Friday 22 July 2011

فليقل خيرا او ليصمت

اللي مش قادر يعتصم مع اهالي الشهدا ينزل ساعة في اليوم يصور فيديو معاهم ويرفع على اليوتيوب، ياخد صور ولادهم وينشرها، يسمع مطالبهم ويرجع ينشرها، يتطوع ساعة في تأمين الميدان، مش قادر ينزل الساعة، ينشر مطالب الاعتصام واهالي الشهدا على صفحته وبين الناس، مش قادر ينشر، على الاقل يسكت ويرحمنا بدل ما ينشغل انه يشتم في الاعتصام عشان يبرر لنفسه هو ليه ما نزلش
اهم احتياجات الاعتصام:
نشر مطالب اهالي الشهداء، وصور الشهداء، وتصوير فيديو ونشره مع اهالي الشهداء لان فيه بعض العناصر بتحاول تخطف الاعتصام منهم
التطوع لتأمين البوابات ولو ساعة في اليوم
عايز تعمل كده مش حتتعب... مش عايز................ نقطنا بسكاتك، هو حد رفعك بالمسدس وقالك ليه ما نزلتش؟ ولا شكلك وحش قدام نفسك وبتقول العنب حصرم؟

19 comments:

عبد الرحمن سالم said...

صح يا نوّارة... صح ومليون صح، ده أضعف الإيمان !

3een-wants-to-see.blogspot.com

rasha2210 said...

معاكم قلبا و قالبا و ربن ينصركم يا رب

رحب said...

http://www.youtube.com/watch?v=etBR4DuoQNE

hardway said...

التطوع ولو ساعة في اليوم
........................
أيه يانـرنـر..أنت بتشحتي رجاله..منزلة
أعلان في المدونة طالبه ثورجية..ماهو الطلب دلوقتي كتير علي الثورجية..هاردلك
يا نـرنـر...الموضوع عرض و طلب هكذا السوق...الميادين كثرت والثورجية حسب السعر..في روكسي..جامع الفتح..ماسبيرو..مصفي محمود.امام المنصة
الثورجي عايز التصييف أسكندرية القائد ابراهيم..نوم أكل نزول البحر
يعيني عليكي يانـرنـر نايمة في التحرير
في عز الحر وكمان الفين تلات الاف مش بانين في الميدان أنا قلت لكي هاتي الدش معاكي والحموم في الميدان ..يمكن ..يمكن
العدد يزيد....ولا اقول لكي يا نـرنـر
تاخدي ميدان تاني صغير علي حجمكم يمكن تظهروا فيه بشكل اكبر..ايه رأيك.....
ميدان السكاكيني او عبدو باشا او سيمون بوليفار ده جنب التحرير
اوعي تنسي الدش علشان تستحمي انت وصحباتيك

hardway said...

التطوع ولو ساعة في اليوم
........................
أيه يانـرنـر..أنت بتشحتي رجاله..منزلة
أعلان في المدونة طالبه ثورجية..ماهو الطلب دلوقتي كتير علي الثورجية..هاردلك
يا نـرنـر...الموضوع عرض و طلب هكذا السوق...الميادين كثرت والثورجية حسب السعر..في روكسي..جامع الفتح..ماسبيرو..مصفي محمود.امام المنصة
الثورجي عايز التصييف أسكندرية القائد ابراهيم..نوم أكل نزول البحر
يعيني عليكي يانـرنـر نايمة في التحرير
في عز الحر وكمان الفين تلات الاف مش بانين في الميدان أنا قلت لكي هاتي الدش معاكي والحموم في الميدان ..يمكن ..يمكن
العدد يزيد....ولا اقول لكي يا نـرنـر
تاخدي ميدان تاني صغير علي حجمكم يمكن تظهروا فيه بشكل اكبر..ايه رأيك.....
ميدان السكاكيني او عبدو باشا او سيمون بوليفار ده جنب التحرير
اوعي تنسي الدش علشان تستحمي انت وصحباتيك

Ahmed . M . Abdulrahman said...

قلتى الخلاصه يا نواره والله

المشكله انهم بيعده يتفلسفه على قفى المعتصم و يقولك هو جاب الخيمه منين هو بياكل منين هو بيشرب منين

دلوقتى بس شغل مخه

طب مسألش نفسه ليه قبل كده ايام حسنى

الغلبان المعتصم دا كان بياكل منين و كان بيشرب منين

لو سأل نفسه حيعرف انه بياكل و يشرب فى الميدان زى مكان بياكل و يشرب ايام حسنى

الفرق بس انه واقف المره دى و نايم " فى الشارع " علشان قضيه

علشان مصر

و لا معاه اجنده ولا كراسه و لا كشكول

ولو اتكلمنا فى الاجندات

فالى على راسه بطحه يحسس عليها

يا ريت نعرف الفنانين اه الفنانين الى بيمولوا اعتصام روكسى اسمهم ايه

ياريت نعرف استخدامات المعونات السعوديه للتيارات الدينيه فى مصر بتروح فين

الكلام كتير

بس الواحد بيحط سكينته فى بطنه وبيسكت

وربنا ع الظالم و المفترى الى قاعد يقول علينا اجندات

وفى ناس غيره نايمه علشانه و كل يوم بتموت تلات اربع مرات وهو ولا فرقه معاه

ياريت نعرف مين فينا اجندة

وكالعاده

سلام مؤقتاً يا نواره
_________________________
الى عاوزنى يجينى
http://misr25jan2011.blogspot.com
____________________________________
لتعرف حقيقه ما يريده الاخوان و السلفين

و انصاف الاسلامين لمصر اقرأ هذا المقال

http://misr25jan2011.blogspot.com/2011/07/29.html

على مدونه مصر ..........الروح والنصر

ادعمها تدعم مصر و الثوره
_____________________________
twitter:@htler1993

Egypt trend said...

قابلي بقي يا ستي
ادي النهاردة الجماعة اللاسلامية بتقول انها في اتجاهها لفض اعتصام التحرير وكمان ايه مش عاجبه وبيقول اننا اللي هنخرب مصر

محمد حامد said...

الله عليكى يا استاذه نواره انتى جبتى من الاخر

BestItalianPizza said...

أنا يا نوارة فى كندا .. تقريبا ليل نهار معاكم و بعمل مسح شامل على الإخبار و بنشرها و بحللها و بساند الثورا بكل ما نستطيع و عملنا ائتلاف لمساندة الثورة المصرية و عملنا الأحد المضاى مظاهرة كبيرة و لفينا بها فى شوارع نص البلد و طبعنا مكالب الثورة على ورق بالإنجليزى و كنا بنوزعها على الكنديين اللى بيقفوا يصفقوا لينا و يزمرولنا بالعربيات .. احنا مش ساكتين يا بنتى و الله .. و كان نفسنا نكون معاكم نتشوى تحت الشمس معاكم و نستشهد معاكم ز احنا معاكم قلبا و قالبا من جوة و من بره و كله و الله

hardway said...

بطلي شغل الشحاته ده...عيب..عيب..بتشحتي
علي أهل الشهداء..عيب تنزلي بمنزلة هؤلاء الشهداء و أهلهم بالطريقة غير الكريمة التي تتبعيهالحفظ حق هؤلاء الاهل وهم من أعظم و أكرم و أعف الناس..عيب في مدونتك
وكمان قلة الادب وصلت للاعلام المرئي في قناة التحرير..بالامس بتقابلي الناس وتشحتي التعاطف مع الاعتصام بتاع سيادتك عن طريق الشهيد وتسألي لو مات ابنك او اخوك...عيب..عيب ..............
روحي استحمي أحسن في بيتكم ولا معاكي الدش بتاعك في الخيمة

dahabhospital said...

يانوارة الالنتصار .....لا تتوقفي عن الكتابة اليومية والله ما عندناش وقت نشوف غيرك .......ربنا معاكي واحنا معاكي للنصر....احنا بنشوف فيكي مصر

dahabhospital said...

يا استاذة الثورة سرقها الجيش وهيديها للي يدفع ...مش انتي السبب ...انتي ما كانش عندك خبرة كفاية ...لو قدرتي اتكلمي وجمعي مرشحين الرئاسة الخمسة العقلاء ويبقي هم مجلس رئاسة الجمهورية والوزراء وباقي النشطاء يبقي هم الوزراء ....والوي دراع الجيش قبل ما يلوي عنق مصر ...مافيش واحد لوحده ينفع يبقي رئيس جمهورية .... ولا واحد لوحده ينفع يبقي رئيس وزارة

Omar said...

بصى بقى يا نواره... انت الناس بتقرأ كتاباتك و تسمع كلامك و ربنا حيحاسبك على الامانه دى!
انت قعدتى تطبطبى على الجيش و تلتمسيله الاعذار لحد ما ركب و دلدل و زيك صحفيين كتيير. ماااشى ، ما علينا ، ملحووووقه.
لكن ماتسيبوش الاخوان كمان يركبوا على كتف الشعب و الثورة ( أنا عارف ان شبابهم زى الفل لكن مكتب الارشاد زباليين) هم دلوقت ى مش بيهاجموا المعتصميين دوا بيشتموهم علنى ... سب و قذف و حقاره!!
شوفى اللنك دى و قولى حاجه، قولوا حاجه كلكم الله يرضى عليكم !!!!
http://www.ikhwanonline.com/new/Article.aspx?SecID=441&ArtID=88073

http://www.masrawy.com/News/Egypt/Politics/2011/july/22/tahrir_ikhwan.aspx

dahabhospital said...

انت مصدر معرفتنا الوحيد المضمون ...لازم تكتبي كل جديد ....فور حدوثه ...ما عندناش ثقة في حد غيرك ...بس لو ما تثقيش في المجلس قوي هتبقي ممتازة جدا ...دمتي لمصر

ياسر كامل said...

عندك حق والله
مش عارف ايه جبلة البنى ادم اللى بيتكلم على الشهداء وكأنهم ولا ليهم لازمة عنده
والراجل اللى سألتيه فى البرنامج اذا كان يعرف ان الظباط اللى قتلوا الشهداء رجعوا شغلهم
يقوم يقولك اصل الحياه لازم تمشى
يا حمار يا ابن الحمار
يا كلب يا ابن الكلب
حياة ايه اللى لازم تمشى يا جزمة
انت مفكر الشهيد ده كلب زيك
ده ربنا اصطفاه
وسابك انت عشان متستاهلش
وكمان سابنى انا

sabrafamily76 said...

وصلتنا أخبار الآن من ثوار ميدان المنشية ببورسعيد
عن هجوم بلطجى يحمل بلطة ، قام باستخدامها فى تقطيع و تمزيق صور الشهداء المعلقة فى ميدان المنشية ، و عند تعرض ثوار المنشية لمنعه .. قام أحد الشيوخ العاملين بفندق لايف سيتى ببورسعيد بمساعدة هذا البلطجى على الهروب داخل الفندق ، و الذى اتضح ان مالك هذا الفندق هو ظابط شرطة
و توجد الآن أمام الفندق عربية بوكس لمحاولة تهريب هذا البلطجى.

sabrafamily76 said...

وصلتنا أخبار الآن من ثوار ميدان المنشية ببورسعيد
عن هجوم بلطجى يحمل بلطة ، قام باستخدامها فى تقطيع و تمزيق صور الشهداء المعلقة فى ميدان المنشية ، و عند تعرض ثوار المنشية لمنعه .. قام أحد الشيوخ العاملين بفندق لايف سيتى ببورسعيد بمساعدة هذا البلطجى على الهروب داخل الفندق ، و الذى اتضح ان مالك هذا الفندق هو ظابط شرطة
و توجد الآن أمام الفندق عربية بوكس لمحاولة تهريب هذا البلطجى

Ahmed said...

يا ن وارة يا أجمل بنت في مصر
أخترم خياراتك وانت بتقضي وقتك كله في الإعتصامات .. ولكن ياريت تقسمي وقتك فكتاباتك مهمة لدعم هذه الإعتصامات .. دورك هو الكتابه .. موهبتك في هذا المجال .. ما تحرميناش كتاباتك .. و ربنا معاكم جميعا ..

ahmedfito said...

يا نوارة ربنا وحده هو القادر وهواللى يعينا على بلوانا كان عندى شوية أسئلة هاتجننى ونفسى حد يجاوبنى من البهاوات
http://egyptianyy.blogspot.com/
وياريت تنورينى برأيك