Thursday 7 June 2012

اعتصام مجلس الشعب

الصبر والثبات.. إنما النصر صبر ساعة
احنا عاملين اعتصام عند مجلس الشعب وفي حوالي اكتر من 16 واحد مضربين عن الطعام، كانوا امبارح 12 ودلوقت بيزيدوا، المنصورة تضامنت معانا وعاملة اضراب عن الطعام يبتدي من النهاردة الساعة اتناشر ظهرا والساعة اربعة العصر حيروحوا يحرروا محضر اثبات حالة وده اللي احنا عملناه امبارح في قسم قصر النيل
خلاص... احنا مالناش غير نفسنا، وانا شخصيا مش حاقابل ربنا وما بذلتش كل جهدي ان الثورة دي ما تفشلش، وان البلد ما ترجعش للنظام القديم
احنا بقالنا يومين الخطاب الاعلامي كله بيقول ان الاخوان هم اللي فتحوا السجون وعملوا موقعة الجمل ودخلوا حماس وحزب الله من الحدود، ده غير براءة كل القتلة وتهديد بحل البرلمان، اللي هو الجهة الوحيدة المنتخبة
يعني الوحيدين اللي انتخبناهم على عبلهم وقرفهم وخيبة املنا فيهم حتتنزع شرعيتهم، واللي حيمسك البلد شفيق وزير طيران المخلوع، ورئيس وزراءه، والمتهم الاول في موقعة الجمل
على جثتي بقى.. اموت ولا يحصل ده، كان لازم من الاول النائب العام يعزل واللي وقف لنا فيها الاخوان، كان لازم من الاول يتطبق قانون العزل واللي فنيخ الحكاية الاخوان وشالوا منصب الوزير عشان يحتفظوا بشفيق والمشير، كان لازم من الاول اصلا ما نلجأش للعملية السياسية قبل ما نستكمل الثورة واللي استعجل في لم الغنائم قبل نهاية المعركة الاخوان، كان لازم حلول كتير ثورية تتعمل واللي وقف في وشنا الاخوان واهم برلمانهم حيتحل وحيلبسوهم تهم هم ابرياء منها، ومش ناقص غير يجيبوا الشيخة ماجدة تشهد في المحكمة انها كانت واقفة في ميدان عبد المنعم رياض على البحر جنب برج القاهرة لما واحد ايراني طلع من البحر وقالها احنا اشراف زي بعض وانا ارتاحت لك احنا جايين نقتل المتظاهرين واللي باعتنا الاخوان، اللي شفيق قال عليهم كانوا يوم الجمل بيحدفوا نابالم من فوق السطوح، وكتير من شباب الثورة بيجيلي البيت :D شباب ثورة ايه بقى يا سيادة الفشيق، هو في ثورة اساسا؟ ما اللي بيتظاهروا اخوان، او باكستانيين حسب رواية الشيخة ماجدة، وهم نفسهم اللي حدفوا على نفسهم نابالم من فوق السطوح.. النابالم ده بيتحدف ازاي من فوق السطوح؟ الفريق هربان من التجنيد ولا ايه؟ وهم ذاتهم اللي دخلوا حماس وحزب الله من ورا المخابرات المصرية عشان يفتحوا السجون، وهم اللي نزلوا يوم 28 "لما الثورة نجحت"! بيقول ان الاخوان نزلوا لما الثورة نجحت يوم 28! يوم المدبحة ده كانت الثورة ناجحة.. صح يا حاج، هم نزلوا الشارع لما الثورة نجحت وانت نزلت الانتخابات لما الثورة فشلت، يعني الاخوان هم اللي المتظاهرين، وهم اللي البلطجية، وهم القناصة، وهم اللي في السجن وهم اللي فتحوا السجن وهم العجل في بطن امه، طب فين شباب الثورة بقى؟ قالك دول نزلوا يوم 25 بس، بعدين روحوا، نفس الكلام اللي كان بيتقال ايام مبارك، اصبروا بس.. اصبروا يخلص على الاخوان ويلبسهم موقعة الجمل وفتح السجون واحنا حنتاخد في قضية دعارة بتهمة طبل وزمر وعلاقات جنسية كاملة جوه الخيم... ما باهزرش على فكرة، لما باقول انهم حياخدونا في قضايا دعارة وخيانة عظمى وازدراء اديان ما باهزرش.. 
ها يا أخوان؟ هااااا؟ مبسوطين كده؟ اخبار جمعة الوقيعة ايه؟ على الله تكونوا مبسوطين دلوقت.. طبلت على دماغنا كلنا.. وادي الاخوان حيرجعوا تاني المحظورة، واحنا بقى اللي حيفضل فينا عايش حيرجع يقف على سلم النقابة مع محمد عبد القدوس اللي حيفضله محتفظين بيه عايش وخارج السجن عشان كل ما يشوفوه يسحلوه، وبقالنا كتير نهاتي وننادي عليهم احنا بنتحبس عسكريا احنا بنتقتل في الشوارع اللي بيحصل لنا ما يجيش فتفوتة في اللي حيتعمل فيكوا، وهم ابدا... ودن من طين وودن من عجين.. 
وعدنا من حيث بدأنا... عدنا من حيث بدأنا.. 
ومرشحين الرئاسة نزلوا لي ياخويا الميدان، وقعدوا يمسكوا ايدين بعض، ومبسوطين قوي، بعدين كل واحد فيهم لحس كلامه وروح بقى يريح له ساعة بعد الغدا ويحط رجليه في مية وملح من الوقفة في الشمس
وهم كل دول جاي عليهم بايه؟ مش حيحصل لهم حاجة... احنا اللي حنلبس اسود، واللي شوفناه ايام مبارك كوم والايام اللي جاية علينا بعد ما شفيق يمسك البلد كوم تاني.. وبلغ الامر بالاسلاموفوبيك انهم يحسنوا صورة شفيق على حساب مرسي، وعاملين لي فيها مثقفين ونخبة وهم شوية ناس فاشيست لو اتمكنوا على رقبة الناس مش حيفرقوا حاجة عن بشار قاتل الاطفال الرضع
خليك محترم.. انا شخصيا لا حانتخب شفيق ولا مرسي.. ولا اساسا موافقة الانتخابات تجرى بالشكل ده.. واحنا نقدر
في امل
في امل
بس احنا نثق في نفسنا.. احنا جربنا نفسنا قبل كده وطلعنا بنعرف نعمل حاجات كتير، بس المجلس فرقنا عن بعض واخد كل واحد ورا مصنع الكراسي وعشمه بالجواز وخلي بيه.. احنا في امل نستعيد نفسنا تاني، العقدة مش في شفيق ولا طنطاوي ولا امريكا ولا السعودية ولا اسرائيل اللي بيدعموا شفيق.. العقدة فينا احنا.. طول السنة ونص المجلس العسكري ما بيعملش حاجة غير انه بيحاول يكسرنا من جوه عشان نرجع نفقد الثقة في نفسنا تاني.. لكن احنا لازم كل ما ثقتنا تتهز في نفسنا نفتكر نفسنا في بداية الثورة، ونعرف اننا نقدر على حاجات كتير
زي ما نزلت يوم 25 يناير وانت فاكر انك نازل لوحدك بس بتعامل ضميرك.. انزل معانا اعتصام مجلس الشعب.. وعامل ضميرك، مالكش دعوة مين نازل ومين مش نازل
انا عملت كده.. اخدت خيمتي وجه معايا محمد حسن ومصطفى وحسين ومحمود، وفرشنا الخيمة عند مجلس الشعب لوحدنا، وقلنا حنضرب عن الطعام لوحدنا، لقينا اسماء محفوظ جاية لنا في انصاص الليالي وباتت معانا، وبعدها ناس كتير جات، وست عجوزة عندها ضغط وسكر ومصممة تضرب عن الطعام، بس احنا بنمنعها، وناس كتير عادية، يعدوا علينا ويسألونا انتوا هنا ليه ولما نقولهم يقعدوا معانا.. ويضربوا معانا، ولو كل محافظة اتحركت زي ما كنا بنتحرك قبل كده ماحدش يقدر يقف قدامنا... انا مش باطالب حد ييجي ولا ما يجيش.. انا باطالبك تعامل ضميرك بس.. الناس اللي انت مستنيهم ينزلوا معاك ولا يساندوك مش حينفعوك لما تقابل ربنا وانت كان في ايدك تعمل حاجة وما عملتهاش
دي نصيحة لوجه الله عايز تعمل بيها اعمل مش عايز تعمل انا رقبتي رقبتي رقبتي.. انفد برقبتي قدام ربنا واغسل ايدي من الدم الجاي.. وافهم ان في دم جاي.. نزلت الشارع فيه دم.. قعدت في بيتك في دم.. ماحدش حيستناك في الشارع عشان يجيبك.. هم عارفين عنوانك ويعرفوا يجيبونا واحد واحد من البيوت، بالعكس، لما بنبقى في الشارع مع بعض بنبقى محميين اكتر
وميدان التحرير ده تحول الى جبلاية قرود بالمعنى الحرفي، لو قعدنا الف سنة في ميدان التحرير ماحدش حيسمع لنا، الثورة مش انك تتظاهر في المكان المسموح لك تتظاهر فيه.. ثورة ايه دي ياخويا؟ يعني ميدان التحرير بقى مطرح سلم النقابة ولا بيحل محل الاستاد؟
اول ما رحنا عند مجلس الشعب واحنا كنا خمسة بس لقينا قوة كبيرة جات وقعدوا يقولوا لنا انتوا هنا ليه؟ انا مش حاروح اعتصم في حتة مافيش عسكري يسألني انت هنا بتعملي ايه؟ الثورة يعني اتظاهر في منطقة حيوية تخلي الناس تشوفني وتاخدني بجدية
احنا مستنيين نواب مجلس الشعب اللي قريب قوي حيبقى المحلول زي المحظور كده عشان يعبروا امنا
على جثتي الثورة تفشل، مش بعد الدم ده كله والتعب ده كله
انا ما عنديش مصالح، ولا حسابات، ولا ليا ولاء لحد ولا لحاجة غير بلدي، مش حافكر في مصلحة جماعة وهي اصلا مالهاش قيمة من غير الناس اللي انتخبتها ولا الناس اللي شاركتها الثورة ولا حافكر في مصلحة مرشح وشكله قدام الناس وهو ساقط اصلا...
أنا مصر عندي أحب وأجمل الأشياء... ومضربين عن الطعام لحد ما نواب مجلس الشعب اللي حيتحل يسألوا في قرعتنا وينزلوا لنا يعتصموا معانا ويعرفوا ان مالهمش حد غيرنا يحميهم..
في ناس بشكل فردي تضامنت معانا من اسكندرية، واي حد عايز يتضامن معانا ويضرب عن الطعام ياخد البيان اللي احنا كاتبينه ويوقع عليه برقمه القومي ويعمل محضر اثبات حالة في القسم


ملحوظة:
احنا من ساعة ما بدأنا الاعتصام واحنا بنواجه تشكيك وتسفيه وقلة ادب وناس مش عايزة تقول خيرا او لتصمت ومزايدات.. ببساطة لان في بعض قوى سياسية اعتبرت اننا تخطيناهم وما استأذناش منهم وهم مش فاهمين ايه المصلحة المباشرة اللي حتعود عليهم! مافيش مصلحة مباشرة ولا حد حيحلي بقه بالاعتصام ده.. مش حينفع يتعمل دعاية انتخابية ولا حينفع يتعمل صناعة زعامية ولا حينفع يتعمل كرنفال.. عشان نبقى واضحين مع بعض يعني.. احنا مطالبنا واضحة... وجاي على هوانا نتعب.. وانا شخصيا ام لسانين شفت قلة الادب دي وما ردتش عليها.. عشان عادي استحمل.. ما استحملش ليه؟ اشمعنى امهات الشهدا استحملوا؟ اشمعنى اللي عينه طارت استحمل؟ اشمعنى اللي اتحبس استحمل؟ ليه انا ما استحملش الجوع والهجوم يعني؟ على راسي ريشة؟


اليكم بيان اعتصام مجلس الشعب:

قامت ثوره ٢٥ يناير من أجل العيش والحرية والكرامة الانساني وتفعيل دولة القانون والمؤسسات،ولما كان رأي الشعب هو السير في آليه الديموقراطيه، والموافقه على الاعلان الدستوري الموضوع من اللجنه المشكلة للحاكم الانتقالي للبلاد( المجلس العسكري ). ثم قام الشعب بإرادته الحرة النزيهة بانتخاب مجلس الشعب، والذي أقر بقانون العزل السياسي رقم ١٣١ لسنه ٢٠١١- كان لزاما علينا نحن الشعب ان نساند السلطه التشريعيه المختارة من الشعب حتى وان كانت قد وضعت مواداً تعسفية (اجحافية) فنحن مستمرون في ثورتنا السلمية من اجل تفعيل دولة القانون والمؤسسات. فقد قمنا نحن المعتصمون ممثلون عن انفسنا كجزء من الشعب في الدخول في اعتصام عام مفتوح حتى تتحقق المطالب الاتية:
 ١-تفعيل قانون العزل السياسي ضد كل من افسد الحياة السياسية في مصر على رأسهم اخر رئيس وزراء لفرعون مصر (الرئيس المدان المخلوع/مبارك) - النائب العام، محامين العموم... الخ
 ٢- البحث والتحري عن كل من قتل الثوار في ميادين التحرير في عهد النظام السابق والضغط على الاجهزة السيادية في الدولة والتي امتنعت عن تقديم ادلة تدين قتلة الثوار الحقيقيين بتقديمها في محاكمات مدنية عادلة عاجلة لهولاء القتلة
 ٣-الافراج الفوري لجميع المعتقليين على خلفية جميع الاحداث منذ بداية الثورة حتى الان.
 ونحن مضربون عن الطعام من تاريخ ٦/٦/٢٠١٢ مطالبين النواب المنتخبين بتحمل مسئولياتهم تجاه الشعب الذي اعطاهم ثقته وسنظل مضربين عن الطعام حتى ينضم الينا نواب البرلمان في الاعتصام ولقد قمنا بتحرير محضر اثبات حالة في قسم قصر النيل ويحمل رقم ٤١٨١/٢٠١٢ اداري قصر النيل
 يسقط يسقط حكم العسكر 
 المعتصمون امام مجلس الشعب


ملحوظة أخيرة:
محابيس العباسية بقالهم اسبوعين مضربين عن الطعام وامبارح في ناس اضربت عن المية
ابو ام الانتخابات على السياسة على الساسة على الطين اللي على دماغنا

16 comments:

Unknown said...

هل تحول الحلم الجميل إلى كابوس مخيف
حسبنا الله ونعم الوكيل فى اللى كان السبب

hardway said...

أحسن..وأصوب..قرار...ده وقته حقيقي ياسكسكة
القرار الحكيم..القرار المناسب في الوقت المناسب
لأن حقيقي ..حقيقي زاد وزنك كتير و فشولت شوية
وأصيحت الأجزاء مترامية الأطراف والمقاسات
X X X L........3XL
الأضراب هايجيب معاك...ويـــلم كتير...ليه بقي...
لأن العود تمام...والأصل ملفوف و لا تنسي ولا تتناسي
انك في الأصل موزا...موزا

hardway said...

أحسن..وأصوب..قرار...ده وقته حقيقي ياسكسكة
القرار الحكيم..القرار المناسب في الوقت المناسب
لأن حقيقي ..حقيقي زاد وزنك كتير و فشولت شوية
وأصيحت الأجزاء مترامية الأطراف والمقاسات
X X X L........3XL
الأضراب هايجيب معاك...ويـــلم كتير...ليه بقي...
لأن العود تمام...والأصل ملفوف و لا تنسي ولا تتناسي
انك في الأصل موزا...موزا

Unknown said...

الله ينور عليكي تماااااااااااااام كدا

واللي مش عاحبة يخبط دماغة في اي حيييييييييييط


وانا بأذن الله مشارك معاكم في الاعتصام والاضراب

((الثورة مستمرة))

Unknown said...

الله ينور عليكي تماااااااااااااام كدا

واللي مش عاحبة يخبط دماغة في اي حيييييييييييط


وانا بأذن الله مشارك معاكم في الاعتصام والاضراب

((الثورة مستمرة))

hardway said...

انا عملت كده.. اخدت خيمتي وجه معايا محمد حسن ومصطفى وحسين ومحمود، وفرشنا الخيمة
..........................................
مش كتير أربعة !!!!!!!!!!!!!!!!!!!!!!!!!!!!!
أنا مش عارف....ممكن أو مش ممكن...كل أنسان يعرف قدرته وتحمله....ياأما أربعة توتي فروتي..شامورتي
وبعدين هو أنت دائما في الاتجاه المعاكس المخالف
الشرع محلل اربعة للرجل ..وليس للخيمة

hardway said...

أنا قصدي علي الخيمة..... أوعي تفهمي غلط

hardway said...

لقينا اسماء محفوظ جاية لنا في انصاص الليالي وباتت معانا
............................................
قلبك أسود جدا ياسكسكة....مش أبيض أبدا.....ليه كده
لازم الفضايح ..كل جملة فيها حته كراهية ده أنت مش عندك لسانين اتنين فقط أنت عندك خمسين لسان أسود
كان ممكن تقولي وحضرت ووصلت لنا أسماء محفوظ وأنضمت لنا مثلا.....لازم في أنصاص الليالي...لازم
لازم نسأل ونتسأل هي بتعمل ايه في انصاص الليالي
وفي فتاه محترمة في مصر بتنزل من بيتها في أنصاص الليالي ...لازم يعني ياسكسكة أنصاص الليالي..
بلاش حقد ..بلاش حقد هو أنت لازم تسافري سويسرا وفرنسا زي أسماء محفوظ يا أما تقولي أنصاص الليالي يا ستي الامورة العروسة متعودة علي التوقيت الاوروبي..طب أنت محلية لكن هي عالمية لاتفرق معها أنصاص ليالي

hardway said...

لقينا اسماء محفوظ جاية لنا في انصاص الليالي وباتت معانا
............................................
قلبك أسود جدا ياسكسكة....مش أبيض أبدا.....ليه كده
لازم الفضايح ..كل جملة فيها حته كراهية ده أنت مش عندك لسانين اتنين فقط أنت عندك خمسين لسان أسود
كان ممكن تقولي وحضرت ووصلت لنا أسماء محفوظ وأنضمت لنا مثلا.....لازم في أنصاص الليالي...لازم
لازم نسأل ونتسأل هي بتعمل ايه في انصاص الليالي
وفي فتاه محترمة في مصر بتنزل من بيتها في أنصاص الليالي ...لازم يعني ياسكسكة أنصاص الليالي..
بلاش حقد ..بلاش حقد هو أنت لازم تسافري سويسرا وفرنسا زي أسماء محفوظ يا أما تقولي أنصاص الليالي يا ستي الامورة العروسة متعودة علي التوقيت الاوروبي..طب أنت محلية لكن هي عالمية لاتفرق معها أنصاص ليالي

Unknown said...

عزيزي البلوفر ,,, Game over
والله يا فندم كل كلمة وحكمة سيادتك بتطلع تقولها وتتحفنا بيها بتأكد اللعبة الوسخة اللي رمتك علينا مرة تانية ومبروك عليك الكرسي يا برنس وربنا يعوض علينا في جزمنا ...
مهما مرسي واخوانه واللي هيأيدوه حتي من الناس اللي عمرها ما ايدت الاخوان كنا هنعمل في نفسنا عمله هباب ونستحملكم بدل ما تحصل كارثة وييجي الشفيق بس الحمد لله خلصت ومبروك علينا الفريق ومبروك عليه توكيل الجزم اللي هيفتحه بعد أسبوع واحد !!!
لأن الساده الاخوان مش عاوزين يعقلوا ويركبوا المركب الصح مرة واحدة بس , ولما لا قدر الله مرسي يسقط برغم ان الانتخابات اللي فاتت كان فيها 14 مليون صوت ضد النظام زي ما هما بيفكروا هيرجعوا تاني .
ولو اتكلموا ولا البرلمان فكر هيحل المجلس بالقانوووووووووون .
وطبعا عدم العزل عند المقدرة مش عيب وبالقانوووووووووون ..
يعني هيرجعوا الميدان غصب عنهم تاني وهنبقي في الهوا سوا !!!
يا ناس يا اخواننا احنا معاكم انتم وغيركم من المصريين ايا كانت ديانتهم او لهجتهم او . طول ما انتم مظلومين واصحاب حق بلاش تضيعوه وتشتركوا في انتخابات انتوا عارفين نتيجتها وبعد النتيجة تطلعوا تقولوا قانون العزل او انها مزورة ومنيلة بستين نيلة لأن ساعتها هيبقي شكلكم ايه ؟؟؟
في ناس كتير قوي في البلد بتفهم وبتفكر وبتفتكر وبتعرف تميز المواقف والتصرفات الغلط من الصح !!!
واهلا بالفريق موحد الميدان والقوي والتيارات كلها في الميدان ...
بلا انتخابات بلا رئاسة بلا دستور بلا قلة قيمة ...
هو صيف باين من أوله ...

garahamira said...

تصدقى بالله انتى احقر انسانه شيعيه شفتها فى حياتى بس هقول ايه مانتى طالعه لامك الشيعيه وابوكى الحشاش وصدقينى هيجى يوم ويمسكوكى تلبس فى قضيه دعاره من اللى انتى بتحبيها

garahamira said...

انا عارفه انك مش هتقدرى تعرضى التعليق لكن انا على استعداد انزلك فيديوهات ليكى صوت وصوره تهوس

hardway said...

موزا....موزا.....بعد أيام من الأضراب عن الطعام
طالعة في الجزيرة مباشر مصر ..فرس..حصان...
موزا ..موزا

Anonymous said...

طيب أنتم يعني تتعرضون لاهانة كبيرة، سأتخيل الحوار التالي أيام الثورة

رجل المجلس العسكري 1: نعمل ايه بقى في الشعب
رجل 2: ايه رأيكم نضربهم بالدبابات و السواريخ
رجل 3: ايه و نصرف المبالغ دي عليهم، مايستاهلوش، دول شوية اغبيا حندحك عليهم بالديمقراطية يلي هم عوازينها.
رجل 2: تقصد ايه؟
رجل 3: نشيلك الواد داه حسني و نجيب بداله، ايه رأيكم بالمشير طنطاوي أهو تغيير وجوه و يمشي الحال.
رجل 1: و إذا فهموا اللعبة؟
رجل 3: في كم واحد بداله جاهزين، و النظام كلو في جيبنا و أمريكا و اسرائيل بيدعمونا، إلا ما ما نجيب واحد مننا، و بالديمقراطية يلي هم عوزينا، و نضحك عليهم، بالحرية و الديمقراطية هههه شعب اهبل سدقني.
رجل 2: هم اغبيا للدرجة دي؟
رجل 3: آه و بكرا تشوف، و حاثبتلك، انت فاكرهم زي بتوع ليبيا و سوريا.
رجل 2: و طيب لو طلعو زي ليبيا و سوريا، نعمل ايه؟
رجل 3: امرنا لله بقى، نضربهم بالدبابات و السواريخ و الكيماوي لو اضطرينا.

Anonymous said...

شكراً ع الموضوع .... :)


Wohnungsräumung

AlExAnDeRrRrR said...

شكرا على الموضوووووووووع

مزيكاتوداى دردشة شات مدونة