Saturday 2 July 2011

هو انا ما اعرفش اكتئب شوية؟

نوارة ايه اللي اتقبض عليها؟ مافيش حاجة انا مكتئبة ولاسباب شخصية بحتة وعايزة اغطس شوية
بعد اذنكم يعني.. ومالهاش اي علاقة بالثورة عشان ما حدش يقعد يشيلني ذنب اني باكئب الناس
مافيش حاجة، ما حصليش حاجة.. وعشان تبقوا فاهمين اللي عايز يعمل ما بيهددش... الخبر ده هدفه بس انه يهتكوا كده قال يعني لما تسمعوا ان واحدة بنت وبنت شاعر مشهور وكمان كان الناس بتقول عليها عميلة الجيش حيقبضوا عليها يبقى تخافوا وكده عشان دول ناس جبارة ومالهمش عزيز... معلش.. سامحوهم.. ما يعلموش انكم تخوفوا عفاريت الدنيا كلها
هو اللي ما يتهتش من موت صاحبه جنبه في الشارع حيتهت لما نوارة يتقبض عليها؟ ما تولع نوارة بجاز وسخ هي كانت من بقية اهله؟ 
بقى دي اشكال بتخاف ولا بتتهت والنبي؟ ده انتوا عيال سو وربنا مش حيوقع في ايدكم غير اللي هو غضبان عليه، بس ما تقلقوش.. وانا قايلة اني حاختفي شوية عشان مكئوبة.. مش عايزة انا بقى شغل جورج اسحاق ده يختفي ويسمع ان الناس بتقول مقبوض عليه ويسكت.. اديني باقول اهو.. انا تعبانة وعايزة ابقى لوحدي شوية.. وزي القردة مافياش حاجة
اجبرتوني افتح التليفون وانا مش عايزة.. هو كنتوا اشتريتوني؟ انا حاقفل التليفون اهو

25 comments:

وليد فكري said...

ههههههه..معلش يا نوارة يظهر إني لما كتبت نوت بالرسالة اللي حملتيهالي حد فكرك اتكمشتي!

يا ستي خدي راحتك خالص..عشان تعرفي تواصلي بإذن الله

كيوبيد said...

الف الف الف الف الف مليون سلامه عليكى من الاكتئاب خدى منى نصيحه عليكى وعلى اسكندرية انا اروح اسكندرية انسى العالم بالى فيه وابقى طمنينى عليكى ولو حتى كلمة كل يوم

Ola said...

طب نعملك ايه يعني يا نوارة بنحبك
Love hurts :D

Ola said...

طب نعملك ايه يعني يا نوارة بنحبك
Love hurts :D

محمد محمود صابر said...

طيب واحنا نضمن منين اني انتي كويسة بقي ان شاء الله ؟؟
:D :D

بساطه said...

قولي دعاء المهموم وانشاءالله ربنا يرفع عنك الهم

yosef said...

حقيقي انتِ محتاجة استراحة يومين علشان تعيدي ترتيب الامور في ذهنك

معلش يا نوارة...الامور عايزة تفكير بهدوء وعدم انفعال

ومش بس انتِ الكثير من الشباب محتاجين يراجعوا ترتيب الاوراق من جديد

ربنا يوفقكم

Mohamed kharoub said...

السكة اللي تودي يا اوشة ... هههههههههه .... اخواتك في الدم خايفين عليكي شوية يايه اللي فيها دي

M. Faramawy said...

اوعى يا نوارة
انا لا بنزل مظاهرات و لا بروح و لا اجي
لكن مفيش غير مدونتك بعرف اخبار مصر اعمل ايه انا مبصدقش حد تاني غيرك ؟

علشان عارف انك عميلة و ماجورة من اجل مصر

نوارة بتمنالك الراحة رغم انها تعب لي و بقول ممكن العزلة دي تمشي الاكتئاب اللي عندك ده شوية
و انصحك انك تقربي لربنا و ربنا معاكي

negmat lail said...

براحتك يا نوارة بس ايوة احنا اشتريناكي وانتي بعتي والبيعة بالتراضي

Moataz Medhat said...

سلامتك يا نوارة و ربنا يفرج همك.
و تستاهل تاخدي أجازة منا طبعا.
و ترجعي بالسلامة.

hardway said...

أيه يا نـرنـر..؟ أنت أتفحصت أمنيا
الفحص الأمني دايما كده يجيب أكتئاب أول مرة..بعد كده تدمني الفحص..تروحي لوحدك
تطلبي منهم يفحصوكي أمنيا

حسن محمد على said...

سلامتك م الاة"انشالة المجلس العسكرى كلة والوزارة كلها-ومعها يحى الجمل- تكتئب بدالك, يومين ويعدوا

the dreamer said...

يا ولاد مصر أديمة قوى أقدم من أى حد عايز يغير الموضوغ أكبر منة لأن مصر جزء من أقليم تعيس و لكم فى محمد على باشا و سعد باشا زغلول و جمال عبدالناصر العبرة كل دول حولوا بس كانت الرحا أقوى من أن يعكس أتجاها

Michael Gerges said...

Ah mn b2et ahlna .... Msh kolna masryeen w 3ela wa7da ... Fakra sa3t elsawra lama konty bt2oly en elsha3b 3aml "family reunion" fe medan elta7rer :)) salamtk

ساعي الخير said...

نوارة

عليكي و علي نصيحة اسكندرية

ده أولاً

ثانيا بشويش كده و ورقة و قلم بعد يومين استرخاء كده في العجمي و المعمورة

و أكتبي ثلاث نقط مهمين نحققهم لنفسنا

و للناس في مصر في المرحلة اللي جاية

الأولي تطهير القضاء و الشرطة

من القوانين الفاسدة و العتاصر السيئة

بتطبيق نظام الدفاع المدني و ارقابة الشعبية

بتعيين طلبة الحقوق بكل المقترحات اللي ممكن نوصلك بما فيها فرز و تجنيب كل القيادات القديمة المشتبه في فسادها الأداري

و القضاء يكون ليه مدة محددة أقصاها من ثلاث شهور مثلاً للفصل النهائي في أي قضية


ثانيا كل واحد علي ارض مصر من حقه قطعة من أرضها ضمن مشروع توشكي ضمن مشروع ممر التعمير ضمن مشروع المهندس حسب الله الكفراوي

المهم أرض البلد لولادها و تمنها مدفوع من دمهم ده حقي و حقهم

يبني يزرع يعمر المهم ده قاعدة لابد تنفيذها

و مش هقول التالتة كفاية عليكي كده

لكن نصيحة مهاتير محمد بربط العملة بالذهب و عدم الأقتراض من صندوق النقد أو أي جهات خارجية نصيحة هامة جداً

لابد أن تتخذ قاعدة للتعامل علشان محدش يبيع البلد و يدينا و يمشي زي حسني

بالمناسبة المحاكمات لابد تتوقف لحين اصلاح نظام القضاء و الشرطة و القوانين

غير كده هيطلعوا براءة و هنمسك في بعض

ألف سلامة من الأكتئاب

بجد هوا أسكندرية كده

موفقين للخير

محمد نور الدين said...

ست الكل مساء الخير


من شابه أباه فما ظلم

مناضلة بنت مناضلة بنت مناضل
لك أجمل التحيات وسلامتك من كل أذى يا نوارة الأمة

lailol said...

سلامتك يا حبيبة قلبي ده انتي نوارتنا وانتي الشمعه اللي بتنور طريقنا علاجك في التفاؤل والايمان بان الله مش حيتخلي عنا وحينصرنا وحيجيب حق كل شهيد وكل مصاب وكل مظلوم بس الصبر

mohosamaa said...

النهاية دى كانت متوقعة جدا يا نوارة لأن مفيش حد يقدر يهاتى طول عمره هو هيزهق والناس كمان هتزهق وهو ده اللى حصل فى حالتك وحالة كتير قبلك من الثورجية اللى عرفوا إمتى يبدءوا ومعرفوش إمتى يبطلوا وينتهوا ..يا نوارة إنتم بقى شكلكم وحش قوى فى عينين المواطن العادى اللى هو البطل الحقيقى للثورة اللى لولاه كان زمانكم على الخوازيق ...أنا مبنكرش إن موجود مشاكل كتير وزبالة لازم تنضف لكن الأولى بكده حكومة منتخبة مش شوية سبارسجية بيحدفوا طوب ...الانتخابات بعد ست شهور عملتم إيه يا كباتن اللى عاوز يصلح مصر يصلحها بتفويض من صناديق الانتخاب مش بوقوفه ساعتين فى الميدان ...عارفة انتى عاملة زى واحد دخل الجامع وأذن العشاء فالناس راحت الجامع عشان تصلى فاتبسط قوى راح داخل الجامع الساعة 12 بالليل ومسك الميكروفون وقال (اللى يحب ربنا ييجى يصلى عندنا)...يا ريت تأذنوا الأذان الصح فى الوقت الصح غير كده محدش هيعبركم إحنا مكناش بنخلص من ديكتاتورية مبارك علشان نقع فى ديكتاتورية الميدان ...يا نوارة مش عايزك تنتهى نهاية أحمد عبد الله رزة

BestItalianPizza said...

و افرضى ان اتقبض عليكى و انتى مكئوبة .. نعرف منين انك مختفية لأنك مكئوبة و لا لأنك اتقبض عليكى ؟؟؟؟؟
على فكرة تصريحك ده اشارة خضرا للفبض عليكى .. علشان كل الناس حتقول انك مختفية علشان مكئوبة .. ملحوظة (يعنى ايه مكئوبة) شكرا

واحد عادى said...

استراحه محارب

Hend said...

"ولا تهنوا ولا تحزنوا وأنتم الأعلون إن كنتم مؤمنين"

Menna Mohammad said...

سلامتك من الإكتئاب ياقمر. ربنا يحفظك انت وامثالك لمصر .. فأنتم الأمل والمستقبل

Ahmed said...

الاكتئاب حرية شخصية

freedom4ever25 said...

اول حاجه انا مش عارف ايه اللي حصل ... بس عندي اعتراض شديد اللهجه على كلامك يا دكتوره (ايه انتوا اشتريتوني دي؟) ايوه طبعاّ اشتريناكي انتي ماكنتيش عارفه كده قبل ما تقرري تبقي ناشطه في العمل العام والسياسه والاعلام وللا ايه ؟ انتي من اول يوم بعتي نفسك لمصر . اصبحتي لا تملكي شيء في حياتك لنفسك . واحنا بقى مصر . يعني احنا اللي اشترينا .. ايه العبط اللي في كلامك ده مش عارف ساعات بحس انك بتعيلي ! انتي مش مقدره المسؤليه اللي عليكي وللا ايه؟انتي مش واخده بالك اننا دلوقتي في اخطر لحظات حياتنا وحياة بلدنا؟ وعايشين حرب اعلاميه وحرب وعي وحرب على عقول الناس وفي حاجات كتير مش بتبقى واضحه للناس في حالات الفتن المصطنعه .بيبقوا قاعدين مستنيين حد بيثقوا فيه عشان يوضح لهم ايه اللي بيحصل ... احه ... هوه ده وقت اكتئاب . اصحي وفوقي يا أنسه انتي في رقبتك شعب (اولاد وبنات وعواجيز وررضع) مسؤلين منك .. هوه لما انتي تكتئبي امال احنا نعمل ايه ننتحر؟؟؟ ده خلاص مش باقي على جمعة الحسم وتحديد المصير غير ساعات قليله جداّ (وانتي طبعاّ مش خافي عليكي ان الجمعه دي هتحدد مصير الثورة والمؤمنين بالثورة .ياريت تكوني شفتي لقاء ابراهيم عيسى مع الدكتور محمد المهدي