رفعت سيد أحمد يحدثنا عن فتحي الشقاقي

واحد من ولاد البطة السودا

د.رفعت سيد أحمد كاتب بروفايل كام عنه

فى الذكرى الثانية عشر لاستشهاده:
فتحى الشقاقى رمز الجهاد والوحدة
بقلم د.رفعت سيد أحمد
· فى مثل هذه الأيام من العام 1995 وتحديداً فى يوم الخميس الموافق 26/10/1995 استشهد المجاهد الكبير الدكتور/ فتحى الشقاقى مؤسس حركة الجهاد الإسلامى فى فلسطين, وكان لاستشهاده كما كانت قضية حياته ردورد فعل كبرى, أضاقت للنضال الفلسطينى أبعاداً وقيماً جديدة, نحاول هنا أن نقدم بعضها من معرفة وصداقة ورابط شخصية لكاتب هذه مع الشهيد المعلم د. فتحى الشقاقى علها تفيد فى واقعنا الفلسطينى والعربى المؤلم الذى يموج بالفتن والصراعات والهزائم.
ولنبدأ من البداية, حيث كان التعرف الشخصى بالشهيد المعلم الدكتور/ فتحى الشقاقى يعود الى أواخر السبعينيات من القرن الماضى عندما كان يدرس الطب فى جامعة الزقازيق بمصر وبدأ يظهر كمفكر وقائد وسط الحركة الاسلامية المصرية و الفلسطينية, وكان التعرف به أكثر عندما بدأ يكتب سلسلة من المقالات والدراسات المهمة بمجلة (المختار الاسلامى) وهى مجلة اسلامية مستقلة واسعة الانتشار أسسها ولايزال يديرها الشيخ (حسين عاشور) الاخوانى المستنير الواعى, والذى فتح صفحاتها أمام هذا الجيل الثورى من الشباب الفلسطينى المسلم والذين أعطوا لهذه المجلة مذاقا ثوريا اسلاميا خاصا ومختلفا عما كانت صحف ومجلات الإسلاميين تطرحه حينذاك, ونتذكر اليوم من بين هؤلاء الشباب بالإضافة للشهيد الشقاقى تتذكر د. بشير موسى نافع و د. رمضان عبد الله شلح الأمين الحالى لحركة الجهاد فى أجواء هذه الفترة ومع أوائل الثمانينات تعرفنا بالشهيد وبأفكاره الفذة التى استطاع من خلالها تجميع الشباب الفلسطينى ــ وبعض المصريين ــ ليدشنوا البداية الحقيقية عام (1979) لحركة الجهاد الاسلامى التى انتقلت بعد ذلك من مدينة الزقازيق فى مصر الى قطاع غزة فى فلسطين لتكون أول حركة تؤسس للجهاد الاسلامى المسلح سابقا فى ذلك الحركات الاسلامية الفلسطينسة الآخرى.
* * * * * * *
*نتذكر اليوم وبعد هذه السنين ان السبب الرئيسى الذى أسس لعلاقات الأخوة والصداقة مع الشهيد الدكتور/ فتحى الشقاقى.
هو أننا وجدنا فى (الشقاقى) نموذجا فذا للمجاهد الصلب فى مواقفه تجاه قضايا أمته وفى مقدمتها القضية الفلسطينية التى كان هو صاحب نظرية أنها (القضية المركزية للأمة الاسلامية), وكان الى جانب ايمانه وصلابته. متواضعا سمحا, مبتسما, توفيقيا, بين كافة التيارات والقوى والأفكار الوطنية والعربية والاسلامية, كان قبلة المجاهدين وملتقى المناضلين, لذلك لم يكن غريبا أن تستمر الصداقه معه رغم تباعد المسافات والأزمان حيث كانت اللقاءات عزيزة خلال الثمانينات, وان زادت بعد ذلك فى التسعينيات.
وبعد استشهاد الشقاقى ومن قبله السيد عباس الموسوى الأمين العام السابق لحزب الله قمت بالتأريخ الوثائقى لهما بالإضافة للسيد حسن نصر الله الأمين العام الحالى لحزب الله لماذا؟
الاجابة وببساطة أنه وفضلاً عن العلاقة الشخصية تربكنا بهم فإن الاهتمام ينبع من كون هؤلاء كانوا ولايزالون شموعاً للثورة وللجهاد ينبغى أن تقتدى بها أمتنا العربية والاسلامية.
* * * * * * *
وبعودة الى الشقاقى فى الذكرى الثانية عشر لاستشهاده سنكتشف اليوم مجدداً أن غيابه خسارة, ولكن غيابه أيضا عبر الاستشهاد كان حافزا لمزيد من المقاومة والجهاد ومن توالد أجيال من الاستشهاديين من أبناء (حركة الجهاد) التى أضحت الأن وتحت قيادة الدكتور/ رمضان شلح, رقما رئيسيا فى معادلة الصراع مع العدو الصهيونى بل لا أبالغ إذ قلت أنها الرقم الأهم فى هذه المعادلة اذا ما فهمت على أنها معادلة تقوم على المقاومة المسلحة وليس المفاوضات ولعبة الحكم والديمقراطية بكل الغامها وفسادها وافسادها. ان دماء الشقاقى كانت الراية التى زرعت الجهاد مجددا فى أرض فلسطين. وبقدر خسارة الأمة له كزعيم وقائد اسلامى فذ بقدر ماكان استشهاده مفيدا للأمة ودافعا لاستمرار مقاومتها وجهادها.
ولكن ماذا عن المحطات الرئيسية فى حياة الشقاقى, انها ولاشك محطات عديدة ولكن ان أردنا تلخيصا سريعا لهذه المحطات فاننا نلخصها فى ثلاث محطات: الأولى: المرحلة الفلسطينية وهى تمتد منذ ميلاده عام1951 وحتى 1974 وحين ذهب الى مصر لدراسة الطب. وهذه المرحلة أوالمحطة هى التى تأثر فيها الشقاقى بهزيمة 1967 ومن قبلها بمحنة الاخوان المسلمين فى مصر وكانت مرحلة بحث عن الطريق الاسلامى المستقل و المقاوم للمشروع الصهيونى. المرحلة أو المحطة الثانية هى مرحلة مصر والتى فيها تبلورت اللبنات الأولى لحركة الجهاد ولخيار المقاومة وفيها تأسست الحركة وانطلقت. وهى تمتد حتى العام 1981 وفى اثنائها وقع حدثان أثرا فى الشقاقى تأثيرا كبيرا الأول هو انطلاق الثورة الاسلامية فى إيران (1978) والثانى زيارة السادات للقدس وتوقيع اتفاقات كامب ديفيد ثم إغتيال السادات على أيدى الجماعات الجهادية الاسلامية فى مصر (1981). هذان الحدثان أثر فى رؤية ومواقف الشقاقى ودفعاه أكثر ناحية خيار الجهاد المسلح لتحرير فلسطين أما المحطة الثالثة: فهى محطة فلسطين والتى حمل فيها الشقاقى بذرة الجهاد التى أنبتها فى جامعة الزقازيق فى مصر (60 شابا فلسيطينا مجاهدا كانواهم نواة هذه البذرة التأسيسية) فقام بزراعتها فى قلب التربة الفلسطينية فى غزة فأثمرت وأنبتت حراكا جهاديا كبيرا كان أبرز ثماره الانتفاضة الفلسطينية الأولى (1987) والتى قال عنها جنرالات العدو ومفكريها يومها لقد (دحرجت حركة الجهاد الاسلامى بقيادة الشقاقى حجر الانتفاضة الفلسطينية من فوق صدر الشعب الفلسطينى: هذا بنص كلماتهم). أما المحطة الرابعة والأخيرة فهى محطة الغربة والتى تنقل فيها الشقاقى بين بيروت ودمشق الى أن استقر فى منزله المتواضع فى حى اليرموك بدمشق والذى منه أدار وعن بعد كافة أمور حركته المجاهدة بعد نفيه من قبل العدو الصهيونى عام 1988, وهذه الفترة (فترة الغربة) انتهت باستشهاده وهو فى طريق العودة من طرابلس الغرب الى دمشق مارا بجزيرة مالطة, فقتله الموساد فى تمام الساعة الواحدة ظهرا يوم الخميس الموافق 26/10/1995 .
* * * * * * *
وبعودة العلاقات الشقاقى العربية والاسلامية نجده رغم حياته القصيرة (43عاماً) اقام علاقات متميزة مع القادة السياسين فى كل من لبنان وسوريا و ليبيا و الجزائر وإيران والأخيرة نسج الشقاقى معها علاقات ندية قوية ولكن من منظور المصلحة الوطنية الفلسطينية فلقد
أحب الشقاقى الثورة الإيرانية وامامها المجاهد, لأنها كانت ثورة ضد حاكم مستبد عميل للولايات المتحدة الأمريكية (شاه إيران) وكانت ثورة مساندة منذ لحظتها الأولى للقضية الفلسطينسة وداعمة لنضال أبناء فلسطين من أجل تحريرها, وكانت ثورة تترفع عن التجاوزات المذهبية الضيقة (وبخاصة فتنة السنة والشيعة التى يخلقها دائما الاستعمار) لكل هذا أحب الشقاقى الثورة وإمامها ودافع عنها وكتب مؤلفا هاما عن قائدها الامام الخمينى, رغم انتماء الشقاقى للمذهب السنى الذى يعد هو من أبرز مفكريه ومجاهديه.
* * * * * * *
* اليوم ونحن نحيى ذكرى استشهاد الشقاقى الثانية عشر, وكان كاتب هذه السطور أخر من التقاه ورافقه اسبوعاً كاملاً قبل استشهاده, فى مدينة طرابلس الغرب نتذكر أن الشقاقى كان يؤمن بما نسميه فقه الأولويات والذى فى مقدمته مقاتلة العدو الصهيونى, أولا بالسلاح وثانيا بالكلمة والفكرة, وحول هذه الأولوية تدور باقى القضايا, والتى لا ينبغى أبدا ــ وفقا للشقاقى ــ أن نقفز عليها أو نطوقها أو نشوهها كما هو حاصل اليوم فى فلسطين باسم السلطة والديمقراطية وكراسى الحكم فى وطن لا يزال محتلا.
لقد أعطى الشقاقى ــ ومن بعده الدكتور رمضان شلح ــ لحركة الجهاد سمة متميزة فى ساحة النضال الفلسطينى سمة نستطيع أن نحددها فى معادلة بسيطة ومباشرة وهى أن حركة الجهاد الاسلامى الفلسطينى هى (حركة مقاومة مسلحة لها إهتمامات وأدوار سياسية واجتماعية) أما الحركات الاسلامية الفلسطينية الآخرى فهى (حركات سياسية بالأساس لها بعض الأدوار المسلحة) ونحسب أن هذه المعادلة كافية لتفسير ما يجرى اليوم فى فلسطين, كافية اذا ما قارنا تلك الحركات الاسلامية الفلسطينية بأداء ووعى حركة الجهاد الاسلامى منذ أسسها (الشقاقى), ونماها وأنضجها رمضان شلح,نتذكر أيضاً اليوم رؤية الشقاقى فى التجميعية لاصحاب الأفكار والأيديولوجيات المختلفة سواء كانوا علمانيين أو قوميين لقد كان يختلف مع هذه الحركات والأيديولوجيات على المستوى النظرى, ولكنه عند الممارسة الواقعية على الأرض كان يرحب بأى لقاء مشترك يؤدى الى فعل وأداء ونضال يتجه ناحية فلسطين, كان يمد يده لكل هذه القوى, اذا ما وجد فيها نوايا صادقة لتحرير فلسطين ورفض الاستسلام, وأنا شاهد عيان على حجم المحبة والاحترام الذى كانت تكنه هذه الحركات وقياداتها للشهيد الدكتور فتحى الشقاقى, وكيف كانوا يعتبرونه ( القاسم المشترك) المقبول بينهم جميعا, فى كافة الفعاليات والمؤتمرات, لقد كان الشقاقى قيمة توحيدية كبرى فى مسار النضال الفلسطينى وكان مثالا للمثقف المنفتح على الأفكار والحركات المخالفة له فى الأيدولوجيات, طالما أنها لا تفرط فى ثوابت القضية وفى مصالح الأمة, وكان له أصدقاء ومحبين كبار من بين أبناء هذه الحركات, لقد كان الشقاقى يخالف وينقد الأطروحة الماركسية, ومع ذلك كان يرحب بالحوار مع الماركسين ونفس الأمر مع القوميين والليبراليين, وكانوا جميعا يخرجون من الحوار معه بتقدير خاص له ولوعيه واخلاصه, وأتذكرهنا أنه بعد مناظرة حامية بين المفكر القومى اليسارى السورى د. طيب تزينى مع الشهيد فتحى الشقاقى عقدت فى مخيم اليرموك أوائل التسعينات من القرن الماضى, أن (تزينى) خرج من المناظرة مندهشا ومعجبا بهذا (الجهاده الحركى) كيف يمتلك كل هذه الحجج الفكرية العميقة التى يرفض بها كثير من الأفكار العلمانية, ساعتها كتب الدكتور/ طيب تزينى مقالا شهيرا يصف به (الشقاقى) وعنونه بعنوان بليغ يقول فيه (المفكر مناضلا والمناضل مفكرا)
* * * * * * *
* على أية حال .. وفى الذكرى الثانية عشر لاستشهاد مؤسس حركة الجهاد الاسلامى فى فلسطين الصديق الشهيد الدكتور/ فتحى الشقاقى نقول أن أفكاره والقيم التى أرساها لا تزال, فاعلة ومؤثرة, خاصة قيمة (المقاومة والجهاد), صحيح يقوم أبناء حركته ورفاقه الكبار بحمل مشاعلها, لكن الأمر الأن يحتاج الى كافة القوى المناضلة داخل فلسطين وخارجها يحتاج منها أن تشارك فى حمل ذات المشاعل وأن تعيد بعث هذه القيم والأفكار وأن تتمسك بها, خاصة بعد أن ثبت بالدليل القاطع افلاس خيار التسوية أو الحكم والسلطة تحت حراب المحتل, لقد علمنا (الشقاقى), وعلمتنا فلسفة استشهاده وهو فى الغربة ــ كما الحسين عليه السلام ــ أنه لاخيار, لتحرير فلسطين, سوى بالجهاد, والمقاومة, وماعداهما, باطل وزائل. رحم الله شهيدنا رحمة الله واسعة والحقنا به فى العليين وآخر دعوانا أن الحمد لله رب العالمين.
E-mail: yahafr@hotmail.com

ندوة نقابة الصحفيين عن الأمن القومي العربي

دعوة لحضور ندوة هامة فى نقابة الصحفيين
الأمة فى خطر:
التهديدات الجديدة للأمن القومى العربى
يعقد منتدى الحوار العربى أحد أبرز الفعاليات المشتركة بين لجنة الشئون العربية فى نقابة الصحفيين ومركز يافا للدراسات والابحاث بالقاهرة, ندوته القادمة تحت عنوان (الأمة فى خطر: التهديدات الجديدة للأمن القومى العربى).
تقدم فيها ثلاثة أوراق بحثية, ويتحدث فيها كل من (اللواء د. نبيل فؤاد الرئيس السابق لمركز الدراسات الاستراتيجية بوزارة الدفاع المصرية ـ والنائب البرلمانى د. جمال زهران: رئيس قسم العلوم السياسية بجامعة قناة السويس ـ د. عبد الخالق فاروق الخبير الاقتصادى والناشط السياسى ويدير الحوار د. رفعت سيد أحمد.المنسق العام للمنتدى
تعقد الندوة فى تمام الساعة السادسة من مساء الاثنين الموافق 29/10/2007.بمقر النقابة
ملاحظة:
سيتم على هامش الندوة تكريم وتأبين فقيد المركز والأمة اللواء د. صلاح الدين سليم الخبير الاستراتيجي البارز والذي وافته المنية مساء يوم الأحد الماضي 21/10/2007
والدعوة عامة
إدارة المؤتمرات بمركز يافا للدراسات
واللجنة العربية بنقابة الصحفيين

بطة سودا حلوة: الشهيد فتحي الشقاقي

ده الشهيد فتحي الشقاقي

مؤسس الجهاد الفلسطيني اللي رئيسها من بعده

الدكتور رمضان عبد الله شلح

الدكتور فتحي الشقاقي اتعلم هنا في مصر واتخرج من كلية

الطب جامعة الزقازيق

وبدل ما يقعد في مصر ويفتح عيادة رجع غزة

واسس الجهاد الفلسطيني وهي اتأسست قبل حماس

والجهاد الفلسطيني مشهورة بعملياتها النوعية ومشهورة بانها

لا تستهدف الا العسكريين فقط لا غير

والجهاد الفلسطيني رفضت المشاركة في الانتخابات لانها ضد اوسلو

والجهاد الفلسطيني الوحيدة اللي ما كانتش بتحط نار على زيت حار على الحرب الاهلية

الشهيد فتحي الشقاقي نموذج للمجاهد المثقف

كان شاعر وطبيب ومقاتل ورابين قتله واعترف انهم هم اللي قتلوه

وقال تعقيبا على استشهاده: الحياة بدونه افضل

واتقتل رابين بعدها باسبوع واحد بس

وعلى ايد ايجال عمير

الشهيد فتحي الشقاقي عاش بيعمل في صمت ويجاهد في صمت

ولم يترك لاهله واولاده دينار ولا دولار ولا شيكل

ولا كان وراه دولة ولا قوة عظمى

ولا كان له اطماع سلطوية ولا عمره فكر يترشح في اي حاجة

غير لما بيجيله برد بس بيرشح

ولا صوره بتتحط على العربيات ولا التي شيرتات

وذكراه الثانية عشر عدت يوم خمسة وعشرين اكتوبر

ولا حتى نقابة دودة القطن احتفلت بيه

ياللا الدنيا تلاهي

دي ذكريات مقاتلي حرب السويس: ولاد البطة السودا

بابا سعيد زيادة احد المقاتلين الابطال بيحكي لنا عن ذكرياته عن مقاومة السويس

وبيحكي لنا عن ابطال حرب السويس ولاد البطة السودا

اللي مالهمش جمعية صداقة مصرية سويسية تحتفل بيهم

زي جمعية الصداقة الكوبية المصرية ما بتحتفل بجيفارا

اترككم مع بابا سعيد زيادة وكلماته:

أتواصل مع حضراتكم

مهندس مصرىحصرتك طلبت منى أحكى ذكرياتى عن حرب السويس

كل سنه و أنتم طيبين .. النهادره عيد السويس القومى .. عيد المقاومة الشعبية .. يعنى عيد صلاح الباهى و محمد الدسوقى و عادل كمال صليب و الكابتن غزال و الشيخ حافظ سلامه و عادل اٍسلام و عشرات و عشرات ممن لاقوا العدو الاٍسرائيلى فى شوارع المدينة البطلة من بيت لبيت و من شباك لشباك و من سطح لسطح زى ما تكون السويس كانت مخبيا الأبطال دول فى حضنها و طلعتهم وقت اللزوم ..الله يجازيكى يا نواره يا بنت نجم ما أنا على قولك كنت قاعد فى حالى كافى خيرى شرى و مستكفى بشوية الذكريات مع فنجان القهوه و قراية الفاتحه على روح زملاء السلاح اللى أستشهدوا و سابونى علشان أشوف الزمن العجيب ده .. الله يرحمكم يا وحوش .. يا ترى لو كنتم أطلعتم على الغيب و عرفتوا اللى حايحصل كنتم برضو حاتعملوا اللى عملتوه ؟؟ الكمائن فى زمننا ده بقت كمائن على الكبارى لأصطياد خلق الله الغلابه اللى راجعين بيوتهم بعد يوم عمل طوييييل راكبين ميكروباص مهكع زيهم .. و الضرب ما بقاش ضرب فى المليان لكن بقى ضرب على القفيان .. و التحرش ما بقاش تحرش بتحصينات العدو لكنه فى عصرى بقى تحرش بالبنات .. و المؤخره يا حلاوتها مش مؤخرة القوات اللى هاجمه لأ دى بقت مؤخرة روبى و أخواتها طبعا تلاقيكم يا شهدائنا مش عارفين روبى !! أحسن تستاهلوا .. أمال بقى لو شفتم العلم الاٍسرائيلى بيرفرف فى سماء القاهره حاتعملوا أيه ؟؟ لأ ما تفتكروش لا سمح الله أنهم أحتلوها لكن ده فى عصرى علم دولة صديقة اللى يقطعه ياخد 6 أشهر حبس .. و تصدقوا يا وحوش أنه العراق كلتها الكلبه الأمريكانى !! و بغال الجيوش العربية واقفه تتفرج !! ما تستغربوش ما هم وصلوا لها من قناة السويس اللى عبرتوها بدمكم و أرواحكم و ياما حاضنه فى بطنها من أجسادكم .. و تصدقوا أنه لحد أول اٍمبارح أعلنت سوريا أنها لسه بتبحث عن الوقت و المكان المناسب للرد على الغارة الجوية الاٍسرائيلية على أراضيها هأوووووو .. مش مصدقينى ؟؟ طيب أسمعوا دى : و حق من كتب عليكم الشهادة أن القتال الدائر اليومين دول على أرض فلسطين مش بين قوات الصهاينة و الفلسطينيين لكن بين قوات الفلسطينيين و قوات الفلسطينيين !!! أقول لكم ايه و لا أيه يا حبايب قلبى ؟؟ ده أنا قلبى شايل هم لو أتوزع على أهل الصين لأنتحروا عن بكرة أبيهم ..السويس فجر يوم الأحد واحد و عشرين أكتوبر .. كنا 296 مقاتل صاعقة على مشارف المدينة .. نقلتنا شاحنات جنود من مواقعنا المتقدمة فى الجيش الثالث المحاصر بقوات شارون اللى فتحت الطريق من ناحية الدفرسوار تمهيدا لتقدم قوات المؤخرة لمدينة السويس لاٍحتلالها و التحكم بطريق السويس القاهره اللى كانت بتحرسه قوات كوماندوز جزائرية لاحظت دمويتهم و صلابتهم فى القتال .. كان الأمر اللى صدر من القاهره هو نقل أفراد الصاعقة و اٍدخالهم مدينة السويس للاٍنضمام لقوات المقاومة الشعبية لخبرتهم فى القتال و رفع روح المقاومين المعنوية و الصمود حتى آخر رجل و اٍمرأة و طفل فى المدينة بدون اٍستسلام لا تصدقوا أبدا أن كذبة أن محافظ السويس وقتها كان ينوى تسليم المدينة .. أبدا .. شهادة لله كان الرجل ينزل بنفسه وسط المقاومين و ينظم و يبث فيهم روح الاٍستبسال لما وصلنا المدينة عن طريق الاٍلتفاف حول منطقة الأدبية من ناحية العين السخنة تفاديا لدوريات العدو ليس خشية المواجهه و لكن حتى نفوت عليه معلومة دخول أفراد صاعقة للمدينة اللى ظن أنها مدينة أشباح ما فيهاش ناس يدافعوا عنها كان النهار لم يطلع بعد و تلقنا على مشارف السويس 2 من رجال المقاومة واحد منهم ظابط بالمخابرات الحربية و توجهنا لمستشفى السويس العام .. و هناك كان موجود العقيد فتحى عباس و دكتور أفتكر كان اسمه أيوب و الشيخ حافظ سلامه اللى كنت بأسمع عنه بس ما شفتوش و عدد من قيادات المقاومة الشعبيية .. و لم يستغرق الأمر أكثر من ساعة تقريبا و كان سيناريو المقاومة جاهز و منتظر التنفيذ .. كانت الخطة تقضى بتقسيم مدينة السويس كل قطاع هو خط دفاع مستقل بذاته و بخدماته و بأفراده فلو سقط خط دفاعى يتولى الخط اللى بعده صد الهجوم من المقدمة و فى نفس الوقت يتخذ أفراد من المقاومة المختفين داخل البيوت مواقعهم بسرعة و خفة مكان الخط المنهار و يهاجموا مؤخرة القوات و هكذا خط وراء خط حتى تمام اٍبادة القوات الغازية .. على أن يكون بكل خط دفاعى عدد من أفراد الصاعقة يقاتلون مع رجال المقاومة الشعبية .. و تم تعيين أفراد خدمة لاٍخلاء الجرحى و نقلهم للمستشفى .. كمان تم تحديد نقاط اٍستراتيجية توضع فيها كمائن بالرشاشات و قذائف الآر بى جى اللى أتمينا تدريب رجال المقاومة الشعبية على اٍستعمالها فى وقت قياسى .. و كمان تم تدريبهم على اٍلقاء القنابل اليدوية الروسى اللى تفريغ الهواء بتاعها ممكن يصيب من يلقيها لو لم يحسن اٍستعمالها .. و أيضا عرفناهم بعض تريكات القتال و التلاحم بالسلاح الأبيض و كان عندهم خلفه عسكرية جيدة .. كانوا شباب و رجال من مختلف الأعمار جمعهم هدف واحد هو الدفاع عن مدينتهم حتى الموت .. كان اٍصرارهم غريب يا جدع اٍنهم ما يسيبوش البلد للكلاب ينهشوا فى لحمها و فى عرضها و يمصمصوا فيها .. ما عليناتلات أيام مروا علينا فى السويس .. و قد جهزت لاٍستقبال قوات العدو اللى كانت بالفعل بتتحرك لغزو المدينة و قد بدلنا يونيفورم الصاعقة المموهه و أعطانا الأهالى ملابس مدنية من عندهم و اكنت المشكلة فى صعوبة العثور على المقاس المناسب لأن جنود الصاعقة ضخام الجسم .. الحقيقه كانت كمية السلاح و الذخيرة اللى كان بيتم نقلها من الجيش التالت لداخل البلد بدون توقف أو هواده تكفى للصمود أمام الغزو لمدة شهر من القتال المتواصل أضف لذلك معرفة أهل السويس بشوارعها و حواريها و بيوتها و دى طبعا ميزة كبيرة فى حرب الشوارع .. كان السلاح الخفيف من بنادق الكلاشينكوف و الطبنجات البرته التسعه ملى متاحه و موجوده بكميات هائله و أيضا الآر بى جى و عدد من صواريخ ساجر .. و لكن كانت المشكلة هى الطعام و الماء .. كان المخزون بدأ يقل بسبب قطع طريق الاٍمدادت من القاهره .. و الله رأيت بعينى كيف كان السوايسه يكتفون بلقمة صغيره و شوية ماء ساعة الاٍفطار و يعطونا الباقى على أننا ضيوف عندهم .. كانت المدينة فعلا تبدو كمدينة أشباح لا يتحرك فيها سوى عدد محدود للغاية من موظفى معامل تكرير البترول و مصنع السماد و قد أختفى المقاومون اٍستعدادا لاٍستقبال الضيوف الكلابالأربعاء 24 أكتوبر الساعه سبعه صباحا .. أبلغ أفراد من المتواجدين على مشارف المدينة أن بشائر ولاد المتضايقه ..مشوها المتضايقه.. قد بدأت فى الظهور .. و أنهم و يا للعجب يركبون أتوبيسات و عربات جيب مصرية من اللى غنموها .. عشرات المدرعات و مئات الجنود من لواء جولانى اللى هو صفوة صفوة الكوماندوز بملابسهم المميزة و هم من أمهر الجنود فى العالم و لما أسرنا منهم شوية لاقينا فيهم أمريكان وصلوا لاٍسرائيل قبل تمانيه و أربعين ساعه للاٍشتراك فى القتال كانت الخطه هى تركهم يدخلوا المدينة حتى يصلوا للمفارق و هناك يتم اٍبادتهم فى الشوارع حيث يصعب عليهم الهرب .. لكن تقول اٍيه بقى فى الدم الصعيدى الحامى ؟؟ واحد من مصوبى صواريخ ساجر ما أقدرش يمسك نفسه و ضرب عليهم صاروخ دمر المدرعة اللى فى المقدمة فتوقف الرتل و بدأ الجنود فى القفز من الأتوبيسات و قضوا على تلاته من المصريين اللى كانوا فى موقع الاٍستطلاع الأمامى .. و بدأ الاٍشتباك مبكرا على عكس الخطة و أنطلق صاروخ ساجر تانى و تالت و رابع لكن لم يحققوا الهدف من اٍطلاقهم .. و تابع جنود جولانى التقدم سيرا على الأقدام نحو المدينة و قد أنكشف لهم أن بالمدينة مقاومين فى الوقت ده أنا كنت مختبأ فى مدخل منزل مع أربعه من المقاومة أتنين على السطح و واحد بالطابق العلوى و آخر بجانبى .. و بدأت سيارات الجيب و المصفحات فى المرور من أمامنا و لفت نظرى أنهم كانوا ماشيين على الناحية اليمين من الشارع تبعا لقواعد المرور .. و بدأ الاٍشتباك .. أنطلقت الآربيجيهات و تبعتها قنابل يدوية و زخات رشاشات من كل مكان و من كل شباك و من كل زاوية .. و سقط منهم كتير .. و أحتمى بعضهم بمداخل البيوت فكانوا بيفاجئوا بوجود مقاومين داخلها بيشتبكوا معهم بشراسة .. و أستشهد حوالى 6 مصريين و جرح عدد آخر و تم اٍبادة الدفعة الأولى من اليهود بعد مقاومة عنيفة منهم وسط أتون القذائف اللى كانت بترميها دبابتهم على البيوت المقاومة .. و أستشهد البطل اللى كان معايا فى المدخل فور خروجنا من البيت لننتقل لمكان آخر بعد اٍنكشاف مكاننا .. لفت نظرى ما يقوم به بعض المقاومين من اٍستسلامهم لليهود و خروجهم رافعين أيديهم و لما كانوا بيقتربوا منهم فجأه يرموهم بقنابل يدوية مخبأة فى كفوفهم و منهم من أستشهد بهذه الطريقة .. و حل الظلام و اليهود ولاد المتضايقه ..مشوها المتضايقه.. لا يكفوا عن اٍرسال فوج ورا فوج لغزو المدينة و سحب الجرحى و القتلى .. و نجح الكثير منهم فى الاٍختفاء داخل المنازل و المحلات و بدأت أعمال القنص بين الجانبين .. ربكم و الحق كان القتال ده بيختلف كثيرا عما تعودنا عليه .. يعنى الشوارع ضيقه غير الصحراء اللى هى الملعب الطبيعى لفرد الصاعقة و حصلت اٍصابات بين المصريين بسبب النيران الصديقةالخميس 25 أكتوبر أول يوم فى العيد الصغير .. كان اليهود قد نجحوا فى الاٍستيلاء على قسم شرطة الأربعين و مبنى المحافظة .. و بدأت مكبرات الصوت تحث المقاومين على الاٍستسلام و الخروج من مخابئهم رافعين الرايات البيضاء .. و أنطلقت أصوات التكبيرات من مسجد الشهداء و بدأ المئات من رجال المقاومة فى قراءة الفاتحة بصوت واحد رهيب أرتجت له السماء كاٍعلان منهم عن تقبلهم للشهادة دفاعا عن بلدهم .. و بدأ عميد الصاعقة عادل اٍسلام و معه العشرات من رجاله فى مواجهة مدرعات الاٍسرائيليين وجها لوجه .. و سقط الشهداء و أزدادت شراسة اليهود و بدأت جنازير دبابتهم تهرس أجساد الشهداء عن عمد .. و فى هذا اليوم كان لى شرف القضاء على عدد كبير منهم أبرزهم ملازم اٍسرائيلى اٍسمه غزال عرفت اٍسمه من أوراقه التى كانت فى جيبه اٍشتبكت معه بالسلاح الأبيض داخل محل حلاقه كان يختبىء فيه و قضيت عليه بعد ما أصابنى بجرح فى صدرى و حملت جثته و سلمتها لرجال المقاومة اللى دفنوها فى مكان خفى و تم مبادلتها يوم 28 أكتوبر بأسير مصرى .. و يأس اليهود من محاولاتهم المتكررة الفاشلة فى الاٍستيلاء على المدينة بعد محاولتين فى هذا اليوم و تركوا عدد كبير من القتلى و الجرحى اللى أصيبوا أكثر من مره بسبب تكرر اٍطلاق النار عليهمالجمعه 26 أكتوبر .. صلينا الجمعه بمسجد الشهداء و صلينا صلاة الغائب على شهداء المدينة و كان الاٍمام الشيخ حافظ سلامه الله يرحمه .. و خرجنا من المسجد فرحانين بالنصر فوجدنا أهل السويس الطيبين بيوزعوا علينا الكحك و البسكويت .. كانت فرحة عارمة و شعور بالزهو للنصر ممزوج بشجن نبيل لشهدائنا اللى راحواو صلتنا تهنئة السادات و المشير أحمد اٍسماعيل و الفريق الشاذلى و تلاها علينا بعد ما تجمعنا العميد عادل اٍسلام شهر أغسطس اللى فات كنت فى السويس و مريت على الأماكن اللى بأحكى لكم عنها .. أتغيرت و تقريبا تبدلت و كانت أغنية العنب العنب تنطلق من كل مكان بشكل هستيرى فأغلقت السماعة التى أضعها فى أذنى بسبب ضعف السمع اللى أصابنى مؤخراكل سنه و أنتم طيبين بمناسبة عيد السويس القومى اللى هو عيد المقاومة الشعبية

====

الكلام ده كان سنة تلاتة وسبعين

ده غير حرب ستة وخمسين

يا عيني عليكي يا سويس وعلى ولادك اللي رووا البلد بدمهم

وفي الاخر بنحتفل بجيفار

نقابة الصحفيين تحتفل بذكرى جيفارا

بجد بقى دي حاجة بقت تحرق الدم

اولا بيحتفلوا بيه في يوم تاني غير يوم مقتله ومش ح اقول

اليوم عشان مايبقاش اعلان عن الاحتفالية بس جيفارا مات يوم

سبعة اكتوبر يعني ذكراه فاتت وشبعت فوتان

ثانيا اول امبارح كانت ذكرى حرب السويس وما حدش عبر السويس

ولا حربها ولا شهادءها ببق مية ناهيك عن احتفال

واشمعنى ما حدش احتفل بذكرى سليمان الحلبي ولا سليمان خاطر ولا

سناء محيدلي ولا يحيى عياش ولا مئات الالاف اللي استشهدوا في الحروب الاربعة

بتاعتنا وماتوا عشان ام البلد الجاحدة دي اللي ما بتفتكرهمش بكلمة

وكمان يحتفلوا بناس تانية كأنها مكايدة

انتوا عارفين اسر شهداء الحروب المصرية عايشين ازاي؟

عارفين الشخصية الحقيقة لمسلسل دموع في عيون وقحة

اللي ناسية اسمه بس المسلسل كان اسمه جمعة الشوان

عارفين عايش ازاي؟

عارفين عدد المصابين في الحروب الاربعة كام؟ وعارفين هم عايشين ازاي؟

عارفين ان الشباب المصري متخيل اننا ما عندناش ابطال خالص؟

لمصلحة مين التركيز على ابطال مستوردين واهمال ابطالنا الحقيقيين؟

لمصلحة مين ان تاريخنا كله يتشوه ويتشتم من اول خالد بن الوليد

لحد ابطال المقاومة في مصر وفلسطين ولبنان والعراق

في مقابل الاحتفال بناس تانية ما كانوش يعني اكثر انسانية ولا رحمة

اذا اعتبرنا ان المشاركة في الحرب ضد حقوق الانسان وكأن مشاركتنا احنا في الحرب

تبقى دموية وارهاب ومشاركة غيرنا تبقى بطولة

امن الحق انهم يطلقون الاسد منهم وأن تقيد أسدي؟

!!!!!!!!!!!!!!!!!!!!!!!!!!

يعني اشمعنى ابطالنا من اول سعد بن ابي وقاص

لا والله ده من اول سيدنا محمد نفسه صلى الله عليه وسلم

مرورا بقى بالصلاح الدين الايوبي وقطز وبيبرس وسليمان الحلبي

وغيرهم وغيرهم لحاااااااااد ابطال القرن العشرين والواحد وعشرين

يبقوا ارهابيين ودمويين ونشروا الدين بحد السيف وضد السلام

وحسن نصر الله جر لبنان لحرب واحمدي نجاد بيشعل المنطقة

وصلاح الدين الايوبي كان بيفطر في رمضان وبيبرس وقطز عبيد ومحتلين

وسليمان الحلبي اهوج وسليمان خاطر مختل وسناء محيدلي عيلة مضحوك عليها

ويحيى عياش والشيخ احمد يس اسرائيل هي اللي عاملاهم

وبن لادن صنيعة امريكية اتقلب عليها

طيب هو بن لادن غلطان عشان صنيعة امريكية وللا عشان اتقلب عليهم؟

وحتى خالد بن الوليد وابو بكر وعمر ما سلموش من الشتيمة

وبعد الهد ده كله وبعد ما دلوقت معظم الشباب تحت التلاتين بكل جهل وغباوة

يقولوا تاريخنا مافيهوش ولا نقطة مضيئة

بعد ده كله يعملوا ذكرى جيفارا ويحتفلوا بيها

وجيفارا ده بقى كان لا يتورع في انه يقتل اي حد مهما كان بريء عشان

"عدالة قضيته"

بفلوس مين بقى الاحتفال ده ح يتعمل؟

وح يأجروا صالة نقابة الصحفيين المصريين عشان يحتفلوا بواحد مش مصري ولا عربي ليه؟

ما توفروا الفلوس دي لابطال حرب ستة وخمسين اللي ما عبرتوش قرعتهم

تحبوا اجيب لكوا المصريين اللي قاتلوا في الحروب وتشوفوا حالتهم المادية عاملة ازاي؟

ايه الاستعباط ده

انا مش باحب اخون حد ولا اتهم حد

بس وائل عباس بيقول ما معنا والله وبانت فلوس فيدل كاسترو

هممممممممممم

اذا كان كده يجعل دار فيدل كاسترو عمار

====

هي مدام الحكاية بقت كيد ومكايدة بقى ان شاء الله

الليلة دي ح اقعد اترجم فصول من مذكرات جيفارا

عشان الناس بنفسها تقرا البطل العظيم ازاي كان بيقتل ويعذب

ويحتجز فلاحين وسائقي شاحنات ابرياء كل جريمتهم انهم

خايفين منه ومش عايزين حروب في مزارعهم

انا كنت باحب جيفارا بس بجد القوادة اللي بتحصل دي

كرهتني في امه

عاجل مظاهرة في الجامعة

أنا سامعة دلوقت صوت تظاهرة في الجامعة
مش عارفة بيقولوا ايه ولا بيتظاهروا على ايه بس سامعة صوتهم
من الشباك
هو مين اللي عامل مظاهرة يا شباب؟
ح اشوف كده ح انزل وح احاول اقرب من المظاهرة
ولو عرفت اصورها ح اصورها

====

للأسف يدوبك جيت انزل المظاهرة خلصت

الظاهر ضربوهم لان المظاهرة كده ما اخدتش عشر دقايق

ندوة عن المنبوذين: سكان العشوائيات

تقيم جمعية صحبة الخير يوم الخميس 25/10 الساعة 9.00 مساء بمكتبة القاهرة الكبرى بشارع محمد مظهر بالزمالك قبل فندق سقير ندوة عن الفيلم التسجيلي "حلم اسطبل عنتر" اخراج أ/ يوسف هشام وانتاج شركة زاد للانتاج الاعلامي والحائز على جائزة أفضل فيلم تسجيلي مدته 15 دقيقة في المهرجان القومي للسينما لهذا العام وجائزة أفضل فيلم تسجيلي من مهرجان الاسكندرية السينمائي الدولي عام 2007 .
وسيحضر الندوة كل من المخرج الذي سيتحدث عن تجربته في عمل هذا الفيلم وأستاذ صلاح الحنفي من الشركة المنتجة للفيلم إيمانا منها بأهمية المشاركة في المشروع التنموي الذي يستهدف منطقة اسطبل عنتر.
موضوع الندوة: أوجه الشبه بين سكان العشوائيات و طبقة المنبوذين بالهند.
اتساع الهوة بينهم و بين باقي المجتمع


المنبوذون

"المنبوذون" اسم يطلقه أتباع الديانة الهندوسية على فئة اجتماعية في الهند، في اعتقاد منهم بأن الأرواح الشريرة التي اقترفت الآثام في حياتها الأولى تتناسخ في أجسادهم. نتج عن هذا الاعتقاد استمرار توارث هذه الفئة للفقر والتعاسة وسوء الأحوال، إلى جانب الاحتقار والازدراء من الفئات الأخرى التي تتجنبهم اتقاء للعنة التي يمثلونها.
المنبوذون في الهند لا يثورون على أوضاعهم المزرية، حيث أنهم، في اعتقادهم الهندوسي، يستحقون تلك المعاناة التي فرضتها عليهم "الآلهة"، ولا يتحرك صاحب فضل أو خير من فئات المجتمع الأخرى ليرفع عنهم معاناتهم أو يشفق عليهم، بل يعاملهم بقسوة تقربا إلى "الآلهة"! وهم يقبلون تلك القسوة خضوعا لأمر "الآلهة". بالرغم من ارتباط هذا الظلم الواقع على المنبوذين باعتقاد ديني راسخ – أثبتت الدراسات أن الهندوس ثاني أكثر أتباع الديانات تمسكا بعقيدتهم بعد المسلمين – إلا أن بعضا من قيادات العالم التاريخية، مثل بوذا، وغاندي قد آلمهم هذا الاعتقاد القاسي وغير المبرر أو المنطقي. فعمد بوذا إلى تأسيس ديانة تستوعب الفقراء والتعساء، ودفع غاندي دفعا إلى لمس المنبوذين واحتضانهم في استجابة إنسانية لآلامهم.
هل ترى الصورة مؤلمة؟ إذن فاعلم عزيزي القارئ أن في مجتمعاتنا أناس ينتمون إلى فئة المنبوذين، يعانون ما يعانيه أخوانهم في الهند، وليس لنا، في مجتمعاتنا، عذر العقيدة الدينية، التي تبرر هذا الوضع اللا إنساني. في مصر التي ليس فيها هندوسيا واحدا، والتي يدين أهلها بديانات سماوية تساوي بين الناس كأسنان المشط، وتعلم أتباعها أن غضب الرب الذي لا ينزل إلا للظلم، لا يرفعه سوى العدل والمساواة بين الناس، في هذه البلاد وبين هؤلاء الناس "المؤمنين"، يعيش مئات الآلاف، بل الملايين، حياة لا ترقى إلى مستوى حياة الحيوانات الضالة، فربما يحظى كلاب الشوارع وقططها بعطف لا يحظى به هؤلاء التعساء، الذين يتجرعون الانسحاق والفقر مع الازدراء ويتجنبهم جل طوائف المجتمع فزعا من "قذارتهم" و"أمراضهم" و"إجرامهم" وكل التبعات المنطقية والطبيعية لأحوالهم التي سيسألنا الله عنها يوم القيامة. وكما يظن المنبوذون في الهن! د أنهم مستحقون لهذه الحياة، فإن ميراث التعاسة التي يعيش فيه سكان مزابل المحروسة، سحق أي شعور بالإنسانية لدى هؤلاء الفقراء، فهم يظنون أن تلك هي الدنيا، وأن معاناتهم أمر طبيعي لا يجب عليهم تغييره، ويرضون بالفتات الذي يقذف في وجوههم في المواسم الدينية.
لا نعرف من أين برزت تلك الثقافة في مصر، تلك التي تلقي باللائمة على آدميين، يولدون في المزابل ويكبرون بين العقارب والثعابين ويعيشون محتضنين مخلفاتهم الآدمية، ثقافة يروجها بعض أبناء الطبقة المتوسطة العليا والتي تتخلص في أن هؤلاء البؤساء الذين سلبوا إنسانيتهم هم المسئولون عما هم فيه، وأنهم يستحقون معاناتهم لأنهم "يفضلون الجريمة على العمل الشريف، ويستمرءون التسول بدلا من الكد، وهم أقذار لصوص، لا يليق بإنسان أن يدخلهم بيته، أو يستخدمهم في عمل يقربهم منه". يا سبحان الله! أقذار لا يصلحون للعمل، ثم حقراء لا يحبون العمل!
وكأن أصحاب هذا المنطق قد خبروا معنى أن يسلب الإنسان إنساينته، ووفقا لخبرتهم يدينون وينبذون هؤلاء التعساء.
يعلم جميعنا أن الصدقة "تطفئ غضب الرب" هذا في حال ما إذا كانت صدقة مشبعة، ترفع الشخص المسلوبة آدميته إلى مصاف الآدميين مرة أخرى، أما صدقة الفتات الموسمية التي تطفئ نزغ الضمير وتهدئ الليل المسهد وتجفف دموع الأغنياء الرقيقة، فلا نظن، والله أعلم، إلا أنها تشعل غضب الرب أكثر وأكثر.
ليس في استمرار أحوال هؤلاء "المنبوذين" على ما هي عليه، مع إلقاء بعض الفتات الموسمي لهم: (المقترن بالمواسم والأعياد) أي رحمة أو إنسانية أو صدق. فإما أن نعمل جميعنا جاهدين لنعيد لهؤلاء الناس إنسانيتهم، وننتشلهم من قاع اللا آدمية، ليتنبهوا هم أولا أنهم إنسان، ولنعلم نحن ثانيا أنهم إنسان مثلنا تماما، وليحيوا حياة إنسانية، أو نتركهم جوعى تماما حتى يدفعهم الجوع الحارق إلى اغتصاب حقوقهم من مجتمع نزعهم أبسط حقوق الكائنات الحية، وعزلهم في ثكنات "مزبلية" وسيجهم باحتقاره، ثم ينعم عليهم من آن لآخر ببقايا طعامه، وملابسه القديمة التي يأنف أن يرتديها لأنها لم تعد تساير الموضه.
إما أن تعاملونهم بندية وتشرعون في علاجهم، أو تتركونهم لغريزة حب البقاء التي ستدفعون ثمنها غاليا.

بخصوص موضوع الذمة اللي خنقتونا بيه

استطرادا لمناقشة مش لازم تعرفوا تفاصيلها

مع واحد صاحبي عزيز عليا قوي مش لازم تعرفوا هو مين

بخصوص فكرة اهل الذمة وقعد يضيق خلقي وانا مش باعرف اتكلم

انا ارغي كده على المدونة لكن وشا لوش او سماعة لسماعة بتهته واقطع في الكلام

ما عنديش غير رد واحد وده اخر ما عندي انا شخصيا وكفاية خنقة

واي كلام تاني بقى يبقى تلاكيك وللا استعباط وللا مهوبصة

الكلام مش كلامي ده عهد الرسول صلى الله عليه وسلم

المصدر: مجموعة الوثائق السياسية للعهد النبوي والخلافة الراشدة

جمع وتحقيق د. محمد حميد الله الحيدر آبادي

اولا: عهد الرسول مع يهود المدينة

يهود أمة مع المؤمنين، لليهود دينهم وللمسلمين دينهم، ومن تبعنا من يهود (يقصد بنا ده يعني المسلمين واليهود اللي ماضيين العهد عشان الخنقة بس) فإن له النصر والأسوة مع البر المحض من أهل هذه الصحيفة غير مظلومين ولا متناصر عليهم، ينفقون مع المؤمنين ما داموا محاربين، على اليهود نفقتهم وعلى المسلمين نفقتهم، وأن بينهم النصر على من حارب أهل هذه الصحيفة، وأن بينهم النصح والنصيحة والبر دون الإثم..(ص 17-21)بس

ثانيا: عهد الرسول لنصارى نجران

لنجران وحاشيتها، وسائر من ينتحل دين النصرانية في أقطار الأرض جوار الله وذمة محمد رسول الله، على أموالهم وأنفسهم وملتهم وبيعهم وكل ما تحت أيديهم، أن أحمي جانبهم، وأذب عنهم وعن كنائسهم وبيت صلواتهم ومواضع الرهبان ومواطن السياح، وأن أحرس دينهم وملتهم أين كانوا مما أحفظ به نفسي خاصتي وأهل الإسلام من ملتي، لأني أعطيتهم عهد الله على أن لهم ما للمسلمين، وعليهم ما على المسلمين،

وعلى المسلمين ما عليهم، وحتى يكونوا للمسلمين شركاء فيما لهم وفيما عليهم

ص 111

وكفاية خنقة بقى اذا كان من دولم وللا دوكهمة وللا دولت

انا متضامنة مع عبد الرحمن فارس

المدون عبد الرحمن فارس صاحب مدونة

لساني هو القلم

اتقبض عليه والتفاصيل عند مراقب مصري

وانا نايمة على وداني ومش دريانة والواد مينا ده واد مجدع

ومستغرب ان الناس مش متضامنة مع الواد الغلبان

وله حق

والحمد لله اني مش راجل عشان مافيش حاجة تتفقع

من التعليقات اللي لقيتها عنده

حاجة خنيقة خنيقة خنيقة ووسخة وسخة وسخة

بجد يعني ايه القرف ده

انا متضامنة مع عبد الرحمن فارس

سوري سوري

تم اخلاء سبيل عبد الرحمن

بس انا كمان متضامنة معاه والنبي تبقوا تقروا التعليقات اللي عند مينا

من بواقي الأبطال في زمن الأقزام

دي صور من ريحة الحبايب بعتها لي بابا سعيد زيادة

المقاتل العظيم

وده طبعا ظابط اسرائيلي ابن وسخة من اللي انتهكنا معاهم حروق الانسان

يلعن ابو حروق اللسان على ابو العدالة المزيفة والموضوعية الكدابة

والمسألة مش مسألة تار ولا عار بس يعني العدالة الدينية في كل الاديان بتقول

العين بالعين واحنا ما عملناش حتى العين بالعين ده كان قتل اضطراري

اما غير المؤمنين بالاديان فيقدروا يرجعوا لميكيافيللي ولماركس وهما طرفي النقيض

في الفكر العلماني ويشوفوا اقوالهم بخصوص حروق اللسان ورد الاعتداء بالمثل

بل تقدروا ترجعوا لفرويد اللي بيقول ان جزء من علاج المعتدي انه يعتدى عليه

بنفس الطريقة اللي اعتدى بيها عليك وان فيه ناس تركيبتهم النفسية تستوجب

انك لما تنتصر عليهم تدوقهم من نفس اللي عملوه معاك عشان ما يكرروش تصرفاتهم

اللا انسانية مش بس معاك ومع غيرك كمان وانت بكده بتنقذ نفسك وغيرك وبتنقذ

نفس المعتدي ده من انه يكرر ممارساته اللا انسانية تاني لما يشم نفسه ويستعيد قوته

ودي تركيبة تختلف عن تركيبة الناس اللي بتتكسف من نفسها لما ترد عليهم السيئة بالحسنة

والحقيقة اني شايفة ان الجيش بتاعنا قصر قوي في التعامل مع الاسرى ومع القتلى

وبسبب التقصير ده لسة لحد النهاردة الاسرائيليين بيقتلوا اطفال ونساء

ولو المصريين عملوا مع الاسرائيليين بالظبط زي ما عملوا معانا في سبعة وستين

وبنفس الوحشية ونفس الهمجية

كان زمانا كلنا مستريحين من مناظر الاطفال اللي راسهم متفسخة نصين في فلسطين

ولبنان

بس هم المصريين اصل قلبهم علق

وكمان تلوموا الجيش على انه عمل ربع اللي اتعمل فينا

هي كده شكلها خربانة ومش ح تفلح اساسا كويس ان مافيش حرب والا كنتوا وكستونا

افهم من كده ان لو لاقدر الله قامت حرب ح تقف قدام العدو وتقول له

قطعني يا معلم انا اصلي قلبي ضعيف؟

عارفين أبو علي اللي باتشرف بانه يعلق عندي؟

بعت لي رسالة على الميل وفي وسط الكلام قال انه شارك في تلاتة وسبعين

فطلبت منه يحكي لي تجربته

فكتب لي جزء من تجربته

وأنا شفت إنه ح يبقى شر مني وسفالة وقلة ادب

لو قريت الرسالة دي لوحدي وما اشركتكوش معايا في قراءتها

لذلك ارسلت لصاحب الميل وكتبت له رسالة

وانا واقفة على رجليا وبعد ما اديت التحية العسكرية

وطلبت منه الاذن في اني انشر رسالته

واتضح ان ابو علي اللي بيكلمنا صون فاصون ده بطل مصري في حرب تلاتة وسبعين

وحكالنا تجربته

- بعد ما انا اللي طلبت منه انه يتكلم-

يعني لولا كده كان فضل يتواضع ومايقولناش على بطولاته

اتفضلوا الرسالة:

لو تحبى تسمعى عن تجربتى أيام الحرب حاقولك باٍختصار : أنا المقاتل سعيد زياده اللى كان لى شرف قتل الجنرال ابراهام مندلر قائد مدرعات الجبهة الجنوبية يوم 13 أكتوبر 1973 و ليس يوم 14 كما يقول بذلك مؤرخو الحرب .. و حاولت كتير تصحيح هذا الخطأ بدون فائدة .. و كان لى أيضا شرف التصدى للغزو الاٍسرائيلى لمدينة السويس مع أفراد الصاعقة اللى تسربوا للمدينة و أنضموا للمقاومة الشعبية اللى ورت اليهود الويل فى حرب الشوارع .
أصل الحكاية أنى جندت يوم 5 أغسطس 1972 و أنضممت كفرد صاعقة بناءا على توصية من المرحوم المقدم محمد جندى طه اللى كان مكلف باٍختيار أفراد صاعقة من التشكيلات المقاتلة المختلفة .. و أنهيت فترة التدريبات بأنشاص ثم أنضممت و زملائى للسرية 114 صاعقة المرابطة بالزعفرانه .. و هناك تعرفت على سيادة الفريق سعد الشاذلى اللى كان الأب الروحى لأفراد الصاعقة و المظلات اللى هم صفوة رجال الجيش .. و كان بيتردد على السرية من وقت لآخر و بيتابع بنفسه ما وصل له الرجال فى التدريبات .. , أذكر فى مره أنه قال لنا : يا رجاله أحنا بنجهزكم لحاجه ما حدش حايقدر عليها غيركم .. و كان بيشعل فى نفوسنا الحماس و هو بيتابع البيانات العملية لدرجة و الله أننا كنا أحيانا بنأذى بعض من شدة ما كنا واخدين الحكاية بجد ..
سيادة الفريق كان بيتمتع بحب لا يوصف من رجال الجيش .. و كان عارف كل واحد بالاٍسم و كان لما بيتكلم عن معركة التحرير كنتى تحسى أنه بيحكى لك عن حاجه هو شايفها قدام عينيه أو كأنها حاجه حصلت بالفعل و هو بيحكيها لك ..
و قامت الحرب .. و للأسف لم يكن لى شرف الاٍشتراك فى موجة العبور الأولى مع زملائى اللى نقلوهم قبل الحرب بيومين لخط الدفاع الأول و أنضموا لقوات المشاة فى الجيشين التانى و التالت و كان الغرض هو تطعيم قوات المشاة اللى حاتعبر فى الموجة الأولى و كانوا حوالى 23 ألف جندى بعدد من رجال الصاعقة و اللى كان عددهم حوالى 4 آلاف مقاتل ..
كنا بنحترق شوقا لدخول المعارك اللى كنا بنتابعها و كانت أعصابنا بتتحرق كل ما نسمع بلاغ فى الراديو و فى نفس الوقت قام المرحوم المقدم سامى كمال بتكثيف التدريبات على التصويب بصواريخ آر بى جى و ساجر اللى لم تكن معروفة وقتها ..
فى الوقت ده فكرت أنا و 5 من زملائى أننا نهرب فى قارب صيد نستولى عليه بالقوة حتى لو تطلب الأمر القضاء على أصحابه و نعبر خليج السويس و نصل لسيناء و نقطع الطريق على الاٍسرائيليين و نشتبك معهم .. و بدأنا بالفعل فى التخطيط لذلك !! قالك زمان يا نواره العافيه هبله J
يوم 12 أكتوبر حوالى الساعه 12 مساءا أمرنا بالتجمع فى ساحة الوحدة و كان الكثير منا يدوبك لسه راجعين من الخدمة و اللى كانت مراقبة و حراسة الشاطىء بطول 12 كم و الاٍشتباك مع أى محاولة اٍنزال اٍسرائيلى ..
المهم تجمعنا و بدأ سيادة المقدم سامى كمال فى النداء على بعض الأسماء من كشف معاه .. و كانت 60 اٍسم فرد من صفوة رجال الوحدة و كنت منهم .. و صرف الباقيين .. أخدنا لهنجر التجمع فأيقنا أننا سننضم للقتال فى سيناء فأبتهجنا جدا و فوجئنا بوجود شيخ و قسيس J آه و الله ما اعرفش جابوهم منين ! .. و أتكلموا عن فرض الجهاد و حلاوة الشهادة فى سبيل الله و الثبات يوم الزحف .. كانت الدماء تغلى فى عروقنا فبدأ البعض يقول : عارفين الكلام ده كله خلصونا بقى !! فخلصونا بقى J
بعد ساعة بالظبط كانت 3 سيارات نقل عسكرية تسير بنا لنقطة ما على طريق السويس الأدبية حيث حملتنا 3 طائرات هليكوبتر بكامل عتادنا الشخصى و طائرة رابعة كانت محملة بعدد كبير من صواريخ الآر بى جى و ساجر و كنت متخصص فى صواريخ ساجر و بارع فى التعامل معها .. نسيت أقول لك أن المقدم سامى كمال قبل ما نصعد للسيارات النقل شرح لنا المطلوب .. و هو أنه سيتم اٍبرارنا جوا خلف خطوط العدو و سيتم اٍنزالنا فى منطقة ممر الجدى و المطلوب التصدى لرتل مدرعات قادم من مدينة نخل تجاه القوات المصرية اللى عبرت لسحقها يعنى اللى يفوت يموت و أن التعامل مع الدبابات سيكون بالصواريخ و مع أفراد طاقمها بالسلاح الشخصى و التلاحم بالسلاح الأبيض لو تطلب الأمر و القتل بالأيدين العارية فى النهاية لو نفدت كل الأسلحة .
سيناء .. لما وصلنا لمكان الاٍبرار و الله و الله و الله شعرت أن الأرض بتحضنى بنفس الطريقة اللى كانت المرحومة أمى بتحضنى بيها لما كنت بأرجع اجازة .. كتير مننا ما قدرش يمسك نفسه و أترمى على الرمل يحضنه و يبكى بكاء حارق صامت مكبوت .. كان مشهد غريب و رهيب أشباح رجال فى منتهى الشراسة فى ظلام الفجر بيبكوا و بينهنهوا زى الأطفال !! يعنى اللى كان يشوفهم ما يقولش أبدا أن دول بعد ساعات حايعملوا مجزرة رهيبة لم تحدث فى تاريخ الحروب أبدا ..
صباح يوم 13 أكتوبر كان الكل متخذ موقعه و مختفيين بين صخور هضبتين قدام بعض بيشرفوا على المدق اللى منتظر تعدى منه دبابات اليهود .. كان الجو هادىء اٍلا من بعض طائرات الاٍستطلاع الاٍسرائيلى المتوجهه غربا ناحية القنال و بعدها بشويه تشكيلات الفانتوم و السكاى هوك و لاحظت أنها عند عودتها تكون أقل عددا يعنى فيه طائرات بتسقط من عندهم فأستبشرت خيرا ..
حوالى الساعة 3 و نص بدأت الأرض ترتجف و تهتز شيئا فشيئا من هدير جنازير الدبابات الاٍسرائيلى .. الحقيقه شىء رهيب كان و لكن ثبتنا قلوبنا و بدأنا فى قراءة القرآن و تلاوة الشهادة و زمايلنا الأقباط صلبوا و أذكر زميلى الشهيد جندى مجند فوزى لمعى أنه قال بصوت هامس : أظهر عجيبتك يا مار جرجس .
بدأت الدبابات فى الظهور .. و كانت الاٍشارة المتفق عليها لبدء الضرب صاروخ يطلقه الملازم أول أسامه البحيرى يتبعه ضرب مكثف من أفراد الكمين .. كان فى المقدمة مدرعتين اٍستكشاف بتتبعهم دبابة لفتت نظرى و هى جايه تتمخطر من بعيد زى البطه السمينه .. لفتت نظرى لأنها الوحيدة اللى كان عليها هوائى حوالى 3 متر بعكس كل الدبابات التانيه اللى كان الهوائى بتاعها لا يتعدى طوله المتر و نص ..
و لما أصبح الرتل فى مرمى النار أتفتحت عليهم أبواب جهنم .. كانت صواريخ الآر بى جى المحمولة على الكتف بقت بعبع المدرعات لأنهم ما كنوش عاملين حسابهم عليها .. كان معروف وقتها اٍن الدبابة تواجه بدبابة أو بقطع المدفعية الثابتة أو بالطائرات لكن أن توجه بفرد مشاه خفيف الحركة و من السهل أنه يتخذ موقع مناسب علشا ن يضرب الدبابة بصاروخ محمول على الكتف و يشعلل داخلها لدرجة حرارة 1000 درجة مئوية فده ما كانش متوقع !!
ربك و الحق أنا غبت عن كل اللى بيحصل حواليا و ركزت كل اٍهتمامى بالدبابة اللى لفتت نظرى .. و بسم الله الرحمن الرحيم و ما رميت اٍذ رميت و لكن الله رمى .. و ضربت صاروخ ساجر فلق الهواء بأزيزه و فشخ أم البطة السمينة و طير برجها باللى فيه .. مشيت حوالى 10 متر و أصطدمت بمدرعة مضروبة .. لم أرى بدقة أيه اللى حصل بعد كده بسبب الدخان الكثيف حواليها .. و حطيت الصاروخ التانى و ضربت دبابة تانيه و بعدها التالته .. و بدأ اليهود يضربوا على الأماكن اللى حددوها من خلال اٍطلاق الصواريخ .. و أستشهد البعض .. و بدأت الدبابات الأخرى فى الدوران علشان تهرب لكن تابعها الرجال بالآر بى جى .. و بدأ الباقون كما فى الخطة فى التعامل مع جنودهم اللى كانوا بينطوا من الدبابات و هى ماشيه علشان يهربوا و قتلوا منهم العشرات .. و بدأنا نحن حملة صواريخ ساجر فى تغيير مواقعنا و التعامل أيضا مع الجرحى منهم بقتلهم بالسلاح الأبيض و قطع أذن أو أصبع و الاٍحتفاظ بها فى جيوبنا لأن أكثر ما يوجع اليهود أن تدفن جثة ناقصة .. حتى وصلت للدبابة البطة فوجدت 3 منهم قتلى و منهم واحد كبير فى السن كتفه و دراعه الشمال مش موجودين و مرمى جنب الدبابة من الناحية الشمال .. لفت نظرى رتبته على كتفه .. يا نهار زى بعضه !! ده لواء يا جدعان J
رحت شادد السبلايت من على كتفه و أحتفظت به ليومنا هذا ..
تركنا باقى الدبابات و كان عددها بسيط تهرب بناءا على أوامر المقدم سامى كمال لسببين الأول عدم اٍستدراجنا خارج الممر حيث يسهل اٍصطيادنا .. و السبب الثانى ظهور طائرات اٍسرائيلية أتت للاٍشتراك فى المعركة .. فأنسحب ما تبقى من القوة داخل الجبل حاملين بعض الجرحى و تركنا خلفنا الميئوس من نجاتهم و هذا عرف متفق عليه بين أفراد الصاعقة ..
قبل الغروب بنص ساعة تجمعنا فى نقطة متفقين عليها اٍسمها الشط تبعد عن الممر حوالى 15 كيلو و جاءت هليكوبتر واحده فقط لحملنا جميعا و المعروف أنه فى هذه الأحوال لا تبقى الهليكوبتر على الأرض أكثر من دقيقتين اللى يلحق يركب يركب و اللى ما يلحقش له رب اٍسمه الكريم .. و لما نظر الطيار لعددنا قال مش حاينفع كده خففوا الحمولة فرفضنا ترك الجرحى و أعدمنا الأسرى السته بالسلاح الأبيض وسط صراخهم و أذكر واحد فيهم قال لى بالعربى : دخيلك الله دخيلك محمد يا أبن عمى !!
و حملتنا الطائرة و طارت حوالى 30 دقيقة أستغرقناها فى الصمت التام و دعونا لشهدائنا بالرحمة .. هبطنا فى منطقة اٍسمها عوبيد و ألتحق ما تبقى منا بالسرية 112 الجيش الثالث الميدانى حيث قلنا شهاداتنا عن اللى حصل و سجلت و وثقت و لما أبرزت للمحقق النقيب أيمن المفتى سبلايت الجنرال اللى قتلته قلبها بين أيديه غير مصدق و لما تاتى يوم أعلنت اٍسرائيل مصرع مندلر أستدعونى علشان أكلم على التليفون سيادة الفريق سعد الشاذلى اللى هنانى شخصيا و الله و بقيت مش عارف أرد عليه لدرجة أنه قالى أنت سامعنى يا وحش ؟ فقلت له تمام يا افندم و أنا بأغالب دموعى .. و طلب مقابلتى شخصيا أيام الثغرة و كلفنى بمهمة خاصة سببت الرعب لليهود ..
و بعدها انتقلنا للسويسبأبن عمىأ حيث شاركنا المقاومة الشعبية فى التصدى لغزو اليهود قبل العيد الصغير ب3 أيام .. و كانت حرب شوارع رهيبة و دموية .. و على فكرة يا نواره المصرى بيعرف يقتل و بيعرف يدبح و بيعرف يبقى قلبه قاسى قوى قوى .. المصرى وقت اللزوم بيبقى دموى و شرس على عكس ما بيظهر أنه نى و خايب و مالوش فى حاجه بس الحكاية أنه عاوز حاجه تصحيه ..
45 دقيقه أستغرقتها المعركة .. 112 دبابة و مدرعة دمروا تماما .. 76 قتيل اٍسرائيلى من ضمنهم الجنرال مندلر قائد مدرعات الجبهة الجنوبية و اللى كان عبقرى من وجهة نظرهم فى قيادة حروب المدرعات.. 6 أسرى ضباط يهود من رتب مختلفة تم اٍعدامهم قبل الصعود للهليكوبتر اللى رجعتنا .. 34 شهيد مصرى ..
اليوم ده كان أوسخ يوم فى الحرب عند اليهود لأن قبلها بكام يوم تم القضاء على اللواء 190 مدرع بتاع عساف ياجورى و تم أسره فأراد مندلر تحسين صورة سلاح المدرعات بحركة جدعنه راح فيها .. و على حسب ما سمعت بعد كده أنه مندلر ده هو اللى فشخ سلاح المدرعات المصرى فى حرب 67 .. و بسبب هذا الكمين البدائى و نتيجته الكارثية فكرت جولدا مائير فى اٍستعمال السلاح الذرى لحسم المعركة بل و أعطى ديان الأوامر بالفعل لتجهيزه لولا موقف أمريكا ..
حصلت على نوط الواجب العسكرى من الدرجة التانية .. و شهادة تميز من قيادة وحدات الصاعقة .. و شهادة تفوق من سيادة الفريق الجمسى الله يرحمه .. و مكافأة مادية ضخمة من سيادة الفريق سعد (بحسابات الأيام دى حوالى 10 آلاف جنيه) .. و المفارقة أنه بعد أنتهاء الحرب سافرت للجزائر للعمل هناك فى شركة سوناتراك بناءا على توصية من مصر و كان مديرها مصرى الله يرحمه المهندس مصطفى موسى اللى أبنه دلوقتى مش عارف أيه فى حزب الغد .. و تعرفت على الأستاذ سعد زهران اليسارى المصرى الشريف و اللى أصبح بعد كده أستاذى و كنت فى زيارة له فى البيت و كنت بأناقش بنته جميله و كانت من سنى تقريبا فى موضوع وقف اٍطلاق النار و الأستاذ سعد يتابع النقاش بصمت .. و فجأه ضرب جرس الباب و فوجئت بسيادة الفريق سعد يدخل علينا فلما شافنى أستغرق فى نوبة ضحك و قال لى يا أبنى هو أنت ورايا ورايا !! و غرقت فى حضنه و بكيت و بكيت و بكيت و شعرت بجسده ينتفض من الداخل و هو يحاول كتم بكاءه و قال لى شامم فيك ريحة مصر !!
طولت عليكى يا نواره بس أنتى عارفه العواجيز و رغيهم بعد ما بيتواروا فى الظل ..
ربنا معاكى يا بنتى و يوفقك و يبعد عنك كل شر و يحميكى أنتى و جيلك من كل مكروه .. ربنا يهديكى يا بنتى و يثبت اٍيمانك و ينور بصيرتك و يزيدك علم و يرشدك دايما للصواب .. اللهم يا رب حبب خلقك فى نواره و أجعلها دايما محمية بالأحبة و أوصلها لك يا واصل المنقطعين .. اللهم أزح عنا الغمة اللهم أزح عنا الغمة اللهم أزح عنا الغمة .. اللهم يا رب أكتب الشهادة لنواره و ألحقها بشهدائنا فى حواصل الطير الخضر بأعلى عليين أنت القادر المعين ..
عمك / سعيد زياده

=====

شايفين الناس يا ناس؟

جتنا نيلة في حظنا الهباب

ليه حذفت بوست زغلول النجار

لا طبعا مش عشان ما باحبش وجع الدماغ

ده انا باموت فيه يعني والا كنت حذفت بوست جيفارا

الحقيقة والله انا مش لتاتة لغرض اللت الحريمي يعني

انا باحب المناقشة لانها بتفتح افاق في التفكير وعادة اي كتاب

باقراه مش باستفاد منه تماما الا اذا اتناقشت فيه مع حد قاريه ويكون له

وجهة نظر مختلفة عني

اللي حصل ان بوست زغلول النجار اثار نقاش كتير واراء كتير

بمختلف الاساليب وانا مش باكتب حاجة الا لما اكون مقتنعة بيها جدا

ارحم دماغك ادلى بدلوه مشكورا وان اختلفت معاه في حاجات

فهو قال كلمة تسببت في ان دماغي تزقزق واحس اني مش متأكدة من رأيي مية في المية

قال لي اشمعنى قابلة الاعجاز البلاغي اللي في القرآن ومش متقبلة فكرة الاعجاز العلمي؟

اللي زقزق لي دماغي ان القياس جائز وفقا للمعطيات:

كل نبي بيجي بمعجزة تتحدى اكثر المجالات ازدهارا في عصره

زي معجزة موسى اللي تحدت السحر ومعجزة عيسى اللي تحدت الطب

وسيدنا محمد بعث في قوم عرب وصلوا لقمة البلاغة اللغوية

بس سيدنا محمد آخر الانبياء والمفترض ان القرآن معجزة قائمة الى يوم

الساعة وعليه فهو معجزة متجددة

واللغة العربية دلوقت في البتنجان يعني اي حد بيعرف عربي عاتشي زينا

ويقرا القرآن مش ح يتمكن من ملاحظة الاعجاز اللغوي

وبما ان دلوقت العلم هو معبود البشرية فعلى القرآن انه يتحداه لانه معجزة متجددة

دي المعطيات اللي ارحم دماغك استند عليها في قياسه عشان يوصل لنتيجته

اظن يعني

بس فيه معطيات اخرى زي ان العلم بيغلط وبيغير رأيه

وزي المعطيات الكتير اللي ذكرتها قبل كده في البوست اللي مسحته

واللي استندت عليها عشان اوصل للنتيجة اللي وصلت لها ان القرآن لا يجوز

التعامل معه ككتاب نظريات علمية

وعليه فدماغي قعدت تودي وتجيب وده دليل على ان متغير ارحم دماغك

وهو المتغير الطارئ على دماغي

:)

خلاني ابقى مش مقتنعة مية في المية من كلامي اللي قلته

ولسة برضه ما اقتنعتش بالكلام اللي هو قاله

وانا ما اقدرش احط حاجة على المدونة انا مش متأكدة اني مقتنعة بيها

لمجرد المكابرة او استخسار فولتات الكهربا اللي استنفدت في كتابة البوست

مدام ترددت يبقى ده يستلزم الطقوس اللي باعملها لما اتحير في امر ما:

اشتري شوية كتب بشأن الموضوع عكس بعض

واقعد اقراها ورا بعضه وبعدين

احل كام مربع سودوكو وكام مربع كلمات متقاطعة

وبعدين اتنح وافتح بقي للدبان واسرح في الهيول

يمكن اوصل الى اني كنت غلطانة وارحم دماغك صح وعليه فانا مدينة له

باني اصرح بده لكل اللي قروا المناقشة

يمكن اوصل الى اني كنت صح وهو غلطان وعندي ادلة اكتر

وعليه فواجبي اني اوضح له ادلتي يمكن تكون غايبة عليه

يمكن اوصل اننا احنا الاتنين غلطانين وفيه حل تالت ولازم برضه افصل

يمكن اقرر اني ما يبقاش عندي قرار اصلا في الموضوع ده

على حسب الكتب المتوافرة وصعوبة مربعي السدوكو والكلمات المتقاطعة

وعدد ونوع وحجم الدبان اللي ح يدخل بقي

ولحد ما اوصل لقرار فمش ممكن استمر حاطة حاجة ابتديت اتشكك في صحتها

واذا كنت غلطانة فانا باعتذر مقدما واستغفر الله اذا كانت ذنب

واذا كنت مش غلطانة فانا باخزق عنيكوا مقدما والحمد لله

:)

محبة والله

====

بما ان الموضوع اتفتح بقى في سكة الاعترافات فكمان راجي

لفت نظري اني غبية

هو ما اقليش انت غبية بس لما قريت تعليقه حسيت اني غبية

لان انا دماغي زقزقت لكن اللي علقوا على الموضوع غالبا

لسة مقتنعين برأيهم وقدحوا زناد فكرهم عشان يكتبوا تعليقاتهم

قمت بمنتهى الغباوة بدل ما اعمل

editing

للبوست بتاعي انا وامسح التعليقات بتاعتي اللي هي ردا على الناس

واسيب تعليقات الناس زي ماهي

مسحت البوست كله بتعليقاته

وكأني قفلت موضوع بينما الحقيقة انا لسة بافتحه

بس التصرف ده مش عن قصد بقى ده غباوة اصلي مش نايمة كويس

طيب يا شباب اديني باقول الموضوع مازال مفتوح واحنا لسة في مجال المناقشة

ايه رأيكوا في موضوع الاعجاز العلمي للقرآن؟

هل هو صحيح زي ما ارحم دماغك بيقول امتداد او قياس جائز على

الاعجاز اللغوي للقرآن

وللا ده تسفيه من شأن القرآن ومساواته بنظريات علمية قد تتبدل وتتغير

خصوصا اننا مش بنطلع نظريات جديدة علمية من القرآن

ده العلم بيكتشف النظرية واحنا بنطبقها على الاية

يعني بنطبل في المتطبل

طيب هل ده مش تطبيل في المطبل ولا حاجة

وانما تجديد في طريقة تفسير القرآن

واحنا عارفين ان مفسر القرآن لازم يحصل سبع علوم اولا

عشان ياخد إجازة انه يفسر القرآن

طيب هل مع تطور الدنيا السبع علوم دول زادوا علمين تلاتة

او منهج تفسير القرآن اتغير او اتعدل

وللا ده تهجيص مننا ومحاولة لتلفيق تفسيرات على هوانا

عشان نستقطب بيها ناس لدين هو بالفعل مش محتاج

كل التلازيق دي عشان يستقطب القلوب؟

طيب هل المنهج ده سببه اننا بالذات عايزين نستقطب الخواجات

وبنلفق لهم اي تفسير عشان نستميلهم

- ودي من الحاجات اللي ممكن تصيبني بالجنان -

؟؟؟؟؟

وللا ده عمل بنصيحة الرسول خاطبوا الناس على قدر عقولهم

وكل ناس وثقافة لهم منهج؟

ايه بقى؟

ايه؟

نعم؟

ها قولوا كده وانا اقول

وبعدين ح انزل ان شاء الله ادور على كتب واقول لكوا عليها

اه صحيح نسيت

صديق عزيز عليا قوي لما قرا كلامي قال لي ده مش تدوين ده لعب عيال

لا ماهو حضراتكوا انا مش صعيدية

احب اعرفكوا بشخصي الضعيف

بقى انا مؤمنة ان كل اقتناع او حتى عقيدة قابلة للمراجعة اذا الانسان

صادف دليل على بطلانها او بطلان بعضها

يعني انا مش باتكلم صحيح غير في اللي انا مقتنعة بيه تماما

لكن لو لقيت كلام تاني عليه دليل اكبر واوثق لازم انصاع له

عشان انا باحب الحقيقة وبادور عليها

ومستعدة بسلاسة اتنازل عن حاجة كنت مقتنعة انها صح بمجرد

اني الاقي دليل قطعي الثبوت على حاجة عكسها

وباحترم عقل الانسان جدا وباحب اسمع من كل الناس

اللي حصل ان كلام ارحم دماغك كان بيوازي في المنطق الكلام

اللي انا مقتنعة بيه وعليه فانا دلوقت مش عارفة احدد

لحد ما اجمع معطيات اكتر

وبرضه ساعدونا يساعدكوا ربنا لا خاب من استشار

====

هيييييييييييه عمرو عزت ده مجدع بصحيح

لقالي التعليقات على صفحة جوجل التعليقات اهي

انا سايبة شوية من تعليقاتي مش كلها ومخلية كل تعليقات الناس

وارجو ان المناقشة ما تتقفلش وياريت نستفيد كلنا

أبو على يقول...
يعنى يا ست اٍحنا لسه ما فقناش من علقة جيفارا تقومى تدخلى علينا بالبوست المصيبه ده ؟؟طيب .. اٍن هى اٍلا هباله جديدة تضاف لهبالة الرسام الدنماركى اللى ولع هو و أسرته و هبالة البت اللى أتسخطت سحليه و الغابة اللى أشجارها كاتبه شهادة التوحيد و بيضة الفرخه اللى مكتوب عليها لفظ الجلاله و الشجره المباركه اللى على طريق الاٍسماعيليه و هكذا كل يوم نخترع حاجه نهين بها ديننا و شخصيتنا اللى بحق ربنا فى الحضيضالأفاق زغلول النجار و من على شاكلته يتاجرون بقرآن ربنا لأجل مصالح لا أشك ثانيه أنها مصالح دنيوية فى المقام الأول و اٍلا فعليه اٍثبات أنه لا يتقاضى الملايين من الفضائيات التى تستضيفه و من الجرائد التى يكتب فيها مثل هذه العباطات يعنى لو ثبت ثبوت اليقين كمان 100 سنه مثلا أن بعض ما فسره النجار من آيات الله و أرجعها لظاهرة علمية لو ثبت فيما بعد أن هذه النظرية خطأ أو غير دقيقة ألا يكون هذا تقليلا من شأن القرآن المفترى عليه ؟؟تحميل القرآن و تأويله بأكثر مما يحتمل يدخل تحت بند القدح فيه و هو عمل اٍجرامى لا ينم اٍلا عن جاهل لا يقل جهلا عن الذين فسروا قوله تعالى (لا تنفذون اٍلا بسلطان ) أن المقصود هنا سمو حضرة جناب سلطان بيه أبن عبدالعزيز أول رائد فضاء عربى .. و اللى مش عاجبه يشرب من البحر
19 أكتوبر, 2007 01:59 ص
ارحم دماغك! يقول...
طيب يا ست نوارة..هو بس عشان نجيب الرواية من أولها..الدكتور زغلول النجار مقالش انه ناسا قالت انه القمر مقسوم نصين..معلش أنا عارف انه الإخوة الساقطين آداب مش بيفهموا في الجيولوجيا..الرواية كالتالي:الدكتور زغلول روى، انه في مؤتمر، قام أحد اللوردات البريطانيين المسلمين، وقال قصة إسلامه، وتضمنت انه كان بيبحث في الأديان، فكان ضمن ما أحضره هو نسخة مترجمة عن القرآن الكريم، وأول ما بدأ كانت سورة القمر، ولما قرأ "اقتربت الساعة وانشق القمر" اعتبر الكلام غير منطقي فترك القرآن..يقول، والكلام لا يزال للورد، انه جلس بعدها بفترة أمام التلفزيون، ولقي برنامج لمذيع شاب عمال يشتم في سنسفيل ناسا..ويقول انه بالمليارات اللي بتصرفها كان ممكن يأكلوا الناس الجعانة في العالم كله..فالراجل الممثل لناسا قال له، الحقائق اللي اكتشفناها تساوي أكثر، واقناع الناس بيها يتطلب مال أكثر..فلما قال له زي إيه..قال لما صعد أبوللو للقمر وبتحليل العينات..وبعد البحث في صور الأقمار الصناعية..وجدنا انه في حزام من الصخور المتحولة لافف جسم القمر..وده عشان يحصل محتاج انه القمر ينقسم نصين ويرجع تاني..دي الرواية اللي رواها زغلول النجار عن اللورد (اللي انا مش فاكر كان اسمه أحمد إيه بالضبط)..واللي انتقدها وائل باشا اللي الله أعلم اذا كان يعرف إيه هي الصخور المتحولة والفرق بينها وبين النارية والرسوبية أصلا ولا لأ :)إيه علاقتها باللي هو جايبه؟..ومعلش يعني بتؤكدي انه الراجل كذب مع اني مش عارف اذا كنتي برضو عندك ما ينفي وجود حزام من الصخور المتحولة من عدمه!
19 أكتوبر, 2007 02:22 ص
جبهة التهييس الشعبية يقول...
ايوة انا قريت الكلام ده في الاهرام وبصراحة ما دخلش دماغيايه واحد طالع في التلفزيون يقول اكتشفنا ان القمر كان مشقوق ولو ده حصل ما اتكتبش ده واتعمل له البروباجندا الامريكاني اياها ليه دول كل ما يكتشفوا فسية يعملوا عليها باللودي حاجةالحاجة التانية ان وائل جايب من وكالة ناسا كلام غير كدهالحاجة التالتة انا رافضة اساسا فكرة مقارنة القرآن باكتشافات علمية ممكن يبقى لها عدة تفسيرات صحيحة او خاطئةانا عايزة افهم هو القرآن ناقصه ايه عشان نفبرك له نظريات علمية تأكدهوبعدين قعدت فترة اتابع مقالاته في الاهرام واجيبها يمين وشمال واقول والنبي الاجانب لو اسلموا عشان الكلام ده يبقوا معاتيه
19 أكتوبر, 2007 02:28 ص
ارحم دماغك! يقول...
والله يا حاجة جبهة المكتشفات العلمية اللي تعد بالآلاف احنا مبنسمعش عن أغلبها..ومعلش اسمحيلي..ناسا فعلا مش بتكتشف فسا لو أردنا الموضوعية :)لو جبتي مجلة اسمها مجلة العلوم، وهي نشرة صادرة في الكويت وعبارة عن محاولة لاصدار نسخة عربية من أميريكان ساينتست..هاتعرفي فعلا انه زغلول النجار غلط انه توجه لينا بأي كلام عن العلم قبل ما يكون عندنا علم أصلا!!أبحاث واكتشافات بتؤكدها تجارب بالآلاف، أولا تسعين في المية من اعلاميينا غير مؤهلين أصلا لفهمها، ده غير اننا أصلا معندناش اعلاميين متخصصين في الشأن العلمي اللهم إلا كام فلتة كدة، عايزة تسمعي فيييين؟انا مش باؤكد الرواية ولا بانفيها، والتقارير بتاعت وائل دي ببساطة ملهاش أي علاقة بالكلام اللي بتقولي انه وائل نسبه لدكتور زغلول ولا تثبته أو تثبت عكسه، وكل ده ملوش علاقة أصلا رواية الدكتور زغلول..وده شئ عادي جدا انه يحصل، لأنه اللي بيتكلم أصلا واحد ملوش أي علاقة بالحقل العلمي التجريبي ولا حتى نتوقع انه عنده تخيل عام!أما عن كونك تقبلي أو لا تقبلي فدي حرية شخصية..لكن أنا لما أكون أعلم بشكل يقترب من اليقين، انه الكون يتمدد، وبعدين أقرأ في القرآن آية زي (والسماء بنيناها بأيد وإنا لموسعون) وبعدين أقول مفيش حاجة اسمها اعجاز علمي أبقى انا لامؤاخذة حمار..حمار اني أشوف الآية بعيني في القرآن واشوفها بعيني في الحقل التجريبي العلمي، واحط إيدي على عيني وأقول لأ لأ..أنا مافبركش نظريات!!أنا هارجع واقول هو غلطان فعلا..يتكلم معانا احنا في اعجاز علمي إيه وبتاع إيه؟..الاعجاز العلمي للعلماء، والاعجاز اللغوي للبلغاء، أما السفهاء فيرووا يناموا أحسن..وبما ان احنا لا عندنا علم ولا نيلة، وعندنا بعض البلغاء وكثير من السفهاء، فينفع الشيخ الشعراوي مع نسبة مش بطالة منا صنعتهم الكلام واللغة..والأغلبية لسة عايزين نعلمهم حاجة أصلا عشان يبقى في معاهم لغة حوار..
19 أكتوبر, 2007 02:48 ص
أبوفارس يقول...
أتفق معك فى معظم ماقلتى..تخيللى..بيعجبنى أوى مفهوم غريب جدا للعلم منتشر حدانا..كلما ظهرت نظريه جديده..نقولهم قديمه ياخواجه..نعرفها من قبلكم..وكأننا بنلعب بصره ع القهوه..بس لى ملحوظه..أوربا أخذت من العالم اﻷسلامى أقل بكثير مما أخذت من الحضاره الصينيه وبالذات فى مجال التكنولوجيا..البارود..البوصله..الورق..الطباعه..علوم التعدين "الميترولوجى" وغيرها..هى اﻷساس المادى للحضاره الغربيه وكلها أساسا صينيه..العلوم النظريه كالبصريات والرياضيات كانت مراجعها اﻷساسيه حتى ربما القرن السادس عشر عربيه..فكره الفصل بين الشريعه والفلسفه فكره أين رشد أعطت دفعه للتفكير العلمى فى أوربا..أما أخونا "الفشار" فده فيلم لوحده..تحياتى..خالد
19 أكتوبر, 2007 03:03 ص
brokenheart يقول...
صباح التهييس بالمناسبة انا مش باحب الحركات القرعة اللى بيعملها علماءنا الافاضل بتوع الازهر ومن شابههم بالمناسبة فيه على يوتوب مقطع لعمرو اديب فى مقابلة مع احد علماء الازهر ومعاه كتاب اجازه الازهر تقريبا عن الزواج واداب الزواج والزفاف وفيه شوية كلام فارغ ياريت اللى يعرف الموضوع دة يبقى يشوف مدى الهرتلة اللى علماءنا وكتابنا بقم بيهرتلوها وبيقولوا للناس عليها وكانها دستور او قانون لابد من العمل به لانها فى الاول والاخر بتهز صورة الاسلام قدام الغرب الله يحرقهم ((العلماء والغربيين على حد سواء)) مطرح ما راحوا بجد اللى بيحصل دة بيقلل من قيمة الاسلام بشكل عام وبيقلل من قيمتنا كمسلمين وبيؤيد فكرة الغرب عننا اننا عالم همج ومتخلفين ......... للاسف
19 أكتوبر, 2007 03:04 ص
brokenheart يقول...
تمت إزالة هذه الرسالة بواسطة المؤلف.
19 أكتوبر, 2007 03:06 ص
ارحم دماغك! يقول...
والله معلوماتي الضعيفة بتقول انه زغلول النجار فعلا قدم أبحاث في استغلال طاقة الأرض، ودوران الأقمار الصناعية، واستغلال الأبار الحارة في توليد الطاقة..والله أعلم في إيه تاني..خدي بالك انك بتتكلمي عن واحد أقل جامعة طلبته قبل كدة كانت الملك فهد للبترول والمعادن..واتقدر هناك تقدير مش بيتقدره العلماء الأمريكان والبريطان اللي كانوا فيها، بالمناسبة ده كله انا شفته بعيني محدش قال لي :)طبعا احنا في ظل حكومتنا الرشيدة، محدش بص في أي من هذه الأبحاث ولو على سبيل التجربة..مش معقول هنيجي نحاسبه..مفيش فايدة..برضو كلام ملوش أصل..وتفسير القرآن يافندم حاجة، وموضوع الاعجاز العلمي حاجة تانية..واذا كان مش عاجبك انه تفسير الآية جاي على حقيقة علمية أصبحت شبه قطعية النهاردة، اتفضلي عرفينا بتفسير الرسول..هو الرسول نفى انه الآية على ظاهرها؟..وإيه اللي يضطرني للتأويل أصلا؟..إذا كان علماء الشريعة نفسهم مش بيؤولوا إلا لعلّة!..لكن إذا كان النص الظاهر نفسه حقيقة علمية وكلام حاصل وانا شفته، أؤول ليه؟..إيه العلة؟..ولا برضو بس لأنه الفكرة لا تروقك يبقى نقفل الاجتهاد في وش أي شخص يشوف حاجة على أساس علمي منطقي؟والرسول صلى الله عليه وسلم هو اللي قال لنا "التمسوا غريب القرآن"..على الأقل يبقى فيها شوية سنس..وبعدين روقي دمك احنا مش بنتخانق يعني :)))
19 أكتوبر, 2007 03:14 ص
جبهة التهييس الشعبية يقول...
ابو فارسلا معلش بقىالعلوم الصينية وصلت لنا الاولومش عيب اننا نقول قديمة يا خواجةلانهم قعدوا فترة كبيرة ما يعترفوش بفضل الحضارة الاسلامية مع ان الحضارة الاسلامية لما اخدت من اللي قبلها ادتهم الفضل الكاملوسيطرة الحضارة الاسلامية وتأثيرها على النهضة الاوروبية لم تتبين بشكل كام غير في عصرنا الحديثمؤخرا لما العلماء الجداد اخيرا ابتدوا يعترفوا بفضل الحضارة الاسلاميةيا عمي انا كنت بادرس جون ميلتون وكان بيبقى ناقش قصيدة كاملة من ابو العلاء المعري ولا حتى يعمل له اشارة الحراميوكولريدج كان متأثر بالقرآن في صورهيعني تأثير الحضارة الاسلامية مش بس كان قوي في العلوم وفي الادب والشعر والفلسفة حتى علوم الاقدمين اللي استفادوا منها زي الصين واليونان والرومان وصلتهم عن طريقناوده مش معناه اننا نتركن على تاريخنا وننامبالعكس المفروض ان ده يبقى محفز لينا اننا نرجع تاني زي ما كناوبرضه في البحث العلمي المفروض انك بتشير للمراجع اللي انت استفدت منها واوروبا في القرون اللي فاتت ما كانش عندها الامانة الكافية انها ترجع للعلماء المسلمين الفضلوالطب والكيميا والرياضيات والمنطق والفلسفة وعلم الاجتماع وعلم النفس كله مبني على انجازات وتطوير العلماء المسلمينفي وقت هم كانوا بيلعبوا في مناخيرهم ولما دخلوا الاندلس حرقوا تلاتلاف طبيبة وصيدلانية بتهمة السحر وقفلوا الحمامات عشان الحموم حرام بل انهم كمان كانوا بيحرقوا الشعراء عشان سحرة فما تقوليش اتأثروا بالصينيين اكترbrokenheartممكن اعرف ايه اهمية صورتنا في الغرب اذا كانت حقيقتنا بتضرنا احناهو احنا بنمثل يا خوانااحنا عايزين نتقدم تاني عشان الغرب يقول علينا شاطرين وللا عشان نفسنابجد انا الكلام ده بينرفزني ما ملعون ابوهم ع السبحة يعني احنا فين هو يااما نتحايل عليهم عشان يسلموا يا اما ندور على طريقة نقلدهم بيها عشان نعجبهمده لو قيس مش ح يعمل ده كله عشان ليلىايه الحب غير المبرر دهحاجة عاتشفية مؤثرة جداانا ما اعرفش ايه حكاية كتاب الزفاف دهماله؟
19 أكتوبر, 2007 03:17 ص
جبهة التهييس الشعبية يقول...
ارحم دماغكيادي بريطانيا واوروبا الله يحرقهم بجاز وسخهم وجامعاتهم واللي عايز يتلزق فيهم وياخد منهم الاعترافما بيتنيل ياخد صفحة كاملة في الاهرام ما يكتب فيها ابحاثه العظيمة اللي انت بتتكلم عليهافاروق الباز عمل مشروع ممر التنمية وعرضه طبعا على الحكومات المتعاقبة وضربوا عليه طناشراح منزله كتاب ونشره في الجرايد وعمل بيه هيصة وبوليكة عشان يقول للناس يا نااااااااااس فيه عربي عامل مشروع للتنميةامممممممممم جامعة الملك سعوووووووووودلا انا مليش فيه دهلا الملك سعود ولا ولاد الملك سعود ولا دولة الملك سعودالابحاث والاكتشافات العظيمة ما اتنشرتش ليه بدل الكلام اللي يضحك اللي هو كاتبهاينشتين عمل نسختين من نظرية النسبيةنسخة يفهمها العلماء اللي زي حضرتكونسخة تانية مبسطة يفهمها العوام والجهلة والدهماء من الامثاليوقريتها وفهمتها تصور؟انا فهمت نظرية النسبية وزغلو بخلان عليا بابحاثه وعمال يشتغل في تخصص مش بتاعهلا هو كده بيفسر القرآن طبعانعمل ايه لو بعد ميت سنة زي ما ابو علي بيقول ثبت بالدليل القطعي عدم صحة كل النظريات ديوما تقوليش دليل قطعي دي والنبيعشان من ميت سنة بس كان فيه ادلة قطعية على حاجات دلوقت اللي يقولها يبقى بيهوبصمن ميت سنة بسوالقرآن بقاله الف وربعميت سنة ما حدش يقدر يشكك فيه الا اللي بيكابريبقى ليه نحط ابو قرش على ابو قرشينوكل الايات اللي هو جابها لمقارنتها بالنظريات العلمية تحتمل تأويلات كتيرة ثم ان ما حدش عارف العلم ح يوصل لفين ويمكن يفنى خالص حد ضامن بكرة فيه ايهوللا انت من عباد العلم اللي بيقولوا العلم العلم يحيا العلم عمره ما ح يموتانا شخصيا بيجيني احساس ان البشرية ح يجيلها يوم وكل الحضارة العلمية بتاعتها دي ح تنهار ومش ح يفضل منها اثروارد ان ده يحصلووارد ما يحصلش بس ده احساسيعند الاحساس بقى اوعى وشك الغوغاء والدهماء بيحسوا اكتر من العلماءلا ربنا ما يجيبش خناق ولا حاجة
19 أكتوبر, 2007 03:28 ص
ارحم دماغك! يقول...
عمالة تقولي اننا عايشين عالة عليهم ومش عاجبك اعترافهم بيه ورجوعهم ليه!طب جامعاتنا بتعترف بيه وبتخليه يدرّس لولادنا..على فكرة هو عايش في مصر بشكل أساسي وأصلا أصلا في جامعة قناة السويس، وطلبناه في ندوات في اسكندرية، وبرضو مش عاجب..قلنا العالم المتمدن كله فعلا بلا مبالغة معترف بيه..برضو مش عاجب!أقول جامعة الملك فهد تقولي سعود!..سعود؟..يعني حتى الخلط اللي حصل هنا يعني لي انك متعرفيش مركز جامعة الملك فهد في الشرق الأوسط إيه..طبعا هي مش معهد بن جوريون لكن أقصد بالنسبالنا كعالم عربي!ياست نوارة..انتي خايفة، حقك..لكن مش القرآن اللي يتخاف عليه..أنا واثق في العلم..حقي برضو..لأني عارف إيه هو، بادرسه، وباجربه، وباتعامل مع نظرياته يوميا..متحجريش عليا بقى!..واللي يقول انه الكلام اللي انا قلته زائف أو حقيقي، واحد بيفهم فيه!يعني لو انتي رافضة المبدأ نفسه قولي أنا رافضة المبدأ..لكن متروحيش تقيمي الكلام من ناحية علمية وتقولي انه كذب وتزوير وانتي مش عارفة إيه هو!..ومعندكيش ما يؤهلك أصلا لرده من الناحية العلمية!كون الراجل مفسرش أبحاثه وكان نفسك تقريها ده شئ جميل، ممكن نقترح عليه فعلا، لكن ده ملوش علاقة بكلامه عن كتابه اللي هو مؤمن بيه، ومدى الاعجاز اللي ظهر له فيه في مجاله هو برضو!..ده مينفيش ده، ومش عشان هو مفسرش أبحاثه لحضرتك يبقى كلامه خايب أو يضحك..أنا ماما ربنا يديها الصحة خدت وقت طويل على ما اقتنعت اننا في مجموعة شمسية تنتمي لمجرة قطرها مئة ألف سنة ضوئية..حقها..لكن في المقابل محدش طلع يقول علماء الفلك بيخرفوا عشان بس ماما، هي خريجة آداب وكانت التانية على دفعتها بالمناسبة وست عظيمة بكل المقاييس، لكن مع ذلك محدش خد بكلامها..ماما قالت لي مش يمكن يطلع الكلام ده غلط زي نظرية العناصر الخمسة بتاعة اليونان؟..والله الكلام شكله منطقي، بس أبدا مش لشخص عرف ليه احنا بنقول والله النجم ده يبعد عنا كام سنة ضوئية وليه الكواركات بتركب بروتونات!وهارجع أقول لك، لو من النوع الموسوس ومتفرقش معاكي تعرفي إيه اللي خللى العلماء يقولوا انه الكون بيتمدد من عدمه ولا يفرق معاكي إيه اللي على أساسه وصفوا تركيب الذرّة، يبقى قولي كدة، لكن متقوليش ده حقيقي أو مزيف بناء على كلام مش علمي!
19 أكتوبر, 2007 03:46 ص
جبهة التهييس الشعبية يقول...
يا عمي ارجع اقرا البوست تاني واقرا ردودي تانيانا مش عالمة عشان افتي في العلموزغلول النجار مش مفسر قرآن عشان يفسر في القرآنوما فتتش في العلم الخص لك البوست يمكن طويل عليك1- حكيت الحكاية الخاصة بوائل وقلت ماحدش رد على اتهامه لزغلول بانه كداب2- ما يهمنيش زغلول كداب وللا مش كداب يهمني انه اساسا ما ينفعش يعمل كده في القرآن العلم مع احترامي الشديد له لا يرقى الا رسالة الله الى العالمين على مرة العصور وحتى تقوم الساعة وعليه فلا يجوز اثبات صحة القرآن من خلال نظريات علمية تتغير وتتبدل3- سبب اندفاع زغلول لتفسير القرآن وفقا للنظريات العلمية هو رغبته في استقطاب الاوروبيين للاسلام لانهم حسب رأيه العلم مسيطر على كل تفكيرهم4- دي اهانة وذل ما بعده ذل وكأن القرآن ليس له قيمة الا اذا تطابق مع النظريات العلمية اللي معرضة انها تتغير وبدل ما طريقتهم في عبادة العلم تتغير نأيف لهم الدين عشان يفضلوا برضه بيعبدوا العلم بس تحت اسم الاسلام5- شيء مقزز جدا الروح المنهزمة اللي بتتملق الغرب وعايزة تستقطبهم باي طريقة ولو بتلزيق تفسيرات للقرآن ما سمعناش عنها قبل كده وباهدار قيمة القرآن ومساواته بالنظريات العلمية اللي هي انتاج بشري وليست انتاج الهي مثل القرآن6- القرآن بيستمد قيمته من نفسه مش من نظريات علمية وضعها بشر اصابوا او اخطأوا مش دي قضيتي7- مغازلة الغرب الى هذه الدرجة فيها عنصرية مذمومة واولى ان الانسان يبحث عن المستعد للدخول في الاسلام بشكل اسرع- تذكر سورة عبس حين عاتب الله رسوله على اهماله لواحد غلبان عشان بيتحدث مع واحد من اسياد قريش - 8- الناس في افريقيا ممكن يدخلوا الاسلام زي الهوا بس احنا بنهملهم عشان مش مستنضفينهم وعاملين نلحس جزم الاوروبيين عشان يدخلوا الاسلاموده اصعب لان الانسان لما بيبقى منتصر بيبقى متكبر واقل استعدادا لقبول كلمة الله9- تاني زي البوست اللي قبل اللي فات انا مصممة اننا بنعاني من هزيمة نفسية هي اللي عملت فينا كده وضحكت علينا الناس10- زغلول النجار وغيره من العلماء عليهم واجب ناحيتنا وناحية المستضعفين في الارض والخواجات لما يحبوا يعرفوا عن الاسلام مش محتاجينه احنا اللي محتاجينه فمافيش داعي يتعب نفسه في مسألة خلافية وهو امامه مهمة حتمية- فقه الاولويات -انا مش خايفة على القرآن انا خايفة علينا احناوخايفة على محاسبة ربنا لينا على الافارقة اللي بيرقصوا عريانين حوالين النار ولما واحد بس كويتي راح لهم اسلم على ايده مئات الاف بمنتهى السهولة وبقوا من خيرة المسلمينجتنا وكسة في روح العبيد المتحكمة فينادي النقطة الاساسية اللي باتكلم فيها وح افضل اتكلم فيها لحد ما تتغير او اهلك دونهالازم نتخلص من نفسية العبيدالهزيمة الاقتصادية تتعوضالهزيمة السياسية تتعوضعدد القتلى الكبير نخلف غيرهملكن الهزيمة الروحية المتمكنة مننا ما تتعوضشماذا يفيد الانسان اذا ربح العالم وخسر نفسه
19 أكتوبر, 2007 04:02 ص
ارحم دماغك! يقول...
جميل جدا..1- فعلا أول مرة اسمع حكاية وائل ولو اني عارف رأيه من زمان في الدكتور زغلول عن طريق منتدى كان فيه..كون محدش رد ده يعني ليا انه كالعادة الناس بتتكلم معاه في موضوع أول مرة يسمعوا عنه..2- الكلام عن اعجاز علمي في القرآن حاجة، وإثبات صحته من خلال النظريات دي حاجة تانية، لازم الأول نبقى عارفين اللي بنتكلم عنه..وبعدين احنا ليه اعتبرنا اثبات اعجاز القرآن من الناحية البلاغية جميل وحلو؟..وماحدش قال اننا بنثبت صحته عن طريق لغة بشر بتتغير وبتندثر؟..ممكن تتخيلي انه في فرق لكن فعلا مفيش..اللي خلى شوية أغبياء يقولوا انه القرآن فيه أخطاء لغوية، مع اننا أصلا ومع انه فطاحل اللغة كلهم اتفقوا على جعل القرآن هو الفيصل والمقياس اللي بيحتكم إليه في مسائل اللغة!ده وجه اعجاز وده وجه اعجاز، مش مسألة اثبات لصحته من عدمه!..بالمناسبة موضوع الاعجاز العلمي ده من قبل أي ظهور اعلامي للدكتور زغلول، يعني الراجل مألفش من عنده..3- وتفكيره هو كمان يا ست نوارة!..مهو ده تخصصه واللي هو بيفهم فيه!4- ويعني احنا كنا بنعبد اللغة لما اقتنعنا انه القرآن معجز بلاغيا؟وياترى فين تأييف الدين ده؟..5- اللي فات برضو بيرد على مسألة مساواة القرآن بالنظريات العلمية، في فرق كبير، لا زغلول ولا انا ولا أي حد مقتنع بالاعجاز العلمي قال انه القرآن عبارة عن نظريات علمية..كل الحكاية بنقول انه عندنا معارف انسانية النهاردة مجرّبة وواضحة لنا تماما بناء على هيصة كبيرة..ولقينا انه القرآن أشار إليها بوضوح..زي ما أشار لمراحل تكون الجنين في بطن أمه..دي شفناها بعنينا (بمجرد توفر أجهزة السونار) ولقيناها في القرآن!!6- صح..محدش قال حاجة :)7- يافندم سيبك من الغرب دلوقتي، أنا شخصيا أكره انه نقرن بين العلم والغرب وكأنه بتاعهم هم..كان أولى بنا احنا اننا نسير في الأرض فننظر كيف بدأ الخلق، لنعلم أنه الحق زي ما بيأمرنا القرآن بالضبط..كونه هو يستهدف بالدعوة الغرب (وحتى الشرق المتقدم) فالراجل حظه كدة!..قرعته جت كدة!..ده تخصصه ودول الناس اللي هتفهمه!للأسف :)8- مش معنى انه في تقصير في الدعوة في إفريقيا اننا نلوم على واحد بيحاول في الغرب..اللي يناسب الأفارقة غير اللي يناسب الغربيين وزغلول النجار مش هينفع معاهم بنكلة، المفروض واحد خطيب وأصحاب المال هم اللي يشوفوا الأفارقة ويبعتوا الدعاة، لأنهم شعوب عاطفية..انما ألوم على النجار عشان بيستغل مجاله وملكاته مع اللي يفهموه؟..طب هو ذنبه إيه؟9- ماشي انا معاكي في وجود الهزيمة النفسية..لكن كدة ده إيه؟يعني ماجيش في الحاجة الصح واقول ده من الهزيمة النفسية..معلش مانا ممكن أقول انه المسلمين مش عايزين يقتنعوا بأنه كتابهم معجز من الناحية العلمية بسبب الهزيمة النفسية برضو!10- مانا سبق وقلت لك..هو ماسابش مهمته تجاهنا، لا سافر وقعد برة بعد ما أخد جايزة نوبل مثلا ولا غيره، الراجل قاعد بيعلم الولاد وبيقدم الأبحاث..احنا ماستفدناش، ده مكنش بسببه!حاجة كنت عايز أقولها هو انه في فرق بين النظرية العلمية، والمشاهدات الواضحة اللي جاءت بسبب التطور العلمي، يعني حاجة زي نجوم السوبر نوفا لما لقطنا موجاتها ورصدناها، حاجة زي مراحل تكون الأجنة..دي مش مجرد نظريات :) حتى تمدد الكون بعد التجارب الأخيرة بقى في حكم هذه المشاهدات :)
19 أكتوبر, 2007 04:28 ص
TAFAHA يقول...
طب تصدقي بالله عليا الطلاق عليا الطلاق عليا الطلاق من مراتي اللي لسه معرفش هتجوزها امتى وازاي وليهومع اني ازهري وفي تانية ثنوي وعندي ستاشر سنه وتلت تربع يعن في شهر واحد الجي ليلة راس السنه هتم 17 سنهومع اني مش عارف انا بكتي كدا ليه بس مش فاهم حاجة من البوست ده مع اني عارف ان القمر انشق بالفعل ايام الرسول بيقلبو تاني ليه ولاد ال..... دولليه بيتكلمو عن قرأنا ليه وفي نهاية هذا التعليق احب اهدي اغنيةان شاللله يا رب تنشلو في حته خطرةلجميع الي بيشتمو دينا ويزعلوكي في حاجة:)
19 أكتوبر, 2007 04:37 ص
الطائر الحزين يقول...
السلام عليكماعتقد انكم تركتم القضية الاساسية ودخلتم فى نقاش جدلى حول دكتور زغلول النجار ذاته وكأن هناك من يكرهه وأخر يحبةاعتقد أن الموضوع ببساطة هو سؤال محدد هل القرآن يمكن ان نستنبط منه نظريات علمية ؟؟اعتقد ان كان هذا جائز لكنا أول المكتشفين والمخترعين لكل جديد فى الكون من خلال التفسير القرآنى لكن هناك فرق بين الاكتشاف و الاختراع وبين أن يوافق الاختراع نفسة أية جاء بها القرآنبداية من كروية الأرض وفى النهاية اتضح أنها على شكل بيضة لتوافق "والارض بعد ذلك دحاها"يعنى لا اعتقد ان القرآن كتاب يحوى كل العلوم فى الكون (طب و هندسة وراثية و كيمياء عضويةو فلك و .....هذا ما اراهوجزاكم الله خيرا
19 أكتوبر, 2007 06:56 ص
Abu Lahab يقول...
العزيزة جبهة:أرجو أن تسمحي لي بنقطتين:الأولى: أن الالوان الفاقعة الجديدة التي لونتي بها موقعك ستكون أكثر نجاعة وفاعلية في الإحتجاج على معاملة الدولة للصحافيين من إغلاق الموقع. وأعتقد الآن أن الدولة وأجهزة قمعها ستستجيب صاغرة لمطالبك بتحسين معاملة الصحافيين مقابل استعمال ألوان معقولة :-).ثانيا: لقد قمت بالرد على زعمين (مثنى مزاعم) من مزاعم الدكتور النجار ، الأول عن انشقاق القمر والثاني عن ادعائه أن مكة مركز الأرض. وتجدي هذه الردود في مدونة أبو لهب.وأثناء دراستي للدكتور النجار ، بحثت عن مقالاته العلمية المنشورة في المجلات العلمية المعترف بها فوجدت أن عددها هزيل وأن تخصصه يتعلق بدراسة السبخات المائية ، ولم يقم هذا الرجل المتاجر بالإسلام والمسلمين بأي بحث علمي حقيقي بعد أن دخل في سفاهة وهراء الإعجاز العلمي للقرآن والسنة. والحقيقة أن هذا الرجل يمثل فضيحة ومخزاة فكرية للعرب والمسلمين على المستوى العالمي.تحياتي ومحبتي
19 أكتوبر, 2007 07:30 ص
مهندس مصري يقول...
أولاً كده و علشان نهدي اللعب و نصفي النفوس السلام عليكم و رحمة الله و بركاتهمعلش يا نوارة بما إنها جبهة و شعبية كمان يعني للشعب كله و بما إنه ما ينفعش نهيس في العلم بصي يا ستيفيه فرق بين النظرية العلمية و دي تحتمل الصواب و الخطأ و مازالت تخضع للشكو بين الحقيقة العلمية التي ثبتت بالدليل العلمي القاطع و تصمد لأي شكزي نظرية إن الأرض مركز الكون و إن الشمس هيه اللي بتلف حواليهادي كانت نظرية و ليها مشاهدات بتدعمها زمانو كان ضدها نظرية إن الشمس مركز الكون و إن الأرض و بقية الكواكب هيه الي بتلف حوالين الشمس ودي أثبتها كوبرنيكس حسابياً و نقض النظرية بتاعة الأرض مركز الكون لكن الكنيسة أجبرته على نفي نظريته أمام الناس و إلا سيعدمكل دي كانت نظريات لحد ما طلع البشر خارج الأرض و شافوها بتلف حوالين الشمس بل و اتضح ان الكون مش المجموعة الشمسية بتاعتنا دي بس بل فيه مجرة درب التبانة اللي بننتمي لها و هي بتنتمي لتجمع مجري كبير و كل حاجة بتلف حوالين مركزالأرض بتلف حوالين الشمس و الشمس بتلف حوالين مركز المجرة و المجرة بتلف حوالين مركز التجمع المجري و التجمع المجري بيلف حوالين مركز لسه ما نعرفوشو كل ده بقى حقائق علمية و ليست نظريات يبقى لو لقيت كلام في القرءان بيقول نفس الكلام أو معناه نفس الكلام يبقى إعجاز و لا لأأطوار الجنين اللي صورها القرءان قبل السونار إعجاز و لا لأالأرض بعد ذلك دحاهافهموها زمان فهم و كان صح و مازال صح بس لما أفهم أنا منها إن ربنا بيشير لبيضاوية الأرضو اللي بتقترب علميا من مجسم معقد بنسميه في علم المساحة الشكل الجيوديسييبقى أنا صح و هما كمان كانوا صحو مازالوا صحمن إعجاز القرءان إنه بيخاطب الناس على قدر عقولهم في أي زمان و مكان و كل واحد بيفهمه على قد علمهوعلى فكرة أنا ضد التخاريف اللي بتقول إن القرءان فيه العلم الدنيوي كله كلامك صح في نقطة إن القرءان مش كتاب نظريات علمية و لكن فيه إشارات علمية لطيفة لبعض الحقائق العلمية اللي خلقها ربنا و بيثبتها العلم الحديث دلوقتيبقى ساعة ما تثبت علمياً حقيقة بشكل علمي نهائي و ألاقي القرءان قال عليها من 1400 سنة يبقى إعجاز و لا لألكن أنا معاك ضد ربط القرءان الثابت بأي نظرية متغيرة لم تثبت صحتها و لم تصبح قاطعة بعدو الإختلاف في الرأي لا يفسد للود قضية
19 أكتوبر, 2007 10:58 ص
عباس العبد يقول...
ازيك يا جبهة انتى عاملة ايه ؟انا عارف ان مليش فى الموضوع ده بس عايز اقول حاجة الى عامل بيفهم .... يدى امارة على فهمه ........يا سيدى الفاضل الاعجاز العلمى فى القرأن مين الى اكتشفه مين الى عمل الابحاث ؟مين الى وصل الى ان الكون بيتمدد ؟مين الى عمل كل ده ؟الغرب يا استاذ ..........فلما يكون الغرب هو الى اكتشف الكلام ده و القرأن موجود من 14 قرن و المؤمنين بيه مفهموش انه فيه اعجاز علمى الا لما الغرب وصل للأكتشافات دى معنى كده ان الغرب احسن من ربنا لأن ربنا فضل مخبى المعلومة و مقلهاش فى حين ان الغرب مبخلش على الناس بالمعلومات لما وصلها الغرب احسنلأن الغرب بابحاثه و مجهوداته وصل داخل الزمن بحاجات خالق الزمن كان مخبيهايا اما يبقى البحث العلمى حقيقة مادية و ملوش دعوة بالدين علشان كده ربنا مجبش سيرته بل دفعك بس للبحثيعنى معنى كده فى النقطة دى برضه ان الغرب اكثر اسلاما منك....ليه المسلمين مش هم الى وصلوا للحقائق العلمية دى و بعد ده يركبوها زى ما يركبوها؟ على الاقل يبقى مجهدهم و قرأنهم و ايمانهم و علمهم .... ساعتها العالم كله ينبهر لكنطيب حقولك حاجة تسمع عن ابن باز مفتى السعودية فى عز الثورة العلمية و انفجار فكرة الاعجاز العلمى خرج على جمهور المسلمين و قال ان الارض مسطحة مش كروية و ان الى يقول انها كروية يبقى خارج عن الدين اكيد عارفين الموضوع ده..........زغلول النجار بيلعب مع الغرب لعبة كنت حقولها لما هم يقولوا حاجة يدور و يقولهم كنت حقولها لأنه ما يملكش حاجة يقدمها للغرب و لا للعرب لا علم و لا سياسة و لا فكر و لا ثقافة و لا معرفة حيقدم ايه فقدم حاجة هم ميعرفوش عنها حاجة و انها قديمة عندنا ايه هى ؟الاعجاز العلمى و ريح دماغه لا بحث و لا علم هم يتعبوا و يشقوا و يتقدموا بس ولاد كلب حيخشوا جهنم انما احنا مبنعملش حاجة و حنخش الجنة حدف ..........المصيبة الاكبر و الى هى مجننانى ان فكرة الاعجاز العلمى اساسا مسروقة من الغرب عارفين ليه ؟بسبب نظرية الخلق الغرب المتدين لما حب يخرج نظرية الخلق و التكوين من الكتاب المقدس لأظهار قدرة الله لجأ لنفس الفكرة الى بيطبقها السيد زغلول النجار ياخدوا الاية و يدورولها على سند علمى يعنى الاعجاز العلمى مش بتاعكوا ده تقليد للغرب حتقولى ازاى حقولك الحمد لله جبهة التهييس بذات نفسيها هى الى مفجرة الموضوع من اسبوع راجعوا التدوينة و انتم حتعرفوا قصدى و انا عندى كتب من نوعية الحقائق الكونية فى الايمان المسيحى يعنى حتى الاعجاز سارق فكرته مش كفاية انه وصل للفكر ده من سرقة علوم الغرب و نسبها للمعرفة الاسلامية الى مقلتش ولا كلمة الا لما الغرب وصل لأ .... ده واخد الفكرة نفسيها من الغرب ........حسبى الله و نعم الوكيل ....لا مواخذه يا جبهة طولت عليكى
19 أكتوبر, 2007 11:31 ص
جبهة التهييس الشعبية يقول...
انا سؤالي موضوع الاعجاز العلمي في القرآن ده طلع امتىوالاكتشافات العلمية مش نكتة ولا حاجةمن اكتر من تمن قرون الشريف الإدريسي اكتشف كروية الارضوما حدش ربط ما بين اكتشافه وما بين القرآن ولا دخل القرآن في الموضوع خالصلا حد قال القرآن بيقول كرويةولا حد قال له يا كافر القرآن بيقول مش كرويةابن خلدون في مقدمته قال انه في احتمال ان الانسان يكون تطور من مخلوقات اخرىلا حد قال له يا كافر ولا حد قال له يا مؤمنده كان قاضي قضاة المالكية في مصرولا هو استدل على الكلام ده بالقرآنابن رشد حط نظرية ان العالم بعد خط الاستوا بيكتمل بما ان الارض مكورةوقال ان المنطق بيقول انه بما ان الارض مكورة وبما انه فيه خط فاصل احنا ما نعرفش هو ايه يبقى لو حسبناها هندسيا ممكن نفترض انه على الناحية التانية فيه ارض صيفها شتاءنا وشتاها صيفنا- وقتها الرحلات ما عرفتش تكتشف اللي بعد خط الاستوا ولا استراليا - ولا حد قال له يا كافر ولا حد قال له كلامك موجود في القرآنورغم ان ابن خلدون علق على كلام بن رشد بان دي نظرية لم تثبت بعد بالدليل القطعي وعليه فلا يمكن تأكيد صحة هذا الافتراض او نفيه الا بعمل رحلات تقدر تؤكد هذا الكلاموابن سينا اكتشف حاجات كتير في الوظائفكللللللللللل دول حمير وما بيفهموش وما ربطوش العلم بالقرآن وهو زغلول النجار واللي زيه اللي جابوا التايهة؟انا شايفة ان علماء المسلمين الاوائل كانوا مؤمنين بالتخصص ورغم مسوعيتهم الا ان ما حدش فيهم اتجرأ يفسر القرآن بما يهبط بمستواه من كتاب الهي الى كتاب تختبر صحته بالنظريات العلمية

====

دي التعليقات اللي عمرو عرف يجيبهالي من صفحة الجوجل

فيه ناس تانية قدحت الزناد بس الزناد طار مش لاقينه

ايدهم معانا يتعبوا بس شوية

انا شخصيا مبسوطة من النقاش وشايفة انه ممكن يؤدي لحاجة

كويسة الى جانب برضه اللي عنده كتاب وللا حاجة يقول لنا عليه

انا مش باثق في مواقع النت معلش

اصلي دقة قديمة

كتاب كده امسكه في ايدي واقرا الله لا يسيئكوا وانا لو لقيت ح ابقى اقول لكوا