Wednesday 28 February 2007

من أجل مساعدة أسرة محمد خلف





يدرس مركز هشام مبارك










تقديم مساعدات إنسانية لأسرة أمين الشرطة
















محمد خلف أمين الشرطة المحبوس بسبب رفضه لحراسة سفارة الكيان الصهيوني















للاستعلام والمشاركة وإبداء المقترحات رجاء








الاتصال بمركز هشام مبارك لحقوق الإنسان








1 شارع التوفيقية










القاهرة











هاتف/فاكس:












(202) 5758908













أو المراسلة على البريد الإلكتروني للمركز



















Tuesday 27 February 2007

صورة أمين الشرطة محمد خلف التي نشرتها الوفد




دي صورة أمين الشرطة كما نشرتها الوفد
















التي تحت صورة نشرها موقع فيل فان


















مش عارفة أنهي واحدة بتاعته؟
تحديث
كل اللي عرفته لحد دلوقت
إنه أساسا من اسكندرية
وبقاله مدة بيخدم هنا
وبعدين كلفوه بحراسة اسرائيل
فرفض وطلب نقله
وبعت شكاوى لرئاسة الجمهورية مسببة بيقول فيها ان اسرائيل لها ممارسات سيئة وهو مش عايز يحرسها وعايز يرجع بلدهم تاني
ههههههههههههههه
والنبي باينه غلبان فعلا
وقعد يقول انا طول عمري ملتزم وعمري ما عملت مخالفة واحدة وملفي زي الفل
واستنادا على ملفه اللي زي الفل عايزهم ما يجبرهوش يحرس السفارة الاسرائيلي
موضوع النقل ده اللي فهمته من المعلومات اللي جبتها من الوكالات هو طلبه لما رفض يحرس السفارة وهم اصروا يخلوه يحرس السفارة
هو بيقول انه كتب في الشكاوى انه مش عايز يحرس سفارة اسرائيل
ده عبيط ده؟ويبعت الكلام ده للرئاسة؟
المهم حرام ربنا يفك سجنه
واضرب عن الطعام لما حولوه للمحاكمة
ولما سمع الحكم قعد يقول: حسبي الله ونعم الوكيل حسبي الله ونعم الوكيل
بس
ده اللي عرفت اجمعه من كذا جرنال وكذا موقع اخباري ووكالة
بس هو باينه غلبان فعلا
مش دريان بالدنيا يعني خالص
ربنا ينجيه اما بالنسبة للصورةمافيش حد نشر صوره له غير الوفدوموقع في البلد بس
والكلام اللي بيقوله كراكيب معقول
لانه فعلا امين شرطةيبقى الصورة الاولانية اكيد مش صورته لانها صورة عسكري
الصورة التانية صورته وللا لا؟مش عارفة الوفد بتقول انها صورته
وبيقولوا انهم قابلوه واخدوا منه الكلام ده
ههههههههههههههه وودوه في داهيةربنا ينجيه بقى
احسن ده صعب عليا اكتر بعد ما قريت الكلام ده وشفت قد ايه هو غلبان وفاكر انه لما يبعت لرئاسة الجمهورية يقول لهم انا باكره اسرائيل وباقولها لو اتسأل
ح يسمعوا كلامه ويكافئوه على وطنيته
لو عرفت أخبار تاني ح اقول لكوا

Monday 26 February 2007

هام وعاجل هام وعاجل هام وعاجل





واجب على كل مواطن اتخاذ إجراءات بخصوص الشرطي الشريف محمد خلف اللي رفض حراسة السفارة الاسرائيلي











لازم نشوف اهله فين ومحتاجين ايه

















ونساندهم


















عنده اكيد زوجة وأولاد


















أنا ما اعرفش غير انه من اسكندرية













- عشان كده جدع -

















بس اكيد هو العائل الوحيد لاسرته






















واكيد هم محتاجين دعم

















لازم نشوف هم فين




















مافيش استئناف طبعا في المحاكم العسكرية













بس هو اكيد في السجن محتاج اكل وبطاطين ولبس















واكيد اهله فقرا ومش ح يقدروا يتكفلوا بالحاجات دي













لازم طول فترة الستة اشهر اللي هو في السجن نرعاه ونزوره ونشوف هو محتاج ايه













ولازم نجمع توقيعات لمساندته ونرسلها لكل الجهات المختصة بما في ذلك وزارة الداخلية













مساندتنا لمحمد خلف ابراهيم














ح تكون رسالة سياسية للعالم كله















وخاصة لامريكا والكيان الصهيوني









انهم لسة ما قدروش يهيمنوا علينا













واننا لسة شوكة في حلقهم












وان مصر لم تهمش او تستقطب زي ماهم فاكرين












كمان ح تبقى رسالة داخلية للحكومة














انها مش ح تقدر تجبر ولادنا على حاجة احنا مش عايزينها










وح تشجع كل المواطنين الغلابة اللي زي خلف انهم يعملوا زييه













عيالنا اللي واقفين يضربونا بالنبابيت في المظاهرات دول مش اسرائيل












دول ولادنا











لازم يحسوا انهم لما ينحازوا لينا ح نبقى في صفهم













وح نساندهم



















وندعمهم












مش يحسوا انهم بيحفروا في بحر












واننا ناس ما تستاهلش التضحية













خلف بيدفع تمن تضحيته عشان بيحبنا










مش لازم نخذله




















رجاء الرد بسرعة















من جمعيات العمل الخيري وجمعيات حقوق الإنسان