Saturday 27 December 2008

الكلام ده صحيح؟

لا اكيد الخبر ده متفبرك
الكلام ده صحيح؟ انا باسأل بجد مش باتخانق دلوقت
احنا محتاجين توضيح من حكومتنا دلوقت، ده حقنا، احنا اتفضحنا في كل حتة والواحد رقبته بقت قد السمسمة، ياريت حكومتنا توضح لنا الكلام ده واذا كان الخبر ده كاذب يبقى لازم يطلعوا بيان واضح بدل تصريحات ابو الغيظ اللي كل ما يتكلم يفاقم الامور ما يحلهاش
احنا عايزين تصريح من رئيس الجمهورية نفسه يوضح لنا الكلام ده معناه ايه؟ وبيعبر عن مين؟ وايه؟ وفين؟ ومين؟ وليه؟ واذا كان مش صحيح يبقى نفهم بدل ماهم ساكتين كده
بس والنبي بلاش ابو الغيظ، والنبي، والنننننننننننننننننننننننننننببببببببببببيييييييييييييي

15 comments:

أحمد عتمان - Ahmed Etman said...

ده يعني باعتبار ان لما حسني بيتكلم بيقول كلام موزون؟؟؟
ماهي واضحة يا نوراة و مش محتاجة توضيح
سواء الكلام ده صح و لا غلط
واضح و من زمان مين الشريف و مين القذر
مين الامين و مين اللي باع

حفيدة عرابى said...

يعنى انت عايزة تصريح من رئيس الجمهورية طيب قولى اى غفير يعبرنا حتى من امتى الناس دى بتعبرنا ولا بتسأل فينا وبعدين ايه يعنى لما يقول عن قيادات حماس عصابة ايه الجديد هو مش مصطفى الفقى تقريبا كان هو اللى قال ان مصر مش عايزة امارة اسلامية على حدودها هى الناس هتفضل تعيد وتزيد فى الكلام قالوا نفسنا نغور حماس عايزين ايه تانى طيب افتكرى كده حرب لبنان والتصريحات من عينة البتاع ده والمغامرات الغير محسوبة وبق الاسد انا عن نفسى مش عايزة تصريح من الرئيس اصلى مش حمل حاجة زيادة وكمان عيلتنا شراينها ضيقة وسلامى ليكى

Unknown said...

لا لا لا لا يا ولاد عيييييييييييييب

الريس بتاعنا سيد العاقلين وكلامه كله حكم وبتاع ده وبيحبنا وبيسأل علينا وح يسأل فينا واكيد ان شاء الله ح يرد علينا ويعبرنا في الجزمة القديمة

مذيعة الجزيرة لابسة اسود

احمد العربي said...

الخبر ده قديم و لو حتى لم يقل هذا الكلام , ؟أفعال اليوم تؤكد التواطأ الواضح للحكومة المصرية...
تحياتي

Empress appy said...

انا مصدقه اللى بيقوله

محمد حمدي said...

http://img72.imageshack.us/img72/4682/01xe7.jpg


http://img72.imageshack.us/img72/350/02yx9.jpg


دى بانرات تضامن لو حابه تنشريها انشريها

Unknown said...

انت مصدقة انه قال الكلام ده يا ابي؟

يقول احنا ح نسيبهم عشان يتأدبوا عشان حرنوا على العزومة بتاعتنا؟

ده اسمه كلام؟

ده اسمه كلام؟

فيه حاجة اسمها نعمل دعوة لمؤتمر وحماس تقاطعه نقوم نعمل فيهم مغرز ونتسبب في انهم يموتوا بمعدل قتيل كل دقيقة؟

دعاء said...

الخبر منتشر من بدري بالفعل يا نوارة

الخبر مع ألي بيجري يتصدق

بس انا مش عايزة أصدق

خايفة أصدق ، مرعوبه أصدق اننا وصلنا لكده

Hypatia said...

شوفتي يانوارة كلام مشعل عن مصر مع فيصل القاسم شغال دلوقتى
كلامه خلاني بكيت بجد

Hypatia said...

حماس ليست خطراً على مصر يا سيادة الرئيس
الخطر على مصر من امريكا و اسرائيل يا سيادة الرئيس
سيسألك الله علينا يا سيادة الرئيس
نحن نحب مصر يا سياده الرئيس ونريدها عظيمه

Empress appy said...

اه مصدقه انه يقوله مصدقه ومش عارفه الوم مين واقول ايه مصدقه ومش قادره اقول انا مش مصريه
بحاول اغمض عينى عن اللى شيفاه بفكر بعقلي ومش قادره استوعب ان امي تقدر تدبح اخواتى اللى من اب تاني
مش عارفه ومتلخبطه مش قادره الومها على حمايتى وقتلها لاخواتي متلخبطه ومصدومه وجوايا كتير

Alkomi said...

انا عن نفسي اصدق الصراحة

احنا اصلا في السياسة خرة

جزء من السياسة ان شكلك يبقى حلو حتى لو بتخوزق شعبك او مابتعملش اللي هو عايزه

لمجرد ضيق الافق و شغل حلمبوحة بتاع يابني يالاخوان

بيناقروا حماس رغم التحفظ على حماس يعني بس هي كلها بقت ماشية حق يراد به باطل يعني هما بيناقروا حماس قال يعني عشان هي غلط و الحقيقة انهم بيناقروها لاجل حاجة في نفس يعقوب

و كله كوم و الخنزيرة اللي جت امبارح تاخد البركة من عندنا

احنا في السياسة بالنسبة لهم اقزام بتلعب في خندق تحت نظرهم سقف طموحنا تحت جزمتهم

بنناقر في بعض نضرب حماس في فتح و نختلق عداوة ببلاش معاهم و مش حاسين بالمصيبة ان اسرائيل بتصدر لنا مشكلة غزة و عايزة توطنهم في سينا و تحطنا ادام الامر الواقع

طب احنا عملنا

زي النعامة اكتفينا بوضع راسنا في الرمل قصدي غلق المعابر و كل شوية نفتحهم قال يعني متعاطفين

بلا قرف

الواحد و الله حتى ما عارف يجمع كلمتين على بعض

اقول ايه بس

و الله مافي الا كلمة واحدة و اللي اخترعها عبقري

احا

Alkomi said...

خالد مشعل عالجزيرة دلوقتي
حالا

weswes said...

وليه لأ يعنى
ومالك مخضوضه اوى كده يا نوراه ده العادى
انا مصدقه
وان كنت حاسه انى هموووووووووووووووووووت من الكسفه

حسن على said...

ابو الغيظ شخصية ملتبسة ,لاتستطيع تحديد صفتة التشريحية بسهولة ويحتاج لكنسولتو من استشارى الغدد الصماء لبيان صفتة. هو ليس عبيط القرية وان بدا كذلك ... ابو الغيظ هو من طائفة الموظفين المعوقين مهنيا ,والذين يدفع بهم الى اعلى المناصب لتمرير سياسات شاذة وخيانية مخزية فيدافع عنها بكل قواة ارضاء لسيدة ثم يقف على قدمية الخلفية وهو يلهث فى انتظار الاعجاب من باقى الكلاب