وفاة السيد بلال طلعت اورجانيك

قالوا سبب الوفاة طبيعي!! طبيعي!! طبيعي

ده

طبيعي
حيطلع لي عرص من بتوع الحكومة المستخبيين ويقول انا دكتور وهو اصلا ساقط اعدادي معهد قطن ويقول لي دي مش كدمات انت عشان مش دكتورة ما شفتيش جثث هي الجثث بيبقى شكلها كده
اه... ما بتوع الحزب الوطني منتشرين على فكرة وبعضهم خافي نفسه وعامل نفسه مستقل زي معارضة الحزب الوطني اللي في مجلس الشعب كده


المستشفى قالت:
قالت المستشفى لهم بأن شخصين مجهولين قاموا بإلقائه أمام المستشفى وانصرفوا سريعاً.


وجاء فى تقرير المستشفى – الكلام ما زال لخالد – أن "سيد بلال" كان يعانى من زيادة دقات قلبه التى وصلت إلى 170 دقة فى الدقيقة وضغطه 30 على 50 ويعانى من عدم وعى تام واصفرار تام فى الجسم، وأنه تلقى الإسعافات حتى لفظ أنفاسه الأخيرة.


وقد عاينت النايبة الجثة وأثبتت فى محضرها السحجات والكدمات فى الوجه واليدين ومنطقة الخصر والعانة،


وجوز اخته قال:
وجدت جثة سيد وبها جروح غائرة فى جبهة الرأس تبدو أنها مكان طوق كان ملفوفاً حولها وسحجات متعددة بالساعدين الأيمن والأيسر وبالقدمين حيث يبدو أنه كان معلقا منهما وأيضا سحجات وزرقان بمنطقة الخصر وخاصة منطقة العانة


طوق ملفوف حول راسه؟ ده بمناسبة عيد الميلاد لبسوه اكليل الشوك؟


ده بقى تقرير الجمهورية




وفاة مشتبه فيه بحادث الإسكندرية (مشتبه فيه؟ مشتبه فيه؟ مشتبه فيه انه ايه؟ فجر نفسه وكانوا بيقرروه؟ مين اللي اشتبه فيه انا عايزة افهم؟ النيابة؟ مافيش نيابة حققت معاه) بعد إخلاء سبيله (اخلاء سبيله منين؟ انتوا بتقولوا اي حاجة صح؟ بهايم بيكتبوا الاخبار، اخلاء السبيل ده يتطلب قرار حبس، والاتنين ما بيطلعوش غير من النيابة، هو ولا حتى صدر له امر اعتقال من امن الدولة عشان يتقال عليه اخلاء سبيله، ده راح بناء على طلب ظابط في امن الدولة قال له عايز ادردش معاك شوية)
د. السباعي لـ "الجمهورية": فريق الطب الشرعي يبدأ تنفيذ تكليفات النائب العام غداً


تلقت نيابة غرب الكلية باشراف المستشار ابراهيم الهلباوي المحامي العام الأول بلاغا تقدمت به أسرة أحد الشباب تتهم أجهزة الأمن بتعذيب ابنها حتي الوفاة.
كان السيد بلال حبيب "31 سنة" قد ألقي القبض عليه بواسطة أجهزة الأمن بالاسكندرية (ما حصلش، ما حصلش يا كدابين، ده راح امن الدولة برجليه عشان قالوا له عايزين منك كلمتين) بعد تفجيرات كنيسة القديسين بالاسكندرية حيث يوجد ملف له علي خلفية انتماءات سابقة (ايه الخرا اللي بيتقال ده؟ يعني ايه له ملف على خلفية انتماءاته السابقة؟ هو كل واحد صلى ركعتين الفجر في الجامع بقى له ملف وكل ما تحصل مصيبة تلموهم؟ مش فيه دين ام تحريات انتوا عاملينها؟ مش قلتوا جهات أجنبية وخمستاشر اجنبي دخلوا مصر؟ ايه علاقة بلال بالتحريات؟ عملتوا التحريات ولقيتوا واحد من اللي دخلوا متجوز اخته مثلا؟ يعني ايه على خلفية انتماءاته السابقة؟ ايه الطراش اللي انتوا بتقولوه ده؟). وقد أخلي سبيله بعد استجوابه لمدة يومين (اديني عقلك يا صاحب العقل، فيه حد بيتم استجوابه يومين؟ يومين استجوابات؟ ليه؟ بيسألوه في ايه؟ طلبوا منهم يحكي لهم قصة حياته من ساعة ما قال واء لحد ما دخل لهم؟ طب مش حياخد يومين، مش حياخد يومين يحكي حياته لأن حياته قصيرة يا قلبي، حسبي الله ونعم الوكيل) وبعد وصوله لمنزله أصيب بحالة اعياء (ده فجأة؟ دخل البيت من هنا جاله حالة اعياء لوحده كده؟ البيت مسكون مثلا؟ انتوا مش عارفين تتكلموا ليه؟) وتم نقله إلي أحد المستشفيات بمنطقة أبو الدردار ليلفظ أنفاسه الأخيرة متأثرا بهبوط حاد بالدورة الدموية وأثبت تقرير الصحة ان الوفاة لا شبهة جنائية حولها وتم التصريح بدفن الجثة. (حسبي الله ونعم الوكيل فيكم يا ولاد الكلب، حتروحوا من ربنا فين؟ حتروحوا من ربنا فين؟ انتوا ما عندكوش عيال تخافوا عليهم من عقاب الله؟ يا مجرمين يا قتالين القتلا يا سفاحين)
قام نشطاء الفيس بوك وعدد من الجمعيات باستغلال الواقعة لاعداد حملة تتهم ضباط أجهزة الأمن بتعذيب المتوفي أثناء استجوابه وقام عدد من المحامين بتقديم بلاغات بالواقعة للنيابة. (ههههههههه ضحكتوني وانا عمالة اعيط.. فيس بوك، عشان كنت لسه باقول للعيال على التويتر ان الداخلية عاملة لنا فولو ومعتبرانا مصدر معلومات على الفيس بوك والتويتر وما صدقونيش... الفيس بوك بقى بيصنع قرار النظام المصري، بيشوفونا نفسنا في ايه ويعملوا عكسه، طب انا حاسمع كلام واحد على التويتر اقترح اننا نعمل حملة "العادلي رئيسا" يمكن مبارك يقتله، وانا اقترحت اننا نعمل حملة على الفيس بوك "مبارك رئيسا" يمكن ينتحر ويريحنا)
من ناحية أخري يبدأ فريق الطب الشرعي الجديد الذي شكله د. السباعي أحمد السباعي كبير الأطباء الشرعيين بالاستعداد للسفر للاسكندرية غدا لتنفيذ تكليفات النائب العام.
في تصريح خاص للجمهورية أكد د. السباعي ان الفريق الجديد مجهز بعدد من الأطباء والفنيين والأجهزة المعملية لاجراء المعاينات اللازمة لكافة أركان المكان وبيان مركز ومصدر الانفجار وآثاره علي الكنيسة والعقارات المجاورة وكذا علي الأشخاص المتوفين والمصابين وكذا بيان الانفجار علي السيارات التي كانت متواجدة بمكان الحادث لتحديد تصور لكيفية حدوث الانفجار بعدا أو مستوي أو اتجاها بالنسبة للأماكن والأشخاص والسيارات الواقعة بمداه. وان عمل الفريق بالكامل سيكون بالتنسيق مع فريق الأدلة الجنائية الجديد الذي سيتم ارساله أيضا لمكان البلاغ (اه.. ده المفروض بعد التقرير ده نصدقكوا في اي حاجة تقولوها على تفجير الكنيسة؟ حيطلع مافيش شبهة جنائية في تفجير الكنيسة، واحد من المارة كان واكل كرنب من غير كمون وعنده غازات شديدة شوية، هي اللي طيرت راس الافعى على السطح، طب واحنا نصدقكم ازاي في الراجل اللي انتوا ناشرين صورته ده؟ ما يمكن مأليفينها هي كمان؟ ايش عرفنا ان ده عدد القتلى الحقيقي، وان دي الراس لقيتوها فعلا، وان دي الاصابات فعلا، وان القنبلة كانت محمولة فعلا؟ ماحدش مصدق ان العملية انتحارية، لا مسلمين ولا مسيحيين... وانا بقيت اميل اصدق ان انتوا اللي عملتوها).
كشف السباعي عن مفاجأة وهي ان جميع تحاليل DNA الخاصة بالأشلاء لم تصدر بعد وان النتيجة الخاصة بها سيتم استلامها من المعامل غدا وبناء عليها ستتم مقارنتها مع عينات من DNA لأفراد من أبناء أو آباء الأشخاص المبلغ بغيابهم  وكانوا مكان الحادث حيث سيتم بعدها تحديد إذا كانت الأشلاء تخص أقاربهم أم آخرين. (يا نهار اسود؟ هي لسه التحاليل ما طلعتش؟ انتوا كنتوا بتشتغلونا ده كله لما قلتوا ان الجثث كلها تم التعرف عليها من التحليل وان راس الافعى هو الوحيد اللي مش لاقيين له مطابقة على الدي ان ايه بتاعه؟ بقالكم اسبوع بتضحكوا علينا وتحاليل الدي ان ايه لسه ما طلعتش اساسا؟)
أشار إلي أنه في حالة إذا كشفت ان نتائج التحاليل ان الأشلاء ليست للمتغيبين من أقارب المبلغ عن غيابهم فليس معني ذلك ان الأشلاء تخص الجناة لأنه قد يتصادف عبور أحد أمام الكنيسة أو التواجد لزيارة شخص أو شخص مجهول كان بها وتوفي في الحادث مؤكدا ان تحديد ذلك سيرجع للتعاون مع الأدلة الجنائية وجهود أجهزة البحث.
أشار إلي أن القدمين الموجودة ضمن الأشلاء سيعاد فحصها من جديد بعد أخذ عينات منها لبيان ان كانت لسيدة أو لرجل مع مقارنة نتائج DNA مع الابن الذي تقدم ببلاغ بفقده لوالدته في الحادث وعدم عثوره علي جثتها حتي الآن.
أكد ان كشف الجناة وحقيقة الحادث ليست أمرا صعبا (لا وانتوا فيه اي حاجة صعبة عليكم؟ اي ابن كلب معدي خدوه عذبوه وموتوه موتة طبيعية من غير شبهة جنائية وقولوا هو اللي فجر نفسه، صعبة دي؟) بل أمر دقيق يحتاج لوقت وليس التعجل الذي من شأنه الاعلان عن نتائج غير صحيحة ولا تعتمد علي قاعدة علمية ومعملية وفنية. عقلية علمية معملية فذة
طالب وسائل الاعلام المختلفة بالتوقف عن الاجتهادات الشخصية والوصول لنتائج تبلبل المجتمع والرأي العام مشيرا إلي أن مثل تلك القضايا ليس فيها سبق اعلامي لأنها قضايا علي مستوي الوطن ولابد من الاحتراز والتدقيق في كل ما يكتب. (صح، صح يا حاج، لابد من الاحتراز والتدقيق والقبض على كل اللي له ملف امني سابق ولو ممسوك في كمبيالات وتعذيبه لحد ما يموت موتة ربنا بإعياء مفاجئ من غير اي سبب، مش عارفة ادعي عليك بايه؟ بس انت حتموت مبربرش والله، انت ما تعرفش ربنا حيعمل فيك ايه، مش ممكن تتخيل ربنا حيعمل فيك ايه وحيخلي نهايتك شكلها ايه، بكرة تشوف والله)
------------
طب احنا في انتظار التحريات اللي حتثبت ان السيد بلال قصد يروح القسم من غير ما ياكل عشان يجيله اعياء ويموت ويرمي بلاه على القسم، مع ان الظابط والله كان بيجري وراه بالطبق ويقول له يالا القطر داخل فييين؟