تهويد القدس وعرفنا... ايه تهويد الفلسطينيين؟

وشاغلين نفسهم قوي بالدي ان ايه يا عيني، ماسكين الناس ونازلين فيهم تحليل، ايه الدي ان ايه اليهودي ده؟ هو فيه دي ان ايه يهودي ودي ان ايه مسلم وواحد مسيحي وواحد بوذي ودي ان ايه ملحد بقى؟

قصدهم دي ان ايه عبراني؟ طب ما العبراني فرع من الاسرة السامية واكيد الفلسطينيين ساميين طبعا واكيد فيهم عبرانيين كتير قوي، مش هم دخلوا مع الفتح العربي بعد ما كانوا ممنوعين من الدخول؟ ومش كل عبراني يهودي ومش كل يهودي عبراني، وراخرين فيه فلسطينيين بياخدوهم على قد عقلهم عشان خايفين يطردوا من اراضيهم، ولا بالبجاحة طالع حاخام يقول: خمسة وتمانين في المية من الفلسطينيين اصلهم يهودي واجبروهم على الاسلام

هو فيه اجبار اكتر من ان الناس تدعي لنفسها دين مش دينها عشان مش عايزين يقفوا على المعابر ولا يطردوا من اراضيهم ويتبني مكانها مستوطنات؟

يعني المسلمين كانوا موجودين وكان فيه مسيحيين ويهود في فلسطين، دلوقت نسبة المسيحيين قلت جدا بعد انشاء الكيان الصهيوني، لانهم طفشوا من معاملة الكلاب، وملايين اللاجئين الفلسطينيين والمهاجرين في الشتات من المسلمين والمسيحيين، وابتدا ناس من اللي قاعدين يقولوا: يهود احنا يهود سيبونا في حالنا بقى

يبقى مين اللي بيجبر التاني؟

وعلى فرض يعني انهم اجبروا من الف وربعميت سنة على الاسلام، ح يجبروهم تاني يبقوا يهود؟

ثم السواركة يهود؟ السواركة يهود ازاي؟ احنا من السواركة، عيلة نجم في الشرقية اسمها نجم السواركة، واصلهم يرجع للجزيرة العربية وجدهم الكبير اسمه عكاشة بن محصن، صحابي. عملوا لهم دي ان ايه وطلعوا ساميين، يا سلام، طب ما احنا عارفين، ده معناه انهم يهود؟

عندهم عادات قديمة من اليهود زي ما المصريين المسلمين عندهم عادات من الاقباط والاقباط عندهم عادات من الفراعنة، ايه الغريب في كده؟

هم مالهم محدثين تاريخ كده؟ ثم عايزين ايه؟ نعم؟
طب كل تحاليل البول دي ما تثبتش حاجة غير ان الفلسطينيين هم السكان الاصليين، وان الاحقية في الارض مالوش علاقة بالدين، ايه مشكلتهم بالظبط؟
هو حد كان منع اليهود انهم يهاجروا عندنا؟ مش كانوا بالفعل بيهاجروا طول الوقت عندنا، ومرزيين واكلين شاربين بيتعاملوا احسن من اهل البلد؟ لو لموا بعض من كل حتة في الدنيا وجم هنا حد كان حاشهم؟ عمرنا طردناهم؟ عمرنا عاملناهم وحش؟ مش هم اللي جم على دبابات انجلترا بالسلاح وطردوا سلالة "الدي ان ايه المقدسة" من اراضيهم وهجروهم وعملوا لهم مدابح؟ عايزين ايه دلوقت؟ وبيقولوا لنا احنا الكلام ده ليه؟ على اساس اننا اللي طردناهم من ارضهم وشردناهم وعايزين ييجوا واحنا مانعينهم؟ والراجل الاهبل اللي في الفيديو قال ايه ماشي في الشارع للفلسطينيين يوزع عليهم ورق عشان "احنا شعب واحد" ياعم شعب واحد شعبين تلاتة احنا عمرنا ما كنا عنصريين ولا قلنا لحد ما تجيش عندنا

وللا يا اما يرجعوا يهود يا اما يكفروهم في عيشتهم؟ وليفني كانت عارفة بقى انها كانت بتقتل اطفال يرجع نسبهم الى "الشجرة المقدسة" وقرايب شعب الله المختار؟ ايه العته ده؟
ايه البجاحة دي؟ بقى احنا اللي شبههم وللا هم اللي شبهنا، طبيعي يبقى فيه شبه جيني بسبب عادات الحياة والاكل، الجينات مش وراثة بس، كمان توارث الاكل والعادات في الحياة اليومية بيأثر على الجينات واليهود والمسلمين عاداتهم واكلهم زي بعض، وطبيعي ان بتوارث العادات دي جيناتهم تبقى متشابهة، طب يجيبوا مسلم صيني متوارث الدين الاسلامي بعاداته واكله ح يلاقوا تشابه في الدي ان ايه مع المسلمين واليهود كمان، ايه الغريب؟ ثم اصلا البني ادمين كلهم بينهم تشابه جيني، ده البني ادمين والخنازير والقرود بينهم تشابه جيني، مش كلنا مخلوقين من مادة واحدة؟ طبيعي، ماهو اللي خلقنا واحد، ايه الدوشة اللي عاملينها دي؟ 

يعني ما خلصناش من تهويد القدس عايزين يهودوا الفلسطينيين بالعافية

طب لو الا لازم كل واحد يرجع لاصله يبقى كلنا نرجع وثنيين بقى، هو ده الاصل

وللا نرجع لآردي ده حتى وسيم
طب مدام عقلهم صغير كده احنا عايزين التحاليل دي بقى نثبت بيها حق الفلسطينيين في فلسطين، وبالذات اللاجئين
اللاجئين يتعمل لهم التحاليل دي ويرجعوا على اساسها بقى، ودينهم هم يختاروه، هو فيه دين مكتوب على الدي ان ايه؟ طب على فكرة اللبنانيين كمان والسوريين، وصدق او لا تصدق، كمان المصريين والاناضول والارمن طلع نتيجة تحاليلهم زي الفلسطينيين وطلعوا كلهم من اصل جيني واحد اهو
يعني الفنيقيين والفراعنة يهود؟ ههههههه، لا بقى، اليهود هم اللي فينيقيين وفراعنة، واحنا عايزين نرجع لبابا امون رع عشان الحزازات بقى، يعني مش ممكن ناس في الدنيا تحول الدين لعرق ويبقى ما عندهمش اي استعداد لتقبل ان فيه بشر تانيين لهم اختيارات تانية خالص كده وكمان عايزين يفرضوا على الناس اختياراتهم وفقا للدي ان ايه:
انت يهودي بس انت اللي مش واخد بالك
وبيتصرفوا زي هتلر بالظبط وعايزين يثبتوا نظرياتهم العنصرية بالعلم زي ما كان هتلر بيأجر علماء عشان يثبتوا ان اليهود اغبيا
الملاحظ ان في كل تحاليلهم دي ما جابوش سيرة الفلسطينيين المسيحيين، ماهو سهل يقتلوهم ويخلصوا منهم، ماهم شوية، المسلمين كتير ومش بيخلصوا، ح يعملوا فيهم ايه؟ يعملوهم يهود
ح يهبلونا والله
اتفرجوا على الهطل الرسمي:

مبروك عليك يا معجباني يا غالي

ههههههههه خشوا عند جابر

الا هم ما فكروش في علاء ليه؟ ليه جمال بالذات يعني؟ عشان بيكرهنا؟

عفوا قداسة البابا

ليه حطيت العنوان الخنيق ده؟ لاني باكره العناوين اللي فيها "عفوا..." وبعدها اي حاجة بقى، بيعصبني قوي العنوان ده، تصدقوا اتعصبت دلوقت، وبما ان البابا شنودة بيحب الادب والشعر فاكيد ركاكة العنوان ح تضايقه زي ما هو ضايقني بالخبر ده

وهو المطلوب اثباته

كده؟ تشمت فيا مينا زكري اللي كان بيقول لي: خليه ينفعك... بكرة تشوفي؟ هو كل واحد يكره اسرائيل تحبيه؟ اما انت هايفة صحيح...

انا عايزة اعرف باي صفة البابا شنودة بيقول الكلام ده؟

اذا كان بيقوله بصفته مواطن فدي حاجة ما تخصناش، ثم هو ما قالش ح انتخب جمال مبارك، هو قال سوف أؤيده، يعني ايه؟ يعني ح ينضم لحملته الانتخابية؟ باي صفة برضه

لو بصفته مواطن مصري برضه دي حاجة ما تهمناش

وللا بصفته الكنسية؟ فهو كده بيقمع المسيحيين، انا ما شفتش مسيحي مصري واحد بيحب لا مبارك ولا ابنه، عشان الاقباط ما مرش عليهم اسود من التمانية وعشرين سنة اللي فاتوا

تعالوا نقلب المواجع بقى

فترة الحرب مع الجماعات الاسلامية في الصعيد:

مافيش حد تضرر قد المسيحيين في الصعيد، اتزنقوا ما بين الجماعات الاسلامية اللي بتقول لهم كلام يخوفهم، وما بين الامن اللي استغل انهم خايفين وفرض عليهم جبرا انهم يرشدوا عن الهربانين، وهم ما كانوش عايزين كده، انتوا عارفين الاقليات في كل حتة بتحب تبقى في حالها ويا نحلة لا تقرصيني ولا عايز عسل منك

اللي حصل في الصعيد، انهم في الاول ما رضيوش يتعاونوا مع الامن وبقوا يخبوا ناس عندهم فعلا، الصعيد اكتر حاجة بتتحكم فيه العادات والتقاليد، فوق القانون وفوق الدين كمان، من تقاليد الصعايدة ان لو جالك عدو انت طالبه عشان بينك وبينه تار واستغاث بيك تخبيه لازم تخبيه، مافيهاش فصال والا تتفضح والعيال تزفك في الشارع، والانتقام منك يبقى كده، ماحدش يقتلك، يسلطوا عليك عيل، يشوهوا وشك بمية نار، يفقعوا عينك، ليه؟ عشان انت خسيس، وهم بيعتبروا انه لو قتلك يبقى بيشرفك لانك مت راجل على ايد راجل، وده شرف لا المرشد ولا اللي بيتكلم في اعراض الستات في الصعيد يستاهله وفقا لمفاهيمهم

قام الامن استعان شوية بتجار المخدرات والمطاريد، حيث ان دول بقى اصحاب الطباع الدنيئة، وما يأسش من الضغط المستمر على المسيحيين، الله اعلم، فيه ناس في الصعيد بتقول ان المطاريد اللي تبع الامن ضربوا كنايس عشان يخوفوا المسيحيين، وفيه ناس تانية بتقول لا، الامن هو اللي فضل يهددهم ويخوفهم وبقى ينقي الفقرا منهم عشان يرشدوا له فكانت النتيجة ان الجماعات الاسلامية (اللي هم طلعوا وللا نزلوا صعايدة يعني مافيش فصال في التقاليد برضه) شافوا ان دي خيانة وبقوا يطيروا عين وللا ايد لـ"الخاين" اللي بلغ عنهم

ما اعرفش اي الروايتين اصح بس فعلا حصل ضرب للكنايس قام المسيحيين خافوا وتحت الضغط بقوا يرشدوا عن مكان المطلوب اللي يعرفوه

وعنها وعاديك، خلاص، هو اللي بينكسر في الصعيد بيتصلح؟ دول في قعدة الصلح بيقولوا: اصطلحنا واللي في الجلب في الجلب

ده وهم بيتصالحوا، تخيل بقى لما يتخانقوا

طيب

تعالى يا عوكل بعد ما الامن ضغط على المسيحيين وكفرهم وخلاهم يرشدوا له، وجه الجماعات، بعائلاتهم، ونسايبهم، وجيرانهم، وكل اللي بيغير على "الاخلاق الحميدة" اللي بتبص للمرشد على انه ما يفرقش عن الخائض في اعراض النسوان حاجة، ينتقموا من المرشدين

حماهم؟

ابدا، سابهم يتعجنوا ولا حتى سمح لهم يحرروا محضر، ماهو منوفي بقى

وادي جزات الصعيدي اللي يتعامل مع منوفي

الناس كلها فاكرة الكشح، بس دي مش الحادثة الوحيدة، لحد دلوقت ع اجابل صعايدة ع يجولوا لي: النفوس ما عمرهاش ع تصفى

ليه بس؟

دول يقولوا لي: اشتغلوا مرشدين

ودول يقولوا لي: تعالي حدانا في البلد اوريكي ابن خالي اللي عينه طارت وابن عمي اللي رجله اتجطعت

مين المسئول عن ده كله؟

مين يا ابونا؟

اللي حصل في الصعيد هو اس كل البلاء، ليه بجىىىىى، صحيح المسيحيين اتفتونوا في الاول وجالوا ما ع نشتغلش مرشدين للحاكومة، بس الكترة تغلب الشجاعة، وسلاح الاسر المسيحية ع ييجي ايه في سلاح الحاكومة؟

بالنسبة للمسلمين بقوا يتعاملوا على اساس ان بينهم وبين عوايل المسيحيين تار، وعيلة الشرطة (كانوا بجد بيتعاملوا مع الشرطة على انها عيلة، يعني ظابط جوازات وللا مرور مثلا ده من نفس العيلة مطلوب برضه) تار. والصعيد ده ماحدش يهزر فيه، ابدا ابدا ابدا، ده بيشكل خمسة وسبعين في المية من السكان

كان ممكن حتى المشكلة دي تتحل لو حصل ايه؟

لو المسيحيين عملوا محاضر والموضوع اتصعد للقضاء واللي اعتدوا على المسيحيين في حادثة واحدة توحد ربنا اتقدموا للمحاكمة، في الحالة دي النفوس كلها كانت ح تهدا، المسيحيين كانوا ح يحسوا انهم اكلوا حاجة وشربوا عليها مية، والمسلمين ما كانوش ح يزعلوا انهم اتحبسوا لان: السجن للجدعان وضرب الحاكومة ما ع يوجعش

انما ليه؟ ليه تهدي النفوس لما ممكن تشعللها؟

ما الصعيد ده بيورد لنا ناس ع تتعارك كاتير، والصعيد ده مقفول على نفسه وعامل نفسه عزوة وقانونه خاص ومافيش غريب يدخل باناتهم، طب تتصرف كيف يا عبد الرحيم، خلي بقى مجموعة في الصعيد كده تعيش منبوذة ومكروهة وفي نفس الوقت حاسة بمرارة وظلم وان حقها مهضوم، عشان اذا ما كانوش ح يشتغلوا لحسابي، يبقى على الاقل يتسلطوا على بعض

ومن هنا انطلق كل القرف اللي احنا شايفينه حاليا دلوقت، وكل الكراهية المتبادلة، والاعتداءات على المسيحيين المتكررة، وقلة الادب بتاعة اقباط المهجر..إلخ

طب ده كله عمره ما حصل قبل كده، عمره، ده الاحتلال الانجليزي ما عرفش يعمل كده

وكل ما الامور تهدا يروح ظابط وللا امين للناس يسخنهم ويقول لهم: انصروا دينكوا. ويعملوا زي الندابة اللي بتهيج الخواطر ويقعدوا يفكروهم باللي كان واللي راح واللي عمل واللي سوا لحد ما الناس تتجنن وتقوم على قومة رجل واحد

وكل ما حادثة زي دي بتحصل، بتتحفر في القلب، هي الحاجات دي تتنسي؟ ما تتنسيش ابدا وخصوصا بقى لما المعتدى عليه يتجبر جبرا انه يتنازل عن المحضر ويعمل صلح وهو نصه محروق وللا عينه طايرة، كأنه ممسوك عليه ذلة

ثم ان دلوقت المحاضر ما بقتش تنفع، لان المتهم في المحضر ح يجيب اللي حرضه، واللي حرضه الباشا، مش حلو ده، بس حتى لو المحضر اتقفل المسلمين ما بيسكتوش، وبيفضحوهم وبيقولوا: الباشا قال لنا انهم بينصروا البنات وقال لنا انصروا دينكوا

يعني انت عارف يا قداسة البابا،

عارف ان ذنب المحروقين والمعووريين والمكسحين في رقبة الامن، عارف ان المواقع القبطية اللي بتزود الطين بلة واقباط المهجر (ماهم قالوا لك لا بناخد حقنا بدراعنا ولا بالقانون ناخده كلام طيب) ولأول مرة يبقى فيه من المسيحيين المصريين ناس تتجرأ على كرسي البابوية وتطول لسانها عليك كل ده نتيجة لكل الاحداث دي

عارف ده كويس

عارف

عارف

طب ليه كده؟

يعني بيزنق المسيحيين كده، المسيحي المتدين ح يعصر على نفسه لمونة وينتخب جمال مبارك، والمسيحي اللي مش متدين قوي ح يقل ادبه على البابا، طيب وليه يتحطوا في المزنق ده؟ ثم دي مؤسسة دينية، مالها ومال السياسة؟

امال بس الغوا المادة التانية والدولة المدنية والمواطنة ولا للدولة الدينية، الله، ايه يا قداستك؟ هي دولة مدنية علينا ودينية عليكوا وللا ايه؟ ماهي يا مدنية للكل يا دينية للكل

البابا شنودة خايف من الاخوان؟ اولا الاخوان مش ح يسمح ليهم ييجوا، وهم نفسهم يعني قالوا وش كده: احنا مش مستعدين نتصفى

ثانيا: هو الاخوان ح يعملوا ايه اكتر من اللي معمول في المسيحيين اللي بقوا المحروقين في الارض؟ وراخرين لسانهم جايب لهم الكافية

وعشان بس ماحدش يقول لي الاضطهاد العالمي للمسلمين هو السبب، لا، ما سوريا فيها مسلمين ومسيحيين، ما لبنان، اللي قطعوا بعض، فيها مسلمين ومسيحيين، العراق الله يرحمها ويحسن اليها كان فيها مسلمين ومسيحيين وما حصلش بينهم صراع طائفي والمسيحيين اتهجروا وبيتهم اتخرب الا لما الاحتلال جه، يعني مبارك عمل فينا زي ما الاحتلال عمل في المسيحيين

بلاش، ما فلسطين ذات نفسها اللي ضاربها السلك وفيها احتلال عنصري استيطاني مافيش اوسخ منه في التاريخ فيها مسيحيين، ما غزة فيها مسيحيين وفيها حماس، واكتر ناس وقفت جنب حماس ايام الضرب كانت الكنيسة في غزة، ما ايران فيها مسلمين ومسيحيين ويهود وزرادشت وماحدش اشتكى غير السنة (معلش سيبونا، احنا لينا وضع خاص، احنا لو ما مسكناش الحكم بنعتبر ان ده اضطهاد، ده احنا حاسين اننا مضطهدين في مصر، مش عارفة الالاطة دي كلها جايبينها منين) ما سمعناش بفضايح حد منهم زينا

الله، ما احنا، احنا نفسنا، ما كانش عندنا الفضايح دي ابدا

ده الدنيا كلها بتتفرج علينا

الاخوان ح يعملوا ايه اكتر من كده؟

بالعكس، ده بقى ممكن الاخوان بسبب موقفهم الحساس يبالغوا في حسن معاملتهم المسيحيين اكتر من اي حد تاني عشان يكسبوهم، لانهم بفرض رشحوا نفسهم، وده مش ح يحصل، وبفرض نجحوا، وده وارد، وبفرض انهم سمح لهم يوصلوا للسلطة بعد ما نجحوا وما اتعملش فيهم زي ما اتعمل في الجزائر وفلسطين، وده من رابع المستحيلات، ح يبقوا لوحدهم والعالم كله ضدهم ومش طالبة معاهم يخسروا المسيحيين، وهم برجماتيين، يعني ح يبذلوا كل جهدهم عشان يكسبوا حتى موريس صادق نفسه لان ايده طايلة امريكا

ويعني ايه لا يوجد اكفأ من جمال مبارك؟ أكفأ ازاي يعني؟ بيكتب على الالة الكاتبة ميت كلمة في الدقيقة مثلا؟

ايش عرفك بكفائته؟ ومصر عدمت كفاءات مافيهاش الا الننوس؟ بقى كل الناس دي مش كفء هو اللي علموه عربي على كبر بس اللي كفء؟

يعرف ايه عننا جمال مبارك ده؟

عمره ركب ميكروباص؟ عمره ركب مترو مصر الجديدة وللا مترو الانفاس حتى؟ عمره نزل يطلع بطاقة؟ يجدد الرخص بنفسه؟ دفع اقساط موبايل بكاميرا؟ اشترى كارت شحن بعشرة جنيه؟ اتزنق في الرصيد وقضاها رنات؟ وقف في اشارة؟ فاصل مع بياع؟ شال هم مصاريف مدرسة؟ مرتبه اتأخر والفلوس قصرت معاه اخر الشهر؟ نزل مولد الحسين؟ كمل الشهر طبيخ ارديحي عشان مافيش لحمة ولا فراخ؟ غير عجلة عربيته؟ العربية عطلت منه اصلا؟ المدير خصم له عشان التأخير؟ دور على ركنة وما لقاش وقعد يسب ويلعن في اللي بياخدوا مكانين لما بيركنوا؟ اتخانق مع سواق الميكروباص عشان استعبط وقال له ماعيش فكة جنيه؟ المية اتقطعت عندهم؟ النور اتقطع عليه وهو قاعد يعمل شغل مهم؟ بييجي محصل النت ياخد منه الاشتراك؟ بيمشي يطفي في نور البيت عشان فاتورة النور جات تقصم الوسط؟ بيضرب التلفزيون عشان بيزغلل وهو بيتفرج على الماتش؟ بيرف الشراب بتاعه؟ بييجي يغسل وشه يلاقي نازل منه طين من كتر اللف في الشوارع؟ بيبعت للجيران طبق كحك في العيد؟ بيقعد على المحطة ويتصاحب على كل اللي واقفين لحد ما الاتوبيس ييجي بعد ساعة؟ بيهزر مع الناس في الاسانسير؟ بيحكي قصة حياته لواحد ما يعرفوش وهو قاعد مستني ورقه يخلص في الجوازات؟ عمل في الشغل افطار جماعي والاكل طلع استغفر الله العظيم واكله برضه عشان ما يكسفش زمايله؟

انا لا اتكلمت عن اللي بيروحوا يملوا مية من اخر الدنيا، ولا اللي عايشين هم والمجاري اخوات وصحاب، ولا اللي السقف بيخر عليهم في الشتا ولا اللي واقفين في مستشفى حكومة مستنيين دورهم لحد ما عزرائيل يعفي عنهم ولا اللي بيدوروا على اكلهم في الزبالة

انا اتكلمت عن ناس طبقة متوسطة عايشة حياتها وشايفة انها سعيدة ومبسوطة وفضل وعدل واحنا احسن من غيرنا كتير وكمان ضميرهم مأنبهم عشان عايشين العيشة الملوكي دي وغيرهم تعبان في حياته

ولا حتى يعرف دول، يعرف مين؟ يعرف عننا ايه؟ ابوه يعرف، لكن هو يعرف ايه؟ أكفأ ازاي في بلد هو ما يعرفش عنها حتى طريقة حياتهم، حتى مفرداتهم، حتى ايه اللي بيضحكهم وايه اللي بينرفزهم، بيشتموا بعض ازاي في الشارع؟ بيضربوا بعض ليه؟ بيضحكوا في وش بعض عشان حصل ايه؟ بيتريقوا على ايه وبيعيطوا من ايه؟

اذا كان متخيل ان السواق بتاعه من البسطاء فانا احب اقول له ان السواق بتاعه ما يرضاش يناسبنا عشان احنا مش قد المقام

مش لما يبقى مواطن مصري الاول يبقى يفكر يحكم المواطنين المصريين؟

انا زعلانة منك يا قداسة البابا، ومينا فرحان فيا

النظام الحالي، زي ما قلت امبارح، نجح في حاجات كتير عمرها ما حصلت على مدى سبعتلاف سنة، زي مثلا تخريب القطن، والقضاء على فئة المزارعين

بس الاهم كمان، انه خلق حالة من الكراهية بين المسلمين والمسيحيين غير مسبوقة، ما حصلتش ابدا ولا في اسود ايام العثمانيين وفترة اضمحلالهم

والبابا بيأيده

الله اعلم، يمكن هذا النظام يجني ما صنعت يداه، ومن كتر ما المسلمين والمسيحيين بيكرهوا بعض، قوم لما المسلمين يلاقوا المسيحيين بيأيدوا جمال مبارك هم بقى يسقطوه وتبقى عدالة السماء نزلت على استاد باليرمو

قادر الكريم، اللي اتعمل في اليوم السابع يتعمل في الانتخابات

وزارة الصحة واخدة اعلى الاحتياطات في بركة السبع

اتفضلوا... انبسطوا

دي في المنوفية، امال لو كانت في الشرقية كان اتعمل فيها ايه؟

:)

بيعذبوهم مش بيعلموهم

والله عايزين يموتونا بالقصد... اصلهم بيكرهونا، والله بيكرهونا فعلا

حين صرخ الشعب: جو سوي مالاد

مواه اوسي

وانا كمان مالاد، يعني عيانة بالفرنصاوي، والظاهر دي تخاريف مالاد

بعد ان ما سمعتش كلام خالي ولا امي (اللي متبنيين مدرسة المناعة الطبيعية) واخدت دوا، وقررت ان اخلد في نوم عميق، طول ما انا نايمة، اكرر، وانا نايمة، دماغي بتقول ايه (ملحوسة: انا اصلي دماغي اثناء النوم بتبقى شبه الغسالة الفول اوتامتيك لما بتبقى على برنامج العصر) العصارة بقى كانت بتقول ايه؟ كانت بتقول كده:

يعني يا عوكل ح افترض معاك ان عبد الناصر شيطان بقرون وديل وبيضحك كدهو، مووواااااااااهاهاهاهااااااااااا، وان السادات قرد بصديري قاعد على الشجرة ياكل سوداني ويتف القشر في قفا الناس، ويرمي قشر الموز في السكة عشان يزحلق الناس ويقعد يضحك، وح نتفق مع بعض انهم ما عملوش اي حاجة (ولو ان ده مش صحيح بس مشيها كده) وانهم كلهم سيئات، وان اصلا الملك فاروق ده كان راجل اهطل حول مصر الى كنيف، وجه بعديه عبد الناصر كسر السيفون وملا الكنيف، اعزكم الله، بالمخلفات الادمية والحيوانية على مدى ستاشر سنة، وجه بعديه السادات بقى يكوم زبالة فوق الكنيف والمخلفات كل يوم على مدى حداشر سنة، ماهم ثلاثي اهطل وشيطان وقرد بقى ح نعمل لهم ايه؟ وجه ربنا قام عاقبهم واخدهم اخدة عزيز مقتدر واداهم جزاءهم

ثم بعد كل هاذوها المس، اي اللخبطة بلغة اهل لوندرة وبلاد الواق واق التي احتلها الفرنجة من نيف واربعة قرون، ربنا ارسل الى هاذوها الكنيف انسان، انسان عادي يعني، لا هو بيدبا الفيلسوف ولا هو حمار جحا، ولا هو ملاك ولا هو شيطان. وقام مديله من العمر والصحة تمانية وعشرين سنة، يعني قد مدة الاتنين اللي قبليه وزايد عليهم سنة

القرد كوم الزبالة في كام سنة؟ حداشر سنة لحد ما دودت، ما يعرفش الانسان، العادي، اللي مستوى ذكاءه مية يعني متوسط، يلبس بالطو ويغطي راسه وجوانتي بلاستك وكمامة ويلم الزبالة بدودها في اكياس في نفس المدة اللي القرد كوم فيها الزبالة؟ يعني حداشر سنة برضه؟

ما يعرفش يفضل باليونيفورم ده ويشيل اعزكم الله المخلفات اللي كان كومها الشيطان ويجيب سيفون جديد او حتى يصلح السيفون القديم في نفس المدة اللي الشيطان كوم فيها اللامؤاخذة؟ اي ستاشر سنة؟

بلاش لا كده ولا كده... الانسان ده كسلان لما يبقى كسلان ومعفن وشراني ح يسيب الوضع زي ما استلمه، مش ممكن يبقى انسان طبيعي ويوحش الوضع اكتر ما كان وحش

عملها ازاي؟ ازاي يعني؟

طيب بدون مهاترات، عبد الناصر والسادات الاتنين وحشين، وشوهوا الشعب المصري، عبد الناصر كسر نفس الناس وخلاهم جبنا بالقمع، والسادات عمل منهم حرامية، مش كده؟ مش ده اللي بيكرهوا عبد الناصر بيقولوه وده اللي بيكرهوا السادات بيقولوا؟

صح، ماشي

طيب من تمانية وعشرين سنة كان فيه مواليد لسة جداد نوفي، عيالك بقى، سيبك بقى من الشعب الجبان الحرامي اللي "شعب فاضي وهمه على بطنه وانا ح اكلهم منين" زي ما قلت لليلى الاحمد ونشرت كلامك في صحيفة كويتية... علينا، رايح تقول الكلام ده علينا، كتر خيرك يا ذوق

ويا ترى احنا شعب فاضي وهمنا على بطننا جينات يعني؟ وللا ده نتاج تربية حكومة؟

طيب خليك في العيال اللي اتولدوا جديد وعيالك تربيهم وتعلمهم وتبنيهم وتشكلهم زي ما انت عايز، عيالك دول اكبر واحد فيهم عنده تمانية وعشرين سنة، يعني المفروض انه اتخرج، ولو كان عايش في ظروف طبيعية، كان اتجوز وخلف وابنه داخل الحضانة السنة دي.
عاملين كده ازاي؟ طب عيال عبد الناصر المكسورين الاذلاء اللي فيهم وفيهم، استحملوا الحصار وبنوا صناعة وزراعة واخدوا الهزيمة على راسهم وعملوا حرب استنزاف وحاربوا في تلاتة وسبعين، عيال السادات ما لحقوش يعملوا حاجة لانك استلمت اكبر واحد فيهم عنده عشر سنين، يعني كان لسة محتاج رباية والمفروض انك كملت بعديه ولو كان غلط في حقهم المفروض انهم كانوا في سن يتلحقوا

عاملين كده ليه؟
ليه عيل عنده خمسة وعشرين سنة يبقى قلبه عجوز ويائس وعدمي وعبثي وما عندوش امل في بكرة وكل طموحه انه يطفش من البلد دي؟
ليه طريقة تعبيره عن الوطنية انه يشتم الجزائريين ولما الحدود بتاعته تنضرب مافيش شعرة فيه تتهز؟
ليه متلخبط ويقول الكلام وعكسه؟
 ليه خايف على طول على الفاضية والمليانة؟
ليه لما بيقدر على اللي اضعف منه ما بيرحموش؟

ليه لما طلع عيال يتحايلوا على قانون الطوارئ وكل اللي عملوه انهم دونوا واعتصموا مع القضاة، يعني لا فجروا ولا عملوا ثورة ولا قلبوا نظام الحكم، تسلط عليهم زبانيتك يدرسوا كل عيل فيهم واحد واحد ويعملوا له ملف ويشوفوا نقطة ضعفه فين ويضربوه فيها عشان يتكسعم ويتكسح ويقول: امكوا على ام البلد انا ح اشوف نفسي؟
ايه المجهود الخرافي ده في دراسة عيال ما عملوش حاجة غير انهم بيحبوا بلدهم ونفسهم تبقى احسن؟ مش عشان تستفيد منهم، عشان تحطمهم،
يعني ده انت حتى كان ممكن تكسبهم لصفك بكام حاجة تعملها واهو تستفيد من طاقاتهم وقدراتهم، انما انت مسكتهم خلتهم ما ينفعوش ببصلة لا ليك ولا لغيرك

احنا كان المفروض، بعد تمانية وعشرين سنة، وباقل مجهود، نرجع زي ما كنا في اربعة وخمسين. ده اقل مجهود يتعمل، يعني نرجع كفاف لا لينا ولا علينا ونبتدي بقى من الاول

ولو ان ده برضه مجهود ضعيف جدا، لان المفروض ان عبد الناصر كان عمل صناعة وزراعة وصحة وتعليم، والمفروض ان السادات كان عمل صحافة واحزاب وقلل التعذيب بنسبة حوالي خمسين في المية. وايوة في بدايتهم كانوا ضعفا ومجرد هياكل وحاجة صورية، ماشي ماهم عملوا هيكل المفروض انت تملاه بقى، وللا ايه؟ وللا تسيبه لما يسوس ويخوخ وتجيب ضرفه؟

بس خلينا ماشيين بالمجهود الضعيف، المفروض اننا كنا دلوقت نبقى شبه نفسنا سنة اربعة وخمسين

احنا دلوقت لا شبه نفسنا سنة اربعة وخمسين، ولا حتى سنة سبعة وستين، ولا شبه حد خالص، في اي فترة من الزمن

احنا زي ما يكون حد وقع علينا قنبلة ومشي، ومش قنبلة ذرية، دي قنبلة بيولوجية فيها تشكيلة امراض بدنية وعقلية كمان، وعدد اللي ماتوا في حوادث الطرق يفوق عدد اللي ماتوا في حرب تلاتة وسبعين وسبعة وستين مع بعض

ازاي كده يا عوكل يا عبقري؟ بتعمليها ازاي دي انصاف؟ هزيمة سبعة وستين وحشة، واتفاقية السلام وحشة، بس خلاص دول حصلوا زمان قوي، وكل عقدة ولها حل، عقدتها زيادة ماهي متعقدة ازاي؟ والله عبقري، والله عبقري

ده لازم يدرس في كتب التاريخ: كيف تحطم شعبا باكمله

ازاي عكر الجو؟
ازاي البني ادم يشتغل في مصر يبقى ناقصه بردعة من كتر ماهو مش فاهم حاجة واول ما يخرج ينطلق زي الصاروخ؟

ازاي عيل عنده تمانية وعشرين سنة لو مشي اتنين كيلو يبقى كأنه حارب في افغانستان؟

ازاي واحد يبقى خريج اداب قسم عربي ويغلط في الاملاء؟

ازاي القطن اللي بقاله سبعتلاف سنة اتخرب؟

ازاي فيه تحذير منشور في الصحف المصرية، مش صحف عميلة ولا حاجة، ان ممكن مصر في خلال عشر سنين ما يبقاش فيها فلاحين؟، بقالهم سبعتلاف سنة، خلصت عليهم ازاي؟

بس حرام، الظلم حرام، عوكل برضه له انجازات، مثلا: زمان الناس كانت ترفع سماعة التليفون وتستنى الحرارة اما تيجي، وتيجي على مهلها بقى، بعد تلات دقايق، بعد خمس دقايق، بعد عشر دقايق، سيب السماعة مفتوحة وقوم اعمل لك حاجة مفيدة على ما الحرارة تيجي

اما الان:

ادينا بندردش، ورانا ايه؟ ورانا ايه؟ ارضي وموبايلات وواحد يبقى ساكن في العشوائيات والمحلول في يد الجميع فعلا

مترو الانفاق برضه، ولو انه مشروع قديم ومش بتاعه، بس اهو خلصه

مسجد النور اللي كل شوية يصلي فيه العيد ويمنعنا اننا ننزل نصلي سنة النبي عشان هو بيصلي

وكباري بقى، كباري كتير، وانفاق، رايحين جايين في البلد، فوق الارض وتحت الارض لما بقينا نينجا ترتلز

وبعد ح نحارب ح نحارب وحلوة بلادي السمرا، اقدم لكم افضل اغنية وطنية تعبر عن مشاعر المواطن المصري تجاه بلده

انا ما باحلمش/ ما بادخنش/ ماليش تاريخ/ انا قبيح من غيرك/ انا قذر من غيرك/ زي اليتيم في العنبر/ ماليش رغبة في الحياة/ حياتي توقفت لما انت مشيتي/ حتى سريري اتحول لرصيف محطة/ لما انت مشيتي/ انا مريض/ بشكل كامل مريض/ زي ما امي كانت بتخرج بالليل/ وتسيبني لوحدي مع يأسي/ انا مريض/ تماما مريض/ بتيجي مش عارف امتى/ وبتمشي مش عارف لفين/ وبقالي سنتين (او تمانية وعشرين سنة)
على الحال ده/ وانت مستعبطة/ زي الحجر/ زي الخطيئة/ انا مشدود ليك/ انا تعبان ومرهق/ من كتر ما بامثل اني سعيد/ ولما الناس تبقى موجودة باشرب طول الليل/ بس كل الويسكي طعمه زي بعضه/ وكل المراكب رافعة علمك/ انا مش عارف اروح فين/ انت في كل مكان/ انا مريض/ بشكل كامل مريض/ سكبت دمي في جسمك/ وبابقى زي العصفور الميت لما بتنامي/ انا مريض/ تماما مريض/ حرمتيني من اغانيا/ وفرغتيني من كلماتي/ مع اني كان عندي موهبة قبلك/ الحب اللي ح يقتلني ده/ لو استمر كده ح اموت لوحدي/ جنب الراديو بتاعي/ وانا باسمع صوتي بيغني: انا مريض/ بشكل كامل مريض/ زي ما امي كانت بتخرج بالليل/ وتسيبني لوحدي مع يأسي/ انا مريض/ تماما مريض/ حرمتيني من غنايا/ وفرغتيني من كلماتي/ ودلوقت قلبي مريض بشكل كامل/ محبوس بين المتاريس/ سامعاني؟
انا مريض

سؤال عابر

هم الفرنساويين ما وراهمش غير الاكل والطبيخ؟ كل ما اقلب على تي في سانك الاقيهم جايبين طبق اكل وعمالين يشرحوا بيتعمل ازاي من اول ما الخضار كان في الغيط واللحمة كانت بقرة والسمكة في البحر والعجل في بطن امه؟ حتى عندهم مسلسل كده لازم يجيب وجبة الفطار والغدا كل حلقة وساعات العشا... عايزة افهم بس ليكون اصلا تي في سانك دي قناة متخصصة في الطبيخ وانا اللي فاهمة غلط

والمصيبة مش باين عليهم اي اكل خالص

بعض اسماء المعتقلين الفلسطينيين حدانا في البلد

يا عوووووكل، يا مسيطني، يا ترى انت فين يا عوكل، لسة راجع من اورومبا والدول المتقدمة، ايه يا عوكل، مش كفاية اللي حابسهم من غير تهمة ولا حكم وبقالهم سبعتاشر سنة بيتعمل لهم تجديد حبس على ذمة التحقيق؟ اطول تحقيقات في العالم عندنا في مصر، احنا اصلنا نحب نعمل الحاجة بتأني

وبسبب مهارتنا في التأني بعتوا لنا كام فلسطيني نتأني فيهم شوية، ايمان بدوي بعتت لي قائمة باسماء بعض من المعتقلين، ومش عايزة كلام طبعا محبوسين من غير سبب، هم بيحبسوا الاول وبعدين يدوروا على السبب

اليكم رسالة ايمان:

بعض أسماء المعتقلين




عبد الرحمن مصطفى النواجحة    سجن اسكندرية
عبد الشافي جبر غرقود      سجن القناطر
اسماعيل عبد الديم ابو مسامح     سجن بورسعيد
حسان يوسف وشاح     سجن ابو زعبل
ابراهيم احمد ابو الثوم      سجن ابو زعبل
المعتصم بالله وليد القوقا
أيمن نوفل
نجل المهندس عيسى النشار رئيس بلدية رفح




عبد الرحمن محمد سلامة النجار
علاء محمد محمود المنسى
عبد الرحمن وعلاء محبوسين عند امن الدولة منذ رمضان قبل الماضى و لا يعرف احد طريقهم
ونخشى عليهم جداا




اما هؤلاء
ففي سابقة خطيرة، اقتحمت قوات الأمن المصري السكن الذي يقيم به الجرحى الفلسطينيين بالقاهرة، وقامت باختطاف 9 منهم بينهم طفلة لا يتجاوز عمرها الأربع سنوات.


أن قوات الأمن المصري اقتحمت السكن الساعة الواحد من فجر


يوم 16/11/2008م، وقامت باختطاف الجرحى


إضافة إلى مصادرة ما يمتلكون من متاع وجهاز (لاب توب).
وعلمنا ان هؤلاء مازالوا معتقلين للان وهناك على الاقل 30 معتقل فى العريش فقط




حسام الرملاوي


إياد سالم


محمد سالم


محمد رضوان


خميس المصري




نور خميس المصري – 4 سنوات
مصطفى أبو سخيله


نضال رويشد


رائد شلايل
--------
اربع سنين؟ ودي ح تعملوا بيها ايه؟ انتوا كمان ليكوا في العيال؟
دي عناوين سفارات مصر ابعتوا لها طلب بالافراج عن.... عن الكون كله
حسبي الله ونعم الوكيل
Contact details for Egyptian Consulates in 40 countries

Ambassade d'Egypte à Alger, Algérie
Tél: (213) 21 69 16 73
Fax: (213) 21 69 29 52

Egyptian Consulate in Sydney, Australia
Level 3, 241 Commonwealth Street
Surry Hills, NSW, 2010
City: Sydney
Phone: (61 2) 9281-4844
Fax: (61 2) 9281-4344
Web Site: http://www.egypt. org.au
Email: consular@egypt. org.au

visa@egypt.org.au
Office Hours: 9:00 am - 3:00 pm

Egyptian Embassy in Canberra, Australia
1 Darwin Ave.
Yarralumla ACT 2600
City: Canberra
Phone: (00612) 6273 4437 - 6273 4438
Fax: (00612) 6273 4279
Email: egyembassy@bigpond. com
Office Hours: Monday - Friday: 9.00 a.m. - 4.00 p.m.

Egyptian Consulate in Melbourne, Australia
Level 9, 124E xhibition streets
Melbourne Victoria 3000
PO Box 18128 Collins St. East, Melbourne Victoria 8003
Phone: (00613) 9654 8869
Fax: (00613) 9654 8634
Office Hours: Monday-Friday: 9.00 a.m. - 3.00 p.m.

Egyptian Embassy Austria
Hohe Warte 54
A-1190 Wien
Tel.: 0043-1-3708108- 63
Fax : 0043-1-3708108- 69
Mail: egyptembassyvienna@ egyptembassyvienna. at

Ambassade d’Egypte à Bruxelles, Belgique
Tél : (02) 663.5800
Fax : (02) 675.5888

Egyptian Embassy in Brasilia, Brazil
Phone: +55.61.3323. 8800
Fax: +55.61.3323. 1039
Email: embegito@opengate. com.br

eg.emb_brasilia@ mfa.gov.eg
Office Hours: Mo Fr: 9:00 17:00

Egyptian Embassy in Ottawa, Canada
454 Laurier Avenue
East Ottawa
Ontario K1N6R3
Phone: (613)234-4931, (613)234-4935
Fax: (613)234-4398
Email: egyptemb@sympatico. ca
Office Hours: Monday to Friday from 9 am to 4 pm.

Egyptian Embassy in Beijing, China
No. 2, Ri Tan Dong Lu
Beijing, China
City: Beijing
Phone: (8610) 6532 1825
Fax: (8610) 6532 5365
Email: eg_emb_bj@yahoo. com

Egyptian Embassy in Nicosia, Cyprus
No 14, Ayios Prokopios Street
2406
Postal Address:
P.O.Box 21752
1512
City: Nicosia
Phone: 00357 22449050/1
Fax: 00357 22449081
Email: info@egyptianembass y.org.cy

Egyptian Embassy in Prague, Czech Republic
Pelléova 14, Bubene
160 00 Praha 6
Phone: +420 224 311 506
Fax: +420 224 311 157
Email: embassyegypt@ centrum.cz
Office Hours: Monday through Friday from 09.00 to 16.00

Sr. Embajador de la República Árabe de Egipto en Madrid, EspañaOficina Comercial de Egipto en Madrid
C/ Velázquez, 69
Madrid, 28006
TEL: (0034) 915776308 - 915776309 - 915776310
FAX: (00.34) 915781732
egyptemb@teleline. es

embegipto.alicia@ gmail.com
info@ecros.org - (Oficina Comercial de Egipto en Madrid)

Egyptian Embassy in Paris, France
56, Avenue D'iena
75116 Paris
Tel: (+33) 1 53678830-32
Fax: (+33) 1 47230643

Egyptian Consulate in Marseille, France
166 Avenue de Hambourg 13008 Marseille
Phone: 0033 4 91 25 04 04
Fax: 0033 4 91 73 79 31

Egyptian Consulate in Paris, France
114 rue de la Boètie, 75008 Paris
Phone: (0033) 145009989 - 145007427 - 145007710
Fax: (0033) 0145003528
Email: Paris_Con@mfa. gov.eg

Egyptian Embassy in Berlin, Germany
Stauffenberg Str. 6-7
10785 - Berlin
Phone: 030 477 54 70
Fax: 030 477 10 49
Web Site: http://www.egyptian -embassy.de/
Email: Embassy@egyptian- embassy.de

Egyptian Consulate in Hamburg, Germany
Harvestehuder Weg 47
20149 - Hamburg
Phone: 0049 - 40-413326 0
Fax: 0049 - 40-413326 19
Email: gen-kons-et- hh@gmx.de

eg.con_hamburg@ mfa.gov.eg
Office Hours: Application: Monday to Friday from 09:00 to 12:00.

Egyptian Embassy in Athens, Greece
Vassilissis Sofias Av No. 3
106 71 - Athens
Phone: 210 36 18 612 13
Fax: 210 36 03 538
Email: emb.egypt@yahoo. gr, eg.emb_athens@ mfa.gov.eg

Egyptian Embassy in Budapest, Hungary
1124 Budapest, Istenhegyi ut 7/b
Phone: (+361) 225-2150
Fax: (+361) 225-8596
Email: egyemb@pronet. hu

eg.emb_budapest@ mfa.gov.eg


Office Hours: Mo Fr: 9:00 17:00

Egyptian Embassy in New Delhi, India
1/50m, Niti Marg, Chanakyapuri
New Delhi 110021
Phone: 26114096/7
Fax: 26885355
Email: egyptdel@spectranet .com
Office Hours: Monday till Friday 9am till 4 pm

Egyptian Embassy in Jakarta, Indonesia
Jl. Teuku Umar No. 68, Menteng
Jakarta Pusat, 1031
Phone: (+6221) 3143440, 31935350, 31931141
Fax: (+6221) 3145073
Email: egypt@indosat. net.id
Office Hours: Office hours: 8:30 am 4:00 pm

Egyptian Embassy in Dublin, Ireland
12 Clyde Road
Ballsbridge
Dublin 4
Phone: +353-1-6606718
Fax: +353-1-6683745
Email: info@embegyptirelan d.ie

Egyptian Embassy in Roma, Italy
Phone: +39-6-8440192 - +39-6-8440191
Fax: +39-6-8554424
Email: amb.egi@pronet. it

Egypt Consulate General , Milano, Italy
Phone: +39-2-9516360 - +39-2-9526482
Fax: +39-2-9518194

Egyptian Embassy in Tokyo, Japan
1-5-4 Aobadai
Meguro-ku
153-0042 - Tokyo
Phone: 03-3770-8022( 3)
Fax: 03-3770-8021
Web Site: http://www.embassy- avenue.jp/egypt/
Email: egyptemb@mc. kcom.ne.jp

Egyptian Embassy in Amman, Jordan
Riyad el-Mefleh St., No. 14
Between 4th and 5th Circles
P.O.Box: 35178
11180 - Amman
Phone: 5605175 / 5605176 / 5605202 /5605203
Fax: 5604082
Email: egypt@tedata. net.jo

embegypt@tedata. net.jo
Office Hours: Sunday to Thursday 9 a.m. - 4 p.m

Egyptian Embassy in Nairobi, Kenya
24 Othaya road off Gitanga road, Kileleshwa
P.O.BOX: 30285 GPO 00100 Nairobi, Kenya
Phone: 3870298-3870278- 3870360
Fax: 3870383
Email: egypt@wananchi. com
Office Hours: Embassy Working Hours: From 09:00 till 16:30

Egyptian Embassy in Beirut, Lebanon
4653 Dr. Muhammed El-Bethri st. - Be\'ar Hassan
Beirut
Phone: +9611-859977 or +9611-825566
Fax: +9611-859988

Egyptian Embassy in Benghazi, Libya
Marg Bani Amer st., District 19
El-Fowaihat El_Gharbia - Benghazi
Phone: 00218612232522
Fax: 00218612232523
Email: Egyptian_Consulate_ Ben@yahoo.com
Office Hours: Working Hours Daily from 8:30 am till 3:00 pm

Ambassade d'Egypte à Rabat, Maroc
Tél: (212) 37 73 18 33
Fax: (212) 37 70 68 21

Ambassade d'Egypte en Mauritanie
Tél: (222) 25 21 92

Egyptian Embassy in The Hague, Netherlands
Badhuisweg 92
2587CL The Hague
Phone: +31 (0) 70-354 20 00, +31 (0) 70-354 45 35
Fax: +31 (0) 70-354 33 04
Office Hours: From 8.30 a.m. To 15.30 p.m.

Egyptian Embassy in Oslo, Norway
Drammensveien 90 A
N - 0244 - Oslo
Phone: +47 22 44 77 67 or +47 23 08 42 00
Fax: +47 22 56 22 68
Web Site: http://www.egypt- embassy.no/
Email: Counsellor@egypt- embassy.no
Office Hours: 09.00-15.00

Egyptian Embassy in Islamabad, Pakistan
Plot no. 38-51, UN Boulevard
Diplomatic Enclave
P.O. Box 2088
Ramna 5-4 - Islamabad, Pakistan
Phone: +92 (51) 2209072 or 2209082
Fax: (+92) 51 2279552
Office Hours: Monday to Friday, 10:00am to 12:00 pm

Egyptian Embassy in Lisbon, Portugal
Av. D. Vasco Da Gama, 8 Restelo
1400-128 - Lisbon
Phone: +351-1-213018301
Fax: +351-213017909
Email: egiptembassy@ ip.pt

Egyptian Embassy in Bucharest, Romania
67, Dacia Blvd
Bucharest
Phone: (4021) 2110938 - 2110939
Fax: (4021) 2100337
Email: Embassyofegypt@ gmail.com
Office Hours: from 0900 to 1700

Egyptian Embassy in Riyadh, Saudi Arabia
Abd Allah Ben Hozafa Elsahmi St
Elsefarat dist. RIYADH
Phone: 009661)4810159 - 4831275
4810427 - 4831367 - 4810464
Fax: (009661)4810463
Web Site: http://www.mfa. gov.eg/missions/ksa/riyadh/ embassy/en-gb/
Email: Riyadh_emb@mfa. gov.eg

Egyptian Embassy in Singapore, Singapore
75 Grange Road
249579 - Singapore
Phone: (+65) 67371587 / (+65) 67371811
Fax: (+65) 67323422
Email: eg.emb_singapore@ mfa.gov.eg
Office Hours: Mon - Fri: 9.00 am - 3.00 pm

Egyptian Embassy in Seoul, South Korea
46 1, Hannam - Dong, Yongsan-Gu
Seoul 140 210
Phone: 00 822/ 749-0787, 749-0788, 749-0789
Fax: 00 822/ 795-2588
Email: embassyegyptkorea@ yahoo.com

Egyptian Embassy in Stockholm, Sweden
PO Box 14230, 10440 - Stockholm
Phone: (46 8) 662 9687 or 662 9603 or 660 3145
Fax: (46 8) 661 2664

Egyptian Embassy in Bern, Switzerland
Elfenauweg 61
3006 Bern
Phone: 031 352 80 12 / 13
Fax: 031 352 06 25
Office Hours: Opening hours: Monday - Friday 09.00 14.00

Egyptian Consulate in Geneva, Switzerland
47, route de Florissant
1206 Geneva
Phone: 022 347 62 55
Fax: 022 346 05 71
Office Hours: Opening hours: Monday Friday 09.00 15.00

Ambassade d'Egypte en Tunisie
Tél: +216 71 792 233 / 841 192
Fax: +216 71 794 389

Egyptian Embassy in Ankara, Turkey
Phone: 09003124261026 / 00903124682240 / 00903124266132
Fax: 0090312- 4270099
Email: egyembassyankara@ yahoo.com

eg.emb_ankara@ mfa.gov.eg
Office Hours: Working Hours of the embassy:- 9 am -4 pm

Egyptian Embassy in Kiev, Ukraine
19 Observatorna Str
City: Kiev
Phone: 272-13-27 / 486-65-30
Fax: 4869428
Email: eg.emb_kiev@ mfa.gov.eg

Egyptian Embassy in Abu Dhabi, United Arab Emirates
Mail Box: 4026 Abu Dhabi
Phone: 4445656 4445566
Fax: 4449878
Web Site: http://www.mfa. gov.eg/Missions/UAE/ABUDHABI/ embassy/en-GB/
Office Hours: Official working hours Working hours start at 9 am till 4 pm.

Egyptian Consulate in Dubai, United Arab Emirates
Bar Dubai, Khaled Ibn Al Walid St.
Consulates Zone
Phone: 3971122
Fax: 2971033

gyptian Embassy in London, United Kingdom
2 Lowndes Street
London SW1X 9ET
Phone: 020 7235 9777
Fax: 020 7235 6562
Email: info@egyptianconsul ate.co.uk

Egyptian Consulate in London, United Kingdom
2 Lowndes St.
London SW1X 9ET
Phone: 020 7235 9777
Fax: 09065 540 833
Email: consulate.london@ mfa.gov.eg
Office Hours: Opening Hours: Monday-Friday

Egyptian Embassy in Washington D.C., United States
3521 International Ct. N.W.
Washington D.C. 20008
United States
Phone: (+1) (202) 8955400
Fax: (+1) (202) 2444319
Email: embassy@egyptembdc. org

Egyptian Consulate in Chicago, United States
Chicago
Phone: (312) 828-9162-3-4
Fax: (312) 828-9167
Email: egyptianembassy@ cantv.com.ve
Office Hours: Monday Friday 9:30 a.m. 3:00 p.m.

Phone: (713)961 4915 (713)9614916 (713)9614407
Fax: (713) 9613868
Office Hours: = From 9:00 AM Till 3:00pm

Egyptian Consulate in New York, United States
1110 Second Avenue, Suite # 201
NY, 10022
Phone: +212-759-7120/ 1/2
Fax: +1212-308-7643
Web Site: http://www.egyptnyc .net/
Email: info@egyptnyc. net

Egyptian Embassy in Caracas, Venezuela
Calle Caucagua con Calle Guaicaipuro
Quinta Maribel
Urbanización San Román
Municipio Baruta, Estado Miranda
P.O. Box: 49007 Caracas 1042 A
Phone: 0058212 9926259
Fax: 0058212 9931555
Email: egyptianembassy@ cantv.com.ve
Office Hours: From 9 am till 3:30 pm

انا عاملة كدهو تاني

مش عشان اي حاجة، بس عشان.. مش معقول، يعني، مش معقول ابدا

امبارح حماس قالت ان فيه بنود اضيفت وبنود اتشالت من ورقة المصالحة اللي هم اصلا اتفقوا عليها، لو تلاحظوا انا ما اهتميتش بالخبر لاني توقعت ان حماس تكون بتعمل مناورات، تعطيل، مماطلة، وماله

بس النهاردة لقيت واحد من حماس طالع يقول طب يا اخوانا طابقوا الورقة الاصلية بالورقة اللي مطلوب مننا نمضي عليها يمكن يكون حصل "خطأ سهوا" يا عيني مكسوفين يقولوا ان اتنصب عليهم

يعني فتح قالت ان مصر بتقول لحماس امضوا انتوا بس وبعد كده اعملوا اللي انتوا عايزينه، واخدناها بضحك

دلوقت حماس بتقول بدلوا الورق؟ هي الحقيقة ما قالتش كده، هي محرجة تقول كده، بتقول يمكن حصل غلط :) لالالالا مش معقول

احنا نستنى ونشوف ايه الحكاية

اصل كده فضيحة، وماحدش يقول لي ما احنا فضايحنا كترت، دي فضيحة كبيرة، مش معقول لا، لالالالالا، مش معقول، اكيد فيه فوء تساهم

 ما وصلتش لكده

برضه ما اهتميتش قوي بالتفجيرات اللي حصلت في ايران مع ان فيه ابرياء راحوا بس انا قلت ده ضمن خناقة امريكا والموالين ليها من المعارضة في ايران وبين الحكومة، عادي، وايران كالعادة لسة عايشة في العشرينات من القرن الماضي وبتتهم بريطانيا العظمى ومش ناقص غير تقول عليها: الامبراطورية التي لا تغيب عنها الشمس .. الاستقلال التام او الموت الزؤام

بريطانيا ح تعمل ايه؟ بريطانيا دي دلدولة امريكا، خلاص ما بقاش فيه بريطانية تاني خلاص، حاطينها في دماغهم و...وفجأة

ظهر شخص من جماعة سنية في مش عارفة ايه، حاجة كده من اللي بيبقى فيها سستان بستان حركشستان عبطستان وقال: احنا جماعة سنية تتلقى الدعم والمال من الولايات المتحدة الامريكية

يا ابن الهابلة، هو كده؟ بتقول كده؟ وماهواش محبوس ولا مقبوض عليه ولا حاجة، ده حر طليق، بيقول كده في البيان بتاع اعلان المسئولية، قمت انا عملت كدهو... وقامت ايران راخرة ياعيني (اللي لسة عايشة في زمن بريطانيا) عملت كدهو، وفي وسط التقرير، المعلق بيقول، ويقول فلان الفلاني الذي قتل زوجته واولاده بناء على طلب اخيه

:O

فيه ايه؟ ايه الجمل الغريبة اللي محاصرة حياتي دي؟

بصوا، عشان انا الحاجات اللي ما باعقلهاش بتوترني، موضوع حماس ده ان شاء الله سوء تفاهم، او حماس بتماطل، يعني لو حماس بتماطل دي حاجة ما تعيبهاش، لكن لو طلعنا احنا بنبدل الورق زي ابراهيم نفخو وسنية جنح تبقى فضيحة،

والواد اللي طلع يقول بناخد فلوس من امريكا بعد ما قتل مراته وعياله بناء على طلب الجماهير ده واد مجنون، يعني مريض عقلي وامريكا اخدته من السرايا الصفرا الايراني وجندته، بدليل انه متعمد ينزل فيديو فيه تفاصيل القتل والناس قعدت تصرخ وهي بتتفرج، يبقى مجنون

مالهاش حل يعقل تاني

ايه دخل الحياة الجنسية للمسلمين بالارهاب

قال بيقول لك انجلترا خافت على المسلمين الابرياء السذج اللي بينضحك عليهم بسهولة لبعدين يا ضنايا يقعوا في سكة الارهاب، قامت قالت تراقبهم يمكن تلحقهم قبل ما يمشوا في السكة دي، قلب الام بقى

ووصل بيها الامر انها تطلب من الجامعة انها تراقب المسلمين و"اللي شكلهم اسيوي" على حيث ان اللي شكله مش اسيوي فيه استحالة جينية ان ينضم لاي مجموعة مسلحة

الاغرب بقى انهم بيتجسسوا على حياتهم الجنسية، غير الكاميرات، لما حد بيروح لطبيب نفسي او ثيرابيست، العيادة بتدي الجهات الامنية معلومات مفصلة والجهات الامنية بتسأل عن الحياة الجنسية للمسلمين، ليه؟ هل مثلا لو طلع جاي أو له صاحبة عايش معاها يبقى واد ماشي في السليم ويستثنوه من قوائم الارهاب؟ لو طلع متجوز يبقى ارهابي؟ مش فاهمة

وامبارح طالع مسئول امني سابق انجليزي في الجزيرة يقول: طب ما صدام كان بيتجسس، وسوريا بتتجسس، وايران بتتجسس، (ما جابش سيرة مصر ولا السعودية ولا الاردن، عشان زي ما احنا عارفين الدول "المعتدلة" بتتجسس بس بحنية) ويسري بيمشي في الشارع ومحمد بيمشي في الشارع والجبري بيمشي في الشارع ايه يعني لما شفيق يا راجل يمشي في الشارع؟

على رأيك يعني هم ناس اصلا وش بهدلة ومتعودين عليها، جرا ايه يعني لما تبهدلوهم شوية؟ مالكوش نفس؟

وبعدين قال فعلا: ما هم فعلا عملوا عمليات ارهابية!

بجد قال كده، يعني تخيل مثلا واحد قتل قتيل من دار السلام تقوم تراقب كل سكان دار السلام، او سواق ميكروباص خبط واحد يقوم كل سواقين الميكروباص يبقوا متهمين (مافيش داعي نذكر انك لو من سكان مدينتي وقتلت ماحدش غير يتهم)، لا وبيراقبوا "كل اللي شكلهم اسيوي" ههههه، يعني اللي قتل مثلا بنت ليلى غفران رفيع يبقى كل الرفيعين مجرمين حتى تثبت برائتهم

هم متعودين على كده؟ يعني مثلا لما الاي ار ايه كانت بتفجر في انجلترا كانوا بيراقبوا كل الايرلانديين؟ كلهم كلهم؟ ده لازم الشعب كله بيشتغل في المخابرات عشان يلاحق على مراقبة كل البشريات دي

وازاي جامعة او عيادة طبيب نفسي تقبل على نفسها انها تعمل حاجة زي دي؟

وبعدين دول خلوا اباء وابناء يتجسسوا على اهاليهم... الله، طب ما مدام صدام كان بيعمل كده وسوريا بتعمل كده وايران بتعمل كده... وانجلترا بتعمل كده، ما شاء الله، ده العراق وسوريا وايران تقدموا يعني وبقوا من دول العالم الاول، وللا انجلترا اللي بقت من دول العالم التالت؟

احنا مالنا يا خويا، احنا الحمد لله دولة معتدلة، وزير الداخلية طلع قال لنا في التلفزيون: اللي خايف ما يتكلمش

طب والله كتر خيره، ده حتى انجلترا ما ادتهم اي تحذير بهاذوها الخصوص 

يااااااااااااااا رببببب حماس والناخبين الفلسطينيين تقاطع الانتخابات

ياااااااااااااااااااااااا رب، وتبتدي تحضر نفسها من دلوقت، بدل ما تعمل حملة انتخابية عشان الناس تنتخبها، تحمل حملة لا انتخابية لمقاطعة الانتخابات، هي والفصائل التانية، بلا انتخابات بلا تهريج، هو فيه دولة عشان يبقى فيه انتخابات؟

ثم مين المنافس بتاعهم؟ ناس بتحرض اسرائيل عليهم؟

والله العظيم تبقى ضربة قوية جدا جدا جدا، قاااااااااااصمة لعباس وشلته لو الفلسطينيين قاطعوا الانتخابات مع حماس، وده ح يبقى اعادة انتخاب لحماس تاني ويديها شرعية اكبر ويسحب الشرعية من عبس وديوله

اهي حماس لما اترشحت اتلامت على الترشيح واتلامت على انها نجحت، واتعاقبت على النجاح ده

طيب بقى ما تترشحش، وماحدش يحضر الانتخابات ولا يصوت فيها، اظن الفلسطينيين انبه بكتير من انهم يصدقوا لعبة الانتخابات دي

يارب يعملوا كده ويارب الفلسطينيين يقاطعوا الانتخابات

ياااااااااااااااااااااااا ررررررررررررررررررب

آمين

اصل حلو الملامح ابو السباع ما عجبوش ان حماس لها تحفظات على ورقة المصالحة، عايزين يمضوهم غميضي كده كأنهم ماسكين عليهم كمبيالات وقال: كده؟ طب انا بقى ح احدد معاد للانتخابات ومش ح اجلها

يعني حتى مش مستني ياخد ويدي معاهم في الكلام... اصله ما بيتحاورش مع القتلة ننوس عين امه

وزارة الصحة مش اهل انها تحتفظ بالتامي فلو لوحدها

واحدة زميلتي في الشغل جوزها بيشتغل في السياحة رجع لها عنده حرارة ومتدهول، طبعا في ظل الهلع اللي عاملاه منظمة الزفة العالمية الناس كلها مفزوعة، كلنا يعني بما فيهم انا، اتصلت بمية وخمسة قال لها خديه حالا على الحميات راحت الحميات،

وعنها

بتقول لي مبدئيا الناس نايمة على الارض، لو تواليت عمومي في ميدان التحرير ح يبقى انضف، حاطين عيلة امتياز ومش مدينها ماسك، بتكشف عليه من فوق الهدوم وهي مدورة وشها الناحية التانية، بتكشف عليه ازاي؟ بالسماعة، وخلاص، ده الكشف، على فكرة انا ممكن اشتغل دكتورة يعني لو ده الكشف، فمراته قالت لها لازم تعملي له مسح، قالت لها: ماعنديش اوامر من وزارة الصحة اننا اعمل حاجة زي دي. 

الست شافت الوضع كده وشافت الناس نايمة على الارض كأنهم في الحجز راحت واخدة الراجل وراحت بيه دار الشفا

ستر ربنا انها طلعت انفلوانزا عادية

طب لو طلعت انفلوانزا الخنازير؟ دار الشفا ما عندهاش تامي فلو، قام ايه اللي حصل؟ اللي حصل ان الناس بتخاف تروح الحميات وبتشتري التامي فلو من السوق السودا

طيب يوزعوه على المستشفيات طيب، او حتى على مستشفيات معينة محترمة شوية

والحميات دي يقفلوها، او يحرقوها

الحاجة التانية، هم ليه صمموا انهم يفتحوا المدارس بجد يعني؟ يعني لو بانديميك يبقى مش مفروض يفتحوا المدارس، ولو مش بانديميك مش مفروض يفتحوا المدارس كمان، وفيه واحدة بتقول لي ان مدارس عيالها ظهر فيها حالات، والمدرسة اللي في شارعهم ظهر فيها حالات

الله اعلم ظهر فيها حالات فعلا وللا دي اوشاعات، بس اذا كانت الحكاية كده، اهم حاجة ان الناس تبقى مطمئنة، والناس مش، لان الحكومة خايبين ونايبين وموكوسين وحالتهم بالبلا والبلا لاحقهم، مش عارفين يدوا الدكتورة اللي قاعدة في الحميات ماسك

مش نافعين دول في حاجة على فكرة، وبصراحة الاهالي ناس غريبة فعلا، انا لو عندي ابن والله لو ح يشتغل صبي ميكانيكي ما اوديهوش المدرسة، لو كلهم اجمعوا على ان العيال ما تروحش المدرسة مش ح يعرفوا يفتحوا المدارس انما هم سمعوا الكلام ما اعرفش ليه؟

دلوقت، هل صحيح انهم ح يقفلوا المدارس في شهر نوفمبر؟ وللا دي اوشاعات؟ طب لو ح يقفلوها في شهر نوفمبر فتحوها من الاصل ليه؟ عشان يضمنوا ان العيال تعيا مثلا؟

ماهم طول ما بنسمع كلامهم بالطريقة ح يركبونا ويدلدلوا رجليهم، وياريت عندهم اي كفاءة، وزير الصحة الحالي لو البلد كلها ماتت مش ح يفرق معاه ده رجل اعمال بيتاجر في الطب، يعني مش بيتاجر في لبان وللا كازوزة، بيتاجر في ارواح الناس وصحتهم، وعنده مستشفى استثماري.. ياريت كلنا نموت ونفضي له البلد يلعب فيها لوحده، وما اعرفش بقى هو خايب فعلا ولو الاهمال ده متعمد

طب تصدقوا بايه؟ انا والله مقتنعة ان الحكومة عايزة تموتنا، والله العظيم، هو مش عوكل دايما قاعد ينبر علينا ويقول: انتوا كتير انتوا كتير؟ والله عايزين يخلصوا مننا وجات لهم الحكاية دي على الطبطاب، ومتعمدين تبقى انفلوانزا الطيور وبائية وبعدها بيعملوا كل اللي يقدروا عليه عشان انفلوانزا الخنازير تنتشر

والله عايزين يموتونا، ولهم سوابق، ما موتونا قبل كده، وماحدش يقول لي عارفين ده مجرد اهمال، او مش عارفين يتصرفوا، اي حد ح يتصرف احسن من كده، اي حد، اي واحد ما بيفكش الخط ح يعرف يمسك البلد احسن من كده، هم قاصدين

انا مبسوطة :)

عشان هيثم مناع قال انه متوقع عشرين صوت والتقرير اخد خمسة وعشرين صوت :)، دي مرحلة اولى وانا مبسوطة برغم كل النكد اللي شفناه في الاسبوع اللي فات، المفروض بقى حماس تبتدي تستعد للدفاع عن نفسها، عشان الاعلام الغربي، بعد ما مجلس حقوق الانسان صوت على التقرير، ح يركز على ان التقرير بيدين حماس اكتر ما ح يجيب سيرة اسرائيل، اللي متابع القنوات الامريكية زيي، غير ان ح يبقى ضغطه يا اما عالي على طول يا اما واطي على طول، بس ح يبقى فاهم انا باقول ايه، ليهم طريقة كده ما تعرفش تقفشها بس تحس انهم بينوموا الناس تنويم تغطاطيسي، زي مثلا استخفاف رويترز بالخبر وصياغتها دي

مين بقى الست دول اللي صوتت ضد التقرير غير امريكا، نعرفهم بس عشان احطهم في دماغي واغل منهم زي ما قعدت اغل من اليوم السابع لحد ما ربنا فضحهم فضيحة المطاهر يوم طلوعه ع المعاش

خمسة وعشرين دولة صوتوا على القرار من حبايبنا وصحابنا، والبرازيل وتشيلي على اخر لحظة غيروا رأيهم وصوتوا على التقرير

حداشر دولة امتنعت عن التصويت، اندال وجبنا، مع ان بينهم النرويج يعني، ده حتى النرويج ولاد حلال، وبريطانيا وفرنسا امتنعوا عن التصويت

وستة قادر ربنا يقصمهم صوتوا ضد التقرير

معرفة مين الدول مهم ح اقول لكوا ليه

يعني لما الكاميرون وكذا دولة افريقية تمتنع عن التصويت دي اشارة وحشة اننا اهملنا في افريقيا قوي واسرائيل عمالة تتوغل فيها، احنا الاول كانت علاقتنا بافريقيا احسن من كده، دي اصواتهم كانت في جيبنا، ونقدر بقى في الحالة دي نستخدم الية الشرشحة، اللي احنا متميزين فيها، ونعايرهم، احنا ساعدنا حركات التحرر في افريقيا بالهبل، مش مصر بس، الدول العربية كلها، دي الجزائر في عز ما كانت كفرانة كانت بتساعدهم.

ليه قلة الاصل دي بقى؟

حتى لو دلوقت اتوكسنا واسرائيل نطت ورا ضهرنا، يراعونا في ظروفنا دي، هم تبع اللي يدفع اكتر وللا ايه؟ عيب كده، هم رقاصة؟ وبعدين احنا دفعنا لهم عشان التحرر، اسرائيل بتدفع لهم عشان الاستثمارات، يعني المفروض اننا لنا فضل عليهم اكبر، مافيش مقارنة ما بين التحرر والاستثمار.

وده برضه معناه تقصير مننا، يعني احنا كده زي ما يكون خلينا بيهم في وسط السكة، لانهم بعد خروج الاحتلال كانوا محتاجين يبنوا بلدهم واحنا كان لازم نتواجد باي طريقة، انشالله جمعيات خيرية

لكن لما فرنسا وبريطانية (اللي اصلا اسست اسرائيل) يمتنعوا عن التصويت دي اشارة كويسة، لانهم اصلا منبع اذيتنا، وده معناه ان مجهود الناشطين هناك تمكن انه يعمل رأي عام كويس يضغط على حكومته بحيث انها تضطر تمتنع عن التصويت (اللي عادة بيبقى صالح اسرائيل بنتهم) عشان ما تحرجش نفسها قدامهم، ودي اشارة ايجابية

تردد بعض دول امريكا اللاتينية مش حلو، اشارة خطر، وده معناه اننا محتاجين نوطد علاقتنا بيهم، البرازيل انسحبت اثناء كلمة نجاد، وكانت ح تصوت لصالح اسرائيل لولا المجهود اللي عملته جمعيات حقوق الانسان المستقلة، المفروض برضه ان من الستينات امريكا اللاتينية دي في جيبنا

احنا كنا فين؟

احنا من بعد ما مصر وقعت اتفاقية السلام واحنا قاعدين بنخسر في حلفاء كان المفروض انهم معانا بدون مناقشة. دي خسارة كبيرة، ضيفها على الخسائر اللي لحقت بينا بعد توقيع الاتفاقية، بس احنا نقدر نتحايل على الاتفاقية دي.

الصين صوتت معانا بدون تردد وده معناه ان اسرائيل لسة ما سيطرتش قوي، عايزين نركز شوية، لان اسرائيل بالفعل بتحاول توطد علاقتها بيهم

اختصارا:

يعني ايه توطد علاقتها؟

مش يعني بتعزمهم على شاي وكيك وللا تعمل لهم عشا

يعني جمعيات اهلية واستثمارات وتصدير حاجات حيوية للاقتصاد بتاعهم، لو اتقطع يحتاسوا، لو سحبت الكام مشروع اللي عندهم ينهاروا، لو قفلت الجمعيات اللي هناك بيوتهم تتخرب... كده

احنا ما عندناش صناعة قوية عشان نصدر، واستيراد بضاعة منهم مش هو ده المفتاح، لانك مجرد سوق ح تقفله فيه الف غيرك يشتري، وانت اللي محتاج له مش هو اللي محتاج لك، اليد العليا خير من اليد السفلى يا مؤمن، عشان كده السياسات الجديدة بتاعة جمال مبارك ح تخربها فوق ماهي مخروبة لانها بتحولنا ليد سفلى.

طيب من هنا لحد ما ربنا ينفخ في صورتنا ويبقى عندنا اي صناعة مهببة على دماغنا، نقدر نعمل ايه؟

نقدر نعمل نشاط اهلي وحقوقي هناك، مش ح نبعت حد، العرب المقيمين هناك قاعدين بينيلوا ايه؟ انا باكره الرأسمالية، بس اذا مضطرين للاستثمار هناك ما يعملوا لهم كام مشروع كبير ومهم، ثم بالفعل العرب عندهم مشاريع هناك، بس بدل ما قاعدين يتداروا في اليهود ما يتلموا على بعض ويعملوا حاجة كده زي الوكالة اليهودية ويشدوا حيلهم شوية، اسرائيل خلت العالم كله رأسمالي وهي عاملة عندها كيبوتز

وشيلوا بقى الحكومات من دماغكوا خلاص، ادي انتوا شايفين وكستهم، هم عايزين اللي ساعدهم، احنا نقدر نساعدهم لو ركزنا بس.

نركز في الاستثمار والعمل الاهلي في الصين والبرازيل وافريقيا، اهي حاجة كويسة ورخيصة وبنت ناس، بحيث يبقوا محتاجين لنا، مافيش حاجة تضمن لك التصويت في اي داهية غير ان الدولة الفلانية تبقى محتاجة لك

هي اسرائيل عاملة زي الشبشب في رجل تركيا وهي عمالة ترقعها في الحيطة وتردها ليه؟

عشان محتاجة لها، اهي، تركيا عاملة تطبيع مع اسرائيل بس ما خيبتش نفسها زينا، بحيث احنا لا عندنا صناعة ولا زراعة بعد ما كان عندنا، هدينا زراعتنا وصناعتنا، او بالاحرى البنك الدولي ومن قبلها اتفاقية كامب ديفيد هدوها لنا عشان ما حدش يحتاج لنا ونبقى احنا محتاجين لطوب الارض وكل كلب وحشرة ماشيين في الشارع

طب خلاص، اعتبروا ان الحكومات دي مش موجودة اصلا، احنا عندنا ناس شاطرين في حاجتين قوي: الرغي والتجارة. اللي هم المصريين والفلسطينيين واللبنانيين. وسبحان الله ربنا كاتب على التلاتة دول الشتات ومنين ما تمشي تلاقيهم في كل خن في العالم.

انا واحدة صاحبتي بتشتغل في الصين وبتقول لي ان كل الناس ناشطة في الصين قوي، ومنهم الاسرائيلييين والبهائيين، واحنا عددنا كبير هناك، بالذات من التلات جنسيات المذكورة والجزائريين، بس مالناش بودي، طب ليه؟

عشان مش بيطيقوا بعض، معلش، وماله؟ كراهيتنا لبعض دي نابعة من كراهيتنا لنفسنا وكراهيتنا لنفسنا نابعة من الاضطهاد المبالغ فيه اللي بنعاني منه في كل حتة والاحساس المستمر باننا لازم نعتذر عن كينونتنا، وعن اننا اتخلقنا اصلا، وماله، ما اليهود كانوا كده، نستحمل بعض، ما جراش حاجة لما نقطع بعض بس في نفس الوقت يبقى لنا بودي يجمعنا على مصالح ويأهلنا ان يبقى لنا تأثير في المجتمعات اللي احنا عايشين فيها لحد ما ربنا يفك اسرنا احنا هنا من الحكومات دي.

ونبطل نصب وفهلوة، خالص بقى، لا على بعض ولا على الناس، عشان ده قصر نظر، لازم نكسب ثقة الناس بحيث ان لما نقول كلمة تبقى هي الكلمة، زي ما كنا زمان. هو كل مسلمين اسيا بقوا مسلمين ازاي غير اتعاملوا مع عرب لقوهم ناس مؤدبة ومحترمة وكلمتهم واحدة؟

ولازم نستقطب المتوطنين هناك، اللي ابوه عربي واللي جده عربي واللي جد جد عربي، ح تلاقوه واد واطي وعايز يهرب مننا، بس اكيد محتاج حاجة: محتاج شغل، محتاج فرصة معينة، محتاج يشتغل في عمل خيري عشان يحس بنفسه، صوته منيل وبيحب يغني وماحدش عايز يسمعه...الخ. مساعدته في احتياجاته تخليه يحبنا ويجدد احساسه بالانتماء لينا. وهو مهم، عشان لو انت مثلا في هولندا وواحد جد جده عربي، هو هولندي، وفي مجتمعه هولندي، بس كمان هو اصله عربي.

بس الاول نعمل بودي كويس، وح يبقى فيه فساد برضه في البودي ده، اعملوا حسابكوا مافيش حاجة خالي العيوب يا قصب، لازم نتعلم نفوت لبعض وما نفوتش للغريب، احنا بنعمل العكس، بنفوت للغريب ونقف لبعض على الواحدة، ده غلط، ده اللي مخلي الصهاينة متفوقين علينا لحد دلوقت، الصهيوني بيقول: اليهودي يهودي حتى لو بيشتم اسرائيل، واللي مش يهودي يطلع عينه، زي ما واحد من الحاخامات قال على بابا الفاتيكان بعد ما الراجل راح وزار نصب الهولوكست وعيط واشتحتف وكل حاجة راح طالع الحاخام:

He said about the holocaust victims "killed" not "murdered"!

لما لبشوا الناس ما بقاش حد عارف يتكلم معاهم، شراشيح يعني

طب اقول لكوا، مش احنا، احنا المصريين يعني، شراشيح وكل الدول العربية بتخاف مننا تكلمنا؟ طيب نفس المهارات دي بدل ما نستخدمها ضد العرب نخفض جناحنا لاهلنا ونسلط لسانا الوسخ ده على اللي ضدنا.

ولازم ما نسحبش خناقاتنا الطائفية والمذهبية والاقليمية برة معانا لما بنسافر.

انا ما اقدرش انكر ان بالفعل العرب ابتدوا ينشطوا ويعملوا شغل كويس، والدليل على كده ان اولمرت اتهزأ في جامعة شيكاغو والامر وصل للتشابك بالايدي. واصلا كسب اصوات لتقرير جولدستون ده حاجة ممتازة، ده مجهود الناشطين مش بس في حشد اصوات، ده مجهودهم على مدى سنين، طيب اذا كان العرب في امريكا وبعض الدول الاوروبية، بالتحديد شاطرين، ممكن العرب في اي حتة في الدنيا يوجدوا قناة اتصال ويستفيدوا من خبراتهم.

هو العربي المقيم في الخارج مش ح يعمل حاجة زيادة في شغله غير انه يركز شوية في ان له امة محتاجة مساعدته ومحتاج يخدمها ويكسب المحيطين به ليها من خلال تعامله هو في شغله، بدل ماهو قاعد مش مركز غير في نفسه وبس، يستوعب بس انه ممثل لامة، مجرد التركيز ذهنيا في حاجة زي دي ح يساعد.

ويفهم ان اي عربي، من اي دين او مذهب، ده من بقية عيلته، ويستحمله شوية، استحملوا بعض شوية وبطلوا قلة ادب بقى زهقتوني

ولما تجتمع فيك كذا هوية ده مش مبعث للحيرة ولازم تختار ما بينهم، دي فرصة كويسة انك تبقى دايرة متداخل معاها كذا دايرة

يعني لما تبقى مسلم وعربي وافريقي مثلا،

يبقى كل المسلمين حتى اللي مش عرب من بقية اهلك،

وكل العرب حتى اللي مش مسلمين من بقية اهلك،

وكل الافارقة حتى اللي لا عرب ولا مسلمين من بقية اهلك،

دي حاجة كويسة، تساعد على كسب حلفاء كتير وبالبلدي تكتر العزوة، ومش بس كده، دي تخليك همزة وصل ما بين تلات هويات ما كانش منتظر يتصلوا ببعض لولاك، واي تداخل ايجابي بينهم ح يبقى لك الفضل فيه،

ازاي وصلنا بيها انها تبقى مبعث للفتن؟

ومش كل واحد يقعد يبص لغيره، كل واحد زي ما بيركز انه يبقى حاجة مشرفة لنفسه وهو مقيم برة، يركز في انه ممثل لناس، ده اللي خلا العرب الامريكيين متقدمين عن بقية العرب في اي حتة في الدنيا، وعلى فكرة العرب الفرنسيين والبريطانيين كمان شاطرين،

وشغلهم مع اليسار كمان ساعدهم قوي، لان اليسار في اي حتة في الدنيا في الواق واق يسهل جدا كسبه للقضية العربية عشان هم بيحبوا يقفوا جنب البائسين والمنحوسين والكفرانين في عيشتهم، دي غواية يعني، وياريت بقى لو ينضربوا ويتقتلوا عشانهم يا سلاااام، متعة حياتهم يعني، وفي نفس الوقت مواردهم قليلة خصوصا في اوروبا والدول المتقدمة عشان الناس بتتعامل معاهم على انهم فريكس ولوزرز والعرب بيعملوا فلوس بسرعة، ويقدروا يدعموهم ماديا، يعني فايدة متبادلة

بالمختصر، اينما هاجرت في اي داهية دور على اللي بتدور عليه عادة: نجاح مادي وعلم (وعرفت من مينا ان العرب في الدول الاسكندنيفية بيعيشوا عوالة على المعونة وبيطنشوا على التعليم.. لا، نتعلم ونشتغل ونعمل استثمارات ما نركزش على الوظائف) وفي نفس الوقت تدور على حاجتين كمان

اليسار في البلد دي... واستحمل طرقة كلامهم معلش، ههههه هم طيبين والله بس هم بيتكلموا كده

والعرب والافارقة والمسلمين غير العرب، حتى لو كنت مش مسلم، ولا افريقي، يعني تبقى علاقته بيك انت كويسة وللا علاقته بالاسرائيلي؟ وح تلاقي عرب كتير قذرين قوي، استحملهم، غلابة، حتى اللي ح تلاقيه مرمي في حضن الصهاينة، ده من غلبه

ودايما غيرك يبقى محتاج لك وانت مش محتاج لحد، ودايما يبقى فضلك على الناس وماحدش له فضل عليك، واول ما بتروح فيه ناس بيبقى لهم فضل عليك، لما ربنا ينفخ في صورتك ترجع له فضل له مضروب في عشرة.

ودايما تبقى فاكر انت مين، ما تنساش، وما تنسيش ولادك، على رأي الافريكان امريكان دايما يقولوا:

Don't forget who are you

ده حتى تجار المخدرات بيقولوها، اوعى تنسى انت مين، لانك لو نسيت غيرك مش ناسي، وفي نفس الوقت تندمج بمعنى:

يبقى لك فضل اقتصادي ونشاط سياسي (بجد رابضوا في اليسار حتى لو رأسماليين، ما سوروس عامل لنا فيها يساري وهو ابن كلب) ولازم اسهام علمي، اذا ما كانش عن طريق دراستك انت يبقى عن طريق انك تتبرع للبحث العلمي لازم اللي معاه فلوس هناك يتبرع للبحث العلمي والعمل الخيري

فيه ناس بتفهم ان الاندماج انه يلوء ضبته وخلاص او انه ينسى اصله، ده مش اندماج، مش عيب نتعلم من اليهود، اليهود خلقوا هوية جديدة في المجتمعات اللي عاشوا فيها من خلال الاندماج اللا اندماجي، هو يهودي وله شخصية وله مجتمع وله ناسه وعاداته، وفي نفس الوقت له نشاط داخل المجتمع

ده بالنوسبة لعرب المهجر

احنا في تلاتين سنة بس خسرنا افريقيا، وخسرنا عدد من دول امريكا اللاتينية، وخسرنا دول اسيوية كانت معانا، وخسرنا الهند، الهند خسرناها، وكل الدول السابق ذكرها فيها عرب كتير، واغنيا كمان... طب قاعدين بتعملوا ايه يا حلوين؟

بالنوسبة لنا احنا هنا، الله المستعان، يا مصبر الوحش ع الجحش، وبرضه لما جرايبنا يبجو قوة برة ده يساعدنا هنا من غير اي محاولات انقلابية ولا فريدم هاوس، مجرد نشاطهم هناك ح يفضح فساد الحكومات هنا ويضعف موقفها ويخلينا احنا هنا نعرف نتصرف من غير مساعدة حد من برة، احنا مش عايزين حاجة من اللي برة غير انهم يبقوا كويسين وبخير وما ينسوناش

وبدل ما احمد زويل وفاروق الباز يفضلوا يحوموا حوالين مصر زي العيل اليتيم، وكل مرة ينضربوا ويرجعوا معيطين، مصر دولة فاسدة واحنا هنا علينا اننا نحارب فسادها، لكن نطتكوا انتوا الاتنين هنا كل شوية مش ح تفيد

يفيد انهم يدعموا الطلبة العرب عندهم، بل ويشجعوهم على دراسة الجولوجيا والفيزياء بكثرة ويتفوقوا فيها ويبقى فيه عدد كبير من العرب خريجين من تحت ايدهم

يعملوا جمعية لتشجيع العرب مثلا على العلم ويزقوهم في البحث العلمي

يعملوا رابطة للعلماء العرب ويرشحوا منهم كتير لجايزة نوبل، جايزة نوبل جايزة فاسدة، بس لها ثقل

ماحدش له دعوة بينا هنا احنا ما عندناش مشكلة غير دعم الغرب لكل من النظم العربية الفاسدة واسرائيل، وبدل ما تضطرونا اننا نروح نسمح جوخ لكوندوليزا وهيلاري وفي الاخر يدونا على قفانا ويفضحونا وانا اقعد هنا اانبهم واقرعهم، كل اللي احنا محتاجينه ان نشاط العرب يساعد في تقليل دعم اسرائيل والانظمة العربية

وعلى فكرة، فيه ارتباط شرطي ما بين قوة اسرائيل وقوة الانظمة العربية لان امن اسرائيل القومي انها تبقى الدولة الوحيدة القوية والديمقراطية في المنطقة عشان كده يلزمها ضروري انظمة فاسدة

لو الدعم العالمي لاسرائيل تراجع، ح يتراجع معاه الدعم للانظمة الفاسدة، احنا هنا بقى نعرف نتصرف واحنا ادرى بشعابنا

من غير بقى عمالة ووساخة واقباط مهجر وفريدم هاوس وهبل، انا عاذراهم والله، بس هم ماشيين في سكة ما توصلش، هم مش عملا، هم فايض بيهم، بس لبستهم العمالة غصب عنهم. مع ان الطريق اللي يوصل اسهل

slowly but surely

-----

مصر مددت المهلة للفصائل عشان تدرس المصالحة،

والظاهر ان مصر هههههه،

امبارح الراجل اللي بانسى اسمه ده دايما، الرجوب تقريبا، قال ان فيه "جهة عربية على اعلى قمة الهرم قالت لحماس وقعوا ثم افعلوا بعد ذلك ما شئتم" انا شامة ريحة كشري في الجملة دي: راضيه بكلمتين يا سيدي وبعدين ساعة الجد ابقى اعمل اللي انت عايزه هو ح يعمل لك ايه يعني؟ ح يشنقك؟

يا اما جامعة الدول العربية، يا اما الحكومة المصرية نفسها زهقت هههههههههههه

بس انا مش عايزة الاخوة الفلسطينيين من فتح يزعلوا من الكلمة دي، دي كلمة بتتقال ملايين المرات في مصر والناس بتفض خناقة

ايقاف المدون دماغ ماك وضربه في طنطا

انا مش عارفة فيه ايه بالظبط، المدون دماغ ماك وقفوه في الشارع ونزلوا في ضرب، بس ده اللي على التويتر

وقفوه في طنطا و ضربوه هو واخوه وشتموهم وبعدين سابوهم، انا ح اخد كوبي بيست من اللي هو كاتبه:

I got arrested and beaten in tanata right nowabout 2 hours ago from twibble
demaghmak
Demagh MAK


Me and my brother r safe now with friendsabout 1 hour ago from twibble
demaghmak
Demagh MAK


الظابط اول ما شافني مسکني من رقبتي ولما قلتله لو سمحت نزل ادک ضربني وشتمني و العساکر اتلموا علينا انا و اخويا وضربوناabout 1 hour ago from twibble
demaghmak
Demagh MAK


بعد الضرب و الکلبشة رمونا في البوکس و الظابط قالناانا هاخلي اي متناک فيکم يشوف عسکري يبوس جزمتهabout 1 hour ago from twibble
demaghmak
Demagh MAK


اثناء الضرب کانوا عايزين يخدوا تليفوناتنا و محافظنا ولما قلنا لآ ضربونا زيادة واخدوا الحاجة غصب عنناabout 1 hour ago from twibble
demaghmak
Demagh MAK


تم تکتيفي انا و اخويا في وسط الشارع و تم ضربنا من الظابط علی راسنا و وشنا بالبوکسات و الالام و کل ده واحنا متکلبشين مع بعضabout 1 hour ago from twibble
demaghmak
Demagh MAK


الظابط محمد الدهراوي و معاه اتنين لابسين عادي و سته عساکر کلهم کانوا بيضربوناabout 1 hour ago from twibble
demaghmak
Demagh MAK

وادي فضيحة تانية لليوم الساقع

بدراوي جابهالي، اليوم الساقع منزلة النهاردة الساعة اربعة ونص العصر خبر ان حماس خصت اليوم الساقع بصور الشهيد يوسف ابو زهري، وانا مش عارفة حماس خصتهم امتى بالصور دي اذا كان الصور دي انا شفتها امبارح على الفيس بوك هنا ومعمول لها اد من اتنين وعشرين ساعة يعني امبارح الساعة سبعة ونص، وبعدين صاحبها نزلها على التويتر وراح الشباب عملوا لها ريتويت راحت زنوبيا الساعة تسعة وشوية بالليل، امبارح، نزلت الصور رحت انا لما جيت نزل الصور الساعة حوالي اتناشر على ما افتكر، عندكوا المدونة بصوا

يبقى ايه الانفراد اللي خصت بيه حماس اليوم السابع؟ انا لو من اليوم السابع ارفع قضية على حماس وعلى ساركوزي

وميزو طبعا... ميييييييييزووووووووووو أأإإي أأإإي أأإإي آآآآآآإي... ميزو جوزي صايع على رأي فردوس عبد الحميد

الامامير مواليد التمانينات والتسعينات ما يسألونيش ايه ده يا تيتة؟ ده مسلسل قديم بتاع سمير غانم

لا وكل الناس شمتانة في اليوم الساقع على كل الفضايح دي زي ما كانوا شمتانين في فاروق حسني

الا قولوا لي، دي دعوة مسيحي وللا دعوة مسلم وللا دعوتهم هم الاتنين حاصرت الجرنال من اليمين والشمال؟

هيهيهيهيييييييييييييييي عملوا عليهم حصار دعوات

قال كلام يحرك البلد لقدام.. ده كلام عايز بردعة ولجام