هههههههههههههههههههههههه اه يا قلبي حموووووووووووووووووووووووووووووووووت

ههههههههههههههههههههههههه الدستور ولاد الصايعة

قائمة باسماء المحتجزين والمفرج عنهم الى الان

من مدونة جبهة الدفاع عن متظاهري مصر

إبريل، من 5:05 مساءً-6:20 مساءً- أسماء المفرج عنهم: مصطفى فؤاد أحمد فؤاد - شريف عبد المنعم أحمد - أحمد محمد حسن - مصطفي الشامي - مصطفي ماهر- محمد عادل سوكا - عبد الرحمن فارس - أحمد نجيب - شريف محمد هاني - محمود سامي - عبد الله يحي - نادر سعد عطا الله - شهاب وجيهه عبد الحميد - عمرو أسامه - الحسيني أحمد الحسيني - محمود سامي متولي - عمرو أسامة - محمد سامي علي يونس - خالد محمد سيد - محمود دهشان - أحمد عبد ربه البرعي - محمد سامي.


أسماء المتحجزين إلي الآن: عبد الرحمن عز الدين - أحمد إبراهيم أحمد عواد(بـ 6 اكتوبرالثاني والمباحث تتعنت في الإفراج عنه وقالوا لأخيه سيخرج بعد ثلاث أيام ومحامي من الجبهة في الطريق إليه)، - ياسر حلمي (بمدينة نصر) - محمد عبد التواب جمعة(بالمطرية) - أحمد سعد (بدمنهور) - أحمد محمود عبد السلام (بأوسيم وفي انتظار الافراج عنه) - أحمد محمد خيري (بالمرج) - روماني صومائيل جبرائيل (بسوهاج) - محمد ناجي عبد المقصود (بالشرقية) - محمد ميمون - عبد الرحمن سعيد - محمد سيد جمعة - محمد شكري.
-------------
وتابعوا اللنك عشان بيتم تحديث الاسامي

مين بقى ميريت ميخائيل دي؟

المصرية الوحيدة اللي شاركت في مهرجان المركز الثقافي الفرنسي برغم معرفتها بمشاركة مجندة اسرائيلي هي ميريت ميخائيل

الحمد لله نيفين واحمد رحال انسحبوا من المهرجان

طب ركزوا بقى ميريت ميخائيل دي عشان نشنبرها

ايه قرف ام التطبيع ده؟

هي الناس اتجننت؟ عيب كده، البحرين باعتة منتخب لاسرائيل؟ 

يعني احنا بقالنا تلاتين سنة عاملين زفت الطين سلام على دماغنا وحتة بت اسرائيلية ما عرفتش تعرض فيلمها هنا في سفارة فرنسا، تقوم البحرين تبعت المنتخب بتاعها لاسرائيل؟ 

والطراش بتاع زيارة المسجون مش السجان ده تخريف ده.. حالة فلسطين مش محتاجة تشبيه مجازي عشان نفهمها، دي حالة واضحة

دولة قائمة على انقاض دولة تانية، واي تعامل مع مؤسسات الدولة المستحدثة هو مكسب للدولة المستحدثة واعتراف منك بيها وبشرعيتها. نقطة من اول السطر. انتهينا من الموضوع ده

وبلاش طراش تاني بتاع: ماهي دولة غصب عنك هو اعترافك اللي حيفرق

اه

يفرق ويفرق قوي.. بدليل ان اسرائيل مهتمة قوي اني اعترف بيها، وقومت الدنيا وما قعدتهاش لما البت المجندة ما عرفتش تعرض فيلمها هنا

وفرنسا طالع تلاتينها بسبب اللي حصل ده (تستاهل كل خير زفتة فرنسا دي ماهي عنصرية) وبدليل ان اسرائيل اللي "دولة غصب عنك ومعترف بيها في الامم المتحدة والعالم كله بيعترف بيها وفيها انتخابات مش عندك" وبلا بلا بلا

سايبة كل العالم المعترف بيها ده، وبيديها فلوس وواقع تحت سيطرة بلطجتها وسايبها تموت الناس على كيفها، وماسكة في خناق مين؟ مش حتى في خناق حماس وللا حزب الله - لانها ما تحلمش تطلب منهم طلبات زي دي - ماسكة في خناق محمود عبااااااس تقول له: قول ان انا دولة يهودية، قول انك معترف بحقي في الوجود

لدرجة ان محمود عباس نفسه نطق وقال: ايه حكاية قول انك معترف بحق اسرائيل في الوجود دي؟ ماهي موجودة وادي الله وادي حكمته، ليه عايزين ينطقوني بالاجبار ان اسرائيل لها حق في الوجود؟

ليه؟ اهو محمود عباس قالها، ردوا عليه، ليه؟ 

اشمعنى اعترافنا احنا دونا عن اعتراف العالم كله اسرائيل حايحة عليه كده؟ 

عشان احنا المسروقين، ولما اسرقك وتقول لي: خلاص مسامحك في اللي سرقتيه انت كده حسستني بالامان ان عمرك ما حتقولي هاتي اللي عليك

امم متحدة امم منتحرة ماليش فيه

مافيش تعامل مع اسرائيل، ولا سفر لاسرائيل، ولا اعتراف بما يسمى بحق اسرائيل في الوجود على الاقل من جانبنا

اذا كنا مش عارفين نعمل حاجة غير كده، فكده كفاية، اذا كنا احنا خايبين مش لازم نقدم تنازلات اكتر من كده، يمكن عيالنا وللا عيال عيالنا يعرفوا يعملوا حاجة، مش لازم نورط نفسنا، ونورط احفادنا لميت سنة قدام كمان، كفاية احنا اتورطنا

والفلسطينيين نفسهم بيقولوا لنا ما تجوش

اهل البيت وادرى بنفسهم يا اخي ده ايه الغلاسة دي

واحنا مش مقاطعين اسرائيل عشان خاطر فلسطين ولا الفلسطينيين، احنا مقاطعين اسرائيل عشان هي عنصرية وخطر على الانسانية وعلى امن كل الدول المحيطة بيها

ومالهاش اي حق في الوجود، كيان مزيف ومالوش حق في الوجود، ووجوده جريمة لا تسقط بالتقادم، ومش جريمة في حق الفلسطينيين بس، جريمة في حق الانسانية، واي انسان يقبل بوجود اسرائيل وما يرفضش وجودها ولو بقلبه يبقى انسان خنزير ومش محترم ومافيهاش اختلاف في الراي دي، ده زي اللي بيحب النازيين كده، مش محترم، واللي مش كاره وجود اسرائيل مش محترم وياخد بالجزمة القديمة على بقه، على الاقل بقلبك يا اخي قلها ووشوش بيها ولادك

والمنتخب البحريني ده لازم يتفضح فضيحة المطاهر يوم طلوعه ع المعاش وفضيحة ابراهيم زغلول اشهر طفل في مصر حاليا

لحد ما يرجع في كلامه وما يروحش

ادوله بالجزمة

ماحدش يلعب مع البحرين دي تاني ابدا اذا حتبعت المنتخب بتاعها

فين البحرانية دول كل يوم عاملين مظاهرة، ساكتين ليه؟

الظاهر العيال ما خرجوش

لما نزلت كان الامن عايز يودي العيال محافظات مش يفرج عنهم من القاهرة

رجعت وعرفت ان مصطفى ماهر شقيق احمد ماهر بيتعرض للضرب للضغط على اخوه في القسم!!!!

خليهم خليهم، كل شوية بيتجننوا اكتر وجنانهم حييجي على دماغهم

مين بقى اللي عامل فولو لعبد الله كمال على التويتر؟ البني ادم ده يتعمل له بلوك من كل الناس لحد ما يلاقي نفسه لوحده على التويتر وعلى الفيس بوك كمان

ده يا قلب امه عامل لروحه موقع كمان ههههههههههههههه

البيان ده وصلني بالميل ولو اني ما اعرفش مين الجهة دي بس قلت انشره برضه

بيان صحفي 7/4/2010
المؤسسة تدين الاعتداءات الأمنية على
متظاهري 6 أبريل وترحب بقرار الإفراج عنهم
تعرب المؤسسة العربية لدعم المجتمع المدني وحقوق الإنسان عن بالغ إدانتها للاعتداءات الأمنية على المتظاهرين المصريين والذي حدث امس الثلاثاء 6 ابريل ، وكان المتظاهرين وأغلبهم من الشباب المنتمين لحركة 6 أبريل وقوى سياسية وحزبية ، كانوا ينوون التظاهر أمام مجلس الشعب لتوصيل مطالبهم بعدم مد حالة الطوارئ .
وقد احاطت قوات الأمن وسط القاهرة أمس الثلاثاء ، وتواجدت بقوات كبيرة في ميدان التحرير وأمام مقار الأحزاب خاصة مقر حزبي الغد والتجمع بميدان طلعت حرب ، وامام مقار النقابات الرئيسية خاصة المحامين والصحفيين .
واعتدت قوات الأمن بدنيا على المتظاهرين من الشباب والشابات أمام مجلس الشوري حوالي الساعة الثانية عشر والنصف ظهرا ، كما اعتدت على متظاهرين اخرين وأعضاء بحزب الغد أمام مقره الرئيسي ومنهم نجل مؤسس الحزب د. ايمن نور ، ومنعتهم من الخروج من مقر الحزب.
كما منعت عشرات الصحفيين والإعلاميين من تغطية اليوم ، وقامت بسحب كاميراتهم ، ومنعت فضائية الجزيرة من التغطية منذ الصباح الباكر .
واعتقلت قوات الأمن ما يقرب من 80 متظاهرا ، عرض البعض منهم مساء الثلاثاء على نيابة قصر النيل ، بينما أفرج عن عدد محدود في ذات اليوم .
وقد أحاطت قوات أمنية كثيفة مقر نقابة المحامين ، بعدما اعتصم عشرات الشباب ، ونظموا مظاهرة داخل مقر النقابة ، رددوا فيها هتافات ضد النظام الحاكم وقوات الأمن.
وترحب المؤسسة بقرار السيد المستشار عبد المجيد محمود النائب العام الإفراج عن كل من احتجز على ذمة تظاهرات الأمس ، وتطالبه بالتحقيق في الاعتداءات التي حدثت على المتظاهرين.
وتتناقض هذه الاعتداءات مع كافة مبادئ الدستور والمواثيق الدولية لحقوق الإنسان التي تؤكد على حق التجمع السلمي . وهو الحق الذي أكد عليه الدستور المصري في المادة 54 التي نصت على (للمواطنين حق الاجتماع الخاص في هدوء وغير حاملين سلاحا دون حاجة إلى إخطار سابق ولا يجوز لرجال الأمن حضور اجتماعاتهم الخاصة ، والاجتماعات العامة والمواكب والتجمعات مباحة في حدود القانون)
وتطالب المؤسسة وزارة الداخلية باحترام حق التظاهر السلمي والمقر به دستوريا ووفقا للمواثيق الدولية لحقوق الإنسان التي وقعت عليها الحكومة المصرية. .
------------
انتهى البيان
كمان الجمعية الوطنية للتغيير قدمت بيان للنائب العام
العيال اللي انضربوا امبارح اجدع ناس وارجل ناس بنات وولاد وما يستاهلوش غير كل احترام وتقدير ويتشالوا على الراس من فوق
ومش مسموح لحد انه يهاجمهم.. كده، مافيش ديمقراطية في الموضوع ده

 

السعودية تحذر العريفي

وقالوا له في حال سفره لاي من الدول الممنوع السفر اليها فهو يضع نفسه تحت طائلة القانون
تحديث: بعد ما اسرائيل قالت له عاطف عاطف تعالى فيه مكان، وقالت له خد الفيزا من سفارتنا في الاردن :) وبعد ما حماس قالت له كخ كده كخ، وبعد ما السعودية زمجرت له
العريفي تراجع عن زيارة القدس
ابقى اتغطى بقى كويس وانت نايم يا عم الشيخ

اخلاء سبيل الجميع بضمان محل الاقامة

مساء الخير عليكوا يا شباب

مساء الخير عليك يا مصر

مساء الخرا على دماغك يا عوكل انت ودلاديلك ومن شايعك ومن والاك ومن سكت عليك وعلى الطين والخراب اللي بتحطه على دماغنا

تم اخلاء سبيل الجميع بمحل اقامتهم، واورد اسماء المحامين اللي اتبهدلوا واتمرمطوا امبارح في الجري ورا العيال عشان نشكرهم واليكم قائمة الشرف:
المحامين

"سيد فتحي, احمدحسن,اسامه خليل,مالك عدلي,حسام حداد,روضه علي، محمد انصاري,وليد سيد,محمد عيسى,رضامرعي,احمدابوالمجد,احمدحسني,محسن بشير,هيثم محمدين,سيد ابوالعلا,احمدعزت، وجالهم دعم ليلا من احمد فوزي,احمد راغب,خالد علي, ومحاميين تانيين ياما انا معرفش اساميهم، 
ولجنة المتابعة اللي اتكونت من منظمات متعدده واختارت هشام مبارك كمقر, احمد فوزي,عايدة سيف الدولة,حسام بهجت,عماد مبارك,مها ابو عوف، خالدعبدالحميد,احمدراغب,رامي رؤوف، ورجب عبدالحميد,
انشروا اسماء المحامين واشكروهم بجد هم ولجنة المتابعة,المحامين فضلوا من الساعه 6 المغرب لحد تاني يوم 8 الصبح في المحكمة والبرد، والأستاذه راجيه عمران, انا مكنتش في لجنة المتابعة, ولا كنت عضو في الجبهه, بالتالي انا كنت بستلقط الاخبار, مكنتش مصدر, ولا كنت مسؤول عن حاجه."
-----------
هههههههههههههههههههههههههههههه
باضحك عشان هم هم بتوع كل مرة
---------------وكل الشباب ممتن جدا للفنانة محسنة توفيق.. بصراحة انا جالي اذبهلال وذهول، اقول وللا ما اقولش؟ اصلها تعبانة يعني ، صحتها ما تسمحش قوي بانها تعرض نفسها للبهدلة دي، وهي كانت عارفة ان حيبقى فيه بهدلة، لو كانت سألتني كنت منعتها بالقوة الجبرية انها تعرض نفسها لحاجة زي دي ولو اروح لها البيت واقفل عليها بالمفتاح
عشان كده ما سألتنيش واخدتنا كلنا على خوانة هي وعمو احمد

عاجل: نحتاج اعاشة للمعتقلين تسلم لمركز هشام مبارك

العيال الظاهر حيباتوا وللا ايه؟
محتاجين اعاشة، اللي هي زيارات يعني للسجن، اللي عايز يبعت حاجة يتصل بخالد عبد الحميد ومالك مصطفى
مالك مصطفى 0121340370 خالد عبدالحميد 0106114257

عااااجل.. مش عارفة اقول ايه؟

التحديثات اسفل الروابط
المواقع التي يمكنكم متابعتها لمتابعة الاخبار:
جبهة الدفاع عن متظاهري مصر


الشبكة العربية


التويتر مالك مصطفى وستة ابريل

ولأي طوارئ رجاء الاتصال بمركز هشام مبارك للقانون

تحديث: الساعة 1:25
معلومات جديدة عن المعتقلين

تحديث: الساعة 1:13 يوم 7 ابريل

الداخلية مقدمة بلاغ في 33 من المقبوض عليهم انهم اعتدوا على الامن وبيدعوا ان فيه 23 اصابة في الامن

كده بقى ربنا يستر

عايزين يعملوها زي المحلة بالظبط

تحديث:
تقرير العاشرة مساء كان كويس
  تحديث:
الافراج عن 20 من المعتقلين

تحديث:
البرادعي يدين ما حدث وسيعلن موقفه بشكل رسمي
تحديث:
المنصورة حصل فيها لبش بس من غير اعتقالات
تحديث:
البي بي سي انجليزي نزلت خبر
تحديث:
الحمد لله اخيرا الواشنطن بوست نزلت فيديو


تحديث:

تحديث:
فيه اربعة في اسكندرية كان مقبوض عليهم وافرج عنهم
تحديث


مواطن مصري جاب لي لنك يدعوت احرنوت عشان هم اللي غطوا
تحديث:
دلوقت منى الشاذلي قالت ان حاتم خيري مراسل دريم اتقبض عليه وافرج عنه بعد ساعات طويلة واتاخد منهم الكاميرا ورجعوها لهم فاضية من غير الشرايط
تحديث:



تحديث:

الافراج عن جانيت عبد العليم وصفا سليمان بعد ضربهم في عربة الترحيلات

مش عارفين حيعملوا في التسعين واحد الباقيين ايه؟

وكالات الانباء الناطقة بالانجليزية زي البي بي سي ورويترز والسي ان ان ما جابوش الخبر بالانجليزي

الخبر موجود على البي بي سي العربي ورويترز العربي بتقول ان المتظاهرين "تعاركوا" مع الشرطة

انا برضه عايزة افهم فيه ايه؟

تحديث:
قنا البي بي سي عربي عملت تغطية على شكل تعليق
لا بجد.. هو الايرانيين بني ادمين واحنا كلاب مثلا؟
الحفلة اللي عملها النظام بالتعاون مع زفت الطين حماقي - اللي قررنا نعمل عليه حملة مقاطعة - قلبت بنكد والحمد لله

تحديث:

لم تعلق اي من الفضائيات على ما حدث اليوم الا قناة الجزيرة وراحت جايبة لنا جمال عبد الجواد من لجنة السياسات يقول اللي حصل النهاردة دليل على الديمقراطية ولو شفتي المظاهرات في الدنمارك حتقولي ان الدنمارك اكبر ديكتاتورية

لا تعليق

تحديث:
قائمة باسماء المعتقلين من موقع جبهة الدفاع عن متظاهري مصر

1. احمد إبراهيم عوده

2. احمد الميرغني

3. احمد سعيد دومه

4. أحمد سمير عبد الحي

5. احمد شوقي إبراهيم

6. احمد عبد المنعم عبد المنعم

7. أحمد عبد الوهاب

8. أحمد عبد ربه برعي

9. احمد عيسوي نصر

10. أحمد محفوظ عبد السلام

11. احمد محمد أسامة

12. أحمد محمد حسن حميد

13. أحمد محمد خيري

14. احمد محمد معوض

15. أحمد محمود فتح الله

16. احمد نجيب سيد

17. إسلام أنور محمد

18. إسلام محمد

19. إسلام محمد عبد العظيم

20. إيهاب احمد مصطفى

21. تامر عبد الوهاب

22. جانيت عبد العليم

23. حامد سامي

24. حامد محمد

25. الحسن عقيل

26. حسن ماهر محمود

27. حسيني صلاح حسيني

28. حمد عبد السلام

29. خالد عز الدين

30. خالد محمد السيد.

31. خالد محيي الدين

32. روماني صومائيل جبرائيل

33. رياض أحمد مصطفى

34. سليمان عوني الفاجوني

35. سمير جاد الحفناوي

36. سمير سيد عبد الرسول

37. شادي فكري حسن

38. شريف عبد المنعم

39. شريف محمد

40. شريف محمد هاني

41. شهاب عبد المجيد وجيه

42. صفا سليمان

43. طارق أبو العلا

44. طارق رأفت الدويري

45. طه العيسوي

46. عبد الحميد مدحت عبد العظيم

47. عبد الرحمن سيد عبد المجيد

48. عبد الرحمن عماد الدين

49. عبد الرحمن فارس

50. عبد العظيم إسماعيل

51. عبد الله طاهر

52. عبد الله يحيي سعداوي

53. عربي كمال فرغلي (محامي)

54. علاء محمد على

55. عمرو أسامة

56. كامل عرفه كامل

57. محسن رشاد

58. محمد أحمد عبد السلام

59. محمد احمد عبده

60. محمد احمد محمد

61. محمد حازم محمد

62. محمد زغلول عطا

63. محمد سامي على

64. محمد سعد الله

65. محمد سيد جمعه

66. محمد شكري

67. محمد عبد العظيم سلامه

68. محمد عبد المجيد محمود

69. محمد عواد

70. محمد فتحي محمد

71. محمد محيي الدين فاضل

72. محمد مهدي عبد المقصود

73. محمد ناجي

74. محمد يحيى

75. محمود حازم محمد

76. محمود دهشان أحمد

77. محمود سامي

78. محمود مصطفى

79. محمود ياسر

80. محمود ياسين عبد الواحد

81. مصطفى الشامي

82. مصطفى فؤاد أحمد

83. مصطفى ماهر

84. معوض سعد

85. نادر سعد عبد العاطي

86. نبيل عبد الستار صادق

87. هاني جمال عوض

88. وائل عبد الرحمن

89. وسام عطا جاويش

90. ياسر محمد مصطفى

91. يوسف عادل مزروع

92. يوسف عماد يوسف

تحديث:

انا لازم اوصل للفنانة محسنة توفيق كم الامتنان والسعادة والحب اللي على التويتر لها وقد ايه فرحوا لما عرفوا انها كانت موجودة :) وبيقولوا لها بنحبك يا بهية

تحديث وندااااء:


عائل واحد اسمه مصطفى فؤاد احمد مش عارفة عنه حاجة وبتتصل بالمصري اليوم وماحدش عارف هو فين، اخر كلام من مركز هشام مبارك ان المعتقلين تسعين واحد بس لسه لحد دلوقت ماحدش يعرف مصطفى فؤاد احمد فين، رجاء اللي يعرف عنه حاجة يتصل بالمصري اليوم او بمركز هشام مبارك او بالشبكة العربية او يسيب تعليق هنا وانا اقول لهم على التويتر لو انت مش على التويتر
تحديث :

ده انت طلعت خفيف قوي يا مبارك.. ايه اللي عملته ده؟
فيديوهات فيديوهاااااااااات.. اي حد عنده فيديوهات ينشر
تحديث:
احمد عبد الفتاح يكتب شهادته: حين تضامنت معي الفنانة محسنة توفيق
!!!!!!!
طنط محسنة راحت؟
ولمتابعة الاخبار اولا باول تابع موقع الشبكة العربية


تحديث:
هي وكالات الانباء العالمية دالقانا ليه؟ مش ده نظام مبارك اللي بيدوله فلوس وبيدربوه عشان يحارب الارهاب؟ هو ده الارهاب؟ بنات ضلوعهم تتكسر ويتحرشوا بيهم؟ هو احنا ما نشبهش الايرانيين؟ هم الايرانيين معمولين من دهب واحنا معمولين من كاكا؟ هم يقعدوا العالم كله يأوأ عليهم واحنا هنا مرميين في التلاويت ومشدود علينا السيفون ولا كأن اللي انضربوا واتسحلوا دول شوية صراصير؟ هو احنا مش بني ادمين زينا زيهم وللا ايه؟ مافيش غير التغطية دي
تحديث:
المدون احمد عبد الفتاح اخد مطواة في وشه من الامن.. ونعم البلطجية والله، بيرفعوا الناس بمطاوي؟ هو شوية وحينزل تغطيته على مدونته


تحديث:

انا ساكنة جنب جامعة عين شمس ومن الصبح الجامعة عاملة حفلة والرقص والغناء لا ينقطع من بيت الفاجر ابو سهيل
اه يا نظام فاشل كل دعائمه محمد حماقي وماتش كورة وبلطجية يكسروا دراعات الناس
يا فاشل يا فاشل يا فاشل يا فاشل يا فاشل يا فاشل يا فاشل يا فاشل يا فاشل يا فاشل يا فاشل
ياللي حتى ما عرفتش تلم الزبالة من الشارع
ياللي ما عرفتش تحل ازمة انابيب بوتجاز
ياللي كل ما تتزنق ولو في رغيف عيش تنزل الجيش
ياللي ما عرفتش تحل ازمة انفلوانزا الخنازير غير بانك تقتل الخنازير والخنازير مالهاش اي صلة بالانفلوانزا يا جاهل يا جاهل يا فاشل
ياللي شوية فراخ عملوك دولة وبائية
ياللي ما بتعرفش تكسب شعبية الا تعمل ماتش كورة
يا فاشل يا فاشل يا فاشل
يا ساقط.. ولا لك ملحق.. انت اللي زيك يطلع من المدرسة ويروح اي ورشة وان المعلم رضي بيك اصلا يا فاشل يا فاشل يا فاشل يا فاشل يا فاشل يا فاشل يا فاشل يا فاشل وكما قال محمد حسان: يا افشل اهل الارض
تحديث:
ايه ده؟ ايه ده؟ ايه ده؟ هم اتجننوا في مخهم؟ النظام اتجنن في مخه؟
اولا: المظاهرة دي كانت مظاهرة ستة ابريل، وكلنا كنا متوقعين ان ناس يتقبض عليها، بس انا كنت فاكرة انها حتبقى زي مظاهرة التعديلات الدستورية سنة 2007 اقصى حاجة.. ما كنتش متوقعة انهم يقلبوها المحلة
الاصابات كتيرة، والاعتقالات على حسب التويتر عددها كبير قوي
ثانيا: دول حاولوا يعملوا هاك على موقع البرادعي وموقع ستة ابريل
هم اتهبلوا فعلا
---------------
لسه جاية من برة ووصلتني رسالة من فنون بتقول لي العيال اللي نزلوا المظاهرة النهاردة قدام مجلس الشورى اتبهدلوا

فتحت الاكاونت بتاع مالك على التويتر لقيت مساخر

اتقبض على ناس كتير، حوالي 40 او خمسين، والامن استخدم عناصر نسائية لاول مرة لمطاردة النساء على حسب كلام مالك واتقبض على محمود مخلوف 60 سنة وضربوا بنات كتير وقفلوا على حزب الغد بعدد من عربيات الامن المركزي وفيه تويتة لمالك بيقول:

"تحرش، كسر اضلع، شرطة نسائية، مطاردات في الشوارع والدنيا ربيع والجو بديع".

شرطة نسائية؟ لالالالا مش دي حقوق المرأة اللي كنا عايزينها

وبيقول ان البنات حالتهم سيئة، واكتر من 8 بنات مصابين، وان المحتجزين في مبنى تأمين المركبات في طريق مصر الاسماعيلية

بصوا ده اكاونت مالك على التويتر للمتابعة

واللي عنده مشكلة يتصل بمركز هشام مبارك للقانون

هي المظاهرة دي كانت على ايه؟

دعوة شرعية للتطبيع

اللهم قوي ايمانك يا حااااااج

اسمع بقى حد بيدافع عن موقف الشيخ ده، ده حياخد ختم اسرائيلي على باسبوره، وقال ايه خايف من غدر اليهود؟ دول حيتحزموا ويرقصوا، بقى الفنانين هنا يعملوا معركة عشان مجندة اسرائيلية ما تعرضش فيلمها في السفارة الفرنسي وعم الشيخ رايح اسرائيل وكمان عايز يلبسنا جميلة ويفهمنا انه رايح يناضل؟ هو من قلة الشيوخ في فلسطين؟ رايح يعلم الفلسطينيين عربي؟ وللا دين؟ دول يعلموه ويعلموا اللي يتشدد له، وللا رايح يخرب دماغهم بالتقويم على عباد الصليب والروافض وتكفير الناس عاطل في باطل وتحريم الزواج من الصوفية؟
وللا يمكن رايح يعمل عملية استشهادية؟ وللا حينزلوه في الانفاق؟

ندااااااء: الحقوا شارونة مغاغة قبل ما تقلب فتنة طائفية

فيه احتقان دلوقت في حتة اسمها شارونة مغاغة في المنيا ويمكن تقلب حاجة مش كويسة

الموضوع وما فيه، ان واحدة مسيحية متزوجة ماتت - الطب الشرعي قال حمى نفاس واهل البلد بيقولوا اتقتلت - وواحد مسلم، يذكر انه كان صاحبها، لقوه مقتول، واهل البلد قالوا اهل الست هم اللي قتلوها وقتلوا الراجل، قام البوليس بمنتهى النباهة اتدخل واخد واحد من العيلة المسيحية يقرره قام الواد مات في ايدهم.

ودلوك الموضوع كبر جوي، لان اهل المسلم عايزين حجهم، والمفروض ان فيه تلات حلول، يا اما حد من اهل المسيحية يروح شايل كفنه ويعملوا صلح، وده عايوبجى واعر جوي لان ميت لهم واحد في الجسم وكماني الواد اللي انجتل فاجر، واهل المسلم مالهمش صالح باللي مات في الجسم ده الحاكومة هي اللي جتلته والواد خرع وما استحملش الضرب وكماني المسيحية متجوزة يوبجى الواد ينجتل لييييه؟ الحل التاني ان اهل المسلم يجتلوا لهم احسن واحد في عيلة البت المسيحية، وطبعا اهل البت ما عايسكتوش، الحل التالت يدخلوا معركة (واللي كلمني يحكي لي الحكاية قال لي هي بيبقى اسمها معركة وبيحضروا لها وكده كأنها معركة.. يعني حتى ما اسمهاش عركة) واللي ينجتل في المعركة مالوش دية وكل واحد وشطارته بجى والبوليس عا يتعامل معاها على انها جتل خطأ والقاتل في المعركة دهين ما عاياخدش اكتر من تلات سنين (انا عمري ما شفت ناس بتخطط للقتل الخطأ) جم شوية ناس متعلمين جالوا لهم يا ناس .. يا عالم.. الموضوع اكده عاجلوب بدد (لان زي ما انتوا شايفين الموضوع لحد دلوقت هزار، مش عايزينه يقلب بجد) طبعا هو الموضوع فيه بعض المشاعر الطائفية بس طائفية مصرية جميلة اصيلة بعيدة عن الاجندات الخارجية يعني: المسيحيين شايفين ان كيف الواد المسلم ينط على بتنا، والمسلمين شايفين انه وايه يعني لما نط على بتكوا تجوموا تكتلوه؟ دي حتى بتكوا مسيحية امال لو كانت مسلمة شوية كنتوا عملتوا اييييه؟ وكمان تدخل الشرطة بذكائها عك الدنيا زيادة

هييييه.. انا باحب الصعايدة، ومعظم صحابي صعايدة، وبارتاح في المعاملة معاهم، بس انا اتخنقت منكوا خلاص، انا عارفة الدماغ دي على فكرة، حتى اللي بيبقى مولود في بحري واصله صعيدي بيبقى هي نفس الدماغ دي، الظاهر جين، ما ينفعش اكده واصل، انتوا عاملين لنا مشاكل ومفرجين علينا الدنيا

وبعد كده الشباب والبنات المسلمين والمسيحيين يبطلوا مياصة وقلة ادب، لا مسلم يحب مسيحية ولا مسيحي يحب مسلمة

المهم الموضوع لازم يتلحق قبل وقوع المعركة اللي بيخططوا لها، وياريت الشرطة تطلع منها، ما بتعرفش تحل، ما اعرفش مين ممكن يروح ويحاول يحل بين العيلتين، لو شخصية عامة، او حد محبوب يروح ويحل ويعمل صلح ويبقى واثق انهم مش بيهاودوه وياخدوه على قد عقله وبرضه اللي في دماغهم في دماغهم، انا عارفاهم اصلي وعارفة حركاتهم دي

المهم المشكلة تتحل قبل ما تتحول من قضية شرف وتار لقضية طائفية

عاجل: اطلاق سراح احمد مهنى

حمد الله ع السلااااااااااااامة

احمد مهنى خرج... كان مالك عدلي من مركز هشام مبارك كلمني النهاردة الصبح وقال لي هو اتقبض عليه عشان جوز اخته اخوان

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

كام علامة تعجب كفاية؟

فيديو مبكي

فيه واحد ساب لي الفيديو ده في تعليق... وعمل فيا مغرز، يعني ما جابش سيرة اي حاجة تؤهلني للي حيحصل في الفيديو، كتب لا تعليق، انا فاكرة حاخش اشوف اي حاجة من اللي اتعودنا عليها.. شفت ده

:'(
وقعدت اعيط بصوت عالي وفتحت جاعورتي زي العيال الصغيرة لوحدي في الاوضة.. وايه وزير التعليم الكلب ده؟ ايه ده؟ ازاي يعملوا كده الكلاب دول؟ وبنت متفوقة، ازاي يكسفوها ويحرجوها ويجرحوا مشاعرها على الملأ كده ويخلوها تعيط يوم نجاحها، والوزير يرد عليها بالقسوة دي كأنه بقى ظابط جيش بيرد على اسير مش ظابط حتى شرطة ماسك مجرم.. قال وانا اللي باقول قلبنا بقى قاسي؟ ده احنا نسمة على كده

تعقيب الخارجية المصرية بشان ازمة مهرجان المركز الثقافي الفرنسي للافلام القصيرة

406/محلى 4 0161 أ ش أ

مصر/فرنسا/الخارجية

زكى يستغرب موقف الخارجية الفرنسية بشأن أزمة المركز الثقافي الفرنسي بالقاهرة

القاهرة في 3 أبريل /أ ش أ/ استغرب المتحدث الرسمي باسم وزارة الخارجية السفير حسام زكى , التصريحات الأخيرة الصادرة عن الخارجية الفرنسية بشأن الأزمة التي تسبب فيها المركز الثقافي الفرنسي بالقاهرة , والتي أسفرت عن انسحاب فنانين مصريين من المشاركة في لجنة تحكيم المهرجان السينمائي الذي يرغب المركز في تنظيمه في وقت لاحق من الشهر الجاري .

وقال المتحدث , في تصريح لوكالة أنباء الشرق الأوسط , إن "الفنانين المصريين مارسوا حقهم الكامل بالمشاركة في أو الاعتذار عن أي فعالية ثقافية انطلاقا من مواقفهم و رؤاهم , وأن هذا الحق مكفول لهم وفق الدستور المصري , وبالتالي فمن غير المقبول من أي طرف أجنبي أن يعلق عليه " .. مضيفا : " إننا لا نعلق من جانبنا على مواقف السينمائيين الفرنسيين التي يتخذونها وفقا لقناعاتهم " .

وأشار المتحدث إلى أنه "كان من الأوفق أن يسعى الجانب الفرنسي لمحاولة تصحيح الأخطاء التي وقع فيها بدلا من التعليق على مواقف الفنانين المصريين " .

ط ق / ع ط

أ ش أ

18:02 جمت 10/04/03

القبض على احمد مهنى

 تحديث 
تحديث: اخر اخبار جات لي ان فيه وقفة الساعة حداشر عند النائب العام بكرة ان شاء الله

مهنى في قسم الاميرية، والقسم بينكر وجوده، والشباب واقفين قدام القسم

-------------
انا عارفة الخبر من الصبح بس كنت طول النهار برة البيت وقلبت بخناقة في نهاية اليوم... المهم احمد مهنى مدير دار نشر دون

عشان اصدر كتاب: البرادعي وحلم الثورة الخضراء

هجموا عليه في الفجر، واخدوا جهازه وتقريبا جهاز باباه حاجة كده، المهم قلبوا لهم البيت، وبقينا مش عارفين هو فين لحد ما خالد علي ومركز هشام مبارك عرفوا انه في مديرية امن الدولة وهم متابعين واي تحديثات ح ابلغكوا بيها

بيان نقابة المهن السينمائية بخصوص مهرجان لقاء الصورة السادس الذى ينظمه المركز الفرنسى للثقافة والتعاون بالقاهرة

تابعت النقابة بترقب شديد الأحداث التى وقعت فى الاسبوع الاخيرمن شهر مارس وحتى الاول من شهر ابريل والتى خصت مجموعة من السينمائيين أعضاء النقابة الذين انسحبوا واحدا تلو الاخر من مهرجان لقاء الصورة السادس بسبب عرض فيلم لمخرجة اسرائيلية تعمل بالجيش الاسرائيلى.

هؤلاء السينمائيين أبدوا انزعاجهم الشديد من اختيار الفيلم وفرضه عليهم بدون الرجوع اليهم و سحب الفيلم بدون الاعتذارعن اختياره و قرار وزارة الخارجية الفرنسية باعادة عرض الفيلم للبرنامج رغم ارادة السينمائيين المصريين الرافضين لعرض الفيلم. ثم ما قامت به بعض الجهات الفرنسية بمحاولة تشويه سمعة السينمائيين الذين انسحبواواتهامهم بالعنصرية ومعاداة السامية.

وحيث أن أتحاد النقابات الفنية التابعة له نقابة المهن السينمائية قد اتخذ قرارا برفض كل أنواع التطبيع الثقافى والتعامل مع فنانين اسرائيليين ورفض عرض أعمال فنية لاسرائيليين بمصر,وذللك للممارسات العنصرية والانتهاكات الوحشية التى يمارسها الكيان الصهيونى تجاه الفلسطينيين وتجاه الانسانية.

وعليه فنقابة المهن السينمائية تعبر عن استيائها البالغ لما قام به المركز الفرنسى من اختيار فيلم المخرجة الاسرائيلية ولما قامت به وزارة الخارجية الفرنسية باعادة عرض الفيلم جبرا بعد أن تم سحبه اعترافا بالخطأ.

وتتضامن نقابة المهن السينمائية مع المؤسسات الثقافية والفنية المصرية التى سحبت أفلامها المشاركة بالمهرجان كالمركز القومى للسينما والمعهد العالى للسينما.

وتتوجه النقابة بالتحية والتقدير لأعضاءها أصحاب الوطنية والضمائر المخلصة الذين انسحبوا من أنشطة المهرجان واتخذوا وقفا مشرفا يليق بهم وبمصريتهم وبنقابتهم.

وتهيب النقابة بالجهات الأجنبية العاملة بمصر ضرورة مراعاة ثوابت الشعب المصرى وضرورة احترام ثقافته ومواقفة الأساسية الثابتة.

وتطالب النقابة الجهات الرسمية المصرية وعلى رأسها وزارة الخارجية المصرية بضرورة التصدى لمحاولات اختراق الثوابت الوطنية والاساءة للسينمائيين المصريين.

وتدعو النقابة السينمائيين من أعضاءها الى مقاطعة أنشطة مهرجان لقاء الصورة السادس الذى سيقام فى الفترة من 8 الى 15 ابريل تماشيا مع القرار الذى يقضى برفض التطبيع مع الكيان الصهيونى.

نقيب السينمائيين

مسعد فودة

بيان المعهد العالى للسينما

يستنكر المعهد العالى للسينما مابدر من المركز الفرنسى – والذى يعتبره المعهد غير مبرر على الاطلاق-  بان يقوم المركز المذكور بسحب أفلام المعهد حتى يعرض فيلم أيا كانت جنسيته مما يشكل اهانة ترفضها أسرة المعهد التى تذكر المركز بأنه مقام على أرض مصرية وان الت ملكيته الرسمية والقانونية الى جهات أخرى.وأن الالتواء والتعالى مرفوض تماما ولا يشكل تصرفا يليق بمركز يعلن أنه ثقافى أيا كانت جنسيته.

ونحن بالتالى نعلن من جانبنا وقف التعامل نهائيا وتماما مع هذا المركز

  أسرة المعهد العالي للسينما

-----------

تحديث: 
احمد ناجي بلغني ان عزة شعبان سحبت فيلمها .. الحمد لله، ربنا يهدي الباقي
بقى ستة لسه ما انسحبوش من المهرجان

فيه تلاتة بيحاولوا يقنعوهم هههههههههههههههههه هي بقت كده؟

وتلاتة تانيين عايزين نعمل لهم فضيحة ابراهيم زغلول

نيفين شلبي: مخرجة، والفيلم بتاعها بتدور احداثه في برلين عن مجموعة عرب واسرائيليين بيتقابلوا وبيبقوا حلوين وسمنة على عسل

واحمد رحال

وعزة شعبان، فيلمها اسمه يحدث الان في غزة وغالبا حيبقى حاجة خرا زي عجمي كده

دول التلاتة اللي مصممين انهم يفضلوا يعرضوا افلامهم في المهرجان ده

اولا المهرجان ده كسر مناخير، فرنسا بتتعامل معانا على اننا خدامين ابوها وجايبة لنا اسرائيلية خدمت في الجيش الاسرائيلي وحرقت عيال صغيرة غصب عن بوزنا ومطرح ما نحط راسنا نحط رجلينا

والتلات عيال دول بقى مدام بيحبوا اسرائيل كده وبيشتموا اي حد يحاول ينصحهم ونيفين شلبي طالعة تقول دول بيستعرضوا - وانا مش عارفة والله مين اللي بيستعرض ما عندهاش مانع تعمل اي حاجة عشان تعرض فيلمها وعايزة تعمل ضجة عشان الناس تقول اسمها؟ خلاص يعني، للدرجة دي هي مخرجة فاشلة ومش موهوبة هي وجوز العصافير التانيين لدرجة انهم عارفين ان ماحدش حيرضى يبص في افلامهم ولا يرضى يعرضها الا لما يقلعوا مالط؟ 

 وللدرجة دي راغبين في الشهرة وعارفين انهم مش مستحقينها وبيعملوا اي حاجة؟

طب ما يهاجروا اسرائيل وخليها تنتج لهم افلام وتبسطهم وتظبطهم.. وللا اسرائيل مش حترضى بيهم

والله ما ترضى بيهم

اللنك ده فيه حوار مع نيفين شلبي وفيه صورتها عشان تعرفوها

وان شاء الله نجيب صورة عزة شعبان واحمد رحال ونكتب عليهم 

wanted

جندية اسرائيلية قتلت عيال ما تجيش مصر بوصفها مخرجة وتعرض خراها هنا

واذا كانت السفارة الفرنسية ارض فرنسية، طب هو مافيش ارض فرنسية غير اللي في مصر؟ طب فرصة بقى يطلع تلاتين فرنسا العنصرية

طب احنا كمان نعرض في السفارة المصرية فيلم من اخراج واحد في تنظيم القاعدة من امتى الحرية دي واحترام البني ادمين؟ وللا البني ادم لازم يبقى جندي اسرائيلي حرق اطفال رضع عشان يبقى محترم؟ لكن المنقبات يقف رئيس الدولة يشتمهم على الملأ وهم مواطنات عنده وبيخدمهم، دول مش بني ادمين ومش محترمين، صحفي يعمل حوار مع بن لادن يتقبض عليه لمجرد انه عربي عمل حوار مع بن لادن ويتحط في السجن، صحفي يغطي الحرب في العراق يا يموت يا ياخدوه كعب داير على كل الدول الاوروبية ومن ضمنهم فرنسا عشان يتعذب وبعدين يرموه في جوانتانمو ست سنين ويخرج مذهول ومش عارف يتكلم من كتر اللي حصل له

وما تتكسفش فرنسا انها عذبت اللي اتقبض عليهم في افغانستان، انما تتكسف تعتذر للجزائر عن اللي عملته فيها، وش****ة تقتل عيال صغيرة تيجي مصر ورجلنا فوق رقبتنا، وعيال فشلة عايزين يقبوا على وش الفتة يروحوا يتسولوا ويتمسحوا زي القطة عشان عارفين ان لو اخدوا فرصة عادلة ماحدش حيعبرهم

طيب يابني ادمين... خلي حد ينتج لهم في مصر تاني هنا

عيب عليك يا فضيلة الشيخ

ثورة تسعتاشر انطلقت من الازهر

هو ايه اللي حصل؟ نروح فين يعني؟  بوظ لهم الصلاة منه لله

بس انا فرحت بشكل الناس وهم بيغنوا بلادي بلادي، 

مش مهم اي حاجة، ومش مهم البرادعي حيتقدم لنا ويطلب ايدنا وللا لا، المهم ان الناس خرجت وشمت الهوا وغنوا بلادي بلادي

انا مش فاهمة الشيخ ده عمل كده ليه؟ ما كان يتكلم عن اغراءات زليخة زي ما شيخ مرة قال: وكانت ترتدي قميصا شفافا وشعرها يصل الى الارض وتنام على اريكة وشعرها الاسود الطويل الناعم يتدلى وتقول ليوسف هيت لك

ههههههههههههه اه والله قال كده في صلاة جمعة.. نقض وضوء المصلين

ايه اللي خلاه يتكلم عن مبارك؟ هو حد حاطط مسدس على راسه؟ انا عايزة هيئة علماء المسلمين تطلع فتوى بحرمة العمل مع الامن

علم اسرائيل والشمعدان موجودين على كل اجهزتنا شيلوهم

جالي الميل ده واتبعت التعليمات وفتحت الفايلات وفعلا لقيت علم اسرائيل وعليه الشمعدان واتغاظت قوييييييييييي اتغااااااااااظتتت اتغااااااظت اتغااااااااظت قوييييييييييييي ومسحته وشلته من الريسايكل بن وللاسف مافيش طريقة الواحد يولع بيها في الصورة

ازاي يعملوا كده؟ ازاي؟ احنا لازم نلاقي طريقة اننا نحط علم فلسطين على الاجهزة ما بافهمش انا في الكمبيوترات بس اتصرفوا، ولاد الكلب حاطين لنا خازوق عشان يضحكوا علينا.. احنا ليه مش بنحاول نبقى محترمين ونعمل مايكروسوفت ونعمل اي حاجة مفيدة في حياتنا وللا اي تقدم علمي يعني بدل خيبتنا دي؟ ليه يعني؟ 

انا متضايقة قوي.. تصدقوا باعيط؟

اتفضلوا نص الميل وارجو منكم جميعا انكم تشيلوا العلم ده

 

إن صورة علم اسرائيل موجودة في كل حواسيب العالم ولنسهل عليكم المهمة جربوا هذه الطريقة بانفسكم ...

كيفية العثور عليها

·قم بالذهاب إلى جهاز الكمبيوتر
· قم بإختيار القرص C
·ثم قم بفتح مجلد Program Files
·ثم قم بفتح مجلد Microsoft Office
·ثم مجلدMEDIA
·ومن ثم CAGCAT10
·الصوره إسمها J0285926.wmf

ستجد علم اسرائيل وبه شموع الإحتفال بالنصر

أتمنىمن الجميع حدفه

ومن اولويات الامة

اللحية فرض زي الصلاة، بس الصلاة فرض كبير واللحية فرض صغير

ياترى فيه فرض وسطاني؟


ده كمية الفيديوهات اللي على اللحية خرافية، جيت ادور بقى على فيديوهات عن الحاكم الظالم مثلا
ما لقتش اي فيديوهات لمحمد حسان ولا الحويني ولا محمد حسين يعقوب خالص بخصوص الحاكم، لا ظالم ولا عادل
بس لقيت الفيديو ده



ونبذ بيعتهم والعياذ بالله.. حد من المحيط للخليج يقول لي امتى بايع اي حاكم عشان ينبذها


طب بقى لو الحاكم قال لهم يحلقوا دقنهم حيعملوا ايه؟ لا يجوز نبذ بيعة الحاكم والعياذ بالله


جيت بقى ادور على امريكا لقيت: نوارد الشيخ محمد حسان في امريكا
لا ناس بتبذل مجهود مجهود الحقيقة.. مش عارفة الناس حتعمل من غيرهم ايه فعلا، وحقيقي كلامهم ونوادرهم واهتماماتهم تستاهل اننا نحرق النصارى ونكفر الروافض ونبدع الصوفية واوعى رجلك ومولد النبي



ومش عارفة جاب منين ان كلمة بدعة على طول غلط مع ان سيدنا عمر قال على اقامة التراويح في الجامع نعم البدعة

ونشتم البرادعي كمان اخر الاغبار البرادعي طلع حبشتكنات.. انا مش مغرمة بالبرادعي ولا حاجة، ده انا حتى غيرت فستان الفرح، بس هم عملوا ايه قبل ما يشتموا الناس ويقولوا عليهم ملحدين وكفار وعملاء؟ وكتاب الله ما فهمت بيقولوا ايه؟ افتكرت خطبة اللمبي في السجن قدام لجنة حقوق الانسان

مع ان البرادعي ماهوبش ناحية المادة التانية.. سبحان الله، وخالد عبد الله بيقول الناس بتقول الشيوخ جبنا.. ههههههههههه يعني عارف احنا بنقول عليهم ايه؟ طب ايه؟ ساكتين ليه؟ ده افضل الجهاد كلمة حق عند سلطان جائر، وبعدين البرادعي وحش وبيهدد الاسلام
ومبارك هو اللي بيحمي الاسلام؟ ما سمعناش صوتهم يعني
اااااااااااه ده انا نسيت، ما ينفعش ننقض بيعتنا - والعياذ بالله - مع مبارك اللي عمرها ما حصلت
وقال لك بقى المعارضة كلها بتاخد فلوس من امريكا وعشان كده احنا مش بنعرف نعارض.. طب ما امريكا كده تشجعهم باي حاجة
يعني انا دلوقت اعمل ايه يعني عشان ابقى مسلمة لما الاسلام كله تربية لحية.. ما عنديش انا لحية دلوقت اعمل ايه؟
ومازلنا في انتظار البلطجية وسأستمر في تنسيل الشبشب على دماغهم لحد ما يتأدبوا ويعرفوا يكلموا الناس ازاي، ومش حيقطعوا لساني عن فضحهم الا اذا قتلوني بقى

بخصوص ما يسمى بالسلفية

انا ح ارد عليكوا انتوا عشان انتوا تقريبا الوحيدين المتعاطفين مع الفكر السلفي وفي نفس الوقت محترمين ودي حاجة نادرة وشاذة

العادي ان السلفي بلطجي.. دي سمعته

وبما انكوا مش بلطجية احب اقول لكوا وجهة نظري

اولا: اللي بيطلعوا في قناة الناس بالتحديد بيعملوا اخطاء علمية فادحة

زي الخطأ بتاع حسان كده

افترض افتراض غلط وما كلفش نفسه يرجع ويشوف ابو حنيفة خالف في ايه وبنى عليه افتراض تاني خطأ وبرضه ما كلفش نفسه يعرف اذا كان الامام وصله الدليل ورد عليه وللا لا، ودي حاجة مش صعبة، اي شخص عامي زيي يقدر يفتح اي كتاب من الكتب المبسطة اللي موجودة في كل البيوت ويشوف راي ابو حنيفة وخالف الجمهور في ايه ورد على ادلتهم بايه، خصوصا ان الامام ابو حنيفة متأخر يعني اكيد لو خالف اللي قبله حيبقى وصله الادلة اللي وصلتهم ووصله قياسهم والا هو امام ليه؟

لما هو حتى ما كلفش نفسه يقرا المتقدمين عليه ولا يعرف سندهم ايه؟

ثانيا: اسلوبهم بيعتمد على الغاء العقل تماما.. يعني حتشوف في البوست الجديد الحويني وهو بيقول لواحد: لا ما تسألش ولما صمم يسأل وقال له ما معناه حكاية رضاع الكبير دي عيب وتعافها النفس ما ردش عليه قال له: مدام ربنا قال كده يبقى ما تقولش عيب، وده المنهج اللي بيتبعوه طول الوقت، وعشان كده بيكفروا عدد كبير من الناس بما فيهم الاشاعرة لان ماحدش معطل مخه ورافض المناقشة والتحليل والدراسة غيرهم، والتحليل والنظر وراء الاسباب والحكمة ده اساسي في الايمان ماحدش يبقى ماشي طحش كده عسكري امن مركزي في حياته والا دي دعوة للتخلف، ولو الاسلام بيدعو للتخلف امال عمل حضارة قعدت عشر قرون ازاي؟

ده بالنسبة لخطرهم على الافراد وعلى اتباعهم

بالنسبة بقى لخطرهم على الامة

انا كنت قلت انهم بيدعموا الصهيونية، وكنت فاكرة ان ده امر واضح بس يبدو انه مش واضح

طيب

الصهيونية دي بنت النازية، يعني المسوغ الوحيد لوجود الصهيونية هو وجود الفكر النازي

والفكر النازي بيقول الآتي:

اليهود كلهم امة واحدة، لهم صفات جينية معينة، ولهم صفات تاريخية معينة، لا يختلف يهودي عن الاخر

وهتلر استمد الكلام ده من التوراة واعتمد عليه بينما التوراة مافيش عليها اي دليل علمي ولا فيه اي اثر لوقوع القصص اللي حصلت في التوراة في الواقع فعلا ومالهاش تأريخ خالص، وبما ان التوراة كانت بتقول على اليهود الامة الزانية فهو شاف ان دول ناس ولاد كلب كلهم زي بعض لازم كلهم يموتوا، وعليه فكان بيحرقهم، وبسبب انه حرقهم - وده عمل مش انساني ولا محترم ولا يمكن الدفاع عنه - بقى فيه اتجاه ان اليهود بيتعرضوا لقهر كتير ولازم لهم وطن قومي يقعدوا فيه ويحميهم، والله لو احنا وحشين ادينا نقعد مع بعض لو احنا كويسين سيبونا في حالنا

والفكر الصهيوني بالاساس فكر علماني، مش ديني، لكنه برضه اعتمد على وجهة نظر هتلر في القول بان اليهود امة واحدة كلهم لهم صفات معينة وشبه واحد، مافيش حد بقى بين كل المسلمين بيقول الكلام ده غير السلفية

ومافيش مسلم لا يفرق بين الصهيونية واليهودية غير السلفية

والمفروض ان امر طبيعي ان يفرق المسلم بين اليهودية والصهيونية لان اليهود والمسلمين كانوا حلفاء استراتيجيين على مدى عشر قرون وعشان كده اوروبا كانت بتقتل اليهود لانها بتعتبرهم عملاء الدولة الاسلامية، وقتها كانا قوة عظمى بقى كده زي امريكا
ولان السلفية مانعين التفكير والتحليل ودراسة اسباب النزول ولان علماءهم يتميزوا بالجهل فهم بياخدوا اية قرآنية من غير ما يشوفوا اللي قبلها ولا اللي بعدها ولا اسباب نزولها ولا سياقها ولا ما يرد عليها من ايات في القرآن ويقولوا: ربنا اهو بيشتم اليهود

طب قياسا على كده ربنا بيشتم المصريين كمان ليه مش بيقولوا ان ربنا بيشتم المصريين وان المصريين لازم يموتوا كلهم

ولو قتل اليهود جميعا واجب لسبقهم اليه الخلفاء الراشدين وللا هم بيفهموا احسن منهم

ثم احنا مش حنتقل اليهود كلهم، بس هم بيقولوا الكلام ده وبيقولوا كلام نازي كتير غيره ومالوش علاقة بالاسلام زي الاستشهاد بهتلر ومش بيعملوا حاجة غير انهم يثبتوا اللي اسرائيل عايزة تثبته بقالها ستين سنة ومش عارفة ان المسلمين تعاونوا مع النازي

والتاريخ شاهد على ان الصهاينة هم اللي تعاونوا مع النازي

ماحدش بيثبت كلامهم غير السلفيين

هم كمان بيعمدوا الى التفريق والتكفير وخلق مجموعة استعلائية اقرب للفكر الصهيوني منه الى اي فكر

ده اللي حصل مع اليهود قبل كده وده اللي بيحصل معانا دلوقت، انا مش حاتكلم عن تاريخ تأسيسهم، انا حاتكلم عن دورهم

دلوقت هم دورهم التفريق وشق الصف باقصى ما يملكوا من قوة

يعني بيضربوا المقاومة الوطنية من خلال تعبئة المسلمين بالكراهية ضد المواطنين اللي معاهم من دين تاني، وعليه فالمواطنين حيحسوا انهم مش منتمين لوطن اغلبه ناس بتكرههم وتقصيهم، يعني مش حيبقى فيه اي عمل وطني ولا مقاومة وطنية وبالعكس، الامر الطبيعي اني لما ابقى عايشة في مجتمع بيقصيني اني كمان اروح الجأ لمجتمع تاني بيحترمني ولو كان مجتمع الاعداء

يعني زي ما يهود اوروبا تعاونوا مع المسلمين بسبب اقصاء المجتمع الاوروبي لهم

ما تلومش على مسيحي عايش في دولة مسلمة لما يتعاون مع امريكا وانت بتقصيه وبتحسسه ان البلد مش بلده، ومافيش مجهود مبذول من السلفية قد انهم طول الوقت يحسسوا المسيحيين ان البلد مش بلدهم، ومش المشكلة المسيحيين اللي واقفين في زور ناس كتير، المشكلة انك بتضرب التضامن الوطني وبتكسر المجتمع لفتافيت عشان لما اسرائيل تحتلنا

- وهي عايزة تحتلنا على فكرة لو ما كنتش تعرف -

ما يبقاش فيه اي مقاومة وطنية

ليه؟

عشان انا ما احاربش مع نصراني عابد صليب
وما احاربش مع اشعري على بدعة

وما احاربش مع متصوف مشرك

إلخ إلخ إلخ

وللاسف ده اللي عملوه في العراق وبسببهم حصلت الحرب الاهلية اللي انت شايفها، العراق قبل دخولهم كانت الفالوجة والنجف بيحاربوا مع بعض، بمجرد ما دخلوا حصلت الفتنة بين السنة والشيعة

وعلى سيرة الشيعة

يا سلام بقى، مافيش خدمة للصهيونية اكتر من انك تقول الشيعة كفار وبيضطهدوا السنة ههههههههه طب الشيعة دول اقلية، حيتضطهدوا الاغلبية ازاي؟ الشيعة دايما عندهم رغبة لاخذ الاعتراف مننا والعمل معانا، انا عمري ما شفت سني بيطلب من شيعي تقريب المذاهب.. الشيعة دايما هم اللي بيطلبوا ده، يعني هم بس ما اكتفوش بضرب المقاومة الوطنية، لا هم كمان بيضربوا اي محاولة لتوحيد الصف الاسلامي

بص
الشيعة مسلمين سواء انت او الحويني او اي حد تاني رضي ام ابى، هم متسجلين في تعداد العالم مسلمين ومحسوبين على المسلمين وبينضربوا بالقنابل معانا

بقت ايه قضية السلفية دلوقت؟ ااخر حاجة بيفكروا فيها مقاومة الاحتلال او التصدي للحاكم الظالم

كل همهم التصدي لعباد الصليب والروافض

وعباد الصليب والروافض دول هم المخزون الاستراتيجي للسنة اذا حبوا يعملوا مقاومة وطنية ضد الاحتلال او ثورة على الحاكم الظالم

وتفريقهم واشعال الفتن ما بينا وبينهم ما يخدمش غير اسرائيل والحاكم الظالم

والحاكم الظالم كمان سعيد بالسلفية وعشان كده الامن بيشغلهم وبينشرهم في الجوامع لانهم بيقولوا بحرمة الثورة على الحاكم وحرمة الجهاد بغير امام سني

وبالنسبة لهم اي حد مش تبعهم يبقى مش سني

اه فيه حاجة تانية نسيت اقولها

خلق مجموعة "الفرقة الناجية" ده تفكير صهيوني، وانا مش عايزة عشان احنا بنتعرض للاضطهاد اننا نكون فكر صهيوني داخل الاسلام، الواحد بس يقرا التاريخ عشان يعرف ان الامم اللي بتتعرض للاضطهاد والاتهام طول الوقت اولا بتقتنع بالتهم اللي بيرميها بيها اعداءها ثانيا بتتصرف على اساسها وبتعمل عنصرية مضادة وده اللي سلفيين بيعملوه

وده اللي عمله الصهاينة قبلنا واليهود ما لحقوش نفسهم وبيضربوا نفسهم بالجزمة دلوقت، والوهم بان اليهود علا نجمهم ده وهم خرافي

مش معنى ان عندهم قوة نووية يبقى لهم اي نجم

اليهود دلوقت بالفعل مكروهين من العالم وبقى اليهودي مضطر طول الوقت يقول: انا يهودي بس مش صهيوني، طب انا اسرائيلي بس مش معنى كده اني مش انسان

يعني هتلر نجح - من خلال الصهيونية - انه يثبت صحة الفكر النازي، وانه ينشر افكاره ويكره الناس في اليهود مهما السياسيين دافعوا عن اسرائيل يظل الرأي العام كاره لليهود

احنا لازم نبقى واعيين ليحصل لنا كده، احنا ممكن يحصل لنا زي اليهود، ونعمل حركة عنصرية كارهه للبشر، اقصائية، تكفيرية، ذكورية وبالطريقة دي القوى الامبريالية ومؤسسة ميمري والصهيونية وامريكا كده نجحوا في انهم يثبتوا صحة اتهاماتهم لينا من خلالنا احنا، خصوصا ان اصحاب الفكر ده بيدعوا انهم هم الوحيدين الممثلين للاسلام الصحيح، وهم اللي على المحجة البيضاء، وهم اللي بياخدوا من منابع صافية بعيدا عن الخرافات والبدع.. اي حد يجتهد اي اجتهاد من الاقدمين وحتى المحدثين يبقى صاحب بدعة وخرافة، يعني بقالنا 1300 سنة على بدعة وخرافة وماحدش اكتشف الذرة غيرهم؟ ماهو نفس الفكر الصهيوني اللي عايزين يقنعوا العالم ان اليهودية كانت غلط بقالها تلاتلاف سنة وماحدش عرف فولة اليهودية الحقة غيرهم

وانا مش عايزة اجرح في حد، بس معروف المجموعات اللي خلقها الاحتلال الانجليزي كلهم واحدة واحدة ومجموعة مجموعة ومن ضمنها الفكر ده اللي بيسموه سلفي، وده خلط كبير لانه مش فكر سلفي، ابن القيم سلفي، وابن القيم مش زيهم، بل بيخطأوه وبيخطأوا حتى ابن تيمية، اي حد ما يمشيش تبع مزاجهم يبقى غلطان او اختلط عليه الامر او قياسه قياس فاسد

اكبر انتصار لاعداءنا اننا نأكد كلامهم ونثبته علينا من خلال سلوكنا

----------------

بناء على طلب مهندس حر نقلت التعليق لبوست، والتعليق ده كنت بارد بيه على اتنين سلفيين كانوا - وياللعجب - مؤدبين ومحترمين وبيتكلموا بشكل عقلاني

----------

بالنسبة للكتب، فيه كتاب اسمه تجارة الهولوكوست لنورمان فنلكستاين وفيه كتب كتير عن نشأة الصهيونية، ياريت لو تقرا بس كتاب تجارة الهولوكوست وتطلع له في نقط وتقارن

-----------

بالنسبة للمصادرة على حرية الرأي فده كان ردي على ايهاب - واحد من الاتنين المحترمين - لما قال لي انت بتعادي السلفية: 

والله العظيم انا مش عايزة اناصب اي حد العداء

مش ممكن ابقى ضد التفريق والفتن وابقى عايزة اني اجتزئ مجموعة لها فكر مختلف واناصبها العداء

انا كل اللي عايزاه منهم حاجتين:

اولا ان اللي بيسمع حاجة يشغل مخه، فيه حديث عن الرسول مش فاكرة نصه لكن فاكرة معناه انه بيقول الحاجة اللي تسمعوها عني وتعافها انفسكم اعرفوا اني انا ابعد الناس عنها بمعنى ان الرسول مش ممكن يجانب الفطرة السليمة

ثانيا: انهم يبطلوا يستعدوا الناس على بعضها ويبطلوا تكبر واستعلاء وكأن هم بس المسلمين واللي يعرفوا الصح واللي اكتشفوا الذرة وغيرهم يا اما يستحقوا الشفقة او العداء

ويركزوا على اولويات الامة بدل التركيز على خلق جيتو الفرقة الناجية


بالنسبة لكلامك

انا مش عايزة اي حاجة من اي حد غير اللي انت بتقوله ده

ان الواحد ما يمشيش ورا كلام حد، هو يقرا بنفسه ويبحث ويفكر ويقرر ونختلف او نتفق المهم نتبادل الاحترام ونكون متفقين على الاولوليات على الاقل

فيه حد مختلف هنا عن ان الصهيونية هي اكبر خطر علينا كلنا كسكان للمنطقة بصرف النظر عن دينا؟

فيه حد مختلف على عدم شرعية الاحتلال الامريكي؟

فيه حد مختلف على عدم شرعية الحكام الظلمة؟ وان مافيش خدمة للصهيونية والاحتلال قد وجود الحكام الظلمة على راسنا؟

غير كده كل انسان حر يفكر زي ماهو عايز

والمختلفين معايا في التلات حاجات دول برضه هم احرار بس معلش بقى هم من سكة وانا من سكة تانية وكل واحد ربنا يسهل له، وانا ممكن اتضامن مع حد متفق معايا في التلات نقاط دول بصرف النظر عن دينه او جنسيته او لونه او طوله او عرضه، ولو ليا اخت توأم ومش مدية اولوية لخطر الصهيونية والاحتلال والتصدي للحكام الظالم ما اعرفهاش تاني

آز سيبمل آز ذات.. انا ما قلتش اقتلها.. بس ما اعرفهاش تاني انا حرة

وايوة اناصب العداء لكل من يلفت نظر الناس ويشتتهم عن التلات اولوليات دول، وانا حاطاهم بالترتيب من حيث الاولوية لكن من حيث القدرة على التغيير يبقى الترتيب كده

1- الحاكم الظالم

2- التصدي للصهيونية

3- التصدي للامبريالية العالمية المتمثلة في القوة الامريكية

لان اقواهم من تحت لفوق، ولذلك تغييرهم لازم يتم من فوق لتحت، وتغييرهم واجب على كل انسان بيحترم نفسه، وتغييرهم ممكن، العالم مش طول عمره كده

واول خطوات تغييرهم هو مخالفتهم.. مش ده كلام الرسول؟ لازم تخالفهم في اخلاقهم وافكارهم ومنهجهم ومسلكهم وطريقتهم عشان يبقى لك عين تتهمهم، مش ممكن تبقى راسمالي وضد امريكا، مش ممكن تبقى عنصري وبتحقر غيرك وضد الصهيونية مش ممكن تبقى ظالم وتبقى ضد الحاكم الظالم، مش ممكن تبقى داعي للفتنة  والفرقة والتكفير وتدعي انك مش بتخدم مصالحهم، بعلمك او غير علمك انت عميل لهم لما بتعمل كده

تاني خطوة، انك تبتدي تحط نفسك مكانهم عشان تعرف هم بيفكروا ازاي، وازاي تدحض منطقهم من جوة منطقهم نفسه زي ما سيدنا ابراهيم عمل
تالت خطوة.. الله المستعان