Tuesday, 27 March 2012

الاخوان المسلمون تهنئ الشعب بعيد طهور الثورة و... ترقع بالصوت

الورقة دي نزلها أنس حسن على صفحته على الفيك بوص.. وبصراحة أنا 
مصدقاها.. لاسباب عديدة، اولا ان انس جربته في كذا حاجة وطلع مصدر موثوق، ثانيا اسلوب البيان مشابه لاسلوب الاخوان.. ثالثا.. بصراحة انا عايزة اصدق، لان ده بيديني دعم نفسي كبير.. فانا لما احس ان فيه جماعة بحالها كلهم اهبل مني ده يخليني عندي ثقة في نفسي اكتر، ويدعم نفسيتي المحطمة بعد التعرض لعدد لا بأس به من الجثث
اسمعععععع علك تستفيد
هههههههههههههههههههههههههههههههههههههههههههههههههههههههههههه
احنا حنعيش يا ولاد
على فكرة ما ينفعش كده ابدا والله.. ما ينفعش ثورة اتقدم فيها تضحيات وبلد لها تاريخ زي مصر تضيع عشان اكبر فصيل سياسي فيها طلع اهبل
طب يطلع خاين
يطلع وسخ
يطلع بيكسب من ورا وساخته
انما يطلع اهبل كده حرام والله... حرام فعلا.. وبعدين الواحد لما يبقى اهبل مش عيب.. وانا احب احذر اي انسان هنا في هذا المكان عايز يتريق على الهبل.. الهبل مش عيب.. الهبل اصلا حاجة كويسة والهبل بيخشوا الجنة...... ان شاء الله
لكن قبل كده قلنا وحذرنا، زي المخلوع ما كان بيقول، ان الواحد لما يلاقي نفسه مش فاهم، يبقى يتمسك بالاخلاق... االاخلاق توصل الواحد لنفس النتائج اللي بيوصل لها العقل الذري والله
انما ان الواحد يبقى مخه على قده وكمان يتصرف تصرفات واطية ظنا منه ان الوطيان وانعدام الاخلاق والوساخة هي دي بقى النباهة والذكاء والتكتكة بينتهي بيه الامر انه ينزل بيان "اوعى يغرك جسمك" كالمبين بالشكل
ويا ترى بقى الاخوان امتى اكتشفوا ان المجلس العسكري هو اللي بيختلق الازمات وبعدين يرجع يحلها؟ بس لما قالهم مانيش رامي اليمين على الجنزوري؟
طب هو مش عايز يرمي اليمين على الجنزوري لهدف وساخته تضاهي وساخة هدف الجماعة في اقالة الجنزوري
الجماعة بتستهبل حضرتك.. هم عارفين كويس قوي ان الجنزوري ما بيحكمش الراجل يا عيني، ده اخره ما يغيرش ملابسه لإثبات التضامن مع الضحايا
بس هم حابين يقيلوا الجنزوري، وهم عارفين انه لا بيحل ولا بيربط، عشان يوصلوا للشارع انهم بقى البرلمان الجامد اللي بياخد القرارات وانه شيع لهم الحكومة اللي عاملة لهم ازمة، بصرف النظر بقى الازمة تستمر ولا ما تستمرش دي حاجة حيبقوا يفكروا فيها بعدين.. المهم انهم يقيلوا الجنزوري عشان يكسبوا شعبية في الشارع انهم مشوا للناس الراجل اللي العسكري جابه وعمل مشكلة
فالعسكري قالك الله.. طب وانا اتشتم لوحدي؟ لا حضرتك تتشتم معايا على فكرة يعني.. ومش حتكسب بونط على قفايا
ثم ان المجلس العسكري بيفتعل ازمة البنزين عشان يحسس الناس ان البرلمان مالوش اي تلاتين لازمة.. وده اللي غايظ الاخوان
يعني هو صراع على السلطة
والصراع على السلطة مش معركتي انا شخصيا... انا باتصارع على وطن، وعلى استقلال وطني، وعايزة بلدي تتخلص من النفوذ الامريكي وتتملك مواردها، وبالطريقة دي يرتفع مستوى المواطن المعيشي، ويبقى فيه حرية حقيقية مبنية على عدالة اجتماعية واستقلال وطني
قال وايه؟ قالك المفاجأة: المخابرات العسكرية هي اللي بتدير البلاد وطلعت ماشية في البطال مع الامريكان والاسرائيليين... لا بجد؟ اتفاجئت فشخ... قريت البيان فجأة  تعبت من المفاجعة
واكتشفوا اكتشافات مهولة بقى.. ان المجلس العسكري بيدعم بشار، وان العصار داير يسمع بيهم الاتحاد الاوروبي ويقولهم انتوا حتسيبوها للاسلاميين ازاي؟ وان المجلس العسكري عايز وضع خاص في الدستور، وحاجات جامدة جامدة يعني
وبناء عليه.. قرروا وضع خطة ما تخرش المية
الاستعانة بالله.... ربنا حيسترها مع اتنين قتالين قتلا ازاااااي؟ ده الناس اتدهست بالمدرعات وانتوا قعدتوا تقولوا فلوباتير هو السبب، قعدنا نستغيث بيكم في محمد محمود وانتوا قلتوا على الجثث انها مؤامرة عليكم عشان ما تعملوش الانتخابات، وفوق ده كله بعتوا لنا رسالة: لو صممتوا على مجلس رئاسي مدني يبقى بتدفعوا لحرب اهلية... احنا؟ احنا بنتهدد التهديد ده؟ كتر خيركم يا ولاد الاصول.. ده غير بقى العباية ام كباسين، والمتظاهرين المأجورين، ورحتوا جبتوا لنا السلفيين وقعدتوهم على حجرنا من غير ما تحطوا مشمع وقعدوا يدنوا ويقدموا مشاريع حجب المواقع وتزويج القصر وكلام هلس وفارغ.. وما سألتوش نفسكم اشمعنى النوع ده من السلفيين اللي مطلوقين بالطريقة دي مع ان فيه سلفيين عاقلين، وما سلموش اصحابهم، ولا مضوا عليهم، زي مصطفى حمزة اللي رافض المثول امام المحكمة العسكرية واللي انتوا مطنشينه والمفاجأة ان السلفيين والجهاديين كمان مطنشينه... والمفاجأة التانية بقى ان حزب النور خلع منهم.. وقبل كده ما سألوش نفسهم ليه رئيس حزب الاصالة سلفي ولواء شرطة واخو محمد عبد المقصود في ذات الوقت، وهو صاحب مشروع تزويج القصر.. وما عرفوش يربطوا ده كله بكلام العصار مع الاتحاد الاوروبي عن "امبراطورية الاسلاميين" وما عرفوش يربطوا ده كله بالحركة المريبة بتاعة "جماعة الامر بالمعروف والنهي عن المنكر" اللي اقطع دراعي من لغلوغه ان ما كانت مخابرات 
عسكرية من الالف الى الياء..
ثم.. الله.. وانتوا ايه اللي مزعلكم من كلام العصار والامريكان يا اخوان؟ انتوا مش حتبطلوا بقى؟ مش حتبطلوا.. صح؟
طب خلي الامريكان ينفعوكوا، يعني  هي الخناقة بينكم وبين المجلس على دعم امريكي واوروبي؟
انتوا الاغلبية في البرلمان والناس انتخبتكم وانتوا بعتوا الناس واشتريتوا رضا المجلس العسكري والامريكان وادي النتيجة
وهي دي بقى النباهة انكم تحاولوا تتحالفوا مع الامريكان؟ ليه؟ هي الام بتفضل ابن الجيران على ابنها ولا ايه؟ وقلنا لكم قبل كده مافيش داعي للعب الوسخ مع الامريكان، ده يناقض اهداف الثورة، احنا عايزين استقلال وطني، والامريكان عمرهم ما حيشتروكوا ويبيعوا عسكر كامب ديفيد اللي بيحموا لهم اسرائيل.... البسسسسس يا اخوان عشان نازلين نتفسح يا بابا
النقطة التانية: الثقة في القيادة والدعاء لها
الثقة في القيادة اللي لبستهم في الحيط.. والدعاء لها... حاااااضر... الهي تنسخطوا رجل كنبة يا بعدا
وقالك بقى ايه.. حنفضح المجلس العسكري
هههههههههههههههههههههههه وده لان المجلس العسكري سمعته زي البرلنت والناس كلها بتحبه زي ما احنا عارفين، ماحدش شافه ابدا وهو بيعري ويسحل ويدهس ويعذب ويكشف على عذريات.. الناس بتحبه موت موت موت... 
ومغشوشين فيه... ومستنيين اهل الكهف دول لما ياخدوا حتة هولز ويطيروا ويطلعوا يفضحوا لهم المجلس العسكري
وقالك: التحرك بسرعة: نواب - مؤتمرات - صالونات - حبشتكنات - عشاء عمل - غداء عمل - بيانات - جلاليب - سبح - شوبينج
ونازلين الجمعة الجاية...
واحدة على التويتر مسمية نفسها: سارقة المدرعة قالت دي جمعة "احنا منهارين" فالمنهارين بقى ينزلوا
انا انهارت ايام ماسبيرو ومحمد محمود وخلصت الانهيار خلاص
وقاعدة في بيتنا
مش بس لاني مغلولة وايام محمد محمود لما بعتوا لنا تهديد الحرب الاهلية ده قعدت اعيط وادعي عليهم يشوفوا اللي احنا شايفينه... بس لاني ما عنديش ثقة لا في اخلاقهم ولا مخهم
الواحد يبقى مخه على قده بس يبقى عنده اخلاق... يبقى ما عندوش اخلاق بس عنده مخ.. لكن لا مخ ولا اخلاق؟ ابوسك منين يا بخرا
عندي سؤال والله بس لشباب الاخوان اللي كل ما يشوفوا وشنا يقولوا لنا: انتوا مش عارفين.. اصل فيه مؤامرة.. جهة غير معلومة، بتعمل خطة مجهولة، حتنتج عن مصيبة لا يمكن نتوقعها
احساسهم ايه لما يلاقوا قيادتهم دلوقت بتقولهم كلام بقالنا شهور بنقوله وبسبب الكلام ده اتقال علينا مأجورين وممولين وعملاء وجواسيس وبي فور بانديتا؟
المجلس العسكري خدع الجميع في الاول... لكن مع اول رصاصة ضربها على الناس كلنا عرفنا انه بيخدعنا، الواحد ممكن يعمل مواءمات سياسية من هنا للصبح ومع اي تنازلات.. الا تنازل واحد: الدم. الدم مافيهوش هزار، وانا باعترف اني اتخدعت في المجلس العسكري، لكن الفراق بيني وبين كان اول نقطة دم اهدرها.. خلصت كده، مافيش حاجة لما الواحد يطلع اهبل قلت :).. مش عيب.. العيب ان الواحد ما يبقاش عنده اخلاق ويتحالف مع قاتل... ازاي الاخوان ما عرفوش؟ ولا عرفوا وطنشوا وافتكروا نفسهم ناصحين وبيلعبوا بالبيضة والحجر ويخشوا للمجلس قافية وساخة ولما لقوه غلبهم في الماتش قالوا: ياما..يابا؟
ونحب نقول لكل اخوانجي  واخوانية.. لا  تنحرف.. والوساخة لا تفيد.. واحب اسمع اغنية سيد الهولز يا كتاتني انت

34 comments:

Gimzbond said...

لو الكلام دا مظبوط يبقى على رأى رامى عصام
اضحكى يا ثورة هاهاها

Gimzbond said...

لو الكلام دة مظبوط
يبقى على رأى رامى عصام
اضحكى يا ثورة
هاهاهاها

osama abdo said...

هو انت ممكن تتكلمي بطريقه احسن من كده وعلى فكره انا مش اخوانجي .... بس صحيح هتتعلمي الاحترام فين ... اذا كان رب البيت بالدف ضاربا فشيمة اهل البيت الرقص

جبهة التهييس الشعبية said...

هههههههههههههههه الاخوان رجعوا يقولوا: على فكرة انا مش اخوان.. ما تبقاش تيجي تاني.. روح ادعي للقيادة

sasty mazamezo said...

قبل ما اقرئها .... فى الجون كالعادة

naguib said...

بس أنا كمرشد وباقي أعضاء المجلس الموقر انبسطت

ebzo said...

جامده الصراحه ....بس لو الكللام ده طلع حقيقي ....معني كده ان ثورتناهتتقندل خالص الفتره الجايه .....ربنا يستر !!!!

Aggani said...

أنا قرأت البيان والحقيقة أشك أنه صادر من جماعه كنا نعتبر أن لها مكانتها، فالبيان مليء بالأخطاء اللغوية وركاكة الأسلوب ولو دا بيان صادر عن مكتب الإرشاد يبقى أحسنلهم يقفلوه

Mostafa Riza said...

هههههههههههه يعنى بعد التخوين والكلام اللى اتقال بتقول اتكلمى بطريقه احسن من كدا يااخى كل واحد حر فى اللى يقوله

naguib said...

وبعدين ده اعتراف صريح ان من البداية كان في اتفاق على تقسيم السلطه المجلس ياخد الرياسه والاخوان ياخدوا الحكومه ومع اقتراب اانتخابات الرياسه خلاص اتحسم الريس للعسكر يعني المفروض الجنزوري ينزل عشان يركب الشاطر او اي حد اخواني لكن العسكر طلع ناصح ومسبلهومش أي حاجه غير لا مؤاخذه لجنة اعداد الدستور اللي ناس فاقستها, على العموم الايام الجايه هتظهر بلاويهم واحنا قاعدين نتفرج

arabian_faithful said...

السلام عليكم و رحمة الله و بركاته
أنا عندى طلب واحد يا نوارة منك إسألى نفسك سؤالين بس :أولاً : أنت متخيل إن الإخوان رفضوا النزول فى الشارع فى بعض الأوقات خوف مثلاً من الشارع ولا خوف على الكراسى ! طيب إحنا عدم نزولنا فى محمد محمود أضرنا بشدة و خلى صورتنا زى النيلة ولو كنا نزلنا كان زمان معانا نسبة أعلى من كده
ثانياً بقى أنت متخيل إن الإخوان نزلوا فى الثورة علشان السلطة و إن كل همهم السلطة لا غير ؟! هل أنت متخيل إن فى حد ممكن يموت علشان يخلى حد يحكم ؟!

arabian_faithful said...

السلام عليكم و رحمة الله و بركاته
أنا عندى طلب واحد يا نوارة منك إسألى نفسك سؤالين بس :أولاً : أنت متخيل إن الإخوان رفضوا النزول فى الشارع فى بعض الأوقات خوف مثلاً من الشارع ولا خوف على الكراسى ! طيب إحنا عدم نزولنا فى محمد محمود أضرنا بشدة و خلى صورتنا زى النيلة ولو كنا نزلنا كان زمان معانا نسبة أعلى من كده
ثانياً بقى أنت متخيل إن الإخوان نزلوا فى الثورة علشان السلطة و إن كل همهم السلطة لا غير ؟! هل أنت متخيل إن فى حد ممكن يموت علشان يخلى حد يحكم ؟!

ahmed misr said...

حمد الله على السلامة يا غالية

arabian_faithful said...

السلام عليكم و رحمة الله و بركاته
أنا عندى طلب واحد يا نوارة منك إسألى نفسك سؤالين بس :أولاً : أنت متخيل إن الإخوان رفضوا النزول فى الشارع فى بعض الأوقات خوف مثلاً من الشارع ولا خوف على الكراسى ! طيب إحنا عدم نزولنا فى محمد محمود أضرنا بشدة و خلى صورتنا زى النيلة ولو كنا نزلنا كان زمان معانا نسبة أعلى من كده
ثانياً بقى أنت متخيل إن الإخوان نزلوا فى الثورة علشان السلطة و إن كل همهم السلطة لا غير ؟! هل أنت متخيل إن فى حد ممكن يموت علشان يخلى حد يحكم ؟!

Mohammed el-sayed said...

و هكذا قالت الثورة للاخوان .. "يحنن" هههههههههه

عمر الشافعي said...

قولت الكلام ده مليون مره
لما تلاقي نفسك اتخرفشت ارجع للثوابت الاخلاقيه و بس

عمر الشافعي said...

قولت الكلام ده مليون مره
لما تلاقي نفسك اتخرفشت ارجع للثوابت الاخلاقيه و بس

Dr.issamo said...

بداية الصدام بين الفريقين الكاذبين المراوغين الأفاقين ولم يفهم الاخوان على مدار سنينهم ان النفاق والكذب والمراوغة ووضع الايدي في اتفاقات مشبوهة مشوهة لن ينتج عنه الا الفشل ولكنهم في كل مرة لا يعقلونِِ

bingo999 said...

لا اعلم هل قريتوا البيان ولا بتعلقوا زى الهبل البيان فى غلطات املائية تخيلوا مكتب ارشاد يكتب بيان فيه (انحازو بدل انحازوا) و (حكمية بدل حكيمة) و ( الجنزروى بدل الجنزورى بيان ميطلعش من عيل فى اعدادى مش مكتب ارشاد انا مع النقد على اى حد لكن مش مع الفبركة

محمد نور الدين said...

أولا مساء الخير
أنا عاتب عليك فعلا عاتب عليك

ورغم ذلك ألف تحية للنوارة

محمد نور الدين said...

أولا مساء الخير
أنا عاتب عليك فعلا عاتب عليك

ورغم ذلك ألف تحية للنوارة

محمد نور الدين said...

أولا مساء الخير
أنا عاتب عليك فعلا عاتب عليك

ورغم ذلك ألف تحية للنوارة

jasmin horizon said...

فليذهب الاخوان والعسكر والثوار للجحيم ولتبقى مصر ..قرفتونا بشغل عيال وهرتله
مصر اكبر من كده بكثير يا غنم..ومصر منصوره بأمر الله والانسان المصرى اللى اتظلم واللى اتهان واتبهدل ربنا سيقيد له من ينتصر له ويعيد له حقوقه المسلوبه

سميه صلاح عرفات مقلد said...

البيان الاهبل اللي زي حضرتك دا واضح ان واحد من بتوع عمرو موسى هو اللي عامله واضح جدا ..بس هبلك يا هبلة مش مخليكي واخده بالك معلش برضوا هتدخلي الجنة ان شاء الله لان قلبك ابيض بس هبلة ..الهبل على فكرة مش حاجة وحشة..انما الالفاظ التانية بتاعتك مش هرد عليها عادة ربنا يتوب عليك منها

أحمد عتمان - Ahmed Etman said...

فينك يا حاجة؟؟؟
التويتر خدك من المدونة خالص
يعني بعد ما بقيت مدمن المدونة 4 سنين تخلي بيا و تبطلي تدوين
ارجعي المدونة بسرعة، ارجوكي محتاج الجرعة
الشعب يريد تدوينة كل يوم (على الاقل)

علان العلانى said...

على مشارف الدرس الإول من الشعب

مهمة الإخوان شارفت على الانتهاء مع المجلس العسكري ومازال الإخوان يتخادعون له فهم ليسوا على عهد الا مع مرشدهم ولكنهم خسروا فى ذلك ما لن يستطيعوا تعويضه مع الشعب وما هذا الا لأنهم لم يستطيعوا استيعاب تركيبة السلطة بعد انهيار مؤسسة الفرعنة فى مصر، لاأستطيع أن أجزم أن الإخوان قد انتبهوا الى حقيقة أن مصدر الشرعية هو الشعب وهو ما ادركه المجلس العسكرى ويتحايل عليه بكل السبل ويعلم أنه لن يستطيع أن يحصل على شرعية من الشعب لأنه بحكم تكوينه وبنيته أهدر الممكن السياسي للحصول على تلك الشرعية ولكنه نجح بالنسبه لمهمته الإقليمية التى يقوم بها لقوى الهيمنة بالتشويش على البعد الإقليمى والعالمي لثورة 25 يناير واشغال الثوار في الشأن المحلى حتى الأن وإذا قمنا بتركيب مهمة وأولويات المجلس العسكري حسب خطة الطريق الموضوعة له التى ترتبط بأولويات غير وطنية أساسا فهى استخدام بنية النظام القديمة بكل مؤساستها المدنية ومعارضتها المصنوعة التى يملك مفاتيح شفرتها في خلخلة الخطاب الثوري لأكبر وقت ممكن وخلق حالة من الصراع على السلطة التى يحتفظ بها بقوة السلاح ، لا يستطيع المجلس العسكري تحمل تحرك شعبي على قدر من الإجماع ، وقد نجح فى اعادة ترميم فزاعة الأخوان الى حد بعيد وهو يحاول الإن أفتعال أزمات محدودة تمس معايش الناس اليومية فى مقامرة تكتيكية لن يكتب لها النجاح لأنها سترتبط مباشرة بالملف الاقتصادي للمخلوغ والمجلس العسكري بأعضائه. لقد قدم الأخوان فى الوقت المناسب طوق نجاة للمجلس العسكري بعد مذبحة ماسبيرو وحاول المجلس مسح يده الملطخة بالدماء فى لحية الإخوان ولكن حبل طوق النجاة كان معقود برقبة التنظيم وليس يده ويرى الشعب كل هذا ويتأهب

علان العلانى said...

على مشارف الدرس الإول من الشعب

مهمة الإخوان شارفت على الانتهاء مع المجلس العسكري ومازال الإخوان يتخادعون له فهم ليسوا على عهد الا مع مرشدهم ولكنهم خسروا فى ذلك ما لن يستطيعوا تعويضه مع الشعب وما هذا الا لأنهم لم يستطيعوا استيعاب تركيبة السلطة بعد انهيار مؤسسة الفرعنة فى مصر، لاأستطيع أن أجزم أن الإخوان قد انتبهوا الى حقيقة أن مصدر الشرعية هو الشعب وهو ما ادركه المجلس العسكرى ويتحايل عليه بكل السبل ويعلم أنه لن يستطيع أن يحصل على شرعية من الشعب لأنه بحكم تكوينه وبنيته أهدر الممكن السياسي للحصول على تلك الشرعية ولكنه نجح بالنسبه لمهمته الإقليمية التى يقوم بها لقوى الهيمنة بالتشويش على البعد الإقليمى والعالمي لثورة 25 يناير واشغال الثوار في الشأن المحلى حتى الأن وإذا قمنا بتركيب مهمة وأولويات المجلس العسكري حسب خطة الطريق الموضوعة له التى ترتبط بأولويات غير وطنية أساسا فهى استخدام بنية النظام القديمة بكل مؤساستها المدنية ومعارضتها المصنوعة التى يملك مفاتيح شفرتها في خلخلة الخطاب الثوري لأكبر وقت ممكن وخلق حالة من الصراع على السلطة التى يحتفظ بها بقوة السلاح ، لا يستطيع المجلس العسكري تحمل تحرك شعبي على قدر من الإجماع ، وقد نجح فى اعادة ترميم فزاعة الأخوان الى حد بعيد وهو يحاول الإن أفتعال أزمات محدودة تمس معايش الناس اليومية فى مقامرة تكتيكية لن يكتب لها النجاح لأنها سترتبط مباشرة بالملف الاقتصادي للمخلوغ والمجلس العسكري بأعضائه. لقد قدم الأخوان فى الوقت المناسب طوق نجاة للمجلس العسكري بعد مذبحة ماسبيرو وحاول المجلس مسح يده الملطخة بالدماء فى لحية الإخوان ولكن حبل طوق النجاة كان معقود برقبة التنظيم وليس يده ويرى الشعب كل هذا ويتأهب

علان العلانى said...

على ماذا يعولون؟

هل يحاولوا سحب الجماهير من الميدان ؟ بعد أن نصبوا لهم سيرك البرلمان؟
هل يحاولوا التمويه على المجازر ويستحلون دم الشهداء ؟
هل يحاولوا استغلال أوهام تنظيمات مخترقه بجزرة السلطة؟
هل يحاولوا تشتيت الخطاب الثوري وتشويه الثوار والعمل على أرهابهم؟
ما الغريب أوغير المتوقع فى هذا؟ ولماذا لا يحاولوا؟ هل عندهم طريق اخر ؟

أن إدراك الجماهير ما لاتريده هو جدل الثورة الصاعد لتحقيق ما تريد

لن يستطيعوا خداع الشعب وأستباحة إرادته ولن يطيقوا هذا ولكنهم سيظلوا يحاولوا بغريزة البقاء وبقايا السلطة والنفوذ وهوي المنتفعين والفاسدين والسدنه والفلول حتى يجتث الشعب جذوة هذا النظام بعد أن تفرز الثورة كل أعدائها وتكشف شمسها المنافقين وطلاب السلطة، فالعمالة أضحت مفضوحة وليس لها غطاء وتفتيت المنطقة هدف صهيوني شبه علني والحرب المذهبية فى لمساتها الأخيرة كل هذا ليس فى غرف مغلقة أو معاهدات سرية أو وعود بلفورية والشعب يري كل هذا ويري شهدائه يتحول فدائهم النبيل وكأنه فعل فاضح يتم التغافل عنه يهان ذويهم ويبخس قدرهم وهم خير من أنجبت الأمه ليست الثورة إزمة الا لمن كان النظام جنته ،والشعوب لا تثور لتصنع أزمات ولكنها تثور لتنهي مرحلة تأكلت كل مبرارات وجودها وكأن بهؤلاء الرعاع يسعون فى قدرهم موهومين إنها فورة شهور أو بعض شهور.. أنها فائض صبر مئات الإعوام لشعوب مغيبه أنتفضت لتكون وستكون كما شاء شهدئها بإذن الله سيأتى اليوم الذي يعلم الذين ظلموا أى منقلب ينقلبون وسيأتى اليوم الذى يدرك من يرفعون شعارات الإسلام كما رفعت المصاحف على اسنة الرماح بغرض التمكن والتسلط والملك أنهم خائبون وأن الإخوان بحق هم المصرين مسيحين ومسلمين وأن من أستولوا على أنتساب المسلمين مخترقين وطلاب دنيا وهم بتكالبهم على السلطة سيتحولوا شيئا فسيأ الى إداة صهيونية تحركها يد وهابية تحارب حروبها وتخضع لمشيئتها فنظام الهيمنة الذين يتوسلونه للتمكين له حصة صهيونية وسهم قديم ، لقد أصبح واضحا أن فزاعة نظام المخلوع هى نفسها بعض أنيابه وتساهم هى بذاتها فى ترميم طقم أسنان جديد ولكنه لن يقوي على قضم لحم شعب شاب إراد الحياة وأستجاب القدر.

أنتصر الشعب فلا تستعجلوا

nabil said...

http://www.merip.org/mer/mer262/egypts-generals-transnational-capital#.T3Km7fipjEG.facebook

ثروة العسكر

they are not leaving... there's too much money at stake

Medo Blue said...

وحشتينا يا نوارة ..... حمدالله على السلامة .... والله غيبة ...... معلشي الصبر جميل ..... انا بتابعك من سنة 2003 ..... والله زمان اوعي تيأسي .... المشكلة ان الكلام اللي كنت بقراه ايامها بيتكرر تاني .... كتب علينا النضال ... ربنا معانا

سطور said...

حمدالله على السلامة يا نوارة أنا عذراكي على إنفعالك لأنه اللي سوفتي أكيد يخليكي تعملي كده وأكيد حييجي يوم تهدي وتعقلي كده وتندمي على بعض ألفاظك أرجوكي آنتي طيبة جدا و واعية ما تخليش الناس يلاقو مبز يهاجموكي فيه بس حافظي على لسانك وتذكري قول الرسول صلى الله عليه وسلم أقربكم لي يوم القيامة أحسنكم خلقا

سطور said...

حمدالله على السلامة يا نوارة أنا عذراكي على إنفعالك لأنه اللي سوفتي أكيد يخليكي تعملي كده وأكيد حييجي يوم تهدي وتعقلي كده وتندمي على بعض ألفاظك أرجوكي آنتي طيبة جدا و واعية ما تخليش الناس يلاقو مبز يهاجموكي فيه بس حافظي على لسانك وتذكري قول الرسول صلى الله عليه وسلم أقربكم لي يوم القيامة أحسنكم خلقا

Brunette said...

أنا ماشفتش كيان بالشكل ده من ايام الدلعدى God Father
انا كنت سيئة الظن بالأخوان من الأول بس متوقعتش يبقى الموضوع كده..توقعت لحظة كرامة..لحظة التزام بالحد الأدنى من الشريعة اللى تقريباً ميعرفوش فيها غير الحدود،،حد ينتفض للحق ولا يخشى لومة لائم..اى حاجة..تندع بس و اموت بعدها مرتاحة
بعد انتهاء دور الضحية فى ظل النظام السابق خرج ذلك الفكر السرى المافياوى للنور،كأى جرثومة لم تحتمل الشمس.
تهبيل و تخبيط لا مثيل له،ومحاولات يائسة لاستعادة الواقع و الموود السابق بتاع الشغل و الالتصاق جهاراً بالسلطة،عرى تام

Gebrauchte Umzugskartons – Hier finden & sparen said...

شكراً ع الموضوع .... :)

Wohnungsräumung