Monday 29 December 2008

تعليق سريع على خطاب السيد حسن

النهاردة كان يوم طويل وانا داخلة انام عشان بكرة ان شاء الله يوم طويل برضه
بس تعليق سريع على خطاب السيد حسن اللي شفته عند طنط شاهندة:
الراجل ده ح يقضي عمره كله يقول للناس: واحد زائد واحد يساوي اتنين، والله العظيم، طب والختمة الشريفة ان واحد زائد واحد يساوي اتنين، طب وربنا كمان مرة ان واحد زائد واحد يساوي اتنين وحماس دي لو كانت شيوعية وبتقاوم كانوا ضربوها ولو كانت مسيحية بتقاوم كانوا ضربوها ومش مشكلتهم انهم مسلمين، ولا انهم امارة اسلامية، ولو الامارة الاسلامية دي من بكرة قررت تطبع مع اسرائيل بشروطها كانت بقت حلوة، والله، والعشرة دول، والنعمة الشريفة على عيني وللا اطفحها، طب عهد مين ده؟ وعهد الله وعهد الله وعهد الله انهم مشكلتهم مع المقاومة مش مع الامارة الاسلامية
طب وبعدين؟ انا لو مكانه وافضل افهم الناس بديهيات ويقاوحوني فيها ويقطعوا قلبي بالطريقة دي انا ازهق قوي
ربنا يقويه ويطول باله اكتر واكتر

23 comments:

TAFATEFO said...

تاني يا ستي الخطاب أهو

http://video.google.com/videoplay?docid=436331234615129003&hl=en

embed it

TAFATEFO said...

please tb3n

ما عليكي أمر يا فندم

Unknown said...

انا رديت عليك في التدوينة التانية يا مصطفى
وشكرا على الفيديو

Unknown said...

ههههههههههههه واحد باعت لي لنك لمدون عايش عوالة على كل البشريات في الكون بيقول: يعني اشتم حسن نصر الله وانا كنت لسة في ضيافته؟
هههههههههههههه
طب ماهو اساسا عايش في الدنيا دي في ضيافة كل الناس
ده المدون المعزوم دوما وابدا

TAFATEFO said...

ويغيظك ليه؟؟ أنا معنديش أمل في حد غيره .. عندك انتي أمل في حد تاني؟؟

ما هو أنا متوقعش مثلاً وأبقى مغفل لو أملت ان مصر ولا السعوديه (اللي عندهم ترسانة تكلفتها تريلينات الدولارات معرفش أصلاً بيعملوا بيها ايه) أكبر دولتين عربيتين عبريتين معنديش أمل فيهم .. وباقي الدول العربيه العبريه برضه معنديش أمل فيها

يبقى الأمل اللي يفضل عندي في حسن نصر الله .. لو تعرفي حد تاني آمل فيه قوليلي عليه أكرمك الباري

أنا مش بقول انه المفروض يحارب .. أنا بقول كان نفسي يقول .. بصرف النظر عن واقعية الأمنية .. الأماني مش مشروطه بالواقعيه .. وممكن تسميها أحلام

عادي

هو احنا فاضلنا حد نبصله غيره؟؟ مظنش

مواطن مصري said...

مع احترامي لسيد نصر الله


يحارب هو الاول او يضرب صصاروخين تلاتة و احنا وراة ولا هو كلام و بس طيب نسئل نفسنا لية ايران مضربتش صاروخين تلاتة و نرجع ب التاريخ مش ايران قالت هدافع عن حماس قبل كدة


معملوش حاجة لية يا نوارة؟

و النبي انا من ساعت الفريق الي عمري ما سمعت عنة بني عبيد دة و انا مكتئب

و الي عاوز يحارب يحارب يورينا طولة الاول

مواطن مصري said...

و حاجة كمان يعني ليفني جت على الجزيرة و المذيع قعد يلف و يدور عاوز يقول مصر و يعمل جنازة عشان يشتم فيها مشتمش لية ليفني ولا ضربها ب الجزمة زي منتظر ؟؟؟


ولا الي ميقدرش على الحمار يتشطر على


يا جماعة نعمل حاجة ايجابية بدل الشتيمة و المزايدات الي عاوز يساعد يساعد و الي عاوز يحارب يحارب بعيد عننا
الي عاوز يشتم يشتم في حكومتة الاول لو يقدر اساسا يعملها

ولا انا غلطان بقى في دي

Unknown said...

لالالالالالالالالالالالا
والله احنا بقينا في حالة يرثى لها
بجد هم يبكي وهم يضحك

انا لما قريت التعليقين بتوع مواطن ومصطفى قعدت اضحك

هو حزب الله ده الدادا اللي السيد الوالد بيدفع لها الاجرة كل شهر عشان تغير لنا الكوافيل؟

في 2006 لما غزة كانت بتنضرب زي اليومين دول كده حزب الله خطف جنديين على اساس يلهيهم شوية

وعينه ما شافت الا النور تلاتة وتلاتين يوم دق وقاوم والحمد لله انتصر

قالوا عليهم ايه؟

قالوا ايه؟

قالوا بيغامروا مغامرات غير محسوبة، وقالوا بيحاربوا بالوكالة عن ايران وسوريا، وقالوا جر لبنان على حرب وقالوا هو السبب في كل اللي بيحصل ده

والراجل يقول يا ناس، يا عالم، مافيش حرب في التاريخ كله قامت عشان خطف اتنين اسرى، احنا صحيح كنا جاهزين بس ما كناش متوقعين رد الفعل ده، واضح انها حرب متجهزة

ولسة لحد النهاردة وبعد ما انتصر واقرت اسرائيل انها اتهزمت

لسة لحد النهاردة ناس بتقول له ياللي خربت البلد يا اللي بتحارب بالوكالة عن ايران ياللي ياللي

انا ما اعرفش حزب الله ممكن يعمل ايه وهو لسة خارج من حرب من سنتين

(يعني مش مأنتخ بقاله تلاتين سنة لما رهرط وعضلاته فكت)

وما اعرفش ممكن يفاجئنا بايه

بس بصراحة لا انا مش عايزاه يعمل كده

لا هو حكومة ولا هو دولة عشان يعلن الحرب ولا هو ح يسلم من السنيورة وجنبلاط اللي قاعدين يلبلبوا في الكلام لحد دلوقت

ومش شايفة اي مبرر لحركة جدعنة يعملها من غير سبب بجد بقى

هي مش حماس دي مجموعة مقاومة زي حزب الله؟ وللا حزب الله ده امنا اللي ولدتنا وسابتنا في الملجأ ولازم ترجع تاخدنا

فيه واحد ساب تعليق ما نزلتوش عشان ما اتخانقش ع المسا

بس هي حماس لو مافيش حواليها ناس بتتآمر عليها كانت تقدر تعمل حاجة

ماحدش مخول يحارب للفلسطينيين حربهم هم اولى بيها وماحدش قال حاجة غير كده

بس نسيبهم في حالهم

هو ده الغرض يعني

نسيبهم في حالهم
دي لو حرب بين التبت والكونغو كنا قلنا لا الكونغو دولة افريقية برضه وما يصحش نستندل معاها
نعتبرها حرب بين التبت والكونغو ونسيب الناس في حالهم

ما نعينش اسرائيل عليهم

ثم عيب يعني
عيب يعني اكبر دولة في العالم العربي وترمي بلاها على حركة مقاومة في جنوب بلد صغيرة

وتقول ما يحارب واحنا وراه

وراه؟

هأو

ليه؟ هو احنا كنا وراه من سنتين عشان نبقى وراه السنة دي؟

هو احنا كنا امتى قدامه عشان نبقى وراه

الاوضاع دي ما تتعملش هنا عيب كده دي مدونة محترمة

قال وراه قال

مواطن مصري said...

الشارع العربي كان وراء نصر الله ايام الحرب الي فاتت الان مساعدات مصر بتعديو متصورة صوت و صورة انا الي عاوز اقولة الناس الي بتخون الشعب كلة عمال على بطال و اكتر من 470 تعليق شتيمة في الشعب مع اننا حاربنا و رجعنا ارضينا و مع اننا مسلمين و بنتشتم و هما من 50 سنة مكنش ليهم اي دور


و بيخونو مصر الان


فاكرة حرب 67 يا نوارة طيب بلاش دي فاكرة حرب 48
؟

لما اخدتنا الشجاعة و قولنا احنا هنحارب او نعمل اي منظر من غير دراسة و جرينا ورا الشعارات فاكرة 67 لما قعدو يقولو هندمرهم هنحرقهم هنولع فيهم و ضربنا على قفانا

مهندس مصري بيحب مصر said...

مواطن مصري
===========
خش و إقرأ المكتوب هنا
http://ahmedzaidan.maktoobblog.com/

Unknown said...

نوراة
السلام عليكم ورحمة الله
بصى حسن نصر الله عنده مقدرة انه يحرك جيشة وشباب عربى كتير جدا
لكن لما هو صامت لما حشد بلا حراك ؟؟
الى متى خطابات دون عمل ؟

احمد عبد السلام said...

انقلبت الدنيا على مصر واصبحنا عدو العرب الاول
ومطالبون بطرد السفير
وقطع العلاقات
واعلان الحرب
كى نثبت وطنيتنا وولائنا للعروبة
العروبة السقيمة المخزية
سنترك القضية للنشامى فتبنوها
سنترك فلسطين للفرسان فحرروها
فلتحيا العروبة إن وجدوها

حسن على said...

لوكان المطلوب من حسن نصر اللة هو ان يشفى الاكمة والابرص او ان يحيى الموتى , لكان الامر اقل مشقة من ان يحاول اقناع القوادين الشواذ ان يتركوا داؤهم البائس النجس ويصبحوا من عباد اللة الصالحين.! ان اصحاب السيادة والجلالة والفخامةوالسعادة والهبالة والعمالة ... ياسيد حسن يرتدون فردة حلق فى ادنهم اليمنى ونجمة داود مدلاة على صدورهم ويربطون مندبلا احمر حول اعناقهم -اغلانا عن بضاعتهم وترويجا لها. ومثل هؤلاء ...عجز نبى اللة لوط عن هدايتهم فكيف تستطيع انت ذلك؟؟

حـنــّا السكران said...

العزيز مهندس مصري

يا أخي الكريم أنت تضع روابط مقال زيدان و كأنه نطق بالحكمة .. زيدان هو من عائلة من الإخوان المسلمين السوريين الهاربين من سوريا و الذين كانت لهم معارك دامية مع النظام في سوريا في أوائل الثمانينات .. و لا يوفـّر فرصة لا يهاجم فيها النظام السوري و كل حليف للنظام السوري سواء كان على حق أو على خطأ .. و اذا فنـّدنا مقاله هذا لما ساوى فلساً لأنه ليس فيه أي منطق .. حين كان حسن نصرالله يحارب و كانت سوريا تمده بالسلاح لم نسمع كلمة حق واحدة من السيد زيدان .. مقاله هذا هو الطائفي و هو النابع من منشأ طائفي لأن معظم مقالاته تنبع من هذا النبع الطائفي .. حسن نصرالله لم يتكلم كلام طائفي و نحن نسمع و لنا عقول كالسيد زيدان .. معليش ..نحن لسنا أذكى من السيد زيدان ..لكننا نقرأه منذ زمن و نفهمه جيدا و نفهم مراميه ..و ليكتب عن فصيل الإخوان المسلمين السوري الذي ينتمي إليه و الذي جلس في حضن عبد الحليم خدام و اّل الحريري و جنبلاط و من ورائهم إدارة المحافظين الجديد .. ليكتب عن هذه الحقائق كي نصدق كلامه قليلاً ..فهؤلاء منقسمون حتى على الإخوان في مصر و لبنان .. و لهم أجندتهم التي بدأت دموية و انتهت بحضن وليد جنبلاط .و ديفيد وولش .
ـ تحياتي لك .

dody_pasha said...

رد الاعلام المصرى على خطاب نصر الله بيفكرنى بواحده مومس موجوده فى غرفه مع راجل ونايمه فوقه وبيرتكبوا الفاحشه واثناء هذا الللقاء الحميم عماله تقول - اه اه انا شريفه - اه انا عفيفه - اوووه - اللى يجيب سيرتى بكلمه ح اقطعه اه اه

Ahmed elshebli said...

حسن نصرالله كويس لا لا وحش
د شيعي والشيعة كخة
حماس مية مية ومجاهدين
لا لا دول عاوزين الحكم على حساب الناس الأبرياء
مصر بتحفظ على حدودها
لا لا د حسني مبارك عميل وبن kalb
فين الحقيقة يا نوارة يا نجم
احنا تعبنا خلاص

only_me said...

هناك مشكلة تتفاقم يوم بعد يوم
اسرائيل تعمدت احراج مصر ووضعها في مواجهة باقي الدول الاقليمية
الوضع المصري الاقليمي يتقزم يوم بعد يوم وليس ادل علي سؤ موقف مصر الا استنجادها بتركيا لحل الازمة وهو ما يحدث لاول مرة في تاريخ هذا الصراع

الدبلوماسية المصرية في حالة يرثي لها
المصيبة ان الله من عليهم بغباء منقطع النظير
بدلا من محاولة اصلاح ما فسد الاعلام المصري يزيد من صؤ الموقف
اليوم صباحا علي النيل للاخبار استضافوا كائن غريب قضي ما يقرب من الساعة للحديث عن الدور الايراني والخطر الشيعي علي مصر
الموقف المصري الدبلوماسي سيء جدا

هذا النظام كل يوم يبرهن علي غبائة بتمسكه بحفنة من المتخلفين عقليا
بدلا من تلميعة يقومون باهالة التراب عليه

Unknown said...

اعلنها امام كل العالم
لست عاجزا
ساقاوم حت انتزع عزتى
كيف تنصر غزة الان على عمود نور
_________

لا تذكرو لى هذا العجز الاسود..... الان على عمود نور ... كيف تقاوم ماذا تفعل .. شارك الان ... تفاعل معنا
قدم اقتراحاتك

http://3amood.blogspot.com/

Empress appy said...

نواره محتاجه ماما فى بوست عندي ممكن تقولى لها الفكره او توريه لها وتساعدنا هبقى شاكره ليها جدا جدا وانتى كمان

Nemo said...

نوارة ... أنا آسف بجد إنى حأرد عندك كده
ولو عاوزة تشيليه شيليه براحتك
مواطن مصرى
انت بضنتنى وبضنت أى واحد مش عاوز يطلعله قرون
انت معرص وعاجبك براحتك
محدش قالك تقنعنا بالتعريص
حتقولى ومصر مالها
حقولك انت راجل قرنى والكلام معاك مالوش لزمة
وعلى فكرةالسلام بتاعك ماجبلناش غير الوكسة
ولا شفنا فلوس ولا عز ولا كرامة ولا هيبة ولا تطوير تعليم ولا برامج فضاء ولا رعاية صحية .. ولا حتى مواصلات غير التوكتوك
حتقولى الإخوان
حقولك منه لله اللى هبشك وانت صغير وقالك انه إخوان
هى دى فيها إخوان ومسيحين وحزب غد
أنا قعدت أقرأ الردود بتاعتك فى البوستات اللى فاتت وهنا
وبجد مش متخيل ان فى واحد طبيعى بيتكلم كده
انت يا ابنى معندكش دم
انت مش بتتفرج على تليفزيون
طيب استقرى جرانين
شوف الناس اللى بتموت
بتموت عشان محترمين ونضاف ورجالة
مش عاوزين يوطوا ويناموا على بطنهم
مش عاوزين بيبعوا شرفهم عشان يناموا ويتفرجوا على تليفيزون ويروحوا المول
لانهم عارفين ان النومة دى نومة على البطن
عاشوا رجالة
وماتوا رجالة
ما لبسوش طرح ولا جابوا لأهاليهم العار
انت عامل زى اللى شايف واحدة بتغتصب قدامه
وهو بيقول الحق عليها .. ما احنا ياما قلنالها روحى اتظبطى بالراحة ... واهو يمكن يطلعلك قرشين
لا .. مش كده وبس
ده انت بتزعق لأى حد يتكلم وتقول ده ابن كلب مش عارف المصلحة فين
والأجمل بقى
انك قافل باب القوضة .. ومش عاوز حد يفتحه .. وواقف عليه زنهار .. وماسك فى ايدك فوطة كبيرة
ولما الجيران بيقوللوك افتح باب الشقة واطلعلنا عشان نتفاهم ونشوف حنعمل ايه
ان واللى زيك تقول استنوا لما يجيبهم الأول
اتفوووو على دى رجالة
انت جنسك ايه يا بنى آدم
انت عارف يعنى ايه مواطن مصرى اللى انت كاتيها دى
والله يا ابنى انت ما حصلت مواكن كمبودى
انت عارف يعنى ايه مصر ومكانة مصر
مصر تعمل كده
ازاى
مصر على إيد ولاد الكلب اللى ماسكينها بالقوة والرشاوى والفساد والملفات السودا نزلت وبقت صغيرة قوى
عارف يعنى ايه مصر تبقى عميلة
عارف يعنى ايه يبقى مبارك والعصابة بتاعته نسخة من المالكى وشلته
المالكى راح شال جزمة من وش بوش
وزير خارجيتنا بيلمع جزمة اسرائيل
لا مش خارجيتنا
وزير خارجية مبارك
لان مفيش واحد مصرى محترم يقول الكلام اللى قاله ده
إلا لو معرص
من عينتك كده
لكن المواطن المصرى ... هو اللى طلع فى ايام 73
اقسام البوليس ما سجلتش حالة واحدة
حتى الحرامية اختشوا على دمهم يا اخى واتلموا
هم الناس بتاعة 56
اللى ماتت وكان عندها استعداد تموت الف مرة فى المقاومة الشعبية
هى الناس اللى عارفين ان فلسطين دى حتة من قلوبهم
هى الناس اللى عنيها دمعت لما شافت اللى بيحصل
هى الناس اللى طلعت وبتطلع مظاهارت دلوقتى وكانت بتعبت معونات وتتمسك ويرجعوها وتحاول تانى
وغيرهم وغيرهم
هم دول
وبعد إذنكم ... مين قال ان حسن نصر الله يضرب ولا يهدد بالضرب
ولا اى حاكم عربى ولا دولة عربية
بالعكس
مش مطلوب منه انه يعمل كده
والراجل كلامه واضح
افتحوا المعابر وبس
واللى بيتكلم على حسن نصر الله
يعمل اللى عمله الراجل ده
الراجل ده عنده ابن مات قصاد الإسرائيلين
ما عندوش حد من ولاده ماسك لجنة سياسيات حزب الله
ما عندوش شلة بتقسم لبنان وتبيع فيها حتت
الراجل عنده دم وبيتكلم بلسان حال الناس بتوعه
الراجل بيتكلم وبيحترم الناس اللى بيكلمها على اختلافها
بس احنا حنتكلم دلوقتى
اللى يتكلم ما اتكلمش ليه من زمان لما الأونروا قالت ان اللى بيحصل فى غزة دى مأساى انسانية
كان فين وواحد طليانى اسمه فيتوريو بيتحدى اسرائيل ويركب مراكب عشان يوصل المعونات ليهم فى نفس الوقت اللى احنا بنهد الأنفاق على الخرفان اللى بتتهرب منها عشان الناس تاكل
كنتوا فين والناس مش لاقية وقود تتدفى فى عز الشتا .. فى نفس الوقت اللى بنصدر الغاز لإسرائيل برخص التراب
بس صحيح
إلا ما زعلنا على العبارة ولا المسرطنين ولا الغاز ولا الكويز ولا جمال مبارك ولا البلداللى اتباعت ولا كرامة المواطن والمواطنات اللى اتسحلوا واتبهدلوا عشن بيقولوا كلمة حق فى نفس الوقت اللى الحرامية بيطلعوا من باب كبار الزوار
وعاوزين حسن نصر الله هو اللى يحارب واحنا لأ
هو مين الأولى بفلسطين يا عالم
انتوا ايه اللى جرالكم
واتوا كام واحد
انا كل ما ادخل جتة الاقى نفس الردود ومنها بالكربون
عاوزين ايه
تفهومنا ان الى بيحصل ده صح
اتفوووووووو عليكوا وعلى اشكالكوا الوسخة
انتوا بتتكلموا بلسان نسبة صغيرة قوى
نفس النسبة اللى ماسكة مصر دلوقتى ومبرطعة فيها
نسبة لا تذكر
لا بتعبر ولا حتعبر عننا
عننا احنا
المواطنيين المصريين
المصريين لالى بجد
اللى الناس كلها عارفه يعنى ايه مصرى
المصرى اللى مش بيقف يتفرج
يا مسلمين يا موحدين بالله
بلاش المسلمين
المسيحين
هى دى برضه مش مولد المسيح عليه وعلى نبينا السلام
بلاش بالدين
بالنخوة يا أخى
بالشهامة والرجولة
بلاش دى
بالإنسانية يا اخى والمشاعر الراقية
انتوا ايه اللى جرالكم
خلاص
احنا فقدنا الإحساس للدرجة دى
احنا تقزمنا لدرجة بقينا نطلب من حد تانى يحارب حروبنا ويواجه بدالنا
بلاش معارك بالسلاح يا عم عشان الناس الفرافير اللى لو شافوا جندى اسرائيلى يقولوا اف وأح
فى معارك تانية ممكنة جدا
سياسية واقتصادية
الله يرحمك يا أيام العز
أيام كانت مصر كبيرة
يا جدعان
محدش طلب ان احنا محارب
لان الريس بتاعتنا ما بيعرفش يحارب غير اللى بيقولوا كفاية .. وده آخره
لكن اليهود .. حبايبه واصحابه
حتى الشيخ بتاعه شبهه
مجدش طلب انه يحارب
المطلوب بس يخلى عنده ذرة دمو كرامة واحترام انه ريس لبلد فيها مصريين
مصريين معروف عنهم النخوة واشهامة والرجولة
يا اخى يقدر ان البلد فيها رجالة كتير
وفيها نسوان الواحدة منهم ب100 راجل
يا اخوانا دى عمرها ما حصلت فى تاريخ مصر ان احنا وصلنا للمرجلة دى من الإنبطاح
فعلا ايه النظام ... النظام نايم على بطنه
يا عالم اقروا قرآن وانتوا تعرفوا آخرة اللى بيحصل ده ايه
بلاش
اقروا تاريخ
اللى بيحصل ده خراب على مصر أكبر بكتير مما لو حصل حرب
خدوا عبرة من حزب الله
النهاردة خلاص بالمنظر ده البساط اتسحب من تحت رجلين مصر خلاص
وزن مصر الإقليمى راح تماما
مصر هيبتها راحت تماما بعد اللى حصل ده
بعد كده مصر مش لاعب اساى فى المنطقة
دى مجرد بلد زيها زى اليمن كده
ومش حيتعمل حسابها فى اى موازنات
المصريين اللى عايشين بره حاسيين بالنقطة دى قوى
يا جدعان
يا عالم يا اللى دمها حر
انتوا لو اختك ولا أمك مشيها بطال
لو جابتلك فلوس الدنيا
ده عمره ما يعوض احساسك الإنكسار لما السايس يبصلك بخباثة ويقولك هى الهانم نازلة امتى يا بيه
بس طبعا فئة العرصات حيكون ردهم معروف .. لما البيه يخلص معاها
فلوس الدنيا ما تعوضكش عن إحساسك بالرضا عن نفسك
الفخر والزهو والإحساس اللى جوا ده الفلوس ما تشتريهوش
ولا السرير الدافى ولا التليفيزيون الكبير ولا المول وال التكييف
بس على فكرة
بجد فعلا رب ضارة نافعة
لانى كنت باكلم واحد صاحبى بالتليفون
وهو من النوع الجبان اللى بيخاف يقول نص كلمة فى التليفون
وخصوصا وإحنا متاكدين ان فى تليفونات كتير متراقبة
وكان صوتى مخنوق من اللى بأشوفه واحساسى بالعجز والمهانة والعار
لقيته بيرصلى شتيمة فى ابلد والريس ووزير الخارجية بتاعته
لقيت نفسى بابتسم واقوله فى التليفون انت مش خايف دلوقتى
قاللى هم دول بيخافوا ربنا عشان الواحد يخاف منهم ... الناس كلها والعة نار من اللى بيحصل .. وشكلهم ولادالأحبى ايامهم قربت بجد كده
هم دول المواطنين المصريين
لكن اللى زيك ... احنا ما نعرفهمش

مهندس مصري بيحب مصر said...

حنا السكران
============
انا كنت بأعرض وجهة النظر المقابلة و ما كنتش أعرف الخلفيات اللي انت قلتها دي

شكراً إنك عرَفتني
:)

مواطن مصري said...

@nemo

شكرا على التعليق الي اظهرت فية مدى وساخة تربيتك ولا انت ولا الف الي زيك يقدرو يشككو في وطنيتي و حبي للبلد ولا حد يقدر يخون مع ذالك انا مش هنزل لمستواك الواطي و ارد زيك

بس السياسة مفيهاش شعارات ولا مشاعر و امن البلد فوق الجميع

السياسات مفيهاش اجري ورا شعرات و خطب و كلام ممكن يكون لية اثر سلبي يرجع مصر ل60 سنة ورا
كل حاجة بتتعمل عن طريق دراسة و تخطيط جيد عشان كل حركة و ليها تأثيرها

ماشي فاعرف انت عدوك مش سهل عشان تعمل حركة رد فعل سرررعيةممكن تفشل و رد العدو يكون اقوى و نخسر ممكن نعمل حاجة مدروسة و تنجح باقل الخسائر


و ارجو النشر يا نوارة زي ما سيبتية يشتم

حفيدة عرابى said...

nemo لافض فوك