حد فاهم العركة اللي حصلت في لبنان بين الجيش واللاجئين دي ايه؟
استنى قبل ما ترد
كداب ومناخيرك ح تطول ووشك اسود من الكدب لو قلت انك فاهم
فجأة لبسوا في بعض من غير ايتها سبب
مش دي المشكلة
طول عمر اللبنانيين والفلسطينيين بيقعوا في بعض
وطول عمرهم الطرفين بيبقوا غلطانين
الاكادة بقى يا مؤمن
ان الجيش اللبناني العظيم
اللي ما فقعش جيصة في حرب تموز
ومع ذلك عمالين ندلع فيه ونهشتك فيه
والجيش اللبناني العظيم
والجيش اللبناني الوطني
والجيش اللبناني هو جزء من المقاومة
بس هو اصله ما فقعش جيص عشان ما كانش واكل فجل
انما حزب الله بياكلوا كرنب من ايران
وخلافه
فجأة يا سيدي بقى له صواريخ وبيقصف
وإذ بينا نفوجأ انه عتريس وبلوة سودا حتى بصوا
بصوا على أطفال مخيم نهر البارد
ونسائه وشيوخه
لا والله برافو
سبع بصحيح
هو ده الجيش اللي عايزينه يحل محل حزب الله؟
هو ده اللي عشان خاطر عيونه حزب الله يسلم سلاحه؟
الا حزب الله مات منه كام واحد على ايد لبنانية؟
ولا مرة رد
حتى لما النسوان ماتت
اه صحيح حزب الله ده ارهابي
اصله مصر ان سلاحه موجه نحو العدو الصهيوني
انما الجيش اللبناني المغوار
اسد على الاطفال
وفي تموز
فسية
اخصصصصصصصصصصصصصصصصصصصصصص
وبعد ده كله طلعت يا اخي سبحان الله
سوريا هي السبب
ده ربنا له حاجات يا جدع
قال لك فتح الاسلام سوريا هي اللي زقاه
وواحد مجنون من فتح الاسلام طالع برضه يتملق الجيش اللبناني
ويقول هو استدرج للقتال والسبب في اللي حصل
ناس من الحكومة اللبنانية بتعمل لصالح امريكا واسرائيل
كويس يا سيدي اديك بتفهم
قوم يقول لك ايه: والله الذي لا اله الا هو
سنستمر في المعركة طالما يقتل اهلنا
خخخخخخخخخخخخخخخخخخخخخخخخ
لامؤاخذة
يعني هم بيحرروا فلسطين من خلال استفزاز الجيش اللبناني
اللي بدوره
نازل قتل في العيال الصغيرة والحريم
ولا داس لفتح الاسلام دول على طرف
ويقولوا قضينا ع البنية التحتية لفتح الاسلام
البدروم يعني؟
ودولم يفجروا الناس ويموتوا نسوان ولولولولولوليييييييي
ودوكهومة يموتوا عيال في المخيمات و
شوووووووبش
بصوا بقى
احنا غجر
ونستاهل كل اللي بيحصل لنا
ده انا مستغربة ربنا سايبنا ليه
والله نستاهل اكتر من كده
9 comments:
و الله مفيش انسب من ده
مقدرش عالحمار اتشطر عالبردعه
ولا اى حد يعرف
عادى الجوز اجن من بعض وزى ما قولتى
طول عمر اللبنانيين والفلسطينيين بيقعوا في بعض
بس الى مجننى بقى دلوقتى
بعيد عن الروائح الكريهه المعبرة فى البوست
هيا لبنان فيها جيش من امتى اصلا؟
والسلاح دة طلع امتى؟؟
وسابو الجنوب ازاى ولية؟
ولا عملا بمبدا اسد علينا وفى الحروب نعامة!!
سوريا اية دخلها برضة ؟؟
سمك لبن تمر هندى سياسة احمدك يارب
للاسف نحن قبائل من العصبية
صدق عز وجل حينما قال
ِنَّ اللّهَ لاَ يُغَيِّرُ مَا بِقَوْمٍ حَتَّى يُغَيِّرُواْ مَا بِأَنْفُسِهِمْ وَإِذَا أَرَادَ اللّهُ بِقَوْمٍ سُوءاً فَلاَ مَرَدَّ لَهُ وَمَا لَهُم مِّن دُونِه
صدق الله العظيم
ياسيدتي العزيزة
ربنا مش سايبنا
هو مسلطنا على بعض
كل واحد بيخلص من التاني، أو بيخلص عليه
إحنا احسن ناس تعض في بعض
حاجه تقرف
حماس و فتح من اسبوع كانوا بيقصفوا بعض بالصواريخ و الضحايا كانوا افسر كام و عشرين
احه يعني في ايه
انا بقيت مش فاهمهم
بيقولوا انهم قصفوا اللاجئين عشان جماعة فتح الاسلام مستخبيا هناك
و انهم بيقولوا فتح الاسلام دي إحدى كتائب فتح
و فتح بتضرب حماس
و حماس و حزب الله ولاد عم
و الاتنين بيقولوا عليهم إخوان
يبقى اكيد فتح بوزيين او ساتانكس :D
ربنا يرحمنا
يا نوارة إذيكش لو فاهم حاجة ألاقي نفسي بكرة الصبح في العراق
بس و حياة أم الغالية أم وليد جنبلاط مش فاهم حاجة
هو مين عايز إيه و لا مي شبط في مين
مش عارف و مين فتح الإسلام دول روخرين مش عارف أنا عارف الفصائل اللي في لبنان كلها ال 11 فصيلة سياسية و ال 14 طائفة لكن فتح الإسلام دي أول مرة أسمع عنها في حياتي
أنا قربت أمشي أنكش شعري و أطول دقني و أكلم نفسي زي محمود عبد العزيز في الفيلم اللي مش فاكر إسمه
و أنا أقول أنفي طويل لماذا (: عامل نفسي فاهم...الذي يحدث فضيحة، مجموعة عندها كم عربة مصفحة اسمها (العهدة على الموسوعة التهييسية) جيش و شرذمة ثانية قالك فتح الإسلام، لا إسلام و لا بطاطا...حرام الناس تموت هدر، حرام عليهم كل دمعة و كل صرخة...حرام الناس تجوع و تتشرد للمرة الألف...طز فيه زمن، شفنا فيه العجب، جيوش ورق و عصابات و قالك نضال و إسلام...
نفس السؤال بالظبط
انا كنت يا اختى نايمة فى حالى اصحى الصبح الاقيلك ضرب و قتل و فتح الاسلام
نفسى اعرف بيلحقوا يجيبوا الاسامى دى منيين
انا صعبان عليا الفلسطينيين قوى
بيضرببوا من كل نحية
مش عارفة ايه ده
نوارة...انا معنديش كلام اقولة عن الشان البناني...عالأقل في الوقت الحالي...لكن من منبرك هذا ادعوا جميع المدونين وزوار مدونتك الكرام ان ينضموا لحملة جمع التوقيعات لإنقاذ الاقصى .... مزيد من التفاصيل موجودة على الموقع ده
http://forum.harakamasria.org/showthread.php?p=62288#post62288
و في مدونتي...اشكر كل المشاركين وحمد الله على السلامة
بصى يا نونو مش حأقولك فاهمة اوى يعنى لكن التوقيت غريب اوى...وأكيد له علاقة بقرار المحكمة الدولية...وبالتالى محتاجين شئ لزوم الشئ...يعنى لازم اعداد المسرح للقرارات اللى حتطلع بيها المحكمة الدولية...فلازم يبقى فيه مبرر لنزع سلاح المخيمات الفلسطينية، وبعدين يقولك هو يعنى حزب الله على راسه ريشة،تقوليله ايش جاب الشمال للجنوب، يقولك أهو قرارات مجلس الامن واديكوا شوفتوا التهديد اللى بيحصل للمدنيين!!!...ولازم قوات دولية لحفظ السلام...وطبعا هيه مش دولية اوى يعنى..وطبعا مافيش حق عودة وكان لاجئين لبنان اول المرشحين للعودة وفقا لاتفاقيات سابقة...دلوقت بح حق العودة..فأهى فرصة يخلصوا لهم من كام فلسطيني ويشوفوا للباقى دولة يرموهم فيها ويخلصوا..
الأكادة بأة واللى غايظنى بجد...ومعلش انا عارفة ان كلامى حيزعل منى ناس الحقيقة عزاز عليه...لانهم انا عارفة أد ايه أنقياء ومؤمنين بجد باللى بيقولوه وبيعملوا باخلاص شديد مش متاجرة يعنى ولا حاجة، لكن للاسف مستخدمينهم ادوات لتحقيق أهداف غير أهدافهم نوهائيااااااا...وهم ولادنا برضه وفى رقابتنا ولهم علينا حق...وهم برضه نتاج كل الظروف اللى كلنا مسئولين عنها...لكن لازم يكون فيه طريقة للتفاهم معاهم...وهم التيار السلفى...مش معقول حجم ما يقدمونه من خدمات للعدو اللى بيحاربوه باخلاص...الحقيقة مش بحب أبدا التشكيك فى هذا التيار..لكن كمان لا يمكن غض البصر عن البلاوى اللى بيسببوها لنا...
الأكادة بأة يا محترمة ان يطلع لك ناس من أصاحبك برضه يقولك مالنا ومال الهم ده كله هوه احنا عرب من أصله!!!!!!!!
وسلامات يا "مصر الأمة"...هأو بجد أسخف نكتة سمعتها فى حياتى...
وأهو برضه عالم مستخدمنها لزوم التفريق...وقال ايه العروبة انتماء عرقى...ماهو برضه كله لزوم التقسيم...مش عارفة لغاية امتى حنفضل كل شوية يطلعوا لنا عالم هبلة يستخدموهم لتنفيذ أجندتهم...ولازم نفترض حسن النية...ولازم نستحمل لانهم عيالنا ونتاج كل قرفنا...
ربك يزيح عنا كل البلاوى
ندى
Post a Comment