Sunday 11 September 2011

الالتراس اجدع ناس

الفاتحة لقلة الاصل
كله سلت ايده من الالتراس عشان وقفوا جنب اهالي الشهدا يوم محاكمة مبارك، وعشان ضربوا الامن المركزي اللي اصلا كل اللي يشوفه يضربه، هو بقت دي شغلته اساسا... ثم هو اللي ضربهم الاول، وضربهم عشان شتموا العادلي ومبارك، وعشان مشوا لنا السفير الاسرائيلي اللي كنا لايدين عشان نمشيه
الله الله على الاصل والاخلاق يا بتوع: ايه ده ايه ده؟ بيقولوا الفاص بسيئة.. يا حلوووةةةةة... الله يرحمه آخر كلمة قالها بدل ما يتشاهد سب الدين لامك.. ايوووووةةةةة امك انت
الناس دي كانت في حالها بتضرب الامن قدام سفارة الجزائر وتحرق عربياته وتخرج في نفس اليوم، وتضرب اتوبيس اللعيبة الجزائريين والامن يغطي عليهم، وكل اللي بيسلت ايده منهم دلوقت كان بيشجعهم، جات قامت ثورة قام قالوا: طب ما نمشي بما يرضي الله ونخدم بلدنا، وخدموا بلدهم احسن خدمة
هم اللي فتحوا لنا الميدان يوم 25، وهم اللي شاركوا في تأمين الميدان، وشاركوا في موقعة الجمل بكثافة، وهم اللي شاركوا في تلقين الامن اللي عاش تلاتين سنة يدينا على قفانا درس مش حينساه، وهم اللي دافعوا عن اهالي الشهدا، وهم اللي مشوا لنا سفير اسرائيل... ولا هو سفير الجزائر بس اللي وحش؟ ولا هي كرامة مصر بتتهان لما نلعب زي وشنا في ماتش ونخسره ولما يتقتل لنا 6 على الحدود من الجيش والامن المركزي الكرامة تعمل عبيطة؟ وبدل ما الجيش والامن المركزي يعملوا رجالة على اللي قتلوهم رايح يتمرجل على اللي مشوا له السفير واخدوا له حقه
انا مع الالتراس.. ولو فيه عضوية لستات اخش معاهم، وانا في ائتلاف الالفاص البسيئة... من مجموعة البلطجية واللي بيخربوا البلد
وباحب الشتيمة بالاب والام خصوصا لما تبقى للعادلي واللي يتشدد له
قال ايه؟ قال اكتر شعب في الدنيا بيسب الدين والميتين والاب والام زعلان من الالتراس؟ ده احنا عندنا السلفيين الوحيدين في العالم اللي بيشتموا بالاب والام بس بالفصحى عشان تبقى حلال
وايه اللي ستة ابريل هببته ده؟ بقى احنا نقف جنبهم لما يقولوا لهم بتاخدوا تمويل وبتسافروا برة وهم يطلعوا يجرسونا ويقولوا: اه بجد تصدقوا، خدنا تموين وسافرنا فعلا... وهم يستندلوا مع الالتراس؟ ليه؟ هم اللي متقدمين لمحاكم عسكرية دول مش كانوا بيدافعوا عن البلد والثورة؟ مش احنا اللي عملنا فيهم كده؟ مش احنا اللي اقنعناهم ان فيه ثورة ولا ايه؟ اقتنعوا ودخلوا بكل طاقتهم، والمجلس عايز ييجي عليهم عشان غلابة ويعملهم عبرة... احنا حنسيبهم؟ ايه الندالة دي؟
ايه قلة الاصل دي؟
ايه الوطيان ده؟
اللي حيتعمل في الالتراس النهاردة حيتعمل في كل الناس بكرة، حتى اللي مش بيقولوا الفاص بسيئة... ولو اني اشك ان فيه مصري ما بيشتمش
انا مع الالتراس لآخر نفس... من انفاس مبارك.. شد يا معلم.. ما اتعودتش اقل اصلي مع اللي خيرهم عليا، وما اتعودتش اخلا بصاحبي والله.. ولا فاكرين العيال السيس دي كانت حتعرف تعدل ولا تبدل لولا الالتراس وسكان العشوائيات وقفوا لنا وحمونا

71 comments:

Dr.issamo said...

أعترف بأنني فرحت وافتخرت عندما أسقط المصريون علم اسرائيل واقتحموا سفارتها

وتأكدت ان شعبنا شعب واع يعرف من عدوه ولم يعد يسكت عن مس كرامته

ولكن

حزنت أيضا لأن هذه ليست معركتنا

معركتنا ليست مع اسرائيل على الاقل على مدى العقدين القادمين

معركتنا هي بلدنا

هي بناء بلدنا ونهضة شبابنا

وعندما ننهض ونتقدم ستسقط اسرائيل من الرعب ولن تحتاج حتى أن ترفع ذراعك لتتهاوى

أين حضارة الثورة اللتي علمها المصريون للعالم

اين الصورة المشرفة التي بهرنا بها الاكوان

من المسؤول

الادارة

نعم انها الادارة المرتعشة المتباطئة العنيدة ولن أقول المتواطئة

لا يوجد من هؤلاء المصريين من مول من الخارج او تلقى تعليمات او ينفذ اجندات

المسألة كلها أن المجلس العسكري و الداخلية أخرجوا الناس عن شعورهم واستفزوهم

بتباطؤهم وتخاذلهم وارتعاشهم وعنادهم


يجب أن يفيق المجلس العسكري ويفهم أن المصريين تغيروا

يقول صلاح جاهين في أحد رباعياته :
إقلع غماك يا تور وارفض تلف
/ إكسر تروس الساقية و اشتم وتف
/ قال : بس خطوة كمان .. وخطوة كمان
/ يا اوصل نهاية السكة يا البير تجف

كنا مغمضي العيون ندور في طريق الساقية الذي وضعه النظام السابق والآن قلعنا الغمامة من على الشعب المصري الذي عندما أبصر فجأة " بعد أن كان قد نسي أن لديه عينان" بهره النور و كاد يعميه وتهيج الثور و شتم وتف و انطلقت كل الأرجل في أكثر من اتجاه فهو لم يرى بعد الطريق الصحيح لكنه حتما سيدرك الطريق ويهدأ ويسير بخطوات واثقة ولن ينقاد مرة أخرى فقد حطم تروس الساقية وقلع غماه واكتشف أن لديه عيونا ترى وعقلا يدرك

ismail said...

أنا متبقل الشتيمة ودول ألتراس مش بتوع أخلاق، طبيعي..
انما أرفض الغباء وتمجيد الشتيمة، لأن الشتيمة مؤذية وضد فطرة الإنسان ومش كل الناس مستعدين يسمعوا شتايم معفنة كده زيك..
ثالثا الألتراس بصراحة زودها، وقت الثورة كنا بنقول الشعب يريد إسقاط النظام هتاف حلو وواجهة حلوة للثورة، وبيعبر عن رقيها، دلوقت هتاف "..." أم العادلي ده يعبر عن ايه؟

MOU-FREEZE said...

حب التطرف..
و حب الشتيمه
و حب الزيطه
و حب البيع و النداله
و اول ما حد يعارض يبقى ندل

ما تستغربيش انك مشهوره اذاً بسبب كوكتيل الحاجات اللى معتقده بيها دى !

هو ليه لازم كله يأيد اللى حصل.. حضرتك بتتريقى على اى حد مش عاجبه السباب.. انا مش بيعجبنى السباب العلنى بأى شكل.. مش عشان ضد الداخليه .و مش معنى كده انى مع الداخليه لأنها لسه حاسه بوجع الالم اللى خدوه فى 28 و مش عايزين يقولوا اسفين .ز بالعكس عايزين ينتقموا..

بس كل ده مش مبرر للسباب العلينى العام اللى بنستنفره من ايام احتفالات كاس الأمم ... و المنظر فعلاً مقزز .. مش عيب ولا قلة رجوله ان الواحد يتضايق من السباب العلنى الفج سواء ضد كوت ديفوار او الجزاير او العادلى...لأن ده بيجرح ناس تانيه مش عايزه تسمع ده فى الشارع

المفروض نحلو بالوصول لمرحلة ان الكلاكس عليه غرامه . ما بالك بالشتيمه العلنيه الجماعيه !

Unknown said...

الاتراس مش مجرد تشجيع .. الالتراس عقلية.. الالتراس حرية

Ultras = one but not alone

الواحد بيحس فى الشعارات اللى فيها شتيمة بالحماس اكتر والله هههههههه

torero said...

بطلوا تاخدوا الدنيا عافية
لازم شوية تفكير
الفرق بين الشجاعة والحماقة شعرة

سامية جاهين said...

جدعة يا نوارة! يسلم فمك!!
بس عشان برضه الناس ما تفهمش غلط.. مش الألتراس اللي مشوا السفير.. الألتراس ما كانش تواجدهم لا كثيف ولا ظاهر عند السفارة.. ممكن أفراد منهم يكونوا كانوا موجودين.. بس مثلا ماسمعتش ولا هتاف من هتافاتهم وأغلب الناس اللي شفتهم عند السفارة أفراد لا ينتموا لأي جماعة .. كلهم شكلهم ناس مصريين جدعان كده ستات ورجالة وشباب

MOU-FREEZE said...

نسيت اقولك ان المجلس دلوقتى عمل زى ميسى بتاع برشلونه و بيرقص كل واحد فى الفريق المنافس و بيلبسه كوبرى كمان ... و حينفرد بالجول .. يعنى حينفرد بالجول.. و اما يجيب جول .. حتلاقى الاغلبيه لاصامته (( المتفرجه ) بتفرح و تهيصض و تصرخ و تقول جوووووووووووووووووووووووووووووووووول

رغم انهم مش حيشيلوا كاس. ولا ياخدوا مكافأت ولا هما اللى جابوا الجول.. بس هيحتفلوا 10 سنين .. و حيألفوا اغانى للمجلس كمان !!

و غى روايه اخرى .. فريق برشلونه لبس ششويه من جمهوره لبس ريال مدرير و وداهم المدرجات بتاعة ريال مدريد .. والنتيجه ان الماتش بقى من غير جمهور !!

The opposite direction said...

ألفاص بسيئة ؟؟؟
طيب هكلمك بطريقتك الوسخة
:
لأ فعلا حاجة غريبة
يعني الجيش محماش الزورة؟؟

والاطراص حموكي ودلعوكي
طيب هما حموكي بس ولا عملوا معاكي حاجة تانية؟؟

The opposite direction said...

على فكرة يا نوارة يا حبيبة قلبي انا بحبك موت موت وبحب كتاباتك قوي انا مش بقول كده عشان حاجة

بس بجد لو الالطراص حموكي وعملوا اي حاجة تانية معاكي قولي عادي متتكسفيش احنا هنا ناس متفتحين وبنحب السفالة وهنساعدك
سيبيكي من الاشكال اللي مبتحبش الافاظ البسيئة

وبعدين يعني ايه نحل الداخلية ونشجع الالطراص ؟؟ يعني لما حد يحصله حاجة اتصل على وزارة الالطراص

همج

Unknown said...

لو حد راح الاستاد مرة من اللى بيعلقوا دول هيلاقى الالتراس كاتب

alone against all

يعنى ده واقع بيعيشه الالتراس و مش هيتفوجئوا ان الناس بتتخلى عنهم

اعتقد برضه ان الشتيمة اللى مش عجباكم لو صادقة و بتتقال فى نظام

احسن من الكلمات الجميلة الامورة اللى بتتقال لاغراض و من غير نظام كمان

الحرية = نظام

Sysadmin-Sun said...

يكرم أصلك يا بنت الأصول يا أصيلة

متفائل said...

ولا فاكرين العيال السيس دي كانت حتعرف تعدل ولا تبدل لولا الالتراس وسكان العشوائيات

الله .. الله .. جديدة دي .. بقى العيال اللي عملوا الثورة وأشعلوا شرارتها طلعوا سيس دلوقتي ؟ فين كلامك القديم عنهم ؟ مش إنتي برضه اللي قولتي : سيبكم من شعرهم الطويل أبو كحكة وبنطلونهم الساقط دول أجدع رجالة ؟ عرفتي بقى إنك مالكيش مبدأ وبتلعبي على كل الحبال ؟ واللي مالهاش مبدأ وبتلعب على كل الحبال بلا ضمير ماتبقاش ثورجيه .. عارفة تبقى أيه ولا أقولك في ودنك ؟

Unknown said...

من مبادىء الالتراس يمكن تتعلموا

عدم تشجيع شخص بعينه مهما كان لان الكيان هو اللى بيعيش " مش بنطبل لحد يعنى "

اخوة فى الدم " يعنى فى المرة قبل الحلوة "

التشجيع لآخر نفس " يعنى مش هنروح الاستاد و لا الميدان عشان صورة للزمن "

محدش بيطلع يقول بعد كده اصل احنا واحنا زى اللى بنشوفهم كل يوم

الالتراس هو من علم الشباب كيف يثور فى مصر

الالتراس هو الساوند تراك لكل مناسبة مهمة من غيرهم الفيلم يسقط مهما كانت حلاوته

اولترا و افتخرو اللى مش عجبه ينتحر

الاسير said...

شباب العمرانية وساقية مكي هما اغلبية اللي كانوا موجودين عند السفارة

فافى said...

مش مستغربه ده الطبيعى بتاعك مش مصدومه انا بقى بنت متربيه ومش بحب الالفاص البذيئه مشكلتك يا نواره انك فاكره ان خلع المخلوع هدف فى حد ذاته لكن عمرك ما اهتميتى تخلى مصر بلد متحضره ربنا يشفيكى

احلام جوليا said...

انتم تهدمون ثورتكم بايديكم ببساطة في نفس اللحظة التي اقتحمتم فيها سفارة اسرائيل اقتحم اخرون اقسام الشرطة فتساويتم بهم واصبحتم جميعا شلة بلطجية امام العالم جعلتم الشرطة والجيش ينشغلوا بما تفعلونه وما تهاجمونه وتركوا اللصوص يسرقون الناس ويختطفون الاطفال والنساء صارت مصر شيكاغو بفضل انكم شغلتوهم حتى عن المحاكمات اغضبتم المجلس العسكري الذي يمكنه اليوم ان ينسف ثورتكم من الاساس اذا شهد مع مبارك في المحكمة وجعلتم الناس تكرهكم الناس الذين حموكم في الثورةعلى امل ان ايجابيتكم ستكون بناءه بعدها كما نظفتم شوارع البلاد ستبنون صروح كاملة يعمل بها الشباب وتشرف بها البلاد ولكن ما فعلتموه انكم اسأتم لانفسكم ولنا انشغلتم بكراهية اسرائيل فذاعة مبارك القديمة الذي كان كلما اراد من الناس ان تجتمع تحت لواءه اشار اليها على انها العدو وهو اكبر حلفائها الان كل الفضائيات تتكلم عن تجنيد شباب مصر بالخارج والكلام الذي اضحكنا ايام الثورة الان بدأ يجد طريقة لعقولنا ليس لاننا مقتنعين ولكن لانكم انتم افسدتم صفحتكم البيضاء لدينا لو الشرطة ملعونة والامن المركزي قاتل فانتم اغبياء وجعلتونا نحبهم ببساطة ونتمنى ان يعودوا اقوياء مصر الان بلد نخاف ان نمشي في شوارعها ونستعيذ بالله منها والبركة في ثورتكم المباركة التي قتلتوها في المهد بحماقتكم اي اسرائيل تلك التي تحاربونها وما السبب اسرائيل اخذنا منها حقنا من 30 سنة اخذنا ارضنا كاملة وليس بيننا وبينها عداء الا دم قديم اخذنا بثأره وانتم تفتحون علينا ابواب حرب وخسارة الارض والابناء من جديد لاي سبب لحماية الفلسطينين يا لاخلاقكم العالية وكيف هذا يا عقلاء مصراين يحارب الجيش داخل ام خارج مصر انتم نصرتم اعدائكم عليكم كل جمعة عملين مليونية لما بقيتم غير مقنعين وبعدين كنا ندافع عنكم ثم لم يعد لدينا ما نقوله ونبرره لكم كل جمعة بالشارع لمبررات واهية اعملوا شئ ايجابي مرة واحده اجمعوا ادلة زي الصحافين الشاطرين اجمعوا ادلة ضد الفساد اجمعوا ادلة ضد البلطجية ساعدوا البلد تقف مش تتهد التراس ايه واهلي ايه واسرائيل ايه وخيبة ايه الي احنا بقينا فيها دي الفلسطينين الي كنتم بتدافعوا عنهم من قبل حادثة سيناء يا حبيبتي هنا في الخليج كانوا بيتعينوا في وظائف كبري زي الخليجين وكان معهم كل الامتيازات الممكنة في الخليج واول ما قامت حرب الخليج اول من خان اهل الخليج كانوا يدلون العراقين على اماكن اختباء الكويتين واموالهم واماكن ما اخفوا بناتهم اول من خانوهم وبعد الحرب وانتهاءها عوملوا كالاجانب كباقي الجنسيات فتحتم بوابة رفح يا فرحتى دخلتم علينا جهنم لها باب وادخلتم الافغانستانين بلادنا يا للحرية اهم لعبوا في كل باب ومصر مهددة من اربع جهات اسرائيل وليبيا الي حالفوا الغرب من قبل في 67 ويحالفونه الان بقواعد عسكرية امريكية والجنوب السودان المنقسمة على نفسها يا فرحتي بثورة الي بيسبوا الدين يا فرحتي لعلمك يا نواره ليس كل المصريين يشتموا بالاب والام ويسبوا الدين انا وكثيرين مثلي لا نفعل بس واضح انك مش بتخطلطي بنوعيتنا من الناس

yosef said...

السبت، سبتمبر 10، 2011
العسكر ...يا طخو يكسر مخو....!!!

علشان نفهم الاوضاع في مصر وبسرعة علينا ان نعرف ان العسكر بيفهموا في العمل السياسي كما يفهم السياسيّون في خطط الحرب وتكتيكاتها ....
المجلس الاعلى للقوات المسلحة في مصر والذي وجد نفسه بين ليلة وضحاها مسؤول مسؤولية مباشرة عن الحكم دون ان يكون لديه اي فكرة مسبقة عن السياسة واهلها ودواوينها...
اعتقد (المجلس) انه وبما انه بين ليلة وضحاها اصبح حاميّ وحارس الثورة المصرية بنظر الكثيرين وهو من كان قبل الثورة الحارس الامين للنظام المخلوع ان بامكانه ان يّرضي الكل وان يكون على مسافة واحدة من الجميع ناسيّاً ان هذا الجميع يتكون من امريكا وإسرائيل والانظمة العربية والخليجية ودول الجوار ورمالها المتحركة وقبل كل ذلك الداخل المصري من حسني مبارك واولاده ورجالات نظامه المخلوع الى اطياف المشهد السياسي بعد الثورة من الاخوان والسلفيين الى الوفد والناصريين مرورا بشباب الثورة وائتلافاتهم التي لها اول وما لها آخر....
يُخطئ العسكر ان اعتقدوا ان العمل السياسي يقوم على ارضاء الجميع دون محاسبة او قمع الجميع دون مُحاكمة مدنيّة عادلة.

لذلك على المجلس العسكري ان يكف عن لعب دور لا يتقنه وان يعرف ان وجوده في هذه المرحلة هو وجود املته الظروف الانتقالية التي عليه ان يسرع في انهائها وان يعود الى دوره الاساسي في الدفاع عن ارض وشعب مصر وان يترك ادارة شؤون البلاد لمن يختاره الشعب المصري وعلى رئيس الوزراء الحالي الدكتور عصام شرف ان يُصر على تقديم استقالته طالما هو لا يحظى باكثر من لقب موظف ( مع مرتبة الشرف ) لدى المجلس الاعلى للقوات المسلحة....
ما جرى بالامس على مدخل السفارة الاسرائيلية وما جرى قبل ذلك كله نتاج للادارة الخاطئة للمجلس الاعلى فليس من المعقول ان يقر مجلس الوزراء اعادة السفير المصري من تل ابيب للتشاور رداً على استشهاد 6 من افراد الامن المصري على يد الجيش الاسرائيلي ويعلن عن ذلك ومن ثم مكالمة هاتفية من اوباما تُعلق قرار الحكومة بامر من المجلس وبعدها تُكرم السفارة باقامة سور واقي لها ليحصل اعضائها على الآمان الذي لم يشعر به الجنود المصريين على الحدود.
مصر تحتاج اكثر من اي وقت للعقلاء ولمن يتقنون قراءة الماضي والواقع ورسم صورة لمصر المستقبل وهم كثيرون وان كانوا مغيّبون غصباً عنهم وهذا ما ترك الساحة للفكر البلطجي من كل الاطراف.

احلام جوليا said...
This comment has been removed by the author.
احلام جوليا said...

الان كافة الدول العربية التي لم تنجح في ثوراتها ومظاهرتها قمعت من البداية يحمد الله شعوبها على عدم نجاحها بعد ما رأى حماقة ما حدث في مصر وفي ظني على حكام تلك الدول ان يتوجهوا لكم بالشكر لانكم بانفسكم بايديكم لا بايدي غيركم اسأتم الى ثورتكم وما اقوله لك هو صدى اصوات العرب خارج مصر سامحكم الله اندفاعكم بحماقة دمرتم املنا فيكم

سكوت هنصوت said...

على فكرة نوارة بتدافع عن الألتراس مش عن الشتيمة...بتقول ببساطة ما يبقاش العيب فينا ونرميه على غيرنا...ما الشعب كله بيشتم..ثم ان دي ثقافة الألتراس....هما مش شايفنها قباحة...هما شايفنها تعبير عن النفس وتعبير عن غضب وسخط من الداخلية...الي هي فعلا معفنة وسفلة وقذرة وكل حاجة في الدنيا..وما تنسوش ان الألتراس ميت لهم واحد الإسبوع الي فات...تضامنا معاهم النهاردة مسألة ضمير...مفيش حاجة تبرر خذلانهم...لا الفاظهم ولا غيرها

taima said...

نواره يسعد صباحك يا اصيله يا بنت الاصول طبعا الاولتراس اجدع ناس .. انا كالعاده بما اني مش معكم بدعيلكم .. نواره انتي اختي حبيبتي الله يحميكي ويحمي مصر وشباب مصر انتوا تاج على روسنا الله يكون معكم

كيوبيد said...

كلام جميل وزى الفل بس لسه المشكلة موجده وهى الشفافية والصراحه الى عملو الشباب فية شى من الصح ولكن فيه بردو اخطاء انا كنت عايز المشير والى عنان يطلع لنا بعد حداثة الجنود ويقول لنا ياشعب مصر احنا مش هانقدار ندخل حرب مع اسرائيل بسبب كذا وكذا وكذا واحنا الشعب بقا نرد عليهم بالرد المناسب يما طظ وندخل الحرب وخراب علينا وعليهم يما نعرف السبب ونسكت ولكن التعتيم ده ومافيش حاجة واضحه واسرائيل قاعده وعينه تضرب فيه رصاصه لا فى الحالة دى احا على حق ربنا يبقى نحرق لهم السفاره بالسفير ونحرق معه المشير والمجلس والعسكرى والخفير خلاص بقا قرفنا من اسلوب عدم المصراحه ومش فاهمين البلد ماشى ازاى حسنى لسه حاكم والى المشير والى امريكا والى اسرائيل

حسن محمد على said...

استعمال الالتراس للسباب مع الشرطة هو من قبيل رد" بعض "وليس كل "مجاملات" الشرطة لهم فى السابق. فالشرطة المصرية صاحبة اكبر قواميس الشتيمةالبذيئة فى العالم ,ثم ان الالتراس لم يردوا لهم "جمايلهم" بالبذائة نفسها بعد .

ahmad said...

يسلم فمك يا نوارة
واقول كما قال المتنبي
اذا غامرت في شرف مروم... فلا تقنع بما دون النجوم
فطعم الموت في امر حقير ... كطعم الموت في امر عظيم !م
وبعدين ايه اللي اخونا قاعدين يعملوه ده يعني ايه السفير يمشي قوم نطبق قانون الطوارئ
الله الله الله اكبر
بدل ما نستثمر الموضوع باعلى درجة لا ننكفئ على نفسنا اكثر لدرجة ان السيد نتنياهوا مايلقيش حاجة يقولها غير انه يشكرنا
اهلا اهلا
وده طبعا ملعوب كبير علشان تزيد الفجوة بين الشعب والسلطة وتزيد الفوضى كما قال الحلو مبارك
اما انا او الفوضى
وايه بتتحقق
تصدق اني بدات اصدق انه من اولياء الله الصالحين وانه الشريف مبارك
هههههههههههههههههه

ابراهيم رزق said...

نوارة يا بنت نجم يا بطلة

اذا كان الالتراس بلطجية يبقى انا اول بلطجى معاهم

اما الالفاظ فكانت فى اذاننا زى العسل لدرجة ان البنات كانت بتقولها وراهم
وصف القبح ليس بقبح

اما ما قالوه عليهم من انهم اعتدوا عليهم و حدفوهم بزجاجات بول فده تلفيقة من تلفيقات الداخلية و كتبت عن كده
اما ما فعله بهم الداخلية فمتسجل على ظهرهم اثاره
هم لم يحسبوها و عقدوا اتفاق مكع حزب الوفد عشان يقسموا الكراسى النيابية
لم يهمهم سوى مصلحتهم

تحياتى

مش فاهمه said...

تعرفى يا نوارة حماسك و استغلال البعض لحماسك و جدعنتك هم السبب فى كثير من مواقفك اللى ساعات تبان متسرعه ومش مدروسه اللى حصل عند السفاره مقصود ان ناس تتورط فيه علشان المشير مايروحش يشهد و علشان يشوهوا الثورة اللى طلعوا نزلوا العلم عاى لكن اللى اقتحموا السفاره ممكن قوى ناس تكون سخنتهم زى ما فيه ناس تبع المجلس سخنتكم على قفل المجمع و انتى اعترفتى قبل كده انكم ماكنتوش موافقين .....نوارة اعقليها و النبى الألتراس كويسين و كل حاجه بس اللى بيتحبسوا مصريين و كفيانا بقه تقسيمات التراس و 6 ابريل و مش عارفه ايه .......ياريت تتلموا على بعض بقه و كفايه خلافات عبيطه اسمحى لى

محمد صادق said...

سيبك من قصة الشتيمة. بس إيه ده. فعلا هو كدة السفير الإسرائيلي مشي خلاص يعني مشكلتنا مع إسرائيل اتحلت. الحمد لله. ألف مبروك يا جماعة خلاص. دا أحنا هانشوف على الفيلم الهندي بتاع السفارة دا بلاوي ما كناش نحلم بيها في أسوأ كوابيس.مش بعيد إسرائيل تطلب تبعت قوات خاصة تحمي السفارة وإحنا نوافق. السفير مش هايرجع تاني بس. هايرجع باشا باشا باشا.عجبنا أوي منظر الاقتحام. الحق يتقال عجبنا كلنا. لكن اللي حصل ده لا يوصف إلا بإنه هرتلة ثورية. أنسى لي بقى طلبات الثورة شهرين تلاتة على ما نحل حكاية الاقتحام والحرايق والناس بتتحاكم والناس اللي بتطالب بإنهم يطلعوا والناس اللي بتطالب بأشد العقوبة ليهم. ألف مبروك

حسن محمد على said...

الشرطة تهاجم مكتب الجزيرة مصر بحجة-رسمية-هى فحص التراخيص وحجة حقيقية هى ترهيب العاملين بها وعودة الى اساليب صفوت الشريف وعصابتة,وفى اشارة -اصابع-بذيئةمن وزير الاعلام تعنى ان شيئا لم بتغير,وان اسامةهيكل "الثقيل"هو اعادة استنساخ لصفوت الشريف "المفضوح

Unknown said...

العزيزة نوارة اين الغياب هل تعلمين ان هناك من يموت شوقا لقرأة كتاباتك فأنتي تعني للكثير الترومومتر المعتمد للكثيرين في الحكم على مجريات الاحداث في الحبيبة مصر لك مني فائق الحب والاحترام ولكل المصريين الجدعان


الخولاني.اليمن

Unknown said...

العزيزة نوارة اين الغياب هل تعلمين ان هناك من يموت شوقا لقرأة كتاباتك فأنتي تعني للكثير الترومومتر المعتمد للكثيرين في الحكم على مجريات الاحداث في الحبيبة مصر لك مني فائق الحب والاحترام ولكل المصريين الجدعان


الخولاني.اليمن

Unknown said...

العزيزة نوارة اين الغياب هل تعلمين ان هناك من يموت شوقا لقرأة كتاباتك فأنتي تعني للكثير الترومومتر المعتمد للكثيرين في الحكم على مجريات الاحداث في الحبيبة مصر لك مني فائق الحب والاحترام ولكل المصريين الجدعان


الخولاني.اليمن

Unknown said...

العزيزة نوارة اين الغياب هل تعلمين ان هناك من يموت شوقا لقرأة كتاباتك فأنتي تعني للكثير الترومومتر المعتمد للكثيرين في الحكم على مجريات الاحداث في الحبيبة مصر لك مني فائق الحب والاحترام ولكل المصريين الجدعان


الخولاني.اليمن

hossam said...

نوارة بتسالى نفسك ليه مصر متغيرتشى
لان مصر دخلت لعبة غسيل الاموال وتقوللى يعنى ايه? يعنى اموال كنير من الدعارة والمخدرات ليها منظومة برة بتتصل بامن الدولة وعايز اقولك كل اللى بيحصل فى مصر دلوقتى امن الدولة وره اكملك الحكاية بتاعت غسيل الاموال فبتاع امن الدولة بيختار شخصية نقول احمد عز مثلا ليه علاقات مع السلطة ويتقعد معاه قعدة ونبتدى ضخ الاموال ومن هنا اتولد كل الحرامية اللى بيحاربوا بقوة انتى قضيتى على شوية لسه كنير قووووى بيحاربوا الثورة رجال اعمال كنير عايزين ثورة اكبر

mohamedelnady500 said...

مش هينفع تنضمى للالتراس يا نوارة علشان هما بيعملوا بيبى على سور وزارة الداخلية وانتى مش هتعرفى تعملى زيهم

Anonymous said...

ياناس..،كتبنا وحذرنا وسنكرر،فمصير مصر سيبنى على هذا،قانون انتخابات النواب،خالف ما توافقت عليه قوى الشعب للانتخاب بالقائمة،فخص نصف الأعضاء بالانتخاب الفردى..،بما يعنى المال والنفوذ والعصبيات والبلطجة،لا عدل..،وهكذا ستهزم الثورة،ويخسر الشعب..،فليصلحوا ماقرروا..،الانتخاب بالقائمة سيأتى بالشعب الى الحكم،ألم يقم الشعب بثورته ليحكم نفسه ؟! د. شريف عبد الحكم

Unknown said...

طبعا أختلف معاك وهذه الطريقة في التفكير لا تصلح في قيادة بيت فما بالك بقيادة ثورة
أنصحك بقراءة بلال فضل اليوم
http://tahrirnews.com/%D9%85%D9%82%D8%A7%D9%84%D8%A7%D8%AA/%D8%AC%D9%85%D8%B9%D8%A9-%D8%AA%D8%B5%D8%A8%D9%8A%D8%B9-%D8%A7%D9%84%D9%85%D8%B3%D8%A7%D8%B1/

محمد نور الدين said...

ست الكل مساء الخير

لا حديث بعد حديث سامية جاهين

نعم لا تعليق ولا حديث ولا تعقيب بعد شهادة الفنانة الراقية و الجميلة سامية جاهين التي اتحفتنا مع تلك المجوعة الرائعة في امسية رائعة على قناة التحرير

عماد said...

روحي يا شيخة ربنا يزيدك نورا على نور {والذين اهتدوا زادهم هدى}، {والذين جاهدوا فينا لنهدينهم سبلنا
أرحتي قلبي، الله يريح قلبك

fatmaalzaree said...

جدعه يا نوارة ولا يهمك من كلام الاوساخ دول

fatmaalzaree said...

جدعة يا نوارة ولا يهمك من شوية الاوساخ دول

محمد نور الدين said...

ست الكل مساء الخير

النوارة والألتراس وأزمة الفكري الثوري

شوفي يا النوارة أنا أكثر واحد يتابع إسهاماتك وكتاباتك المختلفة ومنذ فترة .ولا أترك منها لا شاردة ولا واردة وأقول هل من مزيد . حتى إسهاماتك القديمة عدت إليها. كما أتابعك على عدة مستويات :في المدونة و على الفيس بوك والتويتر، ومؤخرا على جريدة التحرير. هذا كله يؤهلني للحكم على تفكيرك ،بل أقول أنني أعرف سقفك الفكري وحتى معجمك اللغوي.
نبدأ من الحدث الكبير ، الثورة وبالضبط بعد التنحية بدأت النوارة تتخبط عندما اعتبرت أن المهمة الأولى للثورة هي تشجيع الإضرابات الفئوية ، حذرتها من هذا الانزلاق الخطير لكن كعادتها ،أذن من طين وأخرى من عجين . وقلت لها هذا يقودك من حيث لا تدرين إلى الثورة المضادة. و لفت انتباهها أن المعركة الثانية بعد التنحية وبالحرف قلت لها ، مع مؤسسات الاستبداد وعددت لها تلك المؤسسات. مرة أخرى إذن من طين وأخرى من عجين ، فراحت تبعث رسائل الحب و الغرام و الهيام لأناس هم جزء مكون للنظام ،وتذيل رسائلها بقلبين وسهم مثل مراهقات الثانوية. وأكثر من ذلك بدأت تتهجم وتشتم كل من يعترض على الأسياد الجدد، تشبه أيضا المراهقة التي تتخانق مع كل بنات الثانوية وتمسكهم من شعرهم وتطالبهم أنهم ما يتكلموش مع أحمد لأنها تحبه . حذرتها من هذا السلوك وقلت لها بالحرف، أنت مراهقة سياسية . وللأمانة النوارة إلى حد الآن لم تشتمني و لم تطلب مني أنني منجيش تاني للمدونة . لكن استعملت معي أسلوب آخر . المهم ضلت على حبها للعسكر حتى أخذت على قفاها ،حقيقة وليس مجازا . وكانت تستاهل . ولولا المعزة لتمنيت لها أن يرفقوا الضرب على القفي بركلة بأحذيتهم الخشنة .
ثم جاءت حكاية السفارة واعتبرتها قضية القضايا واختلفت مع الجميع حتى مع صديق عمرها ،هي اللي قالت صديق العمر ،بالمناسبة مقال اليوم كأنه رد على ما كتبتيه كله هجوم على الألتراس ومشجعي الألترالس ، . تدخلت مرة أخرى شارحا في تعليق اخترت له عنوان : السفارة نتيجة وليس سببا وأفهمتها أن طرد السفير يبدأ من مكان أخر ، يبدأ من انتخابات تشريعية ورئاسية تكون نزيهة ونظيفة وشفافة نابعة من الإرادة الشعبية . وللأمانة لاحظت أنها تبنت هذا الرأي في مقالها في جريدة التحرير : الموسوم " مسار الثورة . لكن بعد إيه
و هاهي مرة أخرى تخطي خطأ فادحا بتشجيعها لموقف هؤلاء الشباب، ولهذا أحذر مرة أخرى وأقول هذا يعد لعب بالنار يا النوارة لأن هؤلاء قد يوظفون توظيفا آخرا معاد للثورة ..
وهنا ينشأ سؤال أساسي وجوهري ، يقول لماذا تتكرر أخطاء النوارة . الجواب سهل وبسيط ومعروف وبديهي. وهذا لا يخص النوارة وحدها إنما الكثير من شباب الثورة لأنه على حد الآن لم يتمكن شباب الثورة و الكثير من المثقفين في مصر من كشف القوى الحقيقية التي من مصلحتها الثورة ،وهي ليست قوى واحدة بل متنوعة . ولهذا فإن أول مهمة تضعها الثورة على رأس جدول أعمالها هي كشف القوى الحقيقية التي من مصلحتها الثورة وتضع برنامج تحالف مرحلي يقود الثورة إلى بر الأمان وهي مرحلة الثورة الوطنية الديمقراطية.

حسن محمد على said...

المشير طنطاوى و"فريقة الاول" عنان هما الان على المحك ,هما عارفين كويس ان شهادتهما يراقبها اللة سبحانةوهما على وشك شرف لقاؤة,وانهما تحت القسم بنظر اليهما الابناء والاحفاد والتاريخ,فلا تأخذكما فى الحق لومة لائم,تذكرا تاريخيكما,تذكرا شرفكما العسكرى وصدقكما الانسانى,وماذا سيقال عنكما بعد عمر طويل. ولا يجرمنكم شنأن قوم على ان تعدلوا, اعدلوا هو اقرب للتقوى

حمكشه said...

النخبه الوسخه اللى شغلوا البلد بالدستور اولا ولا الجبنه الاسطمبولى اولا وبنفس طريقه صفوت الشريف فى تفتتيت الاحزاب عندما يظهر حل يخرج عليك نخبه من اشكال معده فى امن الدوله فى الصحافه والقضاء والجامعات لتشغلناوتلهينا هل ان الاوان لظهور قرضاى ؟!!!...الشعب فاهم وبيستهبل ويل امن الدوله والنخبه تربيته من هذا الشعب الفيل

hassan said...

علي فكره يا نواره المجلس اذكي منكم بكتير قوي وبيستغل حماسكم اللي بيخلي عقلكم يتوقف عن العمل وبيلبسكم في الحيط اللي انتي مش قادره تفهميه ان غالبية اللي وقفوا مع الثوره من الشعب الشعب تفكيره مختلف تماما عنكم والشعب المصري بطبيعته بيحب الاستقرار وبدا يزهق من حال البلد وانعدام الامن والمجلس فهم نفسية الناس دي كويس وبيتعامل معاهم بحرفنه شديده في حين انكم تتجاهلون ذلك وتتعاملون معه بمنتهي الغباء وعلي فكره المجلس بيستغل غباؤكم ده وبيستفزكم لعمل ما يريد وكل يوم بيسحب من رصيكم عند الناس بل بيستعديهم عليكم افهموا الرساله بقي شوفي مواقع الفيس بوك وتعليقات القراء هتعرفي ان الناس كرهتكم اقري تعليقات الناس علي كلامك هتعرفي ان المجلس ضحك عليكوا وسحب البساط من تحت الثوار
وكل سنه و انتي طيبه
لو مفهمتوش اللعبه هتخسروا و هنخسر كلنا و المجلس العسكري هيستولى ع السلطه او ع الاقل هيجيب واحد علي هواه
بقيت كلمه اخيره من دخل الجيش يعلم تمام العلم ان المشير اسواء من مبارك و اقسي منه ولكن الفرق ان المشير و من حوله اذكي بمراحل من مبارك
انتبهي اختي الفاضله انتم من تضيعون الثوره بايديكم
اللهم بلغت

المهندسه ياسمينه said...

والله عندك حق كله اتخلى عن الالترس عشان الاحداث الاخيره ونسو اللى قدموه للثوره لكن نقول ايه قلة اصل
هما ماقدروش يفسرو اللى حصل ف السفاره انه كبت ومشاعر مداس عليها جوه كل مصرى مش الالترس وبس ليه ديما بيقولو نحافظ على العلاقات الدبلوماسيه وينسونا
كل ده عشان الثوار مش ف السلطه والامن اللى عمالى يضرب فينا نسى ان كل اللى اتعمل
كان عشان زمايلهم اللى اتقتلو ع الحدود بجد انا اتخنق اوووووووووووووووووووووووووووووووووووووووووووى من العيشه دى ومن الحكومه دى يا جماعه انا عندى 18 سنه يعنى داخله 3ث وجايبه ف تانيه 97%ودخلت علمى رياضه بس حاسه ان المستقبل اسوووووووووووووووووووووووووود وان انا مش هاعرف احقق احلامى لان انا جالى اكتئاب خلاص من السياسات اللى زى الزفت دى

amal said...

انتى بميت راجل وجدعة ربنا يحفظك

Nicholas Urfe said...

شعب بيحب النفاق وادعاء الاخلاق ، والاخلاق عنده هي عيب ،ياااي ، ما تشتمش ، حاسب على الفاظك ،

يا شعب منافقيييين ، يا منافقيييييييين ، لو الشعب متربي كده ماكنش ده بقى حالنا من زمان ، كل واحد او واحدة من بتوع الشتمية كخ وعيب دول يروح يقف قدام المراية

Ahmed Mohamed said...

نواره قعدت تقول ع الالتراس عوطلية البلد شوفولهم شغله ولما عملو احلي شغل اتسجنو ,وكل العاده ايد خارجيه هي الي وزاهم ومخطط لخراب البلد,وابن الحيوان اوباما طالع يستنكر وقلقان يعين امه علي السفاره ومنطقش بكلمه لما الجنود شهدائنا ماتو ع الحدود

وحياة ابوكي يا نواره حطي الصوره بتاعة الاجرب اوباما بتاعة قبلة الاستقبال يا كلب
بتاعة الشبشب ابو ورده ده

hardway said...

مش احنا اللي اقنعناهم ان فيه ثورة ولا ايه؟ اقتنعوا ودخلوا بكل طاقتهم
............................
أمنيتي في الحياة كلها أعرف منك ..
أنتم مين..؟؟..اللي أقنعتم الألتراس والناس بالثورة..أنتم مين؟؟؟؟؟؟
رجعت الآن نوارة راكبة الأمواج
تركت السلفيين..تركت الشباب السيس..
تركت شباب الاخوان...والآن نوارة تركب موجة العشوائيات وشباب الألتراس....
وأنت تحبين الشديد و الألتراس شديد الشديد

dahabhospital said...

دعونا ....نعترف....الجيش سرق ...الثــــورة.....انتهي ...انتهي

حسن محمد على said...

المجلس العسكرى يليق بة ان يسمى "المنبت" فلا ارضا قطع ولا ظهرا ابقى. العسكرى يرث نظام مبارك ويمارس نفس الاساليب القذرةالتى كان يمارسها صفوت الشريف ويلوث الثورة المصرية واصبح مكشوفا للجميع ومنبت الصلة بالمصريين الاحرار

maf2ou3a said...

اللي اتعمل في الاتراس بيتعمل في مصر كلها و علي عينك يا تاجر و لا حياة للحرية

علان العلانى said...

فضوا هذا المجلس فقد بدأ يخرف

إن المجلس العسكرى هو نفسه رأس النظام الفاعل فى الحقيقة وليس هذا العجوز الثمانينى داخل القفص أو نعليه وهذا هو الموقف الذى يتغافل عنه الجميع وبعي أو بدون وعي أو بقصد ورغبة في تجنب مواجهة دموية والحفاظ على الجيش المصرى سليم ومعافى لأن الثورة بحكم حتمية التغيير فيها سيترتب عليها تغيير جذرى فى الإقليم والعالم وتلك حتمية تاريخية لا مهرب منها واستحقاق لن تفيد معه المراوغة والمماطلة.
أمام المجلس الأن طريقان طريق سوار الذهب الذي وفى بوعد نقل السلطة سلميا من العسكر إلى حكومة مدنية بعد انتفاضة الشعب السوداني على جعفر النميري في الثمانينات وترك الحراك السياسى والإرادة الشعبية تختار لنفسها وليس مسئول عن ما حدث بعده ،وطريق بشار الأسد الذي نراه يقتل شعبه بدم بارد مستغلا جيش محتنك طائفيا ونهج أمني يمثل حزب لا يبعث الا على الشفقة يسارع إلى قاع مزبلة التاريخ لامحالة بعد أن زعم أنه حزب لبعث الأمة فإذا به ينتهي بمحاولة وئد الشعب.
أما في مصر فالسياسة الحاكمة أرساها السادات كما أرسى حافظ الأسد سياسة سوريا وهذا هو مآل هذه السيايات التي يواجهها هذا الجيل فى البلدين بعدما أذعن لها أربعة أجيال سابقة.
هناك تراكم من ثقافة الرضوخ هيئت مجال حيوي لوعي سياسي زائف يرضى بالوعود ويترك "لولاة الأمر التفاصيل". إن المجلس العسكرى يتخادع لنا لينال مأربه وهو بوضوح حكم مصر بالوكالة حتى فى حالة وجود قوى سياسية فى ديكور الدولة وهو يعمل بجد ويماطل فى الزمن والكارثة أن هذا لن يكون. نعلم ويعلم الجميع أن فى المجلس العسكرى رجال يطالهم قانون الكسب غير المشروع ونعلم ويعلم الجميع النظرة الاستعلائية المغلفة بكياسة التواضع التى يكنها العسكريون للمدنيين ليس فى مصر وحدها ولكن فى العالم كله -وإن استطاعت بعض الأمم ايجاد حلول له ونموذج تركيا الحديث بجوارنا. لقد اتخذت حكومة شرف قرار سليم بسحب السفير ولكن المجلس العسكرى تدخل وعندما أدى تدخله لكارثة ها هو يلجأ إلى القوة وما لا يعلمه أنه بذلك سيتحول لمجلس عميل بحجة الدراية بخبايا الأمور. إذا كان المجلس العسكرى -على بلاطة- يخشى الحرب من اسرائيل أو أمريكا فقد يكون محقا من الناحية العسكرية إلا أن السياسة لا تحكمها الاعتبارات العسكرية فقط ، والمجلس جاهل كما يتبدى من إدارته لصناعة القرارمن الناحية السياسية والجيواستراتجية بإمكانيات وقدرة هذا الشعب وعبقريته وتلك هى الأزمة بعينها فإما أن يرضخ لإرادة الشعب أويسترضى قوى الهيمنة بتلك الطريقة الفهلوية وفى الحالة الأولى سوف يكرمه الشعب بما يرضى عنه ويترك السياسة لأصحابها و يمارس دوره كأحد مؤسسات الدولة من خلال رؤية واضحة للأمن القومي ، ففي ظل حركة شعبية قوية وواسعة لا تحتاج الدولة إلى ممارسة القوة من الداخل فهي أداة الدولة لفرض إرادتها في الخارج ووجودها في حد ذاته يغنى الدولة عن استخدامها فى الداخل وإلا فهو يختار الدخول فى مواجهة مع الشعب المصري على طريقة بشار وحينها سيكون قد أهدر دمه وبيد جيشه نفسه وليس بيد الشعب وسيحاكمه جيشه فلا تخلو مصر من الرجال ولا توجد أمة دخلت التاريخ بطريق مفروش بالورود ولم يتسنى هذا حتى للأنبياء. وشباب هذا الجيل سوف يدخل التاريخ حتى لو اجتمعت عليه كل المجالس العسكرية فى العالم. فضواهذا المجلس فقد بدأ يخرف وارحموا انفسكم أما الشباب فكما ترون لم يعد الموت يخيفهم فهذا الشعب ليس جبانا وليس جعانا وهو شعب تحمل منذ ألاف السنين نرجسية الفراعنة وترهاتهم ما لم يتحمله أي شعب في التاريخ ودفنهم فى قبور هى من عجائب الدنيا السبعة بل هى أعجبها وما لا يدركه العسكر أن هذا الشعب وهذا الجيل يطالب بالحق فى الوجود أساسا اى أن بقاء النظام بالنسبة له هو والموت سواء ، وما يطالبون به مشروع أمام العالم كله والموت من أجله شرف وشهاده فليختاروا لأنفسهم قبل أن تدهمهم الثورة بما لا يطيقون ونطيق فلا راد لإرادة الشعب المصرى أمام قدرة الذى قدره له الله بالحياة.

فافى said...

هو انتى يا نواره مش بتزعلى من التعليقات اللى كلها نقد او شتيمه او حتى بتضايقى ولو حاجه بسيطه؟؟

nosseir said...

اللى بيدخل سفارة اسرائيل او اى سفارة دولة تانية ويكسر فيها عشان الدولة دة قتلت لنا مصريين ....يبقى بالظبط عامل زى اللى اتقتل لة قريب ويروح يأخد بالثأر بأيدة .....انت ليك حق اة ...لكن تنفذ القانون بأيدك تبقى فوضى ....هتقوللى ما المسؤلين مش عارفين يجيبوا حق اللى اتقتلوا...اقولك خلاص يبقى مشكلتك ومعركتك مع المسؤلين بتوعنا...اللى بيحكمونا مش مع سفارة اسرائيل....فاهمة يا سكسكة؟

ياسر كامل said...

جاموسة انتى ولا ايه
انتى كل يوم برأى وكل يوم بكلمة؟

Masa said...

نورتي يا نوارة مصر
اتمنى يكون في بكل حي نوارة، كانت اتعدلت الامور.
من الكويت ارسل لك فلبي، هو عندكم، خايف عليكم و على الكنانة. املنا كبير بمصر، اشتقنا لأمنا.شرفتونا و رفعتوا راسنا بعد ما افتكوناكم نسيتوا فلسطين، كان لازم ينرفع علم فلسطين بدل العلم الصهيوني،.
ما تغيبيش و تطولي، علينا. انتي بتطمنينا على مستقبل اولادنا، البقيه ما بيتصدقوش، كل واحد منهم بلون و بريحه.

Human said...

من مواطن مصري الي وزارة الداخلية



أيها القوم ..........تعالوا نراجع سويا لماذا قمنا بالثورة علي رأي عادل امام.......

ألم تكن ممارسات وجرائم وزارة الداخليه تجاه المواطن من اهم اسباب قيام الثورة ؟

ألم تكن الكرامة الانسانية هي هتاف جماهير يوم 25 في جميع ميادين مصر ؟

ألم يكن تعذيب وقتل خالد سعيد ، وسيد بلال علي ايدي رجال الشرطه من احد اهم اسباب اشعال شرارة الثورة ؟

ألم يكن تفجير كنيسة القديسين علي ايدي حبيب العادلي واتهام جيش الاسلام الفلسطيني بها ظلما وعدوانا من اهم اسباب انفعال الشارع المصري؟

ألم تكن فيديوهات تعذيب المواطنين في الاقسام وفي مقرات امن الدولة هي المحرك الاساسي لكل المظلومين والمقهورين من ابناء مصر للمشاركه في الثورة؟

ألم يكن تزوير انتخابات مجلس الشعب الاخيره علي ايدي بلطجية الداخليه احد محركات الثورة؟

ألم تكن ممارسات الكمائن واللجان المفتعلة طيلة الوقت وتعطيل حياة الناس وانتهاكها فضلا عن استغلال قانون المرور الجديد في سرقة اموال المواطنين ، والاستهانه بارواح البشر علي الطرقات من ترك سيارت الاجره والميكروباص التي اتضح ان اكثر مالكيها من رجال الشرطه وبلطجيتها.........اليس كل ذلك من محركات الثورة؟

ألم يكن تلفيق ملفات امن الدولة ، والتصنت والمراقبة والتدخل حتي في انتخابات طلاب الجامعات والتضييق علي الناس في ارزاقهم وحياتهم ، وفي الهواء الذي يتنفسونه من محركات الثورة؟

وقبل ما أي حد يفتح بوقه....علشان انا عارف ردود العقليات التليفزيونيه المريضة من كثرة متابعة برامج عمرو اديب ومني الشاذلي وغيرهما من المضللين والمنافقين......عارف ان في ناس هتقول.......وزارة الداخلية مغلوبه علي امرها ، وتنفذ التعليمات السياسيه......بمنتهي التخلف والسفاهة التي تريد ان تقنعنا بالتعاطف مع هؤلاء الظباط القتلة لمجرد انهم تلقوا تعليمات بالقتل او بحجة تأدية الواجب والحفاظ علي الامن، وياللعجب!!.....ورغم ان الرد من السفاهه بحيث انه لا يحتاج الي رد الا ان ابسط الردود عليه هو ان قتل المواطنين وتعذيبهم وانتهاكهم لم تكن بسبب تعليمات مباشرة من احد....ولكنها كانت طوال الوقت سياسه عامه ، ومنهج اصيل لذلك الوزير المجرم ، ولمعظم رجال الوزارة.......منهجية عدم احترام ادمية البشر والاستهانة بهم وبارواحهم ، واهدار كرامتهم ، ولقد رأينا جميعا ذلك وتأكدنا منه في مئات الحوادث ( الفردية الجماعية) لعل اقربها الي الذهن قضية عماد الكبير ، وانتهاك كرامة وحرية رجال القضاء الشرفاء علي مرأي ومسمع من الجميع......ثم دعنا نفترض –جدلا-ان موظفا عاما في اي جهاز في الدوله قد تلقي تعليمات بالتعامل مع موقف ما......او فلنقل بقتل احد المواطنين الاخرين.........هل هذا يعتبر مبرر كاف للقتل؟؟......ياله من عمل جليل، وواجب وطني مشرف!!!

Human said...

الخلل هنا في هذا النظام والمنهج الغير امني ، والعقلية المتعنجهه والاحساس بالاستعلاء الغير مبرر من قبل معظم رجال الشرطه-حتي امناء الشرطه-هذا الكبر وتلك العنجهية الفارغه التي جعلتهم يعتقدون ان من يعبر عن رأيه المخالف فهو عدو شخصي او عميل اجنبي ويجب قتله او اعتقاله.........نفس العقليه الموجوده حتي الان!!

وهذا الكبرياء الذي كسره الشباب يوم جمعة الغضب هو السبب الاساسي في رغبة قيادات الشرطه -التي لازالت في اماكنها- في الانتقام من الثورة وتشويه الثوار عن طريق استعمال البلطجية، واصطناع الازمات المستمرة الغير مبرره والغير مفهومه مع اسر الشهداء والاعتداء عليهم .

وهو نفس الكبرياء الذي سحب كل قوات الشرطه من اماكن خدمتها وجعلها تختفي يوم جمعة الغضب ضاربين بعرض الحائط سلامة الوطن وامنه ، ولم نعرف حتي الان أين محاسبة المسئولين عن هذا الانسحاب الخطير؟

وهو نفس الكبرياء الذي جعل كل امناء الشرطه يحرقون اقسامهم قبل ان يهربوا منها في توقيت متزامن ، ولا مانع هنا من ترك بعض الاسلحه حتي يتم تصوير الامر كما لو كان المواطنون هم الذين احرقوا لكي يسرقوا السلاح.

وهو نفس الكبرياء الذي تم به ارهاب المواطنين في ايام الفراغ الامني بعد جمعه الغضب وضرب النار في الشوارع باستخدام سيارات خاصة علي ايدي رجال الشرطه وبشهادة كل الناس.

وهو نفس الكبرياء الذي تم به اطلاق الاف المساجين الجنائيين والمسجلين خطر من جميع سجون مصر لنشر الرعب والفوضي انتقاما منهم ولا يوجد اي محاسبة او تحقيق لهذه الخيانة العظمي حتي الان.

وهو نفس الكبرياء الذي تم به احراق وفرم ملفات امن الدولة ، وتعريض امن البلاد للخطر، ولم نر حتي الان معاقبة اي مسئول عن ذلك؟

وهو نفس الكبرياء الذي ينكر به منصور العيسوي ما هو معلوم لدي كل ظباط الشرطه وكل من حضر ميدان التحرير بالضرورة من وجود قناصة تابعين لوزارة الداخليه علي الرغم من ان الدنيا كلها شاهدتهم علي فيديوهات اليوتيوب؟!!

وهو نفس الكبرياء الذي بسببه وحتي الان لا توجد رغبة حقيقية لمكاشفة الناس بما وصلت اليه لجان تقصي الحقائق بوزارة الداخليه!!! ولامصارحتهم عن اسباب الانفلات الامني- وكذلك- ولا عن عدم الرغبة الجديه( و بعد مرور تسعة اشهر علي الثورة) في عودة الامن الي الشارع ، ولا في اعادة بناؤه بلا اي مبرر واضح الا لمعاقبة الناس ، وجعل البسطاء منهم يكفرون بالثورة العظيمه ومكتسباتها.

نفس الكبرياء الذي اعاد صياغة جهاز امن الدولة بنفس العناصر والوجوه القديمه تحت اسم اخر وهو الامن الوطني وبلا اي مراقبة قضائيه!!

نفس الكبرياء الذي جعل كثيرين من قيادات الداخلية ضالعين بشكل مباشر فيما يعرف بالثورة المضادة ..فنحن حتي الان لا نري اي قوات للشرطه الا لمواجهة الثوار ، او لحماية سفارة اسرائيل ، وغير ذلك فلا وجود لهم مطلقا.

نفس الكبرياء الذي يريد اعادة قانون الطوارئ مرة اخري!!!؟

Human said...

أما بالنسبة لمن يقولون ان هناك شرفاء بالشرطه فأنا اتفق معهم تماما ، ولكن ما هي نسبة هؤلاء الشرفاء ، وما هو دورهم في قلب هذا الاخطبوط الذي يلعب بالوطن؟

ومن يقولون ان هناك أياد خارجية لتبرير سخافات وغباوات رجال الشرطه.....فهم يقولون ذلك طيلة الوقت ومن اول ايام الثورة.......ونحن معتادون دوما علي مثل هذه المبررات الساذجة......وبالتأكيد هناك دوما عناصر خارجيه ضالعه فيما يحث ولكنها ليست لاعبا اساسيا......فمحرك الاحداث يبدأ من هنا وبأيدينا.......والفاعلون هم بلطجيتكم وأنتم......حتي لو كان هناك سائح او اكثر مر بجوار الاحداث او تم رصد اثنين من حركة حماس يعبرون الطريق وقتها!!

ومن يقولون أن الحفاظ علي هذه الشرطة الفاسدة او بقاياها هو حفاظ علي الدولة المصريه هم بلا شك مخطئون تماما, لان هناك فارق كبير بين رجال الشرطة الفاسدين والمجرمين وبين مؤسسة اسمها وزارة الداخلية فلا احد يريد انهيار المؤسسات ولكن لابد من التطهير والمحاسبة والشفافية ، ليس من اجل المحاسبة فقط ولكن لاعادة البناء علي اساس نظيف ، نريد اعادة هيكلة حقيقية وليست صورية ، نريد رجال شرطة علي كفاءه ومهارة امنيه عالية اكثر من مهارتهم في استفزاز الناس ، والتعدي عليهم ، ولكي يحدث ذلك يجب ان لا يلتحق بالشرطة أولئك الحاصلين علي مجموع ضعيف في الثانويه العامه من الغشاشين ، والبلداء وأصحاب الرشاوي والمحسوبيات لان كل رجال الشرطة الموجودين حاليا هم نتاج تلك العقليات المتبلدة.

أنا متضامن مع الالتراس فيما يهتفون به ضد رجال الشرطه الفاسدين ، وهذه ليست اهانة....أن يواحه المرء حقيقته وانه حاصل علي مجموع خمسين في المية ليست اهانه ، بل هي حقيقة مره.......ندفع جميعا ثمنها الان.

من الناحية الشخصية فاني مشفق تماما علي رجال الشرطه العاملين الان في مصر....فهم جميعا في نظري أحمد زكي في زوجة رجل مهم في الجزء الاخير من الفيلم.......يحاولون اغراق الجميع للحفاظ علي منظرهم العام........وجزء من كبريائهم المفقود.....ولكن اشفاقي عليهم لن يجعل مصر تحتمل المزيد من حماقاتهم وغرورهم وخطورتهم علي امن الثوار والمواطنين....ومع احساسي بخوف المجلس العسكري من اعادة هيكلة الشرطه ، وتسريح او معاقبة الشرطه وخاصة جهاز امن الدولة المنحل من ان يتحولوا الي مافيا وقنابل موقوته .......الا ان هذا ايضا ليس مبررا كافيا لاعادة انتاج الظلم والقهر.........وقانون الطوارئ في صورته المعدلة

عفوا أيها القوم.......فنحن لا نزرع الشوك

ولكننا.......فقط نجنيه

الفوريجي said...

أخذ الحق صنعة بقلم بلال فضل
.by R.N.N | شبكة رصد on Tuesday, July 26, 2011 at 10:54pm.

تعليق على المقال
شوف يابلبل الموضوع لهو محتاج فتنه كبرى ولا فتنه صغره ومش محتاج مشوار الرجوع فى التاريخ التسجيدى ده يا عم الفتنه حصلت مع اسيادى واسيادك ورجال مبشرون بالجنه يعنى لو حصلت فلا لامهرب منها واللى بيعملها لمؤخذه وسامحنى امثالك اللى فكرين أنهم يقدرو يخدو اللى هما عاوزينها بالحداقه او بالصنعه زى السادات كده وحكاية الخوف من الفتنة حكاية ميصه شويه وفيها خراعه فى وقت رجوله يعنى حضرتك بتتدعى الحكمه وهى لمؤخه جبونيه وبلبله فالخوف من الفتنه فى حالة الثورة لمؤخه شغل منافقين انته ايه فصك من الأخر قبل الثورة كنت من الكتاب اللى ليهم مساحه وكنت ماشى فى سكة انيس منصور يعنى مكنتش مقفوله معاك وللى زيك حاجه من اتنين يامتكتف يا مكيف ونصيحه تخلص من اسلوبّ المرجفينّ ده وارجع للكلمه فى نفس المراجع اللى نصحتنا بيها وجمد قلبك كده ونصيحه تانية الشهداء دول اسيادى واسيادك واسياد اللى خلفوك اتكلم عنهم بقدر ما رجعلونا كرمتنا والا نبقى منستهلهاش ولعلم السياده المجلس العسكرى من اوله لأخره شغل تهويش يعنى مثلا هيعملوا ايه لو كانو يقدروا كانوا عملو يا خفيف القلب وحياة اللى بلبلك وفضلك لوكانوا شكين للحظه انهم يقدروا ينفذوا أمر القائد الأعلى لكانو عملوها لكن ياخفه هذا الشعب تلتينه شباب يعنى ملاين وزى منته شايف بيطلعوا على الحيط زى العفريت وكله مستبيع هيضربوا فين ولا مين وازاى ازى ازاى اوصفلك يا بلبل ازى فى القاهرة ولا فى الأسكندرية ولا فى الصعيد ولا فى سينا ولا فى السيوس ومين بعد كده هيجلس فى مجلس وانت عارف وانا عارف والبلد كلها عارفه ان منهم اللى هابش واللى هاير والذى منه واسترجل كده دى ثوره يابنأدم انته مش واخد بالك ولا ايه ولله بينك منته عارف يعنى ايه ثورة اصلها ملهاش مراجع لسه دى ثوره صنعها الشعب المصرى واللى عملها صنيعيه يعنى متخرش الميه فحاول تتعلم منهم الصنعه وسيبك من مجلس المخلوع الجيش المصرى مش هوه المجلس العسكرى المجلس العسكرى اللى عمله مبارك وامريكا واسرائيل مستحيل مبارك يسيب حد فى منه خوف فى موقع زى ده اصله كان معفن ارارى
واقترح عليك أن كنت حقا تخشى الفتنة تعمل حمله على مدير الثورة المضادة زعيم البلطجيه وقائد الفلول اللى كأنه فص ملح وداب رغم انه كان مدير المخابرات العسكرية وخد بالك ومدير المخابرات العامه من 1993 وحتى هذه اللحظه طبعا أوف كورس وهذا هو رأس الفتنة قل فى هذه الحملة كما قال بلال رضى الله عن أميّة بن خلف : رأس الفتنه عمر سليمان.. لا نجوت ان نجا

Bassem Tarek said...

فعلا زي ما كتبتي في المقاله اول امبارح في كائنات بتضايق من وصف الافعال .. لكن مش بتتأثر بالافعال ... يحيا الالتراس وكل وكل واحد كا نموجود معانا عند السفاره

Bassem Tarek said...

مش ناسيين 25 ياولاد الوسخه .. دي الثورة كانت بالنسبه لكوا نكسه .
هنروح ونقول لمين .. ظباطنا معرصين.. خدوا علقه مخدوهاش سنيين
اووو اووو اووو

Egypt trend said...

الامور مش بتتحل بهمجية كده والالتراس اكيدددد محركمهش حب الله والوطن اكيد في حاجة وراهم وادي النتيجة اسرائيل بتتهم مصر بضعفها وعدم قدرتها علي حماية الدبلوماسيين

hardway said...

كتك خيبة

hardway said...

كتك خيبة

م.ي said...

http://withhumanity.blogspot.com/

الرجاء قرأت اول مدونة فهي تخصك

CHEABAZA said...

أخيرا حد قال كلام عدل

arabian_faithful said...

سلام عليكم

برغم أنى مش عاجبنى طبعاً الكلام العجيب بتاعك ده بس والله العظيم إحنا مفتقدينك و يارب تكون فى تمام الصحة و العافية
^_^

hardway said...

سكسكة زمبلك ..سؤالي لكي ياأحلي السكاسك
ألي من تقدم تلك التوقيعات....؟؟؟؟؟؟؟؟؟
ألي بابا أوباما..ولا بابا ساركوزي.....
ممكن جدو بان كي مون...ولا ماما هيلاري..
ولا المناضل/محمد عادل هياخدها لصربيا ومعه الكلاشينكوف...................
عيب..عيب..عيب..الهرتلة والعبط والمراهقة
أحسن حاجة لكي عودي بسرعة للسكسكة

H.alsabahi@gmail.com said...

تسلمى نواره
الالتراس حكاية من حكايات الثورة المصرية سوف تروى ووتتكشف كل يوم بعد يوم

هشام الصباحى. Hesham Alsabahi http://on.fb.me/oUQZ6f