فيه ناس مستخسرة فينا إن يبقى مننا بني آدمين محترمين
فيه ناس بتقول إن العسكري محمد خلف أضرب عن الطعام
احتجاجا على نقله
طبعا هم مش عايزين يشوهوا محمد خلف
لأن محمد خلف عند أصحاب الوجوه الناعمة
والقفا الطري
ما يسواش كاوتش عربياتهم اللي بيغيروها كل ست شهور
بس فيه حاجة في علم النفس بتقول
إني لما أبقى مش عارفة أعمل حاجة
ومش عايزة أعمل حاجة
أسفه أي حد غيري عشان هو كمان ما يعملش حاجة
ولا حتى يعترض
أثبط الناس
وأوهن عزيمتهم
محمد خلف منا واحنا منه
محمد خلف ابننا واحنا أهله
نص الخبر منشور في موقع الجزيرة
مش مهم نص الخبر
المهم نص حيثيات المحكمة العسكرية
اللي أكدت إن خلف اتحبس لأنه رافض يحرس
سفارة الكيان الصهيوني
أكتر حاجة ضحكتني
اللي بيقولوا إن خلف ادعى رفضه لحراسة السفارة
عشان يثير الرأي العام
طب بقى أنا عايزة أزور خلف بس
عشان أسأله: تعرف إيه عن الرأي العام؟
بلاش خلف
أنا عايزة واحد فينا يسأل أي جندي مجند
تعرف إيه يا دفعة عن الرأي العام
أقطع دراعي إن ما قال: ربنا يخلف عليه بالخلف الصالح إن شاء الله
إليكم نص الخبر
حبس شرطي مصري لرفضه حراسة سفارة إسرائيل
احتجاجات متواصلة ضد السياسات الإسرائيلية رغم معاهدة السلام (رويترز-أرشيف)
قضت محكمة عسكرية مصرية بحبس شرطي مصري رفض تكليفه بحراسة سفارة إسرائيل في القاهرة ستة أشهر.
وقال مصدر قضائي إن محكمة عسكرية تتبع هيئة الشرطة قضت بحبس أمين الشرطة محمد خلف حسن إبراهيم لمدة ستة شهور بعد رفضه تكليفا بحراسة السفارة التي تحتل عددا من طوابق مبنى يطل على النيل قريب من جامعة القاهرة في حي الجيزة.
وكان إبراهيم (38 عاما) قد أضرب عن الطعام الأسبوع الماضي احتجاجا على إحالته للمحاكمة.
وينص القانون العسكري المصري على معاقبة كل من يرفض الأوامر العسكرية بالسجن فترات تتراوح ما بين 24 ساعة إلى ثلاث سنوات.
وتتبع الشرطة المصرية قواعد شبيهة بالجيش ولديها محاكم عسكرية خاصة بها لا تخضع قراراتها للاستئناف.
وتشهد منطقة السفارة الإسرائيلية مظاهرات غاضبة في كثير من الأحيان احتجاجا على الاحتلال الإسرائيلي في فلسطين ولبنان، كما يواجه السفير الإسرائيلي مقاطعة واسعة من النخب المصرية.
المصدر:
وكالات
خلف ما اعترفش بإسرائيل
ومش ح يعترف بإسرائيل
مهما عملت اللجنة الرباعية
No comments:
Post a Comment