انبسط عشان الحقائق بتتكشف؟
واللا ازعل عشان لما عرفتها لقيت نفسي ما كنتش عايزة اعرفها؟
اولا الاستفساء اللي انا حاطاه ما صوتش عليه كتير يعني
150
واحد بس من ستلاف واحد دخلوا لي من ساعة ما عملت الاستفتاء
لو - لا قدر الله - قامت حرب عندك تخيل ايه اللي ح يحصل؟
النتيجة
ح نتهزم حكومة وشعبا طبعا 41 في المية
جيشنا قوي وح ينتصر 6 في المية
ان شاء الله ده مش ح يحصل ابدا 5 في المية
انا عندي ثقة في مقاومة شعبية اكتر 46 في المية
:(((
بقى دي نتيجة؟
النتيجة التانية والاوسخ بقى
فتح موضوع سمينة مالك اللي كشف لي كتير من المدونين
اللي ابتدوا يتكلموا زي مباحث امن الدولة وبيتكلموا بالظبط
زي ظباط الشرطة ايام ما كانت مرارتي تسمح اني
اسمع ظباط شرطة بيتكلموا
"دول لقوا عندها دليل القاعدة"
"دول لقوا اسمها على كمبيوتر واحد مشتبه فيه"
"الكلام اللي هي بتقوله ده ممكن يقع حيز التنفيذ نستناها لما تنفذه؟"
يعني مخبرين مخبرين مخبرين
ده مالوش اسم تاني غير انه كلام مخبرين
وقد خصصت بالذكر المدونين لانهم اكتر ناس عرضة انهم
يبقوا مكان سمينة
وعرضة ليه
ابشروا خيرا يا قوم
مدام انجلترا عملت كده يبقى المدونين كلهم ح يتشحنوا
لو حد من الاخوة الضباط المدونين سبقني ح ادافع عنه
ولو سبقته ارجو انه ما يدافعش عني
وربنا ما يجيب حاجة وحشة
يعني يا رب اموت واخلص بسرعة بسرعة
اه ملحوظة
واسمعوا يا ح الضباط المدونين
انا نفسي اموت شهيدة ومن زمان وانا باطلبها من ربنا ربنا ينولها لي
اعملوا حملة بقى للقبض عليا بقى
تحبوا اديكوا اللنك بتاع السي آي ايه والاسكوتلاند يارد؟
No comments:
Post a Comment