Thursday, 13 October 2011

لازم كلنا نروح نشهد

تحديث:
المركز القومي لحقوق الانسان بيستقبل الشهادات ومقره:
ش التحرير بالدقي، عمارة سينما التحرير، الدور 14
موجودين يوميا ويوم الجمعة كمان من الساعة 11 وحتى الساعة 7 مساء
--------
للاسف قضية ماسبيرو اتحولت للقضاء العسكري.. بس هم طالبين شهادات الناس والادلة اللي عندهم
لازم نروح كلنا نشهد، اللي حضر حاجة لازم يشهد بالحق مش كفاية انك كتبت شهادتك ونزلت الفيديوهات، لازم تشهد قدام القاضي، ولا تكتموا الشهادة ومن يكتمها فإنه آثم قلبه
عشان الناس ممكن تقلق من موضوع القضاء العسكري ده
المركز القومي لحقوق الانسان بيجمع الشهادات، رجاء الاتصال بالاستاذ نبيل شلبي
01001889317
او الاتصال بالمركز المصري للحقوق الاقتصادية والاجتماعية لانه ماسك القضية


العنوان : 1ش سوق التوفيقية - الدور الرابع - وسط البلد - القاهرة تليفون :25783076

26 comments:

ماجد الجلاد said...

عاوزين نحاكم مبارك أمام القضاء الدولى ونرفع قضية ضد المشير وحمدى بدين بقتل المدنيين دى جرائم ضد الإنسانية وقوانين البلد المحلية مالهاش لازمة ومش هتاكل مع ولاد الشرررنوبى دول

سميه مقلد said...

https://www.facebook.com/photo.php?fbid=301585146523207&set=a.236171739731215.77872.195322487149474&type=1&theater

أبو أمك said...

أنا شهادتي بكالوريوس تجارة تقدير جيد..تنفع ؟

hardway said...

نرنر..مسكينة هو أنت لاتعرفي أي شئ في الدنيا الا المركز القومي والمركز المصري
لحقوق الانسان .
نرنر ...مسكينة هو أنت لاتعرفي أي شئ في الدنيا الا الشهادات والتوقيعات و يلا علشان ننزل ويلا علشان نروح التحرير ويلا نروح ماسبيرو ويلا نعتصم ونام في الخيام
لاتعرفي مركز قومي للزراعة..مركز مصري للصناعة..لاتعرفي يلا ننزل القري والنجوع
نعلم الأميين..يلا ننزل لأرض نزرعها..لمصنع ندور مكنه.. لمركز خدمي نرتقي بخدماته.. يلا ننزل للناس نرفع مستوي ثقافتهم السياسية....لكن كيف تعرفي ذلك وأنت ما الا شتامة هجامة

hardway said...

نرنر ...حالا والآن شوهد ثلاثة من ثورجية
التحرير المعروفين جدا طالعين شقة مفروشة بمدينة الرحاب ومعهم فتاتين فقط!!!!!!!!!
هي شقق العجوزة أتلغت ولا أيه خسارة مع انها كانت قريبة جدا من التحريرولا يشعر أحد بغيابهم ولا شقق العجوزة موجودةفي وقت المليونات فقط

متفائل said...

لن تؤدي هذه الشهادات إلى شيء يذكر (وفروا تعب رجلكوا) .. الليلة الغم دي كانت كلها يغمه ولغوصه .. جيش على مسيحيين على فلول على بلطجية على ناس جاية تتفرج على ناس جايه تساعد دول أو دول أو دول ... ثم شهادات أيه وزفت أيه ؟ .. الموضوع في منتهى البساطة : هما الناس اللي ماتوا دول والطب الشرعي بيقول إنهم ماتوا بالرصاص الحي مش ممكن نطلع الطلقات من أجسادهم ؟ عظيم .. بعد كده نشوف هذه الطلقات من أي نوع ؟ .. أهي من النوع شائع الإستخدام لدى الجيش ؟ أو الشرطة ؟ أو البلطجية ؟ أو .. أو .. أو .. وبكده الميه تكدب الغطاس

abumazen said...

ان شاء الله لا يضيع حق وراءه مطالب بس نصيحة لوجه الله اوعى تدى امان لحد وخصوصا الكدابين المنافقين عايزيننسختين او تلاته من كل دليل عشان لو نسخه اتحرقت اتسرقت اتبخرت يكون فيه نسخة احتياطيه...ربنا يوفقكم وتجيبوا حق الشهداء

arabian_faithful said...

طيب أنا و الله العظيم مش عارف أصدق مين بس بصراحة حضرتك من ضمن الناس اللى بأصدقهم فلو ممكن تقوليلنا أيه اللى حصل على الأقل اللى شفتيه :(

patata said...

"منقول عن الكاتب جمال سلطان
المتأقبطون من العاملين في فضائيات فلول مبارك.. ينتهزون الفرصة لـ"تأديب" الجيش لتخليه عن سيدهم وحامل الشيكات في قصور الرئاسة قبل طرده منها يوم 11 فبراير الماضي.. ما يحدث على تلك الفضائيات جريمة كبيرة.. ومؤامرة أكبر وأخطر على سلامة الوطن.
لم يتحدث واحد منهم عن "كهنة الدم" و"قساوسة الكلاشينكوف".. و"آباء الذبح" الذين هددوا محافظ أسوان نفسه بـ"القتل" .. شر قتلة إذا لم ينزل عن مطالبهم الطائفية.
لم يتحدث أحد من "شبيحة الفضائيات" عما نقلته "الحرة" الأمريكية.. والتليفزيون الألماني.. من مشاهد سحل ضباط الجيش وجنوده أمام ما سبيرو على يد جحافل التطرف والإرهاب المتهور.
النصابون اتشحوا بالسواد ولخصوا الموضوع في مذيعة مسكينة في التليفزيون الرسمي.. وانخرطوا في خطابات جنائزية مطالبين باقالة محافظ أسوان.. وليعودوا بنا إلى عصر العبودية حيث يقال هذا أو ذاك باشارة من "مطوة" كاهن أسوان أو "جنزير" فلوباتير.. أوكلاشينكوف رعايا التيار الشنودي المتطرف.
بعض "النصابين" طالب بتفعيل القانون.. ليس ضد كهنة الكراهية والفتنة والتحريض والأسلحة الآلية، وإنما على ضباط وجنود الجيش المجني عليهم والذين لم تجف دماؤهم بعد من على أسفلت الطرق المواجهة لكورنيش النيل!
القانون.. هو الحل ليس فقط على من شارك في الاعتداء على الجيش.. وإنما على كل من حرض على ذلك أو موله بالمال أو الدعم اللوجستي أو شرع في تضليل سلطات التحقيق الرسمية .. لا أحد فوق القانون سواء كان مسلما أو مسيحيا.. بابا الكاتدرائية أو شيخ الأزهر.. وليعلم أشقاؤنا من الأقباط الطيبين أن كل المصريين بلا استثناء لهم من المظالم والشكاوى ما تنؤ بحمله العصبة من أولي القوة، وأنه لا حل إلا بالالتفاف حول مشروع وطني للجميع وأن يكون القانون واحترامه وتقديسه هو الفيصل في نظر أية مظلمة.

patata said...

نصيحة أخوية: أنا ما زلت أعتقد ان عندك وطنية لكن لازم تبطلى تعيشى دور البت الجدعة بنت البلد لان دة ساعات بيخليكى على طول الخط فى صف الطرف الأضعف حتى لو كان هو اللى غلطان. بما انك صحفية الناس بتقرا لك وتتأثر بكلامك لازم تتحرى الموضوعية و تبحثى عن الحقائق من مصادر محايدة و دة متاح كتير منة على النت من القناة الألمانية وقناة الحرة اللى بتتهم بعض المشاركين فى مظاهرة ماسبيرو بالاعتداء على الجيش و قتل عساكر نتيجة الضرب المبرح أو الحرق داخل المدرعات كمان عمار على حسن شهد انه شاف بنفسة خزنة سلاح واحد من العساكر فيها رصاص فشنك وكمان شهادة بولص رمزى و غيرهم كتير. دة غير فيديوهات ألآباء المسالمين اللى بيسخنوا الناس و يهددوا بالقتل و اللى بيفهموا الأقباط ان المسلمين غزاة و مستعمرين. أنا مستغرب انك تجاهلتى كل دة

moo said...

انتى حاتفضلى فاتحة باب المضيفة وقاعدة عند تويتر كدة كتير انا مش بعرف الاختصار بتاع تويتر ده عاوز ارغى معاك شويه ياريت ترجعى وسلام

ملكش دعوة said...

الف تحيه للمجلس العسكري وارجو من الله ان يتغمد شهداء الجيش البواسل برحمته الواسعه
ولا عزاء للمنبطحين

admin said...

thank you

http://www.jarditmisr.com/

admin said...

it is fantastic
http://www.fekerjadeed.com/

علان العلانى said...

حسنا لابد من عمل ايجابي من حيث الأجراءات بالشهادات القانونية والموثقة عن حادث ماسبيرو ولكن ما حدث ويحدث يطرح سؤال مشروع عن روح الثورة

إن خلق حالة من الاعتياد على تجاوزات المجلس العسكري ثم اللجوء إلى قانونه العسكري بغرض تجنب الوقوع في الفتنة وانهيار الدولة والصدام مع الجيش هو فى حد ذاته فتنة ناعمة يفتنوننا بها ونفتن بها نحن أنفسنا، وهذا هو القانون غير المكتوب بين الفرعون ومفرعنيه. فمن منا لم يكن يعرف عن المخلوع ونظامه ما يعرفه الأن؟ ولكنه الصمت والعجز يتبادلان الأدوارمتنكران في ثوب الحكمة واقعان تحت صنمين من خوف أحدهما وهم سقوط الدولة والثاني وهم الاصطدام بالجيش. ولكن هل كان لنظام المخلوع دولة ذات مؤسسات أصلا؟ إن شهادات معظم الضالعين فى تأسيس هذه الدولة ومنذ قيام حركة الضباط الأحرار مبذولة وموثقة بدقة تؤكد أن دولة المؤسسات لم تتحقق في مصر حتى الأن، وهذا الحراك الشعبي غير المسبوق فى تاريخ مصر هو ثورة لإعادة بناء دولة جديدة تحكم بمؤسسات قانونية لا بإفراد وعصابات وتنظيمات قمعية. والشعب المصري يملك القدرة والكوادروالعقول والموارد لإنجازهذه الدولة ولكن المجلس العسكرى سوف يظل يسأل عن لون البقرة وعن هيئتها وعن علامة هنا وعن أمارة هناك وعن صكوك ملكية البقرة وسيظل يعنعن لأنه لا يريد شهادة الميت متشبها في ذلك بالعقل الصهيوني المماطل.

http://baynalkitabah.blogspot.com/2011/10/blog-post.html

علان العلانى said...

حسنا لابد من عمل ايجابي من حيث الأجراءات بالشهادات القانونية والموثقة عن حادث ماسبيرو ولكن ما حدث ويحدث يطرح سؤال مشروع عن روح الثورة أن خلق حالة من الاعتياد على تجاوزات المجلس العسكري ثم اللجوء الى قانونه العسكري بقضاء تمام يافندم أو" ناب مبارك الثاني" المدني" بغرض تجنب الوقوع فى الفتنه وأنهيار الدولة والصدام مع الجيش هو فى حد ذاته فتنه ناعمة يفتنوننا بها و نفتن نحن بها أنفسنا وهذا هو القانون الغير مكتوب بين الفرعون ومفرعنيه، فمن منا لم يكن يعرف عن المخلوع ونظامه ما يعرفه الأن ولكنه الصمت والعجز يتبادلان الأدوار متنكرين فى ثوب الحكمة واقعين تحت صنمين من خوف أحدهم هو وهم سقوط الدولة والثاني هو وهم الخوف من الاصتدام بالجيش
http://baynalkitabah.blogspot.com/2011/10/blog-post.html

ملكش دعوة said...

كان نفسي اشوفك المره دي بتبوسي رجل شنوده عشان يصفح عن الجيش وتقوليله معلش يا سيدي جهله ميعلموش
هو انتي مبتقريش التاريخ ليه يا ست الكتكوته ... بيقري ميكي وصمير بس .. مش كده
اقري يا ست البنات تاريخ البوسنه والصرب وانتي تعرفي ان تصرف الجيش كان اقا مما يجب
صحيح ... كوز المحبه اتخرم ومعدش فيها لحام

اخبار مصرية said...

كلامك صح
بس مين يسمع ومين يعمل
للاسف كله وقت الجد بيخلع

بهيج الشرير said...

شفتي ياأبلتي! قبضوا على الواد عبد المسيح إبن شفيقة القبطية

احلام جوليا said...

خرج اكبر مسئول في البلاد ليقول في اشهر برنامج جماهيري ستصبح كارثة اذا ظلت الاعتصامات اثناء الانتخابات تاني يوم ضربت الاعتصامات كل ارجاء البلاد ما هذا؟؟؟؟؟؟؟؟ ببساطة اسهل وابسط حيلة المسئول المحترم يوجه الناس للاعتصامات لماذا؟ في نظر الناس لان الاعتصام في وقت حرج سيجبر الحكومة على تنفيذ مطالبهم ولكن الحقيقة وسبب مقولة المسئول هو دفعهم لايقاف الانتخابات تماما ببساطة وبدون مواربة نفس حيلة صناديق الاستفتاء اللعين اقنعوا الناس ان نعم تعني الاستقرار يا للحماقة كيفة تعني نعم الاستقرار اذا كنت ستؤخر عمل الدستور فما سيحدث ان الحكومة ستخرج عليك كل شهر بقانون جديد لان مفيش دستور اساسي ولا قانون حتلعب الشعب على الشناكل قانون سلطة قضائية يغضب المحامين وينشر الاعتصام والمظاهرات وعندما تبدا الامور تهدا يخرج بقانون اخر قانون دور العبادة وبه خطا صغير فيعترض من يعترض وعندما يهدا الناس تخرج بثالث وهكذا فلا يهدا الشارع ابدا وكلما ثار الشارع وزاد الاعتصام والمظاهرات فان الانتخابات تتأخر وتتأخر والست شهور الموعوده بقت سنة والسنة بقت اتنين والناس العادية تكره التظاهر وتأيد المجلس وتقول خلوا المجلس دول عاوزين حكم عسكر محدش حيقدر عليهم وهكذا المجلس طيب المجلس حليم المجلس مش عاوز يتعامل معهم بعنف والسنه بقت 3 سنوات ولسه يتاخر مجلس الشعب وانتخاباته فتتاخر كمان انتخابات رئيس الجمهورية ونوصل لخمس او ست سنين البلد في فقر وفوضى وحروب صغيرة والحرامية بيستنزفوها والسلاح والمخدارت في ايد الكل والاخوان يقولوا للناس قولوا نعم علشان الدين يا للغباء نعم وما جرته علينا هو استمرار لسنوات في الحكم العسكري وتهريب باقي الاموال وستستمر ماذا اذن لو قال الناس لا كان زمان الدستور قارب على الانتهاء منه وبعدين بدانا على طول مجلس الشعب والشورى ثمر رئاسة الجمهورية في سنة وبالكتير سنة ونص كنا بقينا دولة وحكومة من جديد لكن ازاي كل العباقرة كانوا فاكرين ان نعم هي الحل يا للغباء كنتم عاوزين ايه تبنوا عمارة من غير اساس ازاي مجلس شعب من غير دستور يا اغبياء

admin said...

امته بقي هيبقي في قضاءبجد

www.alsadiqa.com

أبو هاجر said...

ست الكل مساء الخير

إيه رأيك تغلقي المدونة نهائيا لأننا يوميا رايحين جايين .لقد أصبحنا على أبواب العبث و اللا جدوى

ملحوظة
نحن قابلينك كما أنت ،يعني كلك على بعضك: بجنونك وجمال عيونك

المواطن مصري said...

نوارة انتي ما بتكتبيش على المهازل اللي بتحصل في البلد ليه؟
ما بتكتبيش عن الثورة اللي هتروح اونطة ليه؟
انا كل ما بفتح المدونة ملاقيش حاجة جديدة مكتوبة بيجيلي احباط و بحس اننا لبسنا في الحيطة و محدش هيطلعنا منها لأننا هنتدفن فيها
... الحقونــــــا

حسن محمد على said...

كل سنة وانتى طيبة يا نوارة واتمنى ان تكونى فى اسعد حال.

arabian_faithful said...

سلام عليكم

وحشتنا خالص خالص خالص و ياريت ترجع تكتب تانى للناس اللى بيحبوا يقرولك و بيستحملوا كل كلامك المنيل ده ^_^

الحسام المصري said...

يا نوارة اكتبي تاني عيب عليكي انا اتعلمت التدوين منك