Saturday, 7 April 2012

اصحىىىىىىىىىىى... كله يصحى

اصحوا بقى.. اصحوا شلتوني
انا مش عارفة ابتدي منين بعد ما اتفرجت على الهذيان بتاع حازم ابو اسماعيل.. وبصراحة بقيت اتحسس مسدسي تجاه نظرية المؤامرة دلوقت (هيييييييه... فيييين ايام ما كنت واخدة توكيل المؤامرة حصري، زمن المؤامرة الجميل، ايام ما كانت المؤامرة ما تطلعش غير مع انجر قهوة وبعديها كوباية شاي اخضر بالنعناع.. دلوقت المؤامرة رطرطت وبقى اي حد يهذي فيها بكلام مش راكب على بعضه) بس في هذا المضمار اللي باتكلم فيه المؤامرة واضحة
مؤامرة خطة اجهاض الثورة المؤجلة من فبراير.. فاكرين؟ لما عمر سليمان قال لنا: جووووووووووو هووووووووووووووووم. واحنا ما رضيناش نجو هوم، بعدين وائل الابراشي طلع في قناة المحور وقال: انا للاسف صدقت كلام مبارك وعمر سليمان وحاولت اقنع الشباب انهم يروحوا وهم رفضوا، بعد 11 فبراير وصلتني معلومات مؤكدة ان كل اللي كانوا في الميدان اتصوروا واحد واحد وان كان فيه خطة لتصفية كل اللي شارك في الثور على مراحل.
الله ينور عليك
مين قال ان الخطة دي اتلغت؟ هي اتأجلت بس، او اتفردت على مدة اطول
1- طبعا اخدوا الاخوان في حتة اسمها المواسير ورا مصنع الكراسي وهم كإخوان انبسطوا وباعونا، وراحوا ساحبين وراهم السلفيين، اللي هم فعلا ما عندهمش اي خبرة سياسية، وقعدوا فترات منعزلين مش بس عن الحياة السياسية، كمان عن الحياة الاجتماعية، هم لهم دوايرهم وقليل قوي لما بيتعاملوا معاملات قريبة مع بقية الناس بسبب المعاملة اللي كانوا بيتعاملوها ايام مبارك
2- دبحوا لهم كام مسيحي، كعادة نظام مبارك، عشان يوسعوا الفجوة
3- استفردوا بينا احنا وهاتك يا ضرب وخزق عينين وقتل وتلفيق قضايا وبهدلة في المحاكم لما بقينا مجهدين فعلا، ومنهكين خالص
دلوقت بقى حان الوقت يتخلصوا من العقدة الكبيرة... العادي في التخلص من الاسلاميين باي ذا بوك زي ما بيقولوا انهم بيتخلصوا من السلفيين الاول لان السلفيين الحلقة الاضعف بسبب اداءهم اللي بيخلي قطاع كبير من الناس ما تتعاطفش معاهم بما فيهم الاسلاميين من تيارات تانية، وان كنت ناسي افكرك بالتسعينيات
اااااااااااه التسعينيات.. وللعودة الى مرحلة التسعينيات الامر يتطلب شخص قلبه ميت وما عندوش ضمير وبيحب يقتل الناس كدهو.. بعد مبارك مافيش الا عمر سليمان
حازم ابو اسماعيل
بص يابني.. "قولا واحدا" على رأيه.. حازم ابو اسماعيل كداب.. طب هو مش عارف انه كداب؟ لا هو عارف
اسمحوا لي بقى اعبر عن نفسي في هوجة نظرية المؤامرة دي واقول بكل ارتياح اني شاكة في الراجل ده وش
هو عارف موضوع الجنسية، دخوله السباق الرئاسي وهو عارف ده ممكن يتفسر على انه هطل، لكن اصراره الرهيب على شعللة الناس وتسخينهم بالشكل ده بيقول حاجة واحدة بس: حازم ابو اسماعيل مزقوق يعمل الازمة دي اللي يعقبها تفجيرات يلبسها السلفيين ونعود لايام التسعينيات تاني
انتوا اتفرجتوا على المؤتمر؟ شفتوا الراجل اللي بيقول بايعوه على الدم؟ شفتوا الاعدام يا مشير؟ 
طيب دي معركة دفاعا عن واحد كداب ومزور ومش حينضم لهم اي حد فيها.. وهم بصراحة انا عارفة ان ما يطلعش منهم لا تفجيرات ولا نيلة دول صوت بس واغلب من الغلب.. دول لما بيتهوروا بيصلوا العشا في الميدان ويروحوا بعدها، واخرهم يكسروا منصة ولا حاجة، مش حيعملوا اكتر من كده، وانا مش عايزة ازعلهم بقى دلوقت خصوصا انهم قربوا يموتوا..بس هم خوافين يعني شوية، ما جراش حاجة، يكون المؤمن جبانا قال نعم.. بس يكون المؤمن كذابا؟ قال لا.. صح؟
هم اغلبهم يا عيني مش مستوعب انه بيدافع عن واحد كداب، هم مصدقينه فعلا، لاسباب كتير مش كلها ان مخهم على قدهم، لان مش طبيعي ان كلهم يبقى مخهم على قدهم، بس هم لهم تراث من الاضطهاد والحصار اللي يخليهم اقرب لتصديق نظرية المؤامرة حتى لو الكلام مش منطقي
فهم حيفضلوا يجعروا كده ومش حيلايموها... وفجأة نلاقي تفجيرات، وطبعا ماحدش متعاطف مع وش امهم خالص في اللي هم بيعملوه ده، فالناس حتبقى اقرب تصدق انهم هم اللي عملوا كده، فحيتلموا
اممممممم... امتى؟
مش عارفة، هل بعد قفل باب الترشح، ولا بعد نجاح عمر سليمان ده بفرض اننا ادينا له فرصة للنجاح
ما اقدرش اتوقع
لكن انا اقدر اتوقع ان فيه حاجات كتير كنت باقول عليها مش ممكن وطلعت ممكن
يعني من سنة كان فيه واد مخبر مزقزوق عليا قال لي.. لا والله من اكتر من سنة كمان، ده قبل 9 مارس، قالي: عمر سليمان هو رئيس مصر القادم
طبعا قعدت ارفس من الضحك واقول شوف الواد الاهبل مش كفاية انه مخبر ومفضوح لا وكمان عامل لي محلل سياسي
اهو عمر سليمان جات له الجرأة انه يترشح.. لا وبيكيدنا وبيترشح بتوكيلات مش عن حزب ولا توكيلات نواب.. وبيقول لنا انا نازل بناء على طلب الجماهير والتمثيلية الفشيخة دي
ييجي واحد يقولي: يا شيخة بطلي عصاب بقى.. عمر سليمان حينجح في الانتخابات؟ هي الناس حتنتخبه؟
ده مثلا على اساس انك واثق في نزاهة الانتخابات؟ اذا كان الاخوان اللي بايتين في حضن المجلس وظبطناهم كذا مرة في اوضاع مخلة بيقولوا لك الانتخابات حتتزور، والمشير قالها صراحة والراجل ده ما بيرجعش في كلامه: الانتخابات مش حتتزور
يبقى حتتزور على طول كده
عمر سليمان كان الخطة البديلة للامريكان والاسرائيليين مش بعد قيام الثورة.. ولكن من سنة 2006 لما كان الجيش لسه مش موافق على توريث جمال مبارك (بالمناسبة قبل ثورة بشوية صغيرين كان خلاص وافقوا ووثائق ويكيليكس بتقول انهم وافقوا.. بس احنا لحقناهم وعملنا ثورة) امريكا كانت عايزة جمال، بس كانت حاطة عمر سليمان "رجل اسرائيل في مصر" كبديل في حال ما اذا لاقى جمال عدم قبول شعبي كبير، نظرا لتقل دمه التاريخي، يعني ايه الكلام ده.. يعني لما امريكا توافق على عمر سليمان سهل جدا الانتخابات تتزور، وهي مش موافقة عليه بس.. دي حتموت عليه، واسرائيل عاملة فرح في الجرايد بتاعتها انه اترشح
حيخش علينا عمر سليمان دخلة انه بيطهر البلد من الارهابيين اللي بيدافعوا عن واحد كداب ومجنون.. وبعدين يسرح على الباقيين. زي ما مبارك عمل بالظبط، هو عمل حاجة تانية غير انه مسك الاسلاميين غسيل ومكوى ولحد ما وصلنا ان سواقين الميكروباص بيهتك عرضهم في الاقسام؟ 
طب ايه بقى؟
بقى حازم ده مزقوق.. وماحدش يقول لي حطي احتمال انه يبقى مجنون.. حط انت الاحتمال ده، من ساعة ما غدر بينا يوم 18 نوفمبر وانا الشك حيقتلني، واللي هو بيعمله ده ما بيعملش حاجة غير انه بيعمل مشكلة بين الاخوان والسلفيين، وعادي برضه الاخوان لهم تاريخ في الندالة مع السلفيين، والسلفيين عندهم مرارة من ساعتها، وبيقدمهم على طبق من فضة للعسكر ولعمر سليمان ياكلهم ويشرب عليهم بيبسي بما لا يخالف شرع الله ويتكرع
ايه الحل؟
الحل انهم يلايموها.. ما اعرفش يلايموها ازاي؟ بس لازم يلايموها
اولا لازم كل الناس تجتمع عشان تقعد مع بعضها وتعرف انها لو فضلت طمعانة كده حنونس كلنا بعض في السجن
معلش.. مش وقت عتاب دلوقت.. نخلص من عمر سليمان والمجلس ونحطهم في السجن بعدين الاخوان بالذات لهم حساب عسير معانا، عشان هم اللي حطونا في الموقف القذر اللي احنا فيه ده لما سابوا المعركة قبل ما تخلص ونزلوا يلموا الغنائم
وما بيتعلموش نازلين انتخابات الرئاسة عشان يتفوا في الطبق لا هم ياكلوا منه ولا غيرهم حياكل منه ويسلموها تسليم مفتاح لعمر سليمان
بس دلوقت.. وانا لا املك الا النصيحة، على الاخوان سحب مرشحهم فورا والتراجع عن طرح اي مرشح اخواني والحشد للي الناس حتتفق عليه، مرشح توافقي اه، بس مش توافقي بين العسكر والاخوان، توافقي بين القوى السياسي الاخرى والاخوان، على حازم ابو اسماعيل، انه يبطل هطل اذا ما كانش مزقوق، واذا كان مزقوق حسبي الله ونعم الوكيل فيه ربنا قادر يبصر الغلابة اللي ماشيين وراه، والبرادعي (البرادعي... الله يمسيك بالخير يا برادعي.. لا عمره كدب علينا كدبة واحدة، ولا خبى علينا حاجة، ولا دلس علينا في حاجة، ولا حاول يمشينا وراه، لدرجة اننا كنا بنتعل منه عشان مش عايز يمشي حد وراه خالص وعمال يقول كل واحد يمشي بدماغه... واخرتها زهد في المنصب وبرنس والله.. برنس، مهما الواحد يختلف معاه ولا يتضايق منه في بعض حركات، انما الراجل ده برنس، ومتربي والله) بس البرادعي معاه كتلة وتوقيعات، وعندنا ابو الفتوح وحمدين وخالد علي، هم دول اللي نعرفهم مع الثورة، وطبعا ايمن نور اتقلش يا عيني، بس معاه كتلة مش بطالة.. كل دوووول، يلموا على بعض، ويعملوا فريق رئاسي محترم من مرشح ونائب والباقيين يتنازلوا، مافيش اي داعي لحازم يخوض معركة خسرانة وحيخوضها لوحده مع مجموعة حتبقى منعزلة وماحدش حيتعاطف معاهم لو اتشنيروا، وسهل يتصدق عليهم اي اعمال عنف بسبب الجعير اللي هم فيه.. زي البرص يبخ في الملح ما يسمش بس يربي عداوة.. ده مثل مصري ما تزعلوش :)، ومافيش اي داعي الاخوان يبقى الطمع عاميهم والغل يملا الشاطر من ابو الفتوح بلا مبرر
المشنقة حتبقى واحدة، واحنا مسيرنا نرجع نتخانق ونشرشح لبعض تاني، بس لما المعركة تخلص، دلوقت مافيش مجال للشرشحة.. حنموت كلنا.. ايه في ايه؟
ملحوظة: انا عارفة ان اغلب الظن الطمع واكل الناس وماحدش حيسمع النصيحة دي.. لكن انا باخلص ضميري عشان اتشنق وانا مرتاحة وحاسة اني عملت اللي عليا، وماحدش يرجع يلومني ويقول لي ما حذرتيناش.. انت السبب.. زي ما بيقعدوا يقولوا لي انت السبب في كل حاجة، وبرضه يمكن تكون، ولو واحد في المية الخطة دي صح، ولما نفضحها يتراجعوا عنها او حتى يأجلوها لحين ما نفكر في حاجة.. يعني ممكن لو جرسنا عمر سليمان يدفعوا بعمرو موسى بداله.. فاحنا بقى ساعتها نتفرغ نجرس عمرو موسى.. كده يعني، ماهو احنا مش لازم نكن عشان هم مش حيكنوا ابدا ويا احنا يا هم
وانا باحذركم تاني اهو.. عمر سليمان خطر ومكانه السجن، وبقالي مدة ماسكاه وكلكم استهزأتوا بيا
بس فيه فرصة نلحق.. يا اما نلبس كلنا
كمان جرأته على الترشح لازم يبقى لها رد في الشارع، فيه واحد اقترح مليونية: لو ما اتجمعتوش في الميدان حتتجمعوا في اللومان.. معا ضد ترشح عمر سليمان
اديني قلت يا رب وخلصت ضميري

67 comments:

بهيج الشرير said...

Good job

بهيج الشرير said...
This comment has been removed by the author.
SenseOne said...

والله العظسم انتي اللي دماغك فيها حاجة حازم مزقوق!! اللي أهبل هو أنا وأي واحد فكر في يوم من الأيام انه يقرا لوحده مناخوليا زيك....

abonadim said...

برافو ..كلام رائع وبالتأكيد صح الله ينور عليكي

abonadim said...

برافو ..كلام رائع وبالتأكيد صح الله ينور عليكي

سندباد مصرى said...

يسلم بقك يا نوارة انت فاهمة الموضوع كويس و ارجو ان بقية الناس تفهم والا كلنا حنروح فى الكازوزة.

سندباد مصرى said...

يسلم بقك يا نوارة فهمك صحيح و ياريت باقى الناس تفهم و الا كلنا حنروح فى الكازوزة.

رضا قاسم

3mr L s3dny said...

عليا النعمه انت برنس

3mr L s3dny said...

عليا النعمه انت برنس

مهند said...

يا نهار اسود
يا نهار اسود

ده انتى تبقى واحدة مجنونة لو لسه عندك امل فى كلاب الاخوان

طب لو انتى بالطيبة والهبالة دى اللى ممكن تخليكى تثقى فى الاخوان من جديد مش هنلاقى هبلك ده عند ناس كتير

احنا فى انتظار الشرارة للموجة الثالثة من الثورة
وللاسف التالتة تابتة وهتبقى
ثورة بجد
وثورة بدم

وربنا يلطف بالبلد وبينا

nosseir73 said...

الثورة مستمرة انشاء الله هتنجح

AHMED said...

Gamda ya bet walahy ;)

AbDelrhman sAmI said...

انا من مؤيدي البرادعي , لكن شايف ان اي رجوع ليه ولو حتي تضامن مع اي مرشح هيعد ضربه قويـه للمرشح ده للاسف
انا شايف ان البرادعي يتمسك برجولته وميعملش زي التانيين ويرجع في كلامه وممكن نستفيد بيه بـعد معركة الانتخابات اللي خسرانه للاسف حتي ولو حققنا فيها اعلي المكاسب
الوضع دلوقتي والعين علي ابو الفتوح وحمدين , الاتنين دول لازم يتلموا في فريق واحد بالذوق يا بالعافيه , احنا مش ناقصين
الاخوان لن يـعودو الي الميدان ابداً , وليس هناك اي مشكله بينهم وبين العسكري , اذا كان العسكري عايز منهم حصانه من البرلمان يبئا هيختلفوا ازاي .. ؟
والسلفيين الله يسهلهم يارب ونترحم من امهم عشان بجد الغباء بئا للركب
ابو الفتوح + حمدين = اللي قادرين نعمله .

د/محمد إسماعيل said...

والله انت عسل يانوارة ونبيهة واحلي حاجة في مقالاتك اسلوبك البسيط واللذيذ وبتاع ولاد البلد ده اللي انا بحبه جدا

د/محمد إسماعيل said...

والله انت عسل يانوارة ونبيهة واحلي حاجة في مقالاتك اسلوبك البسيط واللذيذ وبتاع ولاد البلد ده اللي انا بحبه جدا

د/محمد إسماعيل said...

والله انت عسل يانوارة ونبيهة واحلي حاجة في مقالاتك اسلوبك البسيط واللذيذ وبتاع ولاد البلد ده اللي انا بحبه جدا

د/محمد إسماعيل said...

والله انت عسل يانوارة ونبيهة واحلي حاجة في مقالاتك اسلوبك البسيط واللذيذ وبتاع ولاد البلد ده اللي انا بحبه جدا

AHMED said...

Gamda walahy .. omar soliman hayzbot barra bass haynfoo5 gowa :)

mohamed khairy said...

بنت ابوكي يا نواره
الله ينور

AHMED said...

مصر اتعسكرت ..زهقت من شعار ابنى مصر ..حب مصر... يابنى مصر فى الميـــــدان

mohamed khairy said...

الله ينور

bebo said...

الاخت المحترمة نوارة زفت انتي فاكرة نفسك ايه يا بتاعة انتي هو انتي متربتيش خالص مفيش خالص شوية تربية كده انتي ولزيك ملهمش وزن ولا ليكي اي اهمية لا والخوان ليهم حساب عسير هههههههه مع اني مش اخونجي بس هقولك هو انتي مين بروح امك ؟ حتت بت عامله دكر وتربتش وبتهبل ياله الكلاب لو مهوهوتش هتعمل ايه هوهوي يا حببتي برحت ربنا يكملك بهطلك مع اني عارف انك هتمسحي الكمنت

الامنية said...

تمام كلام فى التمام
يس ازاى يوصل للناس البسيطة المخدوعة فى حد زى حازم وسليمان
ويتقال ان سليمان هرم من اهرامات مصر
؟؟؟؟؟؟؟؟؟؟؟؟؟

earnmoney said...

الله يكرمك
انا سلفي وبعدين مش فاهم الناس متمسكة ليه كدا بحازم ابو اسماعيل - يعني سؤال للمؤيدين ليه : هو ابو اسماعيل ماكانش عارف شروط الترشح وان لا يجوز الترشح وامه اجنبيه ده اققل واحد عنده فرز في الجيش بيعرف ان اللي امه اجنبية او متجوز اجنبية مابيخشش الجيش - يبقى ممنوع يخش عسكرى في الجيش ومسموح ليه يبقى رئيس جمهورية يا ريت يا ناس نحكم عقولنا شوية وكفاية عواطف ومشاعر مالهاش اساس من الصحة

A_Mohsen said...

ابوسك في "أن أوسك"....وماتسأليش يعني ايه أن أوسك لان مامي كانت بتقولهالي كده لما اعمل حاجة حلوة

أيمن نصار said...

بقى تثقي فالبرادعي اللي كان طالب وضع خاص للجيش فالدستور وتخوني أبو إسماعيل اللي عمره ما وقف موقف ندالة مع الثورة والوحيد اللي كان بيجازف بنفسه علشان يحشد لمطالبها؟ مكانشي أسهلله يعمل أكونت على تويتر هوا ولا يطلع فالتوك شو بعد كل أزمة بأسبوع يقول رأيه الحكيم زي بقيت المرشحين؟ حسبي الله ونعم الوكيل فيكي، انت قلبك اسود

arabian_faithful said...

أنا مقتنع بكلامك و مش عاوز أصدقه :( بصى يانوارة أنا طول عمرى من يوم ماأتولدت وأنا بأحب الإخوان وبالذات بقى علشان حماس لكن أنا دلوقتى والله العظيم مش عارف المفروض نعمل أيه :(

Al7ag 3bdo said...

ظريفة يا هانم....بس غريبة انك مجبتيش سيرة الجماعات الاسلامية !!! ولا عبرتيهم حتى ؟؟ ولا يمثلوا شيء ولا منضمين للسلفيين ولا إيه بالنسبالك ؟؟

شاوثي said...

كلام مش غريب على وحده سافله بنت حشاش زيك

amr egyptian said...

تسلم ايدك يانواره كنت عاوز اعاتبك بس مش وقته لما نخلص من المجلس والنظام نبقى نشرشح لبعض :)
لازم كلنا نفوق ونرجع نستكمل ثورتنا قبل ماتبقى فوره
تحياتى

gabriel said...

سيدتى اتفق مع ما ذكرتيه بنسبة كبيرة. ولكن فقط لى ملحوظة ارجو ان يتسع صدرك لسماعها. انا اعتقد , لا بل مناكد ان خيرت الشاطر والاخوان المنافقين ما كانوا ليجرؤا لى الترشح للرئاسة بدون اذن عمر سليمان. فى 26/4 /2011 نشرت جريدة الوفد عن اتفاق بين المجلس العسكرى والجماعة الاسلامية, على ان ( لكم البرلمان ولنا الامارة) زاتصل احد اعضاء المجلس بيسرى فودة وكذب الخبر وهدد بمحاسبة الجريدة, زكان ضيف يسرى احد اعضاء تحرير الوفد وتحدى سيادة اللواء الذى اخئفى بعدها ولم يتم تحقيق مع الجريدة.
واعتقد ان جذور هذا الاتفاق تعود الى ايام النورة حينما انسحبوا من الميدان وجلسوا مع سليمان.
وارجو ان ترجعى الى سبب استقالة المهندس هيثم ابو خليل فى جريدة البديل,
انا اعلم تماما انك تدركين ان هذا هو السيناريو المعد قبل ان يرحل المخلوع, واظنه اصر على البقاء وعدم الهروب لمعرفته بان الرئيس القادم هو سليمان كما ارادت الولايات المتحدة, كما ان قوله ( انا او الفوضى ) لم يكن تنبوءا بل كان يعلم تماما ما كان معدا سلفا لتنفيذ هذا السيناريو. المشكلة ياسيدتى انك مازلت تضعين حتى الان املا على جماعة الاخوان. سيدتى انت تقعين فى خطأ جسيم. فترشيح الشاطر او مرسى للرئاسة هو جزء من هذا السيناريو, اولا لزيادة الرعب فى قلوب الشعب خوفا من سيطرتهم وثانيا تفتيت اى اصوات قد تذهب لمرشحين تقف خلفهم القوى الثورية, وثالثا وهو الاهم اعطاء انطياع للخارج بان الانتخابات سليمة وديمقراطية وتنافسية. لقد كان انسحاب البرادعى كالبصق على وجوههم لم ولن ينسوه له , ذلك انه قام بتعرية المسرحية الهزلية المقدمون عليها.
لذلك يجب علينا للاسف الا نعتمد على الاخوان فى اى خطوة نتخذها, فانا معك تماما ان المصيبة عظيمة ويجب ان نتحرك ولا نستهين اعتمادا على وعى الشعب كما يقول وائل عبد الفتاح او جمال عيد. لقد ترك النظام مجلس الشعب ولم يضغط لاحتياجه للتيار الاسلامى لتمرير الدستور, ولكن حين يتعلق الامر بكرسى الرئاسة سيكون الوضع مختلف. واسالوا المادة 28. فمجلس الشعب كما راينا (,,,,,,) مافيش داعى اقول. ولكن الرئيس طبقاللاعلان الدستورى و ما سيكون عليه الدستور المتفق عليه مع الاخوان ,سيتمتع بسلطات مطلقة كما كان من قبل وبالطبع لن يعزمنا النظام على الكرسى ( كما يقول محمد صبحى ده مش كرسى معسل ). واللام

ibrahem said...

روعه والله ربنا يكرمك وهو مش هينجح ان شاء الله

غريب said...

برافو عليكى بجد

AhmedEgaiz@ said...

إلى الجماعة بتوع مصنع الكراسي
لموا الدور أحسن
وده لمصلحة مصر مش لمصلحة شخصية
لأي صهيوني
تسلم إيدك يا نوارة مصر

negm maher said...

كلام جميل ومعقول بس خيال الشاطر المجهول والاحكام اللي عليه والمشير الفشخ بتاعنا رفعها عنه كان الثمن بتاعها اه ومرشدهم الهمام بما لا يخالف الشرع ولا القانون ولا روح ميتين ام الدستور هيتنيل يعمل اه مع امريكا واسلاءيل في الوغود اللي وعدهم بيها احنا عارفين ان ابو اسماعيل جردل واندلق خلاص بس فاكره لما الثوار هجموا علي مباني مباحث امن الدوله واخدوا المستندات والسيدهات عارفه دي مع مين مع المرشد الفشخ يا بت يغني هو اللي مهددهم دلوقتي لانهم كانوا بيلموا كل الاوراق دي وانتي عارفه انهم يسرقوا الكحل من العين يعني الموضوع عاوز قاعده وتفاهم كبير بس بما لا يخالف شرع الله ولا القانون ولا روح ام الدستور هل انتي وكل الشعب يثق في الاخوان انا لا اثق فيهم ميللي واحد اصل الوسخ وسخ طول عمره والله لو جبتي لهم شركه رابسوا وتوكيل اومو ولو حتي مويه نار ما ها هينضفوا الحل الوحيد اننا نخلعهم شكل ما بنخلع جزمتنا ونتفق كل القوي الثوريه علي هدف واحد ومرشح واحد ممكن يكون عمنا وحبيبنا البرادعي هو التوافقي الوحيد ولو لم يحدث نجيب الواد عبدالمنعم محترم والله وبعدين خالد علي اما اما صاحبنا الفشخ الصباحي فانا لم اعد اثق فيه بعد ان جلس علي حجر المرشد واتفق معاه بعد والله ما كنت بحبه فشخ الفشخ لكن نعمل اه صباحك ثوره يا بت يا نواره هنعملها تاني وامرنا لله

http://militarynotyet.blogspot.com/ said...

اقسم بالله لقد وقعنا فى الفخ ونحن فى زمن النفخ ابشروا ياثوار مصر النفخ قااااااااااااااااااااادم

negm maher said...

كلام جميل ومعقول بس خيال الشاطر المجهول والاحكام اللي عليه والمشير الفشخ بتاعنا رفعها عنه كان الثمن بتاعها اه ومرشدهم الهمام بما لا يخالف الشرع ولا القانون ولا روح ميتين ام الدستور هيتنيل يعمل اه مع امريكا واسلاءيل في الوغود اللي وعدهم بيها احنا عارفين ان ابو اسماعيل جردل واندلق خلاص بس فاكره لما الثوار هجموا علي مباني مباحث امن الدوله واخدوا المستندات والسيدهات عارفه دي مع مين مع المرشد الفشخ يا بت يغني هو اللي مهددهم دلوقتي لانهم كانوا بيلموا كل الاوراق دي وانتي عارفه انهم يسرقوا الكحل من العين يعني الموضوع عاوز قاعده وتفاهم كبير بس بما لا يخالف شرع الله ولا القانون ولا روح ام الدستور هل انتي وكل الشعب يثق في الاخوان انا لا اثق فيهم ميللي واحد اصل الوسخ وسخ طول عمره والله لو جبتي لهم شركه رابسوا وتوكيل اومو ولو حتي مويه نار ما ها هينضفوا الحل الوحيد اننا نخلعهم شكل ما بنخلع جزمتنا ونتفق كل القوي الثوريه علي هدف واحد ومرشح واحد ممكن يكون عمنا وحبيبنا البرادعي هو التوافقي الوحيد ولو لم يحدث نجيب الواد عبدالمنعم محترم والله وبعدين خالد علي اما اما صاحبنا الفشخ الصباحي فانا لم اعد اثق فيه بعد ان جلس علي حجر المرشد واتفق معاه بعد والله ما كنت بحبه فشخ الفشخ لكن نعمل اه صباحك ثوره يا بت يا نواره هنعملها تاني وامرنا لله

D: said...

hhhhhhhhhhhhhhhhhh :D :D elbet dy tel3t 3abeta gedn :D

D: said...

hhhhhhhhhhhhhhhhhh :D :D elbet dy tel3t 3abeta gedn :D

D: said...

hhhhhhhhhhhhhhhhhh :D :D elbet dy tel3t 3abeta gedn :D

saradeepo said...

عملتلك فولو على تويتر شتمتينى يلا مش مشكلة المهم انا مقتنعة بكلامك لكن مش واثقة تانى فى الاخوان ود الجوادى قال مع هالة سرحان ان عمر سليمان دا حبيبهم يعنى شكلهم طابخينها سوا والمجلس

saradeepo said...

عملتلك فولو على تويتر شتمتينى يلا مش مشكلة المهم انا مقتنعة بكلامك لكن مش واثقة تانى فى الاخوان ود الجوادى قال مع هالة سرحان ان عمر سليمان دا حبيبهم يعنى شكلهم طابخينها سوا والمجلس

saradeepo said...

عملتلك فولو على تويتر شتمتينى يلا مش مشكلة المهم انا مقتنعة بكلامك لكن مش واثقة تانى فى الاخوان ود الجوادى قال مع هالة سرحان ان عمر سليمان دا حبيبهم يعنى شكلهم طابخينها سوا والمجلس

decentman32 said...

بسم الله الرحمن الرحيم
ارجو قراءة هذا البوست. و قد كتبت تعليقات من فترة طويلة اقول ان الانسان ذو المصداقية عند الناس يجب ان يحترس من كلامه فهو يوجه الناس. عمرو موسى اخطر كثيرا من عمر سليمان فهو سيعيد انتاج نظام مبارك بالكااااااااااااااااامل بطريقة ناعمة تجعل الناس تنام 100 سنة اخرى. و لو خيرونى بين اى مرشح و عمرو موسى ساختار اى مرشح لانه على الاقل سيكون اوضح من عمرو موسى. مرشح النظام حتى الان هو عمرو موسى. و حتى ان اختلفتى و لم تقتنعى ارجو ذكر هذا كراى حتى يحذر من يحذر و هذا واجب عليك لثقة الناس بكى.و ارى ايضا ان نجاح خيرت الشاطر او اى مرشح من جماعة الاخوان هو فى مصلحة الثوار تماماااااااااااااااا حيث ان هذا سيكشفهم امام الناس تماما و لن يعود لهم اى وسيلة يقنعون بها الناس البسطاء بانهم ملائكة و ان ما يحدث خارج عن ارادتهم لعدم تمكنهم من الامر و اما اذا نجحوا فى جعل مصر و المواطن المصرى ذو قيمة فنعتذر جميعا لهم لانها ليست عداوة لمجرد العداوة للاخوان. انا لست اخوانى والله على ما اقول شهيد ارجو دراسة هذا الراى و توضيحه بما لكى من شعبية و شكرا

mostafa abdalla said...

بصى يا نوارة..رغم اختلافى الكبير معاكى ومع طريقتك فى عرض افكارك ورغم إنى كنت متيقن أن الجنرال هينزل يقش ورسمت له صورة خلفيتها (عمر سليمان 2011_2041).من سنة تقريبا.. ورغم انى كما يقولون كنباوى بمعنى الكلمة..إلا إنى حزين اليوم أشد الحزن..فلم أحزن يوم سقط شبابنا مدفوعا بطموحاته فى التغيير ولا يوم اصيب الألاف بعاهات من أجل هذه البلد ..فقد كنت أعلم أن الله لايضيع أجر من أحسن عملا..ولكن اليوم تيقنت أننا أهدرنا دم شبابنا سدى..فعندما يجئ عمر سليمان ليرشح نفسه فليس معنى هذا الا شئ واحد اننا شعب طيب ..شعب كذب عليه مثقفوه وضللوه..شعب باعه متدينوه وشيوخه بمسلسلات هزلية..واربط على يديكى هذا الشعب الذى انطلق على الطاغوت والطغيان قادر على أن يقف أمام هامان وجنوده..وأخيرا .. كنت بالامس اتهمك..أما اليوم فاقول لك يا نواره إهدئ قليلا فمصر اولى بك خارج معتقلات الطغاة ..فقد صار أمرا يقينا نجاح عمر سليمان فى ظل المادة28 التى جعلت من لجنة الانتخابات ألهة فى ثوب بشر..والتى وافق عليها كل زنديق من زنادقة الدين واوهمو الناس بأن الموافقة على الدستور طاعة لله .
والله معك

Mohamed El-Sayed said...

تسلم ايدك
نفسي اما اتجوز إن شاء الله، اخلف بنت زيك

Mohamed El-Sayed said...

تسلم ايدك والله

نفسي لما اتجوز إن شاء الله اخلف بنت زيك :)

Alaa El-din said...


أولا الكلام عن ان حازم مزقوق كلام فارغ و غير منطقي.. لو هو مزقوق فعلا و تبع المجلس العسكري هل يعقل ان المجلس يفرط فى واحد بشعبية حازم الجارفة؟؟!! يحتمل يكون بيكذب.. و يحتمل يكون مايعرفش ان امه اخدت الجنسية وشاكك.. و يحتمل يكون مصدق انها مؤامرة.. و يحتمل تكون مؤامرة فعلا.. لكن المستحيل هو ان حازم يكون عميل للمجلس العسكري

ثانيا بالنسبة للاخوان.. فأنا كشخص يحسن الظن بهم.. و يحبهم.. أعتقد ان قصدهم من نزول خيرت الشاطر مش تفتيت الأصوات.. ممكن يكونوا فعلا ناويين ينجحوه.. وممكن تكون وصلت لهم معلومة جنسية أم حازم و مدكنين عشان السلفيين مايظنوش ان فى صفقة بين الإخوان و المجلس العسكري و يحصل صدام مع كتلتهم الضخمة
لو حازم خرج من سباق الرئاسة من غير مشاكل و حوارات.. أعتقد ان جزء كبير من السلفيين هايروح لخيرت الشاطر.. و كمان أعتقد ان الاخوان ناوية تعمل حملة كاسحة للشاطر.. يعني لو كل حاجة مشيت تمام كتل الاصوات الضخمة كلها هاتتجمع عند الشاطر
الاخوان متجزرين فى كل محافظات مصر و يقدروا ينجحوا الشاطر بإذن الله و فضله
ما يغركيش حملات و حفلات الاعلام المعمولة ع الاخوان.. الاخوان عايشين وسط الناس و متفاعلين معاهم اكتر من شاشات التلفيزون

طبعا ده كلام متفائل و ربنا يستر

محمد نور الدين said...

يسعد صباحك
عمر سليمان للتخويف و ليس للترشيح
أما رئيس مصر القادم فقد أخبرتك به مباشرة بعد تنحية الرئيس
لك اجمل التحيات

Shahira said...

مش مهم أنى بأختلف معاكى على بعض التفاصيل. لكن أوافق على الحشد ضد سليمان و على أن أستفزاز السلفيين مؤامرة. الناس لازم تفوق

Shahira said...

مش مهم أنى بأختلف معاكى على بعض التفاصيل. لكن أوافق على الحشد ضد سليمان و على أن أستفزاز السلفيين مؤامرة. الناس لازم تفوق

كيوبيد said...

حمد الله على السلامه اولا . ثانيا كلامك ممكن يكون فيه شى من الصح بس الاخوان انا فاقد فيهم الامل دول خوان فاكرين انهم لما معهم اغلبية خلاص ان محدش هايقدار يقف فى وشهم وده غباء منهم ام بخصوص التلف هما اغبياء اها بس العنف ده فى دمهم واكيد هايرجعو لية اول ما تظهر لهم حقيقة البرطمان الى ضحك عليهم العسكر با كام كراسى فيه . واحلى سلام لعمنا اسد اليسار فىمصر احمد فواد نجم

كيوبيد said...

حمد الله على السلامه اولا . ثانيا كلامك ممكن يكون فيه شى من الصح بس الاخوان انا فاقد فيهم الامل دول خوان فاكرين انهم لما معهم اغلبية خلاص ان محدش هايقدار يقف فى وشهم وده غباء منهم ام بخصوص التلف هما اغبياء اها بس العنف ده فى دمهم واكيد هايرجعو لية اول ما تظهر لهم حقيقة البرطمان الى ضحك عليهم العسكر با كام كراسى فيه . واحلى سلام لعمنا اسد اليسار فىمصر احمد فواد نجم

The Ladybird said...

طب و بعدين في الأقباط الغلابة إللي خايفين من الإسلاميين بأبو الفتوح ، إللي حيرشحوا عمر سليمان ؟
ده كده موحدناش ...
إمبارح الزفت عادل حمودة كان بيكلم عمرو أديب كأن "يا الإسلاميين يا سليمان"
!!!!
الناس حتنتخبه عمى !!!!

علان العلانى said...

ماذا يقدم المجلس لسيده فى عامه الإنتخابى ؟
المجلس العسكري أنتهى وما هذا الا صلف المهزوم المجلس العسكرى فى مستنقع السلطة سقط من عين الشعب وتآكل رصيد كل من تكالب على عظمة الأنتخابات تحت سلطته والثورة مازالت طفل يحبو الثورة تتأجج اساسا بمقاومتها وكلما زادت المقاومة من النظام تآججت الثورة أكثر حتى تعم كل أرجاء مصر لتكون الحرية مستحقه فهى تنزع ولا توهب ومقدار ما يقدم الشعب من كفاح هو بالضبط مقدار ما يحمل من كرامة لن يستطيع سامى عنان أن يختفى وراء طنطاوي ولن يظل البلطجي عمر سليمان طليقا يبرطع فى دماء الشعب هذا الشباب لا ينتزع الحرية أنه ينتزع وجوده المعدوم .....أنتصر الشعب فلا تستعجلوه هذه الثورة فى يوم واحد ستنتزع ما لايستطيعه السياسيون فى عشرات الأعوام

إن اعتراض الثورة ليس دليل عجز عن الرؤية فقط ، ولكنه الى جانب ذلك فقد للبصيرة وعندما يتم التحايل على ذلك بالوسائل السياسية فى عدم وجود مؤسسات عليها أجماع فهذا دليل خلل أستراتيجي ، وعندما تلتزم بقواعد لعبة وضع لك قواعدها نظام عميل فهذا هو الإهدار لدم الشهداء وخيانة الثورة إدركت هذا أو لم تدرك ، العميل هو من يحقق إرادة العدو ضد إرادة أمته إدرك أو تخاذل
والعمالة هي دائما كانت ما جعل الشرق الإوسط أرض الفرص الضائعة
الثورة تواجه البيروقراطية العسكرية ومخاوفها من الحساب تعلم هذه البروقراطية صندوقها الأسود وعملها الأسود فيه وهي تشك أن أى قوي سياسية ستستلم السلطة ستجد الطريق صعب للمستقبل وسرعان ما تعود الى فتح الملفات القديمة كحتمية أن القتل والاعتقال بدأ على عناصر مهيأة للمستقبل أى من ملفات عمرسليمان ومعنى هذا أن ترك عمر سليمان طليقا هو خيانه للثورة وشهدئها ومن آمن العقوبه أساء الأدب ومجرد ترشح هذا العميل المجرم هو أساءة إدب مع الشعب وأستهتار سيدفع المجلس العسكري ثمنه حتما
لن يستطيع أحد على وجه الإرض كسرإرادة الشعب المصري الذى خرج يعلن على العالم إرادته بالحرية ولن يشاهده العالم بعدها يركع تحت أقدام مجلس عميل أو يعاتب مرشد أبله أكل عليه العسكر وشرب لم تترك هذه الثورة لأبن حرة عذر

mahmoud said...

كلامك منطقي بس تحسي ان المجلس العسكري بيهدد بالسيناريو ده مع الاخوان بس مش ميال ليه لكذا سبب منهم ان الشارع مش معاهم عشان يسكت علي قتل الاسلاميين كدا تاني حتي لو غلطوا معاهم ودي مخاطرة لو اتعملت وبالنسبالهم كرت اخير والاخوان سياسيا مش بالغباء ده ولو هم هدفهم مجرد الحفاظ علي كيان الجماعة مكنوش نزلوا بالشاطر ومين حيسمح ان عمر سليمان يبقي ريس اصلا المجلس العسكري لو كان عايز ينافس فعلا علي الرئاسة كان جاب حد مقبول عند الناس لكن الزج بعمر سليمان ده اعلان ثورة من تاني انا مش عارف ابعاد الموضوع بس السيناريو بتاعك ده مخاطرة كبيرة من المجلس العسكري ومش مضمونة وان شاء الله حتفشل

mahmoud said...

كلامك منطقي بس تحسي ان المجلس العسكري بيهدد بالسيناريو ده مع الاخوان بس مش ميال ليه لكذا سبب منهم ان الشارع مش معاهم عشان يسكت علي قتل الاسلاميين كدا تاني حتي لو غلطوا معاهم ودي مخاطرة لو اتعملت وبالنسبالهم كرت اخير والاخوان سياسيا مش بالغباء ده ولو هم هدفهم مجرد الحفاظ علي كيان الجماعة مكنوش نزلوا بالشاطر ومين حيسمح ان عمر سليمان يبقي ريس اصلا المجلس العسكري لو كان عايز ينافس فعلا علي الرئاسة كان جاب حد مقبول عند الناس لكن الزج بعمر سليمان ده اعلان ثورة من تاني انا مش عارف ابعاد الموضوع بس السيناريو بتاعك ده مخاطرة كبيرة من المجلس العسكري ومش مضمونة وان شاء الله حتفشل

mahmoud said...

كلامك منطقي بس تحسي ان المجلس العسكري بيهدد بالسيناريو ده مع الاخوان بس مش ميال ليه لكذا سبب منهم ان الشارع مش معاهم عشان يسكت علي قتل الاسلاميين كدا تاني حتي لو غلطوا معاهم ودي مخاطرة لو اتعملت وبالنسبالهم كرت اخير والاخوان سياسيا مش بالغباء ده ولو هم هدفهم مجرد الحفاظ علي كيان الجماعة مكنوش نزلوا بالشاطر ومين حيسمح ان عمر سليمان يبقي ريس اصلا المجلس العسكري لو كان عايز ينافس فعلا علي الرئاسة كان جاب حد مقبول عند الناس لكن الزج بعمر سليمان ده اعلان ثورة من تاني انا مش عارف ابعاد الموضوع بس السيناريو بتاعك ده مخاطرة كبيرة من المجلس العسكري ومش مضمونة وان شاء الله حتفشل

mahmoud said...

كلامك منطقي بس تحسي ان المجلس العسكري بيهدد بالسيناريو ده مع الاخوان بس مش ميال ليه لكذا سبب منهم ان الشارع مش معاهم عشان يسكت علي قتل الاسلاميين كدا تاني حتي لو غلطوا معاهم ودي مخاطرة لو اتعملت وبالنسبالهم كرت اخير والاخوان سياسيا مش بالغباء ده ولو هم هدفهم مجرد الحفاظ علي كيان الجماعة مكنوش نزلوا بالشاطر ومين حيسمح ان عمر سليمان يبقي ريس اصلا المجلس العسكري لو كان عايز ينافس فعلا علي الرئاسة كان جاب حد مقبول عند الناس لكن الزج بعمر سليمان ده اعلان ثورة من تاني انا مش عارف ابعاد الموضوع بس السيناريو بتاعك ده مخاطرة كبيرة من المجلس العسكري ومش مضمونة وان شاء الله حتفشل

mahmoud said...

كلامك منطقي بس تحسي ان المجلس العسكري بيهدد بالسيناريو ده مع الاخوان بس مش ميال ليه لكذا سبب منهم ان الشارع مش معاهم عشان يسكت علي قتل الاسلاميين كدا تاني حتي لو غلطوا معاهم ودي مخاطرة لو اتعملت وبالنسبالهم كرت اخير والاخوان سياسيا مش بالغباء ده ولو هم هدفهم مجرد الحفاظ علي كيان الجماعة مكنوش نزلوا بالشاطر ومين حيسمح ان عمر سليمان يبقي ريس اصلا المجلس العسكري لو كان عايز ينافس فعلا علي الرئاسة كان جاب حد مقبول عند الناس لكن الزج بعمر سليمان ده اعلان ثورة من تاني انا مش عارف ابعاد الموضوع بس السيناريو بتاعك ده مخاطرة كبيرة من المجلس العسكري ومش مضمونة وان شاء الله حتفشل

Alaa Mahmoud Assi said...

نفسي اعرف انتي وابوكي بتضربوا صنف ايه ؟؟ .. صباح الهبل

abuaid Aly said...

برافو نوارة كلامك في الجول

عايش من امتي؟ said...

و الله هو ده الكلام الزين

Paraohegy said...

و الله العظيم انت اجدع ست و ارجل ست فى مصر
و دماغ تحليل مش عارف اقول و الوحيدة اللى بثق فيها فى المسرحية اللى حنا فيها
و الثورة مستمرة و لا سليمان و احمد شفيق و عمر موسى حيخدوها بأذن الله و المجلس حنعتقله قريبا بأذن اللى
بس الشعب يفوق رغم انه فاهم بس عايز قفا طول عمره

خالد المصرى said...

تسلمى يا نوارة
بس خفى شوية على السلفيين و الاخوان فىالشتيمة
هتبقى عسسسسسسسل
ربنا يسترها علينا يا رب

ahmed khedr said...

نوارة بقرة زى ابوها وزينب اختها والعجلة الكبيرة امها عائلة بهايهم

hardway said...

مع كل يوم ..ومع كل حدث ..ومع كل متغير
يثبت عبطك....ويثبت هطلك...وتثبت سطحيتك
انت لا تصلحي الا ان تكوني ..سـكـسـكـــــة