Saturday, 6 August 2011

يوم 10 رمضان احتفال بالنصر.. ومافيش مسيرة

الايفينت المعمول على الفيس بوك بمسيرة يوم 10 رمضان قال ايه "لتذكير الجيش بمهمته" ده اللي عامله تحريات عسكرية وش
معلش بقى.. انا اللي كنت بايتة معاهم تلات اسابيع وانا اللي عارفة هم بيسخنوا ازاي
بالبلدي بيوقعونا في الغلط عشان الناس تقول علينا مجانين وقلالات الادب ومغرورين.. يعني ايه مسيرة يوم 10 رمضان؟ ايه قلة الادب دي؟ مين المجنون اللي سولت له نفسه انه ممكن يوم 10 رمضان ينزل يعترض على نفسه انه انتصر على عدوه؟ ايه العته ده؟ ويعني ايه نفكر الجيش بمهمته؟ 
اولا لو كان عندك حشد يبقى من الحصافة انك تروح سفارة اسرائيل - اللي انطردت منها حماية لها - وتروح تفكرهم باننا انتصرنا عليهم
ده في حال ما يكون عندنا حشد
بس بما ان ما عندناش حشد، يبقى حنقعد في البيت.. حنقعد في البيت نفترج على فيلم بدور ونسمع اغنية وانا على الربابة باغني ونحتفل بنصر الفلاحين والصعايدة المصريين على اسرائيل.. بلا قلة ادب.. بلا قلة ادب.. مين السافل ابن السافل اللي عايز يتطاول على نصرنا؟ 
ومش من الحكمة اننا ننزل بلا حشد والناس عندها ميل اكتر للتهدئة
يوم 10 رمضان حتفطر مع الست الحاجة بقى.. وكنوا شوية في البيت.. اليوم ده بالذات حنكن كلنا في البيت، لان اي نزول في اطار الاحتقان اللي بينا وبين الجيش ده حيتم الترويج له على اننا بنتطاول على نصر المصريين واعز واغلى حاجة عندهم على مدى القرن العشرين كله
ده سب دين ده.. النزول يوم 10 رمضان ده اسمه سب دين للشعب المصري.. وسب دين ليا انا شخصيا، انا مرة واحد قال لي احنا في حرب اكتوبر ما انتصرناش سفخته بالكف على وشه قدام كل الناس اللي قاعدين، وكنا قاعدين في مطعم
دي قلة ادب.. وتصرف جارح لمشاعر اي مصري عنده نقطة دم في وشه

61 comments:

Ahmed . M . Abdulrahman said...

صحيح مينفعش ننزل يوم 10

مفيش حد بيشتم نفسه

احنا الى انتصرنا

واحنا الى بنموت ع الجبهة

مش معقوله

نشتم نفسينا

احنا كدا بنهزق نفسينا مش اكثر

متخلوش اسرائيل تشمت فينا

سلام مؤقتاً يا نواره
_____________________
الى عاوزنى يجينى
http://misr25jan2011.blogspot.com

هراء لا داعى له ..... said...

ماشى أنا شخصيا موافقك فى موضوع التهدئة علشان مجلس الكلاب مستغل
إنفضاض الناس دلوقتى

بس برضه المبالغة فى تعظيم و تفخيم نصر عسكرى وحيد أوحد هو من سمات الشعوب المهزومة

خلينا ندى لكل حاجة حجمها

اه كان نصر حلو و جميل و امور

بس خلاص إنتهى

التعظيم و التفخيم و صناعة الأصنام من الأحداث زى ما بنصنع من الأشخاص دا شيء مش حلو لناس عايزة تعمل إنتصارات جديدة

كيوبيد said...

اويدك كل تايد فى كل كلمة من هذا الكلام احنا لاننزل يوم 10 ولايوم 11

hayat ank said...

يا نواره طب والايفنت بتاع الجمعه الجايه ايه الاخبااااااار

Osama said...

في ناس اتقبض عليهم في افطار الجمعة و كل اللي نعرفة انهم في نيابة زهراء مدينة نصر العسكرية يا ريت لو تعرفي نوصلهم ازاي تعرفينا

محمد نبيل said...

عدم النزول 10 رمضان وجهة نظر موافقك عليها،


واحنا ما انتصرناش فى حرب أكتوبر يا نوارة لأن النصر اللى حصل فى بداية الحرب أجهض بالثغرة واقرى كتاب الفريق الشاذلى عن الحرب، رابط ليه أهو :

http://www.4shared.com/file/35299008/be46aef3/______.html

ابراهيم رزق said...

نوارة يا بطلة

كل سنة و انتى طيبة

كل سنة من زمان و السفير الاسرائيلى فى مصر
كل سنة و مسمار حطه لينا السادات قبل ما يموت اسمه كامب ديفيد
بجانب الخازوق الكبير اللى اسمه حسنى اللى لحد دلوقتى بنعانى منه و من الخوازيق اللى سابها لينا و هاترينا و عاملين نشيلها

كل سنة و انتى طيبة

أبو هاجر said...

ست الكل كل رمضان وأنت بألف خير

نعود إلى حرب أكتوبر

شهيد علي صدر سيناء يبكي
ويدعو شهيدا بقلب الجزائـــر
تعال إلي ففي القلب شكـــوي

يعني شركاء في الد م وإذا ساورك شك أسالي كم شهيد من عندنا في حرب أكتوبر . و المقصود من كلامي إذا أبديت رأيا في الحرب ما تسفخنيش بالكف على وشي
شوفي يا النوارة حرب اكتوبر بينت أن الجندي العربي و الضابط العربي لما تتوفر الإرادة السياسية يصنع البطولات ، كما بينت أيضا أن العقل العربي لما يكون ضمن مناخ ثوري يبدع . وخط برليف دليل ساطع .
لكن يا النوارة حرب أكتوبر اغتصبت . حتى وجد من قال أنها حرب تحريك وليس تحرير . لاأعلم إذا اطلعت على مذكرات القائد العظيم وأحد ابطال حرب اكتوبر سعد الدين الشاذلي الذي عاش بيننا وكان محبوبا .

لك أجمل التحيات
ملحوظة :
تعليقك على الفيس بوك عن مناخير مبارك لم يعجبني .لقد بدا لي أو تهيأ أن كلامك كان رد ا على كلام أخر ؟

محمد القاوي said...

قال 10 رمضان قال .. اهي دي بقى البشريه الخربانه اللي بتقول شكل للبيع... وله في خلقه شئون .. متسمعيش للناس دي يانواره
البهوات اللي عايزين يعملوا مسيره يوم 10 رمضان .. بقولهم من انتم ؟؟ من انتم ؟؟ هتدمروا الثورة بغباء زائد عن الحد

شمس النهار said...

يوم 10 رمضان هو يوم تكريم البطل مبارك صاحب الضربة الجوية وياريت تشوفوا السادات قال عنة اية وكمان اليهود السادات قال يعرفوة في اسرائيل كويس لان الدرس كان موجع هو دة مبارك والا انتم نسيتوا ولا اتعملكم غسيل مخ

أبو أمك said...

أفهم من كده إنك عازماني على الفطار يوم 10 رمضان ؟

أحمد said...

أحب أقوللك ان احنا مانتصرناش ف حرب أكتوبر!
على أحسن الفروض الحرب دي أنتهت بالتعادل مش أكتر

yerigagarin said...

انتي هطلة يا بت
نصر ايه و بدنجان ايه اللي بتحكي فيه
النصر عدي وفات من 40 سنة و لم يبقي منه الا ذكري يستغلها اعوان النظام
المخلوع للنصب علي الشعب المصري
انتي ناسية عملت فيكي ايه الشرطة العسكرية و ناسية جريتي ازاي زي الفرخة المسلوخة من عصيان عساكر الجيش حبيبك ( حبك برص ) فوقي بقا من الغيبوبة اللي انتي عايشة فيها
و لو مش عاوزة تفوقي حطي لسانك في بقك و انكتمي خلي الناس تفوق و متبقيش عاملة زي البت الهبلة اللي بتحب عيل صايع ابن وسخة كل ما يضربها و يشتمها تحبه اكتر

hardway said...

حمد لله علي السلامة يا نرنر
عادت نرنر ..والحمدلله بعد فترة ثورجية غير مسئولة
وأخـــيرا عادت نرنر العسكري
الي نـــــــــوارة الانتصار

hardway said...

الي الاخ/ هراء لا داعى له .....
عد الي مدونتك...
.....................
بص يابنى و بصى يابنتى

المدونة دى أنا عاملها علشان دماغى ، علشان متجننش ، علشان زى ما هو باين

من إسمها أصرف فيها الشحنات الكهربية و الأفكار و الكلام إللى لو إتحبس

دماغى هتضرب و أتجنن
......................
لذا نرجو سيادتكم العودة الي مدونتك
حيث أن كلماتك متأثرة جدا بطبيعة عملك

amal said...

كلامك مظبوط يانوارة , النزول يوم 10 رمضان مالوش اى معنى خالص غير اللى قولتية , وبعدين الشئ اللى بيزيد عن حده بينقلب لضدة يعنى مش عمال على بطال يتنزل للميدان علشان النزول ما يفقدش أهميتة ولا هيبتة لازم يكون فى حاجة مهمة ,ربنا يصلح الحال ومانضطرش للنزول الا للاحتفال زى يوم التنحى وان شاء الله مصر تكون بخير واهلها فى احسن حال ربنا ينور بصيرتكم ويوفقكم للاصلح بأذن الله

Passant said...

عايزة بجد اسمع رايك فى الدعوة بتاعت يوم 12 اغسطس لانه يهمنى

khmaoda said...

والله بنت راجل صحيح واجدع من الانطاع اللى قاعدين يفسدوا علينا تاريخنا وداخلين دلوقت على ملتنا ...سألنى اخى لماذا تحب جورج اسحق ونعت هانى رمزى بالخنزير اجبته بأن جورج اسحق اتهم شيوخ وقسيسين السلطه بالنفاق والتطبيل للمخلوع بمنتهى الصدق والامانه اما رمزى فتحدث عن اضهاد ناس ليس منهم ولا يعبر عنهم بمنتهى العنصريه ودافع عن الكنيسه المنافقه بالباطل

متفائل said...

تقولين : في ظل الإحتقان اللي بينا وبين الجيش .. إحتقان ليه ؟ أيه الغلط اللي عمله الجيش عشان يبقى فيه إحتقان ؟ أنه وافق على وثيقة المباديء فوق الدستورية التي تمنع الإخوان والسلفيين من إعلان الخلافة مدى الحياة وتدمير مبدأ تداول السلطة ؟ قوليلي الجيش عمل أيه عشان تعاديه بهذا الشكل .. مش ده برضه حبيبك القديم ؟

freedom4ever25 said...

مش عايزة الناس تنزل يوم 10 رمضان تفكر الجيش بمهمته؟؟
طيب وانتي مش شايفه ان الجيش فعلاّ نسي مهمته بقاله كتير ( هوه مهمة الجيش يحمي حدود اسرائيل من المتسللين؟؟ هوه مهمة الجيش يضرب الفلسطينيين بالغازات السامه في الانفاق ويموتهم زي الصراصير؟؟ هوه مهمة الجيش يشترك مع فرقه من سلاح المهندسين العسكريين في الجيش الامريكي لبناء جدار فولازي تحت الارض عشان يمنع دخول المعونات للفلسطينيين عن طريق الانفاق؟؟؟ هوه مهمة الجيش يربي عجول ويصنع مربى ويوزع عيش ؟؟
ومع ذلك ايه الكدب اللي انتي بتكدبيه ده مين اللي قال ان اللي نازلين هدفهم التطاول على نصرنا او يعترض على نصرنا زي ما بتقولي ؟؟؟ بالعكس ده نازل يحتفل بالنصر ويفكر الجيش بمهمته اللي عملها في 10 رمضان 1973 مش مهمته تبقى قمع المظاهرات وفض الاعتصامات وكشوف وضرب واهانة اهالي الشهداء وكشوف عزرية على البنات؟؟
ايه ده هوه انتي لما بتشوفي ان رأيك هوه الصح وبتتعصبي له بتستخدمي الكذب كمان عشان تروجي له؟؟ أخس عليكي ماكنتش اعرف انك كده!! وبعدين بتقولي لهم روحوا سسفارة اسرائيل ؟؟؟ طيب ماهما راحوا والجيش اللي انتي بتدافعي عنهم ضربهم عشان خاطر اسرائيل حبيبته وقال لهم " علم اسرائيل مش هينزل ده منطلونك اللي هينزل" وانزل على ركبك !!! وللا نسيتي ؟؟يا شيخه ده انتي عمله حلقه بحاله عن الموضوع ده !! وبعدين اي موضوع ان الناس عندهم ميل اكثر للتهدئه؟؟؟ يا سلام يا اختي !! منتي عارفه ان الناس ما كنش عندها ميل اصلاّ للنزول 25 يناير . وما عندهمش ميل لأستكمال الثورة كمان . وعندهم ميل اكتر للأنتخه . وهوه احنا هنمشي حسب ميل ومزاج الناس وللا احنا اللي المفروض نقودهم او حتى نقود نفسنا وطالما على الحق ما يهمناش اللي معانا قليل وللا كتير؟؟؟
وانا معاكي ان نزولهم يوم 10 رمضان هيستخدمه الجيش في الاعلام انه اهانه وهيقعد يشوه في صورة اللي نازلين .. بس هي دي يعني اول مرره؟؟ ما انتي من كتر ما الجيش والاعلام الرسمي بيعملها اديكي اتعلمتيها وفهمتيها اهوه؟؟ يبقى ايه المطلوب بقى يا دكتوره؟؟ نقعد في البيت ونسيبهم يخربوا البلد ويعيدوا انتاج النظام السابق؟؟ هوه ده اللي انتي عاوزاه؟؟
وعلى فكره انا برضه بقول بلاش يوم 10 رمضان وخلينا نختار يوم تاني عشان نفوت الفرصه دي عليهم. مع ان اليوم ده بالذات لو ماكنش في حركة مضاده في الشارع تلقي بظلالها على الاعلام سيتم استخدامه في طبل وزمر ودعايه وتلميع لصورة العسكر وهيستخدموه عشان تهدئة غضب الناس على المجلس العسكري وسعاتها هيبقى استفرد بالثوار
. وبعدين 10 رمضان ما كنش نصر كبير اوي زي ما انتي متصوره كده بالعكس ده كان نصر في أوله واتقدم فيه تضحيات كبيره جداّ من العساكر والظباط لكن السادات الله يلعنه حوله من نصر الى تعادل في الموازين العسكريه لأانه اصلاّ ما كنش داخل يحرر سيناء عسكرياّ وانما كان عاملها حركه عشان يشيل ايده من القضيه الفلسطينيه وعشان يدفع اسرائل لأتفاقية العار (السلام) وللأسف في الاخر حوله لهزيمه ومش بس فرط في سيناء اللي كانت محتله وبقت محرمه عليا انا المصري انما الاسرائيلي بيدخلها بالبطاقه . لأ ده فرط في مصر كلها وباعها لأسرائيل.. ومع ذلك ياريت حضرتك تقولي لنا موقفك ايه من ثورة الغضب على العسكر يوم 12 اغسطس وللا برضه يوم 12 اغسطس كان يوم مقدس ايام الفراعنه؟؟
وليه حضرتك مش بتعرضي الردود اللي فيها كلام على المجلس العسكري وبيوضح خططه الشيطانيه زي رردي في التدوينه اللي فاتت لما اتكلمت عن ضمانة نزاهة الانتخابات وقبلها عن موضوع التعاون العسكري بين جنرالات مبارك وامريكا وللا الكلام اللي بيخاطب العقل ويوضح الحقائق بالنسبه ليكي خط أحمر؟؟

ع.سالم said...
This comment has been removed by the author.
ع.سالم said...

معاكي يا نوارة ... صح جداً، مهماً كان فاخنا لازم نحترم اللي نصرونا... ع الأقل ف ذكرى الانتصار.

3een-wants-to-see.blogspot.com

amr565 said...

علي فكرة انا ملاحظ ان اول انطباع بتخديه بيكون علي الفطرة وصافي وصحيح وبيكون متوافق مع الغالبية العظمي من المصريين ثم ياتي شياطين الانس علي راي الدكتور العوا ويعملوا اااح في دماغك وكتر الزن امر من السحر فعلا فبتتحولي مع الوقت .. اسمعي المرة دي كلام ناس من خارج ما هم متوافقين معاكي في مدونتك بتوع الله ياست واعد يا ست انتي صح المرة دي واوعي حد يلعب في دماغك ويقول ننزل في يوم تاني زي الاخ اللي اسمه
فريدوم ياريت تساليه هو حينزل يعترض علي الجيش ليه دماء الشهداء برضه والا الحد الاعلي للاجور! يا سادةوالله الثورة انتهت انتو بس مش عاوزين تصدقوا ناقص فقط جكومة منتخبة محليات منتخبة وده حيجي بعد تكوين الوزارة ورئيس منتخب ووزير داخلية تبع حكومة الثورة مش كل ده حيجي بعد الانتخابات طب بعد ده كله يبقي ناقص ايه علشان نقول ان الثورة نجحت ووضغنا رجلنافي اول طريق الديمقراطية الحقة اما بقي اروح اجرشكل المجلس العسكري علشان حد ادني واعلي وكام ضابط المفروض يتحاكموا وكده كده ولاد الوسخة دول حيتحاكموا لان دي قضايا لن تسقط ولما اجر شكل المجلس وواحد يستشهد نعيد من تاني ونقول دم الشهيد واجنا رجعنا زي الاول والثورة بتتسرق مننا يا نوراة والثورة اتخطفت خلاص يا نوارة والثورة بترجع لوراء يا نوارة مش ده كلام مراهقي الثورة... الثورة انتهت تماما يا جديدة ومعلش الصدمة قوية شوية ايوا الثورة انتهت واديت واجبها وناقص اهم حاجة فيها وهي ما استشهد الشهداء من اجله حرية والحرية دي حتيجي بمؤسسات الدولة اللي حيقرها الشعب وليس بجر شكل المجلس وده اللي فاهمينوا الاخوان من زمان وبيضغطوا بحساب وحرفية علي المجلس دون خسارة الشارع وجعلوه ضد الثورة ودرس العباسية درس للاخ فريدم واللي زيه اللي بيقولك ما هو الناس مكنتش راضية تنزل يوم 25 وده صحيح لكن الغالبية كانت مع المطالب وبتدعي ومتعاطفة للي نزل وهما اللي جعلوا من مظاهرة عادية حتتلم في تلت ساعة ثورة حقيقية... النزول والميادين لازم تبقي سيف مسلط علي اي حاكم او حتي المجلس لكن كتر استخدامه بدون وعي يفقد تاثيره ويبقي مضاد للثورة وضياع لها النزول يكون لاجل شي كبير مثل وهام مثل شعورنا مثلا ان المجلس عاوز يقعد شوية وبيسوف الموضوع او ان وصلت معلومات اكيد ان في طرمخة علي محاكمة مبارك وولاده والشلة الوسخة فننزل لنكون قوة ضاغطة علي الكل عسكر وغير عسكر والكلام ده بيكون في اخر المحاكمات مش بعد يومين من المحاكمة ونقول القضاء متواطئ ونقعد نألف اي حاجة علشان رجلنا بتاكلنا ووحشتنا قعدة الميدان وخلاص وان كنت اعتقد ان المجلس العسكري اشرف بكتير من اي سياسي التف علي راي الشعب في الاستفتاء وعنده استعداد يلتف الف مرة وبالف حجة طالما عملوها مرة مع الاستفتاء شوفتي يا جديدة انا علي العهد مع المجلس العسكري زيك في الاول لكنك اتلعب بيكي وانا لا احد يستطيع ان يفعلها معي لان لا اتاثر بطريقة شوفي اللنك ده يا نوارة

متفائل said...

من الآخر كده .. إذا كانت الأمور حترسي في النهاية على الإختيار بين شيئين لا ثالث لهما وهما : حكم العسكر أو خلافة أبدية لدولة دينية ثيوقراطية .. يبقى حكم العسكر أرحم وهو الخيار الصائب في هذه الحالة ولا عزاء لمجتمعنا وشارعنا السياسي المريضان اللذان جعلا الخيارات محصورة في هذين الخيارين فقط .. ولا حول ولا قوة إلا بالله

fafy said...

انا كتبت لك الكومنت الى كان المفروض اكتبه هنا فى البوست اللى فات غصب عنى من فضلك تقرأيه وتردى عليه

fafy said...

يعنى من هايستنوا ل6 اكتوبر دول هايزلوا عشره رمضان يعنى اصدق بقى ان مصر مستهدفه من قبل اللى عايزين يدمروا هويتنا وحياة مصر يا نواره لانتى مفهمانى واوعى تتجاهلى رسالتى

شمس النهار said...

لا حول ولا قوة الا بالله

برضوا المنتحل اسمي معلق هنا برضوا
:))))))

ونبي تاعب نفسه ومكلف نفسه جامد

الناس لما بتقرا التعليق بتاعه في اي حته بتقولي
:))))

ربنا يهديه

حرب اكتوبر حرب الجيش المصري كله مش فرد واحد بس ويكفي اللامبارك انه شال صور الشاذلي وحط صوره ونسب لنفسه النصر لوحده وده تزوير في التاريخ وكفاية الطيارين اللي طلعوا واتكلموا وعرفوا الناس الحقيقة
تحية لكل شهداء حرب اكتوبر المجيدة بتاعت الجيش المصري كله ومن وراهم الشعب المصري

freedom4ever25 said...

السلام عليكم ورحمة الله وبركاته ثم اما بعد.. كنت اتمنى ان الدكتوره نوارة هيا اللي تررد على الكومنت بتاعي خصوصاّ ان فيه نقد على طريقة تعاملها مع ردودي في بعض المواضيع في المدونه اللي مش عارف ليه مش بتظهر وأغلبها بيبقى فيها نقد معقول وهادئ وبالارقام والمعلومات لمجلس جنرالات النظام السابق( المجلس العسكري) أما بخصوص رردك فأنا عندي عليه كثير من التحفظات
اولا:: حضرتك قلت "انا ملاحظ ان اول انطباع بتخديه بيكون علي الفطرة وصافي وصحيح وبيكون متوافق مع الغالبية العظمي من المصريين" طيب الثورة دي نزل فيها الأطفال والعواجيز وذوي الاحتياجات الخاصه (يعني كل مؤمن بالثورة نزل فيها)فهل تعلم ان عدد من لم ينزل في الثورة (حزب الكنبه) كانوا 4 اضعاف عدد الثائرين؟؟ ... بلاش دي ... هل تستطيع ان تنكر ان غالبية الشعب المصري -الذي تطالب نوارة بأن تأخذ مواقف تتفق مع انطباعاته- كان انطباعه بعد خطاب مبارك العاطفي أن ارجعوا يا ثوار بارك الله فيكم وسيبوا مبارك يكمل فترته ( وطبعاّ لو كانوا رجعوا كان مبارك هيكمل صح .. بس مش فترته . كان هيكمل على رقبة الثوار كلهم بما يهم الاخوان) وانتوا عايزين ايه تاني الله يخرب بيتكوا خربتوا البلد والكلام ده انا شخصياّ قبل تنحي مبارك في اواخر ايام الثورة وفي احد المظاهرات التي كان معظم من يشاركون فيها من الاخوان بأعتبارهم اكثر فصيل منظم في الشارع المصري كان المواطنين الشرفاء اللذين يرمون الثوار الان بالحجارة والملوتوف كانوا يرموننا بالماء الوسخ ( أعزك الله) من البلكونات وكان المواطنين البطاء يقولون لنا حرام عليكم كفايه خربتوا البلد انتوا لو كان ااهلكم او ابائكم بيشتغلوا باليوميه كنتوا حسيتوا بالناس اللي اتخرب بيتها بسببكم وبسبب المظاهرات بتاعتكم. هل تنكر بأن هذا الأنطباع كان انطباع الاغلبيه التي عترفوا فيما بعد انهم كانوا مضللين؟؟؟
وعلى فكره انا مش من اللي بيقولوا لنوارة " الله ياست وأعد ياست" صحيح انا بحترم ارائها وبعتبر انها شجاعه ومابتخفش لكن كمان احياناّ كتير بختلف معاها وده طبيعي
ثانياّ:: حضرتك بتقول " واوعي حد يلعب في دماغك ويقول ننزل في يوم تاني زي الاخ اللي اسمه
فريدوم ياريت تساليه هو حينزل يعترض علي الجيش ليه دماء الشهداء برضه والا الحد الاعلي للاجور" انا اقوللك ليه عايز انزل ومعترض على الجيش وأحب أطمنك انه مش دم شهداء ولا حد اعلى للأجور لأن بصراحه انا مقتنع ان حق الشهداء بمعنى القصاص ممكن ياخد وقت طويل وده مش عيب بل اني افضل ان من قتلهم يتحاكم بعد تطهير البلد ووجود نظام منخب من الشعب عشان على الاقل يبقى في قضايا صح ونيابه صح وتحريات صح وقضاه صح الصح... وكمان مش نازل عشان الحد الاعلى للأجور لأن الكلام ده اي حد عاقل هيقول لك انا استحملت 30 سنه مافيهاش حاجه لما استحمل 6 شهور او سنه عشان البلد تنضف وتيجي حكومة منتخبه وساعتها ابقى اطالب بحقي بالطرق الديمقراطيه. انا مع الكلام ده تماماّ . عشان كده انا مش نازل عشان دم الشهداء ولا عشان الحد الاعلى للأجور . انا نازل عشان اسقاط النظام ( النظام اللي لسه ماسقطش وهقول لك ليه) وبناء نظام جديد نضيف.. انا زيك بالظبط عايز حكومة منخبه ومحليات منتخبه ( بس تكون منتخبه بجد مش انتخابات مزورة)

freedom4ever25 said...

انا نازل يا استاذي الفاضل عشان مقومات العمليه الانتخابيه اللي هتجيب لي الحكومة المنتخبه دي يعني ( تطهير القضاء اللي هوه طبعا بيشرف على الانتخابات وفي ايده تزويرها اذا طلب منه - تطهير الداخليه اللي هيا طبعا لها تأثير على العمليه الانتخابيه بالاضافه لأستخدامها البلطجه احب اقول لك في الموضوع ده ان مدير الإدارة العامة للانتخابات التي شهد العالم كله بتزويرها اللواء محمد رفعت قمصان قد تم ترقيته في حركة التنقلات التي أراد بها العيسوي ان يخدع الشعب المصري . بل المصيبه انه اسند اليه قطاع الشؤون الإدارية في وزارة الداخليه حيث تتبع القطاع الذى يترأسه إدارة الانتخابات بل والأدهى والأمر أن مساعده في تزوير الانتخابات ووكيله في الادارة اللواء خالد عبد الحميد أحمد شاكر هو من تولى الادارة العامه للأنتخابات
بل المدهش أنه فى أثناء إعلان العيسوى حركة التنقلات كان اللواء رفعت قمصان، المسؤول عن تزوير انتخابات البرلمان المنحل، يحاضر فى بوخارست عاصمة رومانيا باعتباره خبيرا كبيرا موفدا من وزارة الداخلية أمام ملتقى «التحول نحو الديمقراطية: شمال إفريقيا وشرق أوروبا.. تبادل الرؤى والخبرات». على رأي ابراهيم عيسى بذمتكم مش حاجه تنقط؟؟؟
ثالث جهة مؤثرة في الانتخابات ( الاعلام) بذمتك يا شيخ هل تغير الاعلام الرسمي بعد مبارك؟ بالظبط نفس الطريقه تشويه في الثوار. تلميع لبعض رموز المعارضه الشكليه اصحاب الاحزاب الكرتونيه . وكثير من الائتلافاتت الوهميه التي صنعها المجلس العسكري بعد الثورة لكي يحاورها ويقول انه يحاور شباب الثورة ولكي يستخدمهم الاعلام الرسمي في تشويه صورة شباب الثورة الحقيقيين .بالاضافه لمساحه اعلاميه قليله على شاشة التلفويون وفي صفحات الجرائد للأخوان والسلفيين في حالة كان الهدف استخدامهم في مواضيع خلافيه مع باقي التيارات الثوريه وللأسف ينزلق الى ذلك الاخوان والسلفيين. وفي النهايه وزير اعلام انتقد الثورة قبل 25 يناير في جريدة الوفد وقال "ان هذا لا يصح لانه يوم عيد للشرطه وان لا احد في مصر يريد ان يحدث في مصر مثلما حصل ي تونس"........... فبالله عليك هل مع مثل هذه المؤسسات الفاسده تستقيم العمليه الانتخابيه؟؟ وهل مع قانون مجلس شعب وشورى يعتمد المناصفه بين القائمة والفردي ما يسمح بدخول اصحاب الاموال وكبار رجال الاعمال والقبليه والعصبيه والبلطجه هل ينتج مجلس منتخب يعبر عن الشعب وبالتالي حكومة منتخبه؟؟؟ وهل رفض اقصاء نواب واعضاء الحزب الوطني من المشاركه السياسسيه هل يصب ذلك في عمليه انتخابيه ومجلس شعب حقيقي ينتج حكومة منتخبه؟؟؟ وهل من يرفض تطهير المؤسسات المشرفه على العمليه الانتخابيه يريد انتخابات نزيهه؟؟ أم من يفعل كل ذلك يسعى لأعادة انتاج النظام السابق بوجوه جديده >>> طيب هتقول لي ليه نتوقع البلى قبل وقوعه؟ طيب مانستنى ونشوف .... هقوللك ليه ماينفعش نستنى ونشوف

freedom4ever25 said...

. لأن الخطه الشيطانيه اللي بدأت ملامحها تظهر بقوة هي كالتالي اعطاء المنتمين للنظام السابق اللي مستعدين يراعوا مصالح امريكا واسرائيل يعني الفلول من الاخر اكثر من 50% يعني الاغلبيه في البرلمان أما الاخوان المسلمين فقد اعلنوا انهم لا يتوقعون ان يحصلوا على اكثر من 30-35 % وسيحصلون على هذه النسبه فعلاّ لكي يتم اسكاتهم اما بقاي النسبه وهي اقل من 15 % فسيحصل عليها السلفيين وهي نسبه لا يحلمون بها بل ايضا لا يتوقعوا ولا يسعوا لاكثر منها وحينها سيتم تحييد السلفيين ايضاّ مع اسناد بعض المناصب والمؤسسات الدينيه اليهم وهم لا يريدوا اكثر من ذلك ....... وحينها بالله عليك هل تستطيع اي من القوى الوطنيه الاخرى التي تم تزوير الانتخابات ضدها ان تنزل الشارع وتعترض على نتيجة الانتخابات ام انها اذا فعلت ذلك فستصطدم بمن فازوا في الأنتخابات وبالاخص السلفيين والتيار الاسلامي وستكون الدعوه الى اعادة الانتخابات حينها وعدم الاعتراف بها ( التفاف على الارادة الشعبيه)وان من يطلقها هم (العلمانيين والليبراليين والملحدين والكفره) وحينها يكون مجلس جنرالات امريكا ( المجلسس العسكري) قد وضع الشعب في مواجهة بعضه وكل ثورة وانتا طيب ... واخيراّ هل تعلم انه تم اسناد عملية الاشراف على الأنتخابات الرئاسيه لرئيس المحكمة الدستوريه العليا اللذي عينه مبارك في هذا المنصب ضارباّ في ذلك بكل المقاييس القضائيه من السن والاقدميه وخلافه كما اعلن عن ذلك المستشار هشام البسطويسي استعداداّ لأنتخابات الرئاسه القادمه التي كان من المقرر فيها فوز جمال مبارك ؟؟؟ .... وفي النهايه احب اقوللك ان انا مش من مراهقي الثورة اللي بيفرحوا بمحاكمة مبارك ( لأن بكل بساطه مبارك كان كلب من كلاب امريكا وأمريكا بتتخلى عن كلابها بسهوله لما بيقعوا وماعندهاش مانع تلف الحبل على رقبتهم كمان زي ما عملوا مع صدام وانا بقول لحضرتك ان مبارك وقع والمجلس ولائه للي روحه في ايده اللي هوه امريكا مش لمبارك وماعنديش ادنى شك ان مبارك هيتعدم مع العادلي كمان.. وعلى فكره عيب انك تقول ان ي ناس رجليها بتاكلها كل شويه وعايزين ينزلوا يباتوا في الميدان . على فكرة البيات في الشارع مش مسلي والاحتكاك مع البلطجيه والأمن المركزي والشرطه العسكريه مش رحله الثوار بيطلعوها عشان يغيروا جو
وتقبل مني فائق الاحترام والتقدير

codebug said...

كلام الأخ صحيح تمام freedom4ever25
حسني مبارك مجرد قناع احترقت ورقته فتم إزالته
الحاكم الحقيقي وراء حسني مبارك مازال موجود بنفس العقلية
حسني مبارك مجرد موظف لديهم، و خلال فترة نلاحظ الاعتقالات مازالت موجودة و السياسة الخارجية خاصة مع غزة نفس الشيء، الحاكم الظالم مازال يحكم
الذي راح مجرد غطاء، و لعبة يضحكوا بها عليكم

mutargim said...

http://al-agenda.blogspot.com/2011/08/blog-post_07.html

mutargim said...

http://al-agenda.blogspot.com/2011/08/7-reason-for-turkish-strike.html

AbDuLLaH AbDeL-GaWaD said...

النزول يوم العاشر من رمضان
معد له مسبقا من قبل شهرين أو أكثر من بعض الشباب " شباب الانتفاضة الفلسطينية " للافطار الجماعي امام السفارة الاسرائيلية وصلاة التراويح هناك
وأشياء كثيرة
تابعيها عن قرب أفضل :)

AbDuLLaH AbDeL-GaWaD said...

يوم العاشر من رمضان فعلا سيكون يوم أمام السفارة الاسرائيلية
وشباب الانتفاضة الفلسطينية يجهزون من أجل هذا اليوم من فترة طويلة للافطار الجماعي وصلاة التراويحج وبعض الأنشطة الأخرى المسبق تجهيزيها بالفعل
تابعيهم
وسترون يوم الاربعاء أمام السفارة بمشيئة الله

hardway said...

الي الرقيقة/fafy
نأسف كل الاسف ..من عدم أستطاعة نوارةالانتصار من محاولة فهمك للحقيقة
لانها هي مش فاهمة حاجة أصلا...........
وفاقد الشئ لا يعطيه...............
رجاء تركها مدة زمنية تتراوح من 5أعوام الي10أعوام حتي تستطيع فهم وتدارك ما حدث
ولأنها حاليا راكبة المرجيحة...........
sorry fafy

mohammed said...

ا نوارة ده أكاونت أبن خال الشهيد محمد محسن. ادخلى و أقرى. الإخوان عايزين يضيعوا دم الشهيد @melsayeh

محمد الشترى said...

لقد نفذ رصيدكم يا انصار المجتمع المدنى عند شعب مصر :)

وموبينيل واعوانها خلاص على وشك الافلاس :)

والتمويل الامريكى والاوروبى والاسرائيلى تحت رعايه جورج سورس وفريدوم هاوس انكشف ومافيش بديل عن المحاكمه

وسيبوكم من شعارات احنا النخبه دا كلام هلس

حلين ومالهمش تالت :)

ياما ترضخوا (قانعين ) او (مجبرين ) على اراده الشعب والناس بتحكيم الشريعه الاسلاميه دين 95 فى الميه من شعب مصر واختاروه بكل نزاهه وحياديه

ياما ترجعوا فى اجازه طويله للى دربوكم بره مصر هما اولى بيكم
زى ما سمعت والله اعلم من صحه الخبر ان بعضكم ابتدى فعلا يسافر انجلترا

اما عن سياسه الاستقواء بالخارج واستعمال العنف ضد الجيش فدا هايكون اخر مسمار فى نعشكم وهايبقى الجيش والشعب ايد واحده عليكم بالاضافه للدقون كلها (اخوان+سلف واللى اتشرف انى واحد منهم )واللى هما فصيل كبير جدا لا يستهان به من شعب مصر

لان المسمار الاولانى انتم طرقتوه فعلا يوم العباسيه وكان منظركم فيه زباله وفقدتم كل التعاطف او التاييد من الشعب

شعب مصر مش بسيط ولا غلبان الشعب فاهم كل حاجه والدش والانترنت ما بيسبش حاجه وكله على المكشوف

والناس اختارت الشريعه تحكم مصر

سيبوهم لاختيارهم ما تحجروش عليهم وياما تعيشوه معاهم كاملا يا اما تاخدوا جنب والجناب كتير

والله المستعان

BestItalianPizza said...

المظاهرات التى تجتاح العالم كله فى الوطن العربى و اوروبا و اسبانيا و لندن و اسرائيل دليل على ضيق الشعوب بالأنظمة العالمية و الرأسمالية

============================================================

هل اصبح هناك تهمة اسمها اطلاف هنافات مناوئة للمشير ؟؟ كيف اسقطنا مبارك اذن ؟؟

============================================================

ما تفعلة الشرطة العسكرية الآن لا حل له سوى بمليونية محترمة تعرف الجميع ان الكلمة الأخيرة فى التظاهر من عدمة تعود للشعب الحر الذى حطم قيود العبودية .. لن نعود عبيدا مرة اخرى .. و سنتظاهر وقتما نشاء

=============================================================

يستحسن ان يقوم الثوار بترشيح رسول للمجلس العسكرى برسالة محددة و يعود لنا بالإجابة؟؟

ماذا يريد المحلس العسكرى ؟

هل يعلم العسكر ان الشعب ثار رافضا حكم العسكر ؟؟ و رافضا لأى شكل من اشكال الوصاية على الشعب؟

==============================================================

فى ردى على الدكتور علاء الأسوانى :

http://www.facebook.com/photo.php?fbid=212408448808905&set=a.148257715223979.27628.148101218572962&type=1&theater

المقال رائع يا دكتور فعلا جدا .. و اسمح لى ان اجادل فى اهم نقطة اثرتها فى مقالك كله من وجهة نظرى

قولكم "فالمجلس العسكري بالرغم من أدائه الذى لا نوافق عليه هو الحائط الأخير للوطن الذى لن نسمح أبدا بأن يتصدع" .. هذه تعتبر نقطة ضعف فى ادائنا .. لأن المجلس - خاصة اذا كانت لديه النية للبقاء فى الحكم الى الأبد - سيستغل هذه النقطة ليفرض ارادته .. يا استاذى ليس بعد الموت ثمن قدمناه لهذه الثورة .. لا احد يريد اسقاط المجلس باعتبارة الجيش .. فقط نريده ان يبعد عن اتخاذ القرار و الإنفراد بالحكم المطلق .. يا استاذنا و انت سيد العارفين ,, من لا يرضى بمشاركة المدنيين الآن لن يرضى بها مستقبلا ,, يا سيدى الفاضل اذا وضعت مصر و 85 مليون فى كفة لا يمكن ان تضع المجلس فى الكفة الأخرى .. يا سيدى الفاضل لسنا عبيدا لآحد .. و مع احترامى للجيش و للمجلس .. فأن شعل مصر هو الذى صنع الجيش و المجلس .. و شعب مصر قادر على بناء الق جيش و الف مجلس اخر .. يا سيدى لسنا عبيدا و لا نستحدى حريتنا .. يا سيدى الفاضل المجلس العسكرى قوة محتلة مثل اى قوة محتلة اخرى مطلوب التحرر منها .. يا سيدى الفاضل ضربة القلم هى نفسها ضربة القلم سواء ان صفعا لك مصرى و لا اسرائيلى ,, و ضربة السوط هى نفسها ضربة السوط سواؤ كان الضاري مصرى اسرائيلى او اى جنسية اخرى

يا سيدى الفاضل لسنا عبيدا ,, يا سيدى الفاضل لسنا بهائما .. يا سيدى الفاضل لسنا عزبة .. يا سيدة الفاضل لسنا غنيمة حرب ..

يا سيدى الفاضل اذا كنت تحب مصر اذهب للمجلس العسكرى و فاوضه باسم المصريين .. و بدلا من ان تنصحنا بأن نحافظ على المجلس .. انصح المحلس ذاته انه يحافظ على مصر .. دا اذا كان وطنى صحيح و لا يعمل لصالح نفسة

اتمنى ان نقطتى وضحت يا دكتورنا العزيز .. حاولت ان احاوركم على التويتر .. لكن يبدو ان معاليكم لا تصلكم تعليقاتنا .. يا استاذى الفاضل لقد استودعتك امانتى و هى فى عنق معاليكم الى يوم القيامة و ستسأل عنها

اللهم هل بلغت ؟؟ اللهم فاشهد

يسقط يسقط حكم العسكر .. عاشت الثورة .. عاش الشعب المصرى حرا ابيا مستقلا .. المجد للشهداء و المصابين .. الله اكبر

======================================================

حسنى مبارك اقسم على حماية و احترام الدستور .. و المجلس العسكرى اقسم على حماية و احترام الدستور .. الدستور لا يوجد فيه مجلس عسكرى .. و لا يوجد فيه تخلى عن الحكم .. و لا يوجد فيه تخلى عن الحكم للمجلس العسكرى .. مبارك خان الدستور الذى اقسم على احترامه .. و المجلس السكرى ايضا خان الدستور الذى اقسم على احترامه ..

و هذا للعلم

=======================================================

من يطلبون منا احترام المجلس العسكرى .. لماذا لا يطالبون المجلس العسكرى باحترام الشعب ؟؟؟

=======================================================

من لا يريد صداما مع المجلس العسكرى .. لماذا لا يذهب و يتفاهم مع المجلس العسكرى ؟؟

المحلس العسكرى 18 او 19 بنى ادم .. مصر 85 مليون .. أى الكفتين ارجح ؟؟

هل المجلس العسكرى يملك مصر ؟؟ أم أن مصر هى التى تملك المجلس العسكرى

و عجبى صحيح يعنى

احلام جوليا said...

نواره بالامس قرأت خبر واليوم بحثت عنه في نفس الجريدة اليوم السابع على النت لم اجده الخبر كان هاما جدا واريد ان اقول لك ما هو كان مستشار قانوني يتكلم عن محاكمة مبارك وقال ان الدليل الذي سيدين مبارك وسيعد قرينة قانونية غير قابلة للنقض هو شهادة المشير طنطاوي وعمر سليمان ان مبارك حرض على قتل المتظاهرين والجيش رفض ذلك وقال ان المحكمة تشعر بالحرج ولن تستدعي المشير للشهادة على الرغم من طلب المحامين لذلك فالحل وهذا من وجهة نظر المستشار البحث في بيانات القوات المسلحة من بداية الثورة وتقديمها كدليل حيث في احد تلك البيانات كان هناك بيان اشار برفض الجيش قتل المتظاهرين رغم التعليمات الصادرة له بذلك تلك البيانات رسمية ويجب ان ينتبه المحامون بالحق المدني اليها وتقديمها كدليل رسمي كبديل لشهادة طنطاوي للاستدلال على ان مبارك اعطى تعليمات القتل فيدان ويأتون له بحكم سبق الاصرار والترصد والنتيجة تكون الاعدام باذن الله ذلك هو كلام المستشار ارجوك يا نواره لو كنت تريدين القصاص اطبعوا او نزلوا على سيديهات كل بيانات القوات المسلحة قبل محوها من النت هي الاخرى ولفت انتباه المحامين لتلك النقطة وياريت العثور على البيان المطلوب وتقديمة على طبق من فضة للمحامين او اهالي الشهداء المهتمين حتى يتم القصاص فلن يتم القصاص الا بايدي الشرفاء الذين يبحثون عن الادلة بانفسهم ولن يبحث احد لهم عنها

احلام جوليا said...

نواره بالامس قرأت خبر واليوم بحثت عنه في نفس الجريدة اليوم السابع على النت لم اجده الخبر كان هاما جدا واريد ان اقول لك ما هو كان مستشار قانوني يتكلم عن محاكمة مبارك وقال ان الدليل الذي سيدين مبارك وسيعد قرينة قانونية غير قابلة للنقض هو شهادة المشير طنطاوي وعمر سليمان ان مبارك حرض على قتل المتظاهرين والجيش رفض ذلك وقال ان المحكمة تشعر بالحرج ولن تستدعي المشير للشهادة على الرغم من طلب المحامين لذلك فالحل وهذا من وجهة نظر المستشار البحث في بيانات القوات المسلحة من بداية الثورة وتقديمها كدليل حيث في احد تلك البيانات كان هناك بيان اشار برفض الجيش قتل المتظاهرين رغم التعليمات الصادرة له بذلك تلك البيانات رسمية ويجب ان ينتبه المحامون بالحق المدني اليها وتقديمها كدليل رسمي كبديل لشهادة طنطاوي للاستدلال على ان مبارك اعطى تعليمات القتل فيدان ويأتون له بحكم سبق الاصرار والترصد والنتيجة تكون الاعدام باذن الله ذلك هو كلام المستشار ارجوك يا نواره لو كنت تريدين القصاص اطبعوا او نزلوا على سيديهات كل بيانات القوات المسلحة قبل محوها من النت هي الاخرى ولفت انتباه المحامين لتلك النقطة وياريت العثور على البيان المطلوب وتقديمة على طبق من فضة للمحامين او اهالي الشهداء المهتمين حتى يتم القصاص فلن يتم القصاص الا بايدي الشرفاء الذين يبحثون عن الادلة بانفسهم ولن يبحث احد لهم عنها

sum_1_ said...

r u okay???
what happend to ur dy column in eltahrir newspaper??


what happend to ur daily posts here??

ابراهيم said...

ايوا انتصرنا فى حرب اكتوبر بس خفى ايديك على الناش شوية...بلاش تلطيش الاقلام ده... احترمى برده الراى الاخر

شمس النهار said...

كل عام وانت طيب يامبارك يابطل مصر والا بيكابر يرجع لخطب السادات وياريت يفهم مع اني اشك لان الغباء متأصل

fafy said...

يعنى طالما عملتى نشر للكومن يعنى شفتيه مش عايزه تردى عليه ليهانا برضه لسه منتظره الرد

fafy said...

شمس النهار:
عندك حق حاجه مستفزه اوى دى افكارها غير افكارك وعكسها تماما ايه الاستفزاز ده

Gamal Abdel Hamid said...

الله عليكى يا نوارة..ايه العقل والحكمة والرزانة دى اللى نزلت عليكى فجأة!!!البظاهر الاسبوع اللى قعدتيه مع الحاجة صافى عامل عمايله يارب تفضلى كده اسبوع ولا اتنين!!عموما نصيحة من اخوكى الكبيراعملى فلتر على لسانك خصوصا فى لقاءات الهواء او على تويتر اللى على الملاءعشان فيه فرق بين اللى يتقال فى القعدات الخاصة واللى بيتقال على الفضائيات خصوصا واخواتك الحلوين متربصيين بيكى انتى واخواتك المهيسيين الشعبيين عشان يشوهوا صورتكم امام الناس البسطاء من عامة الشعب باستغلال الالفاظ اللى بتتقال اثناء ثورة الغضب...انصحك تعملى زى شادية وتعدى من 1 ل 10 قبل ماتنطقى عشان تدى كل خاين على قفاه بالادب وعدم الانفعال.. انا عارف انى باطلب الصعب لكن اتدربى!!!!على فكرة انا بانصحك عشان باعشق اسلوبك فلى الحباة

اللا سلطويون العرب said...

ست الكل زوري هدا الرابط
http://www.al-akhbar.com/node/18604

كلام على بلاطة said...

كل عيد تعيش فى سلام وتعيد
وتعلو وتسمو ..وعلى نفسك تتسيد
ولا يتحكم فيك اى من كان عبد ولا سيد
وعن الشرور تنأى بعيدا وتتحيد
وتجود بخيرك لغيرك وتكون الجيد
وتصفو وتسامح ولا تكون ابدا كيد
وبالاخلاق والمثل والقيم تتقيدوتقيم جسور الحب والود وتشيد

حياة الظل said...

شكلك حردانة

ibrahim masry said...

كاه على الله بقى :D

http://egypt2020.blogspot.com/

sad soul said...

وانتى بتتكلمى عن الديموقراطيه وبتسفخى واحد على وشه عشان خالفك فى راى
ماتقنعيه ياختى اننا انتصرنا بدل ما انتى فرحانه عشان ضربتيه بالقلم فى مكان عام

عمار مطاوع said...

إعتبريه أجازة :)

Rab.Shak said...

tab oo bullnosba ll nas elly nazlt already ?!!!

amr565 said...

استاذ فريدوم لم اكن اعرف انك بترد علي كلامي الا بعد قراتي لجزء من تعليقك طب خيرا ان شاء الله.

استاذ فريدم . من نزل ومن لم ينزل الثورة ولا اقصد التحرير لان البعض بيختزل الثورة في الميدان فهو مصري له كامل الحق ان يقول كفاية او يقول لازم نستمر وكون ان جزء كبير من

الشعب لم ينزل فده لا يعطيك الحق في الحجر علي رايهم او ازلالهم لانهم لم ينزلوا لكن لو تلاحظ في تعليقي السابق انا قلت حتي من لم ينزل فكان في من يدعي ويؤيد ويسجد لله ان

ينصر الشعب علي الظالم اما عن ان البعض كان غير مؤيد وام ينزل وكان ضد الثورة فده موجود في كل ثورة لا وكمان في اي احتلال لاي ارض حتلاقي من يقاوم ومن يتعامل مع

الاحتلال ومن يكون سلبي لكن الدول المحترمة لا تقصي احد بعد النصر و يزلوهم ويبكتوهم ليل نهار بحجة انكم كنتم وكنتم وكنتم وانكم ليس لكم الحق ان تقولوا بم ولا تعترضوا ولا

تقولوا رايكم في اي شي لانكم بعتوا الثورة ودماء الشهداء الخ الخ الخ فدول اسمهم اقصائيين ونزاعات تحكمية هتلرية احتكارية ومشروع ديكتاتوري متخفي في الشرعية الثورية
.
طب ده للي لم ينزل لكن حضرتك استاذ فريدوم لم تلاحظ ان اللي نزل من الشعب وكسروا الشرطة وهم الاغلب والاكثر من النخب و رايهم برضه زي ما بقول ضغط كل فترة لاهداف واضحة وليست

لاهداف دنكشوتية خيالية مثل اسقاط المجلس وغيره الا لو حضرتك اعتبرت الشعب اللي نزل الثورة برضه مش فاهم وان المفهومية هي حكر علي كام حركة بكام عضو ويسموها قوي

سياسية والاكثرية اللي نزلت واللي انا منهم بحمد الله بقول ضغط علي راس النظام باهداف محددة كل فترة وليست باهداف دنكشوتية خياليةمثل اسقاط المجلس او باهداف ادارية مثل حد

ادني واقصي وتعويض اهالي الشهداء فدي مطالب رغم اهميتها لكنها تنتدرج تحت بند المطالب الفئوية ولا تستدعي اعتصامات وقفل ميادين وجر شكل المجلس الي ان يستشهد مواطن

واقعد اتاجر به بعد ذلك ولا اقول حضرتك كده لا سمح الله لكن النفس الانسانية مليئة بالامراض الغير سوية فهل توافقني استاذ فريوم ان ال 8 مليون والعشرين مليون بالاجمالي اللي

نزلوا الثورة هم الفطرة اللي تكلمت عنهم مع كامل احترامي لمن لم ينزل فياريت نشوف راي العشرين مليون بيقول ايه واعتقد ان المليونيات الفاشلة نموذج وترمومتر لراي الشارع وعليا

وعليك وعلي باقي القوي احترام تلك الارادة الشعبية ونحترم شعبنا والا يبقي مفيش فرق ما بين يناير 25 وما بعدها لاني الاحظ في كلام حضرتك تعالي علي الشعب ومن كلامك عرفت

السؤال اللي كان محيراني من اين اتي فريق من المصريين بتلك الجراءة علي اول استفتاء حر في تاريخ الامة ولم اكن اعرف الاجابة فتقريبا الان فهمت هي تلك الفكرة التي اتت للبعض

amr565 said...

ان

الشعب ده برطا وان بس النشطاء اللي فاهمين واحنا الطبقة الثورية والشعب كان كسول ومضحكوك عليه والخطاب العاطفي بتاع مبارك واللي منزلوش الثورة خير شاهد الخ الخ الخ

فاكيد لما شخص او جماعة من المصريين تعتنق هذا الفكرة فمش غريبة ولا صعبة انهم يسفهوا شعبهم العبيط ابو ريالة اللي اتضحك عليه في الاستفتاء فبتالي يجوز الحجر عليه من الطبقة

اللي بتفهم والواعية جدا وده استاذ فريدوم لا يؤسس لدولة كلنا ننشدها بل يؤسس لديكتاتورية قلة ترسب في ذهنها انها الثورة والثورة هيا والطريقة المتعالية دي علي الشعب حتبقي نمط حكم لو الفريق ده مسك الحكم لان لو الشعب قال حاجة في استفتاء او نتخابات حرة حيقول لا ده شعب ساذج عبيط لاني اسست لتلك المرحلة من الان للاسف لاجل الا يحصل هذا اسمحلي افوق كل من يقول ذلك واقوله اصح

فوق من الوهم ده لان شرارة الثورة كانت مظاهرة عادية كتيرها مائتين ان لم تكن اقل ولم يلد في خلد اي من اللي راحوا ذلك اليوم انها ثورة ولا انتفاضة ولا شي مجرد عكننة علي

الشرطة في عيدها وكم مطلب في اخر اليوم عمره ما حيتحقق مثل اقالة العادلي والحرية والخ الخ الخ اللي حول هذه المظاهرة العادية جدا واللي اتعمل زيها كتير وفشلت هو ان الله

سبحانه اراد ذلك ثم اشتراك الجموع الهادرة خاصة بعد وقوع اصابات وشهداء وكل ده تدبير الهي رباني ولو اتعادت الظروف دي تاني بنفس الطريقة فلن تحصل ثورة لان كما قلت لك

لان الله ارادها ذلك فليس لاحد فضل علي الشعب بل الشعب هو اللي لي فضل علي ما يسموا القوي السياسية لانه انقذها من المقصلة لو المظاهرة فشلت خاصة بعد نهاية اليوم لاول وشرشحة

النظام امام الامم والفضائيات وان تلك الافراد الداعين للمظاهرة بدون الشعب لا يستطيعوا ان يكسروا هيبة نقطة شرطة في كفر مهجور مش داخلية وامن مركزي وجهاز عتيق جبار مع

كامل احترامي لهم فهم شباب طاهر بري ووطني وباختصار حتي اقفل النقطة دي ان اغلبية الشعب واغلبية اللي اشتركوا في الثورة رايهم الان هو ما قلته الا لو حضرتك معتبر الثورة

احكتار لفئة معينة وهي اللي لها الحق فقط ان تتكلم باسم الثورة وبقية الشعب يحضر بكارت دعوة ولا يصطحب الاطفال

amr565 said...

ناتي استاذ فريدوم للنقط الحقيقة للحوار حضرتك بتقولي انك

نازل علشان تسقط النظام ولخصته في ثلاث نقط الاعلام والمستشار قمصان ورئيس المحكمة الدستورية وده حيؤدي لعودة النظام السابق بالانتخابات التي سوف تاتي بالفلول والاسلاميين

فيفتي فيفتي وممكن اتخيل بقية السيناريو من عندي وده حيؤدي لعودة جمال وعلا ومبارك وسوزان ومش بعيد مبارك يطلع براءة وولالاده ويرشحوا نفسهم بالانتخابات ويكسبوا بنفس

الطريقة السابقة طبعا انالا اسخر من حضرتك فانا اري انك وطني وبتحب البلد دي وخايف عليها جدا فلا تعتب علي . شوف اخي العزيز فريدوم اي تزير في الدنيا دنيا ايه بقي ده في الدول

المتخلفة اللي زينا بس بيتم بقرار سياسي وليس بارادة اشخاص يعني مثلا مبارك المخلوع كان ممكن يعمل انتخابات الدول الاوربية نفسه تحسده عليها وبنفس الطقم الوسخ من العادلي

والشاعر وغيره ده لو اراد ولو كان اللي ماسكين الداخلية وتوابعها من استحقاقات انتخابية ابرار او ملائكة تمشي علي الارض واراد الحاكم ان يتم تزويرها فسوف يكون ما اراد ولنا في

تجربة 2005 اسوة سيئة فالمرحلة الاولي من الانتخابات تمت بشفافية عالية لاتحصل حتي في اوروبا وامريكا قاضي علي كل صندوق والله ماحصلت عندهم ولما النتيجة بانت وضحت له

ولزبانيته انهم رايحيين لفضيحة اتي الامر السياسي بتزوريها في المرحلتين التاليين ففاز الاخوان بنصيب الاكبر من الكراسي في المرحلة الاولي ولم يشموها في المرحلتين التاليين سواء بقي

لاستخدامها مبارك فزاعة للغرب وعدم تكرار حماس اخري لا يريدها الغرب او لان مبارك خاف علي نسبة الثلين اللي محتاجها او لغلبت شهوة التزوير علي نظامه ويموت الزمار

amr565 said...

فحضرتك استاذ فريدوم عندك شك ان المجلس العسكري يريد تدوير النظام السابق بادوات اخري من اجل ماذا لم تحدد مع ان كل رجال النظام السابق من المستوي الاول والتاني والتالت

والربع في السجون او مطارد او اتحرق اعلاميا واخلاقيا وده لم يحصل في الثورة التونسية اللي البعض هنا حاطيين عينهم عليهم فبتالي مفيش حد نضيف وله قيمة من رجال النظام السابق

اللي ممكن المجلس العسكري يتواطا معه الا رابش وسكند من الحزب الواطي اه حضرتك تقصد بعض المنتمين للحزب الواطي في القري والنجوع والمدن اللي كانوا بيخدوا اومر من ريس

دايرة الحزب في منطقته ودول حينزلوا الانتخابات ومحتاجة قانون للعزل فده ممكن يحصل او لايحصل لان ده مفيش اجماع عليه حتي بين السياسين والقانونيين في مع وفي ضد العزل

وكلهم وطنين وليسوا فلول فياتري اروح اسقط نظام علشان قانون عزل يا اخ فريدم ليس في اتفاق عليه بين القوي ونخون المجلس ونهزءه علشان المطلب ده وثانيا الاعلام يا سبحان الله

الاسلاميين اكتر ناس اتبهدلوا واتشرشحوا من رجالة النظام السابق وبعض الليبراليين واليسار في الاعلام وكلهم كان بيخبط فيهم عشرات السنين ورغم ذلك كونوا ارضية مجتمعية واصبحوا رقم

صعب اينعم التاثير الاعلامي كان له اثر لتشويهم عند البعض لكن لم يستسلموا وعرقوا وجاهدوا حتي يوصل صوتهم للشارع وقد كان ولما يخدوا جزء بسيط من حقوقهم اللي القوي الاخري

بتتمتع به من سنين اصبحت كعكة في ايد يتيم دخلت بقي قصة الصفقة والتورتة لمجرد انهم ظهروا اعلاميا وعلي استحياء وكان لهم راي معارض لبقية القوي خاصة في نقطتين هي

احترام نتيجة الاستفتاء ولا اشتباك مع المجلس واهانته في الرايحة والجاية والهايفة والمليانة بل نعترض عليه بقوة ونضغط بذكاء ولا نفترض سيناريوهات مسبقا ثم نخد القرار بالاشتباك

لمجرد الظن ان المجلس متواطا لمجرد انه لم يسمع كلامنا ويلغي نتيجة الاستفتاءويصبح الدستور اولا وبكده لن نخسر الشارع كما خسرناه الان بسبب ابتزال المليونيات ولو تفتكر

حضرتك مكنش في حد بيجيب سيرة دماء الشهداء واهالي الشهداء بالاهتمام ده الا بعد حادثة مسرح البالون وكان القوي السياسية قالبة الدنيا علي الدستور اولا وجمع واحد و15 مليون

توقيع وهات لت وعجن في التوك شو باختصار الاعلام لن يؤثر كثيرا في الانتخابات خاصة ان القوي السياسية تملك منابر كتيرى اعلامية وبيظهر فيها بعض الشباب من ناصر عبد الحميد اي شادي الي العليمي الي نوارة وكلها ملك رجال اعمال دورهم في الحساب حيجي بعد الانتخابات ان شاء الله لدرجة انهم نجحوا انهم يلوي دراع المجلس مؤخرا

فاطمئن استاذ فريدم وبعدين كل ده حيتغير بعد الانتخابات وحيجي وزير تبع حكومة الثورة فهي القصة كلها شهرين لوزير الاعلام اه نسيت حضرتك عندك سيناريو بيقوا ان خمسين في

المائة للاسلاميين والباقي للفلول

amr565 said...

فلو لم يوجد قانون للعزل السياسي او الغدر فمن غير تزوير ولا شي حتروح نسبة غير صغيرة الي العشائر والقبلية زي ما حضرتك قلت لكن ليس بالتزوير لان دي طبيعة

بعض المناطق الجغرافيا عندنا وده حيفضل موجود لفترة طويلة من الزمن الي ان يتغير الفكر السياسي وينضج ولكن حتي الفلول دول لن يكونوا تحت امرة الحزب الوطني لانهم اصبحوا جسم بلا

راس ولا فكرة ولا هدف وكانوا بيستمدوا قوة وهيبة من انتمائهم للحزب الحاكم وده راح خلاص لكن تبقي هيبة العشيرة والقبيلة والعصبية يعني باختصار مفيش خطر فلولي منهم انا بتكلم

علي جزء كبير منهم وجزء منهم ايضا انضم خلاص لاحزاب ما بعد الثورة مثل حزب ساويرس والوفاق وغيره وبرضه مفيش خطر فلولي منهم لكن العيب علي اللي سمح بضمهم فلو في

قانون للمنع اهلا وسهلا ولو مفيش برضه اهلا وسهلا قصدت اقول من هذا ان اللي انت بتقوله ده حجم القوي تقريبا ومفيش شبهة تزوير وصفقات ولو في يبقي مع القوي التي كانت تطالب

الجيش بالمكوث واللي بيقولوه اقعد يا راجل سنتين اوالاحوال غير مستقر ة والامن مش مستتب ومحتاجين تاجيل الانتخابات سنة اتنين تلاثة لغاية ما ربنا يسهل او اللي عاوز يجعله حارس للدستور ويجعل

المجلس العسكري فوق الدستور سبحان الله محدش من اللي بيقولوا حلق حوش صفقات بين المجلس والاسلاميين قدر يفتح بوقه ويقول عيب كده ونسوا مصطلحات الصفقة والتورتة مع ان الاسلاميين لم

يقولوا غير احترام نتيجة الاستفتاء ونقد المجلس بدون اشتباك اصبحوا متواطين وبتوع صفقات ولما الصفقات الحقيقة انكشفت كله اطرش واتبكم. ناتي الي رئيس المحكمة الدستورية اللي

اتعين ايام مبارك اولا المحكمة الدستورية ليس رئيس فقط بل هيئة واي رئيس محكمة دستورية بيتعين من مبارك ورغم كده كانت الاحكام بتنزل علي دماغ اهله بعدم الدستورية ومفيش

تقريبا ولا مجلش شعب اكمل مدته الا لما ينتهي بعدم الدستورية وكتير من الاحكام تم الحكم فيها بعدم الدستورية كان الخصم فيها الرئاسة وكما قلت لك فالمحكمة ليست رئيس فقط وبعدين

هل حضرتك تشكك في كل من عين ايام مبارك طب يا راجل يا كر يم ما عندك زفتة الطين تهاني الجبالي اتعينت باوامر عليا ومحدش من التنويرين بيتكلم عليها هل ده لانها علي نفس خطي منهج

التهييج والشعللة وكرهها لكل ما هو اسلامي اعتقد دي اذدواجية مقيتة للقوي الثورية باختصار برضه ريس المحكمة الدستورية العليا ليس هو كل المحكمة فاطمئن اخي فريدوم وده تاثيره

في الانتخابات ثانوي وليس حيوي الا في امور متاخرة مثل الطعن علي قانون الانتخابات وغير هوده لايكون في صلب العملية الانتخابية ذاتها فده له درجات اخري من التقاضي

amr565 said...

فعلشان السبب ده

حضرتك نازل تسقط النظام وتخبط في المجلس ؟ يفضل سبب حقيقي اللي حضرتك قلته عن المستشار قمصان وده سبب منطقي ووجيه وكل القوي اعترضت عليه والاسلاميين كانوا في القلب

فاعتقد انه خطا ولابد ان يصحح بالضغط الاعلامي والقضائي واذا لزم الامر الشعبي الغير تصادمي من غير يسقط يسقط حكم العسكر طبعا يسقط الف مرة ولكن ليس في الفترة

الانتقاليةدي اللي حيكون تحقق فيها من مطالب الثورة البعض ونكمل البعض الاخر بعد الانتخابات بحكومة وريس مدني ومش بالضرورة يكونوا ليبراليين عادي قوي اسلامية مدنية ايه

المشكلة يا خ فريدم طالما رضوا باللعبة الديمقراطية وجايين بالانتخابات ويسقطوا بالانتخابات ايه المشكلة وكمان احنا جربناهم في النقابات وكانوا فوق مستوي الشبهات واخير نقابة

الصيادلة اعطت للجميع مثل وقدوة فرغم ان نسبة المسيحيين مرتفع في الصيادلة لكن الاسلاميين حققوا نجاح لان برنامجهم كان يخاطب العقل والاشخاص المترشحين معروفين بنظافة اليد

باختصار سبب وجيه مش محتاج لميلونية او تشكيك استباقي في الانتخابات لان ميزان القوي معروف مسبقا ايوا اخ فريدم انا بتكلم في النقطة دي بشوية تعالي حبتين علشان نخد بالنا ان

سينايوهات الصفقات والتورتات ده ميبقاش هو المسيطر علي الامخاخ والا البلد عمرها ما حتتقدم طالما انا ضعيف وبحاول من الان باختراع سيناريو صفقاتي تزويري لابرر فيهاخسارتي من

الان ولابرار ايضا اعمال اشتباكية مع المجلس من الان بحجة تزوير الانتخابات فانا كلامي موجه للسينايو ده وبقوله اصح فوق ميزان القوي معروف ومش محتاجة تزوير او اتفاقيات ولو فتحتنا بقي حنفية

السيناريوهات الاسلاميين برضه عندهم سيناريو الا هو ان العلمانيين عاوزين مجلس رئاسي حتي يقصوا الاسلاميين فبوجود محلس رئاسي من شخصيات كاره للاسلامين ومسيطر عليه

الليبراليين واليساريين الذين لم يحترموا ارادة الشعب في الاستفتاء من البرادعي للبسطويسي لزكريا عبد العزيز الخ الخ الخ فمش بعيد بعد ما السلطة تكون في ايديهم يتم اسغلال عمل ارهابي

تفصيل لفصيل اسلامي ومع حملة اعلامية متقنة يلبس الاسلاميين القصة كما حالوا ان يلزقوا قصة العريش الاخيرة في التيار السلفي الغير جهادي اللي هما بينقدوه فبعد ما يلبسها يتم شيطنة كل

التيار الاسلامي وحملة كراهية من النوع التقيل بتاع قطع الودان واللي شبهه يدخل الاسلاميين تاني السجون او يتم ملاحقتهم بصفتهم اعداء الثورة والمنقلبين عليها اهو يا اخ فريدم سيناريو

مخيف عند الاسلاميين برضه باختصار مفيش ولا سبب من اللي حضرتك قلتهم يستدعي الصدام وسقوط النظام لانه بالفعل وقع صدق معلش علشان خاطري صدق النظام وقع فقط تبقي شوية

اجراءات لتشيع جثمانه وده حيتم بعد الانتخابات مطلوب فقط شوية ثقة في اختيار الشعب ومفيش مصلحة لتزوير الانتخابات سواء اتت بالاسلاميين او لم تاتي بهم لان المجلس مش عاوز يقعد فعلا والخوف فقط من شياطين الانس اللي بيزنوا علي الجيش كي يبقي فوق الدستور كجيش تركيا دي مخاوف حقيقة بقي استاذ فريدوم فاياريت نطرد الوساوس الاخري

ونصدق اننا عملنا ثورة وانها بتنجح وننسي بقي جمل من عينة الثورة بتتسرق الثورة بترجع لوراء الخ الخ ده اللي انا بعتبره مراهقة ثورة كما قلت في اول تعليق والانتخابات حتي لو لم تاتي بالتيار الذي انتمي اليه فخلينا نحن ام صبي اخ فريدم وانا اعتقد فعلا ان الاسلاميين هم ام الصبي في البلد دي .

amr565 said...

مع تحياتي استاذ فريدم