Monday 24 August 2009

حكمة اليوم الثالث

إنكم اليوم في زمان كثير علماؤه، قليل خطباؤه، من ترك عشر ما يعرف؛ فقد هوى ويأتي من بعد زمان: كثير خطباؤه، قليل علماؤه، من استمسك بعشر ما يعرف؛ فقد نجا
-------
النشاط الوحيد اللي كلنا مجمعين عليه، وانا لما باقول كلنا اقصد العالم كله عدا الصينيين، اننا بنرغي كتير، انا والله مش باسقط عيوبي على غيري، بس هي الثورة العالمية اللي حولت العالم الى قرية صغيرة ايه غير انها ثورة رغي؟ وحرية التعبير ايه غير حرية رغي؟ ده حتى اعلان موبينيل: "كل الناس ح تتكلم".. ده اعلان ده وللا تهديد؟
انا مش باعترض، باتأمل بس
طب حد بيسمع حس للصين؟ وللا بيتكلموا صيني وانا مش فاهماهم؟

17 comments:

مواطن مصري said...

بس الغريب ان فودا فون ملهاش ولا اعلان لغايت دلوقتي؟

Sosso said...

La homma yetkallemou chinese wenti moch fahmehom.
ahou 3andi geran seniyyiin besmellah macha2allh 3ala sothom we raghyehom. hatta men kam youm 2olt febal nafs mat3allemch chinese leh 3achan a3raf homma yetkallemou 3adi walla yet5an2ou.
Ramadan Karim Ya Nawwara !

tamer.sala7 said...

علي فكرة الصينين من اكتر الشعوب رغيا

ومن خصائصهم في الرغي ان لازم كلهم يرغوا في صوت واحد

مواطن مصري said...

لا عملو دراسة قبل كدة و قال ن المصري أكثرش عوب بتتكلم في الموببيل

أبو أمك said...

من حق كل مواطن شريف إنه يرغي براحته
وكما قالت كوكب الشرق داليدا
أدينا بنهجص..ورانا إيه...ورانا إيه

soreal said...

I dont have the statistics in hand, but last time i checked, the majority of the internet is written in Chinese :P

of course this is normal considering that most earth's population are Chinese :P

كلاكيت تانى وتانى said...

ازيك يا نوارة كل رمضان وانتى بخير مش عارفه ليه افتكرتك بمجرد ما خلصت وصله العراك مع الشخصيه الهلاميه الفارغه التى تسمى وائل عباس ربما لانى كنت معترضة بعض الشئ على اتهامك له بالتكسب من مدونته واعتبرت ان ده حق له لكن اعتقد انى كنت مخطئه لان الاخلاق لا تتجزأ ابدا بجد كل اناء ينضح بما فيه شئ بشع انك تلاقى على الفيس واحد فى نهار رمضان حاطط فيديو كله صور عاريه وبيدعوا الناس تشوفه بعد الفطار عشان تعرف مصر فالمرتبه الكام من البلاد الهيجانه سوء ما بعده سوء وواجهة بصدق مشينة لشاب مصرى بس للأسف انا مكنتش اعرف اصلا انه نفس وائل بتاع المدونه ساعات ببقى محتارة ليه بنبقى مثقفين وقادرين نرسم خارطه لحياتنا ونحدد اتجاهاتنا بصورة محترمه ومهذبه الناس فالخارج كل ما بيتعلموا ويتثقفوا بيعلوا فى المستوى والمحتوى واحنا العكس فنفس الوقت منقدرش نبقى محترمين ونسمو بأنفسنا ولا دة طبع سئ اكتسبناه ؟؟ سؤال بيحيرنى لية الثقافه عندنا معناها قلة الادب وليه مش عارفين نحترم نفسنا ونحترم ديننا واخلاقياتنا ونعبر عن افكارنا دون فحش بالقول او الفعل بعذر احيانا من يعبر بعصبيه نتيجة ضغوط اما ان يكون الاسلوب كدة لا حرمه ولا اخلاق ونشر فاحشة فى نهار رمضان فحسبنا الله ونعم الوكيل حسبنا الله ونعم الوكيل

كلاكيت تانى وتانى said...

اسفه لعدم تعليقى ع الموضوع ولو حبيتى متنشريش الكومنت مفيش مشاكل انا بس كنت غضبانة جدا جدا ولو مش فرمضان والوقت ضيق ومفيش وقت للنت كنت لفيت على كل المدونات ومدونته هوة شخصيا وبهدلته بس ان شاء الله هلغية من كل قوائم اصدقاءنا على الفيس شخصيه بشعة تستحق الرجم فى نهار رمضان

Anonymous said...

اعتقد ان الصينيين بيرغوا ..... بس في المفيد

شوكولاتة said...

نحن أمة ضحكت من جهلها الأمم
نفشل ونتكلم
نخسر نتكلم
نهزم ونتكلم
نحيا فقط نتكلم

احساس لسه حى said...

عزيزتى

انا شايف ان ربنا ادانا العقل اللى نفكر بيه فى كلام خطباءه وعلمائه وميفرقش عددهم ايه المهم اللى بيقولوا افكر فيه ازاى

هما بيتكلموا ويرغوا فى الصيين بس بره بلادهم ساكتين وشغالين

كل سنة وانتى طيبة

سلام

TAFATEFO said...

الصينيين عندهم حاجتين

عندهم اللي مكفيهم

وعندهم كاتم صوت

TAFATEFO said...

أقصد بـ عندهم اللي مكفيهم .. ان عندهم في الداخل اللي يتكلموا عليه لما الكلام يخلص .. واللي عندهم أكبر من ان يخليهم يبصوا بره أو يبصوا لبره

وعندهم كاتم صوت كبير


احنا برضه عندنا اللي يكفينا في الداخل .. لكن برضه بنحب "نناضل" بره .. محنا دوري محترفين بقى تقولي ايه

Unknown said...

يييييييييييييييي


يا جماعة
بهيج بيقول لكوا انه بيرغي في سره بالياباني عشان هو ما فيهمش هو بيقول ايه

مواطن مصري said...

ههههههههه طيب الامريكاني لما يرد في التلفون بيخش في الموضوع لا بيقول هاتلي الحجة و الحا و العيال اسلم عليهم

انما نشوف المصري بيرد يقول السلام في ساعة و يقول اخبارك اية و صحتك بعد كدة يقولة هاتلي العيلة لما اسلم عليها نفر نفر فيييين لما يخش في المفيد

حرة المداد said...

كل عام وأنتم بخير....على سيرة النصيحة يقول الله تعالى عن شهر رمضان: (أياما معدودات) ليس كثيرا على ربنا أن نتوحد في هذا الشهر على عبادته وطاعته ودراسة كتابه دراسة متأنية لنحيا به ونحيي به الأمة التي كنا وما زلنا نبكي حالها ومآسيها.,..تعالوا نترك المسلسلات ونقبل على ربنا في أيام معدودات لنفوز بالعتق من النار ونحقق
(لعلكم تتقون)

على فكرة كل المسلسلات تعاد عشرات المرات بعد العيد مباشرة لمن يريد...لكن خسارة كبيرة أن نضيع فيها الوقت وكذلك الساعات المهدرة على النت في الرغي والتصفح...والله يا جماعة لساعة يخلو فيها العبد مع ربه يناجيه ويشكو له ويبكي بين يديه ويستشعر فيها أروع احساس وأروع لذة في هذه الدنيا لهي خير من الدنيا وما عليها...اللهم أعنا على ذكرك وشكرك وحسن عبادتك وارزقنا الاخلاص والثبات

أحــوال الهـوي said...

خايف اتكلم
تقولي بيتكلم

رمضان كريم
تحياتي