Thursday, 29 September 2011

ألا في الفتنة سقطوا

البيان ده من حملة حازم صلاح ابو اسماعيل وكتبه المقداد جمال.. روح يا شيخ، الهي يجبر خاطرك، ويعلي مراتبك، وينور طريقك، وينجيك من الجاي انت وحملتك قادر يا كريم.. دي مش اول حركة مجدعة يعملها حازم وحملته.. ربنا ينصفكم يا شيخ، كفاية انك مش قذر ولا بتاع صفقات
واللي اتخلوا عنا واعلنوا انهم مش نازلين يوم 30 سبتمبر منكم لله.. احنا كده كده لابسين في حكم عسكري بسببكم، بس منكم لله، اشوفكم كده وهم متسلطين عليكم زي ما بعتوا الغلابة واشتريتوا الظلمة.. اشتكيتكوا لربنا يا ظلمة.. يا ظلمة، شاكياكم لربنا، ايوة ايوة، الدعوة السلفية والاخوان بدون ذكر اسماء.. شاكياكم لربنا بحق دم الشهدا اللي راح وانتوا بتفاصلوا عليه، ربنا يبقى يورينا فيكم.. ده الاخوان دول انا صبرت عليهم ولا صبري على المجلس ودي اخرتها؟ يقولوا مش لاعبين، ويقعدوا يفاصلوا مع المجلس؟ لو ما عملتش جدول حننزل يوم 30.. عملت؟ خلاص مش نازلين، بس لو ما عملتش القوائم اللي احنا عايزينها حنقاطع الانتخابات.. فاصلوا فاصلوا.. خلي الفصال مع الظلمة ينفعكوا، لو فصالكم مع مبارك نفعكم يبقى فصالكم مع المجلس ينفعكم، وعشان ما اظلمش حد، الدعوات دي على مكتب الارشاد، مش على كل الاخوان، عشان فيه اخوان كتير بيقطعوا في شعرهم حاليا دلوقت وانا باكلمكم، على الاقل اهالي الشهداء منهم

" السفينة التائهة في البحر .. ردا على بيان الدعوة السلفية الأخير " 
بسم الله الرحمن الرحيم 
لقد كنا – نحن الإسلاميين - والشعب المصري جميعاَ كمن كان محبوسا في سجن كبير في جزيرة معزولة , ثم مالبث أن خرج من السجن , وأطاح بالسجَان, ثم ترك الجزيرة الموحشة المظلمة التي فيها كل شيء سيء , وركب في سفينة جديدة , تبدو ضعيفة وهشة , ولكنه أحس أنها تستطع نقله , وأنها ستفي بالغرض. ركب فيها كأي راكب, موجها طرفه ناحية الأمل والمستقبل المشرق , ينظر تارة إلى نفسه فيري آثار السياط التي لازالت على ظهره, فيتذكر الماضي الحزين , وينظر مرة أخرى إلى الأمام, فيرفع بصره إلى أعلى سائلا الله أن ترسوا سفينته على بر العدل والرحمة. ركب في السفينة كأي راكب, ولم يكن هو السائق, ووثق في قيادة القبطان, ولكنه بعد فترة اكتشف أن القبطان لا يعرف القيادة, وبدأ يتخبط , وبدأت السفينة تميل يمينلا وشمالا, ففزع الناس, وبدأوا يصعدون له ويكلموه, كلُ بطريقته وأسلوبه ولكنه طمأنهم ووعدهم, ثم بعد فترة اكتشفوا أنه يقود السفينة إلى نفس الجزيرة السابقة , بل إنه سيرسوا على نفس الشاطىء الأليم الذي هربوا منه !! فلما همّ الناس أن يجتمعوا على كلمة واحدة رغم اختلافهم ليقولوا له " لن نرجع".. قال لهم البعض منهم: سنجلس نحن في أسفل السفينة حتى تبتّوا في أمركم, وتنهوا نزاعكم,لأننا نريد المسير للأمام والحفاظ على السفينة!! مع أن السفينة الآن لا تسير مطلقا إلى الأمام. لقد سائني وأحزنني ما قرأته من بيان الدعوة السلفية الأخير, وإن كنت لم أعجب منه! فلقد اكتشفت أن منا من لم يفهم الدرس التاريخي الأليم في 1952, ولم يحسن قراءة الواقع إلى هذا الحد. لقد كان قادة العمل الإسلامي يدخلون على قادة ثورة 52 ويخرجون, وأحيانا يرشدون ويوجهون, ومع ذالك لم تمض عليهم شهور حتى علّقوا على المشانق . أنا لا أخوّن رجال المجلس العسكري – ولا أخوّن من خوّنهم! - , وأتمنى أن يكونوا خيرا منا جميعا. ولكني حسبت أن فشل المجلس العسكري في إدارة المرحلة الانتقالية كان كافيا لأن نقف جمعا وقفة رجل واحد لنرفض التمديد له والمماطلة, ونرفض أن يحكمنا أكثر من عام واحد لم يحقق لنا فيها شيء. !! حتى محاكمة المخلوع المزعومة التي بدت أشبه بالمسرحية التي أكاد أشعر أن الفصل الأخير منها سيفاجىء كل الجمهور!! فقد يخرج لنا البطل "المخلوع" من وسط الجمهور ليلوح إلينا بيده بعدما لوّح لنا ابنه الموقّر بأصبعه !! إني أرجو من مشايخ وعلماء الدعوة السلفية قبل أن يخرجوا بياناتهم أن يستشيروا أهل السياسة, والعلم بالواقع , وهم لايبعدون عنهم كثيرا !!َ, وأن لا يكتفوا فقط برأي العلماء بحجة أنهم من يقرر الأمور لأنهم الأعلم بفقه الكتاب والسنة. ولنذكر جميعا أن هؤلاء العلماء كانوا هم أيضا الموجودون في الثورة, ورغم كل ميراث العلم ورغم كل تعاليم النهي عن الظلم والجور وأوامر التوحيد والكفر بالطاغوت !! عندما اختاروا اختاروا الخيار الخاطىء. وكتب التاريخ لأول مرة في تاريخ مصر الإسلامي , أن المشايخ والعلماء والازاهرة لم يكونوا هم قادة الثورة , ولكن كان الشباب الطاهر الشريف الذي أكثره لم يجلس يوما تحت أقدامكم ولم يسمع بأذنه كلماتكم. هؤلاء الذين منّ الله عليهم بأن يكتب قبل اسمهم كلمة " شهيد" , بينما جلس حفاظ القرآن والحديث في البيوت خوفاّ من الفتنة !! " ألا في الفتنة سقطوا" يا قوم .. هل تدركون أن البلاد تضييع ؟, وإن أعظم الجرم الآن أن نترك البلاد للمجلس العسكري يديرها بنفس أسلوب ( مليونية & بيان ) .. كلما أردنا منه شيئا نزلنا إلى مليونية , وهو يجيبنا فيخرج لنا بيان!! إن السبب في " خراب البلد المزعوم " وتعطلها , وحالة عدم الاستقرار فيه ,هو أداء المجلس العسكري الحاكم , الذي يخطوا في تحقيق أهداف الثورة العادلة كانه لايريد أن يحققها , كلما أقدم خطوة للأمام رجع ألفا إلى للخلف! إن سبب ارتباك البلاد الذي تشعرون به هو أن المسئول عن حماية ثغر الأمة الشرقي جالسٌ على الانترنت يكتب بياناتِ على الفيس بوك, بينما أبنائنا يقتلون على الحدود بأيدي اليهود !! يا أيها العلماء .. لقد ارتكبتم جرما عظيما , ستتحملون أنتم نتيجته أمام الأمة , لقد كرّه فريق كبيرٌ منكم الناس في الاعتصامات والمظاهرات, ولم يدرك أنه ينزع من الناس سلاحهم الوحيد الذين ظلوا ثلاثين سنة حتى يعرفوه, وثلاثين سنة أخرى حتى يستخدموه ويفعّلوه !! إني أتفهم جدا وأعلم تماما أنه خلال الشهور الماضية حدثت أحداث مراهقة كثيرة من بعض الحركات كانت لابد وأن لا تكون, وكان لها عامل كبير جدا في تشويه مسيرة الثورة. ولكن هذه ليست حجة لتبريد المسيرة الثورية التي لم تكتمل بعد , فالمجلس العسكري الذي لا يستجيب للضغط الجماهيري وللمسيرات والمظاهرات , لن يستجيب لبيانِ في موقع اسمه " انا السلفي !" ؟؟ إني أقول لكم إن كنتم حقاَ تخافون من بعض الأفعال الصبيانية , فلما لا تنزلون أنتم للشوارع وتؤمنون الميادين؟؟ وأنتم أكبر فصيل موجود في مصر؟! وتستطيعوا أن تديروا محافظات وليس ميدان صغير يجتمع فيه بضع ملايين! وعندكم كثيرٌمن الشباب ألفوا النزول وعندهم خبرة كافية لتسيرالأمور كأحسن مايكون. كل ما أتمناه أن لا تكونوا دائما أول المؤيدين وآخرالمُنكرين , يخدعكم وعد من أخلف وعده , وتصدقون كلام من لم نعهد صدقه, تجيبونه دوما إذا أشار, وتحسنون الظن به مهما صار, وتظنون أنكم منعتم تلاميذكم الأخطار!!! وتنقص سياستكم من الفقه والفن , فتمنعون من أجل ذالك كل حراك , ويحمي شبابكم مبنى الأمن!! أنني أشعرأن الصفوف بدأت تمتاز كما امتازت يوم الثامن والعشرين, ولكني على يقين, أن من نزل من قبل سينزل مرة أخرى, وأن السلبيين الذي يحبون الاستقرار في القاع , الذين كانوا يرون مبارك خيرمما عداه , هم أيضا لن ينزلوا ! وكذالك الذين فاتتهم الثورة الأولى, يبدوا أنهم ستفوتهم الثورة الثانية ! وإنا لله وإنا إليه راجعون . 

=========== 
بقلم : م.المقداد جمال \عضو في حركة حازمون حركة- ثورية -شبابية - إسلامية– من فكر ومبادىء حازم أبو إسماعيل. 
------------
وإنا لله وإنا إليه راجعون.... اعمل الصح يا حزلئوم وتوكل على الله

20 comments:

مصري وبس said...

احنا اللي حضرنا العفريت واحنا اللي لازم نصرفه,وللا ايييييه؟؟؟.علي فكره انا كنت زعلان منك ايام نزول ضباط8ابريل لاني منهم!!!! بس كلامك دلوقتي بيثبت سلامة وصدق نيتنا وصحة كلامنا.صحححححححح؟؟

Norhan said...

حسبى الله و نعم الوكيل فى كل واحد أستهان بدم الشهداء و جرى وراء مصالحه

كيوبيد said...

انا احى فيه الشجاعة والجرى بس اخد عليه الكبر والنفاق فى نفسو الى كتب بيه البيان بس مش موضوعناالاسلامين المفروض مافيش واحد فيه يافتح بقه بنص كلمة علشان هما الى سلمو البلد دى للمجلس بيض مقشره تحت مسمى نعم= الاستقرار وحلال شرعنا والى نسيو كلمتهم بتاعت حينما قلت الصناديق للدين نعم انا عن نفسى عايزهم يشربو الكاس لاخر ويورينى هايعملو ايه مع المشير الامير ههههههههههههه خاليهم يشربو ويلبسو الخزوق على حق ربنا وان الله وان الية راجعوان

AbDeLrHmAn SaMi said...

بصراحه الشيخ حازم وحملته يوم بعد يوم بيكبرو في نظري اووي لاني بحس انهم معانا مش مع غيرنا احنا الشعب وغيرنا التلاتين سنه اللي فاتو كانو ماسكين مناصب وعايشين حياتهم وفلوس وعربيات وفلل .. بس احنا الشعب
وبرغم اني لحد الان مش مقتنع بالشيخ حازم رئيسا
لكن انا مقتنع تماما انه إمام عادل وشيخ حق بيقول الكلمه ولا يخاف من احد الا من الله عز وجل
يسلم في امك يا شيخ حازم انت وحملتك

مش فاهمه said...

انا قلت كده حازم صلاح مايمشيش مع السلفيين الحاليين وهم بعد ماكانوا معاه علشان افتكروه لابس دقن زيهم طلع راجل بجد و اسم على مسمى ....ربنا يوفقنا جميعا

إسماعيل said...

من الآن للأسف لازم نقبل ان الشعار بقى:
الجدع جدع.. والاخوان اخوان
وربنا يهدي

المشخصاتي said...

يااااااااااااااارب يفهموا ..يارب يبطلوا يمشوا ورا شيوخهم اللي جابولنا الكفية ..يارب اهديهم ووفقهم لصالح مصر بدل ماهما زي ماخدموا مبارك بيخدموا المجلس الوسخ

Mahmoud said...

يا شيريس.. حلو

الفوريجي said...

رسائل كيدية لوجه الشعب

رسالةالى الأخوان
لقد جربتم غضبة النظام ولكنكم لم تجربوا غضبة الشعب المصري وأعلموا انه هو وهو وحده بعون الله من يحكميكم من العالم المتربص بكم فأختاروا لانفسكم وبسرعة ودعكم من هذا العته السياسي المسكون بالأمن أن التفاوض معكم أصبح شبيه بالتفاوض مع الصهاينة حتي أصبحتم فزاعة المجلس العسكري


رسالة الى السلفيين

نظام آل سعود في خطر وجودي لهذا
فصدامه مع المذهب الوهابي حتمية سياسية لافكاك منها وحينها ستعلمون أى منقلب زباله سوف تنقلبون الا ليت اللحى كانت كنافه فتغنى عن مسائلة اللئيم

رسالة الى الثوار

ساعدو الأحرار من شباب الأخوان على أن يزيحوا الوجوه الشائهة والقلوب المرتجفه والأعناق المشرأبه للسلطة والعقول التى اتلفها التحسب وذكروهم بصحبة الميدان ففيها رسالة المستقبل حفظتها القلوب ووعتها العقول وتطهرت فى اتونها الخواطر ووثقها دم الشهداء الطاهر

مدونة سلامتك يا دماغي said...

لو عايزين الجمعة تنجح في حاجتين لازم نحاول نفهمهم .. الحاجة الأولانية : سياسة العسكر هي .. اضرب الصغيرة يخافوا وسيب الكبيرة يزهقوا .. يعني التجمعات الصغيرة الشرطة العسكرية بتفضها بالقوة .. والتجمعات الكبيرة اللي في ميدان التحرير أو المليونيات مثلا مابتحتكش بالناس عشان ماتكررش غلطة الداخلية يوم 28 يناير .. فبتسيبنا براحتنا خالص لحد اما نزهق واما بتلاقينا مصممين بتحققلنا مطلب او مطلبين عشان نفرح وبعدين تبدأ تفض الإعتصام بالقوة برضة .. من غير تعاطف الناس معانا .. لأنها بتبقى في نظرهم بدأت تحقق في المطالب .. ولازم نعرف كمان ان العسكر هيحاولوا يعزلونا عن الإعلام .. وعزلنا عن الإعلام دي نقطة في وجهة نظري هتبقى في صالحنا مش العكس
الحاجة التانية : لازم ننزل للناس ونكلمهم .. سيبنا من الناس بتوع عجلة الإنتاج والمرحلة الإنتقالية مش هنوجع قلبنا معاهم .. نركز على الفئات السهل اقناعها واللي فينا يعرف ينزل الشارع بنفسه ويكلم الناس ويحاول يأثر عليهم ينزل .. وبلاش يأس .. وخلينا مع اربع فئات ممكن تساعدنا وتقتنع بسهولة .. الفئة الأولى اللي عندهم كمبيوتر .. صحيح مش كلهم هيقتنعوا بس أهو نحاول .. مفيش جهاز كمبيوتر فيكي يا مصر سواء في بيت ولا سايبر ولا قهوة .. ماتوصلوش دعوة أو رابط أو رسالة بيوم 30 سبتمبر وليه لازم نخلص من حكم العسكر ياريت اللي بيفهموا في النت والحركات الشبابية اللي معانا تساعدنا في ده .. الفئة الثانية أهالي الشهدا اللي لسه حقهم ماوصلهمش و المعتقلين اللي انضربوا واتاخدوا في المعتقلات على يد الشرطة العسكرية ودي اكتر فئة سهل اقناعها .. الفئة الثالثة الغلابة سكان العشوائيات والمناطق الشعبية رجالة المناطق دي هما وقود الثورة اللي كانوا بينضربوا قبل كده من الداخلية ودلوقت من الشرطة العسكرية دول لازم ننزلهم بنفسنا .. رابع فئة بقى حبايبنا بتوع الألتراس أهلاوي زملكاوي اسمعلاوي مصراوي ترسناوي محلاوي أسيوطي أي التراس رجالة ومش هيخذلونا .. مع التركيز على السويس .. الاسماعيلية .. اسكندرية .. بور سعيد .. طنطا .. المحلة .. ومحافظات الصعيد يا جماعة مهمة فعلا .. ونصمم على شعارات محددة زي لا للطواريء ولاللمحاكمات العسكرية لاللإنتخابات الفردية .. وأول ما العدد يبلغ مية ألف نكرر الشعار اللي اتفقنا عليه .. ونعتصم في التحرير وماينضحكش علينا تنفيذ مطلب او اتنين ولو حاولوا يفضوا الإعتصام بالقوة نصمم ومانمشيش ونحتمي ببعض .. كل اما نكتر يبقى أحسن ولو لا قدر الله حصل عنف منهم هيبقى في صالحنا

hardway said...

مين يابنت ده...حازم صلاح أبو أسماعيل
مين ده يابنت.............؟؟؟؟؟؟؟؟؟
وأيه المقداد؟؟؟؟
ده أسم أم صفة أم رتية أم وظيفة؟؟
أنت دماغك لسعت من الضرب علي قفاكي
أنت رجعت لعصر الجاهلية الاولي......
المقداد..الرنبال..السجاد..المستوغر
المسكين..المخبل..الفرزدق..وهم رجالات بني تميم
سكسكة...أرجعي سكسكة زمبلك..ومالكيش دعوة بالمقداد

hardway said...

مين يابنت ده...حازم صلاح أبو أسماعيل
مين ده يابنت.............؟؟؟؟؟؟؟؟؟
وأيه المقداد؟؟؟؟
ده أسم أم صفة أم رتية أم وظيفة؟؟
أنت دماغك لسعت من الضرب علي قفاكي
أنت رجعت لعصر الجاهلية الاولي......
المقداد..الرنبال..السجاد..المستوغر
المسكين..المخبل..الفرزدق..وهم رجالات بني تميم
سكسكة...أرجعي سكسكة زمبلك..ومالكيش دعوة بالمقداد

3raby said...

وكأنى ارى مناما
سبحان مقلب القلوب
شلة المنافقين الافاقين المتلاعبين المتاجرين بينا وبالدين بقوا دلوقتى بيناضلوا
سبحان الله
واتمنى من الاستاذ حازم يبطل يلزق فترة ثورة يوليو وعبد الناصر مع مبارك وعصره لو قدمت للشعب المصرى واحد على عشره من اللى قدموه ثوار يوليو ابقى تعالى وقول 60 سنه ومش ستين سنه وبعدين هو من امتى الديمقراطيه غاليه عليكو نسيتوا فتاويكو ولا ايه؟

3raby said...

سؤال برئ

هو من امتى الديمقراطيه غاليه اوى عند السلفيين كده؟


ومن امتى رأى الشعب مهم اوى كده؟

انا حاسس انهم بيلعبو مع المجلس العسكرى لعبة الصقر والحمامه حازم ابو اسماعيل بيلعب على كل الحبال وكلنا عارفين النوعيه دى نهايتها ايه

hardway said...

مفيش جمعة..لاتوجد جمعة..بح الجمعة...
عايزة طبعا تتعلقي وتشعبطي مع أي حد
ولا هينفع أبو أسماعيل..ولاحزلئوم..ولا المقداد ..ولا المقدام.............
عودي الي الزمبلك..يا سكسكة مش طريقك ده
أنت عارفه الطريق..والمكان بتاعك محجوز
يا موزة السكاسك

مفيش جمعة..لاتوجد جمعة..بح الجمعة...

متفائل said...

عيبك إنتي واللي زيك أنكم غائبون عن الواقع ومغيبون عن طبائع المصريين .. تتخيلون وعياً سياسياً شعبياً غير موجود .. تتخيلون تلاحماً شعبياً وهمياً (قبل ما تفتحي بقك وتبغبغي بكلامك الفارغ عن وجود هذا الوعي والتلاحم إبان الثمانية عشر يوماً قبيل التنحي دعيني أخبرك بحقيقة زيف هذا المشهد الخادع وبحقيقة أنه لم يكن سوى إتفاقاً مرحلياً على كراهية مبارك إنتهى بخلعه) تدعين أن المجلس العسكري يقود الثورة المضادة هادفاً إلى إستمرار الحكم العسكري وعدم تسليم السلطة للمدنيين ؟ فليكن .. سأوافقك على ما تدعين .. لكن أن تفترضي أن ما يفعله المجلس العسكري سيدخلنا في ظلمات مدلهمة و(يحرمنا) من أنوار الحكم المدني فهذا هو غياب الوعي والإنفصال عن الواقع وعدم القدرة على قرائته القراءة الصحيحة .. الواقع يقول - وكان المفروض نتيجة الإستفتاء السابق تدلك عليه - أن أنوار الحكم المدني تلك لن تكون سوى (أنوار الإخوان والسلفيين) الذين سينتخبهم (شعبنا الواعي) بنسبة قد تصل إلى ثمانين بالمائة أو تسعين (رغم كل كلامك عنهم ورأيك فيهم)أما سعادتك وثوار الفيس بوك وسائر الليبراليين والتقدميين والست أبريليين فلن يحصلوا سوى على صابونة مظفلطة كبيرة ولن يكون لهم أي دور في حكم هذا البلد ورسم سياساته .. الدور كل الدور سيكون للإخوان والسلفيين وحدهم بلا شريك .. أما (الأنوار) التي ستقودنا إليها دولتهم فظلمات الحكم العسكري أفضل منها مليون مرة

حسن محمد على said...

بعد مداهمة "العسس" لمكتب الجزيرة مصر مباشر : "الفاتحة للعسكرى ....قلع القناع وعمل ولى" المجلس العسكرى انتحر سياسيا ولا عزاء للمشير...اللة يرحمة هوة والورثة . تذكروا المخبر الكحيان "اسامة هيكل"

مصري بالغربة said...

نموت وتحيا مصــر..............

إيد ماسكة علــــــــــــم.
ودموع بتجرى من الألم.
وجرح لسة بينزف مالتأم.
... ودم سايح فى المكــــان.
ولسان مل من الكـــــلام.

مادام انت فــــــــوق.
لحضرتك ألفين تمام.
وكمان مليون نعـــــم.
مـادام انت بيـــــــــــه.
لأ!لأ لأ دى إيــه؟؟.
نعــــم...........نعـــم
وآخر نفس بيقــول أموت.
وتحيى مصر أم الأمم.

وكلمــة الـله أكـبـــــــر.
بتزق فى ظهر الزمن.
بتقوله امشى بينا ,غلينا.
خلينا بأه يبقى لنا تمـــن.
نموت وتحيا مصر أم الأمم.

تحيا مصر حرة كريمة.
ابنها انسان فعلا له قيمه.
مش عبد باشا ولا صنـم.
نموت وتحيا مصر أم الأمم.

وفى وسط زحمة وضرب نار.
إنسان وهو فى عز الإحتضار.

بيقول أموت وتحيا مصر أنا مـــش لازم.
أموت لأجل مايتربى ولادى فى ظل حاكم.

يعاملهم معاملة بشر, مش بقر.
واللا اكوام غنــــــم............
نموت وتحيا مصر أم الأمــــم.

حمامة سلام وغصن زتـــون.
المصرى قضى كتير فى كان.
نفســـه بقى مرة يــــــــــكون.
حمامــة سلام وغصـن زتون.

اضرب بسوط المستحــــــيل.
مش ماشى غير بعد الرحــيل.
لارحيل رئيـس ولاوزيـــــــر.
ده رحيـل الليل الطويــــــــــل.
رحيل فقر وجهل ومـــــرض.
ورأى غصب عنك يتفــرض.
ناوى تعيش هتعيش ذلـيـــــل.

والصبح المستخبى سنين أهه ظهر وبـــــــان.
وبكره جاى رئيس جديد هيمسك بإيده الزمام.

تمشى عدل شعبك حبيبك راح يستقيم.
هتميل نميل واهه لسه موجود الميدان.
وصوت الشعوب حى ليوم القيــــــامة.
حتى لو هو اتهـــــدم....................
نموت وتحيى مصــــــــر أم الأمـم.

وسن قلم كـــــــان اتقصـــف.
ايام ماشارع كرامتنا اترصف.
وداسوا عليه بالـجــــــــــزم.
نموت وتحيى مصر أم الأمم.

وهجرة غير شرعيـــــــــة.
ورصاص وبندقيـــــــــــة.
وعلى الحدود هنـــــــــــاك.
فيه عســـاكر مســـــتنيــــة.
تصطــــاد يــمــــام الوطـن.
نموت وتحيا مصر أم الأمم.

شباب كتير هنا ياما فى الصخر حفر.
وفى الآخر مالقاش تمن جواز السفر.
هو العمر كــــــــان ببـــــــلاش ؟!
علشان يرمــــــــيه فى وسط الخطر.
وكله قال الشباب بنعيم بلاده كفـــــر.

ولاحد فى يوم رحــــــم.
لو كان البعيد ابن باشــا.
كانت أشيك تايتانـــــــك.
لأجل عنيه تتشحــــــــن.
نموت وتحيا مصر أم الأمم.

عـــــزبة وقالـــــوا مصر كانــت.
وملوك فراعنه هيورثـــــــــوها.
ماخلاص على ولادها هانـــــــت.
وفى أقرب مزاد على راس البلاد.
راح يبيعوهــــــا....................

قال المصرى للقــدر روح قلـــهم.
مش كــــل المصريين عــــــــواد.
وبعمــــــرنا لــــــو يــــورثوهـــا.
وبدمــــــــنا لــــو يوم طــالوهــــا.
مصـــــــر العــزيزة الأبـــــيـــــة.
مش تكية, ولاعمرها كات أبعدية.

واللى قلبها مستوطنة أو سلطنة.
بالطمع لبس نفسه السلطنيـــــة.

تلاتين سنة متمرطين فيك ياهنا.
وكان نفسه كمان يتموا مِــيًـــــة.
يعنى المهم أنــــــــا...أنــــــــــا.
مش المهم شعبها ولاإيه تكون هى.

وسطر ياتاريخ واحكى.
واكتب فى دفاتر الزمن.
اننا كلنا هنمــــــــــوت.
وتحيا مصر أم الأمـــم.See More

مصري بالغربة said...

نموت وتحيا مصــر..............

إيد ماسكة علــــــــــــم.
ودموع بتجرى من الألم.
وجرح لسة بينزف مالتأم.
... ودم سايح فى المكــــان.
ولسان مل من الكـــــلام.

مادام انت فــــــــوق.
لحضرتك ألفين تمام.
وكمان مليون نعـــــم.
مـادام انت بيـــــــــــه.
لأ!لأ لأ دى إيــه؟؟.
نعــــم...........نعـــم
وآخر نفس بيقــول أموت.
وتحيى مصر أم الأمم.

وكلمــة الـله أكـبـــــــر.
بتزق فى ظهر الزمن.
بتقوله امشى بينا ,غلينا.
خلينا بأه يبقى لنا تمـــن.
نموت وتحيا مصر أم الأمم.

تحيا مصر حرة كريمة.
ابنها انسان فعلا له قيمه.
مش عبد باشا ولا صنـم.
نموت وتحيا مصر أم الأمم.

وفى وسط زحمة وضرب نار.
إنسان وهو فى عز الإحتضار.

بيقول أموت وتحيا مصر أنا مـــش لازم.
أموت لأجل مايتربى ولادى فى ظل حاكم.

يعاملهم معاملة بشر, مش بقر.
واللا اكوام غنــــــم............
نموت وتحيا مصر أم الأمــــم.

حمامة سلام وغصن زتـــون.
المصرى قضى كتير فى كان.
نفســـه بقى مرة يــــــــــكون.
حمامــة سلام وغصـن زتون.

اضرب بسوط المستحــــــيل.
مش ماشى غير بعد الرحــيل.
لارحيل رئيـس ولاوزيـــــــر.
ده رحيـل الليل الطويــــــــــل.
رحيل فقر وجهل ومـــــرض.
ورأى غصب عنك يتفــرض.
ناوى تعيش هتعيش ذلـيـــــل.

والصبح المستخبى سنين أهه ظهر وبـــــــان.
وبكره جاى رئيس جديد هيمسك بإيده الزمام.

تمشى عدل شعبك حبيبك راح يستقيم.
هتميل نميل واهه لسه موجود الميدان.
وصوت الشعوب حى ليوم القيــــــامة.
حتى لو هو اتهـــــدم....................
نموت وتحيى مصــــــــر أم الأمـم.

وسن قلم كـــــــان اتقصـــف.
ايام ماشارع كرامتنا اترصف.
وداسوا عليه بالـجــــــــــزم.
نموت وتحيى مصر أم الأمم.

وهجرة غير شرعيـــــــــة.
ورصاص وبندقيـــــــــــة.
وعلى الحدود هنـــــــــــاك.
فيه عســـاكر مســـــتنيــــة.
تصطــــاد يــمــــام الوطـن.
نموت وتحيا مصر أم الأمم.

شباب كتير هنا ياما فى الصخر حفر.
وفى الآخر مالقاش تمن جواز السفر.
هو العمر كــــــــان ببـــــــلاش ؟!
علشان يرمــــــــيه فى وسط الخطر.
وكله قال الشباب بنعيم بلاده كفـــــر.

ولاحد فى يوم رحــــــم.
لو كان البعيد ابن باشــا.
كانت أشيك تايتانـــــــك.
لأجل عنيه تتشحــــــــن.
نموت وتحيا مصر أم الأمم.

عـــــزبة وقالـــــوا مصر كانــت.
وملوك فراعنه هيورثـــــــــوها.
ماخلاص على ولادها هانـــــــت.
وفى أقرب مزاد على راس البلاد.
راح يبيعوهــــــا....................

قال المصرى للقــدر روح قلـــهم.
مش كــــل المصريين عــــــــواد.
وبعمــــــرنا لــــــو يــــورثوهـــا.
وبدمــــــــنا لــــو يوم طــالوهــــا.
مصـــــــر العــزيزة الأبـــــيـــــة.
مش تكية, ولاعمرها كات أبعدية.

واللى قلبها مستوطنة أو سلطنة.
بالطمع لبس نفسه السلطنيـــــة.

تلاتين سنة متمرطين فيك ياهنا.
وكان نفسه كمان يتموا مِــيًـــــة.
يعنى المهم أنــــــــا...أنــــــــــا.
مش المهم شعبها ولاإيه تكون هى.

وسطر ياتاريخ واحكى.
واكتب فى دفاتر الزمن.
اننا كلنا هنمــــــــــوت.
وتحيا مصر أم الأمـــم.See More

حسن محمد على said...

حازم صلاح ابو اسماعيل هو اشجع المرشحين للرياسة حتى الان وباقى المرشحين ردود افعالهم متأخرة عن الاحداث