وانت مالك؟
يعني اسرائيل اعترفت بالهزيمة اهو؟ امال قبلنا الذل ليه وحسسونا اننا لو استمرينا في الحرب ثانية ح نموت كلنا والقاهرة ح تحتل؟
في الكتاب بتاع جون بركنز الست اللي بتدربه قالت له مش مهم يبقى منطقك قوي، مش مهم حتى تقول كلام له معنى اصلا المهم تعرف ازاي تعمل له بروباجندا وتشوش على المختلفين معاك (تصيح يعني بالبلدي) او بقول اخر، بيدربوهم في الشركات المالتي ناشونال ازاي تبقى زي الولية سيئة السمعة في الحارة المصرية الاصيلة
طب ودي حاجة دي؟ ما احنا عندنا من زمان، عشان كده علمونا في المدرسة لما يجيلك سؤال: من اول من اخترع....تجاوب على طول الفراعنة
يبقى من اول من اخترع التصييح؟ الفراعنة
الجيش بتاعنا انتصر في تلاتة وسبعين بس اسرائيل ودلاديلها هم اللي عرفوا يسيطوا ويصيحوا، عشان العسكري بيعرف يموت، ما بيعرفش يصيح
وبالمناسبة دي احب اقول ان المنوفية كل يوم بتثبت جدارتها وكفائتها
ما بلاش انت..ح يغرقوا في المرسى زي نورماندي
هيهيهيهيهيييييييييييييي حقة لو حصلت....انشالله، ده مين الواد الصايع ده؟ انا بالاحظ على فكرة ان لبنانيين زي الاسكندرانية بالظبط، مش بس شكل البلد، وطبيعة الناس برضه، يعني ده واحد لبناني بيكره العرب والمسلمين! وعامل موقع ضدهم، ورافع قضية على اوباما عشان يشكك في احقيته بتولي الرئاسة، طيب على اساس ان اوباما ايه؟
دول بقى....احسن ربنا يوقعهم في بعض، بس الملاحظ انهم مهما بيتخانقوا مع بعض بيبقى بحنية برضه، مش بيتعافوا قوي على بعض، الا ليه كده؟ عايزين دم
17 comments:
هههههههههههه الحمد الله و افخر اني مش من المنوفية
الحمد الله اني من الفيوم
و زملكاوي
بس الصحفي البناني هيودو مصر فصحة يلبسو قضية اداب محترمة
مبارك
اة يا ريت العيالب بتوع القراصنة يستولي على مبارك و الكابتن جاك
يسبت حسني
تفتكري لو حصل حد هيعبرو و يدفعو فدية
؟
شوفى الجيكوهايه دى كده
http://mohamedhamdy.jaiku.com/presence/50053785
هههههههههههه
الحمد لله انا مصرية مش منوفيه
عاشت المنوفية حرة
بوست حلو
تهيييييس جدا
القس دزموند توتو له مواقف معادية للتفرقة العنصرية فى كل من جنوب افريقيا -ايام الفصل العنصرى-وحديثا ضد اسرائيل وسياستها المجرمة ضد الفلسطينين ... وربما يسوغ لة ذلك موقفة من موجابى اللى استأثر بالسلطة ورفض تداولها - زى صاحبنا- ... ولاكن اشتراكة فى حملة ضد موجابى يشنها الغرب علية لقيامة بتوزيع مزارع الرجل الابيض على اصحاب الارض الحقيقين يجعلنا نهدبة لغية شهرزاد المشهورة: وانت مالك ...كون فى حالك مين فى بالى اية جرالى وانت مالك
و هو انتي زعلانة ان موجابي يمشي
؟
نوارة: صياغة الفقرة الاخيرة من البوست دة غير دقيقة لأنها جمعت الواد الصايع اللى بيكرة العرب والمسلمين وعامل مواقع ضدهم ... جمعتة مع اللبنانين والاسكندرانية فى بؤجة واحدة -على عكس ماتقصدية على ما اعتقد
مالك يابنتى مهييسسة الايام دى لية بتتنقلى شرق وغرب وفوق وتحت
اوعى تكونى فعلا شربتى كلة تصدقى من كتر المواضيع الواحد عاوز يشرب حاجة صفرا ويصحى بعد سنين كدة يلاقيها اتعدلت
هوة فية امل تنعدل ؟؟؟؟؟؟؟؟
مش باين
مش عارف متضايقين من المنوفية ليه ؟ ده أغبى واحد فيها بقى مهم جدا :)))))))))))))))))))))
عموما بالنسبة لموضوع إحتلال القاهرة عندى سؤال مين الدولة الغبية اللى تفكر تحتل مصر ؟؟؟ دى تبقى لبست نفسها فى حيطة علشان مش حايعرفوا لا يسلكوا فى العك اللى إحنا عايشين فيه ولا حايعرفوا يديروا ( من باب إدارة المستعمرات يعنى ) الخرابة دى
هم بصحيح بيقول علي المنوفية يهود مصر
بس انا منوفي وافخر بذلك ( وخصوصا انه واقع صعب اغيره لاني اتولدت منوفي ) المهم ان لو هنقول انت مالك فيبقي كل واحد يخليه في حاله
حتي جبهة التهييس الشعبية
كل عام وأنت والأسرة والأمة الأسلامية بخير
نوارة.. مش صحيح إنو اعترفوا بهزيمتهم.. المقالة ما بتقولش كده.. المقالة بتقول "لما تعرضنا للاختبار الفظيع في عيد الغفران".. ودي مش حاجة جديدة بس همه بيقولوا إنهم انتصروا في الآخر.
الجميلة نوراة
كل سنة وأنت طيبة وسعيدة وبالك مرتاح
كل سنة وإنتي طيبة
ماتغيبيش كتير يا نوارة
: )
هستناكي
تلاتة مليون حاج يقفون على عرفات الان... جعل اللة دعائهم من نصيبك
نوارة.. إسرائيل ما اعترفتش ولا حاجة بإنها اتهزمت... على الأقل المقالة اللي إنتي حاطة اللينك بتاعها ما بتقولش كده.. الإشارة إلى الحرب بتقول "الاختبار الفظيع الذي تعرضنا له في عيد الغفران". وده مش اعتراف بالهزيمة.. همه بيقولوا طول الوقت إنو المصرييين تقدموا وعبروا القناة وحققوا إنجاز ما شرق القناة بس عمرهم ما قالوا إنو المصريين كسبوا المعركة.. الإشارة للي حققه المصريين من وجهة نظرهم هي الإنجاز السياسي واستثمار الحرب في السياسة. لكن "قاموس دولة إسرائيل" بيقول إن النصر من الناحية العسكرية كان لإسرائيل.
Post a Comment