Wednesday 5 August 2009

طب وهو السادات عربي؟

ايه الاهانة للعرب يعني في انهم يسموا اسم كلب على اسمه؟ يعني ممكن ناس تزعل عشان بتحب السادات ده موضوع تاني، بس ان ناس تقول دي اهانة للعرب، هو السادات عربي؟ مش هو ده صاحب الكلمة الشهيرة: العرب جرب؟ ومش هو اللي قال على العرب: دول اعراب والاعراب اشد كفرا ونفاقا، اذا كان ربنا بيقول عليهم كفار
:)
والله كان راجل انتيكا
على اي حال، هو كان بيحب الامريكان موت موت موت موت موت مووووووووووووووت مووووووووووووت
وباع لنا البلد لجل عيونهم
والامريكان بيحبوا الكلاب موت موت موت موت موت مووووووووووووووت
وعلى رأي الاخ ده بيعاملوهم احسن من عيالهم
It should be noted that in the United States, people treat their dogs better than they treat their children. This is why someone here will demean another by calling him a “child.” Naming dogs after people is often seen as an honorific. So there can be cultural disconnect over the dog issue.

طب المرحوم كان بيحب الامريكان و"عشان خاطر كارتر عشان خاطر كارتر" على راي بطرس غالي اللي سماها اتفاقية عشان خاطر كارتر، والامريكان بيحبوه وبيحبوا الكلاب وبيعاملوهم احسن ما بيعاملونا احنا واحسن ما بيعاملوا حتى عيالهم واحسن حاجة يعملها امريكي مخلص لصاحبه انه يسمي اسم الكلب على اسمه كنوع من انواع التكريم
(يعني منتظر يا عيني ما عرفش يشتم بوش.. اتاريه الابعد كان بيضحك)
والمرحوم كان بيكره العرب كأنهم اتجوزوا امه وعلى راي النكتة الشهيرة: طلع الاسرائيليين من سينا ودخل الامريكان مصر
مالنا احنا بقى زعلانين ليه؟
واللي زعلان يزعل براحته، ح يتمحك في العرب واهانة العرب ليه؟ دلوقت بقى افتكروا ان فيه حاجة اسمها عرب؟ لا وح يعملوه رمز عربي كمان؟ ده من امتى الكلام ده؟ ده لو كان عايش وحد قال له انت رمز عربي كان 
"فررررمه"   

36 comments:

TAFATEFO said...

طب وهل ممكن نعتبر السادات مثلاً مثلاً يعني لا قدر الله رمز مصري؟؟ أو يعني كان في يوم من الأيام رئيس لـ مصر .. ونعتبر ان دي إهانة لـ رمز مصري

بصرف النظر عن اللي بيحب السادات أو اللي مبيحبوش؟؟

أعتقد يعني ان عبدالناصر لو شتمته أمريكا .. الناس هترفض ده وتدينه لأنه رمز مصري .. كذلك مبارك .. بصرف النظر عن كونهم بيحبوه أو لا .. لأن الشتيمه مش لشخصه بقدر ما هي لرمزيته باعتباره رئيساً لمصر

soreal said...

my exact thoughts when i read about it in the egyptian chronicles..

مواطن مصري said...

ma3lesh ya3ne kolo ala el sadat ah a7ana bs ne5lt fih masreyn ma3 ba3dena anma amrecane ya5lt sorry yab2 keda yaba2 obma nigero not free african kolo ela el sadat

مواطن مصري said...

nawara ma3lesh 3ala el francoarab da5l men el mob

Unknown said...

لا مش ممكن نعتبر ان السادات رمز مصري
عشان كارتر بنفسه قال له: لو رشحت نفسك في انتخابات اسرائيل او امريكا ح تكسب باكتساح
وهو فرح
ما اعتبرش دي اهانة
لكن عبد الناصر لما مات اسرائيل ذاعت اغنية: افرح يا قلبي

رمز مصري
كحك
هي مصر دي ماشية تلم الزبالة لما فرجت عليها خلقه

Unknown said...

يا مواطن الامريكان ما غلطوش
هم فعلا بيحبوا الكلاب وبيحبوهم اكتر من البني ادمين وقصة الكلبة المشهورة (كلبة عراقية) اللي اتبنتها الجندية الامريكية اللي هي بنفسها حرقت البيت على السكان وبعدين لقوا كلبة جوة قاموا دخلوا انقذوها

ده زي ما تقول عندنا كده فلان ده اسد
زي ما يبقى واحد عنده حصان ومسميه على اسم حد بيحبه

وبعدين مخرج الفيلم ستيفن سبيلزبرج وده صهيوني

مافيش صهيوني على وجه البسيطة بيكره السادات

TAFATEFO said...

وبالتالي لا يمكن نعتبر السادات رمز مصري

:D:D:D:D:D

هو في أسهل ولا أحلى ولا ألطف من كده في الدنيا .. ربنا يديم نعمه على عباده .. جولي انشالله

Unknown said...

اساسا كلمة رمز مصر دي كلمة غبية قوي
من اغبى الكلام اللي بيروج له الاعلام المصري العقيم عشان يعمل تابوهات معينة

يعني ايه رمز مصر؟
الا مصر دي البلد الوحيدة اللي لها سمعة كأنها انسة على وش جواز ولها رموز كأنها كلمة قبيحة

يعني ايه رمز مصر؟

ايه الكلمة الغبية دي؟ طب القناة الاولى والبيض بيضك بيقولوا الكلام ده عشان يبرمجوا مخ الناس

وبعدين يعني اشمعنى عوكل مش رمز مصر على كده؟

ده احنا مبهدلين الراجل

ولما بوش هزأه ماحدش زعل عليه
ولا اعتبرها اهانة لمصر
ولما بوش اخد بالجزمة مافيش امريكان زعلوا عليه ولا قالوا: اهان رمز امريكا

عشان مافيش بلد لها رمز
البلد بلد
لا ليها سمعة ولا ليها رمز
ده في القسم الكلام ده

Unknown said...

وبالمناسبة سبلزبرج لو حب يطلق اسم عبد الناصر على حيوان مش ح يطلقه على كلب
ح يطلقه على خنزير زي ما عملوا قبل كده مع الرسول

وبعدين ما عبد الناصر والسادات بيتشتموا
هم مقدسين وللا انبيا؟
اذا كان الانبيا بيتشتموا

واطلاق اسم السادات على كلب مش شتيمة بالنسبة للامريكان

والحقيقة هي مش شتيمة خالص
على الاقل مافيش كلب ندل ويبيع اهله

TAFATEFO said...

may you please check this?

أظن حضرتك عارفه كويس جداً رد حضرتك على كلامك .. أصل حضرتك سبق ورديتي على كلام شبهه قبل كده

Unknown said...

آرائك عن السادات مشوبة بتجربة شخصية مما يحعلها غير موضوعية. بمعني آخر اللي عاوز يحكم علي شخص ما مينفعش يكون بينه و بين هذا الشخص ثأر بايت و الا حكمه في هذه الحالة سوف يتسم بعدم الحيادية. و هذا ليس دفاعا عن السادات فلكل رئيس حسناته و سيئاته. اما في حكاية ان الامريكان بيحبوا الكلاب فماذا سيكون موقفك لو كانوا اطلقوا علي الكلب في الفيلم اسم "حسن نصرالله" ؟

Unknown said...

يا استاذ
pink
ارائي عن السادات هي الاكثر مصداقية لانها مبنية على تجربة شخصية

لما انت تقولي عويس حرامي
اقول لك عرفت منين
تقول لي ده سرقني انا شخصيا

لو قلت لك لا ياشيخ انت بس عشان سرقك بتحكم عليه من واقع تجربة شخصية لكن ده مش معناه انه حرامي

لو قلت كده ابقى ولية مجنونة

مش كده؟

Unknown said...

وبالمناسبة

هم اطلقوا اسم نصر الله على خنزير
في اسرائيل

وامريكا بيرسموه على انه شيطان

وعلى فكرة تاني

لا اللبنانيين ولا حتى بتوع حزب الله قالوا دي اهانة لرمز لبنان عشان لبنان مالهاش رمز الا لبنان نفسها

وزي ما قلت
مافيش بلد لها رموز وسمعة غيرنا

Unknown said...

مصطفى انا شفت البوست ده
انت بتديهولي تاني ليه؟
وزنوبيا عايزة تحاكم البشريات كلها عشان فيلم كوميدي

مواطن مصري said...

Ya nawara el sadat ramz masry zay nasr we na5tlf aw natfek ma3ahom dah she2 ya5os el masryen mesh el 5orb bas fe el a5r howa tab3ana we ahaNa lehom aknhom byshtmona

Unknown said...

لا السادات رمز ولا ناصر رمز ولا فيه حاجة اسمها رمز
وينعل ابو القناة الاولى

Unknown said...

نوارة ازيك
---------------
المشهد شوفته فى الحياة اليوم
و حرفعه و ابعتلك اللينك

Unknown said...

اه ده المشهد ده موجود
فى اللينك اللى قال عليه مصطفى
طب تمام

Unknown said...

المثل بتاع عويس صح و هو يثبت وجهة نظري كما انه لا ينطبق علي حاكم دولة له دور في جميع جوانب الحياة السياسة و الاقتصادية و الاجتماعية و العسكرية و الثقافية و العلاقات الدولية الخ. فلو طبقنا هذا علي مثل عويس نجد ان تجربتي الشخصية عن عويس انه حرامي و هو صحيح حرامي سوف تؤثر سلبا علي حكمي عليه في جوانب اخري من شخصيته او صفاته او اعماله و هذا الاسقاط السلبي سوف يجعل حكمي عليه غير موضوعي و غير محايد. و الرؤساء غير الافراد لهم اعمالهم الجيدة و لهم سقطاتهم ايضا و معيار الحكم عليهم يتم بالنظر الي مجمل اعمالهم لذلك يصبح الافراد الذين تضرروا شخصيا او استفادوا شخصيا من رئيس ما يصبح حكمهم عليه مشوبا بالتحامل عليه نتيجة تتضررهم او مشوبا بالمجاملة نتيجة استفادتهم. اما بالنسبة لحضرتك فلا احد يطلب منك ان تتجردي من تجربتك الشخصية مع السادات لان هذا غير ممكن لمعظم البشر و هذا هو السبب ان حكمك علي السادات سيكون غير موضوعي فسوف ترين اي شئ عمله السادات بمنظار سلبي.

لم نجاوبي علي سؤالي .. لو كان الفيلم اطلق علي الكلب اسم "حسن تصر الله" او اسم "خالد الاسلامبولي" هل كنت ستقولين انه شئ عادي و انهم لا يقصدوا اي اهانة ؟ سؤالي عن رايك انت و ليس عما سبق للامريكان او الاسرائليين فعله و لا عن موقف اللبنانيين.

ممكن ان نختلف علي رمز مصر فهذا شئ نسبي لكل فرد و لكن ما لا يمكن لا احد ان ينكره ان السادات جزء من تاريخ مصر المعاصر.

لماذا يضيق صدرك بالمناقشة؟ و ما حكاية يلعن ابو القناة الاولي ؟
آسف للاطالة

ســـــاره said...

انا حقيقي مابقتش فاهمه

ناس تمجد في السادات وتقول انه احسن رئيس مر على مصر ده كفايه انه رجعلنا ارضنا !!

وناس تنتقده وتحسس اللي قدامها انه خاين وعميل !!

اصدق انهي موقف بس

Anonymous said...

الفيلم فيه ااهانه للمصريين ...... لما يقول لصاحبه على اسم السادات "الرئيس المصري "

وأكيدد هو رمز للمصريين ...... اتفقنا او اختلفنا عليه

وفي فرق بين النقد والأباحه ....... والفيلم فيه شتيمه رسمي

ومع احترامي ..... عبد الناصر كمان رمز مصري ...... ورمز عظيم كمان
وده تاثير قناه الجزيره موش القناه الأولى ...... وربنا يخليلنا الأستاذ هيكل

أبو أمير said...

طلب ملوش علاقة بالموضوع
حد يعرف عنوان موقع المركز القومي للترجمة على الانترنت
علشان محتاجه ضروري

احمد سعيد said...

مش الاخ كان بيحب الامريكان وبيموت فيهم

طيب ادى اخرتها ياسوسو

دة فعلا يثبت ان النخبه المسيطرة فى امريكا هى اقذر نخبه فى تاريخ الجنس البشرى كللللللللللللللله

امريكا هى البلد الوحيدة اللى محدش ركن عليها وخد منها قشرة بصله

طب دا السوفييت براخمتهم وغلاستهم كانوا ارحم الف مرة


على الله البعيد اللى فى بالى يتعظ ويفهم

ولو انى اشك انه لسه عندة مخ اصلا


بكرة يطلقوا اسمه على كركدن يربوة فى حديقه البيت الابيض

:D

Unknown said...

مافيش حاجة اسمها رمز مصر
ولو عايز يرمز لمصر فعلا كان قال مبارك عشان مبارك هو الرئيس الحالي

والسادات يستاهل كل خير الحقيقة
خرب بيتنا على كل مستوى
وكله عشان خاطر امريكا
ده كفاية اني عمري ما شفت حد محترم بيحبه

tuhamy said...

الحاجة الوحيدة الي علشانها بحب السادات إنه في فترة حكمة


كان كل سنة بيعمل حاجة
زعيماً ، كان السادات يعدد السنوات كالآتي
1971 : ثورة التصحيح وماأدراك وقتها ماهي مراكز القوى والمعتقلات والتسجيلات السرية
1972: طرد الخبراء الروس وهو خبر لو تعلمون صعوبته لمن يعرف الموقف وقتها ولا يأتي إلا من زعيم
1973 : حرب أكتوبر
1974 : سياسة الإنفتاح .. وإن كانت لم تطبق بالطريقة الصحيحة ولكنها كانت تحول إقتصادي كبير
1975 : إفتتاح قناة السويس في نفس يوم هزيمة يونيو سبعة وستين
1976 : قيام الأحزاب وأول وآخر إنتخابات حرة ونزيهة
1977 وحتى إغتياله : زيارة القدس ومعاهدة السلام ورجوع سيناء

سبهللة said...

شوفى دة وقوليلى رأيك
بقالنا يومين بنتخانق
http://sabahlalah.blogspot.com/2009/08/blog-post_03.html
رأيك مهم جدا

هراءات منطقية said...

مالنا احنا بالقصة دى....امريكان فى بعض!!!

سبهللة said...

https://www.blogger.com/comment.g?blogID=7246827084995316400&postID=1569071550427006490&page=1
وشوفى دة كمان

سبهللة said...

انا شفت المشهد
اللى غاظنى انه بيقول انه شبه السادات
هل فعلا الكلب شبه السادات؟؟
بجد منتهى قلة الادب

على فكرة انا محبش السادات

لكن برضه معترضة جدا على المشهد دة

tuhamy said...

مقدمات - دلالات


بشري انهيار اسرائيل

علشان اللي موقعش الوثيقة لدلوقتي

http://www.almesryoon.com/ShowDetailsC.asp?NewID=68069&Page=1&Part=6

tuhamy said...
This comment has been removed by the author.
نادر عزام said...

اهو احنا كده نجي على الكلام الا مش هيودي ولا هجيب
يا نتشرف بزيارة

نادر عزام said...

هنغضب لهم ليه كانو عملوا لينا ايه غير الذل والمهانة

Dr Nemo said...

ايييييييه شغل كنس السيده ده؟؟؟؟؟ فيلم كوميدى امريكى .... الطبيعى عند تلك الامه انه لا تابوهات ولا موانع سواء عنهم او عن غيرهم .... دعوا اسرة الرجل تثبت موقفها لا اكثر ولكن الموضوع اصغر من هذا بكثير ..... فى ايييه ياجدعان محسسنى انكوا جرايد مش لاقيه شغل وبتدور على اى موضوع تلك فيه.... روقى يا نواره وركزى فى عوكل دا مش وقت حد تانى

Anonymous said...

بعيدا عن السادات , الي عارف انك بتكرهييه زي مابتكرهي نتنياهو بالظبط


وبعيدا برضو عن الكره نتكلم عن الحب هههههههه فحبيبك يوم الاربع عامل لقاء مفتوح عالنت هههههههههههههههههههههه

فعايزين نظبطه بئى
http://sharek.eg/

انتي اول واحده جت في بالي لما قريت الاعلان وقلت انتي الي هتنفعي فيه

ذو الوجه المبتسم said...

السلام عليكم

اسمحى دي اول مرة ازورك
بس بجد تفاجأت ببوست مش عارف اقول عليه ايه
متزعلش منى
مينفعش الكلام ده
انا لا سياسي ولا باحب السياسة ولا بافهم فيها

بس مننساش ان ده راجل كان رئيس جمهورية مصر العربية وكان بيمثل مصر
ولما الناس الحلوين فى البلاد العربية يقرووووا الكلام ده
تفتكر هيحصل لنا ايه اكتر من اللي بيحصل بره بلادنا

ياريتك تيجى اى دولة عربية وتشوف التعامل بيكون ازاى مع المصريين
يمكن تغير رأيك

معلش طولت
وفرصة سعيدة بالتعرف على مدونتك
تحياتى