وعربيتي عطلانة ونزلت كل ما اقول لسواق تاكسي الهرم
يبقى كأني سبيت له الدين وتفيت في وشه وضربته بالجزمة على راسه
وفضلت امشي عشان قال يعني اوفر كام كيلو على التاكسي يمكن يرضى يوديني
بعد مدة طويلة من المشي كلمني استاذ طاهر ابو النصر وقال لي
اتصلي بالاستاذ احمد سيف واسأليه لان شكلها كده مش ح تمشي
اتصلت بالاستاذ سيف قال لي انا تم توقيفي والمكان ثكنة عسكرية ارجعو
اتصلت باسد وقلت له انا مشيت كتير ح ارجع ده كله؟ قال لي استني عشر دقايق
انا ح اكون وصلت واقول لك وبعدين اتصلت بيه قال لي لا ماتجيش
وبعدين برضه اتصل احمد الجيزاوي وقال لي قولي للناس بخ
شوية لقيت ماك بيتصل وبيقول لي اتقبض على الجيزاوي وايناس حسني
ربنا يستر
===
الاستاذة بثينة كامل عرفت توصل وكان هناك جيمي وماك واسد
وولعت فعلا شمعة قدام القسم بس ما ادهواش فرصة وقالت لي
انهم كانوا بيهشوهم زي الغنم
الاستاذ احمد ابو ستيت ومعاه بنت اسمها هبة قبضوا عليهم
وحطوهم في عربية وبعدين اخدوهم ونزلوهم عند مديرية امن الجيزة
وسابوهم هناك وعملوا نفس الحكاية مع بنتين من حزب العمل
كأنهم بيسربوا قطط
ايناس خرجت بس احمد الجيزاوي لسة جوه
====
تحديث: ابن ناصر اتصل بيا دلوقت وبيقول لي انهم انضربوا
واتبهدلوا جامد قوي وجات عربيات اخدتهم
ورمتهم في الجيزة وبيقول لي ان الجيزاوي متاخد لحد دلوقت
ومش عارفين هو فين
No comments:
Post a Comment