Monday 31 August 2009

اليوم العاشر

الا باين ان "هامش" الحرية ده دايما بيبقى مصاحب للطغيان
الاستاذ فرعون كان مدي هامش حرية كبير قوي، يعني انا عمري ما شفت رئيس جمهورية يتناقش بنفسه وجها لوجه مع رئيس العمال مثلا وللا فلاح وللا اي ناس غلابة، حتى لما السادات كان بيحب يعمل "حوار" كان بيستنضف، مش اي حد يكلمه كده
بني اسرائيل دول كانوا عبيد، وسيدنا موسى بالنسبة لفرعون زعيم العبيد، وقال له حاجة شبه انت مين انت، وطبعا ما نسيش يعايره بانه لحم كتافه من خيره (امال يبقى مصري ازاي؟ ده احنا اللي بيشرب عندنا بق مية بنفضحه خمسين سنة قدام)
بس في النهاية اتكلم معاه يا ناس، اتكلم معاه بشخصه ونفسه وذات نفسه واخد وادا معاه في الكلام، بنفسه، ما سلطش عليه رئيس تحرير حيطة في معبد، لا وايه كمان؟ وقال له حدد المعاد اللي يعجبك، وقال للسحرة آمنتوا من غير ما تاخدوا اذن؟ يعني هو ده كل اللي فارق معاه؟ :) برضه الادب فضلوه عن العلم، ده فرعون الطاغية وربنا قال عليه علا في الارض وقال عليه طغى
ياااااااا، ده ربنا عامل كرامة للبشر والواحد له حقوق كتير وهو مش واخد باله
طب من لغاليغه ان ما كان اياميها فيه ناس بتقول: مش كفاية انه كلمه واتناقش معاه؟ مش كتر خيره انه ما دبحهوش هو والعبيد بتاعه؟ قليل الاصل اكل وشرب في قصر الراجل ولما شد حيله قلب عليه، ده في سن والده على الاقل يحترمه، عايزين يضربوا استقرار مصر، وراح مدين وشوه سمعة مصر، وهم اصلا جم عندنا واستضفناهم واكلناهم وشربناهم، وعاملين تنظيم سري عشان يقلبوا نظام الحكم
انا متأكدة، متأكدة ان كان فيه ناس بتقول كده، انا سامعاهم اهو
واكيد كمان بعد ما مات فرعون بتلاتين سنة لقى ناس تقول عليه كان راجل ديمقراطي وبعيد النظر وفضلوا ناصبين له معزى بعد موت بعشرميت سنة
ومتأكدة من نظرية جمال حمدان ان الفلسطينيين انثروبولجيا هم بني اسرائيل
امال احنا مستقصدينهم ليه يعني؟

69 comments:

حسن على said...

التوراة والقرأن واخدين موقف سلبى من الفراعنة لسببين مختلقين. الاول خروج اليهود من مصر(الاوكسيدوس) والثانى -موقف الاسلام من عبادة الاصنام وتعدد الالة الخرافية (طبعا قبل نزول الاديان السماوية بعشرات القرون)....واهم من ذلك الاستبداد ونظام الحاكم الالة الذى يعمل كل الشعب فى خدمتة ويجمع من عرقهم ثروتة هو واسرتة "زى اللى حاصل دلوقت") ولكن ذلك لايقدح فى الحضارة المصرية القديمة لأن تلك الاصنام والحاكم الالة كانت هى الثقافة السائدة فى معظم الامم فى تلك الايام ...يعنى لامؤاخذة ما كانش فية حد تانى يعرف احسن من كدة.

Unknown said...

لا إله إلا الله

يا استاذ حسن فرعون كان طاغية وظالم وعنصري ومفتري واستعبد ناس مالهمش اي ذنب في اي حاجة غير انه كان عايز خدامين والظاهر ان وقته المصريين كان مستوى المعيشة بتاعهم كويس فما لقاش حد يعمل له الشغل الوسخ غير بني اسرائيل

ثم ان بني اسرائيل اللي سيدنا موسى بعث فيهم كانوا مصريين
كان بقالهم 25 قرن في مصر يعني كان خلاص اكيد اتجوزوا من المصريين واكلوا فول وطعمية وبصارة

دول حتى طلبوها لما فضل يجيب لهم لحمة وقالوا له: انا عايز عدس من اللي امي كانت بتعملهولي في البلد وفحل بصل
وكان ناقص يطلبوا سيجارة كولوباطرا وشاي حبر سكر برة

مافيش في الدنيا ناس تقعد في بلد 25 قرن وتبقى غريبة خصوصا ان الموميات المصرية لما عملوا لها تحليل دي ان ايه لقوا فيها كل الجينات اللي خلقها ربنا لان مصر كانت معبر واي حد بيعدي من عندنا لازم يتجوز ويسيب عيل
والكلام اللي بيقوله زاهي حواس ده تخريف، مافيش عرق اسمه المصريين

وانت ما تعرفش ان ما كانش فيه حد يعرف احسن من كده، ربنا ما قلناش على كل الانبيا

والتوراة والقرآن مش واخدين موقف "سلبي" من الفراعنة لسببين مختلقين
يا سبحان الله
يعني ربنا بيستقصدهم
وللا ربنا مش عارف؟
وللا ربنا بيتبلى عليهم؟

اذا حضرتك باصص للقرآن والتوراة انهم من عند ربنا يبقى ربنا ادرى

اذا شايف انهم كتابين تاريخ
يبقى الثابت بالتاريخ ان حكم الفرعون كان حكم فرد وكان طاغية وديكتاتور
وكان فيه نظم احسن من كده
النظام اللي قبل الفراعنة نفسهم
اللي هو النظام الاناركي
anarchism
ما كانش حد ريس على حد وكان نظام اقرب لنظم الحكم القبلية وفيه مشورة وتعاون ومافيش حد بيشتغل عبد عند حد
واحنا اول ناس اخترعنا نظام الدولة الشمولية
والمفروض نتكسف من كده مش بالعند نفتخر
الفراعنة لهم انجاز حضاري علمي
لكن سياسيا كانوا ناس مفترية وجبارين ومستغلين واستعبدوا الفلاحين والصناع

مواطن مصري said...

http://www.shorouknews.com/ContentData.aspx?id=101168

حملات للقبض على المجاهرين بالإفطار في شوارع أسوان
آخر تحديث: الاحد 30 اغسطس 2009 11:41 ص بتوقيت القاهرة

حمادة بعزق -

اطبع الصفحة
يقوم رؤساء مباحث مراكز أسوان بتنفيذ حملات يومية بالشوارع للقبض على المجاهرين بالإفطار فى نهار رمضان. حيث وصل عدد المجاهرين الذين تم القبض عليهم منذ بداية شهر رمضان إلى 155 شخصا.

وأكد مصدر أمنى مسئول أن الهدف من تلك الحملات هو ضبط الأمن العام بالشارع لتخفيف حدة الجريمة والمشكلات احتراما لشهر رمضان الكريم.

إلى ذلك أسفرت حملة ليلية مكبرة نظمتها مباحث أمن الدولة بالتنسيق مع المباحث الجنائية ومكتب المخدرات بأسوان عن ضبط 72 مشتبها فيهم بمدينة كوم أمبو.

وشارك فى الحملة 14سيارة ما بين أمن مركزى وترحيلات وسيارات بوكس صغيرة تحمل أكثر من 100ضابط وجندى.

وبالكشف عن المشتبه فيهم تبين أن هناك 5 فقط عليهم أحكام جنائية فتم احتجازهم والإفراج عن الباقين وعددهم 67 شخصا.




ههههههههههههههههههههه


الظلامين و صلو للشرطة يا نوارة

هههههههههه

اسوان بقت اسوانستان يا نوارة

Kalimalhus said...

يا ريت كده تهدى روحك عشان الدنيا صيام و رمضان كريم..

أولا.. بنى إسرائيل ماقعدوش فى مصر 25 قرن.. إنتى جبتى الرقم الخزعبلى ده منين .. يعنى لو فرضنا إنهم دخلوا مصر فى عهد الهكسوس و خرجوا فى عهد رمسيس التانى أو إبنه و دى كلها إفتراضات غير مؤكده بس أهى معقولة شوية .. فيبقوا قعدلوهم كام قرن ما يجيبوش الف سنة.. و بعدين لو أنساب التوراة صحيحة و ده برضه مش أكيد فيبقى بين يوسف و موسى (عليهما السلام) عدد محدود من الأجيال..

ثانيا .. قبل الفراعنة (ملوك مصر الموحدة بعد مينا) ما كانش فيه أناركية خبط لزق .. لكن كان فيه تطور طويل من القبلية و الوحدات السياسية الصغيرة ثم مملكتين فى الشمال و الجنوب ..

مفيش أصلا دليل على إن الناس عاشت فى ظل أناركية حقيقية لأنه منذ البداية كان فيه سلطة الأب و كبير العشيرة و شيخ القبيلة ... إلخ..

مواطن مصري said...

ملحوظة على جمب المصرين القدماء مكنوش كفرة

عشان بس في ناس فاكرة ان ان المصرين القدماء كانو كلهم كفرة و دي فكرة غلط لان احنا اساسا اول شعوب تعرف معنى التوحيد و ان فية خالق الكون

masrawy ala tool said...

"ومن الناس من يعجبك قوله فى الحياه الدنيا ويشهد الله على مافى قلبه وهو ألد الخصام*واذا تولى سعى فى الأرض ليفسد فيها ويهلك الحرث والنسل والله لا يحب الفساد*واذا قيل له اتق الله أخذته العزه بالأثم فحسبه جهنم ولبئس المهاد"

soreal said...

ربط احداث الواقع بأحداث الماضي ده موهبه و خيال ربنأ مش بيديها لكل حد ... وأنا من تجربتي إنو لما حد بيفكر بالأسلوب ده الناس بتبصله كما لو إنه أبو راسين مع أنه كلام في منتهي المنطقيه..

ألمشكلة أنه الأسلوب ده بألتفكير نوعا ما بيخلي الواحد يتعاطف مع شخصيات و احداث إحنا اتعودنا أننا نتعامل معها بطريقه يأبيض ياسود ..

عشان كده كتير من الناس مش بتتقبلو ...

Anonymous said...

هههههههههههه


يعني تفتكري لو فرعون موسى هو اللي كان حكمنا كان هيكون الوضع احسن ؟

حسن على said...

نورتى المحكمة يانوارة هانم,اهو نظام الاناركى دة مثلا ماكنتش اسمع بية.ود.جمال حمدان وصف او صنف مصر كدولة"نهرية فيضية" الامر الذى فرض نظام ادارة مركزى قوى لأدارة النهر للرى وفى موسم الفيضان الخطر.والادارة دائما فيها الداء البطال بتاع السيطرة والنهب. ثم اننى لا ادافع عن ملوك الفراعنة ولكنى ادافع عن منجزات حضارة بائدة عظيمة فى العلوم والفنون ...الخ ولاتنسى دور الحاخامات الفدامى فى الاضافة والحذف للنص التوراتى-وهذا مشهور ومعروف علميا (((واحنا اول ناس اخترعنا نظام الدولة الشمولية
والمفروض نتكسف من كده مش بالعند نفتخر)))
الدولة اللى بتزرع من النهر وبجبها فيضان لازم جهازها الادارى -بما فيهم الحاكم- يتسلط على ناسها ويقدر يجيب اى معارض من قفاة فى ساعة... اما الزارعون على الامطار واهل الجبال ,فأرض اللة واسعة وبقدروا يعارضوا الحاكم الفرعون ويلجأؤا للجبال اويهربوا لأرض تانية الطبوغرفيا مع الحاكم وضد الشعب...... طولت عليكى اشكرك للتوضبح

Unknown said...

مهندس مصري
لا مافيش حاجة مؤكدة لان مالهمش سيرة اصلا
ولا مؤكد انهم دخلوا في عصر الهكسوس
بس هم دخلوا ايام يوسف والمؤرخين بيقولوا بالتقريب من حوالي خمستلاف سنة
ومش مؤكد انه رمسيس التاني بس برضه بالتقريب من 2500 سنة
يعني قعدوا بالتقريب 2500 من يوسف لموسى
والشخصيتين مش مذكورين في تأريخ غير التأريخ الديني والتأريخ الديني هو اللي ادا التقريبات دي

انهم اصلا ما اتولدوش دي قصة تانية بقى شرحها يطول
اذا مش ح تصدق سيدنا محمد يبقى مافيش معنى انك تصدق انهم اتولدوا من اساسه لان مافيش اي اثر عليهم
النبي الوحيد اللي له اثر وتم التأريخ له خارج الاطار الديني من قبل الهنود والرومان هو سيدنا محمد
في حالة المعتقدين بعدم نبوة سيدنا محمد يبقى مافيش معنى للايمان باي من الانبيا اللي قبله

Unknown said...

مصراوي على طول

الكلام ده ليا؟

Unknown said...

مواطن مصري
الحقيقة الفراعنة كانوا كفار

ما وصلتش لكده يا جدعان
الشوفونية ما توصلش لكده

Unknown said...

يا استاذ حسن علي
ماحدش انكر منجزات قدماء المصريين، مش الفراعنة، قدماء المصريين
ولا حتى التوراة ولا القرآن انكروا انهم عملوا حضارة عظيمة وكانت مضرب للامثال
طب ما امريكا عاملة حضارة ده ينفي عنها انها قتلت تلاتة مليون في تمن سنين؟

mido said...

مواطت مصرى

اخناتون؟

قصدك عليه ؟

كان بيعبد الشمس

مواطن مصري said...

طيب مسئلتيش نفسك كدة ان المصرين القدماء عقيدتهم كانت قريبة من الاسلام و المسيحية و اليهودية

حسن على said...

نوارة: الظاهر ان صدبقى بتاع "السبع ايات المنجيات" اللى قولتلكوا علية قبل كدة ,دخل النهاردة باسم(مصراوى على طول)بس كدة

masrawy ala tool said...

نواره.. الأيتين دول بيشرحوا حالنا قوى

masrawy ala tool said...

ياعم حسن لا سبع أيات منجيات ولا حاجه.. أنا مش فاهم أنت قاصدك ايه بس عموما مش انا هو اللى تقصده.. كل الحكايه ان الأيتيين دول عجبنى أوى بيشرحوا تطور أى طاغيه

حسن على said...

ومتأكدة من نظرية جمال حمدان ان الفلسطينيين انثروبولجيا هم بني اسرائيل" ماكانش حقك قولتى كدة ,دلوقت هاطالبوا حماس بقيمة الدهب اللى خدوة اليهود من جيرانهم وهربوا بية ايام الخروج

Kalimalhus said...

هو أنا مهندس و مصرى بس مش "مهندس مصرى" .. الله يمسيه بالخير مالوش تعليق عالبوست ده لغاية دلوقت ..

حسابات جنابك ملخبطة على الآخر
أهم حاجة ملخبطة عندك هى حكاية إن رمسيس التانى عاش من 2500 سنة.. و الحقيقة هو عاش من حوالى 3300 سنة..

لما قلت إن أنساب يوسف و موسى فى التوراة غير مؤكدة كان قصدى إنها ممكن ماتكونش دقيقة يعنى يكون فيه بعض الأسماء سقطت أو أضيفت.. و ما حصلش إنى قلت إنهم ما إتولدوش و مش عارف فهمت ده من كلامى إزاى..

تلخيص ديانة عاشت و تطورت لأكتر من 3000 سنة و كان ليها جوانب أخلاقية و فلسفية هامة فى كلمة "كفار" يعتبر تبسيط غريب جدا..

صحيح إن كل من لم يعبد الله وحده دون شريك هو كافر.. لكنها مش شوفينية إننا نعترف بإن ديانة المصريين القدماء كانت أكثر من مجرد عبادة للأوثان.. و ياريت تبطلى حساسيتك الشديدة من بعض الحاجات.. يعنى حكاية الشوفينية دى بتتسرعى كتير و تطلقيها على كلام الناس .. طبعا مواطن مصرى حافظ الكليشيه بتاع "ماتقولش كافر" و اللى ليه علاقة أكتر بإطلاق الوصف ده على الأقباط.. لكن لما ماعجبوش إن المصريين القدماء يتقال عليهم كفار ماكانتش شوفينية .. كانت مجرد عادة :)

Unknown said...

ممكن الأية
اللى فيها ان موسى
اكل و شرب فى بيت فرعون
اصل انا مش فاكرها اوووووى

حتى لو كلمة من الأية و انا ابحث و الاقيها

انا مصدقك طبعاً فى كلامك

Fatma said...

الله !
انتي متابعة عمرو خالد بقى :)

Unknown said...

لا انا مش متابعة عمرو خالد
ايه اللي جاب السيرة دي بقى دلوقت حاليا؟ احنا في رمضان

Fatma said...

برنامج عمرو خالد السنة دي كله عن سيدنا موسى
وبيتكلم بالتفصيل عن بني اسرائيل وفرعون وعلاقته بيهم وعلاقته بموسى عليه السلام وعلاقة موسى بيهم وكل واي تفاصيل
وبيربط برده بين فرعون موسى وفرعون بتاعنا

Unknown said...

قال ألم نربك فينا وليدا ولبثت فينا من عمرك سنين ( 18 ) وفعلت فعلتك التي فعلت وأنت من الكافرين ( 19 ) ( قال فعلتها إذا وأنا من الضالين ( 20 ) )

Unknown said...

مهندس حر
انا ما قلتش انك بتقول انهم ما اتولدوش

انا باقول لك ان علميا مافيش اي دليل على ان الناس دي اتولدت
احنا مصدقين عشان احنا مصدقين سيدنا محمد وهو النبي الوحيد اللي وجوده وتاريخه وحياته عليها ادلة علمية غير دينية

عشان كده باقول لك التقديرات دي كلها في الهجايص


مافيش اي دليل يخلينا نقدر نتتبع يوسف او موسى ونعرف امتى جم وامتى مشيوا

انت بتقول الف سنة
ومصطفى بيقول لي خمسميت سنة
وانا والله قريت في كتاب واحد يهودي كان كاتبه انهم 25 قرن
ولا انا ولا انت ولا مصطفى نعرف
ولا الكاتب اليهودي كمان
مافيش اي دليل على الكلام ده ده ضرب ودع
وسيدنا محمد، وهو المصدر الوحيد الموثق على الاقل، ما قالش المدة

لكن في النهاية حتى لو قعدوا ميتين سنة ده يعملهم مصريين

مش انا اللي قيمتهم انهم كفار
ولا انا اعرفهم كلهم
والمكتوب على الحيطان ده الله اعلم بيه انت عارف المصريين وفشرهم يعني من زمان
لكن مدام ربنا قال كفار يبقى كفار
وهو قال كده على فرعون موسى بس
بس مين فرعون موسى

اديك عربيتي وادفع انا الاقساط لو تقسم بانك تعرفه

مواطن مصري said...

اتفرجي على قصص من القرأن حلو اوييييي

mido said...

مهندس حر

الشوفينية دايما بينضح بيها كلام مواطن مصرى

و تعليق نوارة كان على تعليق مواطن لما قال الفراعنة مكنوش كفار

على العموم ايمان و كفر الفراعنة مش موضوعنا

TAFATEFO said...

ههههههههههههههه

اسمحيلي بقى .. ومفيش تاريخ اياك .. ايه ده .. مالك النهارده؟

Unknown said...

انت اللي مالك يا مصطفى

احنا ح نهرج بقى
مافيش اي دليل علمي ولا تاريخي على ان الناس دي اتولدت من اساسه عشان يبقى لها تقديرات قعدت قد ايه؟

التأريخ لليهود كله معتمد على مصادر توراتية مالهاش اي اساس علمي
وعلى مخطوطات البحر الميت اللي هي بيعتبرها علماء الاثار حكي شعبي

سيف said...

طفاطيفو

هههههه

انت جيت؟

اتحفنا بقى

Unknown said...

بني اسرائيل ما اتذكروش في التاريخ المصري القديم غير مرتين بشكل عابر وولا مرة جات سيرتهم انهم كانوا في مصر
وولا مرة ذكر لا يوسف ولا موسى ولا ابراهيم ولا حتى عيسى
طب الرومان ما كانوش محتلين الجزيرة العربية وجابوا ذكر سيدنا محمد في التأريخ بتاعهم
وسيدنا عيسى اللي مفروض انهم اعدموه ما جابوش سيرته خالص

TAFATEFO said...

طب من غير زعل

البوست العجيب ده من أول كلمة لآخر كلمة تخريف رسمي

هامش حرية ايه؟؟ فرعون كان بيعتبر موسى من المصريين .. ابنه اللي اتربى في قصره .. وربنا أرسل سيدنا موسى ليخلص بني إسرائيل (مش اليهود) من بطش فرعون

جبتوا اليهود دي منين

وبعدين كتر خير ايه انه مدبحش مين .. ما هو ذبح أبناءهم واستحيا نساءهم علشان حلم حلمه .. لكن لما ملقوش أيدي عامله اضطر يقتل الأولاد سنه ويسيبهم سنه

وبعدين كتاب ايه ده اللي مكتوب فيه 25 قرن .. قولي أنا قريت غلط .. مش فاكره كويس .. هو حرام؟؟ انما تفضلي مصره انها 25 سنه .. هتدفعي الفرق من جيبك يعني؟؟

ده محدش قال انها عدت 500 سنه .. كل الأقوال قالت ان بين دخول يوسف (مش دخول بني إسرائيل اللي كان بعد ده بعدة سنين) وخروج اليهود من مصر أقل من 500 سنه .. في التوراة رقمين 400 و 420 وفي قل آخر بحوالي 480 .. وفي بيقولوا ان السنين دي مدة بقاء بني إسرائيل في مصر وفلسطين وانهم قعدوا في مصر 230 سنه

وبعدين ايه الدروشه في الموضوع .. تعرف ايه ومتعرفش ايه وتحلف على ايه .. ده تاريخ يا ماما .. ولا هو كل اللي نصدقه لازم يبقى القرآن

القرآن قال سيدنا يوسف دخل مصر مقالش سنة كام .. وقال اليهود خرجوا من مصر ومقالش سنة كام

Unknown said...

لا انت اللي ما ركزتش بس كويس
انا قلت فيه ناس ايام فرعون اكيد قالوا كده
ما قلتش اني انا اللي باقول كده
وده مش تاريخ يا ماما
اتفضل هات لي مصدر تاريخي غير ديني بيأرخ لليهود
يعني مثلا مخطوطة مصرية قديمة
تأريخ روماني
تأريخ هندي
تأريخ فارسي
اي حد جاب سيرة الانبيا وبني اسرائيل
لا انا ما قرتش غلط

انا قريت في كتاب كاتبه واحد يهودي ناسية اسمه كان تفسير للتوراة
(ايام ما كنت باقرا في الاديان من خمستاشر سنة)
وقال انهم قعدوا 2500 سنة انا ح اكدب ليه؟
يعني مش مركز
وبتقول على حاجة مش مؤرخة انها تاريخ
وبعدين ترجع تقول ربنا ما قالش كام سنة
وتقول ان انا اللي باخرف؟

Unknown said...

ثم ان فرعون ما كانش بيعتبر موسى مصري ولا حاجة
ده كان عايز يقتله ومراته هي اللي قالت له خليه

Unknown said...

اه بالمناسبة
التوراة ما قالتش قد ايه

TAFATEFO said...

طب ده شيء عظيم .. البحث متاح للجميع

وبعدين كان معتبره .. يعني انه قبل ما يسيب مصر أصلاً عاش في قصر فرعون وتربى فيه .. ألم نربك فينا وليدا ولبثت فينا من عمرك سنين

على العموم .. رمضان كريم

TAFATEFO said...

سفر التكوين 15: 13 (13فَقَالَ لأَبْرَامَ: «اعْلَمْ يَقِيناً أَنَّ نَسْلَكَ سَيَكُونُ غَرِيباً فِي أَرْضٍ لَيْسَتْ لَهُمْ وَيُسْتَعْبَدُونَ لَهُمْ فَيُذِلُّونَهُمْ أَرْبَعَ مِئَةِ سَنَةٍ. 14ثُمَّ الأُمَّةُ الَّتِي يُسْتَعْبَدُونَ لَهَا أَنَا أَدِينُهَا. وَبَعْدَ ذَلِكَ يَخْرُجُونَ بِأَمْلاَكٍ جَزِيلَةٍ. 15وَأَمَّا أَنْتَ فَتَمْضِي إِلَى آبَائِكَ بِسَلاَمٍ وَتُدْفَنُ بِشَيْبَةٍ صَالِحَةٍ.)

يقول سفر الخروج 12: 40 (41وَكَانَ عِنْدَ نِهَايَةِ أَرْبَعِ مِئَةٍ وَثَلاَثِينَ سَنَةً فِي ذَلِكَ الْيَوْمِ عَيْنِهِ أَنَّ جَمِيعَ أَجْنَادِ الرَّبِّ خَرَجَتْ مِنْ أَرْضِ مِصْرَ.)

TAFATEFO said...

وده مقال في إسلام أونلاين لمن يرغب بقراءته

مواطن مصري said...

على فكرة بين سيدنا موسى علية السلام و سيدنا يوسف علية السلام 400 سنة

تقريبا

Unknown said...

انت واكل مسقعة النهاردة؟
باقول لك يا سيدي هات لي مصدر تاريخي، تاريخي، مش ديني، بيأرخ لوجود بني اسرائيل اساسا في مصر وللا ليوسف وللا لموسى
علميا الناس دي مالهاش وجود في التاريخ والاحداث دي ما حصلتش مافيش غير ان الواحد يصدق في نبوة سيدنا محمد عشان يصدق ان الناس دي اتولدت وان بني اسرائيل دخلوا مصر وقعدوا فيها
قعدوا فيها قد ايه؟
سيدنا محمد ما قالش والقرآن ما قالش
فبلاش تبقى واثق قوي من نفسك عشان قريت مصدرين تلاتة عشرة
فيه كتاب اسمه التفسير التطبيقي للكتاب المقدس له وجهة نظر تانية
وفي النهاية التأريخ للفترة دي مجرد تخمينات وضرب ودع الا فيما هو موجود في القرآن او في التوراة
ولا القرآن ولا التوراة قالوا قد ايه
التوراة كتبت اسامي ناس كتير ما بين يوسف وموسى
والمعلق اللي انا قريته كان بيقول ان الناس دي كانت بتعيش اكتر من مائة عام فيبقى المجموع حوالي 2500 وهو قال حوالي
وقريت في حتة تانية مش فاكرة ايه، بس مصدر اسلامي بيقول ما بين عيسى ومحمد ستميت سنة وما بين موسى وعيسى ستميت سنة تانيين يبقى ما بين موسى ومحمد 1200 سنة، هو راجل من القدام مش متذكرة مين بس حد زي ابن كثير كده
مش ابن كثير على ما اذكر بس قديم زيه
يبقى كده ما بينا احنا وموسى 2600 سنة
بس والله ما فاكرة مين اللي كان كاتب الكلام ده
وهو نفسه ما قالش جاب الكلام ده منين
وانت بتقول ماحدش قال اكتر من 500 سنة طب مهندس حر قال الف سنة
مش كل حاجة انت مش عارفها تبقى ما حصلتش يا مصطفى
بلاش الثقة المبالغ فيها بالنفس دي
:)
لكن في النهاية مافيش تأريخ علمي خاااااااااالص لبني اسرائيل
ولا لاي نبي بقى ايه رأيك
غير سيدنا محمد بس
بقية الانبيا ولا ليهم اي اثر لا في المخطوطات القديمة ولا في الاثار

TAFATEFO said...

وبعدين أنا مقلتش أي حاجه .. قلت اللي أعرفه عن الرقم .. وتامر بك جادلك في الرقم

انما لما أنا أقول رقم وحد يصححهولي أناقش الرقم .. مش ألغي الأرقام خالص وأقلب بقى كله في علم الله .. احلفلي أصدقك دي طريقة دراويش لا تليق بقامة حضرتك

وهامش حرية ايه ده اللي بيقتل فيه الأولاد جميعا .. وألقى ماشطة فرعون وأولادها وطفلها الرضيع في الماء المغلي

تقولي هامش حرية .. مش كده يا نواره هانم أبداً

Unknown said...

ده فول مش مسقعة

لا طبعا ما اقدرش اجادل في الرقم لاني مش متأكدة منه ومهندس حر مش متأكد والراجل ما قالش انه متأكد

انت المتأكد الوحيد اللي في الدنيا دي
خصوصا في حاجة مش موثقة لا تاريخيا ولا قرآنيا

هامش حرية دي تريقة
انت بتفهم؟

TAFATEFO said...

أنا مليش في اللف والدوران .. التوراة مبتقولش سفر التكوين ده عهد قديم

علمي اعملي سيرش هتلاقي ميتين ألف مصدر تلاقي منهم كلامك .. مقال إخوان أونلاين مثلاً وده مبسط كاتب المصادر تحت

هتلاقي ميت ألف مقال وبحث علمي بيتكلم عن تاريخ بني إسرائيل في مصر .. وممكن تلاقي ده كتير أوي في أي مقال بيتكلم عن دعوى بناء آل ايه اليهود للأهرام أو صحة من عدم صحة كون رمسيس الثاني فرعون مصر

عايزه كتب دي سهله .. حضرتك موسوعه مش محتاجه واحد زيي يجيبلك كتب

وبعدين أنا نفسي في المسقعه .. بس مش عارف تتاكل فطار ولا سحور .. بفكر أدخل وجبة بين القمر الدين والحلويات الشرقي للكلام ده .. هو صعب بس صدقيني هحاول

TAFATEFO said...

انت بتفهم.

مظنيش .. استهدي بالله .. رمضان كريم

Unknown said...

ايوة باقول لك احلف انك تعرف فرعون موسى

انت تعرف فرعون موسى؟
اه
انت بتعرف كل حاجة
طب اتحفنا بقى وقول لي مين فرعون موسى
وهات لي مصدر تاريخي واحد يقول ان فيه واحد اسمه موسى عاش في مصر
بلاش
واحد قاد ثورة ضد الفرعون عشان يحرر العبيد

اي واحد
ماهو ممكن سيدنا موسى يكون له اسم مصري

هاه

اتفضل
بس مصدر يكون عدل والنبي مش اسلام اون لاين
مصدر علمي

Unknown said...

لف ايه ودوران ايه؟
انت مالك النهاردة؟
لا بجد
مالك؟

يابني باقول لك فيه كتاب اسمه التفسير التطبيقي للكتاب المقدس
هو مش كتاب مصري
وفيه كتاب لتفسير التوراة
ولهم تفسيرات تانية

انا مش باكدبك زي ما انت بتكدبني ولا بانفي انك قريت الكلام ده
انا باقول لك انا قريت حاجة تانية
واللي قريتهم بيقولوا ان العدد ده بالتقريب
ولهم تفسيرات كتير تانية
زي ان مثلا في كتاب من الكتب دي بيفسر السنة بعشر سنين
ما اعرفش جاب الكلام ده منين ده كلام قريته من خمستاشر سنة
وفيه كلام تاني متفسر بشكل رمزي زي ما حسن علي كده بيفسر الحاجات
لكن تاااااااااني
وللا عاشر
مافيش تأريخ علمي لوجود بني اسرائيل في مصر من اساسه
التأريخ الوحيد ان امنحتب (على ما اظن مش متذكرة الاسم بالظبط) "قضى على شأفة بني اسرائيل" دي المرة اللي ورد فيها اسم بني اسرائيل في التأريخ المصري
مرة تانية كانوا برضه بيشتموا بني اسرائيل بشكل عابر كده
بس لا فيه تأريخ لوجودهم ولا لدولتهم بعد كده اللي اتعملت في فلسطين

TAFATEFO said...

يزيد فضلك .. عامر بحسك دايماً

TAFATEFO said...

منبتاح مش أمنحتب :D

وبعدين دي نظريات

مال بقى ده (علشان كده مرضيتش أرد) بتاريخ دخول يوسف .. وبعدين الـ7 اللي جم مصر .. وبعدين دخول بني إسرائيل مصر واستيطانهم بيها .. وبعدين تاريخ الخروج

ده اسمه تاريخ .. سيرشي بقى براحة حضرتك .. وشوفي المصادر المحترمة اللي تعجب حضرتك .. وكل واحد يسيرش براحته في نيته في براوزره

TAFATEFO said...

في سيرش انجينه

مواطن مصري said...

طفاطيفو قصدك امنحت الرابع اخناتون؟

Unknown said...

لا يا مصطفى
ده مش تاريخ

ده ايمان
ايمان وبس
مالوش اي اصل في التأريخ العلماني
المصادر اللي انت بتقول عليها
بما فيها مصادر اليهود اللي هم ح يموتوا ويعملوا تأريخ موثق لاصلهم ووجودهم في المنطقة كلها معتمدة على الكتاب المقدس
مافيش مصدر واحد يوحد ربنا غير الكتاب المقدس
مافيش اثر واحد ولا مخطوطة واحدة
واعمل انت سيرش وطلع لي مصدر مافيهم
probably, sources are very rare, rare evidence, most probably, it is believed...etc

يعني اليهود نفسهم يا اخي ماحدش فيهم جرؤ يقول اللي انت بتقوله ده

جبت منين الكلام ده غير من الكتاب المقدس والقرآن
جبته من اي مصدر تاني منين؟
الله
يا عم اللي عارف كل حاجة ما تعمل اي
reference
لمصدر تاريخي واحد يوحد ربنا يقول ان بني اسرائيل اتوجدوا في مصر وللا في فلسطين يا عم
انا عمالة اسألك اهو يا عم الفهيم وقول لي
قول لي مصدر تاريخي واحد بيذكر اسم يوسف وللا موسى
مش يوسف ده حكم مصر؟ وموسى عمل ثورة؟
فين؟ فين في التأريخ المصري؟
العالم بيتعامل مع الموجود في التوراة على انه دي رواية اليهود لتاريخهم وبما ان مافيش مصادر تانية فمضطرين يتعاملوا معاها
لكن قول لي كتاب واحد وللا حتى لينك واحد يوحد ربنا يقول ان فيه مصدر تاني غير التوراة

Unknown said...

ولا امنحتب ولا منبتاح
مرنبتاح
بصيت دلوقت

Unknown said...

http://www.aawsat.com/leader.asp?section=3&article=501135&issueno=10992

http://www.aawsat.com/details.asp?section=4&article=199446&issueno=9096

mido said...

بحب زاهى حواس أوييىى

:)

بحس انه خارج من مقبرة فرعونية

بسحنته المصرية اوى دى

:D

Kalimalhus said...

أنا كنت جبتلك حتة من التوراة (سفر الأيام 1 - إصحاح 6) و بعدين مسحت اللى كتبته .. لأن فى نهاية المطاف إنتى معاكى حق فى إن مفيش أى مصدر يمكن من خلاله تحديد وقت دخول بنى إسرائيل إلى مصر بأى شكل من الأشكل ..

إعتراضى على ال25 قرن متعلق بأن ده يخلى بنى إسرائيل موجودين فى مصر قبل سنة 3500 قبل الميلاد على الأقل!! و ده معناه إنهم كانوا موجودين لما مينا الله يرحمه وحد القطرين :) وبصراحة ده كلام ما ينفعش أبدا..

هاتقولى جبت الكلام ده منين ؟.. أقولك المرتين اللى اليهود ذكروا فيهم فى مصادر مصرية و كان ده وقت وجودهم فى أرض الميعاد يعنى بعد قيام دولتهم و أحد هذه المصادر بيرجع لحوالى 900 قبل الميلاد.. حطى عليهم 2500 سنة و أقله 100 سنة من ساعة ماخرجوا من مصر يبقى 3500 قبل الميلاد .. الحاج مينا وحد القطرين حوالى 3200 إلى 3000 قبل الميلاد .. لو على كده دول يبقوا مصريين طحن و المفروض نعمل معاهم وحدة إندماجية من بكرة و خلى عوكل يروحلهم و همه هيشيلوه فى العربية زى عبدالناصر لما راح سوريا..

Unknown said...

http://xn----vmcddc0dn3ll4bg.net/content/%D9%84%D9%80%D9%88%D8%AD%D9%80%D8%A9-%D8%A8%D9%86%D9%89-%D8%A5%D8%B3%D8%B1%D8%A7%D8%A6%D9%8A%D9%84

Unknown said...

للايضاح

انا مؤمنة

"مؤمنة"

ان بني اسرائيل كانوا هنا
بس انا مؤمنة بكده عشان ده ايمان

مشششششششششششش تاريخ

ومصدري الوحيد سيدنا محمد والقرآن
واي كلام تاني كلام ابن عم حديت

Kalimalhus said...

خدى إتسلى فى الكلام ده:

http://en.wikipedia.org/wiki/The_Exodus#Dating_the_Exodus

Unknown said...

لا طبعا انا ما عنديش اعتراض انك تعترض على رقم 25 قرن انا قلت لك اللي قريت عنده الكلام ده مفسر وحسبها بطريقة غريبة ان الناس كانت بتعيش اكتر من 100 سنة ولو ادا كل واحد 110 الى 120 سنة يبقى المجموع كده

يعني تخمين مش كلام موثوق
ومش فاكرة بقى هو وللا حد تاني اللي كان بيفسر السنة في التوراة بعشرة اعوام وللا لا
بس تقريبا هو موضوع الحسابات ده خرم منه فعمل تفسيرات رمزية
ويمكن كان عايز يطول مدة اقامة بني اسرائيل في مصر لغرض في نفسه، ح انتوا ح تخلوني ادور على الكتاب وافتح الصناديق ولو جالي ربو يبقى ذنبي في رقبتكوا
وانا ما عنديش مشكلة شخصية مع الفترة اللي هم قعدوا فيها
:)
انا بس عندي مشكلة مع الجزم القاطع في حاجات مش مؤكدة ولا حتى مؤرخ ليها وكمان مافيش عليها نص ديني

ونسمي الاشياء باسماءها ومافيش داعي للتعالم
يعني ماحدش يقول على حاجة مالهاش اي اثر في التاريخ انها تاريخ عشان هو مؤمن بيها
التاريخ تاريخ
والايمان ايمان
والعلم حاجة والايمان حاجة تانية خالص
والتاريخ علم
واليهود لايدين على دليل علمي واحد يقول انهم كان لهم وجود في مصر وفلسطين مش لاقيين
يعني لو ده تاريخ ما كانوا ريحوا نفسهم
ماحدش بيبحث على ادلة تاريخية على وجود سيدنا محمد
عشان مافيش بعد كده ادلة يعني، مذكور عند الهنود والرومان والفرس وجواباته وهدومه وشعره ولبسه وشبشبه
مش ناقص غير نشوفه هو شخصيا بلحمه ودمه
لكن العالم كله بيتشال ويتحط عشان يلاقي اثر واحد على اي نبي تاني

وانا عن نفسي ما عنديش مشكلة ان ماحدش يلاقي اي اثر لاي نبي تاني لاني مصدقة سيدنا محمد لاسباب كتير مالهاش علاقة بان مافيش ولا نبي واحد له اي اثر ولا تأريخ
ومؤمنة ان ربنا غمى على اثار الانبيا كلهم وخلا الوحيد اللي له اثار مافيش اوضح منها هو سيدنا محمد عشان يبقى هو البوابة اللي تدل على الانبيا ومنها على الله
والا يبقى مافيش ربنا بقى
ماهو لو سيدنا محمد مش نبي يبقى مافيش معنى ان الواحد يصدق في انبيا تانيين مالهمش اي اثر علمي
ولو ربنا ما بعتش انبيا يبقى هو مش موجود اصلا، ايه اللي يخليه يخلقنا ويسيبنا؟ ولو خلقنا وسابنا ايه اللي خلاه يسيب واحد يدعي النبوة من غير ما يعمل فيه اي حاجة؟ ده نصره انتصار حتى بعيد عن اي اسباب انتصار منطقية
طب ولو مافيش ربنا يبقى احنا جينا منين؟ وعايشين ليه اصلا ما اقوم انط من الشباك واخلص
مع احترامي لكل الملحدين فكرة مافيش ربنا دي ما تخشش مخ عيل صغير

هو انا ايه اللي خلاني استطرد لحد ما اقول كل اللي في قلبي؟
وماحدش ح يفهمه في الصيام ده وح يردوا على حاجة تانية زي مصطفى ما قعد يرد على حاجة تانية

mido said...

هو مفيش اى أثار لسيدنا عيسى ؟

Unknown said...

مهندس حر

بني اسرائيل اللي كانوا في مصر مش هم الاسرائيليين الموجودين دلوقت

حتى بالدي ان ايه

Unknown said...

لا يا ميدو
خالص

فيه قبر كبير كده في فلسطين بيقولوا انه قبر ستنا مريم
بس برضه ده موروث زي الحرم الابراهيمي كده
مافيش ادلة علمية على الكلام ده

من اول ادم لحد سيدنا عيسى مافيش اي اثر لهم، اقصد اثر علمي، فيما عدا الموروثات بقى زي الحرم الابراهيمي وقبر ستنا مريم
وده مش مؤكد

وفيه بقى الكفن المقدس في الفاتيكان
بس ده برضه مش دليل علمي
ده دليل ايماني

Kalimalhus said...

على فكرة أنا متفق معاكى تماما فى فكرة إن الإيمان لا علاقة له بالعلم و لا يوجد أى تداخل بينهما.. بس دى حاجة ناس كتير زى ماقلتى هايفهموها غلط و ماينفعش تتوضح فى كلمتين ..

روقى دماغك بقى عشان الصداع فى صباح رمضان مش كويس.. و ما تتعبيش نفسك فى البحث عن الكتاب اللى بتقولى عليه لأنه باين عليه بيخترف..

Kalimalhus said...

أنا مايفرقش معايا يكونوا همه و ألا لأ.. زى كده ماهو مايفرقش معايا موضوع الهولوكوست .. بمعنى إن الحاجات اللى الصهاينة بيستخدموها لمحاولة إيجاد مسوغ تاريخى أو أخلاقى لإقامة دولتهم المشكلة فى إنها موجودة و ألا لأ.. المشكلة هل هى أصلا تصلح كمسوغات لإقامة الدولة أو لأ..

فرضنا إن همه أحفاد بنى إسرائيل و إتنيلوا قعدوا 2000 سنة فى الشتات .. مين حمار يقول يبقى ليهم حق فى الأرض اللى كان أجداد أمهم خدوها بالسيف من 2900 سنة أو أكتر؟

و فرضنا إتحرق منهم فى أوروبا 6 مليون نفر.. مين إبن هبلة يقول إن من حقهم يتعمل لأهلهم دولة على مقاسهم و مطرح مايحبوا ؟

فى النهاية وقائع التاريخ تثبتها الحفريات و الوثائق و بس.. و ماتحرقيش دمك فى نقاش من أى نوع لمجرد إنك عايزة مثلا تثيتى إن الصهاينة مالهومش حق تاريخى أو أخلاقى .. لأن إهتمامنا بالأمور دى بيثبت إن ليها قيمة أو علاقة بالموضوع مع إن ده غير صحيح..

يعنى حكاية حماس مع الأنروا و الهولوكوست الأخيرة دى هى قمة التغفيل و الهبل الرسمى .. إحنا مال أهلنا نصدق بحدوث الهولوكوست و ألا مانصدقش .. اللى ولع فيهم يديهم أرض من عنده.. لو حد جابلى عود كبريت عليه بصماتى من معسكر إعتقال نازى هقوله أنا معايا ولاعة و تتصبحوا بالخير..

Unknown said...

مهندس حر
بس مافيش ناس بتفضل هي هي لمدة الفين سنة والا كان جالهم تخلف عقلي
لان ده معناه انهم فضلوا الفين سنة يتجوزوا من بعض
دول كان زمانهم ماتوا من الامراض والاعاقات

مش مشكلة يفرق وللا ما يفرقش

انا مش باحاول اثبت حاجة لان زي ما قلت ده افتراض جدلي لو صح برضه مالهمش حق
انا بس ما احبش حد يبيع عليا كلام ما يعقلش

اي شعب او قبيلة يفضلوا الفين سنة هم هم ح ينقرضوا

ببساطة

حسن على said...

الاستاذة نةارة: اللى خلانى اقول ان التوراة والقران لهما موقف سلبى من دولة المصرين القدماء هو ان اللة سبحانة وتعالى انزل القران مجزأ واورد فية حكم رب العالمين فى أكثر من مشكلة أنية جدثت اثناء نزول الزحى . والتوراة لم يختلف عن ذلك. واللة جل جلالة - ينزل الاحكام بقدر طاقة البشر وفى حلة بنى اسرائل نزلت التوراة بعد الخروج الكبير وكان امرا جللا استدعى الدعاء على المصريين بالطاعون والقمل والبراغيت والضفاضع(!)وامراض اخرى كثيرة... جيت اكتب فى البوست الجديد لفيت ضرب طوب وكلام جامد قلت هنا اسلم واحاول انام شوبة

مواطن مصري said...

دي ادعائات اسرائلية لتأكيد أن الصهاينة هم الي بنو الاهرمات عشان بني اسرائيل


بني اسرائيل الي كانو في مصر ملهومش علاقة بتاتا ب الصهاينة بتوع دلوقتي

احمد سعيد said...

طب فيه بس نقطه حبيت اوضحها
انا عاوز اقول ان ميه سنه بس كفايه لتمصير اى جنس غريب يعيش فى مصر

لو رجعتوا بالذاكرة لورا هتشوفوا انه ايام الحمله الفرنسيه فيه الاف من الجنود رفضوا العودة لفرنسا واقاموا بمصر

لدرجه انهم احيانا استوطنوا قرى باكملها

وطبعا اكيد اتجوزوا مصريات

سؤال بقى

ايام اسماعيل مثلا
الخديوى اقصد

هل حد سمع عنهم حاجه ؟؟؟

لا

عارفين ليه

لانهم كانوا اندمجوا فى المجتمع المصرى بالفعل

واللى يدور هيلاحظ ان فيه فلاحين كتير فى قرى الوجه البحرى عنيهم خضرا وشعرهم اصفر

مع ان دة غير متعارف عليه فى مصر


يبقى فى النهايه انه طالما العرق الغريب اندمج فى المجتمع المصرى فبالتالى هيذوب فيه خلال ميه سنه على الاكثر

اما لو رفض الاندماج وتعايش بمعزل عن المجتمع المصرى فمش هيحصل الاندماج دة


المماليك مثلا

ظلوا مئات السنين فى مصر وعلى الرغم من ذلك لم يندمجوا فى المجتمع المصرى

لذلك فضلوا متميزين عن المجتمع المصرى ولم يذوبوا فيه

هنلاقى ان اول حالات الذوبان كان يمثلها عبد الرحمن كتخدا فى القرن الثامن عشر

كاول مزيج بين العرق المصرى والمملوكى

واللى كانوا بيطلقوا عليهم جيل المولدين

يعنى استغرقوا اكتر من 500 سنه علشان يبدأوا بس فى الاندماج

وبرضه الحالات دى كانت شاذة وقليله وفضلوا محافظين على مجتمعهم


شوفوا بقى بعد مدبحه القلعه

ومع العلم بان الاغلبيه من المماليك لم يقضى عليها حينها

يعنى فضلوا عايشين

هنلاقى انهم دابوا وسط المجتمع المصرى خلال سبعين سنه فقط


يعنى اللى اقصدة ان العبرة مش بالمدة
العبرة بالاندماج فى المجتمع

يعنى بنى اسرائيل لو كانوا مندمجين فى المجتمع المصرى وبيتجوزا منهم وعايشين وسطهم بدون تمييز

فبالشكل دة هيكون ميه سنه كفايه قوى عليهم

واذا لم يكن كذلك
فاعتقد انه ولا الفين سنه هتخليهم مصريين ...


وشوفوا انتوا بقى