Thursday, 29 November 2012

الاخوان والسلفيين بيستعدوا لحرب اهلية

وما عندهمش اي مانع انهم يعملوا حرب اهلية، بالعكس ده جزء من خطتهم للسيطرة على مقاليد الحكم لاسباب عديدة، أولا: الناس دي ما عندهاش مفهوم الوطن اللي عندنا، هم عندهم الدنيا فسطاطين، فسطاط كفر وفسطاط ايمان، مافيش حاجة اسمها وطن، فعادي جدا ان ضميرهم يرتاح للحرب الاهلية من غير ما يرمشوا ولا يحسوا باي حرج ولا تأنيب ضمير، ده اذا كان عندهم ضمير اصلا. ثانيا: الناس دي عايشة في كتب التاريخ، وما عندهاش تصور الدولة في دماغها، دول بيتكلموا بديوان المظالم، وناقص يسموا وزير الداخلية كبير البصاصين، شكل الدولة الحديثة مش متبلور في دماغهم. ثالثا: الناس دول ولاءاتهم ايديولوجية، واظن خير دليل على ده موضوع الاندونيسي المسلم اللي يحكم مصر احسن من المسيحي المصري، وطظ في مصر، وكل الهراء اللي بيقولوه عادة. رابعا: بصوا على تواجد التيار الاسلامي في اي مكان الدولة تبقى فيه في حالة سيولة، زي افغانستان او العراق او حتى سوريا... اول حاجة تيجي على بالهم يشيلوا سلاح على اعداء الله اللي هم الشعب العادي ده
فهم الناس دول مش مصريين، حتى دمهم تقيل، هو فيه مصري دمه تقيل؟ طب دمك تقيل ليه يابني؟ انت ابن حرام؟ 
طيب.. هم دلوقت جات لهم صرعة احكام الهيمنة على مصر وفيها لاخفيها، وعاملين الاعلان الديكتاتوري ده، وطبخوا الدستور وخلصوه، وناويين ينزلوا لنا يوم السبت الجاي عشان يبتدوا الحرب الاهلية اللي هي في خطتهم، وبالمناسبة مش اول مرة يشيروا الى الحرب الاهلية، ايام محمد محمود بعتوا لنا رسالة اننا لو اصرينا على مجلس رئاسي مدني فهم مستعدين للحرب الاهلية
احنا حنعمل ايه؟
كان فيه عدة اقتراحات من الناس اللي عايزة تحقن الدماء بان الحركات السياسية تعلن نزولها يوم الجمعة ثم انسحابها من الميدان قبل ما هم ييجوا لتجنب الصدام وقالوا لنا: ام الطفل هي اللي ما ترضاش ابنها يتقسم نصين بالسكين
طيب.. الكلام ده نظريا جميل وما عنديش مانع منه بس هو مش عملي للاسباب الاتية:
اولا: اللي في الميدان دول مش خرفان، دول كل واحد فيهم رئيس جمهورية نفسه، يعني الحركات السياسية تعلن زي ما تعلن براحتها، تشوف مين حيمشي وراها، ماحدش بيسمع كلام حد في الميدان ما انتوا عارفين، والناس حتفضل في الميدان، واعلان القوى السياسية الانسحاب من الميدان حقنا للدماء مش حيعمل اكتر من اراقة بحور من الدماء مالهاش دية ومالهاش اي غطاء سياسي، الناس دي حتقعد وحتتعجن جوة الميدان وحيموتوا بلاش.. يبقى القوى السياسية دي ما عملتش حاجة غير انها بررت قتلهم لو انسحبت
ثانيا: اللي حيفضلوا في الميدان عندهم حق، لانهم لو روحوا حيتاخدوا من البيوت.. التيار الاسلامي في حالة هياج وانزعاج واحساس بإن الارض بتميد بيه، وهم ما صدقوا مسكوا في السلطة كلب ولقى عضمة، ولو المعتصمين سابوا الميدان ومشيوا مافيش واحد فيهم حيبات في بيته ليلتها.. والاخوان والسلفيين مستعدين يقبضوا على خمسين الف في ليلة واحدة ولا يهمهم، اذا كانوا ما عندهمش مانع من حرب اهلية، حيخافوا يقبضوا على الشعب كله؟ فإذا المرواح فيه خطورة كبيرة على المعتصمين، ووجودهم في الميدان اكثر امنا ليهم، ومافيش وسيلة لزيادة تأمينهم جوة الميدان غير ان عدد المعتصمين يزيد بحيث ان اللي جايين يجروا شكل ويعملوا حرب اهلية ما يعرفوش يخشوا الميدان
دلوقت احنا قدامنا كام حاجة لازم تتعمل عشان نأمن نفسنا، ونأمن البلد
السلفيين ناويين ييجوا يعملوا مدبحة في الميدان، وقالوا كده علنا، شيخ سلفي قال سنلقي في قلوبهم الرعب.. واصلا مجرد توجههم للميدان يوم السبت وهم عارفين ان فيه ناس معتصمة ده لوحده جر شكل وتفجير لحرب اهلية
طبعا اللي في الميدان رجالة ومش حيسيبوه وهم قد المواجهات، بس الخوف من تفاقهم المواجهات حاجة اساسية، ان الدم لو زاد قوي في الميدان ده حيخلي الجيش ينزل ويعلن حظر تجول ويفضي الميدان من كل الناس وياخد السلطة الى الابد وسط ترحيب عارم من حزب الكنبة اللي نزل اول مرة الميدان والفلول طبعا، ويمكن بعض الثوار يغريهم نزول الجيش لانه اول ما ينزل حينكل بالاسلاميين، الجيش خلاص عرف اننا طاهرين ومتوضيين ومالناش اطماع في السلطة، احنا شوية عيال بتنزل تشمشم على الموت وتشوفه هو فين وتجري عليه.. اللي طمعان في السلطة فعلا هم الاسلاميين، ولو الاسلاميين حيقودوا البلد لحرب اهلية الجيش مش حيسمح لهم يعملوا ده وحيقمعهم قمع التنين، وبسبب الغل اللي مالي قلوبنا كلنا من الخونة دول ممكن بعض ناس من الثوار يقولوا ايوه هم حياقهم الجيش مالهمش غيره يعلقهم على المشانق اللي يستاهلوها.. وبالطريقة دي الجيش بلع البلد وبقت الجزائر.. وسوف نندم حين لا ينفع الندم
الاسلاميين عارفين كده؟ 
طبعا لا.. دول بهايم دول هم دول بيفهموا؟ واللي فيهم بيفهم، بيشتغل مع امن الدولة، زي كتير من رموز السلفيين
طيب احنا في ايدنا ايه نعمله؟
اللي في ايدنا نعمله اننا ما نروحش خالص... ننزل بكثافة كبيرة يوم الجمعة، ونحشد للنزول، بحيث الميدان يبقى مافيهوش موطئ قدم، واللي موجود ما يروحش، يبات في الميدان ليوم السبت، بحيث الميدان يبقى مليان بطريقة ما تمكنهمش من الدخول للصدام اللي هم جايين عشانه
دي اول حاجة
تاني حاجة: المعركة الدايرة في سيمون بوليفار دي لازم تتوقف فورا.. الداخلية طبعا مش عايزة توقفها، ويبدو ان الداخلية عندها معلومات ان السلفيين نازلين يعملوها مدبحة وعشان كده بتنهك الثوار وبتفتح ثغرة في ضهرهم، بحيث السلفيين يبقوا من امامهم والداخلية من ضهرهم وتسيل بحور دم.. يبقى مدام الداخلية مش عايزة توقف ضرب، احنا نبني متاريس عند شارع سيمون بوليفار بحيث نسد الجبهة دي خالص ونرتاح اليومين دول عشان نقدر نواصل جمعة وسبت
تالت حاجة: نحط متاريس كبيرة على كل المداخل 
رابع حاجة: نقدم بلاغ في مرسي وجماعته، وحزب النور اللي بيحشد ليوم السبت ونتهمهم بمحاولة اشعال حرب اهلية، حتقولوا لي نقدم بلاغ عند النائب العام بتاع مرسي؟ ايوه.. هو حياخد البلاغ يحطه في الدرج، بس ان شاء الله لما يمشي هو والجماعة، وبالمناسبة هم حيمشوا اسرع مما تتخيلوا ان شاء الله، ومرسي ده نهايته قربت قوي.. خلي خيرت الشاطر اللي هو ماشي دلدول وراه ينفعه، يبقى يتحقق معاهم كلهم لان البلاغ حيبقى موجود وحنبقى مقدمينه قبل ما تحصل اي حاجة.. وفي البلاغ ده نحمل مرسي ونادر بكار مسئولية اي خسائر في الارواح تنتج عن مواجهات بين المتظاهرين
خامس حاجة: من دلوقت نطهر الميدان من عناصر الاخوان اللي مندسة في وسط الميدان، انا مستغربة جدا منكوا انهم لما بييجوا ويقعدوا يفتحوا مناقشات بتقعدوا تتناقشوا معاهم.. انتوا لسه عشمانين فيهم يفهموا حاجة؟ دول خرفاااااااااااااان.. خرفان وخونة للبلد، وما يعرفوش ربنا.. ما يعرفوهوش خالص، ولا سمعوا عنه، يعرفوا المرشد بس، هو ده ربهم.. اي اخواني يتقفش مدسوس وبيفتح نقاش يعمل فتنة يترن علقة وينطرد برة الميدان
سادس حاجة: اللي يمسك البوابات ناس معروفة ويبقى تحت ايدهم ناس عارفينهم.. مش اي حد يتطوع يأمن البوابات
سابع حاجة: الدخول والخروج لحد يوم الجمعة، بداية من ليلة السبت مافيش دخول ولا خروج
واخيرا... احنا لو خرجنا من الميدان ده مش حنرجعه تاني.. نتقابل على المشنقة بقى
احنا شغلتنا نحمي بلدنا.. ده اختيارنا في الحياة ولازم نلتزم بيه، وهي غلبانة ومالهاش حد غيرنا 

52 comments:

Mahmoud Shawshara said...

جــــــــــــــامــــد الكلام دا اوى
يا مين يسمع
وربنا تنفعى رئيس دوله :D

samysalah7 said...

يا خسارة يا نوارة كنت زمان أيام الثورة بعزك وبصدقك ... حسبي الله ونعم الوكيل .. إفتكري المشاركة ديه يا نوراة لأني هسألك عنها أمام الله يوم القيامة. أسألك الله ألا يتوفاك حتى يفضحك. حسبي الله ونعم الوكيل فيك

ahmed abdulrahman said...

استاذه يا نواره

samysalah7 said...

يا خسارة يا نوارة كنت زمان في الأيام الأولى للثورة بعزك وبصدقك ... حسبي الله ونعم الوكيل .. إفتكري المشاركة ديه يا نوراة لأني هسألك عنها أمام الله يوم القيامة. أسأل الله ألا يتوفاك حتى يفضحك. حسبي الله ونعم الوكيل فيك

Mohamed EL Bahy said...
This comment has been removed by the author.
Mohamed EL Bahy said...

المصيبة يا ست نوارة انه كعادة المصريين كله يبقى نص و نص و كالعادة العسكر يلعبوها على الشعب و كله باسم حماية البلد
يبقى سابوا الاخوان يوصلوا السلطة و يحرضوهم على اللي بيعملوه والاخوان اغبى خلق الله و يشربوها و الشباب يعترضوا و بعدها يقعوا في بعض و هما ياخدوها على الطبطاب و الشعب يهلل لهم

Mohamed EL Bahy said...

المصيبة يا ست نوارة انه كعادة المصريين كله يبقى نص و نص و كالعادة العسكر يلعبوها على الشعب و كله باسم حماية البلد
يبقى سابوا الاخوان يوصلوا السلطة و يحرضوهم على اللي بيعملوه والاخوان اغبى خلق الله و يشربوها و الشباب يعترضوا و بعدها يقعوا في بعض و هما ياخدوها على الطبطاب و الشعب يهلل لهم

Mahmoud Shawshara said...

جــــــــــــــامــــد الكلام دا اوى
يا مين يسمع
وربنا تنفعى رئيس دوله :D

masry8 said...

موافقك تماما , وأضيف إن المواجهة لا مفر منها , وإن لم تكن السبت هتكون في يوم تاني لا هم هيتراجعوا عن التمكين التام بعد ما وصلوا للسلطة ولا احنا هنخضع , يبقى الأحسن لنا تبقى السبت والشعب معظمه معانا والتيار ضدهم عالي

amr samier said...

تسلم ايدك

Yasser Hashem said...

نملي الميدان عربيات وياريت تبقي ميكروباسات ولو كسرو عربيه نعملهم محضر لبكار ورشيده الاخوان
لو وممكن نقوي الناس ونجمع فلوس لو حاجه اتكسرت ومليون واحد يدفع انا مش عارف عمال اعمل بوست مش عارف وصل ام لا

Yasser Hashem said...

ايه فكره ام متنفعش بارك العربيات؟

Mohamed Gamil said...

يادين النبى ايه الدماغ دى :D

مواطن المصري said...

ارجو الإطلاع علي الرابط الاتي .... للاهمية في هذا الشان :

http://www.4shared.com/office/cdDVOKWC/___.html

samy qaid said...

من الاخر بس انتى فترة كانتى معهم وانتى عارفة انهم ملهومش عزيز ووقفت جنبهم مليون مرة وانتى عارفة انهم اوسخ ناس معلش محدش بيتعلم بالسهل

mohamedngm2000 said...

مبارك الخاين كان بضحك علينا بالضربة الجوية و حرب اكتوبر فربنا أمهله 30 سنة لكن دول بيضحكوا على الناس بكتاب الله و لذلك ربنا مش هيمهلم زى ما امهل مبارك و نهايتهم حتكون قريبة و الضربة حتيجى لهم من عند الله و الله غالب على امره و لكن اكثر الناس لا يعلمون

mohamedngm2000 said...

لن يمهلهم الله لأنهم يخدعون الناس بكتاب الله و يستخدمون آياته فى أغراض دنيوية حقيرة و سيعجل لهم بالنهاية ان معركتهم القادمة ستكون مع اللهو سيصلط عليهم ظالم يمزقهم كل ممزق

سطور said...

نوارة إنتي قلبك طيب وربنا حيحكميكي إنشاء الله من المنافقين اللي حواليكي وألي أكيد مبسوطين عليكي أوي ونفسهم يمكن تصيري زيهم..بس ربنا أرحم الراحمين ...ربنا يحفظك من شياطين الإنس

Mohamed G said...

يا نوارة ياحبيبتى الحقى نفسك انتى سرحتى جامد انت لو بصيتى فى مراية حقيقية هتلاقي نفسك بقيتى شبه توفيق عكاشة
أرجوكى خللى بالك من نفسك و بصى فى مراية مخلصة بتخاف عليكى

أنا كنت بقول عندنا بنتين فى مصر اتباهه بيهم على العالم كلة ،،،، نوارة نجم و أسماء محفوظ
يارب ترجعى و متكونيش زى اللى إذا خاصم فجر

Ahmed Korany said...

في الحقيقة كلامك تهريج وإشعال لنار الفتنة ، أنا شايف من يعتدي هو أنتم أنتم من يحمل الحجر والمولوتوف ويحرق المقرات والقنوات والبنوك والمدارس ويقتحم المنازل .
لم نري من الإسلاميين الذين تدعين عليهم إي عنف تجاه منشأة او فرد في الأحداث الأخيرة.
وجودهم في ميدان التحرير حق لهم كما هو حق لكم لكي لا تنقسم الدنيا إلي فسطاطين كما تقولين فسطاط مدعي الثورية وفسطاط المؤيدين .
أنتم أردتم بهذا إعادة انتاج ثورة يناير أن يكون ميدان التحرير للثوار والمؤيدين لهم ميدان آخر (التحرير ومصطفي محمود)
علي العموم هم غيروا مكان التظاهر وأنا لست مع هذا القرار

Unknown said...

خيبت طني فيك يا نوارة وبدأت توزعين الاتهامات جزافا يمينا وشمالا ووصفت الإخوة المسلمين والمومنين بنعوت فظيعة للغاية قد يكون فلان أو علان قد اخطأ منهم لفظا أو تصرفا فلم التعميم وجعلهم كلهم في سلة واحدة أليس منهم رجل رشيد يخشى الله أبدا... إنك تسخرين ممن حذر الله تعالى من السخرية بهم وعلى المستوى السياسي ففلول النظام لم تستسغ الهزيمة السياسية ولما يقال لها إن الإعلان مؤقت تقول لا نريد مرسي فالرجل صوت عليه الشعب في انتخابات حرة ونزيهة والإعلانات الأخيرة اضطر إليها لأن بقايا النظام تريد أن تعيد البلد إلى الصفر كل مرة لم يفوزوا فيها... فعودي إلى رشدك أختي الفاضلة لكم كنت أحترمك وأقدرك وأرى فيك ألف رجل ولكن الدموع كادت تسيل من عيني عندما قرأت مقالك هذا... فمقرات الإخوان كسرت وهوجمت وهم هادئون صابرون محتسبون والرئيس يسب وهو صابر محتسب وفي حواره الأخير وضح كل شيء ومن ناحية أخرى كيف تطردي من جاء ليحاورك فبالحوار وحده تحل المشاكل على مرأى ومسمع من الشعب ليبقى له الحكم في النهاية... بالله عليك ألم يكفك ما قاسه الإخوان مع كافة الأنظمة السابقة من تنكيل وتعذيب وسجون أما عن السلفيين فمنهم السابق بالخيرات ومنهم المقتصد ومنهم الظالم لنفسه الذي ننتظر منه مراجعات فكرية تتطلبها الممارسة السياسية الذي هو حديث عهد بها فبالحوار والحوار وحده تذوب كل الخلافات وتتقارب وجهات النظر وليس بالعنف يا نوارة فالله تعالى نبذ العنف وحبذ الرفق في الأمور كلها يا نوارة فما كان العنف في شيء إلا شانه وما كان الرفق في شيء إلا زانه هكذا قال الحبيب المصطفى الغالي علي وعليك يا نوارة... إن افترضت جدلا أني مخالف لمرسي فبمجرد تسخير المعارضين للبلطجية يدعوني للتبرؤ منهم والوقوف جنبا إلى جنب مع الرئيس المنتخب والباب عندكم اليوم مفتوح على مصاريعه للتعبير عن الرأي بل حتى قناة25 قد تفتح لك باب التعبير عن رأيك بكل أريحية وطيب خاطر... لم نعهدكم هكذا يا مصريين فما الذي يحدث اعقلوا يا قوم اعقلوا ننتظر هيبة مصر وقوة مصر والصناديق هي الحكم يا ديمقراطيين... ومرة أخرى أكررها على مسامعك أختي الفاضلة خيبت ظني في كثيرا ولا زلت لم أصدق ما قرأته...

Unknown said...

هام جدا إليك أختى نوارة
http://www.4shared.com/office/ecvi3cua/ToNawwara.html

==================
mohdaloussi@gmail.com

magdy hashem said...

ما أجمل أفكارك وتحليلك للموقف

شمس النهار said...

مصر عمرها ماهتقوم فيها حرب اهليه
ممكن مناوشات علي خفيف هنا هناك
لكن زي لبنان كده مااظنش

والتعامل مع الموقف الان هيسبونا نهبب شويه ونعثصم حبتين لحد مايخلصوا همه شغلهم
وبعدين نفض الاعتصام بالقوة وخلويص

Rana Al Sha'bani said...

كل اللي قلتيه ما حصلش.. اتكسفوا بقى

Kody said...

الهطل ليه ناسه

hosseiny shatat said...

فعلا كلام منطقي ومظبوط
واكبر دليل عليه
ان الاخوان بيهاجموا مقرات الاحزاب المعارضه
وبيحرقوها
هههههههههههههههههههههه

hosseiny shatat said...

فعلا كلام منطقي ومظبوط
واكبر دليل عليه
ان الاخوان بيهاجموا مقرات الاحزاب المعارضه
وبيحرقوها
هههههههههههههههههههههه

hosseiny shatat said...

فعلا كلام منطقي ومظبوط
واكبر دليل عليه
ان الاخوان بيهاجموا مقرات الاحزاب المعارضه
وبيحرقوها
هههههههههههههههههههههه

LogicMind said...

ليس من الامانة تجميل ماهو جميل فى الدستور لان الشعب دفع الثمن غالى لاجل ذلك وليست منه ممن وضعوا الدستور مشكوريين .. ولكن الامانة امام الله والوطن ان تحاول اكتشاف نقاط الضعف فى الدستور وتنبه اليها اخوانك المصريين .. اليس الدين النصيحة .. الا يأمرنا الله ورسوله بالامانة فى النصيحة

لماذا ارفض الدستور بعد ان قرأته من نسخة 30 نوفمبر التى استلمها الرئيس ومن موقع اللجنه التاسيسيه ؟؟

المادة 24: يجوز نزع الملكية الخاصة للمنفعة العامة مع التعويض . هذا اعتداء على الملكية الخاصة التى يحميها الدستور والاسلام مهما كان السبب فالمالك له حق الرفض .

المادة 29 : ايضا يجوز التأميم لاعتبارات الصالح العام .. ايضا اعتداء على الملكية الخاصة وقطف ثمار مجهود من تأمم ممتلكاته . من حق الشخص او الافراد رفض التأميم

المادة 35: يبلغ كل من تقيد حريته باسباب ذلك خلال 12 ساعه .. لماذا لا يبلغ فور القبض عليه (12 ساعه كافيه لتعذيبه) وان يسمح له فورا بالاتصال بزويه او محاميه وابلاغهم بمكان احتجازه خلال ساعة من احتجازه ويسجل الاتصال رسميا ..

المادة 43 : حرية الاعتقاد مصونة.. ولكن للاديان السماويه فقط .. هذا تناقض الافضل ان تلغى لاننا مش قدها .

المادة 50 : التظاهر السلمى والاجتماعات العامه تكون بمجرد الاخطار (كده تمام ) ولكن ينظمها القانون . لما تلاقى عبارة ينظمها القانون يعنى مثلا ممنوع التظاهر الا يوم الجمعه , ممنوع التظاهر اثناء ساعات العمل وهكذا يفرغ القانون الكلام الحلو بتاع الدستور من معناه.

المادة 52 : يجوز حل النقابه وحل مجلس ادارتها بحكم قضائى .. حل النقابه ؟؟ فيه حد يحل نقابه بتمثل فئه من الشعب ؟؟؟

المادة 62 : الرعاية الصحية والتأمين الصحى بالمجان لغير القادرين فقط ؟ ماهو تعريف غير القادرين ؟ وكيف سيعالج القادرين تأمين صحى حكومى ولا قطاع خاص.. وهل سيتم التخلص من التفرقه بين المواطنين فى الرعاية الصحية ويتم ضم المستشفيات العسكريه والشرطيه والفئويه عموما تحت مظلة التامين الصحى الحكومى وتكون ميزانية الصحه لكل فئات الشعب بما فيهم العسكريين تحت تصرف وزير الصحة .

المادة 64: الاضراب السلمى حق ولكن ينظمه القانون ؟؟ يعنى ايه ينظمه القانون ..المفروض النقابات هى اللى بتنظم الاضراب كما تريد بناء على جمعيتها العموميه مش الحكومه هى اللى تنظمها .

مادة 173 : مجلس القضاء الاعلى (السلطة القضائيه مستقله حسب الدستور) يختار النائب العام ولكن الرئيس ( وهو رئيس السلطه التنفيذيه ) هو الذى يصدر قرار تعينه. وما دخل الرئيس بالسلطة القضائيه والتى يجب ان تكون هى التى تصدر قرار التعيين والا سيكون هناك باب لمنافقة الرئيس باختيار من يتم تسريب المعلومات بانه مقبول عند الرئيس ..يوجد خلط هنا بين السلطة التنفيذيه والقضائيه. ونفس الشئ ينطبق على المادة: 176 بخصوص المحكمة الدستورية والذى به تم تعيين تهانى الجبالى

مادة 197 : مجلس الدفاع الوطنى يناقش فقط وليس من حقه الاعتراض على ميزانية الجيش ( لن تعرض ميزانية الجيش التى لاتخص التسليح على مجلس الشعب ؟؟ اليس الشعب مصدر السلطات)

مادة 198 : تبيح محاكمة المدنى عسكريا فيما يضر الجيش .. اى يصبح الجيش هو المدعى وهو الحكم .. اهذا عدل .. وفى نفس الوقت لو ارتكب عسكرى حطأ ضد مدنى لا يمكن محاكمته مدنيا .. باشوات ..اهذا عدل
مادة 202 : يعين الرئيس رؤساء الاجهزة الرقابية بعد موافقة مجلس الشورى .. الرقابة اصلا وظيفة مجلس الشعب (السلطة التشريعيه) فلماذا لايكون تعيينهم من سلطة مجلس الشعب ليكون ولائهم للشعب فقط .
مادة 219 : يعاد النظر فيها لانها سبب اعتراض الاقباط لخوفهم من وجهات النظر الاسلامية المتطرفة لبعض احزاب الاسلام السياسى.

Rowaa said...

الحقيقة يا نوارة لقد خاب املى فيك. التحريض هذا مخالف لاى فهم ديموقراطى وتصرف غير مسئول وغير حضارى. اولا اذا نظرنا للام المتحضرة فالرئيس فيها لايحصل على اغلبية ساحقة لكن يزيد يبقدار بسيط فى الاصوات على منافسه ومعنىهذا ان اقل من نصف الشعب تقؤيبا لم يصوت له لكن بمجرد الفوز يحترم الناس هذا ويلتف الشعب حول الرئيس المنتخب لبناء البلد. ومن العار ان تقفى الان مع الفلول وتنادى للجيش بع ما كنا نسثغيث منهم. والعقل والوطنية اننا نحتكم للصناديق وان نعطى الرئيس الفرصة بل ونعينه على القضاء على اعداء البلد من فلول مبارك وعملاء الغرب وان نعمل جاهدين لبناء البلد. فكما قال الشعراوى: الثائر الحق يهدا ليبنى الامجاد . وليس الذى يظل ثائرا فيكون او تكونى انت كالتى نقضت غزلها من بعد قوة انكاثا. ادعوا الله ان يهديكى الى الحق وان يبصركم بالحق وان تعملوا الصواب الذى فيه مصلحة مصر واناشدكم ان تنبذوا الحقد على مرسى وان نتعاون جميعا لاعلاء شان مصر والسلام رواء المغازى

Needala said...

ده جواب من القلب لان انا محروق من جوه عشان الحلم بتاعنا بيتدمر. لو جدعة و ست قوية بجد اقري ده (جمدي البك, اراهنك مش هتقدري)

عايزين تقتلوا ارادة الشعب و حقهم الديمقراتي فى اختيار مرسي علي شفىيق. و انا هقولك ليه: كل ده عشان انتوا انانيين و ديكتاتورييين و عايزين تفرضوا على الشعب حقدكم على الهوية الاسلامية غصبا عنهم. لو مش عاجبك ان مصر بلد مسلمة, سافري امريكا و اتبلي علينا و اوليللهم ان المسلمين المتدينين الوحشين بتوع مصر بيغتصبوا الستات في الشوارع و بياكلوا عيالكم, واطلبي اللجؤ بالزبط زى ما حبه من حبايبك الخونة لمصر بياعملوا في امريكا و اوروبا, و خلصينا من وشك العكر.

لو كان مرسي عامل نفسه غربى و مودرن او عامل نفسه جدع و كول زي تشي جيفرا الاجنبي الفاسق كنتوا هتحبوه. سبحان الله - ايه الللي جمع بينكم و بين الفلول و كل اللي بيكرهوا الاسلام كره العمي و بيتاجروا علي سب الاسلام في الغرب و يتبلوا علي المصريين المسلمين عشان الناس تكرهنا و تحن عليهم و تديهم الجنسية الامريكية و منافع اخري?

الاجابة هي انكم جمعتكم كره الاسلام. و لعلمك مش هيرضوا عنك بجد الا لما تتبيعي ملتهم و طريقتهم و تكوني تابعة لهم.

مبروك عليكي يا ست, خونتي نفسك و وقفتي في نفس الصف بتاع الفلول و الخونة. مكنتش اتصور ابدا ان في يوم من الايام البطلة السابقة تتحول لخاينة في صف الفلول و البلطجية

كنتي دايما بتقولي ليه مبتموتيش شهيدة - الاجابة هي ان اممثالك ميستهلوش الشرف ده. الا لو تكوني شجاعة و قوية و تعترفي بالغلط اللى انت بتاعمليه فى حبيبتنا المسكينة المؤمنة مصر الطاهرة, و تستغفري علي الفتنة اللي شاركتي فيها. و متعديش تقوليلي ده هما كمان عملوا و قالوا و هما اللي بدو و كل الكلام الفارغ ده - حاسبي نفسك الاول لان انتي مسؤلة عن نفسك و مصيرك ان كان للجنة او النار.

شاركتي في تدمير حلمنا للوطن الحبيب

لعلمك انا مش اخوان و لا سلفي و عندى حجات كتيييييرة جدا مختلف معاهم فيها في فكرهم و طريقتهم. بس حبي لمصر اقوي من خلافي مع الاخوان. انا مصوتش لمرسي ولا لشفيق بس بحترم ارادة اهل بلدي و بحاول اكون حقاني مع الله و مع نفسي. و تعرفي؟ من ساعت اول خطاب لمرسي حبيته, و حبيت انه خلا مصر بلد مش خاضعة للغرب و رجعلنا العزة, و الامة العربية حتطنا فوق راسها,و خلصنا من حكم العسكر و حاش الكلب طنطاوي و ساعد اخوتنا الفلسطينيين...

بالله عليكي اقري سورة المنافقون.

نصيحتي الاخيرة لكي نصيحة غالية و الله العظيم مبهزرش حتي اقرب حبايبك منصحوكيش بيها: خدي اجازة اسبوع بحاله و اعتزلي اصحابك و السياسة و العالم كله و اقضي الوقت لوحدك تماما و فكري في كل اللي حصل و ايه اللي هيحصل و مصر رايحة فين و ايه هو معني الديموكراتية وةمين المصايب اللي اتحالفتوا و معهم و ليه اتحالفتوا معهم و ليه بتكرهوا الاسلاميين اكتر من اليهود و الفلول و ليه مدبحتيش البرادعي بلسانك لما استنصر بامريكا علي بلدنا العظيمة التي لا تخضع لاي دولة رغم انك بتاعرفي تطولي لسانك لمل تحبي...

لن ادعو لكي بالهداية لان انتي تستهلي العقاب علي تحولك الي خاينة. انقلبت علي عقبيك و نقضتي غزلك... اللهم عافنا و احسن ختامنا...

Needala said...

ده جواب من القلب لان انا محروق من جوه عشان الحلم بتاعنا بيتدمر. لو جدعة و ست قوية بجد اقري ده (جمدي البك, اراهنك مش هتقدري)

عايزين تقتلوا ارادة الشعب و حقهم الديمقراتي فى اختيار مرسي علي شفىيق. و انا هقولك ليه: كل ده عشان انتوا انانيين و ديكتاتورييين و عايزين تفرضوا على الشعب حقدكم على الهوية الاسلامية غصبا عنهم. لو مش عاجبك ان مصر بلد مسلمة, سافري امريكا و اتبلي علينا و اوليللهم ان المسلمين المتدينين الوحشين بتوع مصر بيغتصبوا الستات في الشوارع و بياكلوا عيالكم, واطلبي اللجؤ بالزبط زى ما حبه من حبايبك الخونة لمصر بياعملوا في امريكا و اوروبا, و خلصينا من وشك العكر.

لو كان مرسي عامل نفسه غربى و مودرن او عامل نفسه جدع و كول زي تشي جيفرا الاجنبي الفاسق كنتوا هتحبوه. سبحان الله - ايه الللي جمع بينكم و بين الفلول و كل اللي بيكرهوا الاسلام كره العمي و بيتاجروا علي سب الاسلام في الغرب و يتبلوا علي المصريين المسلمين عشان الناس تكرهنا و تحن عليهم و تديهم الجنسية الامريكية و منافع اخري?

الاجابة هي انكم جمعتكم كره الاسلام. و لعلمك مش هيرضوا عنك بجد الا لما تتبيعي ملتهم و طريقتهم و تكوني تابعة لهم.

مبروك عليكي يا ست, خونتي نفسك و وقفتي في نفس الصف بتاع الفلول و الخونة. مكنتش اتصور ابدا ان في يوم من الايام البطلة السابقة تتحول لخاينة في صف الفلول و البلطجية

كنتي دايما بتقولي ليه مبتموتيش شهيدة - الاجابة هي ان اممثالك ميستهلوش الشرف ده. الا لو تكوني شجاعة و قوية و تعترفي بالغلط اللى انت بتاعمليه فى حبيبتنا المسكينة المؤمنة مصر الطاهرة, و تستغفري علي الفتنة اللي شاركتي فيها. و متعديش تقوليلي ده هما كمان عملوا و قالوا و هما اللي بدو و كل الكلام الفارغ ده - حاسبي نفسك الاول لان انتي مسؤلة عن نفسك و مصيرك ان كان للجنة او النار.

شاركتي في تدمير حلمنا للوطن الحبيب

لعلمك انا مش اخوان و لا سلفي و عندى حجات كتيييييرة جدا مختلف معاهم فيها في فكرهم و طريقتهم. بس حبي لمصر اقوي من خلافي مع الاخوان. انا مصوتش لمرسي ولا لشفيق بس بحترم ارادة اهل بلدي و بحاول اكون حقاني مع الله و مع نفسي. و تعرفي؟ من ساعت اول خطاب لمرسي حبيته, و حبيت انه خلا مصر بلد مش خاضعة للغرب و رجعلنا العزة, و الامة العربية حتطنا فوق راسها,و خلصنا من حكم العسكر و حاش الكلب طنطاوي و ساعد اخوتنا الفلسطينيين...

بالله عليكي اقري سورة المنافقون.

نصيحتي الاخيرة لكي نصيحة غالية و الله العظيم مبهزرش حتي اقرب حبايبك منصحوكيش بيها: خدي اجازة اسبوع بحاله و اعتزلي اصحابك و السياسة و العالم كله و اقضي الوقت لوحدك تماما و فكري في كل اللي حصل و ايه اللي هيحصل و مصر رايحة فين و ايه هو معني الديموكراتية وةمين المصايب اللي اتحالفتوا و معهم و ليه اتحالفتوا معهم و ليه بتكرهوا الاسلاميين اكتر من اليهود و الفلول و ليه مدبحتيش البرادعي بلسانك لما استنصر بامريكا علي بلدنا العظيمة التي لا تخضع لاي دولة رغم انك بتاعرفي تطولي لسانك لمل تحبي...

لن ادعو لكي بالهداية لان انتي تستهلي العقاب علي تحولك الي خاينة. انقلبت علي عقبيك و نقضتي غزلك... اللهم عافنا و احسن ختامنا...

mmod baba said...

ياه يا نوارة ... وصلتي لفين ... و حتاخذو مصر لفين ... الإخوان ميعرفوش ربنا و لا يعرفوا الوطن و حمدين و موسى و البرادعي هما اللي بيعرفوا و يحبوا مصلحة الوطن ... الضحايا اللي فقدتهم مصر الأيام اللي فاتت و المصابين و المؤسسات و المراكز اللي اتدمرت و اتحرقت دي هي الحضارة ... و لا الناس دول و اللي وراهم مش مصريين ... ياااه و الله خسارة ياللي كنتي نوارة

mmod baba said...

ياه يا نوارة ... وصلتي لفين ... و حتاخذو مصر لفين ... الإخوان ميعرفوش ربنا و لا يعرفوا الوطن و حمدين و موسى و البرادعي هما اللي بيعرفوا و يحبوا مصلحة الوطن ... الضحايا اللي فقدتهم مصر الأيام اللي فاتت و المصابين و المؤسسات و المراكز اللي اتدمرت و اتحرقت دي هي الحضارة ... و لا الناس دول و اللي وراهم مش مصريين ... ياااه و الله خسارة ياللي كنتي نوارة

mmod baba said...

يا خسارة يا نوارة ... هم ميعرفوش ربنا و لا مصر ... و البرادعي و موسى و صباحي هما اللي بيعرفوهم ... طيب و ضحايا الأيام اللي فاتت و اللي إتحرق و اللي و اللي هم مش مصريين برضة و اللي وراهم مش مصريين .. يا خسارة ياللي كنتي نوارة ... و بنستنى إتقدمو مصر لقدام بترجعو فينا و فيها لورا سنين

Dina Elghedany said...

جزاك الله خير
http://www.alsadiqa.com
مشكورر
http://www.un4web.com

Needala said...

هيييييييه!!!! المرشد الجديد: البرادعي، مرشد ''جبهة الانكار ال-مش-وطني'' يا فلووووووووووول!! هما الحزب الوطني (الله يحفظه و يطول عمره بيكم) طلعوا حلوين بقي؟؟؟؟ يا بلطجية!! ماما سلوي جدعة انها اتبرت من الخونة.

الثورة معناها القيام علي الحكم الدي لم يأتي به ارادت الشعب، مش ان تقفوا معاه

بقيتوا كلاب الفلول يحركوكوا يمين و شمال من خلال البرادعي و شلته... يا خرفااااااااااااان!!!!!

hardway said...


هرتلة..عبط سياسي...
أنت لا تصلحي..الأ سكسكة
كوني سكسكة

فافى said...

كلام
سليم شفتى الاخ بتاع هاسألك عن المشاركه دى يوم الدين ؟
لاحول ولا قوة الا بالله
كلهم بيتكلموا بنفس الطريقه

ahmed fathy said...

البقاء لله يا نوارة نعزيكى ونعزى أنفسنا وإنا لله وإنا إليه راجعون

منجي بـــــــــــــاكير said...

الزّمن الجميل تحيّيك وتدعوك الى تصفّحها و الاشتراك فيها

Yasser said...

قسماً بالله حسيت اني بقرا مقالة لطفلة ف ابتدائي، ربنا يشفيكي ويزيح عنك :D

Safaa said...

اعتذاراتي من البداية على الاطالة.. لكنني منذ بداية الثورة وأنا احاول رصد تغير في النظرة المصرية التي وجدت بكامب ديفيد أن مصر هي بلد منعزل وجزيرة لا تؤثر ولا تتأثر بمن وبما حولها.. قد وجدت ذلك جليا بمقتل الفنانة سعاد حسني (لأن التغيير بالتعاطي برأيي سيعبر عن التغيير الحاصل بمصر بالرؤيا الشمولية التي تخرج عن انعزالية كامب ديفيد بضيق الأفق) اذ أن القضية حينها برأيي كانت واضحة تشابكها السياسي الاعلامي الثقافي وواضح أن عالم بأوضاعه الراهنة حينها لا يمكنه الحديث عنها.
لكن ما بعد الثورة خاب ظني أو تفهمت بعد حين أن الأمور تأخذ وقتا, يعني بعد الثورة أصبح الحديث عن قتل لا انتحار لكن من القاتل فهو واضح أن مصر لم تصبو لدرجة خروجها من انعزالها كجزيرة مغلقة.
كما تعلمين المستفيد الأول من الموت حينها اقتصاديا هو روتانا (أي شبكة الوليد بن طلال التي هي جزء لا يتجزأ من مؤسسة روبرت مردوخ) أظن أنه برحيلها سجلت أسرع بيعة لأكبر ارث ثقافي بالعالم (أحاول أن لا أبالغ).
وبتلك البيعة دخل ارث ثقافي انساني عربي ومصري تحت ابط استهلاك العولمة والسطحية, طبعا دافعا عنه أغنيتين دولا مين - وما أوخذ بالقوة, تاركا القاء الشعري "لوقف الشريط بوضع ثابت لانسانة منتحرة "كافرة" شبه مجنونة بقيت متضامنة مع الشعب الفلسطيني بعز عنفوان انتفاضته الثانية القوية والدموية بحقه, تحضيرا لسيناريو الحرب على الارهاب.
بحسب المصادر الاسرائيلية تستهزأ بتوجه الصحافة المصرية لصفوت الشريف وتتسأل باستهزأ حينها لماذا لا توجه التساؤلات لعمرو سليمان.
مصادر اسرائيلية تدعي أن السفارة الاسرائيلية قد توجهت لمقربين لسعاد مقترحة عليهم أن يعرضوا عليها "خدمات طبية" اسرائيلية في أفضل مستشفى اسرائيلي بالقدس (هداسا) لمعالجة ذاك المرض الغريب الذي عانت منه (مرض غريب بالصحافة الاسرائلية كلمة كود "لتسمم")
عروض روتانا وضغوطها لشراء الارث الثقافي والحضاري للعرب وخاصة من مصر كان هائلا (وقد نجحت مع معظمه) لكن معها وكما فهمت أن عنادها لم يقل شأنا بالرفض.
طبعا الصحافة الاسرائيلية تذكر مقتل الليثي ناصف ومقتل زوج ابنة جمال عبد الناصر مستهزأة بتلك الجثث المصرية التي تسقط من بالكونات انجليزية .. مما يثير الشك هل الحديث عن قتل قبل الرمي.
مما هو مؤكد من نبرة الاستهزائة الاسرائيلية الى أن "المصري" كان مقاولا ثانويا لتلاقي مصالح خليجية عولمية بمخاوف اسرائيلية لعودة تلك الانسانة ذات ذاك الارث الهائل والتي حافظت على ملكيتها له بالكامل حاملة معها "وقف الشريط" بعز الانتفاضة الثانية وفضائح على ذاك المقاول الذي هو حارس أساسي لامكانية استمرار الاحتلال بدمويته الوحشية.

كما أشرت سابقا ما التعاطي مع تلك القضية الا مؤشر على مدى انغماس بفكرة هل مصر يمكنها أن "تستقل" أو بالأحرى تتحرر من أولائك الشرين (المال الخليجي وثقافة الهبوط, والثعلبة الاسرائيلية بامكانياتها التكنولوجية البيلوجية وغيرها)؟

لن أدخل بسياستكم الداخلية الحالية (ما جرى من انتخابات واستفتاء وغيرها) لأن أهل مكة طبعا وأكيدا أدرى بشعابها, لكن همي تنويه أشقائي وأعزائي ما أراه من حيث انا موجودة.
شكرا واعتذاراتي على الاطالة

un4web said...

مشكووووووووووور
http://www.alsadiqa.com

asa said...

بجد علام زبالة ووبتستعملوا نوعية حشيش وسخة اوي ، لو عندكم حاجة مفيدة للبلد اعملوها يا اما تتركنوا علي جنب خلينا نشوف مصالحنا ، بالصندوق حنغير وبالنقد البناء مش قلة الادب يا معفنين نقدر نطور ، فاهمين ولا اكلمكم بعد ما تفوقوا؟

un4web said...

مشكوووووووووووور
http://www.alsadiqa.com

Fad said...

عندى شعور ان حكاية التلميح بحرب اهلية غالبآ مجرد دعايه وتخوبف للناس هذه المره ...اين هم بعد قتل بورسعيد واين البقره الحازمه؟..مخرد تهديدات!! ...ومن قرأه فى المشهد العالمى هناك غضب واضح فى اميركا من غبائهم وتسرعهم الذى افقدهم شعبيتهم بالشارع وهى الكذبه التى باعها اوباما لشعبه ليبرر تأييده لأسلاميين...غبائهم ومليشياتهم احرجوا اوباما واكيد الوفد الاميركى حذرهم يلموا الاوضاع لانهم مازالوا يحتاجونهم لتدمير الجيش السورى وعزل ابران لكن اكبد سيعطونهم طريق مبارك بالاخر- دفاديه

Ibrahim Mahmoud said...

يسقط يسقط حكم المرشد

tevision said...

مدونة رائعة اتمني زيارة موقعي

اخبار مصر

أخبار مصر و الشرق الأوسط و العالم مع تغطيات سياسية و رياضية واقتصادية

Faten Salama said...

؟؟؟؟؟؟؟؟؟؟؟

Anti-minorities said...

أصلا مفيش مقومات للحرب الأهلية في مصر
حتى لو الأقباط الكفرة فكروا, إحنا - كمسلمين - هناكلهم