكنة مهما كانت ضئيلة وننشر تلك الوسائل بيننا و في كل وسائل الاعلام مثل:1-التبرع بالمال والدم واعتقد أن اتحاد الاطباء العرب ونقابات الاطباء هي المكان لذلك.
2-تفعيل المقاطعة الاقتصادية الجديّة من جديد ونشر جداول البضائع الواجب مقاطعتها والبدائل في كل مكان.
3-الضغط على الحكومات العربية بكل وسيلة مثل التظاهرات والوقفات الاحتجاجية والاعتصامات.
4-ارسال الرسائل القصيرة(sms) الداعية لانتفاضة الشارع العربي والاسلامي للقنوات الفضائية المهتمة بالقضية مثل الأقصى والرسالة واقرأ...الخ وكذلك للمواقع الاخبارية مثل موقع الجزيرة،/bbc
5-ارسال رسائل وبرقيات احتجاج للمسؤولين والهيئات الحكومية والدولية وحقوق الانسان(أنا لا أعرف كيفية الارسال لهم وأتمنى أن يدلني أحد)
6-ارسال رسائل تضامن وشد أزر واعتذار وحب لاخواننا في فلسطين وغزة عن طريق القنوات الفضائية والمواقع الالكترونية الفلسطينية والمدونات الفلسطينية وكذلك المنتديات لأنهم في أمس الحاجة لمن يذكي عزيمتهم ويرفع معنوياتهم بعد كل هذا الخذلان وهذه الخيانة من حكامنا و حكوماتنا.
7-الذهاب الى رفح_لمن يستطيع-للتضامن مع اخواننا المحاصرين.
8-الدعاء-الصيام-القيام والقنوت فيه من أجل أن ينصرهم الله ويعيننا على نصرتهم.
9-أهم من كل ما سبق أن نعود الى الله ونهاجر اليه من معاصينا وذنوبنا وغفلتنا ونصلح أنفسنا حتى نستحق أن يرفع عنا البلاء وبنصرنا
قوله تعالى : { وعد الله الذين آمنوا منكم وعملوا الصالحات ليستخلفنهم في الأرض كما استخلف الذين من قبلهم وليمكنن لهم دينهم الذي ارتضى لهم وليبدلنهم من بعد خوفهم أمنا يعبدونني لا يشركون بي شيئا ومن كفر بعد ذلك فأولئك هم الفاسقون }23النور.
10-أبناؤنا هم الأمل الحقيقي الآن وبيدنا وحدنا أن نجعل منهم جيل النصر المنشود الذي يأخذ بثأرنا ويعيد كرامتنا وعزتنا فلنتق الله في تربيتهم على كتاب الله وسنة رسوله وسيرته وقصص الصحابة والتابعين والمجاهدين الفاتحين وندرس لهم تاريخنا الزاهر حتى يحلموا باعادة أمجاده...نعرفهم على الخلفاء الراشدين،العشرة المبشرين،خالد بن الوليد،ربعي بن عامر،سعد بن أبي وقاص،نور الدين زنكي،صلاح الدين الأيوبي،قطز،محمد الفاتح،عمر المختاروغيرهم من آلاف القدوات الذين يزخر بهم تاريخنا العظيم..لنغرس فيهم عشق الجهاد والواقصى والشهادة وسيثمر غراسنا باذن الله وغدا نكون معهم وهم داخلون الى بيت المقدس يختبئ منهم اليهود خلف الحجر والشجر فيهتف الحجر والشجر :يامسلم ياعبد الله هذا يهودي خلفي تعال فاقتله(وكان وعدا مفعولا)سورة الاسراء
إنهم يرونه بعيدا ونراه قريبا
المهم ألا يفتر حماسنا بعد بضعة أيام وننسى
شكلهم بينتظرون غزة تندفن تحت الدماء و بعدين بيفكرون يصدرون قرار عدل
حسبي الله عليهم من حكام !!
و حسبي الله عاليهود و الي راضي بالي يسوونه !!
لا حول و لا قوة الا بالله
والله انا حاسس بنفس الاحساس يا نواره
مظاهرات الشتات فى المخيمات بتقول الشعب المصرى شو اخباره
وقيادات الجبهه الشعبيه بتطلب من العرب عدم الدعم لكن بتطلب اننا نسيبهم فى حالهم
واحنا راضيين ان التهديدات تخرج من قصر الرئاسه ونقف نحضن ليفنى ونحييها على كلامها
ونسيب وحد بجهل ابو الغيط يبقى الناطق باسمنا
بصي يا نوارة
والنبي كفاية جلد للذات
كل الي انا شايفة مهرجانات تضامنية و شوية طيارات معونات طالعة من هنا وهنا و بيقولك مستنين موافقة السلطات المصرية
الحكومة المصرية ومافيش خلاف حسبنا الله ونعم الوكيل فيهم
لكن حماس...كلاب و أغبياء و أبواق مخرومة
قطر (الجزيرة) والسعودية (العربية) بيكافحوا علي شاشات الفضائيات و بيكافحوا ازاي يلزقوا الخيانة باسم مصر ويبعدوها عن نفسهم
حزب الله وسوريا وايران بيتباهوا بانهم حصن المقاومة والجبهات الصامدة من تحت السراير و فوق المنابر...فين ترسانة حزب الله و صواريخ ايران و بمب سوريا
وطبعا ليبيا والسودان واليمن خلاص اعلنوا الحرب علي اسرائيل بس عايزين الي يوصلهم هناك و يعرفهم شغلتهم علي المدفع ايه
من الاخر ...الكل خصايا و احنا في المقدمة ..بس الفرق ان العرب بيقولوهلنا في وشنا ويعايرونا بيها وبياكفحوا ازاي يداروا عيوبهم...بس انا بقول للعرب.. الراجل الي راضع من بز أمه فيكوا يتفضل يطلع قدام ويسوق ... النتيجة برضه هتبقي واحدة واحدة لأنكوا خصايا و هتفضلوا علطول خصايا
الحل هيجي من عند ربنا ...و الله مانا عارف ازاي...بس ربنا اعلي واعلم وكل شئ بميعاد ..و احنا برضه الي هنكون قدام و بنسوق و ساعتها يا عرب
اي واحد مخصي فيكوا مش هيتعاقب علي المنابر ولا في الفضائيات ...المخصي مش هيكون ليه مكان..المخصي هتتقطع رقابته
أحب أن أوجة كلمة للأخوة جميعاً هنا... أنا فلسطيني و لا أستطيع تحميل المصريين أخطاء و مصايب حكومتهم, و الله بلاش جلد للذات, نحن نعرف أن حكوماتكم تعمل ضدكم قبل أن تعمل ضدنا في فلسطين و هي منحازة لتجار السلطة و البشر و ليس لكم أو لنا,,, المأسآة لنا كشعب فلسطيني هو في قيادتنا أيضاً بتمسكهم بحكومة مصر كوسيط -رغم عدم نزاهتها- ولكن ماسآتكم أكبر لأنهم يتحكمون في كل مقاليد حياتكم و لا تنسوا المآسي التي يمر بها الشعب المصري الشقيق و المظلوم على أيدي تجار المال و السلطة في القاهرة و شرم الشيخ...,و أعذروا الفلسطيني المحاصر و المجوع و المقتول لو زل لسانة و شتم , و لكننا عن بكرة أبينا نحب مصر و شعب مصر و نضحيات مصر لأننا منكم و انتم منا رغم أنف المتخاذلين و المتاجريين بنا و بكم...
و دمتم لنا ذخراً ومدداً
تحياتي
الجمعه الجايه؟؟؟
ليه؟
مالسه بدري
مستعجلين علي ايه
أبو مازن توسل إسرائيل منذ شهور لضرب حماس
مش عارف جاينى نفس اكتب مقال عن حكمة الملك حسين التى باتت تهدى مبارك ورجاله، مفيش داعى للتفاصيل، لكن الشغل ده مع اسرائيل اللى اخترعه الملك حسين، ومبارك تبناه لسبب يعلمه الله وحده، هيكل زمان كتب مقال قال فيه انه عارف رقم السركى اللى كان الملك حسين بيقبض بيه من السى آى إيه. مش هاسأل. بقى السؤال خلاص.
سؤال تانى برضو، هى ستين طياره وألف طن قذائف وصواريخ وجهتهم اسرائيل فى ليله واحده عشان هنيه وحماس والعساكر الغلابة اللى راح نصهم دول، أنا متهيألى إن المسألة موجهه لجيش مصر بشكل سافر، استعراض للقوة مبالغ فيه على حدوده بما يفوق حجم غزه ومالدى أهلها من سلاح، وما يتوافر لديهم من أهداف، يعنى ده فرح عمده معمولك يا جيش مصر، ربنا يفوقك بقى من نومتك اللى طولت.
سؤال تالت، ليه دايما الخصومات العربية بتبقى هى الباب اللى بتنفد منه إسرائيل لتحقيق أهدافها وتحييد أى ضغوط عربية محتملة، وليه حكامنا بارعين فى ده، ولا هما هبل وبيتاكلو على قفاهم كل مرة وبرضو بيعملوا ده على الكتالوج الاسرائيلى حسب المقاس المطلوب. الخلافات العربية العربية خلافات عصابات حاكمة، بتشيل ليلتها فى الاخر قضية فلسطين.
هو الفجر هايطلع امتى، حد عارف، حد بس يبشرنى بالتوقيت
بسم الله
السلام عليكم جميعا
بصوا يا جماعة .. حلو اوى اللى ببيحصل دا . النظام المصرى اتفضح .. ها وبعدين
الحكومة المصرية بنت ال 60 فى 70 تحت امر اسرائيل
طب ونبى بقى
فين اللى اسم النبى حرصهم وصاينهم النايتى
اللى كل عيل فيهم عامل 70 راجل فى بعض وبيشتم مصر
لو انت راجل .. وفى بلدك رجالة .. وبيحكمكم راجل
ورينا هتعمل ايه ...؟؟
شوية ال .... اللى طلعوا بيشتموا فى مصر ومش عجبهم مصر
ماشى ياعم تتحرق مصر .. مصر خاينة .. وحياة ابوك يا راجل
اعمل حاجة .. ورونا ونبى الرجولة
عايزين نتعلم بقى الرجولة صح
اقسم بالله يا عرب ... لولا مصر ياشوية بهايم
كانت فلسطيين دى ضاعت من بدرى
انتى هاتنزلى وتروحى ياحاجه نوارة فى الوقوف السلمى ولا ايه
احنا ماصدقنا انكى رجعتى
نوارة دة جر مصر للحرب و العرب عاوزينا نحارب بدلهم و هما قاعدين في بيوتهم و بيشتمو في مصر طيب ما السعودية اهي ملعتش قرار لية بوقف تصدير البترول لية طيب
لو كانو الفلسطينين ايام الحصار دخلو سيناء كان زمان العريش هي الي بتنضرب الان بدل رفح
انا بقول الي كل الاخوة الي بيتظاهرو امام السفارات المصرية في الاردن و لبنان
تحارب هي الاول نشوف منهم منظر ولا اول ما نحارب
يبيعو مصر
انا داخل اقولك ان حسن نصر الله هيتكلم
بس شفتي الناس الي كانت فرحانة بصواريخ العيد و حماس الان مستخبية مشفناش منهم منظر الان ولا حد طلع ضرب نار و لا حتى عمليات استشهادية
راحو فين حماس الكلمجية
؟
انا شايف الي عاوز يحارب يحارب عشان مصر معندهاش القدرة للحرب الان و معندناش فلوس نجيب اسلحة و ترجع اسرائيل تحتلنا من اول و جديد
اة معلش
الناس الي اتظاهرت ضد مصر و محدش اتظاهر ضد حكوماتهم سواء في سوريا او الاردن روحي قولي لحد طب ما تحارب انت ورينا شطارتك ولا هيعمل حاجة
هو أبو الغيط ده فصيلة نادرة من البشر ولاّ إيه ؟؟ أنا عمري ما شفت حدا مستفز زي المخلوق الغريب ده ...و لا أغبى من المخلوق ده .. بس هو ده المطلوب .. هو ده اللي مبارك كان بيدوّر عليه من زمان عشان يثبت حاجة معينة للشعب .
ـ أرجو من الشعب المصري انه يعمل حملة كبيرة جدا يطالب فيها الحكومة المصرية بأنها تعطي أبو الغيط للحكومة الصهيونية .. كمنحة أو هبة أو مساعدة .. و تريـّحنا .. بلاش محسوب علينا و هو ألعن من شارون نفسه .
غبي .. غبي .. غبي .... ده أغبى وزير خارجية عرفته البشرية كلها .و عشان غبي لهالدرجة .. فاكر كل الناس أغبياء و قاعد يتكلم ... اعطوه للإسرائيليين .. قدموه هبة أرجوكم .. مساعدة .
لنا الله
حسبى الله ونعم الوكيل
حزينه
مفيش حكومة وشعب ولا نيلة على ما يبدو
كلنا نستاهل ألي بيتقال
الواحد دخل الجايكو دمه اتحرق من الأراء هناك
شعبنا باين صحيح يستاهل الحكومة دي
تصدقي كان عندك حق لما قلتي إلي مش عايز دمه يتحرق بيدخل الجايكو ليه
أحنا ألي بنجيبه لروحنا
أم المناحة اللى انتوا عامنلينها دى
اللى محرج ومكسوف من انو مصرى يتفضل يغير ام الجنسية ويريح دماغنا .
يعنى مصر كانت بتساعد فلسطين من امتى يعنى , على اساس انها ما وردتش شحنة السلاح والاربى جى زى ما كانت بتعمل , ايه الفرق لما تكون المباركة من قصر الرياسة ولا من مقر المخابرات , كله واحد .
الحقيقة ان احنا عاجزين احنا مش عارفين نعمل حاجة ,
ارحمونا ايها العجزة .
اللهم انصر المجاهدين وأذل الخانعين والخائنين
وحسبى الله ونعم الوكيل
مواطن مصري
معلش اسمح لي ايه الهباب اللي بتقوله ده؟
مين طلب من مصر تحارب؟
هي مصر عارفة تمشي عشان تحارب
بس على الاقل ما تتدخلش
لا بالخير ولا بالشر انما تروح للناس ما تخافوش مافيش ضربة ويطلع فيه ضربة؟
ده اسمه ايه ده؟
الولية ليفني تقول سوف نمحو حماس وابو الغيظ قاعد يضحك؟
ما يقول لها قبل ما يطلعوا على المنصة: احنا مالناش دعوة يا ستي ما تقوليش كلام يحرجنا
يوم ما مصر بتدافع عن قفلها للمعبر بتقول عباس هو اللي قال لنا
!!!!!!!!!!!!!
هو احنا مش دين ام بلد مستقلة ولها حدود مستقلة ودين ام سيادة؟
وللا السيادة دي ما بتفتكروهاش غير لما الجعانين يدخلوا؟
Post a Comment