Saturday, 2 July 2011

يا غربة الغلبان فيكي يا مصر

فيه طفل من اطفال الشوارع كان في المعركة ضد الداخلية يوم 28 واخد قنبلة في وشه واستشهد.. شهود العيان بيقولوا كان في الصفوف الامامية وكان بيقاتل ببسالة 
ماحدش عارف اسمه، ماحدش عارف له اهل... وطبعا ما حدش عرف يكرمه التكريم اللي يستحقه.. قال وانا قليلة الادب قليلة الرباية عديمة الاحساس الحلوفة قاعدة باكتئب قال.. ده انا رمة
الولد ده حقه يرجع قبل اللي لهم اهل... حاسبوا من زعل ربنا على الغلابة
ومن قتل مظلوما فقد جعلنا لوليه سلطانا فلا يسرف في القتل إنه كان منصورا
والغلبان ده وليه ربنا... تخيل لما السلطان يبقى لصاحب السلطان، وتخيل لما النصر يبقى لواهب النصر ويقتص للعيل ده
وبيقولوا فيه واحد كمان مات، عيل برضه
اوعوا من زعل ربنا على الغلبان.. اوعوا من زعل ربنا على الغلبان




36 comments:

AhMeD RaDy said...

انا لله وان اليه راجعون

كريم الشمائل said...

إنا لله وإنا إليه راجعون .. والله لنا تار مع الداخلية حتى يقضي الله بيننا .. أو يموت الأعجل منا

كريم الشمائل said...

إنا لله وإنا إليه راجعون .. والله بينا وبين الداخلية تار مش هاينتهي حتى يقضي الله بيننا .. أو يموت الأعجل منا

web gfx said...

لا حول ولا قوة الا بالله

صالح إسماعيل said...

رحمة الله على كل اثوار الاحرار...وادخلهم الفردوس الأعلى....وشفى المصابين الفدائيين...وصبر أهلهم جميعا.وانتقم من الفاسدين ومن يتستر عليهم.دم الشهداء ما يمشيش هباء (شعار ليبى) دمهم فى رقبة كل من يتمتع بالحرية...من خرج من الذل والقهر

أبو هاجر said...

ست الكل مساء الخير


من شابه أباه فما ظلم

مناضلة بنت مناضلة بنت مناضل
لك أجمل التحيات وسلامتك من كل أذى يا نوارة الأمة

Elhwwary said...

إنا لله و إنا إليه راجعون

محمد عبد القادر أحمد جلمد said...

تعليمات الإطلاق بتقول القنبلة يتم إطلاقها لأعلي همة بيطلقوها افقية علشان تقتل

Mohamed said...

ربنا يحفظك ويبارك فيكي .. خليكي في صف الغلابة دايما يا نوارة .. علشان احنا ملناش غيرهم والله .. والرسول قال : وهل تنصرون إلا بضعفائكم فتغلبون بأكفهم كيدعدوكم

يارب بحرقة قلبنا على الثورة دي ما تضعش ابدا .. وترجع حقوق الناس ولو بدمنا .. يارب ما تردناش عن بابك في يومك الكريم ده إلا بنصر على كل الأشكال الضالة اللي بتتكاتر علينا دلوقت

حسام الدين حسن said...

العداله البطيئة .. ظلم محقق
ثورات تانية.. كانت المقاصل اتنصبت فى الميدان

ياسر كامل said...

رب لا تذر على الأرض من الكافرين ديارا
رب لا تذر على الأرض من الكافرين ديارا
رب لا تذر على الأرض من الكافرين ديارا
رب لا تذر على الأرض من الكافرين ديارا

nosseir said...

انا مش مستغرب من تعامل الداخلية ...اللى مستغرب منة بجد هو دكتور عصام شرف...بعد ما جه من غينيا عمل لقاء مع وزير الداخلية العيسوى وشوفوا الدستور كاتبة اية عن اللقاء
(( اتفقا فيه على التصدي لمحاولة بعض العناصر استغلال بعض الملفات والقضايا لإثارة الشارع ))
نفس الكلام اللى كانوا بيقولوا النظام السابق...اثارة الشارع ...حبة حبة يقولوا وقلب نظام الحكم....اية يا دكتور شرف...بدل ما تتصدى للناس...شوف الناس طلباتها اية ...مش يمكن كلامهم صح وانت اللى غلط؟...ولا انت عشان رئيس الوزراء الان يبقى انت صح والناس هى الغلط ويجب التصدى لهم عشان دول بيثيروا الشارع....مسخرة والله

norshan said...

يا غربة الغلبان فيكي يا مصر
والغلابه كتير ما تتعد
ربنا يرحمه

maomran67 said...

ربنا معاكى

maomran67 said...

انا لله وانا اليه راجعون

elzahraamegahed said...

الطف بينا يااارب وارحمه يارب
ربنا لاتؤاخذنا بما فعل السفهاء منا
ممكن بأه حشد كويس وبيان موحد للجمعه الجايه
على فكره تونس عينوا حقوقى بدرجة وزير فى داخليتهم
عقبالنا يااارب

Ahmed . M . Abdulrahman said...

لا اله الا الله

لا اجد ما اقوله يا نواره

لو ان مثلاً فى احدى الدول الاوروبيه قُتلت قطه فى الشارع ع يد ضابط شرطه

كانت النتيجه ستكون ان الضابط سيعاقب

وستدفن القطه فى مكان فخيم ملائم لها

وتثوره جمعيات "الرفق بالحيوان"

وترفع قضيه فى المحكمه ليأخذوا تعويض

هذا من اجل قطه مجرد قطه

وانتى تعلمى هذا جيداً

و على النقيض عندنا وهذا الطبيعى

لا اهميه لارواح البشر

هذا الفتى تم قتله و من الموكد عن عمد

لان ما يظهر فى وجهه من جرح غائر دليل على ان القنبه اطلقت من مسافه قريبه

جميل ليس جميل بالقصد الحسن وانما جميل لان الان من المفترض ان هناك قاتل ينتظر العقاب ايِِّن كان نوعه مدنى او عسكرى

هناك دماء

والعين بالعين و السن بالسن و الجروح قصاص

اذا هناك قضيه لا حكم فيها الا الاعدام

لانها جريمه قتل بشعه ضد مدنى اعزل يمارس احد حقوقه المشروعه

ولاكن لاننا لم نكمل ثورتنا فلم نحاسب الضباط و نحاكمهم ولم نقطص من حبيب العادلى و لا من اركان النظام السابق و لم ننظف الدوله من رموز الفساد

ويا حسرتاه

ابشرك ان اذا استمر الحال على ماهو عليه من استهبال و اتباع سياسه الضحك ع الذقون

بعد عام واحد

سنعود على هيئتنا الاولى

و كانك يابو زيد ماغزيت

انا عارف ان كلامى محبط و مثير للاكتأب

لاكن هى دى الحقيقه

العلاج هو ان لا صوت فوق صوت الشعب

ان سئلتنى ساقول لكى ان العلاج محكمه ثوريه فى ميدان عام و كذلك تطبيق الحكم

ولتذهب اموالنا التى فى الخارج مع الريح

انا لا اريدها اعتبرينى انى قد اشتريت كرامتى بها

اشتريت شرفى و دمى المسفوك

والاموال تغدوا و تروح

فهى ليست نهايه العالم

مع انى متأكد انها ستعود ان قاموا بمحاكم ثوريه

ولاكننى اخبرك بهذا لانهم كلما تاتى سيره المحاكم الثوريه يهددونا بعدم عوده الاموال من الخارج

سحقاً للخيانه و ركوب الموجه السنا من قمنا بالثوره و من حقنا ان نطلب ما نشاء لانناالشعب

وهم لا ينفذوا ما نطلبه

و نحن نحتاج الى ثوره ثانيه حقيقيه

ماخذ بالقوه لا يسترد بغير القوه

و مبارك قهرنا بالقوه سرقنا بالقوه

وان لم يستجبوا لطلبات محاكمته

سنحاكمه بالقوه

لان هذا هو الحق

والحق احق ان يتبع

وعاماً لا تكتأبى الان

فصبر جميل

الاكتأب الان رفاهيه

ادخريها لحين الاستقرار

ادعوا الله ان يوفقكى

سلام مؤقتاً يا نواره

Rowaa said...

ربنا طبعا حياخد للغلبان حقه لكن الناس فى الدنيا ممتحنين حايعملوا ايه لاخذ حق الغلابا فى الدنيا والا الكل حيتحاسب. يعنى احنا حنتحاسب على ضياع حق الغلبان,

كمان يا نواره فى خبرمخيف فى الرابط ده

http://100fm6.com/vb/showthread.php?t=323209
واذا كان هذا الخبر حقيقى فدى مصيبة كبيرة ولازم كل الثوار يتوحدوا من جديد وعيب على الاخوان الجرى وراء سراب لن ينالوا منه شئ، واضح ان الجيش ضحك عليهم وانهم مستعملين لاضعاف قوة الثورة والتشويش على الناس المخلصين والمناهضين للفساد وللقوى التى تستغفل الشعب, وللاسف هم بيعملوا كده طمعا فى الوصولالى الحكم ، والخوف ان ما يحدث الان من انقسام يستغله كل من هو مع فلول النظام البائد للقضاء على الثوار بادعاء ان هذه المظاهرات شغل بلطجية فيقتلوا ويعتقلوا اكبر عدد من ثوار مصرالشرفاء وبهذا يخلوا الطريق لعمر سليمان واعوانه اعوان امريكا وبكدة بان المخطط الامريكى الاسرائيلى وراء ما يحدث، اما الاخوان اذا استمروا فى هذا الدور ففيه احتمال كبير ان ينقض اتباع النظام القديم عليهم لا يمكن حيعطوهم شئ من التورتة. ولهذا لازم الناس دى يتتوعى ولازم شباب الاخوان يفهموا الخطر الذى يترتب على اخطاء وعقلية قياداتهم. ولازم الكل يتحد ولازم الانتخابات تتأجل لحين ما قوى الثورة تتحد وتنتظم فى حزب واحد هذفه مصلحة مصروخاصة الغلابة

Rowaa said...

ربنا طبعا حياخد للغلبان حقه لكن الناس فى الدنيا ممتحنين حايعملوا ايه لاخذ حق الغلابا فى الدنيا والا الكل حيتحاسب. يعنى احنا حنتحاسب على ضياع حق الغلبان,

كمان يا نواره فى خبرمخيف فى الرابط ده

http://100fm6.com/vb/showthread.php?t=323209
واذا كان هذا الخبر حقيقى فدى مصيبة كبيرة ولازم كل الثوار يتوحدوا من جديد وعيب على الاخوان الجرى وراء سراب لن ينالوا منه شئ، واضح ان الجيش ضحك عليهم وانهم مستعملين لاضعاف قوة الثورة والتشويش على الناس المخلصين والمناهضين للفساد وللقوى التى تستغفل الشعب, وللاسف هم بيعملوا كده طمعا فى الوصولالى الحكم ، والخوف ان ما يحدث الان من انقسام يستغله كل من هو مع فلول النظام البائد للقضاء على الثوار بادعاء ان هذه المظاهرات شغل بلطجية فيقتلوا ويعتقلوا اكبر عدد من ثوار مصرالشرفاء وبهذا يخلوا الطريق لعمر سليمان واعوانه اعوان امريكا وبكدة بان المخطط الامريكى الاسرائيلى وراء ما يحدث، اما الاخوان اذا استمروا فى هذا الدور ففيه احتمال كبير ان ينقض اتباع النظام القديم عليهم لا يمكن حيعطوهم شئ من التورتة. ولهذا لازم الناس دى يتتوعى ولازم شباب الاخوان يفهموا الخطر الذى يترتب على اخطاء وعقلية قياداتهم. ولازم الكل يتحد ولازم الانتخابات تتأجل لحين ما قوى الثورة تتحد وتنتظم فى حزب واحد هذفه مصلحة مصروخاصة الغلابة

salma dodin said...

allah akbar bas!!

karim hassan said...

علي فكره الولد ده اسموا إسلام ناصر وبعدينانا لله وان اليه راجعون

elzahraamegahed said...

طب وبعدين فى وجع القلب ده بس
مالناش غيرك يارب
يارب

Usama AbdelAziz said...

لن ننسى مصر ويجب أن تحل الشرطه
نحن نريد ان نعود الى أيام اللجان الشعبيه
وجود الشرطه معوق للنمو في مصر
ومعوق كبير من معوقات الثوره ولن تتحقق المطالب بدون حل جهاز الشرطه بالكامل
الشرطه المصريه من وزيرها حتى أصغر ضابط كلهم تخرجو من كليه الشرطه في عهد المخلوع
يعني متربيين ربايه طوارئ
مستني منهم ايه
الشرطه بتعتدي دلوقتي على ولاد الناس واللي شاركوا في التحرير علشان يذلوهم
أنا شايف ان احنا لازم نرجع الميدان في اقرب فرصه

ساعي الخير said...

كنت عايز أقول حاجة مهمة

ليه كل قصيل في مصر ما يكتبش

الحاجات اللي خايف منها بسبب اي فصيل

تاني زي الأخوان مثلا أو الأشتراكيين

و يوصلوا لحل وسط

يبقي فيه تعهدات تخلص المخاوف دي

و اللي ما يرضاش يتعهد بتطمين الاخرين

يبقي يا حلو بانت لبتك

و كل واحد يعرف راسه من رجليه

قولتي ايه

ساعي الخير said...

بالمناسبة حق الواد ده مش هيرجع

و لا حق كل اللي اتقتلوا في يناير

لحد ما يتصلح نظام القضاء و الشرطة

و تتشال غابة القوانين الفاسدة

غير كده كله هياحد براءة

حتي لو نوارة كانت القاضي

Passant said...

فعلا يا غربته رحمة الله عليه و على شهدائنا اجمعين و 8 يوليو للادب

hardway said...

نـرنـر........هو الفحص الأمني قلب معاكي
نكد..ودراما...أنت محددة الأقامة..ومحددة
الكلام...........مـاشي

arabian_faithful said...

حرام عليكى يا نوارة أبوس رجلك
أحنا بنحاول نلملم نفسنا وندع ثقتنا فى القضاء المصرى ولا حتى نضحك على نفسنا لأن الواحد مش متنيل عارف أيه البديل
وأنا مش عاوز حد يطلعلنا تانى بقميص معاوية ويتسبب أن البلد تولع حتى ولو كان هوا بيدافع عن الحق

طيب لو متنيلناش صبرنا وأحتسبناهم عند المولى عزوجل وحطينا أملنا فى القضاء حنعمل أيه طيب هل من بديل ؟!

علان العلانى said...

على ماذا يعول هؤلاء الحمقى؟
يبدو أن الثورة المضادة فى حالة إفلاس وهذه الأجهزة الأمنية التى فشلت أن تحمى عرش الفرعون أبت ريالات السعودية التى تتشدق بكرامة الفرعون و تعتقد أن السبيل لذلك استباحة كرامة المصرين وها هى الريالات تطل من ثنايا فعل عملائها فما يحدث يبدو كلعنه تحلق فوق رؤوسهم فهؤلاء الفشلة السفلة الذين باعوا دينهم سابقا بدنيا فرعونهم أبت نفوسهم الخسيسة التى استمرأت الظلم الا أن يسوقوا أنفسهم لمصيرهم المحتوم فأذا استمروا في غيهم هذا ستكون نهايتهم نهاية الكلب السعران في حارة مصرية عتيقة، وإن لم ينتبه الأذكياء منهم إن وجدوا فسوف يغلقوا طريق العفو عنهم تماما والمتأمل فيما يحدث لن يجد سبيل لتفسير ذلك الا الحماقة التى أعيت من يداويها أو هى بحق دعوات المظلمين والمقهورين وكأنى بدعوات الأمهات الثكالى والأيتام والذين استبيحت كرامتهم وأعراضهم ولم يجدوا من ينصفهم الا القاهر الجبار الذى يمهل ولا يهمل أقول تلك الدعوات التى تراكمت منذعقود معلقة بين السموات والأرض أنهالت فأغلقت عليهم طريق النجاة وإن لم ينته هؤلاء عن غيهم فستستجيب قاهرة الله فى أرضه لتكون إسم على مسمى وغدا لناظره قريب. إن نظرية هيبة الدولة يجب ألا تختلط بمفهوم تأليه الدولة فالدولة ليست إله يعبد فما هى الا عقد اجتماع بين الناس يضمن أمنهم وكرامتهم وهؤلاء ليسوا بمؤتمنين بفعلهم هذا على أمن أو كرامة بل هم أعداء يجب التخلص منهم وعقابهم هو فى حد ذاته بداية طريق الأمن والكرامة ليكونوا عبرة لكل من تسول له نفسه استعباد المصريين فى الداخل والخارج فشعب يستباح داخليا من أراذله هو شعب مهزوم وليس شعب ثائر أذهل العالم بثورته

mohosamaa said...

الأخ اللى بيسأل عن البديل الانتخابات اللى جاية هى اللى هتعوضنا خير بإذن الله أما الولولة مش هترجع اللى راح وهتخلينا نتفرغ لانتقام من أشباح ومش هنتقدم خطوة واحدة لقدام انزل يا أخى للشارع واشرح للناس وشارك وقدم نفسك واتبنى وجهة نظر لإن العدمية والفوضى خسارة على طول الخط والعايط فى الفايت نقصان فى العقل وعلى العموم أرجو منك تقرأ مقال محمد عباس على العرب نيوز وهتعرف حاجات كتير مش واخد بالك منها ويا ريت تكتب تعليق بعد كده تقول رأيك واللى افهمته ..زوسلام الله غلينا أجمعين

Mohamed Economist said...

سلامتك من الإكتئاب يا نوارتنا يا نوارة مصر كلها .. لو يعني نفسك تكتئبي
بجد تعالي احضري عندي واسمعي الكلام الحلو اللي بدرِّسه عن قاموس
الدعارة وأفيون الشعوب الأصلي المسمى بعلم الإقتصاد وعن الامبراطوريات
اللي بتتبني شكك (عالدفتر يعني).
سلمي لي على أبوكي .. قوليله محمد الحضيري من الأمناء وصاحب الشهيد
محمدعفيفي مطر .

المخلص
محمد علي الحضيري
استاذ الاقتصاد
جامعة كانساس

احلام جوليا said...

نوارة سامحيني لما اقول لك ان الثورة فشلت فشلت لانها لم تحكم فشلت لانها لم يكن لها كبير تتوحد تحت رايته يتكلم باسمها ويقودها فشلت لانها كانت سلمية اكتر من اللازم نواره تحتاجون لثورة جديدة ولكن هذه المرة اختاروا قائد يحكم باسم الثورة ولو لفترة سنة واحدة فقط يحكم باسمكم ويحاكم مبارك وعائلته محاكمات سريعة وحاسمه ولو انه مش حيلاقي لا ادلة ولا اموال لان بفضل محاكمات السلاحف وتنبيهات النائب العام قبل الحجز هربت كل الاموال ومن اطلقوا على انفسهم رعاه الثورة هم للاسف رعاه النظام وحاموه ومن انقذوه من ايدي العدل قضاءنا ليس عادل وليس شريفا كليا لانه ببساطة رؤسه العليا موضوعه ومعينه من قبل نظام مبارك وحكومتنا ليست حكومة ثورة دي حكومة السلاحف ومش بس سلاحف دي سلاحف نايمة في بيات طويل وحكامنا اصحاب مسك العصا من النص معانا ومعاه مش عاوزة تزعل الثوار ولا تقرب نحو النظام السابق ماسكه العصايا من النص والحلول الوسط تقتل الثورات قوموا بثورة لها قائد يحكم وراي الخاص ابعدي عن اختيار المرتاحين امثال هشام بسطويسي فهو كمثل عصام شرف كلاهما رجلان شريفان ولكن ليسوا ثوريان عندما تقترب منهم النيران سيبتعدوا للزاوية كما فعلوا سابقا في وجود النظام ابحثوا عن رجل عنيد مقاوم ولديك اثنان اما ايمن نور او البردعي وانا عن نفسي اؤيد ايمن نور لانه ببساطة رجل ثوري محارب له خصومة مع مبارك وعائلته ونظامه اضاعوا حياته بالسجن واضاعوا صحته بالاهمال فبينوا وبينهم ثأر بايت واظنه لو مسك بزمام الامور سيذهب بهم للمشنقة وهو مبتسم ولو كان هذا اخر ما يفعله في حياته وهذا ما نحتاجه رجل يثأر للغلابة ليس حاكم لمصر حاليا ولكن رجل يعدل كافة الميزان المعوج والذي جعل الناس لا تعلم ماهي الثورة وتقول ماذا فعلت لنا الثورة قوموا بثورة منظمة هذه المرة ثورة بحق تستحق ان توقف كل كلب عند حده ثورة تنتقم للشهداء من قاتليهم وتنتقم للشعب من الخونة الذين خانوه

كيوبيد said...

ان لله وان اليه راجعون. القصاص محدش هايرتح بغير القصاص العدل المجلس العسكرى وعصام شرف لازم يشوفو موضوع المحكمة الى مشى ابطى من سلحافة فية القضاء المستعجل فية قضاء عسكرى ده اولا ثانيا العلنية فى المحكمة انا عايز اشوف الوجه العكر الوسخ ده فى القفص وجه حبيب وحسنى وعلاء وجمال ايه هما احسن من الاستاذ ابرهيم عيسى او ايمن نور لازم لازم واية كمان الى يمنع ان المحكمة تكون بث مباشر على التلفزيون الناس لازم تشوف علشان كلو ياخد مواعظه ويعرف ان الشعب سياده هو عبد عند الشعب مش العكس علشان كده انا بشد على يد اعتصام 8 يوليو اوع ترجعو قبل ما حق الشهيد يرجع وتحقق كل المطالب

ساعي الخير said...

أنا لا أثق في قضاء فاسد

يحكم بقوانين فاسدة

و شهد عليه ناس من أهله

بأن القضاة فاسدين

و القوانين كمان فاسدة

و الا الناس ما كانوش ثاروا


فيه ناس بتدجل باسم القضاء

بيقولوا ثقتنا في قضائنا

كلام فارغ هيدي كل المجرمين

و الفاسدين براءة

و ساعتها يبجحوا و يقولوا

أيـــــــــــــــه

مش قولنا نرضي بأحكام القضاء

ربنا ما يرضاش الظلم

يبقي ليه نعمل محاكمات

بقوانين و قضاة و أجراءات

فاســــــــــــدة

و لو مش فاسدة

أمال لماذا قامت الثورة

حاجة تخللي الواحد يأبح

.....أ

و لا بلاش

موفقين للخير

ساعي الخير said...

أنا ضد المحاكمات العلنية و التصوير

لأنها تشهير بالمتهمين

بس في الحالة دي

المحاكمات سياسية و لابد أستشناء

لابد للتأكد من شخصيات المتهمين

بس ده بعد ما القضاء و أجراءاته و قوانينه ينظفوا

شوقية said...

ربنا يسترها معانا