Sunday 14 December 2008

بالجزمة يا ابن الجزمة

شفتوا انا حلو ازاي؟


انا لسة في اجازة وما خلصتش، بس النهاردة يوم تاريخي صنعه منتظر الزيدي
اسمه منتظر وهو منتظر، كنت فين يابني من زمان
هم ليه ما قلوش شتمه قال له ايه؟ وليه ضربوا الصحفي ومسكوه من راسه وضربوه بالشلاليت ولاد الكلب؟ اذا كان جورج بوش نفسه قعد يضحك، وليه ح يعلق ناس خنيقة على الموضوع ده ويقولوا انه تصرف مش حضاري؟ وليه فيه ناس اخنق ح تقول يا سلام، هو جاي يضربه دلوقت وهو ماشي؟ هاي مرجلة هاي؟ ما انا عارفة، عارفة ومتأكدة ان فيه ناس ربنا خلقها ودورها في الحياة انها تضايق غيرها
عشان نشتاق للجنة
ماحدش علق لسة، بس مسيرهم يعلقوا ويقولوا كده اصل انا عارفة الناس الخنيقة
وبما اني ورايا شغل وانا اصلا باشتغل بدماغي فناوية اغطس في الاجازة تاني عشان الناس الخنيقة ما ياكلوش دماغي
بس كل سنة وانتوا طيبين
ربنا يحميك يا منتظر كنا منتظرينك يا حبيبي، احلى ختام للتمن سنين العجاف
وحلوة حلوة حلوة حلوة
وجوووووووووووووووووووووووووووووووووووووووووون
هو منتظر مقبوض عليه؟ مقبوض عليه؟
مقبوض عليه؟
يعني ايه؟ واحد يضرب بلد بالقنابل العنقودية ولما المعتدى عليه يضرب اللي احتل بلده بالجزمة يقوم يتقبض عليه؟
مش كفاية انهم ضربوه؟ ربنا يقطع ايديهم ولاد الكلب



في اول تعليق له بعد الجزمة اوباما قال: احنا خارجين من العراق...خارجين هو احنا قلنا حاجة؟
:))

34 comments:

TAFATEFO said...

كنت مراهن انك هتكتبي

:D:D:D

TAFATEFO said...

لنك الفيديو أهو

http://www.youtube.com/watch?v=OM3Z_Kskl_U

embed بقى

البت المشمشية حلوة بس شقية said...

ههههههههههههههههههههه
لسه شيفاها فى التلفزيون
وموت على نفسى من الضحك

وكنت لسه كتب انا عن الموضوع الجامد ده

سبهللة said...

حمد لله على سلامتك يا عسل
والله العظيم وحشتينى جدا
وبعدين كالعادة اتصلت بيكى فى العيد جرس و نو انسر

lastcrazyboys said...

الموضوع دلوقتي ..ياترى ايه هيكون مصير منتظر..وهل سيتم تطبيق سياسة الحرية على الطريقة الامريكاني ..اللي المفروض انهم جاييين يعلموها للناس ..ولا هيعتبوا ده شأن داخلي..وهما عارفين ان الاخوة العرب مبيقصروش في الواجبات دي
انا حاسس ان أنا اللي "منتظر" دلوقتي اعرف مصير الراجل "الذي فقــد خوفه".مش بس كده وفقد ذله..وهوانه

الخوجة said...

صباح الخير
كفارة ياشيخة
احنا قلنا جرالك حاجة وفى العيد والسقعة اللى جاية كمشانة انا قلت برضة مايخركيش الا الشديد القوى
كل سنه وانتم طيبين جميعا والطفاطيفو والبنت المشمشية
احساسنا كلنا واحد انا كنت عمال ادور على اسم الصحفى ده

Ahmed Fawzi said...

ربنا يكرمه عمل اللى نفسه الملايين حوالين العالم يعملوه و خسارة إنها جت اوت ماعلهش خيرها فى غيرها و الجايات
أكتر من الرايــحات ...
نورتى النت

انسانةعادية فى عالم مش عادى said...

اقول ايه ياستاهل ابن الجزمة القديمة ده اكتر من كده بس ياخسارة معرفش ينشل كويس

TAFATEFO said...

قناة البغداديه عملت صورة منتظر لوجو للقناة وبتطالب بالإفراج عنه

شوفي هدف منتظر في بوش - تعليق مدحت شلبي

http://www.youtube.com/watch?v=K9yl1HUJAKI

سنابل said...

مش ممكن منتظر دة ربنا يحميه والله شفي غليل الكل
دة لو كان ضربه بالنار كانت تبقي أهون عليه بس دة اداله باللي يستاهلها

TAFATEFO said...

بيان قناة البغدادية

http://www.youtube.com/watch?v=Bmmd01UBeIQ

بتطالب فيه الحكومه العراقيه بالإفراج عن منتسبها منتظر الزيدي

فاروق عادل said...

كنت مستنى كتابتك

سيبك بقى من الاجازة

:(((

فاروق عادل said...

شفتى التعليقات اللى على الفيديو

TAFATEFO said...

http://img389.imageshack.us/img389/1851/lv03bk4.png

صوره من الصور اللي حاطاها قناة البغدادية لمنتظر الزيدي أسفل يسار الشاشه

مواطن مصري said...

هههههههه ايوة كدة ارجعي للتدوين عقالب الي عندنا ينضربو ب الجزم
:)

مواطن مصري said...

هههه زمان الزيدي في امن الدولة المصري بيتظبط

Rania Lelah said...

جامده اوى اوى بجد
انا من ساعتها و اا مبسوطه جدا
مش عارفه
هو ده اخرنا اننا نفرح علشان موقف زى دة
و لو دى بجد بدايه جميله اوى تكسفنا على دمنا
و تقول لحكمنا
انطقوا بقى
اتحركوا بقى بالله عليكوا

تحياتى

Anonymous said...

اولاً لازم نشكر منتظر لانه رجعك لينا:)

ثانياً نهنيه على إللي عمله و حظ أوفر المرة القادمة (يعبي المره دي جت جنب العارضة، المرة الجيه جون ان شاء الله)ء

اما بالنسبة لإحتيطاط الامن المستقبلية ف انا أظن انهم هيمنعوا الصحفيين يدخلوا بجزم بعد كدا، و نقابة الصحفيين ها تطالب بحق رعاياها بالاحتفاظ باحذيتهم، و سلملي على ريحة الشرابات :D

الخوجة said...

الدنيا كلها قامت ومش عاوزة تقعد
هما البشرية كانوا مستنين واحد يفتح ليهم الباب
من هنا ورايح كل رئيس يخاف على نفسة خلاص بالجزم
واعلنها منتظر الزيدى
هناك اسلحة جديدة
والمثل بيقول ايه
تجوع الحرة ولاتأكل بثدييها
لسه هو أنتو شفتم حاجة دا موسم الفضايح لسه بأولة أستنوا عليه شوية لما الجزمة تسخن فى دماغة كمان شهرين بالظبط ويبدأ فى نشر الغسيل الوسخ علشان يعمل غسالة ويلم فلوس ماهو كلهم كده
مش لما بيطلعوا معاش بينشروا غسيلهم وده هيألف كتب فى السيرة البوشيه وفضايح الحكام العرب اللى انشأؤوا السجون بدل أمريكا وعندهم محققين تيكأوى بدل امريكا
وأنا من هذا المنبر وأنادى بعلو الصوت
ماشى كده
عاشت نوارة حرة
وتحيا المكرونة
كفاية اجازة
صوت الجماهير اللى محدش فيهم هيعمل حاجه غير اتنين تلاته لو جرى ليكى حاجة
وسؤال للدكتور طفاطيفو هو ممكن خلع الضروس علنا من غير بنج بالكماشة عاوزين نجرب فى واحد
ممكن علشان يبطل اكل مكرونة
لان كتر أكل المكرونة بيدى شعور بالامتلاء ويهبط
احنا عاوزين مش وفحل بصل ايه دخل ده على ده انا مش عارف
ايوة كده ياشيخة الله ينور طريقك
وماتقفليش باب العيادة تانى
الحمد لله التمرجى موجود والدكتور موجود بس المريض مش لاقيينة

Empress appy said...

يا خوفى يعملوا حظر للشوزات فى المؤتمرات الصحفيه ويعتبروها قنابل نوويه شحن ذاتى
ربنا يحميه ويخرج منها بسرعه
انا سمعت ان فيه حد قال ان صحفى عراقى تانى اعتذر لو حد عارفه يقولى انا عندى اتنين قدام عاوزه اتخلص منهم
كل سنه وانتى طيبه

هبه said...

انا صعبان عليا الجزمه قوي

والواد كمان بصراحه زي القمر

Fatma said...

كنت متأكدة انك مش هتقدري تمسكي نفسك قدام اللحظة التاريخية دي

كل الناس فرحانه مين يستجري يقول تصرف غير حضاري !

اللي يقول كدا قوليله لو قبل 73 كان جات جولدا مائير ولا موشي ديان مصر وخطبوا في الجماهير وحد حدف عليهم جزمة قديمة مش كنا هنفرح ؟
حد قالي مش كان ضربه بخنجر? تصدقي الجزمة عندي احسن من الخنجر مليون مرة
منتهى الاهانة

وحكاية انه جاي يتضرب وهو ماشي دا هو دا الشغل كله
انا سعيدة بالتوقيت وسعيدة بالحدث التاريخي دا

سجل يا تاريخ
حدث في مثل هذا اليوم :)

مبروك علينا يا نوارة

Gemyhood said...

اى كان ما يكون دة واحد ما ينفعش صحفى بشلن

الصحفى لا دين له لا وطن له

و اى حد يعمل غير كدة ما يستحقش يبقى صحفى

عمرو said...

شكرا يا نوارتنا أنك طمنينا عليكى و الحمد لله أنك كويسه
بصراحه منتظر ده واد ماجبتوش ولاده تسلم أيديه و رجليه و جزمته الواد العراقى الشهم المجدع اللى دمه العربى الأصيل غلى و ماقدرش يحوش نفسه عن ضرب عدو بلاده و لو حتى بالجزمه
بس شوفتى بوش أبن اللئيمه أتفادى الفردتيم اٍزاى على طريقة النابلسى لما كانت زينات صدقى بتحدفه بالحاجه

مهندس مصري بيحب مصر said...

الواحد مفتقد تدوينك بجد
ربنا يستر على منتظر

وحي القلم said...

تصرف سليم وياريت
يأثر في الامريكان علشان يعرفوا اننا لسه عايشين

Unknown said...

ايه ام الخرا ده ع المسا؟
مين يا جيمي اللي شخ في دماغك وفهمك ان الصحفي لا دين له ولا وطن؟ هو رجل اعمال؟

عمرو said...

جيمى هود
يعنى أيه الصحفى لا دين له و لا وطن ؟؟!!
أنت عبيط و لا مريض و لا أيه حكايتك ؟

TAFATEFO said...

الصحفى لا دين له لا وطن له

دة واحد ما ينفعش صحفى بشلن

:D:D:D:D

عنه ما كان صحفي يا سيدي .. هو معملش كده بصفته صحفي .. هو عمل ده بصفته مواطن عراقي عربي .. عبر بلسان معظم (إن لم يكن كل) الشعوب العربيه (إن لم يكن العالم) منافياً ورافضاً لموقف الحكومه المفروضه (حكومة الاحتلال) والأنظمة العربية الخاضعة الذليلة

Unknown said...

the funniest thing about this whole issue is the way the west media is trying to analyze the shoe throwing phenomenon

from those who say its an aslamic tradition, to those who say no its arabic tradition , to those who say that hitting with shoes is a huge insult in the mid-east reserved only for thieves and prostitutes...

am not even sure why they are making a big deal about this issue.. its like we are an alien species they are trying to understand... or maybe its how they divert the issue from bush to how primitive we are :P

what i liked the most is how some libertairians are trying to adopt this arabic attitude with their leaders... maybe this should become more common with us too:)

Unknown said...

بعد كدة فى اللقاءات الصحفية هيمنعوا لبس الجزم
ومن باب حفظ ماء الوجه ستقام فى المساجد

Me, myself, and her said...

مش حنسى ردة فعلي أول ما شفت الكليب ، طبعا انا قريت الموضوع وبعدين فتحت الفيديو ، بدئت ضربات قلبي تزيد ولما اترمى بالفردة الاولانية قمت متل المجنونة بقول " يييييييييييييس الله عليك يا اسمك ايه ... وااااااو" ، وأنا اخبط يداي ببعضها بقوة كبيرة ، وفضلت اردد "ييييييس ييييييييس" ..

احساسي كان احساس اللي "اتفش خلقه" يعني فرغ شحنة غيظ وقهر مكبوتة منذ زمن طويل

"يعني هو كان حرر القدس يا خي؟ " رددت على صديقي الذي قال ذلك بقول يمكن تكون جزمة ولا مسدس ولا شتيمة من العيار التقيل ولا اي شئ ، ستعطينا نفس الاحساس ، ومن قلة ما نتصرف بكرامة فإن أقل موقف كرامة سيكون في زمان انحناءة الجباه والخنوع الجبن ، سيكون كالصفعة القوية في وجه العدو ، وهي والله أقوى من الصفعة

لم أسمع برئيس هزء مثل هذا البوش

mando said...

الخوف ان ولاد الهرمة يعتبروا الجزم بعد كده من أسلحة الدمار الشامل ويضبعوا فى العالم بحجة ان الناس عندها " جزم زيدية محرمة دولياً " ويعملوا اتفاقيات حظر جزم

Gemyhood said...

مين ابن الاحبه اللى بيشتمنى دة

انت مغفل يا ابنى

ايوة الصحفى مالوش انتماء لأى دين او تيار او بلد

كسم هبلكوا بصراحة

و ابن الشرموطة اللى شتم يا ابن الاحبة يا تتكلم عدل و تناق يا تحط لسانك فى طيزك على الصبح

و انشرى ام التعليقات يا نوارة بسرعة