Sunday 10 February 2008

بخصوص علاقتي الآثمة مع الاستاذ جوجل


اولا من كام يوم ندى قالت لي ان واحد قال لها اني دخلت الاشتراكيين الثوريين وانا لا دخلت الاشتراكيين ولا حتى الشات دلوقت بادخل على الفيس بوك يبقى مين اللي قال اني دخلت على الاشتراكيين الثوريين؟ وازاي ادخل على الناس كده من غير ما اخبط افرض واحد بيستحمى وللا حاجة، النهاردة اتصل بيا اسد وقال لي انه سمع اني قعدت قعدة سرية مع جوجل...ياحومتي مين اللي بيقطع في فروتي ويقول اني باقعد مع رجالة وفي السر كمان، ده انا بنت ناس يا ناس ده انا اهلي يقطعوني، ثم مين اللي بيشيع عني ان عندي اسرار
انا شخصيا اي اسرار في حياتي باقولها للاخوة اعضاء تنظيم التهييس السري اللي هو حضارتكوا يعني وانا واثقة في كل زوار المدونة انهم ح يكتموا السر في بير وعارفة ان اللي الحاجة اللي باكتبها في المدونة ما بتخرجش برانا احنا الخمستلاف يبقى ايه اللي يخليني ادخل على ناس وهم بيستحموا واقعد مع راجل غريب من وراكم؟ واذا كان الاخ جوجل بيتبلى عليا واجهوني بيه عشان اقول له يا راجل يا ناقص ترمي بلاك على بنات الناس وان كان لك شوق في حاجة البيوت من ابوابها يا استاذ
قلة ادب

No comments: