Saturday, 20 August 2011

حي على الجهاد.. كل ينزل، واللي قاعد في بيته من غير عذر ندل

مصر تواصل تحررها.. مصر بتتحرر والعدد قدام سفارة الكيان الصهيوني حيبقى كبير عشان التحرر يبقى كامل بدل ما ترجعوا تندموا يوم لا ينفع الندم، وحافكركم بحاجة انتوا تشيلوا ذنبها... لا حاجتين
الحاجة الاولى: اننا مشينا يوم 12 فبراير وادينا بنعض بنان الندم اهو
الحاجة التانية: اننا واحنا بنفك امن الدولة عند لاظوغلي العدد ما كانش كبير ولو العدد كان كبير قوي كنا اقتحمنا لاظوغلي وجبنا الوثائق وكان امن الدولة ده ما قامتلوش قومة تاني ابدا... بس لسبب ما الناس جبنت انها تنزل قدام لاظوغلي وادي النتيجة امن الدولة رجع يشتغل
انا باقولك دي المحطة التالتة للندم لو ما نزلتوش باعداد كبيرة... دي المحطة التالتة للندم وحتضربوا نفسكوا بالجزمة، واحب اوجه رسالة للي بياخدوا الجيش في العضل.. الجيش معانا، والظباط والعساكر اللي واقفين عند السفارة دول لو جات لهم اوامر ضرب حيولعوا في نفسهم ولا يضربونا.. وخلي بقى اي قيادة تقل عقلها وتدي اوامر بالضرب، احنا لو عملنا ايه مش حيضربونا
لو عملنا ايه مش حيضربونا وياريت يضربونا عشان نخلص بقى وتبقى آخر لقطة لهم وننزل التيترات
انا شخصيا مش باحب افرق ما بين الجيش والمجلس لانهم كلهم دماغ واحدة فعلا، بس في موضوع اسرائيل ده بالذات الجيش موقفه مش زي المجلس، يعني اغلبية الجيش فعلا مقتنعين اننا خربنا البلد والكلام الفارغ ده، بس في موضوع اسرائيل الجيش كله معانا، ولو عملنا ايه الجيش كله معانا... كله كله كله
خلاص خلصنا كده؟
طيب.. حتى بقى لو ما كانش الجيش معانا نزولنا قدام السفارة واجب وطني المقصر فيه مجرم، والسفير الاسرائيلي لازم يرحل، والسفارة الاسرائيلي لازم تتقفل، والعلم الاسرائيلي لازم يتنكس، ومصر بعد المخلوع مش هي مصر قبل المخلوع، والالفات اللي كانوا عند السفارة دول مستعدين يتجندوا ويموتوا، ونفسهم ومنى عينهم يحاربوا، وجواهم كميات مهولة من الغل ولو سيبتوهم على اسرائيل بايديهم وسنانهم ياكلوها من غير سلاح، بس اسرائيل هي اللي مش عايزة تحارب
افهموا بقى.. افهموا اللي قاعدين في البيت وتربية مبارك ولسه جبنا ومش شايفين الدنيا غير من خرم الباب.. اسرائيل هي اللي مش حتحاربنا، هي اللي مش عايزة تحاربنا، وبرضه لو عملنا ايه مش حتحاربنا، لو احنا اللي رحنا جرينا شكلها مش حتحاربنا
اهمدوا بقى
اهمدوا وانزلوا حرروا بلدكم، كل الخراب اللي حل بالبلد بسبب تبعيتها لامريكا واسرائيل، لا عمرنا حنعمل ديمقراطية، ولا حنعمل محاكمات للفاسدين، ولا حنعمل انتخابات، ولا حنعمل دستور عدل، ولا حنعمل عدالة اجتماعية ونتملك مواردنا ولا اي حاجة عدلة في البلد حتتعمل ولا اي حاجة حتختلف عن ايام المخلوع طول ما السفير الاسرائيلي في مصر وطول ما احنا تابعين لامريكا واسرائيل، كل شقانا حيروح، كل دم اللي ماتوا حيروح لو فضل السفير ده قاعد وتبعيتنا زي ماهي، مش بس كده، عمرنا ما حنبقى بني ادمين طول ما الناس رباية مبارك مش شايفة ما بين الذل وما بين الحرب اي مساحة للتعامل، يعني لما نقول اننا مش عايزين نبقى تابعين لامريكا واسرائيل يردوا نفس كلمة المخلوع: يعني نحارب؟ 
هو احنا بنحارب ايران ولا ايه؟ اه.. ايران.. ما نعامل اسرائيل زي ما بنعامل ايران يا اخي جاتنا وكسة، ايران مالهاش سفير هنا، والتبادل التجاري بينا وبيها عصفر، وبنقل ادبنا عليها عمال على بطال خاصة ايام المخلوع، ما نعامل اسرائيل نفس المعاملة يعني مش فاهمة
ما نعمل فيهم اللي عملناه في الجزائر.. انتوا ناسيين جريمة الجزائر اللي لازم تكفروا عنها؟ ماشي لزقناها في المخلوع، بس انتوا سفلتوا قوي يعني.. بقى عشان ماتش تعملوا ده كله في الجزائر واسرائيل تموت لنا ناس ما نتحركش؟ كفروا عن خطيئتكم اللي عملتوها في الجزائر
المكان قدام السفارة لحد جامعة القاهرة لازم يتدرز ناس.. انزلوا حرروا بلدكم، لو عايزين تغيير وحرية وعدالة اجتماعية، لو عايزين تبنوا بلدكم السفير الاسرائيلي ده ما يقعدش، ومصر يتعمل لها حساب تاني في العالم، وتستعيد ثقلها تاني، وسفير حبايب المخلوع يرحل وراه على طول.. انزلوا انزلوا انزلوا انتوا بتصنعوا تاريخ
انتوا بتصنعووووووووووااااااااااااااااااا تارييييييخخخخخخخخخ انتوا ليه مش حاسين بقيمة نفسكم؟ ليه مش حاسين انكم بترجوا العالم
انزلوا
انزلوا
انزلوا عشان اللي مش حينزل حيرجع يندم 
باراك يأسف لقتل المصريين.. مش يعتذر
المصريين لازم سعرهم يبقى حاجة تانية، ووزنهم حاجة تانية، وقيمتهم حاجة تانية، لو فعلا عايزين نبني بلدنا ونخليها متقدمة، لو نزلنا باعداد كبيرة سفير اسرائيل حيمشي، واسرائيل مش حتقدر تعمل حاجة، وامريكا مش حتقدر تعمل حاجة، وزي ما في يوم وليلة اكتشفتوا ان انتوا والنبي مصر، في يوم وليلة حتكتشفوا انتوا اسياد الدنيا وما كنتوش دريانين
انزلوا
انزلوا
انزلوا
انزلوا احنا عندنا فرصة تاريخية دلوقت مصر تاخد مكان تاني خالص في العالم، والشعب يحكم مصر الى الابد، لو اسرائيل ضربت الحدود والجيش وقف ساكت والشعب هو اللي مشى السفير ماحدش حيعرف يرفع عينه تاني فينا
انزلوا
انزلوا 
انزلوا
لو الشعب المصري الغلبان ده عرف يمشي سفير اسرائيل اللي قعدت حاكمة مصر بقالها خمسة وتلاتين سنة ماحدش حيجرؤ يدوس لنا على طرف، لا جيش ولا قوى سياسية ولا امريكا ولا مخلوق... حنبقى اسياد البلد، ومش عايزة اطمعكوا بقى اكتر من كده واقولكم حنبقى اسياد ايه كمان، سيبوها على الله
انزلوا 
انزلوا 
انزلوا
حي على الجهاد.. ده جهاد اصلي
انزلوا قدام السفارة
يا سيدي لو مش قادر تنزل قبل الفطار انا مسامحاك تنزل بعد الفطار تصلي التروايح هناك وتتسحر وتفضل قاعد لحد ما النور يشقشق
قلت ايه؟
بس غير كده مش مسامحاك
مش مسامحاك وحسبي الله ونعم الوكيل فيك، واي حاجة حتتعمل تئذي البلد دي من تحت راس كسلك وتأخرك عنها انا مش مسامحاك، وحسبي الله ونعم الوكيل فيك.. حسبي الله ونعم الوكيل فيك.. حسبي الله ونعم الوكيل فيك ياللي ما نزلتش قدام السفارة ومالكش اعذار
حسبي الله ونعم الوكيل فيك

42 comments:

edutech said...

الغازية لازم تمشي
الغازية لازم تمشي
الغازية لازم تمشي
الغازية لازم تمشي
الغازية لازم تمشي

edutech said...

الغازية لازم تمشي
الغازية لازم تمشي
الغازية لازم تمشي
الغازية لازم تمشي
الغازية لازم تمشي
الغازية لازم تمشي
الغازية لازم تمشي
الغازية لازم تمشي

miss said...

أنتي فعلاً زي ما د.أحمد خالد توفيق مسميكي
نوارة "قلب الأسد" نجم

شمس النهار said...

حسبي الله ونعم الوكيل فيك وفي امثالك وكل من شارك في فوضي 25 يناير وما تلاها من فوضويات بعد مرور اكثر من 6 اشهر علي ثورة البانجو في 25 يناير اية رايكم الان عموما موضوع اسرائيل دة مش قلقني لان المصريين الشرفاء والشعب العظيم الا انتم لستم منة ولا تمثلونة موجود وقادر علي رد اي عدوان دمتي لنا يامصر وليدهب كل من شارك في 25 يناير الاسود الي الجحيم ولا اله الا الله محمد رسول الله

Qoom said...

تحرير البلد ليس بهذا الشكل الوهمي ما قيمة أن يرحل السفير وتظل الهيمنة كما هي! حق بلدك وأهلها لن يعود بالتظاهر ضد عدو لا يفهم سوى لغة القوة. والقوة ليست كلام وصياح.. ابني بلدك الأول ومش أقل من إستقلالك إقتصادياً واكتفاءك الذاتي غذائياً كخطوة أولى نحو حريتك الحقيقية. مصر الرسمية لن تأخذ موقف إلا إذا كانت مستقلة وتملك قرارها. احصل على حقوقك كمواطن داخل بلدك وأقم العدل وبعدين طالب غيرك .. أنا شخصياً أشعر براحة عندما أهاجم إسرائيل والتظاهر عند السفاره يسعدني وهتافاتهم تبهجني وأنا كنت من الموجودين هناك يوم 15 مايو.. لكن واقعياً الأمور لها حسابات أخرى. لو فعلاً عايوه تقضي على دور أمريكا وإسرائيل وسيطرتهم علينا نطالب الثوار بدلاً من التظاهر أمام السفارة نطالب المجلس بسرعة إجراء الإنتخابات النيابية وتسليم السلطة لمدنيين.. نأخذ الحادث ذريعة لعودتهم الى ثكناتهم وتفرغهم لحماية الحدود وقضايا الأمن الوطني. لكن نشحن الناس لمعارك غير مجدية فعلياً ونتائجها سطحية تعطي إحساساً كاذباً بالإنتصار كيوم تنحي مبارك فهذا فيه ضياع للهدف الأساسي الذي نسعى إليه وإختزاله في أمر شكلي. مصر الحرة المستقلة لن تحدث فجأة نتيجة طرد سفير في حين أن عدوّك لديه الكثير من أوراق الضغط والله أعلم

Qoom said...

تحرير البلد ليس بهذا الشكل الوهمي ما قيمة أن يرحل السفير وتظل الهيمنة كما هي! حق بلدك وأهلها لن يعود بالتظاهر ضد عدو لا يفهم سوى لغة القوة. والقوة ليست كلام وصياح.. ابني بلدك الأول ومش أقل من إستقلالك إقتصادياً واكتفاءك الذاتي غذائياً كخطوة أولى نحو حريتك الحقيقية. مصر الرسمية لن تأخذ موقف إلا إذا كانت مستقلة وتملك قرارها. احصل على حقوقك كمواطن داخل بلدك وأقم العدل وبعدين طالب غيرك .. أنا شخصياً أشعر براحة عندما أهاجم إسرائيل والتظاهر عند السفاره يسعدني وهتافاتهم تبهجني وأنا كنت من الموجودين هناك يوم 15 مايو.. لكن واقعياً الأمور لها حسابات أخرى. لو فعلاً عايزه تقضي على دور أمريكا وإسرائيل وسيطرتهم علينا فليقم الثوار بدلاً من التظاهر أمام السفارة بمطالبة المجلس بسرعة إجراء الإنتخابات النيابية وتسليم السلطة لمدنيين وإنهاء هذه المرحلة الإنتقالية المفتوحة.. نأخذ الحادث ذريعة لعودتهم الى ثكناتهم وتفرغهم لحماية الحدود وقضايا الأمن الوطني. لكن نشحن الناس لمعارك غير مجدية فعلياً ونتائجها سطحية تعطي إحساساً كاذباً بالإنتصار كيوم تنحي مبارك فهذا فيه ضياع للهدف الأساسي الذي نسعى إليه وإختزاله في أمر شكلي. مصر الحرة المستقلة لن تحدث فجأة نتيجة طرد سفير في حين أن عدوّك لديه الكثير من أوراق الضغط. أنا لست تربية مبارك ولست ممن يرون الأمر إما الحرب أو الذل وشرف لي أن كنت من المشاركين في الثورة منذ يوم 25 يناير وكان لي قبلها بأكثر من عام نشاط ثوري تعرّضت معه لمضايقات من أمن الدولة ولكني انتقي معاركي وأعرف أن تركيا لم تستمد قوتها بالتظاهر والهتاف. قد تكون هذه أول مره نختلف والله أعلم

Ahmed . M . Abdulrahman said...

عندك حق
انها ساعه الجهاد المقدس

المطالب محدد

1- طرد السفير الاسرائيلى

2- سحب السفير المصرى

3- ايقاف ضخ الغاز لاسرائيل

4- انهاء اتفاقيه الكويز

5- اغلاق السفاره الاسرائيليه فى القاهره

6- ايقاف اى تمثيل دبلوماسى للكيان الصهيونى

7- دعم المقاومه ع طول القطر الفلسطينى واستخدامها ك سلاح للضغط ع الجانب الصهيونى

8- التهديد بتجميد اتفاقيه السلام

9 - زياده اعداد القوات فى سيناء

10 - منع دخول السواح اليهود الى منتجعات سيناء ( شرم الشيخ , الغردقه , دهب , الخ )

دى هى المطالب الى بطالب بيها اى مصرى فى الوقت الحالى

انا مش حزود كلمه واحده غير انى اسف انى منزلتش اتظاهر امام السفاره لانى مش فى القاهره

هذا شرف لم انله

و انا واثق ان الجيش المرادى معاكم لانه حاسس بالالم الى احنا حسينه

فليسقط المجلس العسكرى

وبقى سلميلى ع بضين

وربنا معاكى

سلام مؤقتاً يا نواره
_____________________
ادعم حق المصرين المغتربين فى التصويت فى الانتخابات

http://misr25jan2011.blogspot.com/p/blog-page_20.html

ع مدونه مصر.....الروح والنصر
ادعمها تدعم مصر و الثوره

Dr\ Abdo Nabil said...

فعلاً و الله أول مرة احس بالمقولة دي

الحرية لا تخلق إلا لمن يحملون أرواحهم على أكفهم

احلام هانى said...

ههههههههههههه انا متفق معك فى كل سيىء بش عاوزاقولك مصر غير قادره على الحرب لان الاسلحه اللى فى الجيش المصرى مخلفات امريكاء فرجاء اتلمى مش عاوزين نكسه تانيه مجلس العار خرب الجيش وهو شاطر قوى من العزل فقط بتوع التحرير والدليل عدم الرد ولا سمعنا صوته هو اكيد فى اسرئيل ببوس اقدام اليهود علشان ملغملوشى كده تانلا علشان منظره بقى قذر قدام الشعب

احلام هانى said...

ههههههههههههه انا متفق معك فى كل سيىء بش عاوزاقولك مصر غير قادره على الحرب لان الاسلحه اللى فى الجيش المصرى مخلفات امريكاء فرجاء اتلمى مش عاوزين نكسه تانيه مجلس العار خرب الجيش وهو شاطر قوى من العزل فقط بتوع التحرير والدليل عدم الرد ولا سمعنا صوته هو اكيد فى اسرئيل ببوس اقدام اليهود علشان ملغملوشى كده تانلا علشان منظره بقى قذر قدام الشعب

احلام هانى said...

ههههههههههههه انا متفق معك فى كل سيىء بش عاوزاقولك مصر غير قادره على الحرب لان الاسلحه اللى فى الجيش المصرى مخلفات امريكاء فرجاء اتلمى مش عاوزين نكسه تانيه مجلس العار خرب الجيش وهو شاطر قوى من العزل فقط بتوع التحرير والدليل عدم الرد ولا سمعنا صوته هو اكيد فى اسرئيل ببوس اقدام اليهود علشان ملغملوشى كده تانلا علشان منظره بقى قذر قدام الشعب

احلام هانى said...

ههههههههههههه انا متفق معك فى كل سيىء بش عاوزاقولك مصر غير قادره على الحرب لان الاسلحه اللى فى الجيش المصرى مخلفات امريكاء فرجاء اتلمى مش عاوزين نكسه تانيه مجلس العار خرب الجيش وهو شاطر قوى من العزل فقط بتوع التحرير والدليل عدم الرد ولا سمعنا صوته هو اكيد فى اسرئيل ببوس اقدام اليهود علشان ملغملوشى كده تانلا علشان منظره بقى قذر قدام الشعب

محمد نبيل said...

أتفق مع الأخ
Qoom
فى جزئية وجوب المطالبة بسرعة تسليم المجلس العسكرى للسلطة، ويجب أن يكون ذلك وفق جدول زمنى محدد باليوم.

كما يجب المطالبة باجراءات محددة لضمان نزاهة الانتخابات لوجود شواهد على الاعداد لتزويرها من الآن مثل :

- المحافظين التابعين للعسكر والنظام

- منع المصريين فى الخارج عمليا من التصويت

- المادة 28 من الاعلان الدستورى التى تعطى صلاحيات مطلقة للجنة الاشراف على انتخابات الرئاسة وتحصينها من أى طعن وجعلها هى التى تفصل فى اختصاصها (هذا المقال يوضح عوار هذه المادة بالتفصيل http://www.almesryoon.com/​news.aspx?id=65172)

- رفض رقابة دولية على الانتخابات

- تعيين اللواء رفعت قمصان المسؤول عن انتخابات 2005 و 2010 المزورة مسؤولا عن انتخابات 2011

أبو هاجر said...

ست الكل مساء الخير

صدقيني الناس نسيت
قلت لك في إحدى التعليقات أن الثورة تجب ما قبلها ، وهذا شاهدته أمس بعد الإفطار في ندوة حول صعوبة الانتقال السياسي عندنا نشطها زميلين. وبعد العرض فتح النقاش. لو كنت حاضرة يا النوارة واستمعت كيف كان المتدخلين بخاصة التيار الفرنكوفوني وعلى الخصوص الأمازيغي يتحدثون عن ثورة مصر وتجربة مصر وشعب مصر بتلك الحميمية لأدركت كم كانت عظيمة ثورة مصر. لو كنت حاضرة لأدركت آن مسؤوليتكم كبيرة ،وكبيرة جدا. وما قمتم به وما تقومون به تجاه السفارة الصهيونية يعد تعبيرا أصيلا عن هوية مصر الحقيقية .

ملحوظة
أعجبني كثيرا مثال المرأة التي احتجزوها ولما سألوها اللي معها في العنبر، تويتر يا أختي ،قالت ،بعد الشر وبكل افتخار قالت .... طبعا .
لقد ضحكت من أعماقي
تحياتي

شمس العصارى said...

يا نهار ملهوش شمس اصلا
ايوه يا نوارة حسبى النهار فيكى وفى امثالك اللى عملتو الثورة
عاوزين تنضفوا البلد من الحرامية والفاسدين
وبعدين مش هما دول اللى كانوا بيجيبوا البانجو لشباب الثورة - بس جديدة البانجو دى بعد اليورو والكنتاكى ههههه-
ها مش هما دول اللى كانوا بيجيبوا البانجو والحشيش للشباب تقطعوا عليهم رزقهم ليه
وبعدين نازلين كمان قدام سفارتهم وعاوزين تطردوهم لالالالالالالا ده كتير قوى عليهم
وفى النهاية بنشكر كل عملاء امن الدولة ونظام مبارك واسرائيل وبنهديلهم ضعف اللى خدوه على دماغهم
حتى موضوع السفارة بيستفز الفلول ههههههههه

ملتقى تنمية المرأة said...

بجد أنتى أنسانة جميلة ورائعة، وطبعا معاكى فى كل كلمة أنتى بتقوليها يلا كلنا ننزل عشان نحرر بلدنا ونكمل مسيرتنا ضد النظام اللى قوى الكلاب دول علينا لازم نعرفهم إحنا مين
ولكل اللى بيهاجموكى بجد حسبى الله ونعم الوكيل فيكم لإن ده بجد واجب وطنى وربنا أمرنا بيه

Mohamed Economist said...

أيوا كده
.. براوه عليكي يا ست الكل . إنتي مش ‘قلب الأسد’ إنتي شجرة الدر اللي
دوخت لويس وعملته قديس .. لافض فاك ولا عاش من يشناك

The opposite direction said...

عارف انك مبتفهميش بسهولة ولا بأدب فبصي بقا : يا حمارة يا كلبة بلدي بطلي هوهوة ع الفاضي مفيش بلد اتقدمت بالمظاهرات لازم شغل عندنا مثالين واضحين لحروبنا مع اسرائيل حروب عبد الناصر وحرب السادات الاتنين حاربوا والاتنين كانوا شجعان بس واحد ضيع الارض بنية حسنة والتاني رجعها بالستعداد والشغل ضيعنا سنين ودماء واقتصاد عشان نودي الارض ونجيبها تاني وبس
بصي يا كلبة بلدي :الحرب جاية جاية بس ندخل حرب احنا مستعدين ليها مش حد جارر شكلنا ليها وخصوصا مفيش اقتصاد سلم مش اقتصاد حرب والدول العربية لا السعودية هتقطع النفط ولا سوريا هتقف معانا سينا مفهاش جنود كفاية وفيها تمرد والجبهة الداخلية مفككة والبلطجية التافهين مخوفين الناس يعني احنا ابعد ما يكون عن حالة حرب واحنا لازم نحسب موقفنا بالظبط وفكرة التبعية والاستقلال مش بطرد السفير يا هبلة استقلال يعني متبقيش محتاجة حد تعملي اكلك وتصنعي دباباتك وطياراتك وعربياتك وهدومك يعني بالاقتصاد والشغل مش بالعبط والزعيق ويا هبلة وجزمة مية مرة الجيش يقول يا جماعة مش أنا عدوكم انتبهوا انه في مشاكل تهدد الامن القومي يا حيوانات اهدوا والعيال الجزم أبدا يقولولك فزاعة وبيخوفونا طيب ودلوقتي يا حمارة ايه النظام؟؟
طيب ليه واخدة الجيش أو المجلس عدو وشايفة انه الظباط والعساكر غيره وتحسبي انه لو في امر عسكري الظابط هناك مش هينفذه لأ يا روح امك هينفذ غصبن عن نفسه لو أبوه اللي قدامه بس أساسا مفيش أمر لأنه هوه ده رأي المجلس والمجلس ميقدرش يرفع عينه فيكم ليه يا حشرة انتي المجلس يتشال على الراس وربنا يقويه الحمل زاد واتوقعت انه لما حصل اللي حصل قلت اخيرا الكلاب الشاردة هتفهم انها لازم توحد الجبهة الداخلية بس يا خسارة بيفتفتوا فيها اكتر وانتي واللي زيك فشلة مش عارفين تتوحدوا ولا تلموا الناس حواليكوا ولا تخططوا لأي حاجة ففالحين بس تنظروا على كل حاجة وكل حد شغال ومين دول اللي هيبقوا اسياد يا مهبوشة انسي عايزكم تاخدوا كرسي واحد ف البرلمان بس وابقى وريني نفسك في الاخر النزول للمظاهرة قدام السفارة صح ولكن بضوابطه وبدون احتكاك وتسخين ع الجيش ولازم الجبهة الداخلية تتوحد مش بتضوري على اعداء من جواكي المجلس العسكري هوه اللي يقرر ومجلس الوزرا عشان لو حصل حاجة هما اللي هيتحاسبوا وهما اللي هيحاربوا مش شوية العيال اللي بتخبط ف الصفيح تقوليلي يخلصوا على اسرائيل ههههه

MGM said...

Bravo ya "Qoom"..... Agree with u a 100%.....

ع.سالم said...

هنكمّـــل !

حسن محمد على said...

ولدنا العزيز المشير طنطاوى... وولدنا العزيز د.عصام شرف... نحن بخير ...طمنونا عنكم امضاء امكم "مصر" ... ولاأسكت اللة لكم حسا

مواطن مصري said...

عشان تعرفي الي بيحصل في سيناء مين

وراة فتشي عن السفيرة الامريكية



Menendez Questions Anne W. Patterson

http://www.youtube.com/watch?v=U38L3suLLgI


مهم دة يا نوارة الست دي مش سهلة

عائشة القبطية said...

كنت عايزة انبهك ان فيه ناس حصلها لوثة عقلية لما شافت الشباب رجع التظاهر تاني بقلب جامد لأ وايه كلهم اخواني مسيحي ليبرالي سلفي كله ايد واحدة فعمالين يفرقعوا قنابل دخان علشان يعموا العيال ويرجعوا يخبطه في بعض تاني
ما تتحركوش من قدام السفارة لكن خدوبالكم كويسسسسسسسسسسسسس

غريبه ببلادي said...

كلمه حق

Ahmad Sadek said...

بورك هذا الصوت، العابر للزمن، صوتك ياسيدتي، لأنه، لأنه صوت الوطنية المصرية. نفس الصوت الآتي من جداريات طيبه، وأعالي البلاد، ومصر الحزينة، مجروحة الرجولة، تفيق لنفسها، تنهض لاسترداد كرامتها وأرضها وعرضها، وتطرد الهكسوس، وتحمي الحضارة. الرجولة الجريحة هي انكسار وعار وشين يلحق الرجال والنساء. فتغدو النفس مريضة والعقل غارب والروح ثقيلة، والحياة عبء. أفاقت مصر لنفسها، وبرأت من خصيها حين كانت تقاوم. حين تصبح وطنية. بالنسبة للمصريين، فالوطنية المصرية هي جوهر الأخلاق والقيم والسجايا واتزان العقل والوجود. تكون حياة مصر فرحا وهي تقاوم وتبني الحضارة. هذا المركب المصري الفريد من الوطنية البناءة للحضارة والفرح نلمحه في أوجه مع مصر التي تقاوم وتتوهج فيها الوطنية. هكذا اندفعت مصر الوطنية للمقاومة وبناء الحضارة والفرح وهي تقاوم الرومان ثم وهي تقاوم التتار والاوروبيين الصليبيين والعثمانيين الاتراك وفرنسا البونابرتية وبريطانيا الاستعمارية والصهاينة الغزاة الاستيطانيين البرابرة. لقد قاد الديكتاتور الوطني الفذ جمال عبد الناصر مصر للمقاومة ضد الانجليز وضد الصهاينة وضد الاستعمار الغربي. وفي زمنه القصير، عادت مصر المقاومة، الوطنية، الى مسار الحضارة الانسانية، على الرغم من طاعون الاستبداد السياسي والفكري والبوليسي الذي حكم ذلك العهد. أما أنور السادات فقد عمل على انهاء عصر مصر المقاومة وتسميم الوطنية المصرية وقتل روحها، والنتيجة كانت ذلك الضياع والانحطاط الذي آلت اليه مصر. صارت مصر مريضة، مجروحة الرجولة، تفعل مايريده اعدى أعدائها، مختلطة العقل، وخارج مسار الحضارة، ويعيش شعبها أسود أزمانه. سمح ذللك لرجل رقيع جاهل مثل مبارك أن يدوس عليها بحذائه ثلاثين سنة. رجل لم يتورع ان يحشو جيوبه من خزينة الدولة المصرية، ولايتورع عن الانتقال الى مواقع التحالف مع أعداء بلاده. وحين أفاقت مصر أخيرا لنفسها في يناير ٢٠١١، فقد أخذ عقلها يتبين المسائل الأربع الكبرى التي يجب عليها أن تتعامل معها على الفور: تحطيم الدولة البوليسية وبناء جمهورية ديمقراطية حديثة؛ تفكيك النظام الاجتماعي اللصوصي وبناء نظام اجتماعي أكثر عدالة؛ العودة الى مسار الحضارة الانسانية وبناء نهضة مصر الحديثة؛ خطر العدو الصهيوني الاستيطاني، وخطورة الاتفاقات التي ابرمها معه السادات ومبارك . ثم جدت ثلاث مسائل أخرى أصغر على جدول أعمال العقل المصري الذي يفيق ويمكن أن نسميها: العبث واللغو الصادر من المجلس العسكري الذي نصب نفسه حاكما للبلاد؛ اقحام الدين في أمور هي خارج الاطار الروحي للدين بطبيعتها؛ وجود حالة اهتزاز في الأمن العام تتمثل في حالات انفلات للعنف وهجمات صغار اللصوص. وفي الواقع، فان مبدأ الوطنية المصرية، والمنطق الوطني للانسان المصري، هي وحدها التي يمكنها أن تحقق أكثر الاجابات صوابا على كل المسائل المطروحة. هكذا تحدثت نوارة نجم في مقالها الداعي الى تناول محدد لمسألة العدو الصهيوني في هذه اللحظة. انها تحيي روح المقاومة، وتطالب باجراءات بسيطة، جوهرية وممكنة. وقد لاحظت من رد أحد المعلقين المحترمين، انه يتصور أن على مصر أن تنتظر وتصبر على هذا الملف الصهيوني مزيدا من الزمن، وحتى تبني عناصر قوتها التي دمرتها عهود السادات ومبارك. وفي الواقع فان اجراء طرد السفير الصهيوني واغلاق سفارتهم، وانهاء مهمة سفير مبارك في تل ابيب واغلاق السفارة هناك كذللك، هي اجراءات ممكنة في اطار مستوى القوى المصري الراهن، وهي ليست اجراءات حماسية وشكلية، ولكنها اجراءات عاقلة ومدروسة وضرورية وممكنة، وبوسعها أن تضع اسسا جديدة لممارسة الصراع التاريخي مع العدو الأول لمصر. ان وجود سفارة للصهاينة في القاهرة كان منحة ضخمة لسفاكي الدماء هؤلاء، وكان اجراء يتسم بالتفريط في المصالح الوطنية، وبالسفه السياسي بلا حدود، وأعطى للعدو امتيازا بالغ الضخامة، ودون مقابل، من المفاوض المصري السفيه وقتها. السادات المخبول كان يروج لبلاهة غريبة ترى أن الصراع التاريخي الذي فرضه انشاء الدولة الصهيونية السفاحة، هو صراع نفسي، وأن عليه أن يسقط الحاجز النفسي، أمام سلام مستحيل. وأفرط هذا السياسي المخبول في المنح والهدايا والعطايا للعدو. وانني أدعو كل شبابنا الى اعادة قراءة التاريخ وقراءة وقائع ماجرى مع الصهاينة منذ حرب ١٩٧٣، ان اللحظة مواتية أمام الوطنية المصرية لتعيد الى الصراع حقائقه، ولتزيح عن الضمير المصري عبئا ثقيلا فرضته سفاهة المفاوض المصري وتخاذله. هذه مجرد خطوات محدودة وأولية تقوم بها الجمهورية الوطنية المصرية التي تولد في مصر اليوم. وانني أشارك نوارة نجم في تقديرها أن الصهاينة هم بعيدون عن الرغبة في شن حرب شاملة جديدة مع مصر. وربما أتصور بالاضافة الى هذا، أن هذا الصراع سوف يشهد نهايته ذات يوم، بانتصار مصر، وانتصار الحق الفلسطيني والعربي، دون أن يمر بمراحل من حروب شاملة مع مصر مرة أخرى. عاشت الوطنية المصرية. الوطنية هي الحل

رسالة الثوار said...

اهم حاجة نستغل الفرصةو ونفرض السيطرة الكاملة علي سيناء ووقف تصدير الغاز لاسرائيل ولازم اسرائيل تعتذر وتدفع تعويضات علي انتهاكها اولا حدود مصر ثانيا قتل ابناء مصر

شمس النهار said...

شمس العصاري ثورة البانجو نسبة لخالدسعيد بانجو والا انت مش عارف وبعديين هو مين الا يحب الفساد والمفسديين وبعديين مش معني انك ما اكلتش الكنتاكي يبقي مكنش فية كنتاكي انتة بس دورك مكنش مهم المهميين فقط هما الا كلوا الكنتاكي عموما الايام بيننا وستفضح قريبا كل الحقائق وستعرف وبالاسم من هم عملاء الفوضي الخلاقة الامريكية اقري كويس يواد

د/دودى said...

اسفه على رأيى لكنه مقال اقل ما يوصف بها بانه مقال مستفز و ينرفز قطعا ...هل حضرتك بتهينى اللى مش موافق على رأيك

من حقك تعبرى عن رأيى لكن مش من حقك تهيينى اللى مش هينزل ...

نقدر نرد سياسيا نسحب سفيرنا ,نقدم احتاجات سياسيه لكن من وجهه نظرى الوقفه قدام السفاره فكره غير مفيده ...هل تعتقدى انى نذله؟؟

الرد يجب ان يكون من الحكومه من مننا احنا

مش فاهمه said...

هو مش فيه حاجه اسمها اولويات برضه ولا انا مش واخده بالى ايوه شكل الناس حول السفارة يفرح ستات و رجاله سلفيين و بشعور طويله منقبات و سافرات و اسر مع بعضها لكن فيه اولويات يا جماعه الأمن المركزى جاى فى عربيات جدبده لانج .....وبعدين بتحطى رووووووووووووج يا نونو ماشى ماشى

حسن محمد على said...

الى ان يؤب القارضين كلاهما ......... ويبعث فى القتلى كليب ابن وائل

Wedyan said...

مضى عهد أن يقتل جنودنا على الحدود دون ثمن يا إسرائيل

lastcrazyboys said...

عاااااجل:

المشير حسين الطنطاوي أعلن الحرب على إسرائيل منذ قليل و اقتحمت القوات المسلحة المصرية صحراء النقب و سيطرت على مفاعل ديمونة منذ ساعتين بعد انسحاب الجيش الاسرائيلي تحت غطاء المدافع
و جاري الان انزال بحري ضخم في مدينة حيفا بعد معركة بحرية عنيفة انتصر في الاسطول المصري
و الطائرات المصرية تقصف تل أبيب الآن قصفا عنيفا
و الحكومة الاسرائيلية تعقد اجتماعا طارئا لبحث الموقف و بس يا سيدي و بعدين صحيت من النوم

أبو يوسف said...

مساء الخير عليكي يا أستاذة أو صباح الخير؛طبعاً أنا باتفق معك فيما تقولينه وعلى فكرة أنا شفتك عند السفارة حالياً وكنت ناوي أكلمك لكن أحرجت بسبب الجروب اللي كان واقف معك واسمحي لي أن أضيف مطلب للشعب المصري من بين المطالب التي يجب أن يطالب بها المجلس العسكري من إسرائيل وهي أن تتم محاكمة المتورطين في استشهادأمن الحدود والمصابين بالقصاص وليصر الشعب على هذا المطلب حتى لايستهين أي كلب من كلاب العالم بمصري ويسترخص دمه فيهدره وعليه:-يجب النظر والتعديل في بنود اتفاقية كامب ديفد حتى يتم لنا الهيمنة والسيطرة علىكامل أراضينا ؛ثم أريد أن أصارحكم جميعاًبما يساورني بل أعتقد أنه لايخفى على الشعب ،وأنه جلي وواضح أن ما قامت به إسرائيل من اعتداء على حدودنا إنما هو من باعث عدم رغبتها في محاكمة المخلوع وذويه وبطانة سوئه وخاصة المدعو حسين سالم.والله أعلم والسلام أنا حا أتسهر هنا وأصلي الفجر في السيدة زينب وأروح على القاهرة الجديدة أنام ساعة علشان عندي مراقبة لجنة ثانوية عامة -دور ثان - في ميدان حجاز بمصر الجديدة. سلام الله عليكم ورحمته وبركاته.

Wedyan said...

مضى عهد أن يقتل جنودنا على الحدود دون ثمن

ماجد الجلاد said...

الخولات اللى بتتحسبن على نواره عشان خايفين من الحرب يروحوا يلبسوا طرح اتفووووووووووو على منظركم ولاد كلب معرصين انتوا مش مصريين ملعون ابو البطن اللى جبتكم

يا ررررب مصر تحارب وهنفشخ اسرائيل واللى يتشدد لها واى حد دخل جيش او قرأ تاريخ يعرف كده كويس احنا اعظم جنود الأرض

متفائل said...

كل الخراب اللي حل بالبلد بسبب تبعيتها لامريكا واسرائيل، لا عمرنا حنعمل ديمقراطية، ولا حنعمل محاكمات للفاسدين، ولا حنعمل انتخابات، ولا حنعمل دستور عدل، ولا حنعمل عدالة اجتماعية ونتملك مواردنا ولا اي حاجة عدلة في البلد حتتعمل ولا اي حاجة حتختلف عن ايام المخلوع طول ما السفير الاسرائيلي في مصر وطول ما احنا تابعين لامريكا واسرائيل، كل شقانا حيروح، كل دم اللي ماتوا حيروح لو فضل السفير ده قاعد وتبعيتنا زي ماهي

الله يفتح عليكي .. كلام جميل وكلام معقول ماقدرش أقول حاجة عنه ... بس ياترى أيه الطريقة التي ننهي بها تبعيتنا لأمريكا وإسرائيل (أمريكا بالخصوص فما إسرائيل سوى ظلها الباهت) ؟ هل تنتهي تبعيتنا لهم بأن نتجمهر حول السفارة الإسرائيلية ونجعر للصبح ؟ أشك كثيراً ... هذه واحدة
أما الأخرى فمجموعة من الأسئلة دوريها كده في دماغك وحاولي تجاوبي عليها بما أتاك الله من سعة خيال وقدرة على التحليل السياسي (وإعتقادي أن منحة الله لك كانت ضيئلة في هذا الشأن) أما الأسئلة فهاك
السؤال الأول : لماذا قامت حماس بهذه العملية سبب المشكلة في هذا التوقيت تحديداً ؟
السؤال الثاني : لماذا تعمد منفذيها الهروب إلى داخل الأراضي المصرية لأول مرة بعد ستة أشهر كاملة من فتح الحدود ؟
السؤال الثالث : لحساب من يتم كل هذا (الإنجاز) الحمساوي ؟

ملكش دعوة said...

يعني بغض النظر عن موقفي منك وانتي نتسبي وبتلعني اي تيار ديني كأنك مش مسلمه.......
اؤيد ما يحدث عند السفاره بشده انتو خليتوا الكلاب في اسرائيل يتهزوا
انتو زلزلتوهم .... وده مكنش ممكن يحصل ايام المخلوع وهو قاعد يمرجحهم علي رجله منه لله
وحتي لو كان الرد لازم يكون من الجيش والحكومه فالافراد عليها دور كبير
ايه يا جماعه ده لسه في حقوقيين من اسرائيل بيعيطوا علي شاليط لحد دلوقت
هما اللي ماتوا دول شاليط ده ييجي ايه في ظفر رجلهم
الكلاب هناك اتأكدوا ان مصر لسه فيها وحوش هيكلوهم ني في ني وده جميل ....

hardway said...

سكسكة زمبلك...رجعنا تاني للعبط الثوري
والهطل القومي..ماكنا هانمشي كويس في نظام
الزمبلك و كنت متحمسةوهاتيجي معانا ؟أسماء و رشا والدنيا هاتبقي بمبي..بمبي...
هانرجع للغم تاني..يابنتي اساسك متين وعندك مواهب ممتازة مطلوبة في سستم الزمبلك....خلينا في الزمبلك أحسن و أفيد

قرفة said...

صورتلك الشمممممممممممس الصبح

المهندسه ياسمينه said...

والله انا نفسى انزل
ولما بشفكم ف التلفزيون بحس
بالغيره ولكن......ما باليد حيله
انا ماقدرش انزل ولا اعتصم ولا اهتف فى مظاهره ولا اعتب باب البيت
وقت المظاهرات عارفين ليه؟......لان بابا
بيرفض وانا استحاله مانفذش كلامه
يعنى من الاخر انا الدكتاتوريه الابويه منعانى هاااااااااا ده غزر ولا لاءه
لو عندكم حل قولولى بلييييز

كامل فرنساوى said...

انزال علم اسرائي جريمة...حسب اتفاقية الفيتو ... ويعنى اية مش عاوزين سفارة اسرائيلية ولا سفير... امال ازاى حضرتك هنقيم علاقة دبلوماسية بين بلد شقيقة وبينا وبينها مصالح كتير .... انتم العرب كدة واخدين الموضوع بنظرة دينية بحتة ... علشان الفلسطينين مسلمين يعنى دول لو بوذيين وكفرة ولا عبرتوهم وكمان علشان المسجد الاقصى ......... ههههههه عندكم السودان اتبهدلة والعراق اتبهدلة والنصارة طلع دين ابوهم فى بلدكم لية مش بتثورى على على اشياء اولى للتغير اشياء داخلية وع راى المثل جحا اولى بلحم طورو ... هتقولى اسرائيل كخة ونسيت دم الشهداء ونسيت النكسة ونسيت 73 ... هقولك منسيتش بس هى دى الحرب مش بتفرق يعنى ببساطة الاسرائليين استشهدو منهم ناس ومش بس كده ده احنا هزمناهم ليه هما مش شيلين مرارة من المصريين ... وليه مش بيعملو زينا .... علشان دول ناس عندهم خطة وعندهم هدف .... يريت بعد الثورة نفكر فى مصر ومصر وبس ازاى نغير شعبنا للافضل ازاى نعمر مصرنا ازاى نجيب حق الضعيف والاقلية اللى فى بلدنا .. نبداء نضم بعض لاننا اولى باحضان بعض ودموع بعض ومساندت بعض وتعضيض بعض .. ولا المصريين ميستهلوش

كامل فرنساوى said...

انزال علم اسرائي جريمة...حسب اتفاقية الفيتو ... ويعنى اية مش عاوزين سفارة اسرائيلية ولا سفير... امال ازاى حضرتك هنقيم علاقة دبلوماسية بين بلد شقيقة وبينا وبينها مصالح كتير .... انتم العرب كدة واخدين الموضوع بنظرة دينية بحتة ... علشان الفلسطينين مسلمين يعنى دول لو بوذيين وكفرة ولا عبرتوهم وكمان علشان المسجد الاقصى ......... ههههههه عندكم السودان اتبهدلة والعراق اتبهدلة والنصارة طلع دين ابوهم فى بلدكم لية مش بتثورى على على اشياء اولى للتغير اشياء داخلية وع راى المثل جحا اولى بلحم طورو ... هتقولى اسرائيل كخة ونسيت دم الشهداء ونسيت النكسة ونسيت 73 ... هقولك منسيتش بس هى دى الحرب مش بتفرق يعنى ببساطة الاسرائليين استشهدو منهم ناس ومش بس كده ده احنا هزمناهم ليه هما مش شيلين مرارة من المصريين ... وليه مش بيعملو زينا .... علشان دول ناس عندهم خطة وعندهم هدف .... يريت بعد الثورة نفكر فى مصر ومصر وبس ازاى نغير شعبنا للافضل ازاى نعمر مصرنا ازاى نجيب حق الضعيف والاقلية اللى فى بلدنا .. نبداء نضم بعض لاننا اولى باحضان بعض ودموع بعض ومساندت بعض وتعضيض بعض .. ولا المصريين ميستهلوش