ايه بيانات الداخلية دي؟ مالكم متوترين ليه؟
احنا نازلين نعمل
family reunion
اجتماع عائلي كبير بين المصريين.... على رأي وائل خليل: مش بكرة عيد الشرطة؟ يعني الحق علينا اللي بنحتفل معاكم ونازلين نعمل لكم مهرجانات زي فورث اوف جولاي في امريكا؟
احنا الدنيا شغلتنا، والاعلام اكل دماغنا، وما بقيناش بنتكلم مع بعض زي زمان، نازلين نتكلم مع بعض، ونشجع مصر، ونحس بحنان القرابة.. ايه بقى؟ مالكم قلقانين ليه؟ لا في ايدنا سيف ولا تحت منا فرس
ايه الخوف ده كله؟ ده احنا حتى عندنا سوء تغذية، وفايراس سي، وانيميا، وواكلين اكل مسرطن، وشاربين مية ملوثة ومافيناش زقة، انتوا خايفين اننا نتكلم مع بعض؟ مش حننم عليكم ما تخافوش، ولا ننم، ايه يعني؟ بنرغي مع بعض، بناخد وندي في الكلام، ما انتوا عارفين المصريين عشريين ويحبوا اللمة والقعدة الحلوة
واحنا نازلين للمة والقعدة الحلوة والاغاني، نقول لبعض، نحكي لبعض نغني مع بعض... كده يعني
والله الامر في ايديكم، عايزين تقلبوا القعدة الحلوة نكد، اول ناس حتتنكد انتوا، حد يضرب ناس بتغني وتتكلم مع بعض الا اذا كان قليل العقل؟ قلوا عقلكوا بقى، زي ما تحبوا، لكل فعل رد فعل
كل الناس اللي نازلة، ناوية على خير ومحبة واغاني.. المصريين وحشوا بعض ومحتاجين يقعدوا شوية مع بعضيهم
مافيش داعي بقى تخلوا نيتكوا سودا... عشان ربنا بيدي كل واحد على قد نيته وعن نفسنا احنا نيتنا زي الفل
حد عنده نية تانية يا شباب؟
11 comments:
happy fucking police day :D
والله انا زى اى مصرى حوشت الفلوس وعاوز ابعت رب الاسرة الكبيرة دى يعمل عمرة فى السعودية
لو سمحتي ممكن تتواجدي معانا في روم تغير على البالتوك والله هنكون فرحنين اوي لما تكوني معانا
على طريقة ” فهمتكم .. فهمتكم “.. الرئيس اليمني: اطلب من الشعب العفو أن كنت قد أخطأت
تكم “قال الرئيس اليمني علي عبد الله صالح«أنا سأطلب من الشعب اليمني العفو إن كنت قد أخطأت أو قصرت في واجبي لأنه لا يجوز الكمال إلا الله فما عملناه هذا واجبنا». وأضاف أنه لن «يسمح للفوضى الخلاقة» بتدمير البلاد، و اتهم المعارضة بالسعي إليها، مشدداً على أن اليمن ليس تونس.
و قال صالح خلال اجتماع بقيادات القوات المسلحة، الاثنين، «يريدون (المعارضة) التربع على كرسي السلطة، لقد قلنا دعونا نتداول السلطة سلمياً وليس بالفوضى، واليمن ليست تونس، التي لا يدخل المواطن فيها المسجد إلا بالبطاقة الشخصية يعرف بنفسه إنه مسلم».
ودعا صالح المعارضة اليمنية في الداخل والخارج إلى الحوار الجاد، الذي يُخرج اليمن من أزماته وأعلن استعداده لمناظرة تلفزيونية مع قيادتها والاحتكام إلى الشعب بخصوص القضايا المثارة كالانتخابات البرلمانية والتعديلات الدستورية.
وبشأن ما يتردد عن رغبته في توريث الحكم لأسرته، قال صالح «قمة الوقاحة القول إن عندنا توريث ونحن نظام جمهوري ديمقراطي ضد التوريث لا في القرية ولا في القبيلة ولا في السلطة ولا في الوحدة ولا في الوزارة نحن ضد التوريث».
http://elbadil.net/%D8%B9%D9%84%D9%89-%D8%B7%D8%B1%D9%8A%D9%82%D8%A9-%D9%81%D9%87%D9%85%D8%AA%D9%83%D9%85-%D9%81%D9%87%D9%85%D8%AA%D9%83%D9%85-%D8%A7%D9%84%D8%B1%D8%A6%D9%8A%D8%B3-%D8%A7%D9%84%D9%8A%D9%85/
الله حي الثاني جي
صالح يجري ثاني تعديل وزاري في 10 أيام
http://www.albayan.ae/24-hours/2011-01-23-1.1001415
اليمن يا نوارة
لا طبعا مفيش اى نية تانية
احنا شوية عالم فاضية لسه مخلصين امتحانات وعايزين نروح عن نفسنا شوية
بس مش أكتر
http://www.youtube.com/watch?v=95IFj-klh3g
نوارة الانتصار يا رب يا رب يكون لك من اسمك نصيب و يا رب يا رب مصر تتنصف علي ايد ولادها انا خايفه جدا ان ساعة الجد الناس تخاف و ما تنزلش انا عماله اقول لابويا و هو على فكره من ابطال اكتوبر انزل يقوللي انا كبرت البركه في الشباب مش عارفه بس اللي مجنني اني بعيد قوي بس و الله قلبي معاكم وروحي في مصر وان ينصركم الله فلا غالب لكم و امانه عليكي يا بنت نجم و انت بتهتفي في المظاهرات تفتكريني و ربنا يسهل و يستر و يزيح الغم و الهم اللي كابس على نفسنا ده
يا مصر قومي وشدي الحيل
كل اللي تتمنيه عندي
لا القهر يطويني ولا الليل
آمان آمان آمان بيرم أفندي
رافعين جباه حرة شريفة
باسطين أيادي تأدي الفرض
ناقصين مؤذن وخليفة .. ونور ما بين السما والأرض
يا مصر عودي زي زمان
ندهة من الجامعة وحلوان
يا مصر عودي زي زمان .. تعصي العدو وتعاندي
آمان آمان بيرم أفندي
يا مصر
يا مصر قومي وشدي الحيل
كل اللي تتمنيه عندي
لا القهر يطويني ولا الليل
آمان آمان آمان بيرم أفندي
الدم يجري في ماء النيل والنيل بيفتح علي سجني
والسجن يطرح غلة وتيل
نجوع ونتعري ونبني
الدم يجري في ماء النيل والنيل بيفتح علي سجني
يا مصر لسه عددنا كتير لا تجزعي من بأس الغير
يا مصر
يا مصر لسه عددنا كتير لا تجزعي من بأس الغير
يا مصر ملو قلوبنا الخير وحلمنا ورد مندي
أمان بيرم أفندي
يامصر قومي وشدي الحيل
كل اللي تتمنيه عندي
لا القهر يطويني ولا الليل
آمان آمان بيرم أفندي
يسعد صباحك يا جنينة يسعد صباح اللي رواكي
يا خضرا من زرع إدينا
شربت من بحر هواكي
شربت من كاس محبوبي
وعشقت نيل أسمر نوبي
وغسلت فيه بدني وتوبي وكتبت إسمه علي جلدي
آمان آمان آمان بيرم أفندي يا مصر
http://www.youtube.com/watch?v=RYehq4UqHlk
مدد مدد لمحمد نوح
سمعت ألان أن رئيس الوزراء أعلن أنه سيطلق سراح وائل غنيم غدا في الرابعة مساء
لماذا غدا؟
لماذا أعتقل وائل غنيم؟
إنه تقزيم لعقولنا
انها تمثلية سيئة الإخراج
Post a Comment