Wednesday 3 August 2011

هم دول اللي حطوا لكم مبارك في القفص

اظن بتوع منكم لله خربتوا البلد كانوا لسه من قريب بيتناقشوا في ان المجلس ناوي يعمل لمبارك جنازة عسكرية، بقول اخر، مبارك حينتحروه وما يحضرش المحاكمة
ها؟ ازيكم يا بتوع روحوا بقى منكم لله خربتوا البلد؟ اظن انتوا نفسكم هم هم نفس الناس بتوع 1 فبراير: روحوا بقى منكم لله خربتوا البلد، ثم خرجتوا تحتفلوا يوم 11 فبراير بمنتهى البجاحة مع بقية الناس
طيب اللي حطوا لكم مبارك في القفص بدل ما يتعمل له جنازة عسكرية محبوسين... ومش عايزين منكم شكرانية، بس بطلوا كل ما تشوفوا وشهم تقولوا لهم: منكم لله خربتوا البلد.. عاملين زي اصحاب القرية: إنا تطيرنا بكم لئن لم تنتهوا لنرجمنكم أو ليمسنكم منا عذاب أليم. 
احنا مش حنهمد على فكرة، عشان هو كده، كل حاجة بتيجي بالزق والهري والنكتة والمرمطة، غير كده مافيش حاجة بتتعمل، ولولا فض الاعتصام بالقوة كان لقوا اي حجة عشان مبارك ما يجيش... والناس قلقانة عشان علاء وجمال طالعين بيضحكوا وهم ماشيين في عربية الترحيلات، واحنا مش حنستنى اما المصيبة تحصل، حنفضل كده نخرب فيها عشان ييجي الاخوة بتوع منكوا لله خربتوا البلد ينبسطوا في الاخر ويقولوا ارفع راسك فوق انت مصري
"المتهمين" بحب الوطن فيه اثار تعذيب على اجسامهم.. وانا كنت ناوية اسكت وانبسط وافرح وابوس كل المصريين حتى الفلول، بس لقيت ناس بتقول نشكر المجلس العسكري، يعني شوية ملح في عينيكم يعني.. قابض على الناس وبيعذبهم ولسه فاضضهم بالقوة ولولاهم كان زمانه عامل نفسه ميت دلوقت.. ايه في ايه؟

36 comments:

Eslam abaza said...

اقولك في ايه
فيه ان الناس المثبطه والي نفسها قصير والي معندهاش غير كلمه
هما الي في التحرير دول بيعملو ايه
خربتو البلد..اسرائيل على الابواب

دول ناس مصالحهم باظت مش قصدي مصالحهم المشروعه
لا قصدي الغير مشروعه دول ناس كانو بيستفادو من الي بيحصل في البلد من فساد
راح الفساد ازاي يسكتو لازم ينتقمو من الي هدمو الفساد
وصدقيني عمرهم ما هيعترفو بالثوار ولا بالثوره وهيقعدو ينتقدوهم ااول ما يعملو اي حاجه انا طبعا قصدي الثوار الحقيقين مش الدقون المزيفه
وفي نفس الوقت هينعمو بكل مكسب تقدمه الثوره
لانهم من الاخر عقليه زباله

كيوبيد said...

انا مش قولت لك فى تعليقى على البوست بتاع فاض الاعتصام بالقوة ان لازم تشوفه حد واصل وله كلمة يتدخل علشان الى اتقبض علية وكمان جاى تقولى ان فية اثار تعذيب هو مبارك لسه قاعد والى ايه لا لازوم ولا بد يكون فيه كلام مهم وكتير ومحدش يسكت ونشوف المجلس العسكرى عايز ايه من البلد دى بظبط هو الى معه من الجماعة لا اسلامية والاخوان الغير مسلمين ومن يسير فى هذا الفلك

biber boy said...

ثورة حتى النصر .............
الاعدام للمخلوع مطلب شعبى

hardway said...

نرنر..بتاعة كل الاوقات
هما مين دول اللي حطوا مبارك في القفص؟؟
ياقفصه
أنت حاسة انك عاقلة راشدة..أنسانة عادية يعني زي الناس
أنت يهيؤا لكي يا مسكينة..انك حطتي مبارك في القفص
سقوط مبارك ودولة مبارك لها أسباب كثيرة
لايستطيع عقلك ان يفهمهاولامجال لجبهة تهييسك ان تتداركها....
أنت أقصي شئ يمكن ان يفهمك شئ..ممكن ان يكون محمد عادل الموجود علي كل الشاشات
اللي ماسك رشاش في ايده..وراسه رأس قلقاسة
روحوا بقى منكم لله خربتوا البلد

hardway said...

احنا مش حنهمد على فكرة
...........
نرنر..هتهمدوا..وهتهمدوا..وهتهمدوا
ولو غير كده..الشعب كله بجميع طوائفة هيضربكم ولن ينتظر لا جيش ولا بوليس
هو أنت لم تشاهدي الشعب في التحرير يصفق
للشرطة العسكرية وهي تخلي الميدان من الصيع والشباب العاطل
هتهمدوا..وتهمدوا..وتهمدوا
لا دور لكم في الدولة الجديدة..كما كان لا دور لكم في الدولة القديمة

هراء لا داعى له ..... said...

نداء لأى بن ...... كان ضد التظاهر و الإعتصام أو شتم فى الثوار فى أى وقت

أقعد على الكنبة فى بيتكم يا حيلتها و شغل التلفزيون و شوف محاكمة الخاين

و أبقى أشكر بنا و أشكر إللى إنت كنت بتشتمهم

yasmisr said...

Mabrouk to El Tahrir family

تعالوا said...

حقيقى انت عاملة زى حسام حسن بالظبط نسخة بالكربون غلاوية ما بتعرفيش تفرحى ولا تعيشى مع الناس كل همك ان الناس تقول انك مافيش زيك ولا
افكرك بحد تانى صاحب الضربة الجوية اللى فتحت باب الحرية انت صاحبة المظاهرة النارية اللى فتحت ابواب الديقراطية
شوية من انكار الذات علشان الناس تحبك بجد اتقلى
اتعلمى من الاخوان

Anonymous said...

ولا تهنوا ولاتحزنوا وانتم الاعلون ان كنتم مؤمنين تحيه واحلي صبا ح علي ثوار التحرير ربنا يفك اسرهم ورحمه الله علي ارواح شهداء مصر اللى لولا دماؤهم ماكانش حسنى مبارك اتحط فى القفص النهاردة

Anonymous said...

والله ابوس الأرض اللى تحت رجليكو ....

AhMeD RaDy said...

ربنا يعينكم يارب .. ويثبت اقدامكم

maomran67 said...

ايه اللى عرف العبيد الصفحة دى مفيش مكان الا لازم يتركوا فيه بصمه ان مكنتش عارف ان المخلوع مربى حلاليف كتير كده

rahrom said...

هما مين دول يانوارة اللى حطوه فى القفص خليكى بقى حقانية مانتو قعدتوا تعملوا مظاهرات واعتصامات لما روحكم طلعت مححدش عبركم واول ما الاسلاميين عملوا الجمعة المتينة كل شئ اتحرك واتحل بفضل الله صعبان عليكو قوى ماتعترفوش بالحق وان الاغلبية بجد زهقت من الاكلشيهات بتاعة النخب قال الخب قال مصر عاوزة الدين يبقى ملموس فى حياتها مش فى كتاب دين مشـ بيدخل فى المجموع والحمد لله اولا واخرا بس صدقينى ربنا عمل كل ده بارادته هو مش اى حد تانى والباقى اللى بنجادل فيه اسباب بس وربنا برضه هايمكن لاصحاب الحق والدين اللى عاوزين وجهه الكريم بس

BestItalianPizza said...

شوفى يا نوارة .. المقال اللى كتبتية ده .. انا ماعنديش اعتراض على حرف واحد فيه .. و الله يا بنتى رجالة و لاد رجالة .. قوة عزيمة و اصرار و تحدى .. الناس الجبانات كلهم ضدهم و كل صعلوك يقول كلمة على اسيادة اللى جابولهم شرفهم و شرف مصر كلها .. رجالة التحرير .. جابوا لمصر شرفها .. رجالة التحرير لم يستولوا على الحكم .. رجالة التحرير ما سرقوش البلد و نهبوها .. رجالة التحرير ناس مسالمين شغلتهم انهم ينضربوت و يستحملوا و يتشتموا و يستحملوا و يفضلوا يرفضوا و يعندوا لغاية ما الجبان الخسيس المسلح ما يسلم

ماجد الجلاد said...

رسالة من الله لكل من يعبدونه ولكل من يشركون معه ملكاً أو رئيسا أو صاحب سلطة أو مال
إن الملك كله لله
اللهم أقم عدلك فى الأرض كما فى السماء
وأمسح برحمتك قلوب الثكلى واليتامى أهالى الشهداء
وانصر بقدرتك عبادك المقهورين تحت سمائك
اللهم إنى أحمدك حمداً كثيرا يليق بجلالك وعظيم سلطانك

Anonymous said...

http://poetryandhumanity.wordpress.com/ انا الشهيد أسمعوا صوتى

امال رياض

نور الدين said...

الله ينور...............

أبو أمك said...

طب وبالنسبة لموضوع البوس
كده اتلغي خلاص ؟

Amal said...

نوارة .. ممكن تصلحي الاية الكريمة

قَالُوا إِنَّا تَطَيَّرْنَا بِكُمْ ۖ لَئِن لَّمْ تَنتَهُوا لَنَرْجُمَنَّكُمْ وَ لَيَمَسَّنَّكُم مِّنَّا عَذَابٌ أَلِيمٌ

hardway said...

BBC...يا نرنر مقابلة عربي
فاشلة..فاشلة.لمصيبة ان طريقتك المستفزة
وكميةالحقد والغل اللانهائي جعلت كلامك فاشل............. شوفي يانرنر كل موجة
1- أيشارب التحجب اي كلام من طريقة لف الايشارب..ربطة اي كلام لا يوجد فيها اي رقة وجمال...قال يعني مستعجلة.......
2- طول المقابلة الناس بتتكلم وأنت ماسكة في أم الماج و شغاله شرب..شرب أنت أول مرة تشوفي ماج
3- شغالة كحة طوال الحلقة وبرضه أم الماج في أيدك..أنت خايفة الماج يخلع منك
4- لايوجد عندك اي احترام في التخاطب وتدخل في الكلام و الراجل لم يكمل كلامه وبعدين تتأسفي...محدثة نعمة
5- لا يوجد عندك اي ثقافة الاختلاف مع الآخر..أول ما الاستاذة/لميس اختلفت معاكي..تقولي لالاأنا أمشي من البرنامج ولا أكمله...مثل والدتك بالضبط في برنامج الاتجاه المعاكس مع فيصل....
لاتتحملوا الاختلاف وحرية الرأي عايزة رأيك أنت وبس...زي المخلوع..ماهو انت من نتاج عصره وتعليمه وثقافته

hardway said...

نرنر..نسيت اقول لكي بس خليها في ودنك
أنت كنت بترسمي علي الواد جمال..ورسمك لم يرتقي ويتناسب مع طبقته..تلاقي كان رسم بيئه

مواطن اكس said...

على فكرة أنا بسال انتي مش باينة ليه فى التلفزيون لأنة اتفرجت لكى على افلام جامدة قوى مع الجاسوس الاسرئيلى و على فكرة سوف تذاع قريبا فتراقبوا

شمس النهار said...

يعني هو لية انت مش بتكوني مؤدبة وانت علي الهواء عيب عليك الادب فضلوة علي العلم فما بالك بالبلطجة

صلاح الدين said...

انتي مجنونة واللا معتوهة واللا بهيمة واللا إيه حكايتك؟؟؟ انتي البعيدة فاكرة المحاكمة وإلي بيحصل دة سببه الكام هلفوت إلي كانو بينامو في التحرير؟؟؟؟؟ إنت فعلاً غبية؟؟؟؟... لو فاكرة انكم بال-300 واللا حتى 3000 إلي عاملين بارتي في التحرير لكم أدنى قيمة تبقي بتحلمي يا عانسة ... الملايين سواء لم بينزلو أو بيعبرو عن رأيهم في قنوات إتصال مع الحكومة والمجلس.. هم دول إلي لهم الشرف.. مش شوية المفاعيص بتوعك

محمد نبيل said...
This comment has been removed by the author.
Mohammad Sulaiman said...

الله يرحم محمد

Mohammad Sulaiman said...

الله يرحم محمد

Mohammad Sulaiman said...

الله يرحم محمد

Mohammad Sulaiman said...

يانواره ربنا يكتر من امثالك وربنا يحفظك

Mohammad Sulaiman said...

الله يرحمك يامحمد وهونى على نفسك يانواره وربنا يكثر من امثالك

مخلاة said...

نوارة نجم أنت كدابة ومن تجار الثورة كنت بحترمك وبحترم شباب الائتلاف (أصدقائي) وشباب حملة دعم البرادعي والدكتور البرادعي ، ومعظم مشاهير الثوار:
أولاً : أنت كدابة لإنك متعرفهوش، لو تعرفيه يا نوارة كنت سألتي عنه في فترة إصابته في مستشفى معهد ناصرودي فترة مش قليلة.
ثانياً : أنت كدابة وبتاجري زي غيرك منهم، أنا اتصلت بزمايلي من مشاهير ائتلاف شباب الثورة عشان حد فيهم يسأل عن محمد أو نلاقي إعلامي يكتب عنه كلمه .
ثالثاً : أنت برضة كدابة لإنه في الليلة اللي مات فيها محمد يوم الأربع أنا بعت رسالة جماعية لكل صحفيي مصر وكل الناس اللي ظهرت بعد ما طلعنا يوم 25 بعت لكل واحد شافله شغله في قناة بعد الثورة، بعت لكل واحد شغال في جرنان عشان حد يكتب عن محمد ونلاقي حل.
رابعاً : أنت برضة كدابة ، محمد كان من أنشط أعضاء الجمعية الوطنية للتغيير من 2009 وكان من أعضاء حملة دعم البرادعي الحالية وقبل إصابته بأيام كان عند البرادعي ومتصور معاه، بعد ما أصيب أنكرت الحملة تماماً صلتها بمحمد محسن لمجرد إنه مصاب في العباسية، الدكتور البرادعي للأسف لم يزره ولم يرسل إليه أحد من حملته لدعمه في مصابه!!! وبعد ما مات نعاه واتصل بأهله!!!
خامساً: برضة كدابة وكلكم كدابين الائتلاف كداب والحملة كدابة وكل اللي اشتهروا بعد 25 يناير كدابين ومش هم الثوار، الثوار الناس اللي محدش يعرف عنها حاجة، الناس اللي لسة بتطلع وتعمل عشان مصر بس، لا عشان وظيفة ولا عشان فلوس، وحسبنا الله ونعم الوكيل

مخلاة said...

نوارة نجم أنت كدابة ومن تجار الثورة كنت بحترمك وبحترم شباب الائتلاف (أصدقائي) وشباب حملة دعم البرادعي والدكتور البرادعي ، ومعظم مشاهير الثوار:
أولاً : أنت كدابة لإنك متعرفهوش، لو تعرفيه يا نوارة كنت سألتي عنه في فترة إصابته في مستشفى معهد ناصرودي فترة مش قليلة.
ثانياً : أنت كدابة وبتاجري زي غيرك منهم، أنا اتصلت بزمايلي من مشاهير ائتلاف شباب الثورة عشان حد فيهم يسأل عن محمد أو نلاقي إعلامي يكتب عنه كلمه .
ثالثاً : أنت برضة كدابة لإنه في الليلة اللي مات فيها محمد يوم الأربع أنا بعت رسالة جماعية لكل صحفيي مصر وكل الناس اللي ظهرت بعد ما طلعنا يوم 25 بعت لكل واحد شافله شغله في قناة بعد الثورة، بعت لكل واحد شغال في جرنان عشان حد يكتب عن محمد ونلاقي حل.
رابعاً : أنت برضة كدابة ، محمد كان من أنشط أعضاء الجمعية الوطنية للتغيير من 2009 وكان من أعضاء حملة دعم البرادعي الحالية وقبل إصابته بأيام كان عند البرادعي ومتصور معاه، بعد ما أصيب أنكرت الحملة تماماً صلتها بمحمد محسن لمجرد إنه مصاب في العباسية، الدكتور البرادعي للأسف لم يزره ولم يرسل إليه أحد من حملته لدعمه في مصابه!!! وبعد ما مات نعاه واتصل بأهله!!!
خامساً: برضة كدابة وكلكم كدابين الائتلاف كداب والحملة كدابة وكل اللي اشتهروا بعد 25 يناير كدابين ومش هم الثوار، الثوار الناس اللي محدش يعرف عنها حاجة، الناس اللي لسة بتطلع وتعمل عشان مصر بس، لا عشان وظيفة ولا عشان فلوس، وحسبنا الله ونعم الوكيل

مخلاة said...

لو جدعة يا بت يا نوارة انشري تعليقاتي

Anonymous said...

للذين يكتفون بوجود مدنيين بين أغلبية اللواءات المحافظين،قائلين،"انظروا للنصف الممتلئ من الكوب"..،لا توجد دولة مدنية بها محافظون غير مدنيين،والأدهى،بهذه الكثرة،والكل يعلم تأثيرهم فى السياسات والانتخابات،ونحن مقبلون على خيارات فارقة تشريعية ورئاسية.بعد كل اعتصام وتظاهرات،يجبر النظام على تنازلات،لكنها دائما جزئية.لنضع دائما أمام أعيننا،أن كل هذا النضال الشعبى،غايته،مصر العدالة الاجتماعية..،مصر التى يحب "كل".. أبنائها،بلا تفريق..،العيش فيها. د. شريف عبد الحكم

amal said...

حسبى الله ونعم الوكيل فى كل واحد مد ايدة على الثوار او سبهم ربنا يشل الايد اللى اتمدت عليهم واللسان اللى سبهم , واللى بيقول كفاية بقى خربتوا البلد يروح يشوفلة بلد تانية يعيش مهان فيها احنا خلاص مش هنرضى بالذل تانى ومش هنسكت على الاهانة تانى واللى نمش عاجبة يشوفلة بلد تانية غير بلدنا , ربنا معاكى بيانوارة ومع كل الثوار وتعبكم على رسنا من فوق مس حيروح هدر ومش هنفرط فية , وان شاء الله مصر هتكون بخير بيكم وربنا يحرسكم دايما..

amal said...

ربنا يرحمك يا محمد ودمك انت وزمايلك مش حيروح هدر ان شاء الله وتضحيتكم فوق راسنا وربنا يحرق قلب اللى كان السبب فى موتكم وحرق قلب امهاتكم واهاليكم عليكم, ربنا يدوقهم من نفس الكاس ان شاء الله ..