تاني بقى ح نرجع نقول ان الراجل ده مش عراقي في ابو غريب
ولا افغاني او باكستاني لسة خارج طازة من جوانتانمو
الراجل ده عم نور بياع اللبن والجبنة اللي في كفر العلوعنده خمس بنات وولد وخمسين سنة وضيق في الشريان التاجي وبقرة
بيحلبها ويبيع لبنها عشان يعيش
لما حاكومة جات عشان تاخد ارضه وتهد بيته سابهم
هو الغلبان يقدر يقف قدام الحكومة؟ بس اما جم ناحية المواشي
قال لهم طيب عايزين ايه ما انتوا اخدتوا الارض سيبوا المواشي
سيبوا لي كام قيراط احط فيه المواشي وخدوا كل القراريط وهدوا البيت
- انت بتفتح بقك يا فلاح؟
وكأننا رجعنا للزمن اللي الفلاح كان بيشتغل فيه بالسخرة
واخر النهار يدفع للي مشغله قرش صاغ ضريبة
ح الظابط احمد العجوز قال للعسكر اضربوا الفلاح
نزلوا على الفلاح هبد ورقع
الفلاح قال لهم سيبوني سيبوني انا مريض بالقلب
فضلوا يضربوا فيه لحد ما غاب عن الوعي
ح الظابط احمد العجوز لما لقاه وقع راح عامل فيه محضر تعدي على السلطات
اثناء تأدية وظيفتهم يعني يعني عشان اغمى عليه اثناء ما بيضربوه
ماهي دي وظيفتهم
تفاصيل قصة عم نور كلها
No comments:
Post a Comment