صدر اليوم رسميا قرار حظر جمعية المساعدة القانونية
أبلغني بهذا الخبر الأستاذ احمد حلمي وقال لي كمان
انهم دلوقت مسميين نفسهم الجمعية المحظورة
:)
يوم الثلاثاء القادم ان شاء الله الساعة واحدة ظهرا
نقابة المحامين عاملة مؤتمر عن التعذيب والاعتقالات والمنع
طبعا احنا بتوع الظلم زي جماهير الاهلى
مطلوب من المدونين المسئولين عن ملف التعذيب المشاركة
ونقابة المحامين محملاني مسئولية اني اتصل بالمدونين
وهم منفضين لي ومش بيردوا مافيش حد رد غير وائل عباس
فيه ناس ما اعرفش تليفونهم زي معتز عادل
يا معتز هل تسمعني؟
حول
ابقى تعالى
والباقي اللي باتصل بيهم ومنفضين ح اوريهم
13 comments:
نوارة :من مبدأ حديث رسولنا الكريم ص اللة علية وسلم فمن لم يستطع فبقلبة وذلك أضعف الأيمان أنا منفضتش
ولو محتاجة أى شئ بالنسبة للجمعية من الشرقية بلغينى
بس عندى ملاحظة شفتها شخصيا لما رحت النيابة والقسم مع ناس الأسبوع الماضى فية حالة أحترام ملحوظة بين الناس والشرطة واللة فعلا هو طبعا لازم كالعادة تبقى دايما ايدك فجيبك فأى مركز شرطة عشات ترش ع العساكر بس القيادات والنيابة كانوا محترمين جدا ع غير العادة وفية ناس من داخل الشرطة قالولى ان عليهم تعليمات مشددة بالتعامل بصورة أدمية مع المواطنين
وضحكت ع أدمية دى يعنى زمان كانت أية حيوانية
ربنا يستر ويدوم يارب ولا دى هوجة بشاير رمضان ؟؟؟؟؟؟؟
اللة أعلم
ع فكرة أنتى بتستعملى تعبير أختبار ذكاء أى كيو فى كلامك كتير وأظن قصدك معدل الذكاء بس الأن وأنا دة تخصصى مفيش أستعمال لمعدلات الذكاء التقليدية وبقى فية نظرية الذكاءات المتعددة يعنى ممكن تبقى ذكى فى السوشيالتى الأجتماعيات أو الذكاء الرياضى أو _______الخ
ودة اللى شغال فدول العالم المتقدمة مش عندنا طبعا
تحياتى
لا انا مش باقول عليك انا ما اعرفش نمرة تليفونك اصلا
انا باقول على الشرقاوي وماك
مفضين لي
:)
ملحوظة
يا سبحان الله والله يابنتي
ده انا باقول يا سبحان الله على موضوع الذكاء ده
اصل بصي انا اه باستمعل اي كيو والكلام ده بس يعني مكايدة ومغايظة
مش فعلا اقتناع مني بموضوع تصنيف الذكي والغبي ده
هههههههههه
اصلي لاحظت انها بتغيظ ناس كتير لما تقولي له ايه الغباء ده
هاهاهاها
مع ان ممكن تشتميه بحاجة اوحش زي انك تقولي له يا عميل يا منافق يا ندل
ما يزعلش زي ما يزعل لما تقولي له يا غبي
مع ان غبي دي ما تزعلش من وجهة نظري خالص
وانالما حد بيقول لي يا غبية مش بازعل باضحك
ليه بقى
عشان لما كنت في ثانوية عامية
كنت ادبي بقى عشان ما اذاكرش وازوغ واخد راحتي
المهم
كنا بندرس في علم النفس اختبار الذكاء ده
فرحت رافعة ايدي وقايلة للمدرسة
هو فيه حاجة اسمها ذكي وغبي؟
طبعا المدرسة استغبتني هي وكل اللي في الفصل وقالت لي ايه السؤال الغبي ده
قلت لها اصلي بصراحة مش مقتنعة ان كام سؤال حتى لو كانوا الف سؤال يقيموا اذا كان الواحد ذكي وللا غبي
ولا مقتنعة اساسا ان فيه حاجة اسمها ذكي وغبي
انا شايفة كل انسان في الدنيا عنده ذكاءه الخاص بيه وعنده برضه غباءه الخاص بيه وكل الناس بتعمل حاجات غبية قوي وحاجات ذكية قوي
ثم مين اللي يقيم اذا كان فلان ده ذكي وللا غبي
طبعا المللسة قالت لي اني مناكفة وغبية وجاهلة وبس عايزة ابان وخلاص والكلام اللي باقوله ده كلام مش علمي وانتي مين انت يا حمارة عشان تعدلي على كلام كتبه العلماء ونظريات علمية اتحطت من زمان واستقر عليها العلماء
قلت لها العلماء بيغلطوا وانا صحيح مش عالمة ولا عملت اختبارات ولا ابحاث بس انا باتكلم من واقع خبرة حياتية فيه مهارات عند الست اللي بتنضف لنا مثلا مش موجودة عند امي الكاتبة الكبيرة وفيه نوع من الذكاء عند السواق مش موجود عند عالم ذرة
وده ذكي بطريقته وده ذكي بطريقته وكل ميسر لما خلق له
وبعدين ربنا كرم الانسان بالعقل يعني كل بني ادم ذكي بشكل او بآخر زي ما كل بني آدم جميل بشكل او بآخر بدليل ان ربنا قال وصوركم فاحسن صوركم يعني ما ينفعش يبقى فيه اختبار للجمال لان ده منافي لكلام ربنا وما ينفعش يبقى فيه اختبار للذكاء لان ده برضه منافي لكلام ربنا لما بيقول فاتقوا الله يا اولي الالباب يعني لو فيه ناس اذكيا وناس اغبيا وفيه معيار واحد بس لتحديد الذكاء والغباء ده معناه مش ح يبقى فيه مؤمنين غير الاذكيا ومش ح يبقى فيه كفار غير الاغبيا طيب ربنا بيحاسبهم ليه لما هو اللي خلقهم اغبيا؟
راحت طارداني برة الفصل
ياااااااا
ده تعليق كبير قوي ينفع بوست
انما انت بتشتغلي ايه؟
ههههههههههههههههههههههههه
ضحكتينى وأنا كنت متضايقة جدا أنا بشتغل بواب
ماجستير صحة نفسية ودورات فى تعديل السلوك وتنمية الأدراك لذوى الأحتياجات الخاصة
وكنت رئيس قسم للأرشاد الأسرى وأختبارات الذكاء فى أحد الدول العربية برغم صغر سنى
وفمصر أخصائية فنفس التخصص بمدارس التربية الفكرية ووزارة التعليم ومن
وعندى مركز خيرى لنفس التخصص
وبالنسبة للتعليق بتاعك اللى قلتية فطفولتك دة توصل لة العلماء من سنين قليلة
والبرمجة اللغوية العصبية لو قريتى عنها ومجالات الطاقة واستخدام قوى العقل الغير مفعلة كلها تداعيات لنظرية الذكاءات المتعددة واللى بتقول مفيش انسان ذكى واخر غبى فية واحد مش عارف ينمى عقلة وقدراتة وواحد لا
فية واحد عارف هوة متميز فأية ووبيحاول يقوية وواحد نايم فالعسل برغم انة قادر ع تنمية قدراتة
Multiple intelligences theory
والواقع أن نظرية الذكاءات المتعددة أحدثت منذ ظهورها ثورةً في مجال الممارسة التربوية والتعليمية، فهي غيّرت نظرة المدرسين عن طلابهم، وأضحت الأساليب الملائمة للتعامل معهم وفق قدراتهم الذهنية، كما شكّلت هذه النظرية تحدياً مكشوفاً للمفهوم التقليدي للذكاء، ذلك المفهوم الذي لم يكن يعترف سوى بشكل واحد من أشكال الذكاء الذي يظل ثابتاً لدى الفرد في مختلف مراحل حياته. فلقد رحبت نظرية الذكاءات بالاختلاف بين الناس في أنواع الذكاءات التي لديهم وفي أسلوب استخدامها، مما من شأنه إغناء المجتمع وتنويع ثقافته وحضارته Kathy checkley (1966)، عن طريق إفساح المجال لكل صنف منها بالظهور والتبلور في إنتاج يفيد تطور المجتمع وتقدمه.
يقول جاردنر إن الوقت قد حان للتخلص من المفهوم الكلي للذكاء، ذلك المفهوم الذي يقيسه المعامل العقلي، والتفرغ للاهتمام بشكل طبيعي للكيفية التي تنمي بها الشعوب الكفاءات الضرورية لنمط عيشها، ولنأخذ على سبيل المثال أساليب عمل البحارة في وسط البحار، إنهم يهتدون إلي طريقهم من بين عدد كبير من الطرق، وذلك بفضل النجوم وبفضل حركات مراكبهم على الماء وبفضل بعض العلامات المشتتة. إن كلمة ذكاء بالنسبة إليهم تعني بدون شك براعة في الملاحة.
ولننظر كذلك إلى المهندسين والصيادين والقناصين والرسامين والرياضيين والمدربين ورؤساء القبائل والسحرة وغيرهم. إن كل الأدوار التي يقوم بها هؤلاء ينبغي أن تؤخذ بعين الاعتبار، إذا قلبنا تعريفاً جديداً للذكاء، باعتباره كفاءة أو قدرة لحل المشكلات أو إنتاج أشياء جديدة، ذات قيمة في ثقافةٍ ما أو مجتمع ما من المجتمعات، إن كل الكفاءات والقدرات التي يظهرها هؤلاء في حياتهم وعملهم تعتبر بدون شك شكلاً من أشكال الذكاء الذي لا يقتصر على المهارات اللغوية أو الرياضيات والمنطق، التي طالما مجدتها اختبارات المعامل العقلي، وعلى هذا الأساس، فإن نظرية الذكاءات المتعددة تقف موقفاً خاصاً من اختبارات الذكاء، التي طالما مجدت وقامت بإصدار أحكام بخصوص الطلاب ومستقبلهم الدراسي (أحمد أوزي،1999).
يعنى سيادتك توصلتى لما توصل لة جاردنير صاحب النظرية سنة 83
تحياتى وشكرا لتعليقك
ايه دا كله الله يزيد و يبارك و يقدرنا اننا نلاحق انتي بتكتبي البوستات دي كلها امتي مع انك مش فاضية أو ده المفروض يعني
انا أغيب يومين ألاقي شكل البوستات اتغير خالص كده ربنا يقويك يا ستي
كلاكيت
هاهاهاهاها
اولا انا ما كنتش طفلة انا كنت في ثانوية عامية بعيد عنك
ثانيا
اكتشفت ايه يا ستي
ده انا كنت عيلة مناكفة ولا اكتشفت ولا حاجة متهيالي البني ادم كل ما بيبقى اصغر بيبقى اقرب للفطرة الانسانية اللي ربنا فطرنا عليها
وتلاقي يمكن الاطفال والمراهقين بيعرفوا حاجات تبان مش معقولة لانهم مش بيعرفوا يصيغوها ويدللوا عليها بس دي فطرتهم
بعد شوية تكتشفي انهم كان معاهم حق
خدوا فالكوا من عيالكوا يعني
:)
انا شاكرة ليكي قوي على الكلام المفيد
اه سمعت عن البرمجة العصبية
امممممممممم
هو انا يعني ما ركزتش فيها قوي
بس برضه لما سمعت عنها افتكرت حديث الرسول: ادعوا الله موقنين بالاجابة
يعني الواحد لو متأكد ان ربنا ح يستجيب ح يستجيب
فهمت من البرمجة العصبية ان لو الواحد اقنع نفسه بحاجة انها فيه
زي انه يقدر يتحمل الالم او يقدر يتجاوز تجربة او او يبقى اكيد ح يقدر لكن لو شاكك في مقدرته ح يتهز
ههههههههههههههه
بصراحة اقول لك حاجة من غير حزازات وما تقوليش عليا جاهلة وغبية زي المدرسة
لا شيء جديد تحت الشمس
العلم عمال يطبل في المطبل ويكتشف حاجات الناس عارفها بس مش حاطها في اطار نظريات بس
:)
ح يطلعوا عليا دلوقت عبدة العلم ويقولوا لي يا حمارة
ما قالوا لي قبل كده الكلام ده
حمارة حمارة
ده حتى الحمار عنده صبر وبيعرف يروح لوحده
انا باتوه وما عنديش احساس بالاتجاهات
:)
مهندس مصري
لا والنبي ما تدعيليش انا
ادعي للحكومة المصرية الجميلة
اللي كل يوم عاملة لنا مفاجئة جديدة مخلياني مش عارفة الاحق عليها
صحيح اللى بتقولية علميا جدا جدا لأن فعلا العلماء مبيعملوش الا انهم يحطوا الأشياء الواضحة فى صورة نظرية بس اللى لازم تفهمية ان النظرية مش هى المشكلة المشكلة فى التطبيق العملى وكيفية استخدام النظرية فى الحياة
تطبيقات الفمتو ثانية
وتطويع الإلكترون والفوتون والنيوترون بما قاد إلى آلاف الاستخدامات والتطبيقات السلمية والحربية، وتنويع مصادر الطاقة البديلة وصولا إلى استخدام وقود من الأكسجين أو الهيدروجين في الهواء، واستنباط المواد التركيبية بخصائص مرغوبة، واستنباط آلاف الأصناف من الأدوية متواكبة مع تقدم هائل في معالجة الأمراض وصولا إلى زراعة أعضاء الجسم،
وبداية أى نظرية جيدة ملاحظة جيدة
وأنتى ع فكرة شكل صغير من أشكال العبقرية التعبيرية وممكن لو ركزتى شوية وبطلتى تهييس تبقى كاتبة قصصية وحوارية ممتازة
بس المشكلة أننا فمصر وكلنا مش بس أنتى لو مهيسناش مش هنعيش
ههههههههههه
يلا نفضحهم
مدونه تمثل بدايه عمل جرىء و قوى
عن طريق لجنه بدأها و يرئسها الأستاذ / "محمد عبد القدوس" بالقاهره
والدكتور / " إبراهيم الزعفرانى" بالاسكندريه
هدفها فضح جرائم هذا النظام
من تعذيب و هتك أعراض و تزوير
شارك معنا بمدونتك
عن طريق وضع رابط لنا على الاقل
لوضع الرابط برجاء الدخول على المدونه و نقل الكود الموجود بداخلها
Yallanefdahom.blogspot.com
نحن نسعى لتجميع اكبر عدد للمدونين لعمل شبكه ضخمه من المدونين تجعل كل من تسول له نفسه أن يعذب او يزور او يرتشى أو أو أو
أن يفكر الف مره قبل الأقدام على ذلك
ابعث لنا بأى وثائق أو فيديو او صوره
تثبت اى جريمه ارتكبت فى حق اى مواطن
على بريد المدونه
efdah@yahoo.com
إفضحوهم
معلش ده تعليق بره الموضوع... بس الظاهر إن فيه نفسنة جامدة بين وائل عباس (صاحب مدونة الوعى المصرى) وتامر مبروك (صاحب مدونة الحقيقة)!!
تامر مبروك كتب الموضوع ده عنده
(افضحني عندك على المدونه
ونبي يا شيخ خليني اتشهر) يا رب وائل عباس ما يشوفها
elhakika.blogspot.com/2007/09/blog-post_06.html
ووائل عباس لما وصله الكلام ده عن طريق تعليق واحد تعليق فى موضوع
"بلطجية لإعاقة تصوير إسلام نبيه في القفص" misrdigital.blogspirit.com/archive/2007/09/05/%D8%A8%D9%84%D8%B7%D8%AC%D9%8A%D8%A9-%D9%84%D8%A5%D8%B9%D8%A7%D9%82%D8%A9-%D8%AA%D8%B5%D9%88%D9%8A%D8%B1-%D8%A5%D8%B3%D9%84%D8%A7%D9%85-%D9%86%D8%A8%D9%8A%D9%87-%D9%81%D9%8A-%D8%A7%D9%84%D9%82%D9%81%D8%B5.html#comments
من واحد إسمه Glorious_Prince
راح وائل عباس حذف تعليقه وكتل بداله (وهو يقصد تامر مبروك)
"خليك في حالك
خليك في مدونتك
عاوز تعرص على الابراشي انت حر
عرص عليه عندك
وما تديش نفسك اكتر من حجمك
بتعمل شغل كويس
بس ده مش معناه انك تتطاول على غيرك اللي وراك السكة وتقل ادبك عليه"!!!ا
تامر مبروك ماسكتش ورد على وائل عباس فى الموضوع ده
elhakika.blogspot.com/2007/09/blog-post_08.html
ولما كام واحد سأل وائل عباس عن الموضوع لما شافوا تعليق إنحذف ومكتوب فيه رأى وائل عباس عن تامر مبروك، قام وائل عباس بحذف التعليقات فى موضوعه
"مع ريز خان على الجزيرة إنجليش"
misrdigital.blogspirit.com/archive/2007/09/07/%D9%85%D8%B9-%D8%B1%D9%8A%D8%B2-%D8%AE%D8%A7%D9%86-%D8%B9%D9%84%D9%89-%D8%A7%D9%84%D8%AC%D8%B2%D9%8A%D8%B1%D8%A9-%D8%A5%D9%86%D8%AC%D9%84%D9%8A%D8%B4.html#comments
وكتب بدل تعليق واحد منهم إسمه XanderXone الكلام ده
حذف التعليق بواسطة مدير الموقع
السبب:
المدون المذكور تافه وغبي ولا يستحق الالتفات له
ولو قريت كلامه ها تلاقيه اصلا بيفهم بالمقلوب
خسارة كنت فاكره حاجة طلع من اللي بيحبوا يلحسوا طياز المشاهير بدل ما يشق طريقه بنفسه ويتعلم من الكبار لكن ها ينتهي لبيس جزم لوائل الابراشي اللي بيدافع عنه لانه احتمال يا حبة عين امه يطلعه في التلفزيون وهو عمرهه ما طلع
غلبان
!!!!!!!!!!!!!!!!!!!!!!!!!
طبعاً التعليق ده وصل لتامر مبروك راح رادد عليه فى الموضوع ده
"اخر مره هحزرك فيها يا وائل لباس"!ا
elhakika.blogspot.com/2007/09/blog-post_2013.html
ممكن حد يشرح لى إيه اللى بيحصل بالضبط وإيه سبب العدوان بين الإتنين؟؟
أنا عندى إقتراح يا جماعة إن أى حيوان يعذب مواطن يجب أن نذهب الى جيرانه و نريهم فيديو التعذيب أو أقوال المواطن الذى تعذب على يديه لكى يعرف الجيران الى جانب من يسكنون وبالتالى سوف يتم فضح هذا الحيوان بين جيرانه أيضا وتبقى عيشته طين إن شاء الله
الاستاذ امير
هو حد قال لحضرتك اني القائم باعمال وائل عباس؟
انا اصلا ولا فاهمة حاجة اساسا من اللي انت بتقوله
انا عندي فكرة كويسة
ايه رأيك تسأل وائل نفسه؟
محمد
انا موافقة جداااااااااا على الاقتراح ده
ياسلام انت هتورى للمنفضلك شغلهم وانت اصلا منفضه للكل ولا ناس وناس
ابقى بس شوفى موبايلك
وانت هتفهمى
وشكرا على الاكواد
Post a Comment