Friday 7 August 2009

انا لسة باذاكر بس بالنوسبة للميتال

اصل انا مش بت كول، كل ما اكلم حد اليومين دول ياخويا الاقيهم بيقولوا لي: باسمع ميتال
هي هوجة الميتال دي طلعت تاني؟ مش كانت طلعت من ييجي عشر سنين ايام العيال العبيطة اللي اتهموهم بانهم عبدة شيطان وهم مش اكتر من عيال سيس؟
اياميها قريت عن الميتال بس ما اهتمتش اسمعه، واليومين دولم ناس محترمة كده والاقيهم بيقولوا لي باسمع ميتال قلت اما اسمعه
ايه ده؟ ده بالنوسبة لايه يعني؟
انا مش عايزة ازعل حد مني، بس الفنون بشكل عام والمزيكا بشكل خاص متصلة بالمشاعر، والمشاعر دي مفتاح شخصية اي بني ادم، وبارتياح تقدر تقول انا اعرف شخصية البني ادم الفلاني لما تعرف هو بيسمع ايه، عشان اللي بيسمعه بيعبر عن مشاعره، ايه اللي بيفرحه، ايه اللي بيحرك مشاعره ويخليه يعيط مثلا، ايه اللي بيحسسه انه في حالة حب..إلخ
اللي بيسمع ميتال ده، لو عايز يسمعها عشان يبقى واد كول وطالعة مودا على عيني وعلى راسي، كل العيال الصغيرة بيحبوا يبقوا كول
لو مؤمن بالفلسفة بتاعتها برضه على راسي هو حر انه شايف الشيطان مظلوم :) هو ادرى، والاخوة الخواجات لهم حق يشوفوا الشيطان مظلوم لما يقارنوا افعاله بافعالهم وكم القتل اللي بيقتلوه للناس والبلطجة اللي بيبلطجوها على البشر
لكن اللي كبر على انه يعمل كول في سنه ده (زي الناس اللي انا اعرفهم دول) وانا عارفة انهم مش شايفين الشيطان مظلوم ولا حاجة ولا لهم فلسفة اصلا في الحياة، بيسمعوا المزيكا دي عشان ايه؟ عشان يستطعموها؟ وتحرك مشاعرهم؟ مشاعر ايه اللي بتحركها؟
تاني انا مش عايزة ازعل حد مني بس يسمحوا لي اقول لهم: ايه كمية غلظة الحس والمشاعر الحلاليفي اللي جواكوا دي؟ دي مشاعر حلاليفي، وانا لما سمعتها ما قدرتش اكملها وما اثارتش جوايا حاجة غير اني اتخنقت، حسيت (بجد وبدون مبالغة/ اول مرة احس الحساس ده) ان فيه واحد ماسك رقبتي وبيحاول يخنقني
الواحد لما يبقى متضايق وللا عنده مشاكل بيسمع مزيكا عشان يروق دماغه، لكن الواحد عشان يسمع حاجة زي دي، لازم يبقى قاتل قتيل وناشره بالمنشار وساب جتته جنبه لما عفنت ونفسه ينسى
انا شخصيا مش ح اعرف الناس دي تاني، ونصيحة لوجه الله ما تعرفش انت كمان حد بيسمع ميتال، لما دي المزيكا اللي بيسمعوها امال لما بيتخانقوا وبيشتموا بيعملوا ايه؟ 
الفيديو ده مدته اربع دقايق، انا وصلت لحد الدقيقة 1:46 وما قدرتش اكمل لان اللي كان بيخنقني اتك على رقبتي قوي
بالنوسبة للي فتح الفيديو... انا اسفة، اتضايقتوا؟

41 comments:

مواطن مصري said...

الصراحة انا اخرى في الميتل ميتاليكا و

ممكن اسمع اغنيتين ل lamb of god

و بعدين دول death metal يعني

اغاني عبدة الشيطان

و الميتل انواع

انا كان ليا ناس اصحابي متيلة بس الحمد الله تابو من الميتل و بيسمعو ترنسات

دة فية فرق العن من فرق دي

ب النسبة ل الشيطان لما نقارنة بافعال
--------------------------------

ليكي في الراب اسمعي راب المصري

ثورة المزيكا الجاية
في مصر

اسمعي MC AMIN او AK او مودي راب

دة موقع فية اغاني امين كلها
http://www.movedancestudio.com/Amin/index.html

طبعا لو راب انجليزي اسمعي NAS و RAKIM

متسمعيش ل 50CENT

mido said...

2,026,784

شافوا

الكليب ده

بس انا شايف الناس عمالة تشتم فى التعليقات

:D

مواطن مصري said...

انتي لية مش كاتبة عن هبة نجيب

شوفي اخرة الوهابين و الاخوان

هبة من حقها ترجع
http://www.youtube.com/watch?v=WwYYPk4TodI

http://precipices.blogspot.com/

دي مدونتها

احمد سعيد said...

طب ونا اوجع دماغى ليه

ما انا ممكن اقف فى وسط اكبر موقف ميكروباس فى مصر
واستكنيص من كونشرتو سب الدين والكلاكسات ونعير شرايط الكاسيت


او اقعد وسط زريبه فيها 150 بهيمه عشر

او ارمى حته لحمه لكلاب الجبل على طريق السويس والمهم واتمزج بسيمفونيات الهوهوة

اعتقد هتعمل دماغ احسن من كدة يعنى

Kalimalhus said...

قلتيلى إستحملتى كام دقيقة؟.. أنا ماكملتش دقيقة على بعضها و كان ممكن أروح فيها لو ملحقتش نفسى باللينك التانى .. هو صحيح سينتيمنتال مهترئ حبتين بس أنا بحب الساوند تراك بتاع الجود فازر بشدة..

شوفى أنا إتعودت من زمان إنى أدع الخلق للخالق و الناس لأذواقهم .. خصوصا إنى فى حالات كتير بلاقى ذوقى ما بيعجبش غيرى .. يعنى أنا مرة شغلت سى دى مختارات من ذا فانتوم أوف ذا أوبرا فى المكتب و الناس فهمونى إنهم هيستقيلوا لو ماقفلتهاش.. و أنا حليت المشكلة و سيبتلهم المكتب و إشتغلت من بيتنا :)

الفكرة إنه قد يصعب عليكى إنك تتصورى العالم اللى بيسمعوا الكلام ده بيستمتعوا بيه إزاى لكن كل شيئ وارد..

إنتى هتخلصى مذاكرة إمتى؟ حد يذاكر فى الحر ده؟ .. ربنا يكون فى عونك..

soreal said...

ألأخ أحمد سعيد ده مش ممكن!

أنا شخصيا مليش في الميتال ده .
neo jazz , trip hop و melodic trans كفاية عليا أوي

و كشكر على أندريه رو.....

http://www.youtube.com/watch?v=VdCQ9NxxyTo

:)

Rising Force said...

انا متهيألي الموضوع محتاج توضيح شوية.
الميتال ده مش نوع واحد ده أنواع كتيرة و متنوعة جدا ، فيها أنواع بتاخد من مدارس موسيقى معروفة و تطور فيها زي الموسيقى الكلاسيك والجاز و الموسيقى الشرقية ، و فيها الزبالة زي الفيديو اللي انتى حاطاه هنا ده.
في رأيي ان بعض أنواع الميتال زي (النيو كلاسيكال ميتال) و (البروجريسيف ميتال) بتمثل تطور كبير و مهم في شكل الموسيقى التقليدية (الكلاسيك و الجاز على الترتيب) ، حتى ان بعض كتاب الخيال العلمي افترضوا ان موسيقى الميتال ستكون هى السائدة في المستقبل بما تحمله من روح الثورة على المألوف و عدم التقيد بتقاليد محددة و عدم الارتباط بمدرسة موسيقية معينة.
أما موضوع الاعتقاد بارتباط الميتال بعبادة الشيطان فهو غير صحيح ، و تم دعمه للأسف لدى عامة المصريين بسبب المعالجة الإعلامية الساذجة للقضية المشهورة في التسعينات، و لكنها في النهاية نوع من أنواع الموسيقى كأي نوع اخر غير مرتبط بفكر معين.

محمد فوزي said...

الله ينور عليكي

Moh'd Shaltaf said...

ايوة بس انا عرفت السبب
لو حضرتك تكرمتي علينا وترجمتي الكلمات عشان اللحن ينسجم مع المعنى

شكرا على الموسيقى الرائعة

اسمعي هاي كمان
مختلف شوي بس آخر رواء

http://www.box.net/shared/tvaedyzzja

Unknown said...

rising force

ده بروجريسيف ميتال
http://www.youtube.com/watch?v=p04iuZJuoL0

وده نيو كلاسيك ميتال

http://www.youtube.com/watch?v=9Kl_t2Dl3v4

ده يتقال عليه مزيكا؟ ده القطط بتوعي جريوا من الاودة لما فتحتهم

ودي فلسفة الهيفي ميتال
http://www.anus.com/metal/about/philosophy/

http://www.squidoo.com/satanicmusic

وارتباط الهيفي ميتال بفلسفة معينة مش هو المعني بالنسبة لي لان دي اراء فلسفية شرحها يطول

لكن دي مزيكا؟

دي مزيكا؟
يعني الواحد المفروض يحس بايه لما يسمع الهلع ده؟

والموسيقى دي لو بقت سائدة يبقى انا ح اهاجر المريخ

الحمد لله انه خيال علمي

Unknown said...

يا جدعان الجاز والترانس حاجة تانية
مزيكا يعني فيها اغاني حلوة وفيها اغاني وحشة

انما البتاع ده مزيكا؟ انتوا مش شايفين شكل اللي بيعزفوه

طب انا نفسي افهم شكلهم كده ليه؟

Unknown said...

الفيديو التاني سنتمنتالي مهترئ؟
:)
ماهو انا سنتمنتالية مهترئة
هههههههههههههه
انا باحب اندريه ريو
وباحب الاطفال كمان

زي الواد ده اللي نفسي اكل خدوده
http://www.youtube.com/watch?v=H8N4C-s9NSE

صباح الصباح said...

هوة صحيح الميتال تحس انهم جماعة جايبين كل حلل بيتهم ونازلين رزع رزع فيها بس برضة فية اغانى تحفة

جربى مثلا فريق mettalica
اغنية unforgiven

عندك كمان فريق dire straits
اغنية brothers in shoulder.

مواطن مصري said...

هو البلاك و الديس و الفامبير ميتال اسوءانواع الميتال

Wild at Heart said...

مش كل الميتال دوشة ووجع دماغ، في ميتال بيحقق المعادلة الصعبة إنه ميتال وفي نفس الوقت بيعبر عن المشاعر
خدي عندك Linkin Park
Within Temptationو

Fatma said...

ههههه

الناس فيما يعشقون مذاهب

مانكرش في حاجات ميتال مش بطالة بس انتي بتحسي ان حد بيخنقك لما بتسمعيها انا بحس ان في شياطين بتطلع من الارض
كتير كتير كتير ورا بعض
شفتي الخيال :)

انا بردو الى حد كبير سنتيمانتالية مهترئة باين وذوقي قدييييييييييييييييم اوي سواء عربي او اجنبي
خدي دي هدية مني ليكي

http://bit.ly/3lE6KN

البنفسج الحزين said...

ازيك يا نوارة انا باتابع المدونه بتاعتك من فترة طويله بس دي اول مرة اكتب تعليق وانا معجبه جدابشخصيتك وطبعا بخفه دمك واتمني نكون اصدقاء اما بالنسبه للميتال ميوزيك فطبعا معاكي حق يا نوارة دي موسيقه دمويه ومخيفه. اصلا مفيش اجمل من الموسيقي الهاديه اللي بتريح الاعصاب.

Ahmed Mohamed said...

اهوه النوع ده من الفن الغير مبرر
زي نوعية افلام
saw
نوعيه من الفن غير مبرره
ولا ليها معني ولا طعم ولا اي حاجه
الاولي نهيق وتنعير وعصبيه وشد في الشعور
والتاني دم وقتل وتكسر عظام
حاجه كده وكأنك عايش في السلخانه
بهايم وجزارين ودم

الغرب دايما بيعمل افتكسات
واحنا نعملها موضه ال عشان نبقي كول
ياراجل علي رأي المثل
هتبقي كول وانت بتاكل فول ؟

Unknown said...

كويس انك جبت سيرة فيلم سو

اهو ده نيميوذج للسيناريست والمخرج المرضى

عموما زي ما الشباب قالوا هي اذواق
!!!!
عادي يعني انا كنت اعرف واحد بيحب جورج وسوف وجايب له شرايط
مش عشان يضحك ولا حاجة
عشان يسمعه

مواطن مصري said...

و النبي بلاش سيرة جورج وسوف دة انا مش عارف الناس بتحبة على اية و اخد لقب سلطان الطرب على اية


كل اغانية صداع و صوتة وحش

فلم سو جزء الاول احلى واحد من الخمس اجزاء

مواطن مصري said...

شوفي الموضوع عندي يا نوارة عن موضوع ازمة المياة النيل بين حوض دول النيل

Unknown said...

والله انت لو ح تتفرج على جورج وسوف وهو شبه عبد المنعم ابراهيم وصوته زي صوت كبير الرحيمية وبيزعق في الجمهور عشان تضحك يبقى شغال
انا شخصيا ممكن اتفرج عليه عشان اضحك
بس الغريبة ان فيه ناس بتحب صوته ههههههه
يمكن ولاد نكتة وللا حاجة

Unknown said...

الناس اذواق فعلا

مواطن مصري said...

اسمعي راب مصري

NaS-YeeN..

http://www.4shared.com/file/121850618/10327046/NaS-YeeNMak-D_ft_3ala2_fo2ad__Produced_by_Mak-D__.html

مواطن مصري said...

دة فيديو لنفس الرابررز المصري احسن من الكليب الميتل دة


http://www.youtube.com/watch?v=22O3ecXiIW4

اتفرجي علية حلو

TAFATEFO said...

الميتال ومالناش

انما كونك مش حابه جورج وسوف فدي مشكلتك مش مشكلته

أكتر 5 أغاني بحبهم على الإطلاق زمن العجايب واحده منهم

جورج وسوف ده سلطان الطرب

Rising Force said...

انا هاقولك يا ستي ايه المشكلة في الميتال عموما بكل أنواعه،و اللي مخليه منفر بالنسبة للناس الغير معتادة على النوع ده من الموسيقى.
المشكلة في (الدستورشن)
Distortion
و هو الصوت المعدنى اللي بيتم عمله عن طريق الجيتار الكهربي، و على ما أعتقد هوا ده السبب فى تسمية نوع الموسيقى ده بأسمه.
الدستورشن ده عبارة عن تجمع لعدد كبير من النوت الموسيقية في أقل زمن ممكن (و هو مؤذي جدا للأذن على المدى الطويل بالمناسبة).
فالصوت ده هوا اللي بيتسبب في حالة النفور بالنسبة للأذن الغير معتادة عليه، و لكن بالتعود عليه أو تجاهله هانلاقي ان فيه فعلا موسيقى كويسة بتتلعب(و ده برضه اللي بيفرق الكويس من الزبالة، الزبالة لو شلنا منه الدستورشن مش هانلاقي موسيقى أصلا، لكن الكويس هايفضل كويس بغض النظر عن الآلة اللي بيتلعب بيها)
و كمثال على الكلام ده:
التراك ده اتلعب سنة 1984
Yngwie Malmsteen - Icarus' Dream Suite Op4

http://www.youtube.com/watch?v=yDVwqTLS7d0

و بعد كده عمل منه اصدار كلاسيكي سنة 1998
Yngwie Malmsteen - Concerto Suite - Icarus Dream Fanfare

http://www.youtube.com/watch?v=kyBj3vNI1g8

و ده تراك تاني من نفس الحفلة سنة 1998
Yngwie Malmsteen - Concerto Suite - Fugue

http://www.youtube.com/watch?v=dJXUXCQb97I

رجائ سماع المقطوعات للنهاية للحكم عليها كمقطوعة موسيقية كاملة، و ماتخافيش يا ستي مافيش دستورشن غير في أول واحدة بس و مش تقيل قوي
:)

Anonymous said...

للناس فيما يعشقون مذاهب

دي اذواق ..... وفي ناس بتحب ان حد يدوس على رقبتها :)

بس انت ذوقك تمااااااااام
شكرا على اللينكات

مواطن مصري said...

شوفي دة فري ستايل راب مصري


http://www.youtube.com/watch?v=9t3CAZ8yc_g

Revolution Records freestyle

مواطن مصري said...

خدي الموقوع دة

http://www.sharek.eg/

تلتقى مجموعة من شباب المعيدين والمدرسين المساعدين بالجامعات ومراكز الأبحاث مساء يوم الأربعاء ١٢ أغسطس ٢٠٠٩ مع جمال مبارك، أمين السياسات بالحزب الوطنى الديمقراطى، فى حوار مفتوح حول كافة القضايا التى تهم الشباب وتتصل بمستقبل مصر، وذلك بمقر الحزب فى القاهرة. وسيتم بث هذا اللقاء بشكل مباشر عبر هذا الموقع .


هههههههههه

amksep said...

الإنسان خير و شر وزي ما في موسيقى بتعبر عن خيره لازم يبقى في موسيقى بتعبر عن شره

زي ما في موسيقى بتعبر عن فرحه أو شجنه أو حزنه لازم يكون فيه موسيقى تعبر عن غضبه و كرهه

مواطن مصري said...

شوفتي دة طيب

http://www.youtube.com/watch?v=tNOQ6Bl5M3Q

لقاء السيد جمال مبارك بشباب الجامعات بجامعة المنصورة


هههههههههههههههههههههه و عاملين قناة على اليو تيوب للحزب الوطني كمان

مواطن مصري said...

اسف على تعليقات الكثيرة بس و النبي اسمعي دي جمال مبارك بيتكلم عن المقاومة

http://www.youtube.com/watch?v=o44_WJnzAvQ

Unknown said...

اذا سألت معظم المصريين عن اي شئ .. نادر و نادر جدا انك تسمع كلمة " في الحقيقة معرفش" . في شئ في الشخصية المصرية بيصور عدم المعرفة بالضعف و الضعف بالذل و الشخصية المصرية لها كبرياء لا تسمح لمثل هذه النقائص ان تلتصق بها. فالكل خبير في كل شئ و في اي شئ. و رغم ان الانترنت احدثت ثورة معلوماتية بمعني ممكن لاي شخص ان يكون راي عن شئ لا يعرف عنه شئ و لكن بواسطة الانترنت يستطيع ان يلم بهذا الموضوع فاذا تحدث كان حديثه مبنيا علي معلومات صحيحة .. رغم هذا تجد الكثير من المصريين ينتهجون اسلوب الفهلوة في الافتاء في اي شئ و كل شئ.

هذه الخواطر جالت بخاطري و انا اقرا بعض التعليقات. و قد كان من السهل البحث علي النت في موقع مثل اليوكيبيديا للالمام بالصورة العامة بدلا من التخبط الواضح في التعليقات الذي يدل اننا رغم الانترنت لا زلنا نعتمد الفهلوة منهجا في الحياة
http://en.wikipedia.org/wiki/Rock_
music#Hard_rock_and_heavy_metal

ليس مطلوبا من كل قرد ان يستسيغ كل انواع الموسيقي فهناك عوامل النشأة و البيئة و التراث و لكن من المهم اننا لا نسفه اختيارات الاخرين فقط لانها لا تعجبنا و لا ننسي ان ما يعجبنا قد لا يعجب الآخرين و لكن نتوقع الا يسفهنا الاخرون علي ذوقنا و اختياراتنا. فعلي سبيل المثال معظم المصريين و خصوصا الاجيال الحديثة لا يستمعون الي الموسيقي الكلاسيكية الا نادرا و في اضيق الحدود رغم ان الاستماع لهذه الموسيقي يعتبر من علامات الرقي الثقافي في اوروبا و لكن هم يتفهمون ان الثقافات الاخري ليست مطالبة بان تتذوق ثقافاتهم و تفضلها.
اما روائع اندريه روا و بول ماريو و فاستو بابتي فاذا سمعها الامريكي امتعض و فال لك "هذه موسيقي ال
call waiting "
بمعني انها موسيقي اي كلام
و قد كنت و لا زلت لا افضل سماع موسيقي الراب و لكن هذا لا يمنع من وجود بعض الاستثناءات مثل
Black Eyed Peas - Where Is The Love?
http://www.youtube.com/watch?v=ojpbOJjrGBQ&feature=channel_page
و ايضا
Heavy D & The Boyz - Now That We Found Love
http://www.youtube.com/watch?v=L--WvesoCf0

و كان و لا يزال راي في ال كنتري ميوزيك انني لا استطيع ان اسمعها بسهولة و لكن طبعا لان كل قاعدة لها ايتثناءات فعلي الرغم ان جول و ليان راميس مصنفتان كمغنيتان للكنتري ميوزيك فمن السهل الاستماع لهما في

Jewel - You Were Meant For Me
http://www.youtube.com/watch?v=fGj77BrEgj4&feature=channel_page
و ايضا
LeAnn Rimes ~Can't Fight The Moonlight
http://www.youtube.com/watch?v=_BZutryIr1M&feature=channel_page

مهندس مصري بيحب مصر said...

لا بأحب الميتال و لا بأطيق جورج وسوف
بس للناس فيما يعشقون مذاهب
و لولا إختلاف الأذواق لبارت السلع

Rising Force said...

بالنسبة لموضوع فلسفة الهيفي ميتال :
الميتال عموما هو نوع من أنواع الموسيقى ظهر كتطور لموسيقى الروك و استحداث بعض التكنيكات الموسيقية الجديدة اللي ارتبطت بعد كده بالميتال، و مع الوقت تشعب النوع ده لأنواع كتيرة متعددة، و لكنها في النهاية غير مرتبطة بفلسفة أو فكر معين.
ربما حاول البعض ربطها بأفكار كعبادة الشيطان ، أو حاول بعض المجانين من "المتيلة" اختراع فلسفة تخص نوع أو اخر من أنواعها ، لكنها في النهاية محاولات لاضفاء بعد فلسفى و فكري غير موجود غالبا على هذا النوع من الموسيقى الذي نشأ أساسا للاستماع له كنوع من أنواع الفن الموسيقى (نتفق أو نختلف على ذلك)و ليس كمدرسة فكرية أو فلسفية.

مش فاهمه said...

نوارة
ايه مزيكا
godgather
انا اتروقت خاااااااااااالص لدرجه انى مش عايزة اشوف ولا اسمع حاجه تانيه بعدها ....شكرا يا نوارة على لحظات السعاده دى ربنا ينجحك يا بنتى و تنولى كل ما تتمنى

الا باحق بمناسبة الذوق الحلاليفى ما اتكلمتيش ليه عن سيد القمنى ؟؟؟؟؟

Ahmed Fawzi said...

هو الكوميدى إن موسيقى

God father
كان بيتم قتل ناس على أنغامها فى الفيلم بشكل شديد الشاعرية :)))))))))))))

مواطن مصري said...

نواررررررررررررررة سمعتني عن سياسة
الالاستخدام العادل اية رائيك في الموضوع دة


يعني من النهاردة مفيش نت

Ayman Elkholi said...

بالراحة شوية يا نوارة

أنا متفق مع بينك و رايزينج فورس في حاجات كتير. الموسيقى دي نتاج حالة نفسية بتمر بصاحبها و أداة تواصل مع أنفس الآخرين. و مش شرط خالص اننا كلنا نقدر نتجانس نفسيا بالشكل اللي يخلينا نبلع كل أنواع الموسيقى كأنها بستلية

أنا قفشت نفسي بابكي مرات و انا باسمع كونشرتوهات كلاسيك و مرات و انا باسمع نو-ميتال. و كانت حالات نفسية رائعة. لما بالعب على الكمنجة من غير نوتة ولا حد بيسمعني باعيش تقريبا نفس لحظات التواصل دي... لكن الأغنية اللي انتي لبستيها دي بصراحة زفت

توزيع زبالة... أسوأ استخدام لصوت الصراخ الحيواني الوحشي اللي المفروض يتناسق مع الكلمات بشكل حواري... صاحبك فرحان بزوره

قصدي بس أقول بالراحة ع الناس.. انتي طبعا أدرى باصحابك... بس دي بتبقى حالات نفسية... حلاليفي بقى بهايمي... زي ما تطلع

http://www.youtube.com/watch?v=wbcuteYm-EA

تطلع

http://www.youtube.com/watch?v=FsOOQB0uA5Q&feature=related

Ahmad Elmahdy said...

يا لهوى
ايه الأى كلام اللى انا شفته و قريته دا

و بعدين هو انتى جاية فى (.....) الميتال و تشميها
!!!!

الأغنية دى (....) الميتال

على فكرة
اكتشاف بعد ما ودانى سمعت كل انواع المزيكا تقريبا

اللى مبيتذوقش أنواع معينة من الميتال .. مضحوك عليه

ضحكوا عليه بشوية الهبل بتاع العيال المطيورة بتاعت عبدة الشيطان

فى اغانى ميتال احساسها عالى جدا مش اى حد يقدر يحسه

و اشطة يعنى مش هنختلف على انها مسألة اذواق و لولا اختلاف الاذواق و السلع البايرة و الكلام الخايب دا

بلا وكسة

:D