Monday 14 May 2007

للمشاركة في الحملة ضد قانون الصحة الجديد بمركز هشام مبارك

احنا البلد الوحيد اللي ح يخصخص الصحة
مالناش زي ابدا
برضه مصر بلد الريادة يا اخوانا
انت فاهم يعني ايه تتخصخص الصحة؟
يعني الدولة لقت لها سبوبة جديدة لوز
صحة الناس وارواحهم
مش كفاية ان اللي بيموت بياخدوا على جثته ضرايب
كمان اللي عايش وعيان
ياخدوا على عياه فلوس
طبعا القانون الجديد ده
هو الثمرة المباركة لسرطنة الطعام واستيراد الاوبئة
الحمد لله مرضانكوا
قبوا بالمعلوم بقى
وعموما لو متوا مافيش مشكلة
ما بتدفعوا ضرايب ع الجثث يعني
ح تدفع ح تدفع
ما داهية يجوا ورانا في الاخرة وياخدوا ضريبة على حساب الملكين
المهم فيه حملة ضد هذا القانون
لمن يود المشاركة يمكنه حضور ندوة الغد
في مركز هشام مبارك
شارع التوفيقية عمارة رقم 1
الساعة السادسة
بكرة التلات يعني

10 comments:

Anonymous said...

لان شاءالله انا جى بكرة وهى فرصه اتعرف على شعب جبهه التهيس الشعبيه

Anonymous said...

عندي درس ميترولوجي الساعه خامسه :S
بعيد عنك الامتحنات على الابواب
انتظر التغطيه الممتازه و المعتاده

و ارتب لعدد من البانرز و الدعايه للدعم على المدونات انشاء الله

Anonymous said...

كالعادة تحاول الدولة اطالة امد الاستبداد

انا معكم في كل ما ترونه مناسباً لوقف تلك المأساة

تحياتي وبإنتظار تفعيلي معكم

Anonymous said...

عمار يا مصر :)

Anonymous said...

مبارك عليكى يامصر.......لحد مايجيب درفك
اقول ايه؟
الطم ويقولو الولية اتجننت؟
بصى كل مااقرا الكلام ده افتكر جملة واحدة قالها هند صبرى فى عمارة يعقوبيان "البلد دى بقت قاسية اوى على ولادها ياباشا"....عندها حق والله

Anonymous said...

أبو جمال تعيشو إنتو
العزاء بالصوان المقام ببلوجه
http://elezba.blogspot.com/
شدو حيلكم
ولا أراكم الله ميكروبا فى عزيز لديكم

Anonymous said...

الســلام عليكم
ازيك يا نوارة فينك كده ليكى زمن مش باينة لعل المانع خير
تحياتى لكى

Anonymous said...

yanhar eswed yanhar eswed
ana lessa 3arfa l mawdoo3 da delwa2ty!!!
kamaan l se77a
ad3i 3aleehom b2eeh w homma feehom kl l 3ebar waktar!!

Anonymous said...

feanik?!

Anonymous said...

صباح الخير ياكبيره والله وحشتينى جدا ووحشنى كلامك اللى زى الفل عشان كده ياكبيره ياريت تشاركى معانا ينوبك ثواب مصر عمار طول مفيها نواره نجم كبيره المهيسين ومنعم كبير المدونين وعلاء تايسون المدونين
اليكم هذه الفكره من مواطن ضاق به الحال أن يرى الظلم وهو
يجلس متفرج سلبى
لاننا مسلوبين حتى حق التظاهرو الاعتراض
لاننا يتم حكمنا بسياسة القمع و الظلم
حتى أصواتنا زوروها فى الانتخابات
ولان مصير من يعترض هو الزج فى السجون و التعزيب فى المعتقلات
و لاننا شعب عريق أبدا ما سلم للظلام والمحتال


لكل هذا اليكم هذه الفكره
فليبقى كل فرد منا فى بيته مساء يوم الثلاثاء 30 أكتوبر 30\10\2007
فليعلم العالم كله أن هذا الشعب يحكم من قبل سلطه جبريه غير مرغوب فيها
فلتكن انتخابات شرعيه فمن لا يؤيد سلطة الظلم فليطفىْ أنوار منزله فوالله لن نجد من ينير منزله الا هم و حاشيتهم
ولم ولن تطولنا أيديهم فهذه المره التظاهره من المنازل
**


فلتكن كل منازل القاهره مظلمه بل فلتكن كل منازل مصر مظلمه مساء

فليصور الاعلام هذا الحدث


انها مظاهره سلميه لنظهر مقتنا و اعتراضنا ووحدتنا

من التاسعه مساءً وليطفىء الجميع أنوار منازلهم,
فلتظلم مصر يومها كما ظلموا هم وكما أعاشونا فى ظلام

,ساعد فى نشر هذه الرساله مررها وحدث عنها ولنكن أحراراَ من الان