غدا امام مجلس الشعب وفي نقابة الصحفيية

بكرة فيه حاجتين

الساعة عشرة قدام مجلس الشعب

اسر المحالين للقضاء العسكري

ح يتجمعوا ويسلموا شكوى لفتحي سرور

وبعدين الساعة سبعة ونص مساء في نقابة الصحفيين

فيه ندوة عن التدوين وحرية المدونين

ومنعم ح يتكلم عن تجربته

والنبي ايه؟؟؟؟

دلوقت الدبابات الاسرائيلية بتتوغل في غزة

بعد محاولات مستميتة من فصائل المقاومة

بكافة طوائفها

للتصدي لها

وعناصر الامن الوطني

شاركت شوية

وبعدين انسحبت لفقر معداتها

وبتساند دلوقت عناصر المقاومة

ووائل الدحدوح مراسل الجزيرة بيقول

ان عناصر المقاومة حاولت بكل قوتها

لكن قوتها لا تقارن بآلة الحرب الإسرائيلية

همممممممممممم

كلمة من تلات حروف اولها زي اخرها

تدل على الاعتراض

===

شاطرين

شاطرين

موتوا في بعض تاني

ياللا

ساكتين ليه

خلصوا ع الخونة والعملاء

توغل ايه راجل انت وهو

انتو مالكو انتو

صلي صلي بلاش وسوسة

وما تنسوش والنبي والنبي وحياة حبيبكوا النبي

بعد ما اسرائيل تحكم سيطرتها على غزة

ما تنسوش تتقاذفوا كده الاتهامات

وتبهدلوا بعض

وكل واحد فيكوا يتهم التاني ان هو السبب في التوغل الاسرائيلي

وربنا يوفقكوا كده واسرائيل تخلص توغلها بسرعة

عشان تفضوا لبعض

ياللا بقى خلصونا

احنا قاعدين هنا اهو مستنيين الفتنة تيجي

باصوا ياللا

==

سؤال بس واقف في زوري بالعرض: الا كل القتل اللي اعملتوه في بعض ده

كان بـ"الامكانيات الضعيفة" اللي بيقول عليها مراسل الجزيرة دي؟

طيب سؤال تاني محرج شوية: هو الامكانيات دي ما بتضعفش غير قدام اسرائيل

وربنا بينفخ في صورتها لما بتموتوا بعض ليه؟

اشمعنى يعني؟

انتهينا خلااااااااااااص

حماس عملت دولة في غزة

وسمتها غزستان ما اعرفش ليه

وعباس بينفذ اوامر كوندي واولمرت بالقلم والمسطرة

وخلاص

الدم الي اريق

والنار اللي ولعت ح تاخد مداها وخلاص

واللي جاي اوحش كتير من اللي فات

والدم بين الجار وجاره ما بيتنسيش

وقلة العقل صايبة كل الناس

حتى اللي برة فلسطين نفسهم

ودي حكمة ربنا

ليمحص الله الذين آمنوا

بدل ما كنا قاعدين نقول لو حماس جات لو حماس جات

اهي جات

املنا في فصائل المقاومة التانية

وعلى رأسهم الجهاد الفلسطيني

انهم يعرفوا يعملوا حاجة

هههههههه

احلام العصافير دي

عمرهم ما ح يعرفوا يعملوا حاجة

غير انهم اضعف الايمان

ما يبقوش طرف في النار اللي جاية

تاكل الاخضر واليابس

على الاقل عشان يبروا ذمتهم امام الله

واللي ما يشفش من الغربال يبقى اعمى

بس ان جيتوا للحق

اول مرة اقولها

بس قلتها والله: الحمد لله اننا ما عندناش ديمقراطية

مدام اللي على راسنا وبينا خونة

وما عندهمش مانع يقدموا شرف امهاتهم قربان لامريكا

واللي عليهم الامل واختيار الناس قليلي العقل

ومعدومي الحكمة

وتصرفاتهم كلها ردود افعال

يبقى خلينا زي ما احنا

وحالنا

لو مش احسن يبقى على الاقل مش اوحش

انا مخنوووووووووووووووقة

مافيش فايدة

=====

انا قلقانة كمان عشان النار شكلها جاي علينا

والنبي اللي يبص يشوف النار كأنها ماسكة في خيط

من افغانستان ع العراق

على لبنان بس لبنان عرفت تفلت عشان مخهم انضف من بقية العرب

على فلسطين

خلاص

دي بينا وبينها حيطة

الا ايه حكاية الفصائل الفلسطينية دي
يعني الصهاينة جايين من ثقافات وجنسيات ولغات مختلفة
وعارفين يصطنعوا انهم شعب واحد
وهم مختلفين حتى في اللون
والاكلات
والملابس
والفلسطينيين اللي نفس السحنة
ونفس نبرة الصوت
عاملين نفسهم فصائل؟

ياللا بقى

ربنا ما بيظلمش حد

بقية فيديوهات قضية هويدا طه

برضه تابع بهدلة الصحفيين

وحوار مع مصور من قناة الجزيرة

بيأكد ان رئيس المحكمة والجلسة

موافقين على دخول الاعلام

والامن هو اللي مانع

ملحوظة المواطنين العاديين اتبهدلوا هم كمان

ولا كأنهم صحفيين

وكله في الفيديو

http://www.youtube.com/watch?v=rUOTt--CoW0

http://www.youtube.com/watch?v=xz95bDGoTGM

http://www.youtube.com/watch?v=MTjHFKgJzjU

http://www.youtube.com/watch?v=v0y-bzNCu4k

http://www.youtube.com/watch?v=TK8mRrhccfU

http://www.youtube.com/watch?v=bW57uWYZQPw

http://www.youtube.com/watch?v=Eem9AhyzTOk

http://www.youtube.com/watch?v=CxBFOHWePp0

http://www.youtube.com/watch?v=Pw9a7WZsvFA

http://www.youtube.com/watch?v=jYfj7pLBjiI

ودي بقى وقائع الجلسة

http://www.youtube.com/watch?v=GK7AYnF2wrw

http://www.youtube.com/watch?v=vvp83-Vqcrc

http://www.youtube.com/watch?v=ngpndAsE9Ro

http://www.youtube.com/watch?v=eFzqm4azUUM

http://www.youtube.com/watch?v=o7iaWz4x0Eg

http://www.youtube.com/watch?v=s-FXwe8_b-g

http://www.youtube.com/watch?v=L3tSrSt4jeU

http://www.youtube.com/watch?v=JN3Q-jaU108

http://www.youtube.com/watch?v=KaN7BF0c-QM

http://www.youtube.com/watch?v=v67EAU7uViY

http://www.youtube.com/watch?v=KbwPeyUoJlA

http://www.youtube.com/watch?v=K9GlKOVEVQk

http://www.youtube.com/watch?v=9uz-dYCGfA0

http://www.youtube.com/watch?v=v67EAU7uViY

http://www.youtube.com/watch?v=nwjO1g_c-p0

http://www.youtube.com/watch?v=KbwPeyUoJlA

http://www.youtube.com/watch?v=K9GlKOVEVQk

http://www.youtube.com/watch?v=Y9DrH0b70HA

http://www.youtube.com/watch?v=RCpWx3hLW74

تابع فيديوهات بهدلة الصحفيين في محاكمة هويدا طه

يعني بما ان هويدا بنت ابويا الشيخ طه

بتتحاكم لانها صحفية

فإمعانا في معزتها واكرامها

بهدلوا الصحفيين كده

بقية الفيديوهات

http://www.youtube.com/watch?v=78tV640zbhc

http://www.youtube.com/watch?v=mKy0keSRYuw

http://www.youtube.com/watch?v=EVo8j4Jvddo

http://www.youtube.com/watch?v=fU4hfQaN2-s

http://www.youtube.com/watch?v=Gk5d1jn5Bf0

http://www.youtube.com/watch?v=PNhqzZN9bLE

http://www.youtube.com/watch?v=6rT4UBwLNoM

http://www.youtube.com/watch?v=ixxcyL8SXHs

http://www.youtube.com/watch?v=vR7X4RoxHlc

http://www.youtube.com/watch?v=_RT3GOvvT0o

http://www.youtube.com/watch?v=SPE-suRfuwk

http://www.youtube.com/watch?v=IOm_S1Ny7Ec

http://www.youtube.com/watch?v=j9Fcxbbzq6o

http://www.youtube.com/watch?v=I9YS1svoSns

لسة فيه تاني

وفيه بقى وقائع القضية

بيحمل

بيحمل

بيحمل

الللللللللللللللللل

قضية هويدا طه: تأجيل ليوم 30/6

الحمد لله ان قضية هويدا المرة دي كانت في محكمة العباسية جنبي
من ضمن محامين قضية هويدا
الدكتور سليم العوا
احمد سيف الاسلام
جمال عيد
واحمد حلمي
واظن كمان وفاء المصري مش متأكدة

هي كانت موجودة بس ما اعرفش في فريق الدفاع وللا لا
وحضر كمية كبيرة من الصحفيين
فضلوا حاجزينا برة
يقرفوا فينا
ويزقونا
ولا كأنهم بيعاملوا مهربين مخدرات
لو كنا مستنيين صدقات ما كانوش زقونا كده
كله متسجل في الفيديو
مينا قعد يناكف شوية في اللواء اللي كان واقف برة
برضه متسجل
ومع ان رئيس المحكمة ورئيس الجلسة كانوا موافقين على دخول الاعلام
والاعلام كان واخد تصريح
الا انهم لطعونا كتير على ما يدخلونا
الحاجب طلع برة ومسك عصايا امن مركزي وكان ح يضرب الصحفيين
بس لمحنى وانا باصور بالموبايل فتراجع
ح تشوفوه برضه
بعدين دخلنا
والنيابة وجهت التهم لهويدا
والدفاع طلبوا صور القضايا اللي موجودة في البرنامج
وطلبوا مشاهدة شريط كان مفاجأة
زي ما الدكتور سليم العوا قال
ح نبقى نعرف ايه المفاجأة دي
وطلبوا كمان مشاهدة البرنامج اللي عرض على القناة
وطلبوا انها تسترد اللاب توب بتاعها
وكتبها
وشنطها
وهدومها
!!!!!!!!!
الحمد لله انهم سابوا لها عيالها وجوزها ما حرزهومش
الجلسة بالكام تم تسيجلها
والفيديوهات اهه
قبل دخول الصحفيين
والبهدلة اللي شفناها جوة
احنا وكمان كان معانا الدكتورة سوزان فياض
من مركز النديم لتأهيل ضحايا التعذيب
وكان فيه واحد عمال يقول: يا بني ادمين احنا صحفيين
صحفييييييييييييييييييييييييين
ولا الهوا
ح تشوفوه كله
اتفضلوا
http://www.youtube.com/watch?v=DhVj4mxoq-o

http://www.youtube.com/watch?v=ntc2omjxbVs

http://www.youtube.com/watch?v=-CuGxHzJLUc

http://www.youtube.com/watch?v=vS0l70dZQVU

http://www.youtube.com/watch?v=4GtVyLbLmXU

http://www.youtube.com/watch?v=-35B-p2PBxk

http://www.youtube.com/watch?v=A2hydHwm9RI

http://www.youtube.com/watch?v=eIsPGPoLvb8

http://www.youtube.com/watch?v=ghor0oQPv_4

لسة بقية الفيديوهات

الأشاوس في الحرب الأهلية

في الحرب الأهلية ليس هناك ظالم ولا مظلوم
ليس هناك معتد ولا معتدى عليه
ليس هناك منتصر ولا مهزوم
في الحرب الأهلية يرفع الأخوان السلاح ليقتل كل منهما الآخر

...................
يا بني وطني
في الحرب الأهلية

القاتل والمقتول في النار

الاخو الفلسطينيين..والله وباضت لك في القفص يا اوسا

والنبي انا فرحانة لكوا قوي
بقى طلع لكوا سلاح
وقصف
وحصار مستشفيات
وقتل نسوان واطفال

واستيلاء على مباني

وحل حكومات وربط رجالة
وبقيتوا ولا اسرائيل
يا الف نهار ابيض
يا الف نهار مبروك
لولولولولولولولييييييي
والله وباضت لك في القفص يا اوسا
بتموتوا بعض؟
لا رجالة
رجالة صحيح
وحياة ابلة ظاظا رجالة
ولما كل واحد فيكوا ساعة الفتنة بيعمل فيها السبع رجالة
امال معيز ليه قدام اسرائيل؟
اه صحيح فكروني
هو بالنوسبة لحماس وفتح
مين فيهم السني ومين الشيعي؟
من فيهم العربي ومين فيهم الكردي؟
مين فيهم القبطي ومين فيهم المسلم؟
اقول ايه طيب
ما انا لو قلت مؤامرة
اي عيل بعشرين سنة ح يضحك عليا
وعيب بعد السن ده اضحك عليا العيال
المؤامرة دي مش بتبقى في السر يا اخواتي؟
ده الولية كوندي جات الصيف اللي فات
بالتيير المعفن بتاعها اللي فضلت لابساه تلات ايام في الحر ده
وقالت لك احنا بنعمل فوضى خلاقة
فين المؤامرة
آه في الاحتلال وكده
على اساس ان انكوا اتفاجئتوا لقيتوا احتلال
وعلى اساس انكوا ما تعرفوش يعني انه مصلحتوا انكوا تموتوا بعض
ده الواحد فيكوا بيقعد مع الاحتلال اكتر ما بيقعد مع مراته
ايه الحلاوة دي
ايه المرجلة دي
ايه المجدعة دي
ايه الوساخة دي
وفي الاخر عملتوا انقلاب على بعض
ادعي عيكوا بايه
ما حدش فيكوا يقول لي ادعيلنا
ده انا لو كنت بادعي لابليس الدعا ده كله
كان زمانه بقى شيخ جامع
قال بيقول لك حماس وفتح بيتصارعوا ع السلاطة
هلبت ما صدقوا ان فيه دولة وان ليها سلاطة
وايه يا ترى مميزات ان الواحد يبقى في السلطة
في بلد من غير بلد؟
اكيد انك تملا التلاجة بتلاتة جنيه عيش
وفي الاخر اتحلت الحكومة اللي هي مش حكومة
باقول لكوا ايه
ياللا خلصوا بقى على بعض خالص وخلصونا
انا رايحة ادعي لابليس
يمكن يبقى فيه امل اكتر منكوا

بالنوسبة للمسلمين والمسيحيين في مصر

لو ما شربتش اللبن ح تبقى زي عمو الجرسون ده

الحوار عليكوا حق

العزيزة

incomplete

قالت ان الموضوع ده مش هزار

مش بوست يقعد يومين ونقفل على كده

احنا لازم نقف وقفة من اللي هي كده

وبالفعل

قمت بعمل بلوج

الحوار عليكوا حق

وادي اللنك بتاعه

http://hwarhaq.blogspot.com/

اللي عايز يبقى من فريق البلوج يتفضل معايا

بس يقول لي اعمل ايه

مش بس كده

انا ح انقل كل التعليقات اللي اتكتب في الموضوع ده

واعملها بوستات في البلوج التاني

تحياتي

المسيحيين والمسلمين يركزوا معايا تاني

البوست اللي اتلكمت فيه عن مسيحيين مصر وطلبت يركزوا معايا شوية

الحقيقة فرحني جدا التعليقات اللي جات عليه

لأن المسيحيين والمسلمين ركزوا معايا قوي

وكل اللي جه يتناقش ويعلق

فعلا مخلص ووطني وحريص على صالح البلد

وانا استفدت جدا من كل المشاركات واضافت لي كتير

ونورت في ذهني حاجات ما كنتش شايفاها

وعدلت لي رأيي في حاجات

وشاكرة للجميع

وكلنا اتفقنا (مسلمين ومسيحيين) على ضرورة المصارحة

والمكاشفة

النظام الحاكم تمكن من انه فعلا يخلي

يعيش اهل بلدي وبينهم مافيش

تعارف يخلي التحالف يعيش

تعيش كل طايفة من التانية خايفة

وتنزل ستاير بداير وشيش

===

ياسلام القصيدة دي حلوة قوي مش عشان اللي كاتبها ابويا

انما هو ابويا عشان كتبها

====

المهم

أنا فكرت في حاجة كويسة

إننا نفتح مجال النقاش

ويشارك فيه كل اللي الأمر يهمه

ومتهيالي اي حريص على البلد دي يهمه الامر

وفيه مواضيع وقضايا كتير

زي المخاوف الوهمية المتبادلة ما بين المسيحيين والمسلمين

زي اغترابهم عن بعض

زي احساس كل واحد فيهم بالخطر وازاي الاحساس ده بيخليهم يعملوا ردود

افعال تفاقم المشكلة وما تحلهاش

تحفظات كل جانب بصراحة على الاخر

زي الكلام اللي بيتقال عن المسيحيين في بعض المساجد

بدل برضه ما نقعد نسب ونلعن في الشيوخ دول

اللي الواحد فيهم يادوبك بيفك الخط

عايزين نفهم ايه اللي خللا دي مشاعره

ونحلها ازاي

بدل ما نتهم الاقباط بالخيانة عشان هتفوا بحياة شارون

عايزين نفهم ايه اللي وصلهم للمرارة دي

موضوع اخر حساس بين المسلمين والمسيحيين

الا وهو المادة التانية من الدستور

وانا قصرت الكلام ع المسلمين والمسيحيين

ماحدش يتدخل

وارجو ان البهائيين ما يزعلوش

بس هم مشكلتهم تتحل لوحدها منفصلة عن مشكلة الطائفية

بس انا بافضل ان نقطة المادة التانية دي نتكلم عليها في الاخر

وللا انتوا رأيكوا ايه؟

انا في انتظار اقتراحاتكوا

على شرط

المجانين يمتنعون

انا مستعدة النقاش يفتح لابعد مدى

وكل طرف لو جواه مرارة يطلعها بكل صراحة

على شرط

ان تكون نية المشاركين فعلا اصلاح ذات البين

والصالح الوطني

بتوع عباد الصليب والعرب غزاة دول

يطلعوا منها

اظن الكل متفق على ان كل الاديان بتكفل حرية العقيدة

واظن برضه الكل متفق على ان كلنا مواطنين

ومافيناش غزاة المفروض ينطردوا

فيما عدا ذلك

انطلقى يا نورماندي

في انتظار الاقتراحات

والمناقشات

عمر الشرقاوي خررررررررررررج..مبروووووووووك

حمد الله ع السلام يا عمر

ياللا ارتاح وكل كويس

وتعالى تاني ناكفني ع المدونة

عمر الشرقاوي.. يا قلة الوطن

"احنا اللي له كلنا بنخوض معركة واحدة واللي يقع مننا لازم نسانده سامعة؟"

دي جملة ابن يسري

وهو بيرد على كلامي بأن معلش تقلنا عليكوا

عمر الشرقاوي

والده ووالدته الله يرحمهم

ومافيش حد بيجري وراه غير صحابه اللي من سنه ويمكن اصغر

لما علاء سيف قال لي ان مركز هشام مبارك عايز يقدم بلاغ للنائب العام

سألني عن حد يعرف اسم عمر الثلاثي

ماحدش

لان عمر مالوش الا اصحابه

وبس

يعني قليل منا اللي بيسأل صاحبه وللا صاحبته اسمك الثلاثي ايه

عمر مختطف من يوم الانتخابات

ولحد النهاردة مانعرفش هو فين

ولا اسمه الثلاثي

ولا بيجري وراه غير المدونين

مسير الشباب يعسوا وراه ويعرفوا اسمه الثلاثي

ويقدموا البلاغ

وان شاء الله يرجع لنا بالسلامة

بس يا ترى عمر بيفكر في ايه دلوقت:

يا قلة الاهل

يا قلة السند

يا قلة الوطن

كده برضه يا مصر؟

عاجل الي حقوق الإنسان الحقوووناااا عمر مخطوف

معتز عادل بعت لنا

:الرسالة دي

اليوم الثالث

عديت علي مكتب المحامي ايمن عبد الغني بتوصيه من ابنه محمد الي هو صاحبي المهم بعت معانا محامي من المكتب علشان يروح معانا المهم دخلنا عند مأمور القسم وجبلينا شاي وقاعد يضحك ويتكلم مع المحامي بقي بعد شويه جبلنا اسامي الناس الي اتقبض عليها ومش في وسطيهم اسم عمر الشرقاوي وقال كده بالنص يا ولاد احنا معتقلناش حد يوم الانتخابات وبعدين لو كان اتاخد يوم الانتخابات اكيد مش هتلاقوه هنا وضحكانا معنتش عارف ايه الي المفروض نعملوا يعني لو حد عارف ممكن نعمل ايه قولولي ومش هنتأخر هنعملوا علي طولانا خلاص معنتش عارف حااااااااااااجه

http://manfe. blogspot. com__._,_.___

==========

عمر مخطوووووووووووووووف

ومافي أي جهة تعرف هو فين

يا محامين

يا مراكز حقوق الإنسان

الحقوووووووناااااااااااااااا

======

انا كلمت منعم وقال لي ان بلغه اخبار

ان فيه حداشر محتجزين في طلخا

واتنين محتجزين في ميت غمر

عمر فين؟

===

وقع لمناصرة المدونين

http://www.ipetitions.com/petition/alhkona/

فين عمر الشرقاوي

قسم طلخا بينكره

ومافيش اخبار جديدة

وما اتعرضش ع النيابة

ومن ساعة ما اختفى مش عارفين هو فين

فين عمر الشرقاوي؟

رسالة جات لي ع اليوتيوب

على رأي وائل عباس

ابو خمسين في المية لما يحب يهدد

بصوا بيعمل ايه

شوفوا تعليقاته اللي سايبها لي ع الفيلم اللي حاطاه ع اليوتيوب

http://www.youtube.com/watch?v=91Z44MWVbZ4#JyDc1F1oDIs

Comments & Responses
Post a video response
Post a text comment

shadood2007 (9 hours ago) Marked as spam
لــــــــــــــمــــــــــــاذا يتم محاكمه اسلام نبيه على واحد يستاهل مش بس يتحط فى طيظه عصايا لا ده المفروض يتحط فى فى طيظ عماد الكبير سواق الميكروباص ابن الشرموطه ابن العرص عمود نورومعاك ربنا يا اسلام
(Reply) (Remove) (Block User) (Spam)

nossaneg (9 hours ago) Marked as spam
ههههههههههههههههههههههههههوالله يا سعادة الظابط ده رأيكعقبال ما تحصل اسلام كدهاشوفك في القفص قريب
(Reply) (Remove) (Block User) (Spam)

shadood2007 (1 hour ago) Marked as spam
لا حضرتك مش ينفع لانى بعمل كده كتير فى ناس ومافيش حد يقدر يعملى حاجه لانهم يستهلوا اللى بعملوا فيهم ده لانهم ناس مسجلين وعمرى ما هحصل حد وكمان اللى فيه اسلام ده تهدأه للرأى العام مش اكتر وبعد كده هيطلع برااءه
(Reply) (Remove) (Block User) (Spam)

shadood2007 (1 hour ago) Marked as spam
دى سياسه يا حبيبى مش اكتر والايام اللى جايا هتبقى ايام الشرطه وليس القضاء يعنى خاللى بالك من نفسك وانت ماشى فى الشارع لحسن تتخطف ويحطوك فى وادى نطرون ههههههههههه هنشوف مين هيضحك على مين فى الاخر
(Reply) (Remove) (Block User) (Spam)

shadood2007 (1 hour ago) Marked as spam
وعلى فكره اللى متعرفوش ان عماد الكبير ده زباله من زباله المجتمع اللى بدافع عنه وكان فى بعض البلاغات لانه اغتصب طفله فى سن 7 سنين مش ده حراام بس طلع منها لان اهل الطفل قالوا مش هو لانهم ناس غلابا خافوا من التهديداات ها عرفت الحقيقهاللى حصل ده خلاصت حق الطفله
(Reply) (Remove) (Block User) (Spam)

nossaneg (6 minutes ago) Marked as spam
يا روح خالتك البلد دي بلدنا وامثالكوا ح يترموا في مزبلة التاريخ وانتوا سيد من يلفق التهم واذا كان صحيح عماد عمل كده اهل الطفلة المفروض انهم يتحاموا فيكوا مش الايام اللي جاية دي ايامكوا؟
(Reply) (Remove) (Block User) (Spam)

shadood2007 (2 minutes ago) Marked as spam
خالتى عيب عليك الكلام ده لانى مش هشتم واحد زيك لانك عمرك ماتقدر تجيلى المكتب وتشتم لانك جباااااااااان اكيد ولو راجل اشوفك ومش هعملك حاجه غير ان هقلك قول الكلام اللى انت قلته قدامى وارهنك عمرك ماهتقدر
(Reply) (Remove) (Block User) (Spam)

nossaneg (5 minutes ago) Marked as spam
وللا انت اللي فهمت غلط عشان مخك ابو خمسين في المية؟ وابو خمسين في المية لما يحب يفتري على سواق ميكروباص يقول ان اهل طفلة خافوا منه
(Reply) (Remove) (Block User) (Spam)

nossaneg (4 minutes ago) Marked as spam
وعماد ما خافش منكوا ليه؟ وانتوا بقى ما بتخافوش من ربنا ليه؟ عارف ليه لانكوا فاكرين نفسكوا فوق ربنا بكرة اتفرج عليك وانت في الحبس ومسيري ح اعرفك وح اجيبك
(Reply) (Remove) (Block User) (Spam)

nossaneg (4 minutes ago) Marked as spam
وانت بقى اللي تحاسب على نفسك انا ما باتهددش

وكمان بيديني عنوانه وبيعرفني هو مين

وبيهددني تهديد صريح

اتفضلوا

(Reply) (Remove) (Block User) (Spam)

shadood2007 (6 minutes ago) Marked as spam
عمرك ماتقدر تجيبنى لانى هجيبك انا بس تعلالى مدينه نصر جنب مصنع اوليمبك وهعرفك انا مين ياللى ساقط هيئه فى الشرطه هههههه يا معفن انت كام مره اتسحبت منك الرخصه من امين شرطه مش من ظابط هههههه لانك ياعينى غلبان
(Reply) (Remove) (Block User) (Spam)

shadood2007 (3 minutes ago) Marked as spam
بص انا هريحك عالاخر عماد ده عامل نفسه رااجل ههههه وفاكر نفسه هياخد حقه بالقانون لكن ميعرفش انه هياخد على دماغه بس خاف بس على طيظك انت كمان علشان مجهزلك عمود نووووووور
(Reply) (Remove) (Block User) (Spam)
Comment on this video
Post a video response

فيديو حشاش

لطشته من مدونة

حنتكلم

وتقدر تلطشه مني

http://www.youtube.com/watch?v=mLtWxK_5A4s

يا مسيحيين مصر..ركزوا معايا شوية

جات لي رسالة رائعة من مواطن مسيحي
عبر المجموعة البريدية
Fij
روعة الرسالة في حاجتين
ان صاحبها اسمه عاشق مصر
وهو عاشقها فعلا
الحاجة التانية انه تكلم بصراحة
عن مشاعر المسيحيين المصريين
اللي حاسين بالعزلة والتخوف
حاسين بالعزلة عن مشاكل وطنهم
ومنهم ناس بتقول نظام مبارك في مصلحتنا
لانه واقف لاخوانا التانيين
يقصدوا الاسلاميين
اللي المسيحيين خايفين ياخدوا الحكم
ويفرضوا عليهم الجزية
ويلبسوهم لبس مختلف عن المسلمين
ويمشوهم في جانب الطريق
وبما ان الاتراك كانوا بيحرموا عليهم ركوب الخيل
فممكن
كامتداد للسياسة العثمانية
يتمنع الاقباط انهم يركبوا عربية اوبل مثلا
وهي دي كل همومهم ومشاكلهم: يا ترى ح يتعمل فينا ايه النهاردة؟
يا ترى ح يحصل لنا ايه بكرة؟
عذاب يعني
وفي ظل انهماكهم في الحفاظ على بقائهم وتخوفهم من بكرة
ممكن يبقى منهم كتير ما يشغلوش قضايا التعذيب مثلا
او ان سبعين في المائة من المواطنين تحت خط الفقر
بالرغم من ان السبعين في المائة دول فيهم على الاقل خمسة في المائة مسيحيين
ويمكن اكتر
وبالرغم من ان التعذيب بيعتمد في اساسه على مبدأ المواطنة
مش مهم دينك
المهم تتعذب
لكن هو راضي بالحل الجزئي الا وهو انه ياخد من عشور الكنيسة وخلاص
وعلقة في القسم تفوت ولا حد يموت
احسن له من الذل المتخيل والمرتقب لو جه نظام حكم تاني
مين بقى المسئول عن احساس المسيحيين المصريين بالعزلة وعدم الامان ده؟
اطراف كتير
بس انا ماليش دعوة لا بالنظام الحاكم ولا بالكنيسة ولا بالمعارضة المصرية الاسلامية بالتحديد
اللي مش بيبذلوا اي مجهود لدمج المسيحيين معاهم في العمل السياسي
مؤقتا على الاقل
انا ليا دعوة بيك انت يا مواطن
ياللي ليك في البلد دي زي ما ليا فيها
ومشاكلها بتكدرك زي ما بتكدرني
انت فين؟
فيه كام الف جمعية اهلية
معنيين بالفقرا والايتام والمعاقين واطفال الشوارع؟
انت فين منهم
مش لازم يا مواطن لما تعمل عمل خيري
يبقى شغلك كله في اطار الكنيسة
مش لازم تستنى اذن من الكنيسة
مش لازم تشتغل مع الفقرا المسيحيين بس
مش لازم لما تشتغل مع مسلمين يبقى عندك هاجس انك تنصرهم
او تخوف من انك تتهم بانك بتنصرهم
ممكن نبطل نحط راسنا في الرمل
ونبطل نليس الحاجات ونلصمها لحد ما حتقع فوق دماغنا كلنا؟
فيه مشكلة حقيقية في مشاركة المسيحيين في العمل السياسي والاجتماعي
بالرغم من ان المشاكل السياسية والاجتماعية والاقتصادية
بتأثر عليهم زي ما بتأثر على اي مواطن تاني من ديانة تانية
وحقيقي انه فيه مشكلة في العمل الاجتماعي فعلا
لمسته بنفسي
ولمسته صديقة ليا اكثر خبرة مني
وصاحبتي دي محجبة وما بتفوتش فرض وبتشتغل مع شباب مسيحي زي الفل
العمل الاجتماعي اللي المفروض يبقى لوجه الله
ماهواش لوجه الله ولا حاجة
بل عمل اجتماعي مشروط
وتمييزي
بل وطبقى ايضا
وده ينطبق على الجانب المسلم والمسيحي معا
نتكلم بصراحة اكتر؟
بعض المسلمين اللي بيعملوا في العمل الاجتماعي
عملهم مشروط بان "الهدف" يصلي او يتحجب مثلا
وبعض المسيحيين عملهم الاجتماعي مشروط بالتنصير
واديني قلت بعض اهو يا رب تبقى واضحة
طيب يا مواطن..ايا كان دينك
انت ما بتعملش لوجه الله ولا حاجة
انت اخدت مقابل اهو
ضغطت بالشغل والفلوس والسكن
على مواطن فقير ضعيف جاهل
عشان تستقطبه لدينك
فين وجه الله؟
وجه الله انك تقدم الخدمة وانت مش عايز اي مقابل
ولا تمن
ولا بتشترط ولو ضمنا على الفقير
طيب
اللي بيعملوا كده دول مش بيعملوا عمل اجتماعي
ولا حتى ديني
دول بيعملوا عمل سياسي
لان مافيش دين في اني احشي بطون الناس عشان يؤمنوا بعقيدتي
ده مش ايمان بقى
مش بس كده
انا باخلق من الفقير انسان وضيع حقير منحط
مستعد يبيع عقيدته
او يغيرها عشان شغلانة ومرتب ومسكن آدمي
وده معناه ان اللي اسلم او اتنصر عشان المساعدات للي اتقدمت له
مستعد يشتغل جاسوس لاسرائيل
لو جابت له شغلانة احسن بمرتب اكبر
طيب الجمعيات او الناس اللي بتعمل كده
مالناش دعوة بيهم دول
انا دلوقت مواطنة
عايزة اشارك في خدمة الفقراء والمعوزين
وانخرط في مجتمعي ويبقى لي دور فيه
بدل ما احط ايدي على خدي
المفترض اني اروح لاي جمعية خيرية
واقول لهم عايزة اخدم في العمل الخيري
يا مواطن يا مصري يا مسيحي
رحت وقالوا لك امشي انت مسيحي؟
تعالى لي انا بقى
وده ميل مخصوص عملته عشان استقبل عليه الشكاوى
nawara_negm@yahoo.com
يوم ما اي جمعية اهلية مصرية ترفض مشاركتك في خدمة بلدك
بسبب دينك
ابعت لي اسمها وعنوانها وتليفونها
وانا ليا طرقي اللي اعرف اتأكد بيها اذا كنت بتقول الحقيقة وللا بتنخع
وبعون الله
الجمعية دي مافيش صرصار ح يرضى يعدي من جنبها
ده اذا فضلت مفتوحة اصلا
مش بس بالحملة الاعلامية
ده انا ح ارفع عليهم قضية
لان ده مش قانوني
ما تقعدش حاطط ايدك على خدك وتقول بلدي عزلاني
اللي يعزلك عن بلدك دب صوابعك في عنيه
المواطنة ما بتتشحتش
يا مواطن

من معتز عادل: تاني يوم امام قسم طلخا

الصورة من مدونة منفي

لمتابعة بقية الصور اضغط هنا

: جالي الميل ده من معتز عادل

أمام قسم طلخا لليوم الثاني علي التوالي

اليوم الثاني علي التوالي

مش عارف ادخل القسم ومحدش عايز يقولنا عمرالشرقاوي جوه ولا مش جوه كل الي بيقولوه احنا مخدناش حد

وانا بصور الصبح راجل ضربني علي ظهري وخد الكاميرا الحمد لله مكنتش الكاميرا بتاعتي المهم الي قدرت اخده في وسط المعمه دي كام صوره يا ريت ينقلولكم صوره صغيره من الي بيحصل واسف علي جوده الصور لانها متاخده من

بعيد وفي نفس الوقت وانا مستخبي

اضف توقيعك معنا

معتز عادل 12\6\2007

http://manfe.blogspot.com/

نداء إلى مراكز حقوق الإنسان بالمنصورة

الرسالة دي جات لي من

:معتز عادل

انا اضربت في القسم

هاخد محامي ورايح تاني
وخدوا مني الكاميرا
بس هما لسه في القسم
ربنا يكرمك عايزين نشوف حد من حقوق الانسان اناا صورت شويه صور هحاول اجيبها من كاميرا واحد صاحبي تانيه
القسم ولا كأنه ثكنه عسكريه
ادعولنا

=======

أنا اتصلت بالأستاذ أحمد سيف الإسلام من مركز هشام مبارك

وهو وعد بأنه يشوف مين هناك في المنصورة

رجاء

لكل المحامين

ومراكز حقوق الانسان

بالمنصورة

عايزين حد يروح القسم

ده احتجاز اكتر من 24 ساعة

بدون عرض ع النيابة

يعنى احتجاز غير قانوني

ساعدوناااااااااااااااااا

=========

للتضامن مع عمر الشرقاوي

وقع هنا

تضامن مع المدونين

المدونين بيتقبض عليهم

وبيتسجنوا

ويتعمل لهم قضايا

ويعتقلوا

ويشهر بيهم

وتشن ضدهم حملات لاغتيال سمعتهم

والحملات دي ضد كل المدونين

من كل التيارات الفكرية والسياسية والعقائدية

كل ده عشان ايه؟

عشان بيفضحوا فساد الدولة

عشان بيعبروا عن نفسهم

عشان بيحبوا البلد دي وبيخدموها؟

هم بيكرهونا في البلد ليه؟

برضه قاعدين ومش ح نسيبهالهم

ارحمووووووووناااااااااااااااا

بقىىىىىىىىىىىى