والنبي ام الديكورات المبيوئة دي
يعني دي فعلا صالات قمار
حد في الدنيا يعمل معبد فرعوني على ارضية سيراميك لميع؟
ويقولوا دعاية ببلاش؟ وعاملين ابو الهول ملون وحاطين له روج؟
ومش عارف مين يقول لي انا كنت فخور؟
فخورين بايه؟ ايه الذوق البلدي ده بجد يعني
دي ولا البيوت الكويتي ده فندق مبيوء أكتر من نقابة الصحفيين بعد
ما جددوها مش ناقص غير يحطوا نجف كريستال في سقف المعبد
وورد صناعي حوالين رقبة ابو الهول
وياريت بقى لو يضربوا له شعره اكشوجين
وقال عاملين بامفليت لتماثيل الفراعنة وصورة كليوباترا
يعني ضاربين حتى البامفليتات ياريت بقى يحطوا
للتماثيل الفرعونية منيكير احمر مقشر من غسيل المواعين
ولسة فيه صور تاني
جايبين ستات افريقيات وملبسينهم فراعنة
ولاس فيجاس بقى يا عم وعيش مع سمعة الفراعنة
الا انتوا عارفين احنا سمعتنا ايه هناك
وسمعة ستاتنا كمان؟ منها لله زليخة بقى
وسخت سمعتنا وجابت راسنا في الطين ومن ساعتها
وهم مش عايزين يغيروا رأيهم فينا
No comments:
Post a Comment