هي اللي بتقدم برنامج اتكلم في القناة الاولى لميس وللا هالة الحديدي؟ المهم انها استضافت رجل الاعمال المهندس نجيب ساويرس، طول الحلقة عمال يأكد انه هو مش طائفي...ممكن اعرف حمار مين اللي قال على ساويرس طائفي؟ والله العظيم بجد ساويرس لا طائفي ولا متعصب ولا هو هنا معانا خالص....ده رجل اعمال نقطة ومن اول السطر.
قعدت اتفرج عليه بقى واشوفه وهو عمال يقول لنا: مش الصبح الدين والضهر دين وبالليل دين...مش معقولة يعني شوية دين وبعدين نشتغل بقى...وللاسف كل الاديان بقى فيها كده انا متدين والله بس مش معقول الناس كلها مشغولة بالرجل اليمين والرجل الشمال....قالت له انتوا عندكوا برضه رجل يمين وشمال قال لها كل دين للاسف...احنا مصريين لا يفرق بينا لبس ولا حاجة
قعدت اتفرج عليه بقى واشوفه وهو عمال يقول لنا: مش الصبح الدين والضهر دين وبالليل دين...مش معقولة يعني شوية دين وبعدين نشتغل بقى...وللاسف كل الاديان بقى فيها كده انا متدين والله بس مش معقول الناس كلها مشغولة بالرجل اليمين والرجل الشمال....قالت له انتوا عندكوا برضه رجل يمين وشمال قال لها كل دين للاسف...احنا مصريين لا يفرق بينا لبس ولا حاجة
بصراحة كده حد فينا اختار دينه انا مسيحي عشان اتولدت مسيحي والمسلم مسلم عشان اتولد كده
اللي بيوحد بينا ربنا يبقى نسيب بقى الخلافات
...قال رأيه في الاخوان وبرنامج الاخوان المستفز بتاع مافيش رئيس مسيحي لمصر (بصراحة لولا انهم في السجن كنت قلت رأيي كامل في ام البرنامج ده بس ربنا يفك اسرهم عشان عقدة لساني انا كمان تتفك) وقال: هو حد قدم مسيحي للترشح ده حتى في نكتة في الموضوع ده...قصده على النكتة بتاعة ينفع يا ريس يبقى فيه رئيس مسيحي قال له ولا مسلم يا روح امك.
وتعليقا على او تي في قال انا عايز اخلي الناس تنبسط مش ح اقعد اقول لهم حروب وقتل والحاجات دي الناس اعصابها تعبانة
وبرر اسباب الفتنة الطائفية والعنف بين المواطنين اللي في الشارع ان الناس مش مبسوطة وانه بقى قرر يبسط الناس بانه يعمل لهم او تي في.
كل ده رأي الباشمهندس نجيب براحته ولو انه يعني مش من حقه يحدد للمواطنين مواعيد الدين وكمان مش عارفة جاب تعارض الدين مع العمل منين ده كل الاديان بتشجع على العمل
بس كله كوم وان الباشمهندس نجيب بدون اي مراعاة لمشاعر اللي بياكلوا من الزبالة واللي مش عارفين يشربوا بق مية نضيف واللي بيبيعوا اعضاءهم واللي بيبيعوا عيالهم ويتجاوز كل ده ويقول الحكومة دي احسن حكومة جات مصر...دي دافعت عني لما حصل خلاف مع شركة برة قالوا لهم لو ح تعملوا مع نجيب كده عندكوا احنا كمان ح نعمل معاكوا كده عندنا...فين ايام ما كنا بنخاف نروح السفارة.
ممكن يا باشمهندس تفهمني كنا ونروح وبنخاف...نون النسوة دي عايدة على مين حضرتك؟ انت ومين يعني؟ انت ورجال الاعمال؟ وللا انت والمواطنين؟ وللا تكونوا فاكرين ان البلد دي بتاعة رجال الاعمال وبس؟ واحنا ولاد كلب؟
كل ده رأي الباشمهندس نجيب براحته ولو انه يعني مش من حقه يحدد للمواطنين مواعيد الدين وكمان مش عارفة جاب تعارض الدين مع العمل منين ده كل الاديان بتشجع على العمل
بس كله كوم وان الباشمهندس نجيب بدون اي مراعاة لمشاعر اللي بياكلوا من الزبالة واللي مش عارفين يشربوا بق مية نضيف واللي بيبيعوا اعضاءهم واللي بيبيعوا عيالهم ويتجاوز كل ده ويقول الحكومة دي احسن حكومة جات مصر...دي دافعت عني لما حصل خلاف مع شركة برة قالوا لهم لو ح تعملوا مع نجيب كده عندكوا احنا كمان ح نعمل معاكوا كده عندنا...فين ايام ما كنا بنخاف نروح السفارة.
ممكن يا باشمهندس تفهمني كنا ونروح وبنخاف...نون النسوة دي عايدة على مين حضرتك؟ انت ومين يعني؟ انت ورجال الاعمال؟ وللا انت والمواطنين؟ وللا تكونوا فاكرين ان البلد دي بتاعة رجال الاعمال وبس؟ واحنا ولاد كلب؟
واحدة اتصلت بيه وقالت له انت اوسم واظرف واخف دم رجل اعمال في مصر...بس يا باشمهندس نجيب وفقا لتقارير الامم المتحدة وتقارير الدولة كمان خمسين في المية من المواطنين تحت خط الفقر وخمسة وتلاتين على خط الفقر وعشرة فوق خط الفقر وخمسة في المية بس هم اللي عايشين عيشة بني ادمين وحضرتك بتقول لنا دي احسن حكومة جات مصر!!!!!!!!!
عندنا واحد في الشغل نموذج للبني ادم الغبي قوي اللي عنده ثقة مبالغ فيها في ذكائه اللي مش موجود وثقافته اللي في خياله، وده اللي مضخم غباءه لان كلنا اغبيا بشكل او بآخر ووعينا بغباءنا ممكن يحد شوية من اضرار الغباء ده، المهم الواد ده والله العظيم طيب وغلبان وامير وقليل الذوق ومش بيفهم وبيحب رجال الاعمال كأنهم امه وبيتكلم زي قطر السكة الحديد وما بيسمعش ابدا ابدا ابدا ولا يمكن تسكته مهما حاولت ولما تقاطعه يفضل يتكلم ولما تختلف معاه يقول لك انت جاهل وما عندكش معلومات
عندنا واحد في الشغل نموذج للبني ادم الغبي قوي اللي عنده ثقة مبالغ فيها في ذكائه اللي مش موجود وثقافته اللي في خياله، وده اللي مضخم غباءه لان كلنا اغبيا بشكل او بآخر ووعينا بغباءنا ممكن يحد شوية من اضرار الغباء ده، المهم الواد ده والله العظيم طيب وغلبان وامير وقليل الذوق ومش بيفهم وبيحب رجال الاعمال كأنهم امه وبيتكلم زي قطر السكة الحديد وما بيسمعش ابدا ابدا ابدا ولا يمكن تسكته مهما حاولت ولما تقاطعه يفضل يتكلم ولما تختلف معاه يقول لك انت جاهل وما عندكش معلومات
وفوق انه بيحب رجال الاعمال وكل ما يشوف حد يقول له الرأسمالية احسن حاجة بيقول ان البني ادمين متقسمين اتنين يا اما رجل اعمال يا اما متخلف وان السادات صلاح الدين الايوبي القرن العشرين وان الملك كان راجل عظيم وان فقر الفقرا مش مهم وايه يعني
وان دبي كويسة قوي والسعودية ح تسيطر على العالم وياريت نبقى زي دبي وامريكا ممتازة واراء كده والله لولا انه غلبان كان زماني خنقته. كل ده وهو ايه؟ موظف كحيان صدمان عدمان زيه زينا بالظبط...عنده عيال وبيستنى القبض زي اي شبشب فينا...كل حاجة غليت عليه ومش عارف يعيش زي اي صندل فينا
هذوها الصخص بيقول ان نجيب ساويرس معاه حق الحكومة دي احسن حكومة لانها حكومة رجال اعمال، وكويس انهم بيدافعوا عن مصالح نجيب ساويرس برة
طبعا الكلام اللي بيقوله زميلي نجيب لم يجرؤ انه يقوله بس قال كلام استفزازي كتير تاني، زي ان فيه نهضة اقتصادية في مصر.....صحيح ما وصلتش للناس اللي تحت.....بس الحكومة دي لسة ما لحقتش تعمل حاجة......ياااااااااا راااااااااااااااجل، ياااااااااااااااااااااااااااااااااااااااااااا راااااااااااااااااااااااااااااااااااااااااااجل، ياااااااااااااااااااااااااااااااااااااااااااااااااااااااااااااااااااااااااااااااااااااا رااااااااااااااااااااااااااااااااااااااااااااااااااااااااااااااااااااااااااااااااااااااااااااااجل
كل ده وما لحقتش؟ امال لو لحقت ح تعمل ايه؟ ده كم الشتايم اللي اخدها الشعب المصري على لسان الحكومة المصرية دي ما اخدهاش في قصيدة المتنبي "نامت نواطير مصر عن ثعالبها"، وكم الجوع اللي وصل لان الناس تفضي جوفها كله من كل الاعضاء وتدور على جيرانها تسمسر عليهم عشان يبيعوا اعضاءهم ما حصلش في تاريخنا، وكم الناس اللي باعت عيالها واللي اكلت من الزبالة ما حصلتش من ايام الملك صاحب زميلي في الشغل، لما كان الفقرا بينبشوا القبور ويطلعوا الاكفان يبيعوها عشان ياكلوا.
وانا مش فاهمة ازاي البني ادم يبقى موظف حكومة ويبقى رجل اعمال في نفس الوقت؟ وازاي ياخد مرتبه من الحكومة وبعدين ياخد ارباح استثماراته في نفس الوقت؟
هذوها الصخص بيقول ان نجيب ساويرس معاه حق الحكومة دي احسن حكومة لانها حكومة رجال اعمال، وكويس انهم بيدافعوا عن مصالح نجيب ساويرس برة
طبعا الكلام اللي بيقوله زميلي نجيب لم يجرؤ انه يقوله بس قال كلام استفزازي كتير تاني، زي ان فيه نهضة اقتصادية في مصر.....صحيح ما وصلتش للناس اللي تحت.....بس الحكومة دي لسة ما لحقتش تعمل حاجة......ياااااااااا راااااااااااااااجل، ياااااااااااااااااااااااااااااااااااااااااااا راااااااااااااااااااااااااااااااااااااااااااجل، ياااااااااااااااااااااااااااااااااااااااااااااااااااااااااااااااااااااااااااااااااااااا رااااااااااااااااااااااااااااااااااااااااااااااااااااااااااااااااااااااااااااااااااااااااااااااجل
كل ده وما لحقتش؟ امال لو لحقت ح تعمل ايه؟ ده كم الشتايم اللي اخدها الشعب المصري على لسان الحكومة المصرية دي ما اخدهاش في قصيدة المتنبي "نامت نواطير مصر عن ثعالبها"، وكم الجوع اللي وصل لان الناس تفضي جوفها كله من كل الاعضاء وتدور على جيرانها تسمسر عليهم عشان يبيعوا اعضاءهم ما حصلش في تاريخنا، وكم الناس اللي باعت عيالها واللي اكلت من الزبالة ما حصلتش من ايام الملك صاحب زميلي في الشغل، لما كان الفقرا بينبشوا القبور ويطلعوا الاكفان يبيعوها عشان ياكلوا.
وانا مش فاهمة ازاي البني ادم يبقى موظف حكومة ويبقى رجل اعمال في نفس الوقت؟ وازاي ياخد مرتبه من الحكومة وبعدين ياخد ارباح استثماراته في نفس الوقت؟
امال اشمعنى لما الموظف الغلبان بيشتغل بعد الضهر سواق تاكسي وبيعرفوا في الشغل بيطلعوا عينه ويهددوه بالرفد مالم يشوف الادارة بحاجة؟ بلاش موظف، اشمعنى لما صحفي بيقبض ميتين وخمسين جنيه في الشهر ويروح يعد برنامج في اي قناة بيطلعوا تلاتينه؟
ومسئول الحكومة لما يشتغل عند ام الشعب اللي خمسة وتمانين في المية منه بيكحوا تراب، وفي نفس الوقت هو رجل اعمال، ولاءه ح يبقى لمين؟
ومسئول الحكومة لما يشتغل عند ام الشعب اللي خمسة وتمانين في المية منه بيكحوا تراب، وفي نفس الوقت هو رجل اعمال، ولاءه ح يبقى لمين؟
للي بيكحوا تراب وللا لارباحه واسهمه؟
يعني يا باشمهندس انت حر ما يبقاش الصبح دين والضهر دين وبالليل دين، وانت حر تعمل قناة عشان تفرفش الناس، وانت حر ما تعملش اي مشروع تنمية للغلابة اللي بياكلوا من الزبالة ولا تروح تشوف اشكالهم عاملة ايه، وانت حر تمول مهرجان السينما،
يعني يا باشمهندس انت حر ما يبقاش الصبح دين والضهر دين وبالليل دين، وانت حر تعمل قناة عشان تفرفش الناس، وانت حر ما تعملش اي مشروع تنمية للغلابة اللي بياكلوا من الزبالة ولا تروح تشوف اشكالهم عاملة ايه، وانت حر تمول مهرجان السينما،
بل كتر خيرك انك تمول مهرجان السينما بدل ما ندفع فلوسه من ضرايبنا،
وانت حر تعترض على اي لبس مش عاجبك، وانت حر تحب مصر موووووت زي ما انت بتقول، وتوحشك قوي مهما سافرت، طبعا بتوحشك هو انت بتتزنق في المواصلات وللا بتقضي ايام جعان ومش عارف ح تاكل ازاي وامتى واصلا ح تاكل تاني عمرك وللا ح تفضل كده لحد ما تموت من الجوع؟
ويا سيدي ربنا يبارك لك انت وكل رجال الاعمال وزميلي في الشغل اللي بيحبكوا حب عذري وهو مضرور منكوا زي اي موظف.
لكن حضرتك شوية مراعاة لمشاعرنا،
لكن حضرتك شوية مراعاة لمشاعرنا،
انا مش عايزاك تنزل في العشوائيات وتسأل واحد بابتسامة واسعة: امال فين ابنك الصغير وترد عليك بشكل تقريري: مات من البرد....الجاز اللي في الباجور خلص وماكانش فيه حاجة يدفى بيها...فضلت حاضناه بس هو قعد يترعش لحد ما مات.....ولا عايزاك تعمل مصنع اعادة تدوير الزبالة للناس اللي بالفعل عايشة في الزبالة، ولا عايزاك تشغلهم، ولا تاخد بالك منهم، ولا تسأل واحد موظف مرتبه 400 جنيه بيصرف ازاي على اسرة من ام وطفلين، بس احب
اقول لسيادتك
ولزميلي اللي في الشغل
ولخالد يوسف كمان
ان الناس دي على فكرة مش "ناس دي" دول ناس زي اي ناس، بيحسوا وبيفهموا زيك وزي اي انسان،
اقول لسيادتك
ولزميلي اللي في الشغل
ولخالد يوسف كمان
ان الناس دي على فكرة مش "ناس دي" دول ناس زي اي ناس، بيحسوا وبيفهموا زيك وزي اي انسان،
مش اغبيا ولا متخلفين زي ما انتوا فاكرينهم، يمكن مش متعلمين صحيح، لكن الفهم مش بالعلام،
مش متبلدين المشاعر ومتعودين على الغلب والذل زي ما انتوا فاكرين، بيحسوا زي ما انت بتحس، واحساس الست اللي ابنها مات في حضنها من البرد زي احساس اي حد فيكوا بالظبط لو لا قدر الله حصل نفس الموضوع لعيل من عياله، احساسهم بالاهانة زي احساسك بالاهانة بالظبط، احساسهم بالظلم زي احساسك بالظبط، وانتوا معديين بعربياتكوا الخمسة متر بيدعوا عليكوا من غير ما يعرفوا مين اللي راكب العربية، والله بيدعوا عليكوا، زي ما لو حد فيكوا مكانهم ح يدعي على واحد معدي بعربية زي دي وانت مش لاقي تاكل.
تصدقوا بالله؟ الناس دي مش "ناس دي" زي ما انتوا بتقولوا عليهم، دول بني ادمين زيكوا بالظبط، لما بيمد ايده ويقول كل سنة وانت طيب يا باشا بيبقى بيكرهك بيكرهك بيكرهك لانه حاسس انه مش مفروض يمد ايده كده، زي ما انت لو كنت مكانه كنت ح تبقى بتكره اللي بتمد ايدك ليهم.
"الناس دي" مش "ناس دي" عندهم كرامة وشرف زيكوا بالظبط، وزعلانين من فيلم حين ميسرة وواحد من سكان العشوائيات قال: طبيعي ان خالد يوسف ما يحسش بينا ماهو مولود في بقه معلقة دهب مش هو ابن يوسف شاهين؟
"الناس دي" بتشوف تلفزيون يا باشمهندس، والناس دي عارفة انها مش بتاكل ولا بتتعالج ولا بتشرب مية - لا نضيفة ولا وسخة - ولا عندها صرف صحي،
تصدقوا بالله؟ الناس دي مش "ناس دي" زي ما انتوا بتقولوا عليهم، دول بني ادمين زيكوا بالظبط، لما بيمد ايده ويقول كل سنة وانت طيب يا باشا بيبقى بيكرهك بيكرهك بيكرهك لانه حاسس انه مش مفروض يمد ايده كده، زي ما انت لو كنت مكانه كنت ح تبقى بتكره اللي بتمد ايدك ليهم.
"الناس دي" مش "ناس دي" عندهم كرامة وشرف زيكوا بالظبط، وزعلانين من فيلم حين ميسرة وواحد من سكان العشوائيات قال: طبيعي ان خالد يوسف ما يحسش بينا ماهو مولود في بقه معلقة دهب مش هو ابن يوسف شاهين؟
"الناس دي" بتشوف تلفزيون يا باشمهندس، والناس دي عارفة انها مش بتاكل ولا بتتعالج ولا بتشرب مية - لا نضيفة ولا وسخة - ولا عندها صرف صحي،
والناس دي لما تسمعك بتقول: الحكومة دي احسن حكومة جات مصر....دول دافعوا عني وقالوا للشركة الفلانية ح نعمل معاكوا زي ما بتعملوا مع نجيب....فيه نهضة صحيح ما وصلتش للناس اللي تحت بس اصبروا عليها
الناس اللي تحت يا باشمهندس كده ح تعتبرك سبيت لها الدين والميتين وسنسفيل الجدود، ماحدش فيهم متوقع منك حسنة ولا مشروع ولا انك تحس بيهم، ما حدش فيهم اصلا متوقع من اي حد بطنه مليانه انه يحس بحد بطنه فاضية معظم الوقت ومن قلة الاكل والبرد عياله بتموت
بس الناس اللي تحت موجودة، وعارفين انهم موجودين، وما عندهمش ادنى استعداد لقبول تجاهلك ليهم بالدرجة دي
ويوم ما حد يتكلم عليهم زي خالد يوسف يخوض في اعراضهم كأنها مشاع وكأنهم عشان نايمين في الشارع يبقى من حق كل اللي رايح واللي جاي يعريهم وكأن مافيش زنا محارم ولا شذوذ ولا دعارة غير عند "الناس دي" اللي طول الوقت تتكلموا عليهم على انهم "الناس دي" كأنهم من طينة وانتوا من طينة.
كأن بطنكوا المليانة مكافئة من ربنا، وكأن بطونهم الفاضية عقوبة يستاهلوها
وعلى فكرة بقى..."الناس دي" بتحب ربنا اكتر من اي انسان شفته في حياتي...حتى لما بيزعلوا منه، بيزعلوا زعل محبة.
الناس اللي تحت يا باشمهندس كده ح تعتبرك سبيت لها الدين والميتين وسنسفيل الجدود، ماحدش فيهم متوقع منك حسنة ولا مشروع ولا انك تحس بيهم، ما حدش فيهم اصلا متوقع من اي حد بطنه مليانه انه يحس بحد بطنه فاضية معظم الوقت ومن قلة الاكل والبرد عياله بتموت
بس الناس اللي تحت موجودة، وعارفين انهم موجودين، وما عندهمش ادنى استعداد لقبول تجاهلك ليهم بالدرجة دي
ويوم ما حد يتكلم عليهم زي خالد يوسف يخوض في اعراضهم كأنها مشاع وكأنهم عشان نايمين في الشارع يبقى من حق كل اللي رايح واللي جاي يعريهم وكأن مافيش زنا محارم ولا شذوذ ولا دعارة غير عند "الناس دي" اللي طول الوقت تتكلموا عليهم على انهم "الناس دي" كأنهم من طينة وانتوا من طينة.
كأن بطنكوا المليانة مكافئة من ربنا، وكأن بطونهم الفاضية عقوبة يستاهلوها
وعلى فكرة بقى..."الناس دي" بتحب ربنا اكتر من اي انسان شفته في حياتي...حتى لما بيزعلوا منه، بيزعلوا زعل محبة.
No comments:
Post a Comment