هذا بيان لمناصرة بيت المقدس
رجاء وضع توقيعك
اذا مش ح ينفع مش ح يضر يعني
وما اسمعش حد يغني لي النغمة الجديدة بتاعة
مصر بقت اوسخ من فلسطين
والمصريين عندهم مشاكل والكلام الوسخ ده
انا مش فاهمة هي الناس جرا لها ايه
اتجننوا وللا ايه
ح نبقى نتكلم في الموضوع ده بعدي
بس وقعوا دلوقت
وقعوااااااااا
اذا ما كانش عشان وحدة المصالح والمصير
غصبن عن بوز اتخن تخين
ويبقى يوريني نفسه
يبقى على الاقل عشان الانسانية
وللا حتى ما بقاش فيه انسانية؟
19 comments:
انا وقعت وفعلا هى الناس جرلها ايه بالظبط بقت كدة ليه سلبيه ومفيش اهتمام بالوطن العربى ومعتش عندهم انتماء لغير انفسهم بس
حاجة تخنق
تحياتى
يا نوارة، مفيش فايدة!!
فاكرة العريضة بتاعت حقوق الاسرى اللى ملينا الدنيا صوات عليها، تفتكرى الناس اللى وقعت كام واحد لغاية دلوقتى؟
538 واحد
538 يا مؤمن
538 يا بشر
بس أنا برضة، وقعت على العريضة دى، لأنى برضه مش هيأس، و امرى على الله
كل سنة وانت طيب
كله مشغول بالجرى ورا لقمة عيشه
لما الناس تلاقى تاكل الاول ابقوا اطلبوا منها توقعلكوا على حاجة
وقعنا يا نوارتي وقعنا ..ماتضايقيش نفسك ..والله كمان هجيبلك صحابي اللي علي الماسنجر كلهم يوقعوا وهاخللي كل الناس اللي اعرفهم يوقعوا ..حتي اللي مابيعرفوش يدخلوا نت هاخد موافقتهم واوقع لهم انا ..يمكن يكون في فايده
شكرا يا نوراة
انا كان نفسي حد يقولي علي وسيلة علشان اشارك في الحملة خاصة ان الحكومة النتنة رفضت نقل الوثيقة خارج القاهرة وخارج حتي النقابة
وعيب اوي اما شعوب متجيش عشر مصر يكون نسبة التصويت فيها اعلي
اللي سمعته امبارح من د . عصام العريان ان التوقيعات وصلت مائة وخمسون الف تقريبا وده رقم قليل جدا بالمقارنة لعدد تعداد مصر
بس مش وحش اوي لو شدينا حلنا شوية وكنا ايجابين خاصة ان الموضوع مش كميا يعني وبلاش عقد بقه وكلام يجيب احباط للجنرال تفاؤل نفسه
تحياتي
بحري من اسكندرية
ازيك يا حبيبتى والله بيتهألى والله اعلم انه مفيش ناس ولا حتى انسانية هنقول ايه بس
ناس ولا عندهم ريحة دم شئ يفقع
على فكره فى تاج ليكى لما تفضى كده تعمليها
:D
يا نوارة..ما تتعبيش نفسك...الوثيقة سافرت السودان من يوم 26 مايو...مع ان المفروض انها موجودة لحد يوم 29 بس يظهر ان الحكومة استكفت...حتى التوقيع استكتروه علينا
تحياتي
تم التوقيع
تحياتي اختاة لإهتمامك
علم يا فندم وجاري التنفيذ
انا جيت الاول عشان اقول الف سلامة يا جميل
نوارة
والله ليكى وحشة جامدة اوى
معلش كنت بتاخر عليكى بس والله ظروف والواحد كان فى حالة نفسية منيلة
عموما حمد الله على سلامتك وتفضلى كده بتعرفينا الطريق اللى نعمل منه اى حاجة كويسة فى حياتنا المنيلة ديه
لو توقيعى هيايجى بفايدة
انا كنت جبت كل اهل كوم الضبع يوقعوا
بس اهو الواحد بيفش غليلة
ببقين نضال على حبتين شعارت مكن
ابقى قابلينى
فتحى حمدالله
شاعر ينتظر طلتك على مدونته
يا بنت الغالى
همممممممممممم
فَإِنَّ مَعَ الْعُسْرِ يُسْراً (5) إِنَّ مَعَ الْعُسْرِ يُسْراً (6)
انا حطيت توقيعى يا نوراة بس البلد فعلا فيها ناس كتير بقى عندهم
عتة بجد
ربنا يكرم
وياريت نفهم
ان اكلت يوم اكل الثور الابيض
كان ودى احط توقيعى بس انا لا بس قناع ومش عاوز اقلعه كان بودى
غرقان فى بحر الجنان
والموت
الرابط مش شغال يا نواره
عااااااااااااااااااااا
علي العموم أنا حدخل عندك كل شويه و أحاول أجرب
تهانينا بمناسبه مدونه السيد الوالد...ربنا يديله الصحه و يفضل دايما يفاجأنا بكل ما هو جديد و جميل
تحياتي لكي
المشكله انتهت يا نواره
:)
تعرفى يا نوارة نفسى اعرف حاجه بجد
بعد التوقيعات دى
حتى لو وصلت للعدد المطلوب
ايه هيحصل بعد كده؟
وقعنا يا نوارة ....بس نفسنا توقعنا يعمل حاجه
تحياتى
howa man3am f3lan 7'arag ???
اللينكـ مش شغّال...بس ربنا معانا ومعاكي ومعاهم
i read your posts, and would like you to read my post and try to spread the news
http://oraclejo.blogspot.com/2007/05/oprah-why-ya-sit-oprahh-why.html
Ammar Sajdi
Amman - Jordan
Post a Comment