بجد عايزاكوا تقروا
دي اجابات الشباب على منتدى اظن انجليزي
لان معظم اللي عليه انجليز مش امريكان
واد من الشباب قال على ضوء كتابات سمينة مالك
اطلق العنان لخيالك وتخيل نفسك تقتل مين وازاي
والعيال تقولش معزة وانطلقت على غيط برسيم؟
ومافيش حد قال له ليه كده؟ خليكوا حبايب بوسوا بعض
والكلام المقزز اللي احنا بنقوله عن خطابات المحبة دي
ولا فيه محبة ولا نيلة العالم كله ظالم محبة ايه في البرد ده
طبعا فيه اللي عايز يقتل اخوه
وفيه اللي عايز يقتل كل الاطفال الصغيرة عشان بيعملوا دوشة
وعايز يقتلهم بالمسدس في دماغهم
وفيه اللي عايز يقتل المدرسة بتاعته وحاطط لها خطة ما تخرش المية
ومقدم اقتراحات بانه يفرقعها بالديناميت او يرميها من فوق السلم
وفيه اللي عايز يقتل الدلاي لاما لانه منافق
!!!!!!!!!!
وفيه اللي بيقول: عايز اقتل هتلر. الراجل ده لازم حد يوقفه
وفيه اللي بيقول: عايز اقتل هتلر. الراجل ده لازم حد يوقفه
:))
وفيه اللي كتب: ح اقتلك انت..ايوة انت ياللي بتقرا..في اي وقت
في وقت تكون فيه امن ومش عامل حسابك ح اجيلك في لحظة
افاجئك واقتلك
فيه واحد بس قال: انت ليه بتسألنا عايزين نقتل مين
فالواد رد عليه وقال له: انت عامل لي محاكم تفتيش هنا؟
:))
حاجة حشاشة جدا بجد وقعت من الضحك
وانا عايزاكوا تقروا الكلام اللي الواد كاتبه مقدمة لسؤاله
الا دول ما اتقبضش عليهم ليه؟
No comments:
Post a Comment